Post: #1
Title: يا بكري ألحق... دي خسارة كبيرة
Author: محمد السر
Date: 05-23-2005, 02:29 AM
وداعا
|
Post: #2
Title: Re: يا بكري ألحق... دي خسارة كبيرة
Author: محمدين محمد اسحق
Date: 05-23-2005, 05:13 AM
Parent: #1
Dear Mohamad ..If it happened .... it will be great lost to the board ....
|
Post: #3
Title: Re: يا بكري ألحق... دي خسارة كبيرة
Author: محمد السر
Date: 05-23-2005, 12:06 PM
Parent: #1
محمدين محمد اسحق
فعلاً خسارة لأن د. بلة من حكماء هذا البورد
فهل بكري مستعد لخسارة بهذا الحجم؟؟؟؟
|
Post: #4
Title: Re: يا بكري ألحق... دي خسارة كبيرة
Author: قصي مجدي سليم
Date: 05-24-2005, 05:52 AM
Parent: #1
إنت عارف يامحمد.. أنا مرات بحس إنو الزول لو طلع أخير..
يعني دكتور زي دكتور بله او زي دكتور بولا أو او او
لمن يقعد يرد على (ساقط القول) مثلا (ده رغم انو موضوع دكتور بله مختلف شويه) لكن برضو بعتقد أنو الواحد مرات بلقى إنو في ناس ما بحترموا ولا بقدروا الزول البتكلم... يعني إنت كصاحبي ما ممكن أتكلم معاك زي ما بتكلم مع (دكتور بولا) لأنو في حاجات كتيرة الواحد بخت ليها إعتبارو(السن، الفارق التعليمي، المجهود الانساني الخ الخ) يعني لو واحد مثلا ما كان علمي تقوم تقدر ليهو جهودو التانية، لو ما كان عندو جهود قدر ليهو سنو وكده..
لكن تلقى واحد شافع يتطاول على قامات كبار دون إحترام لي اي سن ولي اي جهود ولي أي درجات علمية ولا لي أدب الحوار زاتو، والله بتبقى كبيرة شوية وطعمها ماسخ وما بتنبلع..
نحن في ناس كنا بنسمع بيهم سمع وعرفناهم عن طريق البورد وتلقاهم مرات في نص شكلة (مع زول صغير، ولا زول ما عندو أي علاقة بيهو من أي ناحية) والله جد جد تتمنى إنو كان ما لاقيتو في البورد من أساسه.. يعني إتخيل معاي دكتور منصور خالد ولامين ليك فيهو الجماعة إياهم(هاهاهاهاهاهاهاهاهاهاهاهاههاهاهاهاهاهها) والله تبقى نكتة عديييييل...
دكتور بله خسارة طبعا وبولا خسارة ونجاة خسارة وكثيريين هم الخسارة .. لكن برضو نرجع ونقول البورد حقيقة (عكس السودان الان) عكس اسباب اضمحلالناوتدهورنا وتردينا في كل المجالات، ورانا الى اي مدى اصبحنا بعيدين عن قيم وشيم المجتمع القديمة، وأظهر لينا مقدار (التخريب) اللي وقع على شخصية الانسان السوداني ..
مارقين ماشين وين يا دكتور؟؟؟
المعركة يادوووب بدت ... ولو طلعت من البورد ده في مليون بورد زيو ما حنقدر نطلع منهم في بورد الجبهة الاسلامية، في بورد بيوت الامن، في بورد الجامعات والمستشفيات والحافلات الداخلية والبصات السفرية، في بورد المصالح الحكومية وبورد ناس الحركة وناس البوليس وناس الجيش، في بورد البلاقوك ماشي مع مرتك واقولوا ليك الموقفك هنا شنو في بورد (السودان) المليون ميل .. (وين حنهرب منو وين)؟؟؟؟؟؟؟؟؟؟؟
|
Post: #5
Title: Re: يا بكري ألحق... دي خسارة كبيرة
Author: محمد السر
Date: 05-25-2005, 02:49 AM
Parent: #1
| Quote: التخريب اللي وقع على شخصية الانسان السوداني .. |
بالضبط يا قصي دا التخريب الأساسي الحصل في السودان
ومعاك أناشد د. بلة المواصلة
|
|