تواصل خريجي مدرسة المؤتمر الثانويه.............

تواصل خريجي مدرسة المؤتمر الثانويه.............


05-22-2005, 10:04 PM


  » http://sudaneseonline.com/cgi-bin/sdb/2bb.cgi?seq=msg&board=80&msg=1116795843&rn=7

Post: #1
Title: تواصل خريجي مدرسة المؤتمر الثانويه.............
Author: Elnasri Amin
Date: 05-22-2005, 10:04 PM
Parent: #0

ناس محمد حسين ما احسن مننا......

تواصل خريجي مدرسة محمد حسين الثانويه ..............

كنا دائما بنغلبهم فى دورة المدارس ...


نحن مؤتمر الخريجين و رمز الاستقلال...


ناس التقدم و النصر و تلودى ما يجونا بجاى
خليهم قاعدين بهناك

ناس الاحفاد ممكن يجو لو دايرين

كدى نشوف اولادنا فى البورد ده منو!!!
Post: #2
Title: Re: تواصل خريجي مدرسة المؤتمر الثانويه.............
Author: ali elhassan
Date: 05-22-2005, 10:13 PM
Parent: #1

ناس محمد حسين ما احسن مننا......


يعنى ناس الموتمر احسن مننا......


انحنا برضو حنعمل واحداسمو

تواصل خريجى الاهلية الثانوية امدرمان......
Post: #3
Title: Re: تواصل خريجي مدرسة المؤتمر الثانويه.............
Author: Unabomber
Date: 05-23-2005, 00:51 AM
Parent: #2

عوافى يالنصرى

أخوك اليونابومبر خريج المؤتمر دفعة 88-89 و كان ناظرنا أستاذ حسن سلك
Post: #4
Title: Re: تواصل خريجي مدرسة المؤتمر الثانويه.............
Author: Ahmed Alrayah
Date: 05-23-2005, 01:26 AM
Parent: #3

سلامات يا نصري
درست في المؤتمر الثانوية بين عامي 92 و 95.
معاي أخوي ممكن يشارك؟

أحمد الريّح
Post: #5
Title: تواصل خرجي مدرسة الموتمر
Author: ALMURADABI
Date: 05-23-2005, 04:05 AM
Parent: #1

الموردابي خريج الموتمر دفعة 88-89 والناظر كان حسن سلك الله يرحمو ودفعتى حسن زمراوي وسلام لكل طلبة الموتمر
Post: #7
Title: Re: تواصل خرجي مدرسة الموتمر
Author: حسام يوسف
Date: 05-23-2005, 04:32 AM
Parent: #5

الاخوه خريجي مدرسة الموتمر
التحية لكم ومع اجمل الامنيات لكم
Post: #6
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 05-23-2005, 04:31 AM
Parent: #1

النصري
فكرة رائعة ... تذكرنا بالأيام الخوالي والجميلة والمدهشة
اخوك خريج مدرسة المؤتمر عام 88 ـ 89
Unabomber
ALMURADABI

يعني احنا دفعة يا شباب ويا ALMURADABI حسن زمرواي زميل واخ عزيز من ايام مدرسة ابو كدودك المتوسطة فهل تذكرني ؟؟؟؟
Post: #10
Title: Re: تواصل خريجي مدرسة المؤتمر الثانويه.............
Author: tmbis
Date: 05-23-2005, 08:45 AM
Parent: #6


النصري
سلامات

ذكريات الثانوية من اجمل المراحل..
في كل مرة كنت بنتظر اللمح لي اسم أو مداخل لي اي عضو يلمح لي مدرسة وادي سيدناالثانوية بس الظاهر لي مافيش .
بالرغم من أنو المؤتمر الثانوية مدرسة الحلة ومرتعنا الخصيب ( للتمر هندي ) ( والصارقيل ) ايام البحر ومغامرات ( ابوطويلة ) الحارث ومجموعة الكلاب المدربه وبالرغم من انو كان طلعت في راس بيتنا ممكن اشوف المؤتمر
معظم دفعتي بالمرحلة الابتدائية والمتوسطة درسو الثانوية بالموتمر .. وانا حسع لحدي الآن ( منشن ) علي اتنين ( الموردابي ) وود العباسية ديل مضمونين في الجيب .. والظاهر لي ح ( يخموك ) ساكت ويستلمو منك البوست ..


ASHRAF ABUELHASSAN
غايتو يا اشرف انا بقرتح انو اسمك الكامل ( اشرف حسين ابوالحسن ) من بدري اسمك ده جايط لي في راسي وعايز اسالك لكن ما لقيت لي فرصة ..
حاول تتذكرني .. واتذكر معاك بالمرة ( المرحوم معتز صلاح الجامعة الاهلية ، ومرتضي إبراهيم ، وناصر آدم ، وعبد الرحيم نورالجليل ، وجعفر عبد الحافظ ،،، وياسر عبد المنعم وعلاءالدين ( بطه ) وديل كلهم دفعة ابتدائي الرشادالابتدائية..
Post: #11
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 05-23-2005, 09:07 AM
Parent: #10

علا يونس
عرفتني لكن .....
ياني اشرف حسين ابو الحسن يا تمبس يا ود الموردة
كيفك وكيف احوالك ....ويا حليل تلك الايام ....
وكل الناس الذكرتهم ديل مذكرهم شديد
وعبد الرحيم نور الجليل التقيتو قبل سنة في السفارة السودانية بجدة
تحياتي واشواقي
Post: #13
Title: Re: تواصل خريجي مدرسة المؤتمر الثانويه.............
Author: tmbis
Date: 05-23-2005, 09:33 AM
Parent: #11


اشرف حسين

ايوة كده مظبوط ياخ .. الواحد لسه حريف
يعني يا اشرف من التمنينات الواحد ما يلاقيك والله فعلا البلد ضيقة..
شوف لي معاك عبد الرحيم تلفوناتو ، ايميل يا اي حاجه

اتصالك ريحني كمان .. اقتراحي التاني يا اشرف تكون ( بتغسل وشك من نص راسك ) ما تزعل طبعا الصلعة دي للعباقرة بس..
Post: #17
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 05-23-2005, 10:06 AM
Parent: #13

تعرف يا تمبس
لازلت احتفظ بشعر كثيف وبالتفة التي في مقدمة راسي
بس الشيب كتر والكرش بقت كبيرة ... قول ماشاء الله

عبد الرحيم مع الاسف ما عندي ليه أي عنوان ومفروض يكون في السودان
Post: #18
Title: Re: تواصل خريجي مدرسة المؤتمر الثانويه.............
Author: tmbis
Date: 05-23-2005, 10:34 AM
Parent: #17


Quote: لازلت احتفظ بشعر كثيف وبالتفة التي في مقدمة راسي

انت يا اشرف كضبك ده ما عايز تخليهو ؟؟

تتخيل كنت محتفظ بصورة سنة اولى ابتدائي ،، مناظر غريبه جدا كل الاشكال ما مغريه انو يطلع منها دكتور يا مهندس ..
طبعا في الصف الفوق الواقفين بتذكر كان العتاولة بتاعين الكنبه الاخيرة ، فيصل فرج ، ومجدى ابوسبعه بالاضافة لي استاذ عباس ، واستاذ عبد الله ،، بتذكر في اقصى اليسار مرتضي ابراهيم والمرحوم معتز وانت انا علي الناحية الشمال ومعاي طبعا محمد عبد القادر وعبد الرحيم..
طبعا يا اشرف فقدت الصورة في ظروف غامضه جدا .. ياريت لو عندك منها نسخة تكون بالغته..

طبعا مسالة ( الكرش ) ( والشيب ) دي عادية ما تتوتر منها المهم الاخلاق
Post: #28
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 05-24-2005, 04:10 AM
Parent: #18

Quote: تتخيل كنت محتفظ بصورة سنة اولى ابتدائي ،، مناظر غريبه جدا كل الاشكال ما مغريه انو يطلع منها دكتور يا مهندس ..


هذه الصورة يا تمبس مطبوعة في ذاكرتي بشكل غريب
وهي موجودة عندي بس مع الاسف في السودان
Quote: طبعا مسالة ( الكرش ) ( والشيب ) دي عادية ما تتوتر منها المهم الاخلاق


حليل زمن الرشاقة والوجاهة
Post: #62
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 06-05-2005, 03:48 AM
Parent: #28

ياتمبس



ده صورة لطلاب ابوكدوك المتوسطة كده عاين بتعرفهم
Post: #64
Title: Re: تواصل خريجي مدرسة المؤتمر الثانويه.............
Author: ASHRAF ABUELHASSAN
Date: 06-05-2005, 09:23 AM
Parent: #62



انشاء تكون ظاهرة يا تمبس
Post: #8
Title: Re: تواصل خريجي مدرسة المؤتمر الثانويه.............
Author: Osman Malik
Date: 05-23-2005, 05:46 AM
Parent: #1

Osman Malik
83-84
Post: #9
Title: Re: تواصل خريجي مدرسة المؤتمر الثانويه.............
Author: ودالعباسية
Date: 05-23-2005, 07:43 AM
Parent: #8

الاخ النصري ،،

تحياتنا ،، وفكرة جميلة جدا

انا من خريج المؤتمر ،، وبرضو كان الناظر حسن سلك الله يرحمه وكان

استاذ الانجليزي د. ابو واساذ حامد بتاع الرياضيات ،

انا اتخييل لى دفعة الشباب ناس اشرف ديل لانى برضو من ابو كدوك والمؤتمر،،

لكن يا خوانا سمعته انه المدرسة ح يبيعوها ؟
Post: #12
Title: Re: تواصل خريجي مدرسة المؤتمر الثانويه.............
Author: Khalid Eltayeb
Date: 05-23-2005, 09:16 AM
Parent: #1

النصري اخوي

زول قبلوه في المؤتمر لكن حول امدرمان الاهلية ينفع تتواصلوا معاه ولا أنا وعلي الحسن نقوم نعمل لينا بوست ...

الاهلية مدرسة .. انجيلية ايه ؟؟ مع الاعتذار لزملاء الانجيلية خاصة عبده الشيخ الذي هزم هو و ميرغني سكر الاهلية في دورة المدارس( في سبعينات القرن الماضي) بعد أن كنا متقدمين 3 - صفر ... بعد تلك المباراة سجل عبده الشيخ في المريخ وميرغني سكر و مصطفي سيماوي ( من الاهلية) في الهلال ..

كانت قد راودتني فكرة في زمن سابق أن أكتب عن الاهلية تلك المدرسة العريقة وعن مؤسسيها و الشخصيات المشهورة التي خرجتها و البوست ده سوف يشجع تلك الفكرة خاصة وقد ظهروا اولاد الاهلية ... و كمان ممكن نمجد مدرسة أبوكدوك المتوسطة ... و الرشاد الابتدائية ياتمبس ..

فكرة جميلة فكرة التواصل !!!

سوف " اتاوق" من وقت لآخر ..

خالد
Post: #14
Title: Re: تواصل خريجي مدرسة المؤتمر الثانويه.............
Author: tmbis
Date: 05-23-2005, 09:39 AM
Parent: #12


خالد الطيب ..
كيفنك ؟؟

والله ذكريات المدارس دي بتحتاج ليها كل يوم بوست يتكتب بي مزاج .. الابتدائية احتمال الواحد يكون ماسح فيها حاجات كتيرة لكن كل لحظة بيطمع انو يقابل الزملاء..
انا ح اعمل زيك ح اكون ( مشرك ) في بوست النصري ده وانا متأكد اني بطلع لي بي حاجات كويسه
Post: #15
Title: Re: تواصل خريجي مدرسة المؤتمر الثانويه.............
Author: بهاء بكري
Date: 05-23-2005, 09:57 AM
Parent: #1

عزيزي تمبس ........... شوف لينا الرشاد كمان وطبعا انا دفعتكم لكن زاملت صديقي عمر منصور بالغلط
Post: #19
Title: Re: تواصل خريجي مدرسة المؤتمر الثانويه.............
Author: tmbis
Date: 05-23-2005, 10:39 AM
Parent: #15



يا بهاء بكري
Quote: وطبعا انا دفعتكم لكن زاملت صديقي عمر منصور بالغلط

طبعا يا بهاء نحن حقو يكتبو لينا مدرسة الرشاد بي اسم ابوى .. لانو كلنان درسنا فيها لما كنت في اولى كان عامر اخوي في تانية وعماد في خامسه وقبليها بي فترة طبعا اتخرج منها عمر وعبد الفتاح ..

عمر طبعا درس في المؤتمر وفي محمد حسين

انا طبعا دفعة عمو صديق الموج وسجيمان
Post: #16
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 05-23-2005, 10:02 AM
Parent: #1

النصرى امين
1978-1981
ابن حيان ,ابن سيناء وابن خلدون
اولاد دفعتنا الاصدقاء ياسر و اسامه سلمان جعفر.
دكتور عبدالباسط نجم فقرة " لا ياعزوز" فى برنامج
جنة الاطفال....
من لاعبى الكره نجم العباسيه حينها سلطان...
ما متزكر اى من الاساتذه(خرفنا)

على الحسن
منتظرين بوست الاهليه اصلو عندنا فيها حبان كتار جدا

ينوبامر
ما اظننا حضرنا الاستاذ حسن سلك لاننا اتخرجنا 81

احمد الريح
ممكن تجيب اخوك بس اوع يكون مريخابى


الموردابى
واضح من اسمك انك كنت بتفطر فى بيتكم كل يوم

حسام يوسف
شكرا للزياره و سنردها انشالله

اشرف حسين
اهو من اول يوم قبضت ذميلين

تمبس
احنا بنعطبرك من المولفه قلوبهم, بالله هو انتو البتسرقو
صارقيلنا.



عثمان مالك
احتمال نكون اتقابلنا فى الفسحه او ميدان الفولى بول.


ودالعباسيه
ما قلت لينا سنه كم!! اوع تلاوز


خالد الطيب
يازول انت ود البيت طالما اسمك نزل فى قبول المدرسه
مشكله الاهليه انو فيها سته فصول لكل دفعه بينما المؤتمر ثلاثه فقط
Post: #20
Title: Re: تواصل خريجي مدرسة المؤتمر الثانويه.............
Author: محمد عثمان الحاج
Date: 05-23-2005, 01:54 PM
Parent: #16

الظاهر في فيروس في ملفات ذاكرتي ولا يكون دي علامات الشيخوخة المبكرة الواحد قرب ينسى انو قرا الثانوي في ياتو مدرسة أخوكم محمد عثمان موسى الحاج المؤتمر الثانوية 1977- 1980 اذكر انو شاركنا في احتفال اليوبيل الفضي للمدرسة وبي كدة طلعت اعجز واحد فيكم......
Post: #21
Title: Re: تواصل خريجي مدرسة المؤتمر الثانويه.............
Author: بهاء بكري
Date: 05-23-2005, 02:06 PM
Parent: #1

تمبس يالذيذ .......... طبعا انا متذكر لغاية فتاح اخوك والدفعه في الحلة عمر منصور ونادر ابوالجيش ونادر عوض وحسين الحلبي ومحمد طيقور وعفيفي فتح الله واحمد حامد وامين ابراهيم والنزير وكمال محمدين ونزار احمد فضل الله وعبد المنعم انور ومجدي الطيب وامير ابوسليم وعقيل وحسام الصاوي ومعاوية ابوريده وكثيرون برجع ليك لما اتذكر , وانت لانك دغعة صديف الموج ماممكن اتذكرك , وللمعلوميه صديق الموج صديق للوالد ودغعة ابن عمنا حامد الذي نزل المعاش الاجباري من عشرة سنوات ودمت
Post: #22
Title: Re: تواصل خريجي مدرسة المؤتمر الثانويه.............
Author: Kostawi
Date: 05-23-2005, 02:27 PM
Parent: #21

عبده الشيخ الذي هزم هو و ميرغني سكر الاهلية في دورة المدارس

Ya Khalid
يا سلام علي الذكريات
أنا حضرت هذه المباراة....و ميرغني سكر (نحن بنقول ليه...ميرغني سمبر....و قد إلتقيت به في فرانكفورد--المانيا الغربية في ال80th ....

طبعا في زمنا التحويل من المؤتمر أو الأهلية أو محمد حسين ساهل جدا إذا و جدت واحد يرغب في التحويل.

مع تحياتي
Post: #40
Title: Re: تواصل خريجي مدرسة المؤتمر الثانويه.............
Author: tmbis
Date: 05-26-2005, 00:38 AM
Parent: #21


بهاء العزيز..
طبعا الشباب ديل فعلا كلهم اولاد الحلة .. وجزء منهم بتذكر فيهو طشاش طشاش .. القاعد فيهم في السودان والبره السودان ..
وطبعا احتكاكي الشديد مع نادر ابوالجيش ( ابوالشباب كلهم ) وطيفور طبعا في الكورة وعفيف فتح الله ..
Quote: وعبد المنعم انور

بلاي تتذكر عبد المنعم ده كان ( حريف ) كورة كيف ؟؟ يحاورك في كباية شاي
Post: #23
Title: Re: تواصل خريجي مدرسة المؤتمر الثانويه.............
Author: merfi
Date: 05-23-2005, 02:29 PM
Parent: #1

Kosta

Yakhi ma tastahbal

You are a graduate of Gordon College some time past century

Gir Gir Gir
Post: #24
Title: تواصل خريجي مدرسة المؤتمر الثانويه.............
Author: ايهاب مهاجر
Date: 05-23-2005, 04:45 PM
Parent: #1

كل التحايا لخريجى مدرسة المؤتمر الثانوية..
1985-1987 فى تلك الفترة اذكر الاستاذ الشهير بسلك كان وكيل
المدرسة والناظر لا اذكره تماما بس افتكر اسمو الاستاذ امين خضر الزين
كانت لتلك الفترة ومدرسة المؤتمر وقع كبير على مسيرة حياتنا
والنضج السياسى والفكرى لدينا ..فقد كان سقوط نميرى وقيام
الاحزاب فكان قيام الندوات السياسية واركان النقاش شى جديد علينا
و ايضا موقع المدرسة بلقرب من الجمعية التاسيسيه ومرور المواكب
من امام المدرسة واذكر فى احد الايام واثناء مرور موكب السيد
احمد الميرغنى صدر من بعض الطلبة اشارات غير لائقه فلم تمر ساعة
الا والمدرسة محاطة ب البوليس و تم منعنا من الجلوس فى حائط المدرسة
من اولاد الدفعة فى تلك الفترة الفنان وليد زاكى الدين وعازف الكمان
الرايع ذرياب برعى محمد دفع الله وجانا فى السنة الاخيرة صديق الصادق المهدى
وايضا محمد الحبر يوسف نور الدايم واحمد عوض احمد الخليفة ابن الشاعر
ومن الحسنات لمدرسة المؤتمر ان عرفتنا بشباب من جميع احياء امدرمان
العريقة والجميلة فكان الواحد حين يمر فى بانت اوالفتيحاب او العباسية
او الموردة حتى الى الملاذمين وبيت المال لا يشعر ب انو غريب على
الحى لوجود شباب من دفعتك او عاصروك فى مدرسة المؤتمر
تانى كل التحايا لخريجى تلك المنارة مدرسة المؤتمر
Post: #25
Title: Re: تواصل خريجي مدرسة المؤتمر الثانويه.............
Author: Agab
Date: 05-23-2005, 04:55 PM
Parent: #1

سلامات يا شباب
دفعة ٩١
أولي طـــــه حسين
ثانية زمخشري
ثالثة إبن حيان

سلك كان الناظر سنتين وأظن كبيدة السنة الاخيرة

الاساتذة
بابكر توتي
حسن لوز
أبــــــــــو
محمد عباس
مجدي بيز - أحسن من يجضم الكيمياء
وطبعاً الافاضل محبي الرياضيات
حامد كنان - أبوالقاسم - فضل السيد
بالمناسبة دفعتنا كانت من أكبر الدفع الدخلوا منها ناس تخصص الجامعات لا سيما الخرطوم والإسلامية

لكم جميعاً ولمن نسيت
شــــــــكراً جزيــــــــــــــــــلاً


فارق معانا بـــــــوش الموردة وبانت


ولكل طلاب المؤتمر
لك محبتي
وليدالعجب
Post: #26
Title: Re: تواصل خريجي مدرسة المؤتمر الثانويه.............
Author: Ahmed Alrayah
Date: 05-24-2005, 00:19 AM
Parent: #25

Quote:
الاساتذة
بابكر توتي
حسن لوز
أبــــــــــو
محمد عباس
مجدي بيز

يا عجب
في السودان أسماء الأساتذة ولعيبة الكورة والعازفين كلها زي بعض!! والسبب إنها كلها ألقاب يطلقها الطلبة أو المشجعين أو المعجبين.

ذكرى وفاء وود لأستاذي العزيز أبوالقاسم عثمان وهو بالمناسبة شقيق الكاتب المريخابي الكبير حاج حسن عثمان صاحب هذا المقال:http://almerrikh.com/hajhassan.htm

أحمد الريح
Post: #27
Title: تواصل خرجي مدرسة الموتمر
Author: ALMURADABI
Date: 05-24-2005, 01:56 AM
Parent: #1

حليل الموتمر وايام الموتمر


انا اولى على عبداللطيف - تانية طه حسين - ثالثة بن رشد

على ايامنا استاذ ابو واستاذ حبو واستاذنا يوسف الخليفة واستاذ ابوالقاسم

حليل فول عمك نور الدايم في الموردة المواليد حليل الفول مع زجاجة البيزيانوس ودك الحصص من الفطور وزوغة

تيمبس شايفك طوااااالي داكي

بهاء الدين انتا قريبنا بس ما بوريك كيف بس من طرف حاتم محمد محجوب


شباب في زول بيعرف شجرة الصدلنجية



هههههههههههههههه
حسن زمراوي بيعرفها





ود العباسية انتا ما دفعتى عديل
Post: #29
Title: Re: تواصل خرجي مدرسة الموتمر
Author: ودالعباسية
Date: 05-24-2005, 07:53 AM
Parent: #27

يا دفعة اخباركم ،،،

والله تمبس دا بعرفه عديل كدا لكن طبعا هو دخيل على المؤتمر دي يعنى اصحاب ،، اصحاب

اما الموردابى واشرف ديل باين يا شباب نحن كنا دفعة واحدة انا ما بتزكر الفصول

لكن سنه اولى كنت فى البحيري كان من دفعتى ،،

ابوبكر مهدي

حسام شبيكة

ايمن زين العابدين

واولاد بانت والموردة كانوا كمية ،،

وكل الاساتذة الزكرتوهم انا عاصرتهم ،،،

اتذكر مرة كنا فى الفصل الاول او سنه اولى وكنا قاعدين فى الكنبة الاخيرة

انا وحسام شبيكة ومعانا زميلنا حسن الشهير بى دلوكة ،، المهم انا كنت قاعد فى النص

بيناتهم وانا كنت العامل شغب فى الفصل فقام استاذ حامد على ما اذكر اتلفت علينا

وقال لى حسام وحسن اطلعوا برة من الفصل وما تدخلوا لى حصة لحدي نهاية السنة

بدون اي مقدمات طبعا قايلهم هم الكانو عاملين شغب وانا طلعته منها زي الشعرة

من العجين ،،، لكن انتوا قايلين خلونى ؟؟؟

لكم كل التحايا ،،
Post: #30
Title: Re: تواصل خرجي مدرسة الموتمر
Author: ASHRAF ABUELHASSAN
Date: 05-24-2005, 11:21 AM
Parent: #29

ود العباسية

Quote: ابوبكر مهدي

حسام شبيكة

ايمن زين العابدين

واولاد بانت والموردة كانوا كمية ،،


هؤلا اصدقاء وجيران في بانت شرق

Quote: اما الموردابى واشرف ديل باين يا شباب نحن كنا دفعة واحدة

انت باين عليك الدفعة البعدي ما دفعتي
Post: #31
Title: Re: تواصل خرجي مدرسة الموتمر
Author: ودالعباسية
Date: 05-24-2005, 04:29 PM
Parent: #30

يا اشرف ،،

ياخى اسمك دا ما غريب اصلا ،،

Quote: انت باين عليك الدفعة البعدي ما دفعتي


احسن ما تقول القبلى ،، يعنى انت الكبير
Post: #32
Title: تواصل خرجي مدرسة الموتمر
Author: ALMURADABI
Date: 05-24-2005, 10:30 PM
Parent: #1

ود العباسية انتا الدفعة الورانا

استاذ حامد كان استاذ تدريب على ايامنا نحن درسنا استاذ ابوالقاسم


من العاباسية وين

ناس الرشيد مرجان ومحمد ابوالروس ديل اصحابنا

اشرف ده دفعتى ولا شنو يا ابوالشوش انا دفعة سامي هاشم وياسين احمد عواض ومحمد تاج السر ديل من العباسية يا ود العباسية .
Post: #33
Title: Re: تواصل خرجي مدرسة الموتمر
Author: ASHRAF ABUELHASSAN
Date: 05-25-2005, 00:27 AM
Parent: #32

ALMURADABI

Quote: اشرف ده دفعتى ولا شنو يا ابوالشوش انا دفعة سامي هاشم وياسين احمد عواض ومحمد تاج السر

يا زول انت دفعتي عديل كده وسامي هاشم ده من ابوكدودك المتوسطة صديق واخ عزيز
وياسين احمد عواض كان معانا في الكديت ومعاه سامي هاشم
محمد تاج السر اخ وصديق عزيز جدا
Post: #34
Title: تواصل خرجي مدرسة الموتمر الثانوية
Author: ALMURADABI
Date: 05-25-2005, 01:15 AM
Parent: #1

ابوالشوش بتعرف على ابوالقاسم

ايميلي snooop7@ho
منتظرك ماسنجر
Post: #35
Title: Re: تواصل خرجي مدرسة الموتمر الثانوية
Author: ASHRAF ABUELHASSAN
Date: 05-25-2005, 04:41 AM
Parent: #34

الموردابي

Quote: ابوالشوش بتعرف على ابوالقاسم


الاسم ده ما غريب علي
في انتظارك على الماسنجر
Post: #36
Title: Re: تواصل خرجي مدرسة الموتمر الثانوية
Author: عزيز
Date: 05-25-2005, 08:53 AM
Parent: #35

الأخ الكريم النصرى

لك ولكل من درس بمدرسة المؤتمر النموذجبة الحب والتقدير

أسمى عبدالعزيز أحمد عبدالعزيز خطاب
من أبناء توتى

أولى مهدى وأبو الفصل أستاذ عزالدين (أستاذ اللغة الفرنسية )
ثانية زمخشرى وأبو الفصل أستاذ خليل ( أستاذ اللغة الانجليزية )
ثالثه إبن حيان

المدير أستاذ أمين خضر الزين
من المعلمين
أستاذ بابكر الفلاح لغة عربية من توتى
استاذ عزالدين أحمد عبدالرحيم لغه انجليزى توتى
أستاذ ساتى لغة عربية
وأستاذ يوسف الخليفة رحمة الله عليه المعلقات
واستاذ بشير العوض أحياء علوم
واستاذ رأفت المصرى كيمياء
واستاذ أحمد رأفت المصرى فيزياء
وأستاذ نبيل ( حنفى الونش ) رياضيات
وسعيد الخضرى مصرى رياضيات
وبيتر شاين انجليزى ( لغة انجليزية بالصف الثالث )
والاستاذ عمر مودى تاريخ
والاستاذ محمد فتحى جغرافيا

واللسته تطول ومازالت الذاكرة فتية

أنا وراكم ولكن عندى صوره مع الدفعة التى بها الاخ والصديق عبدالباسط سأحاول انزالها هنا

عبدالعزيز خطاب
Post: #37
Title: خريجي مدرسة المؤتمر الثانويه.............
Author: ايهاب مهاجر
Date: 05-25-2005, 04:33 PM
Parent: #1

الاخ عبد العزيز

تحياتى لك ولكل الخرجين من المؤتمر
بس لو وريتنا السنة لانو كل المعلمين الذكرتهم ديل
انا عاصرتهم ... وماشاء اللة على الذاكرة
Post: #42
Title: Re: خريجي مدرسة المؤتمر الثانويه.............
Author: عزيز
Date: 05-26-2005, 02:53 AM
Parent: #37

الأخ العزيز إيهاب

كان فى دفعتى أخ أسمه إيهاب من أبناء العرضه وأصبح مراجعا قانونيا وتركته فى السودان يعمل فى ديوان النائب العام

أنا فى الدفع التى تلت الاخ النصرى

دفعتنا وقتها أول السودان فى المرحلة المتوسطه وهو الاخ الصديق الفاضل

ومازلت اذكر مجموعة كبيره اخرى من المعليمن

وأهمهم استاذ محمود أستاذ الفنون الجميله
Post: #38
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 05-25-2005, 10:58 PM
Parent: #1

الاخ الفاضل عزيز
الظاهر علينا دفعه واحده
احنا دخلنا المؤتمر 1978 واتخرجنا منها 1981 و ازكر امتحان
الفيزاء لتلك السنه ,فقد كان غايه فى الصعوبه , من ضمن اسئله
ذلك الامتحان عن كره دخلت من الشباك و دقت فى الحيطه ثم نزلت فى
حمام سباحه ..اوجد البعد البورى للكوره؟؟؟؟
بالله ده كلام !!! امتحان كان شبه مستحيل و اظن المتفوقين فيهو حصلو فقط على 70 فى
المئه...
دكتور عبدالباسط درس معاى فى سنه اولى و تانيه وفى سنه تالثه مشى فصل مختلف

اذكر من سنه اولى 2 من اولاد توتى اعتقد اسمائهم ابراهيم و عمر ...الغريب فى
الامر اننى اذكر ملامحهم جيدا حتى الان...

اما بخصوص تزكرك لكل هؤلاء الاساتذه فهى معجزه فى نظرى ...بعد 27 سنه و لسه متزكر!!


انا فى انتظار الصوره بس انشالله فيها مجموعه كبيره من الدفعه

والسلام
Post: #43
Title: Re: تواصل خريجي مدرسة المؤتمر الثانويه.............
Author: عزيز
Date: 05-26-2005, 03:08 AM
Parent: #38

الأخ العزيز النصرى

يالحبيب والله العظيم ما دفعه واحده ولكن اتعاصرنا فى المدرسه

ولو لم تخنى الذاكره كنت أنت مولع بكرة السلة

لأننا عندما كنا برالمه كنا نتفرج على أبو طالب ورفاقه من طوال الطلبة وهم يدكون ملعب الباسكت دكا

وكنت حينها أنا ميال الى الكره الطائره وذلك لفلسفة كنت أنتهجها وهى تعلم ما لا أعرفه لأننى حينها كنت ألعب كرة القدم ..

أما فى المناشط مع إنى موسيقى وحينها كنت أدرس بقصر الشباب والأطفال إلا أنى فضلت أن أنضم الى جمعية التصوير وذلك للاستفادة من المعرفة..

لن أنسى أستاذ عبدالرحمن عبدالله أستاذ التربية الأسلامية ومقولته الشهيره لاحياة فى الدين

سأنزل لك الصوره خلال اليوم باذن الله وكنت أنا حينها مع أحد الاصدقاء وأعتقد كان عبدالباسط فى ملعب كرة القدم حينما تم التصوير ووقفت مع الدفعة وأعتقد إنها كانت إبن رشد فى ذلك الحين والله أعلم..

بالمناسبة كان من أصدقائى من الدفع الامامى الاخ نادر السكى ووليد محمود وآخرين كنا نذهب للفطور فى المورده واحيانا فى السكى حيث نحظى بكرم نادر علينا وعندما نرجع نقف قليلا على شبابيك بيت الامانة أبوعنجه وفى يوم من الايام رصدنا أحد الاساتذة وكان يوم من الايام التى لا نتمنى أن تعاد..

هناك الكثير من الطرائف وشقاوة الشباب سأحاول تذكرها وسردها

عبدالعزيز خطاب
Post: #44
Title: Re: تواصل خريجي مدرسة المؤتمر الثانويه.............
Author: عزيز
Date: 05-26-2005, 04:57 AM
Parent: #43



الأخ النصرى
لك التحية والود

حاولت كثيرا أن أنظف الصوره ولكن لم أفلح فى ذلك نسبه لطول الزمن وسوء الحفظ وكثر التنقل لقد تركتها خلفى فى السودان ثم أتتنى ضمن مجموعه من الصور فى العام الماضى..
أتمنى أن تتمكن من معرفت بعض الاخوه مع عدم وضوح الصوره..

أخوكم
عبدالعزيز خطاب

نعم وجدت مكتوب خلف الصوره ثالثه إبن رشد واستاذ كمال استاذ اللغه الانجليزية
Post: #39
Title: Re: تواصل خريجي مدرسة المؤتمر الثانويه.............
Author: صديق الموج
Date: 05-25-2005, 11:45 PM
Parent: #1

الاخ النصرى ..ازيك فى الحقيقة مرسلنى ليك حسام قال ليك شكرا للزيارة

ومعزومين معانا بوش..بس دكو حصتين وتعالوا والموردابى القال قريب

بهاء الدين بكرى بكون من ال عقارب،،
Post: #41
Title: Re: تواصل خريجي مدرسة المؤتمر الثانويه.............
Author: ALMURADABI
Date: 05-26-2005, 01:59 AM
Parent: #1

الاخ صديق الموج .... ناس عقارب اهلنا بس ما تووووووش

بعدين يا صديق انتا اظنك قريت وقت المهدي كان صبي زم الكتاب والوسطى

هههههههه

سعيد بمعرفتك صديق وتقبل المداعبة البسيطة


وقراقير وراحة ضمير
Post: #45
Title: Re: تواصل خريجي مدرسة المؤتمر الثانويه.............
Author: بهاء بكري
Date: 05-26-2005, 05:25 AM
Parent: #1

الموردابي عرفتك بالحيل , بامارة اخوك المعانا بالدوحه
عزيز خطاب نحن تقابلنا اكيد اذا كان نادر ووليد اصدقاء لك , فنادر دفعتي من الابتدائي , ووليد محمود ابن خالتي ودفعتي
Post: #46
Title: Re: تواصل خريجي مدرسة المؤتمر الثانويه.............
Author: عزيز
Date: 05-26-2005, 06:39 AM
Parent: #45

الأخ الفاضل بهاء

أكيد سنكون قد تقابلنا

وليد محمود هو الدفعه الامامى وكان زميلى فى قصر الشباب والاطفال وهذا هو سبب قوة العلاقة بيننا فى المؤتمر ونادر كان صديقا له وربما كنت أنت أخى بهاء أحد شلة الفطور لأننى يترأى لى بعض من تلكم الصحبه الطيبة .. ومازلت اذكر نادر فقد كان مجنون فى تصرفاته وسبحان الله قابلته مره بعد سنوات فكان مختلفا تماما ..

قل أخى بهاء من أى حى من أحياء امدرمان وأقول لك دفعتنا من تلكم البقعة الطيبة..

بالمناسبة قابلت الاخ وليد منذ ثلاثه سنوات هنا فى هولندا وهو قادما من بريطانيا..

تقبل مودتى
عبدالعزيز خطاب
Post: #47
Title: Re: تواصل خريجي مدرسة المؤتمر الثانويه.............
Author: بهاء بكري
Date: 05-26-2005, 10:49 AM
Parent: #1

عزيز ياعزيز
انا من منطقه محايدة تقع بين المورده وبانت وحي الضباط ( صابرين ) .من مشاهير الحي صلاح عبدالعال مبروك وحيدر كبسون وال سوميت ودرار الغلب الهلال مع ترنة , واعتقد الصديق عمر فتح الله دفعتك بالمؤتمر .
Post: #48
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 05-28-2005, 10:51 AM
Parent: #1

الاخ الموج
شكرا للدعوه ومننا سمك من السكى
الاخوه الموردابى ,بهاء
شكرا لحضوركم الكريم

الاخ عزيز
اعتقد ثالثه ابن رشد هو فصل بتاع تخصص رياضيات
او للمتفوقين علمى ...
اذكر ان فصلنا فى سنه تالثه اسمه ابن حيان او ابن سيناء

اما بخصوص الصوره فلم اتعرف على اى طالب فيها لطول المده


انت متاكد ان هذه الدفعه امتحنت الشهاده السودانيه سنه 1981؟؟
Post: #49
Title: Re: تواصل خريجي مدرسة المؤتمر الثانويه.............
Author: عزيز
Date: 05-28-2005, 12:02 PM
Parent: #48

الأخ الكريم بهاء

نعم انا دفعة عمر فتح الله وهو دفعه ايضا بقصر الشباب والاطفال قسم الموسيقى وايضا بمعهد الموسيقى والمسرح قبل أن يغادر الى كندا..
وايضا من حى الضباط الاخ الضابط لاحقا والكديد اولا الاخ ضياء الدين والأخ السنى ( رحمة الله عليه ) وكان قد درس فى روسيا وتوفاه الله هنا فى هولندا فى العام الماضى .. وكمال سيد سليمان من بانت وعاطف بدرى وهما الأن بأمريكا وعمر (درس بالعراق فنى معامل على ما اذكر) وأبو القاسم شياطينو وشمس الدين وهم ايضا من أبناء بانت وكنت أقابل معظمهم ابان فترة سكنى بداخلية معهد الموسيقى والمسرح فى عمارة الجزولى ..


الأخ النصرى..

من أقصى اليمين الاستاذ كمال استاذ اللغة الانجليزية ثم الاخ د. عبدالباسط عزوز ثم ودكتور جهاد الغزالى وعباده بركات من توتى ونصرالدين يعقوب أيضا من توتى ويجلس فى الامام نادر السكى ولا أذكر إن كان هذا هو فصله أم لا .. أنا أجلس على اقصى اليسار ويدى عليها جبص .. وللاسف لا أذكر البقية لطول الزمن ولأنهم ليس بدفعتى .
نعم ثالثة إبن رشد كان آخر فصل من الناحية الغربية وفعلا كان يضم طلبة الرياضيات التخصص والمتفوقين فى العلوم .

لكما الود
عبدالعزيز خطاب
Post: #50
Title: تواصل خريجي مدرسة الموتمر الثانوية
Author: ALMURADABI
Date: 05-29-2005, 00:32 AM
Parent: #1

الاخ بهاء الدين انا ياني زاتي المعاكم في قطر وينك اخبارك مقطوعة واخبار محمد بكري شنو طمئنا عليك وورينا اخبارك شنو

الاخ عزيز عمر فتح الله ده ود عمي

والله يا عزيز انت قديم جدا من صورتك الابيض واسود دي بالمناسبة دكتور حسن خطاب قريبك بس نحنا جيرانوووو طوالي

ود العباسية انى شكلي بعرفك المهم ناس العباسية بنعرف الرشيد وفتحي وعماد بدوي ( باسوندا) وناجي قدح الدم وحسين مهدي وفيصل وعماد مبارك
Post: #51
Title: Re: تواصل خريجي مدرسة الموتمر الثانوية
Author: عزيز
Date: 05-29-2005, 05:27 AM
Parent: #50

الأخ الفاضل الموردابى

لك التحية والتقدير

نعم د. حسن خطاب أخى إبن عمى وإبنه إبراهيم ..

تعرف ياموردابى كان أجمل حاجه فى فسحة الفطور هى كوز ليمون من الكشك فى الناصية قريب من جامع الادارسه ما قادر اتذكر أسم صاحب الكشك آن ذاك..

ياسيدى الصوره تمت عبر جمعية التصوير بمدرسة المؤتمر والامكانيات فى ذلك الزمان للجمعية كانت كاميرا من الطراز القديم وورق ومونوتور وتحميض فى معمل المدرسه وكان ذلك للتعلم ..

وكدى ورينا انت دفعى النصرى أم دكتور حسن خطاب إبن عمى..

تقبل الود كله
عبدالعزيز خطاب
Post: #52
Title: تواصل خريجي مدرسة المؤتمر
Author: ALMURADABI
Date: 05-29-2005, 09:25 PM
Parent: #1

الاخ عزيز

لا دفعت حسن خطاب ولا النصري انا دفعت ابراهيم بس ابراهيم خور عمر وانا المؤتمر


عموما قصة الصورة تبع جمعية التصوير الفتوغرافي لمدرسة المؤتمر قبلناها ومشيناها كدي ورينا صورة تانية ملونة الوقت دااااااااااااااااااك
Post: #53
Title: Re: تواصل خريجي مدرسة المؤتمر
Author: munswor almophtah
Date: 05-29-2005, 09:48 PM
Parent: #52

المؤتمر من المدارس العريقه ولنا أصدقاء من خريجيها وكذلك أقارب ولكن رغم دراستى بمحمد حسين الا أنالمؤتمر المدرسه الوحيده التى لم يتم لى شرف زيارتها وطالما خرجت النصري وعزوز فهى عزيزه....
مرورا لأداء التحيه لخريجيها وأساتذتها والله يا النصري أنت بار بها قبل الآن لك وللجميع الود والسلام






منصور
Post: #54
Title: تواصل خريجي مدرسة المؤتمر الثانوية
Author: ALMURADABI
Date: 05-30-2005, 09:37 PM
Parent: #1

وين بقية الشباب اظهرو

لي قدام
Post: #55
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 05-31-2005, 11:48 AM
Parent: #1

Quote: الاخ د. عبدالباسط عزوز ثم أعتقد دكتور طبيب مجاهد

الاخ عزيز
اظنك تقصد الدكتور مجاهد صديق ايوب , وهو اخصائ اسنان وود حلتنا
وقد تزاملنا من المرحله الابتدائيه ببيت المال ثم العامه واخيرا
المؤتمر النوذجيه.

الاخ منصور
شكرا ليك لزيارة حوش المدرسه لاول مره بعد كل هذه السنين..

هل تصدق يامنصور كنا نذهب للمدرسه يوميا عن طريق"ياعم قدام"
لمدة ثلاث سنوات كنا نخرج من بيوتنا و نعرف ان احدهم سيتوقف
وياخدنا لمدارسنا..لم يخيب ظننا ابدا ..كان هناك دائما ابن الحلال
الكريم الذى يتوقف ليحملنا فى "بوكسيهو".....لكثرتنا كنا نصطاد
البكاسى والبرنسات

الاخ الموردابى
خليك ماسك الورديه لغاية ما اجيك
Post: #57
Title: Re: تواصل خريجي مدرسة المؤتمر الثانويه.............
Author: عزيز
Date: 06-03-2005, 10:54 AM
Parent: #55

الأخ العزيز النصرى
لك الود والتحية

Quote: الاخ عزيز
اظنك تقصد الدكتور مجاهد صديق ايوب , وهو اخصائ اسنان وود حلتنا
وقد تزاملنا من المرحله الابتدائيه ببيت المال ثم العامه واخيرا
المؤتمر النوذجيه.


الموجود فى الصورة الأخ دكتور جهاد الغزالى وهو تؤأم الأخ عبدالباسط ورفاق كانا لا يفترقان
ولقد أسعدنى الحظ اليوم بأتصال من الأخ دكتور جهاد الغزالى من سويسرا فى طريقة الى أستكهولم حيث يقيم منذ سنوات ..
كما أفادنى بأن الاخ دكتور عبدالباسط مستقر فى نيوكاسل منذ زمن ووعدنى بالتواصل بيننا جميعا..

أقترح أخ النصرى أن نضع عناويننا الالكترونية هنا فى هذا البوست وأرقام التلفونات حتى يسهل التواصل وتمتين العلاقات .. لأننا إلتقينا فى زمن كان زاهيا ورديا طيبا والفكرة كانت تفترش الاحلام والمستقبل..

كم أنا سعيد بسماع صوت الأخ دكتور جهاد وكم أنا سعيد بهذا البوست الوطن الذى التقينا فيه مجددا

عبدالعزيز خطاب
هولندا - أمستلفين
MAXHAVELAARLAAN 33
1183LL AMSTELVEEN
HOLLAND

[email protected]
0031.20.6474608 منزل
0031.6.33970493 محمول
Post: #56
Title: تواصل خريجي مدرسة المؤتمر الثانوية
Author: ALMURADABI
Date: 06-01-2005, 09:43 PM
Parent: #1

فووووووووووووووووووق
Post: #58
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 06-03-2005, 11:48 AM
Parent: #1

سلام عبدالعزيز
سارسل لك رقم التلفون بالايميل

[email protected]

هل يقرا عبدالباسط البورد؟؟؟

اذا كانت الاجابه بنعم ...نريده بيننا


الاخ الموردبابى

بالله خليك ماسك الورديه
ناس محمدحسين وصلو الصفحه التانيه
Post: #59
Title: تواصل خريجي مدرسة المؤتمر
Author: ALMURADABI
Date: 06-04-2005, 09:22 PM
Parent: #1

النصري رايك شنو تواصل للصفحة الرابعة
Post: #60
Title: Re: تواصل خريجي مدرسة المؤتمر
Author: ASHRAF ABUELHASSAN
Date: 06-05-2005, 03:39 AM
Parent: #59

الموردابي

رايك شنو في الصورة ده


ده صورة لبعض اساتذة مدرسة المؤتمر ويظهر الناظر الاستاذ حسن سلك يرحمه الله
Post: #65
Title: Re: تواصل خريجي مدرسة المؤتمر
Author: ASHRAF ABUELHASSAN
Date: 06-05-2005, 09:27 AM
Parent: #60
Post: #61
Title: Re: تواصل خريجي مدرسة المؤتمر
Author: ASHRAF ABUELHASSAN
Date: 06-05-2005, 03:43 AM
Parent: #59

الموردابي



ده سامي هاشم
Post: #63
Title: Re: تواصل خريجي مدرسة المؤتمر
Author: ASHRAF ABUELHASSAN
Date: 06-05-2005, 08:31 AM
Parent: #61

المـــوردابي

الصور أعلاه من تخريج طلبة الكديت في عام 1989م

ما تفتكر حاجة تاني ....
Post: #66
Title: Re: تواصل خريجي مدرسة المؤتمر
Author: ASHRAF ABUELHASSAN
Date: 06-05-2005, 09:30 AM
Parent: #61
Post: #67
Title: تواصل خرجي مدرسة المؤتمر
Author: ALMURADABI
Date: 06-05-2005, 09:26 PM
Parent: #1

الله عليك فعلا صورة رائعة اول شى الا رحم الله الاستاذ حسن سلك رحمة واسعو

وربنا يطرا اخونا سامي هاشم بالخير


ايام الكديد وتخريج الدفعات كانت من احلى الايام
Post: #68
Title: Re: تواصل خرجي مدرسة المؤتمر
Author: Mouiz Hashim
Date: 06-05-2005, 10:46 PM
Parent: #67

رحم الله الاستاذ حسن

خريج الموتمر دفعة 88-89

That is all I can keep in with in Arabic -so my apology- i

Osman Malik, salamat I hope and the family are doing great.

Hassan Zumraw (Mawlana) is that you AbuMustafa...I hope

The rest of the guys it is nice to hear from all of you

Mouiz Hashim

AlMutamar 89
U of K 95
Bradley 99
Post: #69
Title: Re: تواصل خرجي مدرسة المؤتمر
Author: عزيز
Date: 06-06-2005, 04:21 AM
Parent: #68

الأحباب جميعكم
يامن أحتفت وأحتفيتم وتشرفت وتشرفتم بمدرسة المؤتمر
لك الحب كله والاعزاز

ياموردابى ياعظيم
طلعنا قرايب .. مش برضو قريب قريبك قريبك؟؟

يانصرى ياجميل
فى كل يوم يزداد فخرى وإعزازى بأننى كنت من من حظوا بالتعليم فى المؤتمر.
لا أعلم والله إن كان الاخ عبدالباسط من قرأ أو أعضاء سودانيز اونلاين ولكن الاخ جهاد الغزالى وعد بالاتصال به وإخطاره بهذا البوست وأكيد ساتحصل على هواتفه من الاخ جهاد وسأحادثه وادعوه للمشاركة.

اليوم من الايام الجميلة فى حياتى والله العظيم
شرفنى بالأتاصل من المملكة العربية السعودية الاخ خضر السنارى وهو من خريجين مدرسة المؤتمر وذكر بأن البوست أبكاه حنينا لأيام المؤتمر والارتباط العاطفى بهذة المدرسة التى كانت متفردة ..
كم أنا سعيد باتصال الاخ خضر وهذا يدلل على أصل معدنه وأتمنى أن ينال عضوية فى هذا المنبر حتى يسعدنا بوجوده بيننا والمشاركة بالذكريات..
أخى خضر السنارى أنه لشرف عظيم لى أن أحظى بمحادثتك وكم هو كرم أخلاقك ودعوتك الصادقة لى بفتح قلبك ودارك لى متى ما حضرت للملكة باذن الله .. وأرجو أن يتيح لك ظرفك وتشرفنى فى هولندا وأيضا قلبى ودارى هما لك منزل ..

لكم التحية جميعا والحب
عبدالعزيز خطاب
Post: #70
Title: تواصل خرجي مدرسة المؤتمر الثانوية
Author: ALMURADABI
Date: 06-06-2005, 11:37 PM
Parent: #1

الاخ عزيز

خضر ده دفعتى عديل

وبعرف اخوه كاظم على ما اظن


يلا يا قريب فريبنا تعال ابقى مارق ولي قدام لم الجمعاة وتعال
Post: #71
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 06-07-2005, 09:59 AM
Parent: #1

موردابى
ما شايف شغلك
البوست لقيته فى الصفحه الثالته
نرفع الرائه البيضاء ولا شنو
نخلى ناس محمد حسين يفوتونا؟؟؟
Post: #72
Title: Re: تواصل خريجي مدرسة المؤتمر الثانويه.............
Author: suhair elsheikh
Date: 06-07-2005, 02:17 PM
Parent: #1

سلام يا شباب المؤتمر الراقيين
وطبعا مستغربين الجابني شنو هل كنت دفعة استثنائية
ابدا والله بس جيت اسلم علي قريبي عزيز
وياعزيز ربما لم نتقابل ولكن اناتواتية واعرف أن الخطاطيب أهلي
وجدي لامي من أهل توتي ببيت المال المرحوم الأستاذ ابراهيم علي ابراهيم
يعني النصري بقي دفعة ونسيب كمان أتمني أن تتاح لنا الفرصة للقياء والتواصل انشاء الله
Post: #75
Title: Re: تواصل خريجي مدرسة المؤتمر الثانويه.............
Author: عزيز
Date: 06-09-2005, 02:46 PM
Parent: #72

أختى وقريبتى سهير
لك التحية والود
فى كل يوم يزداد شرفى وسعادتى فى هذا الوجود لأننى أضيف يوميا لخزينة معارفى وعائلتى وصداقتى وزمالتى أناس رائعون وأعلام خفاقة..
تحياتى لك وللأميرين والملكة المتوجة ووالدهم الكريم والأمنيات الطيبة ..
وأشكر مرورك الطيب على هذا البوست الذى نثر فيه عطرا وجمالا
وأرجو التواصل لصلة الرحم التى حبانا بها الله
تقبلى تحياتى وأسرتى سحر والشباب رزين ويزن
أخوك عبدالعزيز خطاب
Post: #73
Title: تواصل خريجي مدرسة المؤتمر الثانوية
Author: ALMURADABI
Date: 06-07-2005, 09:41 PM
Parent: #1

الاخ عزيز اعمل شنو كل ما ادخل القى نفسي براي

الاخت سهير مرحب بيك كتير وشكرا لاطرائك الرائع وحبابك عشرة واهو قريبك معاك بس تعالو بدري الزول ده لو البنطون فاتو بينوم في حديقة المتحف
Post: #74
Title: تواصل خرجي مدرسة الموتمر
Author: ALMURADABI
Date: 06-08-2005, 09:24 PM
Parent: #1

وين يا عزيز مالك قطعتا
Post: #76
Title: Re: تواصل خرجي مدرسة الموتمر
Author: عزيز
Date: 06-09-2005, 02:51 PM
Parent: #74

قريبى الموردابى
لك التحايا والود

مشاغل الدنيا وسباق الزمن هما ما أبعدانى لوقت عن النت وكلما وجدت سانحة يسابقنى الشوق للتواصل عبر هذا البوست السكن ..

لك ولكل الاحباب والود والتقدير

يا موردابى خلاص مسألة البنطون قالوا زمنو ولا والمسألة بقى فيها كبرى وطائر كمان
يعنى بقى عندنا معلم من معالم نيويورك .. عقبال أبراج تجارة عالمية فى توتى
Post: #86
Title: Re: تواصل خرجي مدرسة الموتمر
Author: Khalid Merghani
Date: 09-28-2005, 04:08 AM
Parent: #74

انا درست في المؤتمر 91-94
اذكر اولى بابكر بدري (ابو الفصل محمد عباس الحلفاوي فيزياء)
ويليام انجليزي
ابو القاسم رياضيات
ثانية مهدي
حامد كنان رياضيات
سيف الشهير ب زيكو ومشجع المريخ المتعصب (دين)
حسن لوز
استاذ عبدالرحمن
ثالثة شوقي
ابو الفصل نوريجا (محمد الحسن بتاع الانجليزي)

اذكر من الرفاق
صالح ميرغني
غسان الفاتح
شريف محمد شريف علي
ناصر البكرى
اشرف الجقر
محمد حلاوة
مهند (الوجيه وده كل المدرسة عارفاه )
مهند (ده كان صاحبي وبعرفو انا)

ولي عودة
Post: #77
Title: تواصل خريجي مدرسة الموتمر
Author: ALMURADABI
Date: 06-11-2005, 09:28 PM
Parent: #1

وين باقي قرايبك يا ود توتي


وين خميس ودمعة



دز معاوية من توتي بيسلم عليك كتير
Post: #78
Title: تواصل خريجي مدرسة الموتمر الثانوية
Author: ALMURADABI
Date: 06-12-2005, 09:21 PM
Parent: #1

وين يا شباب
Post: #79
Title: Re: تواصل خريجي مدرسة الموتمر الثانوية
Author: عزيز
Date: 06-13-2005, 03:54 AM
Parent: #78

موردابى ياحبيب
لك التحية والود
نسرق الوقت لنتواجد ونتواصل معكم
تحياتى للأخ معاوية التواتى
هل هو معاوية على المك؟؟

ووين باقى الشباب؟؟

عبدالعزيز خطاب
Post: #80
Title: Re: تواصل خريجي مدرسة المؤتمر الثانويه.............
Author: suhair elsheikh
Date: 06-13-2005, 10:32 PM
Parent: #1

سلام يا شباب
الموردابي لك الشكر والتحايا واتمني دوام التواصل بيننا
الخال عزيز سعادتي بردك الجميل لاحدود لها وعبرك التحايا النواضر للحبيبة سحر والحبوبين اتمني أن نلتقي جيعافي اسعد اللحظات تحياتي وودي
Post: #81
Title: تواصل خريجي مدرسة الموتمر
Author: ALMURADABI
Date: 06-14-2005, 11:36 PM
Parent: #1

سهير شكرا ليك كتير ومزيدا من التواصل



عزيز شنو يا اخوي


مالك قطعتا

على
Post: #82
Title: Re: تواصل خريجي مدرسة المؤتمر الثانويه.............
Author: أبوالزفت
Date: 09-25-2005, 02:23 AM
Parent: #1


النصرى

انت فتحت نافذة الى الايام الخوالى
ايم لها طعم خاص فى وقتها والان حتى فى الذكريات

البوست ده ان شاء الله حيكون دائما فوق
لك التحية يا نصرى

بالمناسة احنا اتعاصرنا فى المؤتمر
انا كنت قدامك بسنة
1977-1980

دفعة الاخ محمد عثمان الحاج المشارك فى هذا البوست
بلقب أعجز واحد اهو لقيت ليك شيخ تانى
Post: #83
Title: Re: تواصل خريجي مدرسة المؤتمر الثانويه.............
Author: إسماعيل حميم
Date: 09-26-2005, 02:04 AM
Parent: #82



أخي الحبيب النصرى أمين
والأحباب (المؤتمراب)

والله يا خطاب الكلام معاك إلا بالمسنجر شكلو حا يكون كثير خاصة
دفعة قصر الشباب (تصوير فوتوغرافي دي)!!!!!!!!

يا عم النصرى نعيد ليك تنشيط الذاكرة!!!!!!!!.
طبعاً نحنا دفعة ابتدائي وثانوي عام في بيت المال والقائمة
تطول لكن في مرحلة الثانوي العالي معظم الدفعة من بيت المال
العامة انتقلت إلي مدرسة المؤتمر الثانوية عدا القليل انتقل
إلي الأهلية الثانوية واذكر منهم:

عباس حبيب الله ( عليه رحمة الله)
أشرف بكار
أسامه ادم ريحان ( سكسك لاعب المريخ)
بشير عمر بشير السنهوري
جمال عبد المتعال
مصطفى يحي عباس
عثمان حسن ( متنقلاً بين المؤتمر والأهلية)
وإسماعيل حسين محمد ( إسماعيل حميم)

ورغم العنصرية الشديدة لمدرسة الأهلية، فـ للمؤتمر في النفس
خاصية أولاد الدفعة.
وأذكر من الدفعة المنتقلة من بيت المال الثانوية العامة
إلي المؤتمر:

النصرى أحمد علي ( الرياض الآن)
مجاهد صديق أيوب (طبيب أسنان - UK)
شمس الدين حسين ( الخرطوم)
عمر محمد نور (UNV - كوسوفو)
علي زين العابدين (مستشار قانوني – مسقط)
جهاد الغزالي (طبيب)
حسن عثمان عبد الجليل (طبيب)

وشكراً للذكريات الطيبة ولنا معكم (عودات)

لكن برضو حا ندور حق الأهلية ولا مش كده يا ناس الاهلية
الصاوي حامد إنت وين؟؟



إسماعيل حميم
Post: #84
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 09-27-2005, 08:14 AM
Parent: #1

سلام ابوالزفت
ومرحب بيك فى بوست الموتمر..
حليل ايام المؤتمر وحليل تلك الايام الطيبه...
لمده ثلاته اعوام كنا نستخدم"ياعم قدام" ولم نتاخر يوما..
كنانتجمع جوار منزل اسماعيل الازهرى ولاتمر دقائق الا ونجد
احد الطيبين ياخدنافى طريقه الى المدرسه....


سلام يا اسماعيل
ياخى انت ذاكرتك حديديه عديل كده..
انت بتتزكر حاجات عمرها 30 سنه...
كبرنا يا اسماعيل...

من القائمه بتاعتك اظن اننى اتزكر عباس حبيب الله(لم اعلم انه توفى)
عليه رحمه الله ..اظن انه كان يمثل فى برنامج جنه الاطفال..
طبعا ازكر سكسك جيدا
لا اذكر أشرف بكار
مصطفى يحي عباس
بشير عمر بشير السنهوري

اظن اننى اتزكر عثمان حسن (وكان نحيف) وجنى وشاطر وشيطان

من جانبى اذكر
احمد المرضى المشاغب من ودالبنا
كباشى
وليدعمر الملازمين
زهيرعوض الفنان
عبدالحميدنجدى ودالبنا
اسامه وياسر سلمان جعفر
عبدالماجد الدنقلاوى سوق الشجره
مامون قيلى دكاكين الطاهر
خالدعباس النعيم حطب بيت المال
عبدالله حسن(جارنا الحيطه بالحيطه)
وليدابوشمه سوق الشجره
عماد وديدى البحر
اهو انا كويس اهو

اما قائمتك بتاعت المؤتمر فانا اذكرهم جميعا
النصرى احمد على النصرى (اسمه ده عامل لى قلق)
مجاهدصديق ودحلتنا الرجل المهذب (وعدنى بكشف اسنانى قبل عشرين
عام ..لم اقابله اثناء زيارتى الاخيره
شمس الدين اخوه محمد معانا هنا ..اسماعيل حامد كان يناديه
"يا شمش"
عمر محمد نور اخونا ياسر كان يقول ليهو شعرك زى الجبص
علي زين العابدين بتزكره طشاش طشاش
جهاد الغزالي معانا فى البورد
حسن عثمان عبد الجليل ياسلام على حسن عثمان
قمه التهذيب والسلوك
Post: #85
Title: Re: تواصل خريجي مدرسة المؤتمر الثانويه.............
Author: إسماعيل حميم
Date: 09-28-2005, 03:23 AM
Parent: #84



Quote:

يا عم النصرى نعيد ليك تنشيط الذاكرة!!!!!!!!.
طبعاً نحنا دفعة ابتدائي وثانوي عام في بيت المال والقائمة
تطول لكن..............

ما قلت ليك القائمة طويله
وناس امدرمان ديل ما ممكن تنساهم

Quote: من القائمه بتاعتك اظن اننى اتزكر عباس حبيب الله(لم اعلم انه
توفى)عليه رحمه الله ..اظن انه كان يمثل فى برنامج جنه الاطفال..


عباس حبيب الله شاب نحيف هادي من سكان بيت المال (إلي الغرب
من منزل خالد عباس (حطب) واخو جمال عباس) دفعتنا في مدرسة
بيت المال العامة ثم دفعتي في الاهلية توفي إلي رحمة ربه بإذنه
تعالي ونحنا في الصف الأول أو الثاني.

أما الممثل في برنامج الاطفال في فقرة جحا هو عباس محمد باعوا
من سكان حي البوسة علي ما اذكر ( وكان لطيف مشاغب وخاصة معاي أنا).

أشرف بكـار من أسرة بكار المشهورة في أبوروف آخر محطة
وكان سمين شديد لو شفته هسع ما حا تعرفه.
مصطفي يحي من اولاد ودنوباوي وكان في (الفصل شرق) وكان جناح
فريق المدرسة.
البشير عمر البشير ده ود حلتك يا اخي حي السناهير بيت أزهري

حسن عثمان ده كتلتو ياهو زاتو إتخرج من هندسة الخرطوم
واعتقد أنو في السعودية الآن ( بالمناسبة هو قريب النصري التاني)

أحمد مختار المرضي وأحمد المطبعجي (عسكوري) وهم من خريجي الهند

بابكر كباشي برضو كان من المشاغبين خاصة مع أستاذ التربية
الاسلامية واللغة العربية ( أستاذ عبد السلام واحمد الطيب)

واضيف ليك لي دفعة بيت المال

عبدالوهاب كرار (شلة إسماعيل حامد - أبوروف)
محمد عبد الله ابراهيم (مويه)
عبدالمنعم بشير
طارق عبدالعظيم
كمال جابر
صديق دقة
ابراهيم الزيات
ياسر معاذ
محمد الطاهر قرافي
صديق الغول
خالد حسين الغول (كرف)
محجوب سلطان (من اولاد الثورة)
عبدالقادر عجباني

والله حقيقي كبرنا دي 30 سنة فعلاً


إسماعيل حميم
Post: #93
Title: Re: تواصل خريجي مدرسة المؤتمر الثانويه.............
Author: Elnasri Amin
Date: 10-17-2005, 11:39 AM
Parent: #85

ياسلألألألألألألألألألألألألألألألألألألألأم
يا اسماعين.
والله العظيم زكرتنى باصدقاء سقطو تماما من زاكرتنى
بسبب الزاكره الخربه..
ابدا بعباس عابو..
اتزكره تماما ..كانه يقف امامى الان ...
كان يظهر فى برنامج جنة الاطفال فقره الحجاى..
فعلا كان شخصيه مرحه و مشاغب درجه اولى ..كان له
طرق عجيبه فى "الترديف" ....طبعا نسيت الحاجه دى!!
الترديف هو وضع شئ تحت الرداء لمنع الام الجلد..
ومواد التجديد غالبا كتاب واحيانا قطع قماش..
الظريف انه عند الجلد يصدر صوت مختلف ويطالب بعض
الاساتده العكاليت الطالب المجلود باخراج الردفه من
تحت الردا....
انا شخصيا لم اردف كثيرا ..مره ردفت بكتاب الانجليزى
بتاع Man and the Pan وهو صغير الحجم ..والنتيجه
الكتاب "اتعشكب" بعد ال 15 جلده....
تحياتى لعباس باعو اينما كان..

عبدالمنعم بشير
هو فرده من 1980 حتى الان ..وقد خرجنا من السودان
بالتنسيق مع بعض ..يعمل الان مهندس اد الدنيا عند
الخطوط القطريه وقد قمت بزيارته اثناء زيارتى لقطر فى
فبراير الماضى...

طارق عبدالعظيم .."اظن" اننى اتزكره بصوته المبحوح..
كمال جابر طشاش طشاش ..ازكر الاسم ولكننى اتزكر الشخصيه

صديق دقة ..كان يسكن سوق الشجره..لونه فاتح..
نحيف لكنه مفتل ويعتبر اقوى اولاد الدفعه..
اظنه كان الالفه لفترات طويله

ابراهيم الزيات
ود حلتنا ..بيتو قصاد مدرسه بيت المال الابتدائيه للبنات
عندى قصه مع ابراهيم ده غريبه جدا..
اثناء جلوسنا لامتحان الشهاده الابتدائيه 1975 ..كان الامتحان
ساهل جدا بالنسبه لى ..قمت بتهور بمحاوله مساعده ابراهيم
فى الامتحان ..اكتشف المراقب الفلم ولكنه بذوق طلب منا عدم
تكرار ذلك فى المستقبل...كانت لحظات قاتله..اووووف



ياسر معاذ
كيف ياخ....ياسر معاذ حسن السراج
والده كان صاحب مدارس النصر او التقدم
كان يسكن الملازمين قصاد ميدان البحيره..
كان "منتهى" فى كره القدم مابيعرف يشوف الكوره...
ربنا يطراه بالخير

محمد الطاهر قرافي ..محمد الوجيه
ود الملازمين ..درس معانا فى المؤتمر
وقد استغربت وقتها عدم دخوله جامعه الخرطوم
فهو كان الطبه المميزين.. اظن انه درس فى انجلترا


صديق الغول متزكره طشاش طشاش مع انو ولد حلتنا فى بيت المال
تحت

خالد حسين الغول (كرف) الانجليزى
لاعب الكوره المعروف ...كان قد احترف اللعب لفتره..
لكنه اصيب بكسر مما اجبره على الاعتزال عندها..
ازكره جيدا ..

محجوب سلطان طشاش طشاش بس الاسم ما غريب على

عبدالقادر عجباني والله عبدالقادر ده لا بتزكره ولا بتزكر
اسمه( معزره ليهو اذا كان بيقرا البوست ه) ..طش تماما
من زاكرتنى...

ايضا من بيت المال العامه:::
خالد عباس النعيم حطب (درس فى الهند) سمعت
انه كان من قيادات اتحاد الطلاب هناك

وليد ابوشمه
بيت المال سوق الشجره ودكاكين الطاهر
كان صاحبى شديد لغايه ما اتطالعنا فى سنه تالته
وكانت معركه بين عملاقين ..اتقطعت فيها القمصان

سيداحمد الازهرى واخوه بكرى
سيداحمد كان ختمى درجه اولى ولا يفوت اى حوليه

فترت ..بجيك راجع
Post: #87
Title: Re: تواصل خريجي مدرسة المؤتمر الثانويه.............
Author: Khalid Merghani
Date: 09-28-2005, 04:17 AM
Parent: #1

انا درست في المؤتمر 91-94
اذكر اولى بابكر بدري (ابو الفصل محمد عباس الحلفاوي فيزياء)
ويليام انجليزي
ابو القاسم رياضيات
ثانية مهدي
حامد كنان رياضيات
سيف الشهير ب زيكو ومشجع المريخ المتعصب (دين)
حسن لوز
استاذ عبدالرحمن
ثالثة شوقي
ابو الفصل نوريجا (محمد الحسن بتاع الانجليزي)

اذكر من الرفاق
صالح ميرغني
غسان الفاتح
شريف محمد شريف علي
ناصر البكرى
اشرف الجقر
محمد حلاوة
مهند (الوجيه وده كل المدرسة عارفاه )
مهند (ده كان صاحبي وبعرفو انا)

ولي عودة
Post: #88
Title: Re: تواصل خريجي مدرسة المؤتمر الثانويه.............
Author: Khalid Merghani
Date: 09-28-2005, 04:20 AM
Parent: #1

في زول متذكر سمعه؟!!!!!
Post: #89
Title: Re: تواصل خريجي مدرسة المؤتمر الثانويه.............
Author: Siddig A. Omer
Date: 09-28-2005, 04:56 AM
Parent: #88

النصرى أخوى........انت شن جابك للبرنســات ديل......لمن نحن كنــا فى أم درمان الاميرية سنة 76 انت كنت بتقرأ فى المؤتمر..و البوست دهــا تؤثيق فخلى الكضب.

فى عهدنــا 1978-1981 كان من يدخل مدرســة المؤتمر لابد أن يدرس الجامعة الا من منعته ظروف قاهرة عن ذلك....المؤتمر كانت قبلة السياسة و الاقتصاد و الثقافة و الرياضة وكانت تزهو بالعلماء فى كل المجالات...وهم طلبة يقيمون الاسابيع الثقافية و الاجتماعية و الجمعيات الموسيقية و الثقافية والمسرحيات وكانوأ اسرة واحدة...

لدى من الصور عن المؤتمر و طلبتهــا وخاصة دفعة 77-78 مالم يتصوره عقل وخاصة أن أخى سامى هو من خريجى المؤتمر فى عام 78 و كان رئيس جمعية التصوير بالمدرسة واذكر من الشباب الذين عاشوا معنا و احببناهم الاخ الشاعر المعروف: يوسف عبدالقادر الحبوب و الفنان التشيكلى أحمد الجيلى...

من رغب فى هذه الصور..اتمنى أن يتصل بى على الايميل:

[email protected]

وسوف انسق مع اخى ســامى وهو موجود فى السودان.....

بالرغم من اننى لم ادرس فى المؤتمر لكننى لم أغب عنها يومــاً وانا طالب بالموردة الابتدائية و الاميرية أمدرمان(1976-197....قولوا ماشــاء الله هاهاهاهاها

من اشهر ايام المؤتمر عندما زارهــا سئ الذكر الرئيس نميرى فى نهاية عام 1977 فى احتفالاتها باليبويل الذهبى......صديق
Post: #90
Title: Re: تواصل خريجي مدرسة المؤتمر الثانويه.............
Author: Siddig A. Omer
Date: 10-17-2005, 03:26 AM
Parent: #89

UP UP UP UP UP UP UP UP
Post: #91
Title: Re: تواصل خريجي مدرسة المؤتمر الثانويه.............
Author: Siddig A. Omer
Date: 10-17-2005, 03:26 AM
Parent: #90

UP UP UP UP UP UP UP
Post: #92
Title: Re: تواصل خريجي مدرسة المؤتمر الثانويه.............
Author: Siddig A. Omer
Date: 10-17-2005, 03:27 AM
Parent: #91

UP UP UP UP UP UP UP
Post: #94
Title: Re: تواصل خريجي مدرسة المؤتمر الثانويه.............
Author: بلدى يا حبوب
Date: 10-17-2005, 11:53 AM
Parent: #1

الناصر امين
التحية لكم يا ابناء مدرسة المؤتمر الثانوية
واذكر وانا من خريجى مدرسة امرمان الاهلية الثانوية كانت تربطنا بالمؤتمر علاقة قوية برغم المسافة وتمثل ذالك فى مسابقات الدورة المدرسية فلكم التحايا
تحياتى