مطلوب بصورة عاجلة جدا - مهندس ميكانيكي WANTED - MECHANICAL ENGINEER

With a good experience in Welding Processes , Plant Equipment(Vessles, Drums, Heat Exchangers,
Boilers, Furnaces and Storage Tanks) and Plant Piping, transferable Igama
Call me on 0503459817
ALZAKI

أخونا الزاكي.. سلام يا حبيب..شاءت الأقدار أن لم أقرأ هذا البوست إلا الآن..يبدو انك متصل من الإمارات.. هذه الصفات التي ذكرتها تنطبق على تمام الإنطباق بل وهنالك عندي زيادة في هذا المجال.. إذا الموضوع لسه وأحسن مما أنا فيه.. جاهزين.. بس تلفونك لايرد..
( لما تصالح الحسن رضي الله عنه مع معاوية..وعده معاوية براتب، ووعده بنصف خراج خراسان من المال ليصرفه على آل البيت.. فلما دانت الأمور الى معاوية واصل عهده عام، وانقطع وتنكر.. بل وقطع أسباب الرزق على الحسن بن على، فضاق الحسن بذلك وسرح النساء والحشم والخدم والمؤلفة قلوبهم، وصار يطوي نفسه على ألم الجوع، فبات ذات ليلة في المسجد، خالى الوفاق، ضامر البطن، خاوي الأمعاء، مضطجعاً.. فرأى جده رسول الله صلى الله عليه وسلم في المنام.. فقال له يا حسن..أتحزن على رزق الدنيا العابر وهو رزق يأكل منه البار والفاجر؟) صدق رسول الله عليه أفضل الصلاة واتم التسليم..

الاخ الذاكي
دخلت هذا البوست لاقول....كل عام وانت بخير وتقبل الله منا ومنكم يارجل يافاضل.....سلامي الشديد للاسرة الكريمة وما زال اللواء طبيب معاش التجاني المشرف استشاري الانف والاذن والحنجرة في انتظار زيارتكم الكريمة.
فائق احترامي وتقديري واسمح لي ان اذكي الحبيب منصوري للوظيفة بس عاوز اقول ليه اصحي يامنصوري التلفون ده موبايل من السعودية وليس من الامارات
مودتي

أخونا دكتور المشرف..شكراً على المرور وكل عام وانت بخير.. إن شاء الله صاحبك الزاكي يزور سعادة اللواء...
ها هاها.. والله ما صحينا إلا مؤخراً على موضوع الوظيفة.. وترانا ناكل ونشرب من رزق الدنيا العابر..الحمد لى سيدو..تحياتي

الإخوة الأكارم منصوري ودكتور المشرف

لكم أجمل التحايا والتهاني بعيد الفطر المبارك أعاده الله علينا وعليكم بالخير والبركات وكل عام وأنتم والوطن وأهله بخير.
الأخ المنصوري...إنت جايي بعد الهنا بسنه؟؟؟؟..أنا بالمنطقة الشرقية- الظهران..عموام أرسل لي سيرتك الذاتية على الفاكس 03820633 وربنا يجعل الفيها خير

الأخ دكتور المشرف

لك وللإنسان الكبير دكتور التيجاني المشرف كل الحب والتقدير..مقابلة الدكتور التيجاني المشرف شرف أتمني نيله في أول سانحة تأخذني إلى الوطن وأتمني أن يكون ذلك قريبا..أرجو أن تبلغه عاطر تحياتي وعظيم ودي وتقديري ودعواتي له بالصحة وطول العمر.
لكم كل الحب والأمنيات الطيبة

الزاكي

أخونا الزاكي تسلم ياطيب.. ظاهر عليك زول أخو أخوان...طالما الحكاية المقصودة بالإسم راحت فخليها يازول.. أنا هنا وضعى كويس.. وأناقش معك هنا محبة في الوضوح.أنا ما قاعد أحب الشغل الكتامي.شغلى كلو واضح وفي الضو على المكشوف...
أها تعرف الشغلانية دي الفيها سيرجفيزل.. وبايب لاين إلا يكون محطة موية وتحلية.. والبويلر ممكن يكون لغرض التسخين والتحلية أو يكون ملحقة من ملحقات البترول.. والمضخات واللحام..تعرف أنا هنا في محطة كبيرة طويلة عريضة الشغلانيات دي بقينا من صوتها نعرف الحاصل فيها شنو؟ ومكانات البلانت روم من ملحقات تبريد وتهوية وصم بمب.. وكنترول بانيل..هسه طبعاً ظهر النظام الجديد منذ عشرة سنوات شغالين عليهو هو نظام اسكادا.. التشغيل عن بعد بواسطة بي إل سي.. والفيديو.. والميمك..ودا عالم قايم بي ذاتو..ونظامات السسنسور الذي ينقل السيقنال من المنشأة للبانيل.. غايتو يا الزاكي إتمرمطنا مرمطة في الدنيا دي.. بقيت حمار شغل في الشغلانيات دي.. ونظام اللحام ذاتو بقي عندنا عن طريق الكمبيوتر إيه رايك في الحكاية دي.. والسيرج فيزيل دا كمان الله لاوراك ضربتو هو مربوط مع الخط عشان يمتص الصدمة وفيهو موية وهواء والسيرج فيزيل طبعاً أنواع.. واحد هواء وموية وواحد غاز نيتروجين.. وعندو نظام تفريغ وإضافة أعوذ بالله منو.. هو مستوي الماء فيه يتناسب مع قوة طرد الفلوو رييت بتاع دفع المياة في الخط ومنسوب الموية فيهو مفروض يكون كدة ومنسوب الهواء فيهو مفروض يكون كدة.. وعندو كمبريسور يغذيهو.. وصانانويد فالف يفتح لما الهواء يقل. وليهو ملحقات صغيرة صغيرة كتيرة خلاص.. كنتا في البلانت روم في هلتون الخرطوم وما كنت ساكي الإغتراب.. ناس هلتون الخرطوم براهن نقلوني لى هلتون العين برضو بلانت روم...
تعرف لما اتعينا في هلتون الخرطوم معظم الإسطاف كان انجليز وامريكان.. كبير المهندسين بتاعنا انجليزي.. عقد لى امتحان في مكتبو لقاني نجحت فيهو.ز قال لى خلاص اشتغل قلتا ليهو بجيك بكرة ماشي التعليم العالي اختم شهادتي واجيك؟؟ ضحك قال لى أنا اللى بختم شهادتك.. قلتا ليهو يازول تختما كيف؟ قال لى أيوة عندي هنا بلانت روم بديك شهر كان قدرتا تزبطوا لى شهادتك مختومة وكان ما قدرتا تختموا لى شهادتك عندي مامختومة حتي لو جبتها لى من اكسفورد بتاعتنا... معاك ناس من المنطقة الصناعية ناس عاديين بتاع لحام ومكننه وغيرو وغيرو.. قلتا ليهو كدة ياخواجة.ز انا زول بتاع دعك وقوة جسدية وجاييك من المناصير.حا أوريك الشغل الما بتعرفوا.. قال لى ما عاوز مهندس افندي تلبس الأبرول وتتمرمط معاهم.. قلتا ليهو حاضر.. اول حاجة كسر عندي حاجز الأنفة حتى الآن وحاجز بريق التخرج.. وخلى نفسي اتوسعت بدل ما كانت مدببه..
تعرف يا الزاكي أنا هسه بقيت كوكتيل. مع انو تخصصي ميكانيكا.ز لكن بقيت ميكانيكا.. بمبم هول.. مكانيكا أجهزة.. انيسترومنتيشن.. كهرباء اسكادا اي شغلانية لافة في الدنيا دي ما بتغلبني..بويلى فيرنست بولير كهرباء. بولير ديزل.. البويلر دي بي جوة دخلت فيهو وغيرتا ورصيت الرضاف بتاعا داك البي جوة.. النوصيل بتاعا نضفناهو وشعلتا ضبطناها عندها كم ضبطة كدة لامن الشعلة تتكور وتبقى زي البلورة وناصعة وليست سوداء ولايخرج دخان بي عادم البويلر اكثر من اللازم.. ونظام الكولتق سيستم ونظام الهايدروكيك أويل في المضخات.. تعرف أنا لما اجي الشغل تلقاني زول مختلف نهائى ما بعرف في الشغل حتى ابوي.. الخواجات علمونا الصرامة.. واحد زايد واحد يساوي اتنين..نظم الإسطاف خت العدة جهز الكرين. أطلع الكنترول أعزل الموقع.. أكتب ضوكي مينت. الإسبيرات المتوقعة . للأعطال.. اكتب بيرميت فور وييرك.. أكتب ابليكيشن فورم.. أكتب ليميتد آكسس.. أنواع الهظارد المتوقعة...الزاكى معليش أنا بكتب كلمات انجليزية بالعربي عشان ما بقدر احول الكي بورد كل مرة بيأخرني وما عندي زمن..
تعرف يا الزاكي
عندي زميلى بيعرفني حق المعرفة. زشغال في الظهران في البترول هسه بقي مدير عام التدريب..أرامكو..من عمد ابوسن بتاعين رفاعه..مهندس يوسف محمد مالك..هسه بي يحضر للماستر في جامعة السودان..
يازول أقول ليك شايف عندكم نظام السعودة دا كل مرة بي ينقص في الوافدين..
يازول تشكر.ز ويازاكي ربنا يزيدك من خيرات الدين والدنيا..
معليش يازاكي أنا عايز اقول ليك طيلة شغلى مع الأمريكان المهندسين والإنجليز وأؤكد ليك بدون مبالغة وبكل تواضع.. أنا ماشايف اي عربي أو سوداني من الناس الأنا زاملتهم ممكن يخلق ويبدع ويطور في هذه الشغلانيات اكتر مني.. ما قابلني حتى الآن شخص مقنع.. وترانا يا الزاكي هنا كويسين تشكر.. يا أخو الآخوان..طبعاً.. تركت الهلتون قبل سنوات وشغال في محطات تحلية وتوزيع وخزانات مياه..