وصفة سحرية للظلاميين , كيف تصبح مستنير في 10 أيام فقط

أعزائي الظلاميين دي آخر فرصة ليكم
إما أن تنضموا الى أي حزب معارض أو تحولوا دينكم : تصبح جمهوري أو مسيحي أو شيعي أو درزي أو تخترع دين جديد بعبادات جديدة وفرائض جديدة تناسب 2005 وتستبعد من القرآن والسنة كل ما أنزل على مسلمي القرن السابع وتنسب دينك الجديد للإسلام طبعاً .
أو أنكم تتبعوا هذه الوصفة السحرية
كيف تصبح مستنير في 10 أيام فقط

1. لا تكتب أي موضوع له أي علاقة بالله – سبحانه وتعالى – أو رسولنا الكريم –عليه الصلاة والسلام – ولا تقم بالرد على هذه البوستات.

2. إذا وجدت إحدى هذه البوستات , بإمكانك الدخول للسخرية من الكاتب أو من جهل هؤلاء المؤمنيين وإتهامهم بأنهم كيزان

3. لا تشغل بالك بالتنديد أو الغضب من أي شخص يسيئ لمعتقداتك الدينية ولكن أياك ثم إياك أن ترى بوست يسيئ لحزبك أو رئيس حزبك وتسكت, عليك أن : 1- تهاجم من أساء أو من أنتقد حزبك أو رئيس حزبك أو أي سياسي معروف وأتهم الكاتب بأنه كوز وأمنجي , 2- إذا كانت معلومات الكاتب صحيحة ( ووجعتك ) اسخر من جهله , واتهمه بأنه لا يعلم شيئاً في السياسة , 3- حاول أن تغير موضوع البوست بشتى الأشكال من خلال الهجوم على عضو آخر وحزبه .

4. استخدم هذه العبارات كثيراً في أي بوست ( ظلامي ( علشان تبعد الشبهة من نفسك ) , جلابي , كوز , نكرة , كاذب , مدعي , جاهل وما تنسى الكلمة الجديدة موضة المنبر العام 2005 " إرهااااااابي " .......إلخ ) من العبارات الإقصائية .

5. إذا وجدت بوست به تنظير في الدين يجب أن تهتف لصاحبه المفكر المثقف , بإستخدام هذه العبارات : واصل , موضوع رائع , واصل واما تهتم من المتخلفين الحيهاجموك .

6. يجب أن تهتف لمناضلي الكيبورد , وتعلن حضورك في أي بوست نضالي ( سنواصل النضال الكيبوردي , لن يقفوا أمامنا كيبورديا )

7. يجب أن تسجل حضورك ورفضك القاطع لأي بوست يهاجم الإرهاب والإرهابيين وإلا ( وهنا أحذركم يا ظلاميين) ستلصق بك تهمة الإرهاب , وستجد إسمك الحقيقي في المنبر , وبعد داك استنى بهدوء الإعتقال بتهمة الإرهاب .

8. ارمي كل مصائب السودان على الشمال وأبناء الشمالية , وأي واحد يفتح خشموا اتهمه بأنه كوز وما تنسى كلمة جلابي ( وما تخاف الكلمة دي قانون المنبر ما بيمنعا )

9. لا تنسى قلب الحقائق لما فيه مصلحتك .

10. يجب أن تدافع دفاع مطلق عن أمريكا وحلفائها , تدافع عنها لإحتلالها العراق , تدافع عنها لدعمها إسرائيل , وإذا دخلت بقواتها السودان استقبلها بالورود والترحيب .

بعد 10 أيام من اتباع هذه الوصفة ستجد نفسك تشع نوراً وثقافة , وعلى رأسك هالة من النور , حينها يجب أن تعرف بأنك أصبحت مستنيير


وأنا عملتا العلي و نصحتكم , سارعوا للتوبة أمام أحد شيوخ الإستنارة وأتبعوا هذه الوصفة قبل فوات الأوان
الموضوع بقى فيو إرهاب وأمن



تحياتي

نهال بت الكرار:

الوصفة دي ما بلقا منها دوا شراب !!!؟؟؟؟؟؟؟؟؟؟؟؟؟؟؟؟؟؟؟

Quote: سارعوا للتوبة أمام أحد شيوخ الإستنارة

ياريت لو تدونا اللستة الفيها الشيوخ ديل ...

والله انا الأيام دي محل ما أمشي ألقا لي واحد يقول لي والله مشاء الله وشك فيهو نور ..أتاريني وصلت لي الخطوة رقم 3 في وصفاتك ..

تعرفي يا بت كرار..زماااان في دعاية في تلفزيون السودان بي الشكل ده :

صوت بت بتقول : سمييييييييييييييييييييرة !!!! وشّك جد مووووووووووووووووووووووووور ...

صوت البت التانية (سميرة) : أيوة أصلي بستعمل فير أند لوفلي

البت الأولي : فير أند لوفلي ؟؟؟؟؟؟؟؟؟؟؟؟؟؟؟؟؟؟؟؟؟؟؟

سميرة : أييييييييييييوة وفي أقللللل من إسبوعين !!!!!!!

صدقي يا نهال سميرة دي دقست وإستعجلت ودفعت قروش سااااااااااااااااااي ..
المفروض إنها تستخدم وصفتك السحرية دي ووشها حا يولللللللللللللللع مش ينووور..


- سمييييييييييييييييييرة وشك جد منوووووووووووووووووووووور ..

- أيوة أصلي إستخدمت وصفة نهال ...

- وصفة نهال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

- أيوة وصفة تخليك مولللللللللللللللللللللللعة ..

المناضل عمر

واصل في طريق النور , حتى تصبح ملاك عديييل كدا

شفتا كيف يا عمر , وانحنا من زمان غبش ووشوشنا مضلمة وما عارفين السبب

أتاري الجهل والتخلف المعشش في عقولنا هو السبب

يا حول الله !!
يا نهال اتاريك كوزة ميؤوس من استنارتك
استنيني عندك في الضلمة حقتك البتخوف الناس دي
وقبل ما يجوا ياكلوك المرافعين
حا اجيك راجع الوح بشمس الحرية والاستتابة الوعيوية وربنا يكفيك شر نجمة داوود
عندي ليك كلام كتيييير فعلا
انت الظاهر كدة كافرة بالمواثيق الدولية والحقوق الانسانية وحقوق المرأة العصرية
لا لا لا حالتك صعبة بدليل ان وصفتك تستغرق 10 ايام بلياليها الظلامية
انها لحياة طويلة قبل دخول جنة الليبرالية والنبؤات الفكرية
استنيني حبة
يارب كيف انا ما كنت منتبه
عموما حصل خير

Quote: يا نهال اتاريك كوزة ميؤوس من استنارتك

أهو طلعنا كيزان

Quote: انت الظاهر كدة كافرة بالمواثيق الدولية والحقوق الانسانية وحقوق المرأة العصرية لا لا لا حالتك صعبة بدليل ان وصفتك تستغرق 10 ايام بلياليها الظلامية انها لحياة طويلة قبل دخول جنة الليبرالية والنبؤات الفكرية

للدرجة دي , يعني ما في فايدة من المحاولة حتى كان كتبتا بوست يسئ للدين ؟؟؟

Quote: يارب كيف انا ما كنت منتبه عموما حصل خير

حصل خير وباب التوبة لسه مفتوح قدامك

قليل من الموسيقى ( لتفتح نفس الظلاميين للتوبة)

Moonlight Melody


(ياربي تكون الموسيقى البحبها ما مستنيرة برضو؟؟؟؟)

الكوزة نهال
بعد كل العملتوه فينا جايين تتكلموا عن الاسلام؟
أمثالكم من المسترقين للثقافة العربية الدخيلة هم
الضيعو السودان وقفزوا على مقاعد السلطة وقادوا
البلد من حفرة إلى حفرة ومن مستنقع إلى مستنقع
عنــدما يتــظاهـر المتــظاهــــرون ضـــد مقــال لم يقــــــرأوه!!!!!!!!
طبعاً نفس المجموعة بقيادة الوهابي عمر الفاروق
جايين يباركو ليك شهادة الانضمام للعرب الما معترفين
بيك اصلا كانسانة...
حقيقة الاختشو ماتوا...

أحمد الريح مركب مكنة مستنير


المناضل أحمد , عندي سؤال مهم جداً

ما العلاقة بين الهلال ومشجعي الهلال والإرهاب والظلام ؟؟؟

أختنا نهال
عذراً لهذه (الكاميرا الخفية) التي قصدت منها التدليل على أنّ الاستنارة صفة يمكن الاحتكام عليها أسرع من إنارة (لمبة) !! أما الهلال مهد الجمال فحاشاه أن يقترن بالظلام...ما بين الهلال وأم كلثوم... نغمٌ أصيلٌ وتطريب معتّـق

أحمد الريّح

Quote: أما الهلال مهد الجمال فحاشاه أن يقترن بالظلام

دا كان سؤال استفزازي
مش دي أول خطوات الإستنارة برضو ؟؟

ود الريح

Quote: طبعاً نفس المجموعة بقيادة الوهابي عمر الفاروق جايين يباركو ليك شهادة الانضمام للعرب الما معترفين بيك اصلا كانسانة... حقيقة الاختشو ماتوا...

علي الطلاق ما عارفك جادي وللا بتقرّق

Quote: ود الريح علي الطلاق ما عارفك جادي وللا بتقرّق

يبدو أنني يا عزيزي سبيل قد نجحت في أداء أول أدواري على خشبة المسرح،

فقد كنت أردد -بصوت مسموع- مقاطع من دوري في مسرحية (مين فينا الإرهابي؟)،
أقوم في المسرحية بدور شاب مستنير يحلم بان يصبح مناضلاً كبيراً عبر التصدي
لمجموعة من الشباب يدعون للالتزام بأخلاق الإسلام السمحة، وبدعم من جهات
مشبوهة يقوم الشاب بتنظيم ندوات في الحي يدعو فيها الناس لمقاطعة هؤلاء الشباب
بحجة أنهم يدعمون الإرهاب، وتصل المسرحية لقمة الأداء الدراميّ التراجيدي عندما
يحمل الشاب جهاز تسجيل لتسجيل اجتماع لمجموعة الشباب لتقديمه دليلاً دامغاً للسلطات
على قيامهم بنشاطات إرهابية لكنه يفاجأ بهم وهم في حلقة تلاوة للقرآن يقراون سورة
الرحمن فيبكي بحرقة ويطلب منهم أن يسامحوه ويقبلوه بينهم.
المسرحية جديرة بالمشاهدة وتعرض حصرياً على قناة (سودانيز اونلاين).

أحمد الريّح

,
نهال

Quote: كيف تصبح مستنير في 10 أيام فقط

لا حولاااااااا..... عشرة ايام بي حالن؟

علي اليمن انا في فرد ضحاوية.... استنرت

الاخت نهال
كشافات البورد من المستنيرين اضاعوا وطنا ودينا

ولكن البحث عبر google لن يعطيك رابطا يوصلك الي الديار او يقودك الي الايمان

هولاء يقفون علي اطلال ذواتهم العتمة فيرون صورتهم في الاخرين

الظلاميه الامنجيه نهال بت كرار

الشوق كمياااااات

انا متفائله جدا انو ممكن نغير مستنيرين البورد الى ظلاميين لانهم هم فعلا المحتاجين تغيير

فعندك وصفه تبقى المستنير ظلامى فى عشره ايام????

بجيكى بعدين بأقتراحاتى انشاء الله


عن علاقه الهلال بالارهاب فنحن لنا الشرف نكون هلالابين وارهابيين(بمفهوم اليومين ديل) لانو اى واحد لا يخشى فى الله لومه لائم يبقى ارهابى ...فمعناها نحن الهلالاب
واضحين وصريحين ولا نخاف الا الله...وعشان كده غالبيه المريخاب مستنيرين فيا نهال انتى
شكلك كده هلالابيه مائه فى المائه والمريخ ما بشبهك ولا بجى بجنبك ولا بعرفك , عشان كده ما تبارى ابوكى المستنير ده واحسن ليكى ترجعى لأصلك الهلال فأنتى منا ونحن منكى
p.s

بالمناسبه مامعنى امنجى وجلابى???


وفى امان الله

لا اله الا الله

بت الأحفاد ( وفي رواية أخرى أميرة الظلام)

والله نحنا مشتاقين ليك بالأكتر

قلتي لي وصفة تبقي المستنير ظلاميي !!!!؟؟؟ يا عزيزتي دا الكلام البودي ورا الشمس , للأننا حنتهم بالتآمر ضد المنبر ورواد المنبر وبعدين نلقى نفسنا مطرودين

Quote: عن علاقه الهلال بالارهاب فنحن لنا الشرف نكون هلالابين وارهابيين(بمفهوم اليومين ديل) لانو اى واحد لا يخشى فى الله لومه لائم يبقى ارهابى ...فمعناها نحن الهلالاب واضحين وصريحين ولا نخاف الا الله...وعشان كده غالبيه المريخاب مستنيرين فيا نهال انتى شكلك كده هلالابيه مائه فى المائه والمريخ ما بشبهك ولا بجى بجنبك ولا بعرفك , عشان كده ما تبارى ابوكى المستنير ده واحسن ليكى ترجعى لأصلك الهلال فأنتى منا ونحن منكى

انتي صدقتي اني مريخابية , يا زولة أنا بكاوي في الهلالابية ساي
لا لي شغلة بمريخ ولا بهلال


معنى كلمة أمنجي : وكما وردت في صحيح الإستنارة تعني من يعمل في الأمن أو أي جهة حكومية
أما كلمة جلابي : وكما وردت في قاموس الإعجاز العنصري تعني شمالي



ومستنية اقتراحاتك

Quote: ولكن البحث عبر google لن يعطيك رابطا يوصلك الي الديار او يقودك الي الايمان هولاء يقفون علي اطلال ذواتهم العتمة فيرون صورتهم في الاخرين

الأخ أساسي

هذه هي الحقيقة
لذلك كم يسعدني مايرونه جهلا وتخلفاً وظلاماً وكم يزيدني ثابتاً على ما أؤمن به من قناعات

Quote: علي اليمن انا في فرد ضحاوية.... استنرت

أستاذنا

ما تلحقنا بوصفتك دي وتسهل علينا المشوار

أحمد الريح :

Quote: طبعاً نفس المجموعة بقيادة الوهابي عمر الفاروق جايين يباركو ليك شهادة الانضمام للعرب الما معترفين بيك اصلا كانسانة...

طبعاً إنت قاصد بي نسبي للوهابي الفنان والملحن محمد عبد الوهاب مش؟؟؟؟ خصوصاً أغنية (أنت عمري الفاروقي)..
أصلو انا خلاص خشيت في الوصفة بتاعت نهال دي وجابت حقها والحمد لله ..
يازول تاني لا تقول لي محمد طه محمد أحمد لا محمود محمد طه (سبحان الله في تشابه مش؟)

أها يا أبوحميد نتلاقا في قهوة المستنيرين في المحطة الأوسطي أو البوستة عندنا جلسة إستماع للمستنير هناي يتحدث فيها عن نسب الرسول عليه أفضل الصلاة والسلام ...

"أعزائي الظلاميين دي آخر فرصة ليكم
إما أن تنضموا الى أي حزب معارض أو تحولوا دينكم : تصبح جمهوري أو مسيحي أو شيعي أو درزي "

الأخت نهال،
شكـــرا على هـذه المعطيـات فإن الســؤال صعب بالحيل!
أصلـو من زمان دايـر أعرف معنى "ظلاميين" شنـو.. وهسى قربت منهـا..
حأستبعـد القلتيهـم ديل طبعـا وأفكـر فى الباقين.. مع إنو ما وصلت للإجابـة إلا إنك خليتى مهمتى أسهل شـويـة..

وشكــرا.

الضلامية نهال

طبعا البوست دا جا في وكتو تماما لأني شايف اليومين ديل المستنيرين
راحت ليهم وبقوا يلخبتوا المواضيع ويفتشوا عن إشتباكات مع خلق الله بأي طريقة
وأسئلتم كترت للناس في أمور ما بتخصهم .

لكن عشان ما يقولوا عليك كوزة ومتحيزة أثني الضلامية بت الأحفاد في إنك تشرعي فورا
في كتابة الجزء الثاني من هذا البوست وسميهو كيف تصيح ضلاميا في عشرة أيام

أنا علي ما مشكلة نضلم من هنا شوية وننور من هناك شوية ..

ناذر

انتا ضربت الرقم القياسي في سرعة التحول من مستنير الى إرهابي
في غضون شهرين اتختيت في البلاك لست , وبقيت من ضمن المطلوبين لدى الأمن

يعني على نفس الطريق دا ممكن تكون بعد سنه شنو ؟؟؟

علشان كدا أنا بنصحك بجرعات مضاعفة من الوصفة دي
علشان ترجع وتبقى ظلامي في الأول بعدين نص ونص وآخيرا تلقى نفسك رجعتا مستنيير

الوصفه سحريه جداً

بس عايزين نعرف الاثار الجانبيه

الواحد خايف يبقى مناضل عديل كده
وتطلع ليه الاستناره في راسو

يقعد انضم كتر ساكت واتخيل ليك الناس كلهم امنجيه وكيزان
وانو مطارد
بس الخايف منو الواحد انقلب مريخابي اكان دي بتحصل استنارتكم طايره عليكم
او كما قال الشاعر

مااكثر الكيزان حين تعدهم لكنهم

تموها براكم ياحبايب الضلمه

Quote: بس عايزين نعرف الاثار الجانبيه الواحد خايف يبقى مناضل عديل كده وتطلع ليه الاستناره في راسو يقعد انضم كتر ساكت واتخيل ليك الناس كلهم امنجيه وكيزان وانو مطارد

لا لا الوصفة دي ما عندها أثار جانبية خالص
بالعكس بتخلي الواحد يبقى شعاع على راي عمر الفاروق

جربوها ولن تندموا أبدا

أستاذ أبوريش

والله أنا سعيدة اني سهلته ليك الإجابة

وعلشان أسهلا ليك أكتر

الظلامي : شخص ما بعجبوا العجب
ما عجباو الديانات الجديدة موديل 2005 وعايش لسه على إسلام القرن السابع ( دقة قديمة خالص)
لا عجباو معارضة ولا عجباو حكومة

ولا عجباو نفسو زاتها

بت الأحفاد :
ضلامك داااااامس حاولي تاني لمن تجينا هنا جيبي معاك بطارية وكشافة عشان نقدر نشوفك ..

Quote: بالمناسبه مامعنى امنجى وجلابى???

الأمنجي ده زول طييييييييييييييييييب ومسكيييييييييييييييييييييييييين ..شفتي الزول القالوا قبض علي إبراهيم بقال ؟؟؟بس ده ياهو زاااااااااتو الأمنجي ...
أمنجي يعني شغال في الأمن وفي رواية شغال في شركة (الهدف) ...

أما الجلابي :
دي معناها الزول البيحب يلبس الجلابية ....وفي هذا الصدد تغنت كثير من الفنانات للجلابية :
الجلابية بيضة مكويييييييييييية ..
حبيبي بيسحروك لييييييييييييية ..

الجلابية كده بس كده بس ..
الجلابية حاجة ما تخلص ...

شفتي وصفات نهال كرار دي عملت فيني شنو ؟؟؟؟
قال عشرة يوم قال !!!!!!!!!!!!! والله بس قريت الموضوع ساااااااااي بقيت كده انا كان واصلت عشرة يوم بي الطريقة دي بلحق ليكم سلمان رشدي

طبعاً حا يجوك المستنيرين ويقولوا ليك " جلب يجلب جلباً ففهو جلابي" وهو الذي يأتي بالتجارة أو يجلبها ثم يبيعها في السوق ...

تخريمة :
إستخدم وصفة نهال لمدة ثلاثة أيام لتصبح شمعة ...
وإستخدمها لمدة 5 أيام تصبح فانوس ..
إستخدمها لمدة 7 أيام تصبح لمبة ..
أما لمدة عشرة أيام فإنت حا تصير شعااااااااااااااااااااااااااااااااااااااااع ..

..
.

مالى ارى يااخوة العرب..الظلام الدامس يطغى على هذا البوست!!
فاراكم متوشحين السواد لون الحزن!!
اجميعكم هكذا.. إنى برئ منكم ياايهاالجلابة المستنكحين الظلاميين.. فانكم اطلتم الضحك على عقولنا وذقونا.. ولم نجد منكم حق ولا باطل وتشابهة علينا
الطرق التى تؤدى الى جوهانسبيرج ارض الحرية والنضال والزولو والزوغو..اولاد عم آل بعانخى..

Quote: ارمي كل مصائب السودان على الشمال وأبناء الشمالية>>

والله ديل وش المصايب.. فى داعى يعنى تحكموا من الاستقلال وبعشرات
السنين.. ما تدونا فرصة.. بعدين ليه ساكنيين الرياض والمنشية
وخالين لى ناس حلفاالعطش كاتلهم وياكلو شوية بلحات وتركين والعجب
ناس جزيرة صير ديل حالتهم تحنن ياكلوا فى البلح والرمال دفنتهم عديل كدا
والله دى انانية منكم ومن حكامكم ديل!!
بعدين بطلوا استغلالية واستنكاح..وكفاية ودار واستهتار واستغلال..
بالجد انتو يا الجلابة بالغتو.. يعنى ماممكن الثروة تتقسموها
براكم.. ادونا معاكم شوية انحنا اقليمنادا اغنى اقليم..وانتو ماعندكم التحتح ..وما تنسوا اهل العوض واخوانا فى الشمالية وارض النوبة والبجا
وماتعملوا لينا كلام المملكة الفرنسية ديك قالوا ليها الشعب مالاقى خبز
قالت ليهم: ادوهو جاتووه

Quote: وستجد إسمك الحقيقي في المنبر

والله يا بت الكرار..
كنت مفكر اعمل بوست عن الموضة دى!!
بالجد شنو موضة الاسماء الحقيقية الحايمة دى??!!
بعنى لزوم النيكنيم شنو!! ولاخلاص..التقى الازرق والابيض فى الخرطوم ياسمراء
يعنى اسماء ناس اكسوسيريت وبشاشا وكوستاوى وتبلدينا..
بقت مشتته هنامش غريبة??!!

loool@بالمناسبه مامعنى امنجى وجلابى???
والله يا بتنا قالو في صحيح زنجية الشمال :
يعنى يا مرتزقة يا رعاع يا آريين يا اصحاب الصليب المعقوف
يااستغلاليين يا تفاتيح يا مستنكحين
يآآآآآآآآ ي ياأرهابيين

...
..

"ولا عجباو حكومة"
و"القرن السـابع"

الأخت نهال،

ودى كمان hint جديـدة..

شكــرا.. قررررررررررررررررررربت الإجابـة.
خليهـا على كدا.. لو مررت لى بخرات زيادة المراقب حيشــوف.

القطع من خلاف.. صورة وتعليق. الدخول على مسئوليتك

Quote: الظلامي : شخص ما بعجبوا العجب ما عجباو الديانات الجديدة موديل 2005 وعايش لسه على إسلام القرن السابع ( دقة قديمة خالص) لا عجباو معارضة ولا عجباو حكومة ولا عجباو نفسو زاتها

والله ده انا زاتى سبحان الله مافى زول فهمنا زيك يا ضلاميه

الجمله ده تنفع تتختا فى الديكشنرى دفنشن لمعنى كلمه ضلامى لانى ما وجدت وصف ابلغ من وصفك ده حتى الآن...ماشاء الله عليكى اول مره ا عرف ان الضلاميين بعرفو يفكروا كده وكمان بجيبوها صاح

شكرا للتوضيح يا امنجيه

بقيه الضلاميين بقياده الامنجيه عمر الفاروق وتبلدينا ونازر

جاياكم راجعه بأزن الله لما اشوفكم كويس انا حسه شايفاكم طشاش طشاش ولو ما
النور الدخل مع ابو الريش ما كنتى شفتكم زاتو

احمد الريح ما بسألك


والله انتا فتا المستنيرين زاتو

نهال بالله وصفه سريعه لاحمد ده لانو حالتو بقت صعبه خالص


وفى امان الله

لا اله الا الله

Quote: خليهـا على كدا.. لو مررت لى بخرات زيادة المراقب حيشــوف.

جدا

نهال اختي
مصطلح ظلامي و مستنير لا يتعدي عندي اكثر من انه مصطلح للضحك و
الونسه البريئه بين البورداب كعاده المجتمعات في انتاج مصطلحاتها
الحياتيه .. اعني انني لم انظر له قط بأعتباره مصطلح جاد

رغم انه اُنتج في فتره كانت فيه الخلافات الفكريه تطبق علي رقاب
المجموع هنا و تنعكس في شكل سباب و ملاسنه ... عملا بمبدا من ليس
معي فهو بالتاكيد ضدي اعتقد ان الوقت قد فات الان علي هذه
المسميات رغم وجود العدد البسيط و غير المؤثر ممن لازالو يرسفون
في اغلال هذه التصنيفات
لا اعتقد ان فهمك يبتعد كثيرا عني فهمي .. او دعينا نقول انها
دعوه لتذويب مثل هذه المفاهيم لدي البقيه الباقيه و محاوله لتأسيس
اخلاق للاختلاف في سودانيزاونلاين
تحياتي للمشاركين و اسجل استمتاعي الكامل بكل حرف هنا .. وايضا
اعجابي بالموسيقي

الأخ خدر
أول حاجة شكرا على الريل , أنا لحد الليلة مابعرف ليو

Quote: مصطلح ظلامي و مستنير لا يتعدي عندي اكثر من انه مصطلح للضحك و الونسه البريئه بين البورداب كعاده المجتمعات في انتاج مصطلحاتها الحياتيه .. اعني انني لم انظر له قط بأعتباره مصطلح جاد

ياريت الكل زيك يا أخ خدر
المشكلة أنو في المنبر دا تسميات ظلامي ومستنير أتجاوزت الحد
وبقت تصيب كل شخص يشارك برأي مخالف
دا إذا ما تلقى سيل من العبارات إيها ( كوز , جلابي , ....الخ )
وطبعا الكلمة الجديدة في قاموس المنبر ( إرهابي )
في البداية كنا بنقول ديل أقلية , لقينا الحكاية منتشرة , حتى عند الأعضاء المشهود ليهم بالوعي والإحترام
وبما أنو الموضوع تجاوز مصلحات ظلامي ومستنير وبقى أكبر من كدا عند البعض
فأنا حقيقة ما شايفة أي حل غير اننا إما نبتعد عن أي موضوع سياسي أو موضوع يخالف رأي البعض
أو نتفق معاهم في كل أساليبهم , آرائهم , وحتى إختياراتهم للبوستات البشاركوا فيها

Quote: دعوه لتذويب مثل هذه المفاهيم لدي البقيه الباقيه و محاوله لتأسيس اخلاق للاختلاف في سودانيزاونلاين

كم أتمنى ذلك


ودي موسيقى تانية تحية لرأيك الحكيم


ربيع في العاصفة

الأخ Tabaldina

والله شايفين الوصفة جابت نتيجة معالك , ولا أنتا مستنير كدا من زمان ؟؟

عقبالنا

Quote: ياخى ياعمر قطعت مصارينا.. الله ما يقطعك من خلاف.. لقداشعتم النور فينا

Quote: loool@بالمناسبه مامعنى امنجى وجلابى???

الظلامى تبلديا ...شايفاك شمتان فينى ساكت من قبيل وهاك يا ضحك...انت نسيت انك ظلامى ذينا ولا شنو? والظلاميين لاذم يوازروا بعضهم وما يضحكو فيهم
ولا انت خلاص أتأثرت بكلام الظلاميه نهال وبقيت مستنير???


وفى امان الله

لا اله الا الله

الاخت نهال
والعندو حساسية من وصفتك دي
يحلها كيف؟

عملية جراحية؟

وبصراحة أنا بيني بين نفسي بحب المستنيرين وعايز اكون واحد منهم
بس المشوار طويل جدا

Quote: والعندو حساسية من وصفتك دي يحلها كيف؟ عملية جراحية؟

والله يا أخ فرانكلي سؤالك دا مش من إختصاصي
على العموم ممكن نسأل استشاري أو جراح ظلامي يوضح ليك كل ما يخص الجراحة دي

أممممممممممممممممممممممممممك ...

ألحقواااااااااااااااااااااااااااا...

بت الأحفاد وللللللللللللللللللللللللللللعت

Quote: جاياكم راجعه بأزن الله لما اشوفكم كويس انا حسه شايفاكم طشاش طشاش ولو ما النور الدخل مع ابو الريش ما كنتى شفتكم زاتو

ده النور الأول ..

Quote: احمد الريح ما بسألك

وده النور التاني..


الليلة بت الأحفاد هظرت وضحكت ...........

غايتو بي نهاية البوست ده إنشاء الله بت الأحفاد بتجيكم بي دلوكتا وأااااااااااخر شعاع..

عمر الفاروق

انتا فى ده ولا فى الموسيقى السمعتنى ليهاالامنجيه نهال وامير الظلام الجديد خدر

غايتو الله يجازى الكان السبب

وشوف كمان بقيت اناديكم بأسماءكم حاف كده!!!

نهال ده باين عليهامدربه كويس وعميله مرسلنها لينا عشان تغيرنا فأبتعدو عنها فهى وباء عظيم

Quote: غايتو بي نهاية البوست ده إنشاء الله بت الأحفاد بتجيكم بي دلوكتا وأااااااااااخر شعاع..

ده اخرتا كمان يا ودفاروق? لكين برضو بمشى وبجى واقول الله يجازى الكان السبب


وفى امان الله

لا اله الا الله

Quote: نهال ده باين عليهامدربه كويس وعميله مرسلنها لينا عشان تغيرنا فأبتعدو عنها فهى وباء عظيم

بت الأحفاد
الوصفة جابت نتيجة معاك

بقيتي تستخدمي المصطلحات إياها

Quote: عميله

Quote: فأبتعدو عنها فهى وباء عظيم

..
.
..
.

Quote: غايتو بي نهاية البوست ده إنشاء الله بت الأحفاد بتجيكم بي دلوكتا وأااااااااااخر شعاع..

ياخى ياعمر قطعت مصارينا.. الله ما يقطعك من خلاف..

لقداشعتم النور فينا

يا خدر

Quote: اعني انني لم انظر له قط بأعتباره مصطلح جاد

واضح يا عزيزي أن قلبك متعلق بالظلاميين بالفطرة، فقد عرفت كيف توصل لنا بذكاء أن جاد لا يستحق مصطلح الظلامي !!
لله درك يا خدر.
مرحب بيك ظلامي لا يشق له غبار، وإكراماً لمقامك كمستنير Senior فإنّنا سننصبك (ولي عهد أمير الظلام) وهو منصب استحدثناه تحسباً للظروف بعدما رأينا قادتنا يتساقطون الواحد تلو الآخر بعد أن تسودّ أسماءهم، وبالمناسبة فإنّ أمير الظلام هذه الأيام هو الدباب المفدي أساسي آل ظلامي، مما يعني أن تقلدك لمنصب أمير الظلام يمكن أن يكون وشيكاً فأساسي اشتهر بقيادته للمعارك بنفسه واحتمال اسوداد اسمه يتزايد يوماً بعد يوم.
أحمد الريّح

الحكيم احمد الريح

Quote: واضح يا عزيزي أن قلبك متعلق بالظلاميين بالفطرة، فقد عرفت كيف توصل لنا بذكاء أن جاد لا يستحق مصطلح الظلامي !! لله درك يا خدر.

المسأله عندي اكبر من ماقلت يا ابوحميد .. حسب تصنيفات البورداب
فأنا مستنير 100 واط لكني اعتدت في حياتي ان لا اُضخم الاشياء ولا
اخترع اعداء و اجهز عتادي للحرب .. انا بركز علي قضيه مُختلفه
الشباب هنا مُصرين ينسوها و هي سودانيتنا و تربيتنا السودانيه
مستحيل ان اصدق ان عدد كبير ممن يسمونهم ظلاميين في هذا المنبر
يكونو بالسؤ ده ..لذلك تجدني مصر علي ان الخلاف ليس بهذا العمق
و الجائزه لن يستأثر بها احد الاطراف فقط

لا خيل عندك تهديها ولا مال
فاليسعد النطق ان لم يسعد الحال

فالقضيه مجرد بورد لتبادل وجهات النظر ,, لا مجال في تقديري لي قومان
النفس و المناهده و الشتم .
من ناحيه اخري انا قلت

Quote: مصطلح ظلامي و مستنير لا يتعدي عندي اكثر من انه مصطلح للضحك و الونسه البريئه بين البورداب كعاده المجتمعات في انتاج مصطلحاتها الحياتيه .. اعني انني لم انظر له قط بأعتباره مصطلح جاد

فأنا لم اقرب الصلاة و بي سُكر فلماذا تقربنيها انت
اعني اني استخدمت كلمه جاد كوصف لحاله المصطلحين و ليس ظلامي فقط








ده من ناحيه
من ناحيه تانيه لن افوت لقب امير الظلام و سأعمل جهدي كي ابدو ظلاميا
فوالله لن اخلع قميصا البسنيه ود الريح

غايتو ياعمر أنا ماعارف
إنت حـاسـبـنـك ضـــلامي لـيــه?
وإنـت طـوالي مـــولـــع

الاخت نهال كرار

تعرفي اجمل اغنية بتتوافق
مع الوصفة دي اغنية للفنانة نانسي عجرم

اسمها اه ونص اصلها اغنية استايل وسحرية
ولها نفس تأثير الوصفة السحرية للظلاميين

لكن اكتر ناس سعيد عشانهم فى نص الحكاية دي

اصحابنا ال محمود محمد طه ديل

سجناء داخل كهفهم لاكثر من ربع قرن واخيرا
وجدوا عبارة تخرجهم من كهفهم الشتوي
وكانما لم تكن فى معاجم اللغة كلمة الإرهاب من قبل
ولا
يا ربي ما يكون شرحها ليهم صاحبهم قبل ان يقتل؟؟؟؟



عمر الفاروق

ياخ ما تجيب لينا اغنية نانسي عجرم

اهداء للجماعة ديل

كتبت بنت الأحفاد

Quote: احمد الريح ما بسألك

عشان كده يا بنت الاحفاد انتو ما بتتعلمو
وعايشين في كهوف القرن السابع
ليه ما بتسأليني؟ طيب حا تعرفي كيف
الزيكم ديل هم البيتظاهرو ضد مقال ما قروه

هذه رسالة إلى المستنير Jini
أظـــلــِـم تســلـَـم...

زي ماقال نائب أمير الظلام أحمد الريح

هذا البوست طاهر ولن تدخله نانسي عجرم


لو خالفنا رايو بنبقى لا لامين ظلام ولا لامين نور

الأخوات والأخوة الكرام
وهذه وصفة نبوية

دعاء كفّارة المجالس: قال النبي صلى الله عليه وسلم: من جلس في مجلس فكثر فيه لغطه فقال قبل أن يقوم من مجلسه ذلك: "سبحانك اللهم وبحمدك أشهد أن لا إله إلا أنت أستغفرك وأتوب إليك" إلا غفر له ما كان في مجلسه ذلك. رواه الترمذي وابن حبان والحاكم عن أبي هريرة رضي الله عنه.

فرانكلي

Quote: ياخ ما تجيب لينا اغنية نانسي عجرم

نرفض بشدة دخول نانسي عجرم لهذا البوست الطاهر.
رابطة أبناء الظلاميين بنيويورك

Quote: انتي صدقتي اني مريخابية , يا زولة أنا بكاوي في الهلالابية ساي لا لي شغلة بمريخ ولا بهلال

شايف عندك يا ود فاروق??? شغلتنا ده عايزه الرزق يحب الخفيه..وافهمها وهى طائره وعايزه انتباه شديد...لو ما عملت حسابك بنشيلك من قائمه الظلاميين
طوالى...تمشى حالا وتمسح نهال ده من المريخ وتشطب القونين الجابتهم...البت اعترفت براها انها ما مريخابيه ويلقوها عند الغافل وقالت كمان انها بس حنت على المريخاب لانهم كانو بسيطين ومساكيين ويحننو...اها زول فيهم جاب ليها فتوى ان العطف على ناس مساكين زى المريخ بيديها ثواب فقامت قالت تاخد الاجر فيهم وتنضم ليهم...اهابعد اعترفا ده امسح اسمها طوالى


وفى امان الله

لا اله الا الله

الموضوع خشا فيو شطب قون للمريخ

إذا أنا أتراجع عن قراري السابق

أنا مريخابية 100%

Quote: نرفض بشدة دخول نانسي عجرم لهذا البوست الطاهر. رابطة أبناء الظلاميين بنيويورك

سيروا وعين الله ترعاكم ...

قف..

رابطة الظلاميين فرع الرياض تؤيد وتشجب وتندد في نفس الوقت ولا نامت أعين الجبناء..

وتهديك هذه القصيدة علي وزن " متشكرين ومقدرين " :

متحضرين ومولعين ...
بوردابياتنا وبوردابيين ..

هناك مشينا للحكم ..
شايلين شمعتنا والقلم ..
أدانا لينك من العدم ..
قال لينا يا متخلفيييييييييييين ..
متحضرين ومولعين ..

دكتورنا يا سيد الفهم ..
والله ما كان العشم ..
محمودنا طه إتعدم ..
ورونا ليه بس الندم ..
شاكننا ومتهورييييييييييييييين ..
متحضرين ومولعين ..

نهالنا أدت وصفتا..
والخلطة زادت جرعتا..
كبسولة قامت ختتا...
وبت أحفادنا بلعتا ..
وبقينا نحن مشعشعيييييييييييييييييييييين ..
متحضرين ومولعين ..

أحمد ظلامي ومستنير..
ونهال تقول شمس العصير..
وفرانكلي فانوس صغير..
وأساسي بي بي البونت الكبير..
ديل كلهم متدلعيييييييييييييييييييييييييين ..
متحضرين ومولعين ..

و
متشكرين ومقدرين ...
يا مدرساتنا ويا مدرسين ..
عفواً
يا مناضلاتنا ومناضلين ..

نحي مايسترو رابطة الظلام
الموسيقار عمر الفاروق الوهابي

نهال : لكن ما طلعتي ظلامية ومضلمة عديل كده

المهم : كلمة ظلامي أصلاً عاجباني وعجبتني أكتر بعد ما نزلتي موضوعك ده
فمن اليوم أنا من حزب الظلامية وخلينا حزب النهار للناس المفنجلة عيونها وبتشوف الما بنشوفو.
ويديك العافية وربنا يلهمنا الصبر والثبات

يا جماعة الخير مضلمين مولعين ماعندنا معاكم شغلة بس المريخ ده خلوهوا بعيد ...
الزولة البتقول انو حنت علي المريخ حقو تسحب كلامه انا ماعارف هي ضلامية ولا مستنيرة لكن ان واصلت معانا كده كان لقيته في جهة بوديها الجهة التانية...
وبعدين المريخاب مريخاب كان شوية وكان كتار..

المريخ نجموا عالي
وسماهو حمره
وكورتو جمرة
ومابشرب الخمرة

اهمنننننننننننن
هيع هع عههعهع هيع
ارضو فوق رؤس الناس
وهو البجيب الكاس
لا كضاب ولا مجراس

اهمنننننننن الليل
هيع هع هيع هيع هعييه هع
زادو البحبوه
كي في الرشاشات
ونارو فوق نارهم
لا هزائم ولا درونات
وكان بيتاثر بي ضني السايبات
الرماد فوق رؤسكم يالشمات
ابشر .........هيع هيع هيع هيع هيع هعيهههوع هيع ..

عمر الفاروق ..

Quote: دكتورنا يا سيد الفهم .. والله ما كان العشم .. محمودنا طه إتعدم .. ورونا ليه بس الندم .. شاكننا ومتهورييييييييييييييين ..

شيل شيلتك مع الجماعة

أأييييي أنا بتاع فتن .. إنتا عاوزم ما يشوفوها ولا شنو

أتوقع بروز بوست بعنوان :

ما رأي عمر الفاروق وأخرين في إعدام زعيم المستنيرين

من هسي أمش ذاكر عشان تاني ما تتكلم ساي

تخريمة :

وأنا بجهز لي بوست بعنوان ..
عمر الفاروق نحن نفاخر بك الضلمة و نتحدى بك الشعاع

Quote: عمر الفاروق نحن نفاخر بك الضلمة و نتحدى بك الشعاع

LoooooL

نهال
دبايتو
من كان مستنير فاليبحث عن ضلمة ولو لا الضلام لما كانت الاستنارة
واتارى انا اقول المنبر مضلم مالو اليومين ديل وانتو متلمين هنا قوموا فرتكوا بلا ضلمة معاكم.

هاشم نوريت


والله أنا لحدي هسي ما عارفه أنتا محسوب ظلامي ولا مستنير

Quote: لزولة البتقول انو حنت علي المريخ حقو تسحب كلامه انا ماعارف هي ضلامية ولا مستنيرة لكن ان واصلت معانا كده كان لقيته في جهة بوديها الجهة التانية...

لا لا

شفتي يا بت الأحفاد

أنا ماقلته اني حنيت عليهم

خلاااااااااااااااص أنا بتراجع عن كلامي السابق
أنا مريخابية ميه ميه

الأخ الظلامي كبسيبة

شكرا لإنضمامك للحزب
ولن تندم أبدا

تحية طيبة للجميع ..

الاخت نهال كرار ... ليه كده طيب ...

بالمناسبة موضوعك ده فيهو بلبله و محاولة توجيه الرآى العام من الصالح العام للصالح الخاص، و ذلك بشغل الشعب عن مستحقاته!!!

لكن نحنا لسان حالنا بيقول زى ما قالت د. نجاة (بيان) ، فيما معناه :

ظلامى عديل و لا مستنير مكعوج



و اكيد برجع تانى

تخريمة:

عمر الفاروق نهال دى مريخابية ميه ميه ، و بت الاحفاد دى فى تيمنا، بس عامله تقيله



تحياتى

الاخت نهال ..تحياتى... الاخ محمد الامين ..تحياتى خلاص قسمتها طيب وين حقنا نحنا اعداء الوطن والانسانيةبالرغم من انى عندى اقتراح (اننا نفتها ونعملها قرعة)(مالو ماديمقراطية)...

آسف .... من الضلام ما شفت باب الدخول ، أمشي أجيب بطاريتي أم ستة حجار عشان نفرز الوجوه ، خاصة المقبرة التي عليها قطرة .






دنـقس .

ابننا عبدالقادر دنقس

Quote: أم ستة حجار

دى بتاعت الخلا لكن بتاعت الفضاء من غير حجار
ولا رايك شنو؟

..
.

Quote: آسف .... من الضلام ما شفت باب الدخول ، أمشي أجيب بطاريتي أم ستة حجار عشان نفرز الوجوه ،

ياجماعة دنقس دا فيهو رقشه.. بس حجاره نازله..
ادهو كشاف ولا رتينة عشان ما يخطئ الدرب..
صراحة والله سمحاتكم دى حلوة .. شعب طيب على نياتو
الله يجازى الكان السبب على قول بتنا..

سلام

الأخ دنقس

ما معقولة , وأنا أقول النور الدخل البوست دا من وين
ياخي من شدت النور لمن لبسته نظارة شمسية
لا لا عليك الله ما تجيب البطارية
أصلنا خفافيش بنشوف في الظلام وما بنحب النور

الأخ أبوبكر
تحياتي

أنا بره القرعة دي من هسي
خلاص أنا اتخذت قرار ما حرجع فيو وهو اني مريخابية

Quote: بالمناسبة موضوعك ده فيهو بلبله و محاولة توجيه الرآى العام من الصالح العام للصالح الخاص، و ذلك بشغل الشعب عن مستحقاته!!!

مافهمتا حاجة يا محمد الأمين, تقصد أنا كوزه

Quote: ظلامى عديل و لا مستنير مكعوج

ياحليل أيامك يا د. بيان والله بالجد افتقدناها شديد

Quote: عمر الفاروق نهال دى مريخابية ميه ميه

واخد بالك يا عمر , يعني تقوم هسي تمشي تحسب القون بتاعي الشطبتو لي

إنهالت الدعوات علي أخوانا المضلمين خالص أحمد الريح ونهال كرار للإنضمام لمعسكر الظلاميين في فتاشة وذلك بعد أن بدأت تظهر عليهم بعض من ملامح الشعاع ..
الدعوة قدمتها الدكتورة بيان صراحة في إحدي المواقع التي لا تستطيع الدخول إليها إلا وأنت معك لمبة 999000 واط ..

إلي نهال كرار دعوة ...

الضلامي الذي صار هلالابي أحمد الريح

الاخ عمر الفاروق ياريت تقول لخاله بيان انها وحشتنا موت واطلب منها انها ترسل لى تلفونها ضرورى لانى افتقدته

بجد والله الدكتوره بيان فقدها خساره كبيره للظلاميين خاصه وللبورد عامه..بجد افتقدها بشده


وفى امان الله

لا اله الا الله

عمر الفاروق واحمد الريح

انا بحملكم المسئولية كاملة فى رفضكم لدخول
الناطق الرسمي باسم المستنيرين نانسي عجرم

انا شايف نهال كرار خافت من الشطب

لكن انتو لازم تتصرفو باي شكل خاصة انو
المبدع قوم اوقف وانت بتكلمني دخل ومعاهو
انوار دافو_فور

وبما انني من الرياض يا عمر اخوي اطالبك
بالابتعاد عن القرارات الاحادية
وان تتيح الفرصة لنانسي عجرم الناطق الرسمي
باسم مستنيرين بالمنبر الحــــــــر بالدخول
وتقديم عرضها الســــــــــاحر وتخلي الضلام
دا يخف شوووووووووووووية

لجنه الظلاميين بالمملكه المتحده ترفض وبشده دخول نانسى عجرم لبيتنا الطاهر وتعلن انها ستضطر للانسحاب فى حاله دخولها الى مقرنا


اميره الظلام بالمملكه المتحده -بنت الاحفاد


وفى امان الله

لا اله الا الله

الأخت بت الأحفاد :
طبعاً الأخت دي رجعناها بعد ما شكلك بديتي تضلمي تاني وتختي الألقاب بعد ما كسرتي الحاجز وكنتي شابكانا يا ود الفاروق ويا أحمد

Quote: الاخ عمر الفاروق ياريت تقول لخاله بيان انها وحشتنا موت واطلب منها انها ترسل لى تلفونها ضرورى

جاري التنفيذ وأسة الرقم بيكون وصل تركيا في طريقه من كوالالمبور مروراً بالرياض وصولاً لعاصمة الضباب ..(ياخ الرقم ده حا يتعب تعب) إبن بطوطة بس

سنجكنا :

Quote: عمر الفاروق واحمد الريح انا بحملكم المسئولية كاملة فى رفضكم لدخول الناطق الرسمي باسم المستنيرين نانسي عجرم

كلامك ده ممكن يؤدي إلي شق الصف الضلامي ونحن ماااا صدقنا الضلاميين جو إتلموا بي هنا عموماً كلامك ده ممكن يزعلنا منك لكن وإيماناً منا بالدور الذي تلعبه لا نملك إلا أن نقول ليك :
نخاصمك ..أه ..
نسيبك ..لأ...

Quote: لكن انتو لازم تتصرفو باي شكل خاصة انو المبدع قوم اوقف وانت بتكلمني دخل ومعاهو انوار دافو_فور

يا سنجك هووووووووووووووووي:
وما تتكلم وانا بتكلم وإن غبت عليك سيبني و شتت ..

Quote: وبما انني من الرياض يا عمر اخوي اطالبك بالابتعاد عن القرارات الاحادية

أدين وأندد وأشجب هذه اللغة الصارخة وأتقدم بشكوي صريحة لأميرة الظلام نهال كرار لإجراء اللازم وبي المييييت كده تعمل لينا تركيبة تسخطك وتبقيك رتينة ..

الله أكبر ولا نامت أعين الهيفاء ..قصدي الجبنا ء

الاخت نهال....حددى ملامحك جيت العصافير قربت...

Quote: الاخت نهال....حددى ملامحك جيت العصافير قربت...

هو أنا لسه ما حددتها ؟؟

هوى ... يا ملكية ... قاعدين تنظروا وتسبروا غور ظاهرة الظلامية - شفتو حنك الاستنارة دا - وما تدونا تنويه واشارة ... كويس الفوله بتتملى والبقارة بيجو

تخريمة :
نهال ... امسكى عليك عيونك ديل امسكيهن

Quote: نهال ... امسكى عليك عيونك ديل امسكيهن

OK

بما ان كلمة السلام عليكم ورحمة الله وبركاته اصبحت من مفردات الظلامين, سابادركم الهاي و الهاو آ ر يووو
و اقوليكم لازم تنتبهوا كمان للمفردات الظلامية و لا تستخدموها ابدا في كتاباتكم و احاديثكم واكثروا من الاستدلال بشهداء البكر سوري اقصد الفكر, وكذلك باستنادية التداعي الحر علي ارجوحة اللبرالية العصرية والتي تعلق علي حبال :
1 الريسيزم (لاحظوا جيدا هنا استخدام المصطلح الافرنجي حتي نبعد عن مسميات العروبه و الخصوبه)

2- البراغماتزم

3- الغيظتزم

نتهي بهذا علي ان الخروج من الظلام ليس بحل الشعر و ربط لفة العنق وانما هو حل صواميل الراس نواطلاق العنان للسان و الحنجرة ليتناطحان

وباي

عمر الفاروق ده لاظلامى ولا حاجتين..عاجباه ونسة الحريم ساكت

يا اخوى امشى حضر لبقال شنطته الزول قرب يهاجر.لووووووووووووول،،،

الأستاذ صديق الموج
سعيدة بدخولك , فأنت ترسم الإبتسامة في وجوهنا دائما كالأستاذ سجيمان

تحياتي لكما

هوي يا الخفافيش

أرح أنا راجيكم بي هنا

وكدي الراجل ما يجي

ماهو رأي الضلاميين المتجمعين في بوست نهال في زيادة تعري...جمهورية الموز ؟؟؟!!!]

ناذر سجلنا حضورنا وإدانتنا للعمل الإرهابي

وسنطارد الإرهابيين في كل مكان داخل البورد

صديق الموج :

Quote: عمر الفاروق ده لاظلامى ولا حاجتين..عاجباه ونسة الحريم ساكت

أسة علييييك الله وفي ذمتك ونسة حريم الضلاميين ما زي ونسة رجال الإستنارة ...؟؟

ونستنا هنا أرقّ كلمة فيها امريكا روسيا قد دنا عذابها ..

Quote: يا اخوى امشى حضر لبقال شنطته الزول قرب يهاجر.لووووووووووووول،،،

يا ود الموج يا أخوي ناس بقال ديل ما بيشيلوا معاهم شنط الجواز في الجيب الخلفي و تورينتو جاك بلا والله تاني ما يشوفوا السودان ده إلا مع ظهور سيدنا عيسي عليه السلام ..

غايتو جهزت ليهو جوابين لي أصحابي في فرانكفورت ينزل معاهم أصلو طيارتو حا تعمل كونكشن في ألمانيا ...
شفت زولك ماشة معاهو طحنية كيف؟؟؟

أميرة الظلام بت الأحفاد :

الأرقام بحوزتي الأن (يعني وصلت الرياض) ..
أها يا مضلمة نوصلا ليك كيف؟؟؟؟؟
إذا عندك إيميل (إنشاء الله مؤقت) أكتبيهو عشان نرسل ليك فيهو أرقام الدكتورة ..وهي بتبلغك عاطر التحايا ..

Quote: إنهالت الدعوات علي أخوانا المضلمين خالص أحمد الريح ونهال كرار للإنضمام لمعسكر الظلاميين في فتاشة وذلك بعد أن بدأت تظهر عليهم بعض من ملامح الشعاع .. الدعوة قدمتها الدكتورة بيان صراحة في إحدي المواقع التي لا تستطيع الدخول إليها إلا وأنت معك لمبة 999000 واط .. إلي نهال كرار دعوة ...

يا عمر دا خبر سعيييد جدا يعني بقيت لاعبة محترفة
أها ما تفقنا لسه على الملايين


تخريمة : قول للعزيزة د. بيان أني سعيدة جدا جدا بدعوتها لي وإن شاءالله حتلقاني نطيت هناك

أنا كنت فاكر في هجرة من الظلاميين للمستنيرين

لكن الظاهر دكتور ياسر الشريف قد قرر أن يقوم بهجرة معاكسة
زميلنا بدأ يهبش في اليهود كمان
وبكرة الألمان يصنفوه زعيم الظلاميين في ألمانيا الشرقية سابقا وأرض الساكسن انهالت حاضرا

Re: لا بد من إعادة النظر في مناهج الدين الإسلامي.. بوست قديم

Quote: إنهالت الدعوات علي أخوانا المضلمين خالص أحمد الريح ونهال كرار للإنضمام لمعسكر الظلاميين في فتاشة وذلك بعد أن بدأت تظهر عليهم بعض من ملامح الشعاع.

عزيزي عمر الفاروق
الحقيقة أنّ هذه ليست أول دعوة توجه لي وأقول هذا الكلام بكل تواضع، فقد جاءتني دعوة من (طالبان) رفضتها لضعف المقابل المادي، ودعوة من (حماس) رفضتها لانشغالي بالدراسة، ودعوة من (الشيشان) رفضتها لانشغالي بالعمل، ودعوة من (حزب الله) رفضتها لميول الحزب الشيعية، ودعوة من جماعة (التكفير والهجرة) رفضتها لأنهم طالبوني بترك سماع أغاني الحقيبة والمدائح!! والمدهش أنّ جهاز المخابرات الإسرائيلي (الموساد) اتصل بي وطلب مني التجسس على الظلاميين مقابل عقد مغرٍ يسيل له اللعاب ومداد القلم !! لكني رفضته حباً في العرب !!
أما أطرف الدعوات فكانت من منظمة (رفضت لي الكشف عن هويتها) لكن قادتها وعدوني بعشرة ملايين دولار إذا أسهمت معهم في اختطاف طائرة ركاب في الجو، وافقت على العرض المغري لكني انسحبت بعد أن اتضح لي أن الطائرة كانت تقل فريق الهلال متوجها لتونس لملاقاة الترجي!!

بخصوص دعوة الدكتورة بيان:
فهي دعوة على العين والراس أقبلها ولا أرفضها، لكن مع وقف التنفيذ، لأسباب عديدة يقف على رأسها التزامي (الشخصي) بالكتابة في سودانيز أونلاين فقط دون غيرها من المنابر، هذا فضلاً عن اعتراضي على مبدأ المشاركة في منبرين في آن واحد مما يبعثر الجهود الكتابية أو يوقع في حيز التكرار الممل فليس لدي الكثير لأوزعه بين منبرين، تحياتي الخالصة -عبرك- للدكتورة بيان الظلامية التي أبلت بلاءاً حسنا (رغم اختلافي معها في بعض ما كتبت وهذا ما بينته لها عملاً بمبدأ المصارحة وعدم التشيع) وأمنياتي لمنبرها بالتوفيق.

أحمد الريّح

Quote: 9. لا تنسى قلب الحقائق لما فيه مصلحتك

إكذبوا اكذبوا , حتى تصلوا لما تهدفون إليه اكذبوا
استغلوا نضال انسان رائع كالخاتم عدلان (رحمه الله ) حتى تلفقوا الأكاذيب

حتى الأموات ليس لديهم حرمة أو أحترام لديكم ؟؟؟

و تلفيقه الموسم , قال محمد حامد كان من ضمن المشيعين قال !!!؟؟
وهو وقت الجنازة كان قاعد في المنبر يكتب !!!!!??

المنبر بقى يطمم البطن

الغالية نهال كرار.
كيف أبقي ضلامي زيكم..
ومستنير زي الجماعة التانيين...
وصفة خاصة.. لو أمكن..
نحن جماهير الشعب المستقل... والمستغل..
حاجة غريبة...

Quote: المنبر بقى يطمم البطن

وأنا أقول القرف ده جاي من وين...
إتاري الطمام الأكبر لامن يجو ناس الشيخ الأكبر..
مع الناس البيفاخرو عين الشمس وحد الحسام...
ويعملو بنبر مطبلاتية يشيل اسم المغفور له..

وتبقي المسألة إنتهازية بدل صدقة جارية...
حتى لروح الأجساد...
وتبقي الشغلانة تطبيل ...
وكيل على التقيل...
وفاقدة للمصداقية ...

وما في زول بقول للتاني..
أعور جوه عينو...
وتبقي المسألة شعاع.. في شعاع..
ويحتاجو لواحد ضُلمة...

وما يلقوهو...
عشان يقلل الشعاع...


وفتك بعافية مستنيرة...




يا كبيرة الضلاميين...

خفافيش الظلام

كيفكم الليله مختفيين مالكم??? ولا ما بتظهروا الا بالليل???

الامنجى عمر

بلغ الغاليه بيان تحياتى وارجو منك ان ترسل لى تلفونها على الايميل التالى:-



والتحيه لبقيه الضلاميين الشرفاء والشريفات

والله اكبر ...ولا نامت اعين الجبناء


وفى امان الله

لا اله الا الله

اولا لك التحية يااستاذه نهال علي مريخيتك التي اخجلت مريختنا وعليه نشكرك علي اعلان ذلك الحدث في وجوه القوي الضلامية...
في الحقيقة اولا انا مامعاكم في موضوع الضلام ده لانوا انا مستنير جدا والدليل النور الباقي مني..
ملامحكم بتتشاف من بعيد ضلام لكن البنفسج الفي فكركم نابع من اصل التقاء حاجب الضؤ مع حنان حروف جيعانه لي حشد التواتر من قلب وتر حزين جواكم..واظن الكلام المدد في خطي الايام البعيده استاهلك..
علي العموم
ليس لي تعليق اخر ..
هنالك كلمتين اريد ان اضيفهما للموضوع الاساسي من داخل الاطار الخارجي للاطر الفنيه المنشقه من البعد العاشر للبنية الفكروميتالوجية...
اولا.............................................
السيد الريح قال ......

Quote: أما أطرف الدعوات فكانت من منظمة (رفضت لي الكشف عن هويتها) لكن قادتها وعدوني بعشرة ملايين دولار إذا أسهمت معهم في اختطاف طائرة ركاب في الجو، وافقت على العرض المغري لكني انسحبت بعد أن اتضح لي أن الطائرة كانت تقل فريق الهلال متوجها لتونس لملاقاة الترجي!!

وياخي ماخطفتها ليه؟...
عليك الله ماكان احسن تخطفا .. واه .... يعني كانت عاجباك الفضائح في التلفيزيونات.. اوعي تكون قايل الهلال ابوالهل كان حيغلب ؟! والله دي تكون مشكلة كبيرة جدا جدا..واظن ان هذا هو السبب الحقيقي لابعادك عن تلك المنظمة وذلك لسؤ التقديرات وليس للرفض الذي ابديته.. وهاك اللغة العربية دي..
وياريت وياريت وياااااااااااااريت
لو كان حمادة اباح
ولي سرو ازاح
كان عمر ارتاح
ونصحو يخطف صاح
مايغلط في التنشين
ياريت اياااريت ياااااااااااااااااريت
هسه الفضائيح صاح
والركبه عند تمساح
والكداره فوق راس البيت
يا ريت ياريت ياااااااااااااااريت


السيدة المدعوة اميرة الظلام اقنعتني فعلا انها مضلمة ضلومة شديدة لاحظ
معي

Quote: الامنجى عمر بلغ الغاليه بيان تحياتى وارجو منك ان ترسل لى تلفونها على الايميل التالى:- والتحيه لبقيه الضلاميين الشرفاء والشريفات والله اكبر ...ولا نامت اعين الجبناء

شدة ماضلمة لمن الميل ماقدرنا نشوفوا.. !

نحمد الله انني من صفوف القوي المستنيره في هذا المنبر..
ياقوي الضلام الدامسة...

يا نهال يا بت كرار
سلام الله عليك
انا طبعا ليوم الليلة مندهش من شدة ظلامك الذي لم انتبه اليه من قبل.
وقد حصلت مجموعة من الحاجات شغلتني امس واول امس عن المواصلة في سرد الاندهاشات هنا، ربما لأنني وجدت مدهشات اكبر من بوستات تانية
من بينها حكاية جمال هوبفل.. دا شنو دا ياخوانا !!!!!
وحكاية الكوز محمد طه محمد احمد وشتيمة الرسول (ص)
حسبي الله ونعم الوكيل وانا لله وانا اليه راجعون.
كلامك يا بت الناس الظاهر عليهو جد جد
وكما قال الشاعر ( الصمت خير ما يطوى عليه فم ) احيانا
يعني زي هوبفل دا يكون استنار لياتو درجة مثلا؟ لامن يمرق من الملة كله كله، وهل ذلك قبل وصفتك ام بعدها، غايتو الا تكون استنار دي مشتقة من (نار) . وبالتالي التانية تكون استنور من نور!!
طيب ومحمد طه محمد طه دا تأويله كيف ياربي؟
وبعدين عندي ليكي خبر اهم اقصد سؤال:
كان الزول مثلاً داير يتبع وصفتك السحرية الاستنارية هل يستخير اول حاجة وللا ما في داعي؟! ، وبعدين كيف ساعتها نفهم الاية الكريمة (هو الذي يصلي عليكم وملائكته ليخرجكم من الظلمات الى النور وكان بالمؤمنين رحيما ) هل نفهما بالتأويل العكسي؟؟؟؟
نهال
رغم ان وصفتك لم تتضمن عناصر استنارية اساسية ولا غنى عنها مثل: العقل والعقلانية ومناهضة النقلانية الانغلاقية، ثم اين حرية التعبير ، وماذا عن مقولة ( هذا فهمكم انتم السلفي الوهابي القروسطي الذي تريدون ان تلزمونا به وكأنما الله قد اوكل اليكم مهمة الدفاع عنه ، وهل هو محتاج الى امثالكم للدفاع عنه؟ هذا هوسكم انتم، وهنالك ألف فهم للاسلام آخر كالمعتزلة والاشاعرة والباطنية والاباضية والشيعة ووهل هؤلاء ليسوا مسلمين أم أنكم ستكفرونهم كالعادة؟،

ان اكثر ما لفت نظري في بوستك ، هو انك قلت بالضبط ما كان يدور بخلدي بجانب العناصر اعلاه
كما انني حينما التفت الى البروفايل بتاعك وجدت مرجعية ذات طابع استناري تتويهي فقلت ( وبعدين معاك؟)،
وبعدين

Quote: الشعراء المفضلين:أحمد مطر, أدونيس , مظفر النواب عدد الاطفال: . معلومات اضافية: الثورة قوية كالفولاذ، حمراء كالجمر، باقية كالسنديان، عميقة كحبنا الوحشي للوطن.. إنني أحس على وجهي بألم كل صفعة تُوجّه إلى مظلوم في هذه الدنيا، فأينما وجد الظلم فذاك هو وطني *جيفارا

والله الظاهر حايطلع كلامك جد ( الاستنارة الواحدة دي) طالما جابت ليها جيفارا وشعراء متمردين،
داير افهم بس يا عالم
لقد انهكتني المفاجآت

Quote: من بينها حكاية جمال هوبفل.. دا شنو دا ياخوانا !!!!!

ربنا يهديو

Quote: كان الزول مثلاً داير يتبع وصفتك السحرية الاستنارية هل يستخير اول حاجة وللا ما في داعي؟

مافي داعي

Quote: رغم ان وصفتك لم تتضمن عناصر استنارية اساسية ولا غنى عنها مثل: العقل والعقلانية ومناهضة النقلانية الانغلاقية، ثم اين حرية التعبير ، وماذا عن مقولة ( هذا فهمكم انتم السلفي الوهابي القروسطي الذي تريدون ان تلزمونا به وكأنما الله قد اوكل اليكم مهمة الدفاع عنه ، وهل هو محتاج الى امثالكم للدفاع عنه؟ هذا هوسكم انتم، وهنالك ألف فهم للاسلام آخر كالمعتزلة والاشاعرة والباطنية والاباضية والشيعة ووهل هؤلاء ليسوا مسلمين أم أنكم ستكفرونهم كالعادة؟،

أحول أسئلتك للمتحدث الرسمي بإسم قوى الظلام الأستاذ أحمد الريح

Quote: ان اكثر ما لفت نظري في بوستك ، هو انك قلت بالضبط ما كان يدور بخلدي بجانب العناصر اعلاه كما انني حينما التفت الى البروفايل بتاعك وجدت مرجعية ذات طابع استناري تتويهي فقلت ( وبعدين معاك؟)، وبعدين

Quote: والله الظاهر حايطلع كلامك جد ( الاستنارة الواحدة دي) طالما جابت ليها جيفارا وشعراء متمردين، داير افهم بس يا عالم لقد انهكتني المفاجآت

الأستاذ محمد عبدالقادر

أنا عندي أسئلة , ليه الواحد لازم يفصل توجهو السياسي عن الدين ؟؟؟
وليه مثلا مثلا لو أنا بميل للشيوعية كسياسة , أبتعد عن قناعاتي الدينية ؟؟؟
وهل لازم لأني ظلامية , أكره الفن ( من موسيقى ورسم ونحت) ؟؟؟!!
وهل الشعراء ديل أو الفنون حكراً على المستنيرين ؟؟

Quote: أنا عندي أسئلة , ليه الواحد لازم يفصل توجهو السياسي عن الدين ؟؟؟ وليه مثلا مثلا لو أنا بميل للشيوعية كسياسة , أبتعد عن قناعاتي الدينية ؟؟؟

تعرفي انا حاولت اعمل كدا فعلا في يوم من الايام..
بمعنى ان اتبنى مشروع الحداثة ومن ثم مابعد الحداثة في مقاربتي للعالم واشباكي معه ، وفي طيات العالم يجئ مجتمعنا السوداني، وقبل ذلك الذات كمرتكز لهذا العالم أو الآخر من وجهة نظري طبعا .. فوجدت ان ذلك مستحيل نهائيا
تتصوري ؟؟
مستحيل استحالة مطلقة!!
شئ عجيب مش كدا؟
أما كيف عرفت انه مستحيل ، فذلك ما يحتاج الى كلام كتييير ، وببساطة فان كل الدوشة التي في بوستات هذا البورد منذ انشائه والى نهاية اجله يعتبر ضمن هذا الكلام الكتير !!
واما اذا اردنا كلاما اقل تجريدا واكثر تحديدا فعلينا بالقرآن.
هذا القرآن شئ ما معقول؟
لا حول ولا قوة الا بالله!!
القرآن من أوله الى آخره يريد ان يقول هذا المفهوم تحديدا تتصوري ، هذه فقط رسالته
أن الاسلام هو دينك بمعنى : عقيدتك ، فكرك ، فلسفتك ، طريقة حياتك وفهمك ، متعتك ، انسك ، فرحك ، ترحك ، رأيك، حزبك ، واما جماعتك فهم فقط الذين يعتبرون الاسلام هكذا لا غير ، وأي حركة غير كدا شمال يمين ضرب بالنار ( وبعدين نار جهنم مش نار بارود!)
أي زول يقول غير كدا فهو اما:
- زوغانجي يحاول ان يلتف بالتأويل وما ادراك ما التأويل اياه ( قال العقل قال!)
- منافق
- فاسق
- كافر
- مشرك
طبعا زي ما شايفة هذه المصطلحات ما بتعجب الناس ، وبكرهوا الزول البقولها ، وهي في الحقيقة ليست من عندي وانما هي من أكثر المفرادات ورودا وتكرارا في القرآن. وهذا ليس مصادفة، وانما ضرورة لايصال الرسالة المذكورة وهي رسالة ( لا اله الا الله)
لا اله الا الله ، ليست لعبا كما يظن الغافلون ، ليست كلمة تقال فحسب.
ولو كانت مجرد كلمة تقال ، لما قاتلت ضدها قريش ، ولما مات انبياء ورسل من اجلها، ولما اختار محمد (ص) الغزوات من اجل تكريسها.
تكريسها بهذا المعنى بالذات
بمعنى انها الحزب ، والفكر، والفلسفة، والرأي، والغاية والحياة والموت.
انت تعلمين يا اخيتي نهال
ان الماركسية/ الشيوعية جاءت لتناقض الاديان ، حيث جاءت لتبلغ الناس رسالة ( ارضية وليست سماوية )ومفادها الجدلية التاريخية (المادية)، ومفادها ان الانسان يجب ان يغير قدره ومصيره بيده وبالثورة والصراع الطبقي، وبالتالي اعتبرت كل ما يعطل حركة التغيير القائمة على هذا الاساس ( التناقضي المستقى من هيجل مقلوبا) اعتبرته معوقا للمسيرة وينبغي تجاوزه
فكيف يمكن ان يتصالح هذا الطرح في اساسه مع الرسالة الغيبية المبنية على القدر ( الذين يؤمنون بالغيب ويقيمون الصلاة ومما رزقناهم ينفقون.والذين يؤمنون بما انزل اليك وما انزل من قبلك وبالاخرة هم يوقنون، اولئك على هدى من ربهم واولئك هم المفلحون) ، وأن لاشئ بيد الانسان سوى خيارين : الآيمان بالغيب والخضوع له كليا ، والكفر بقدرة ما سوى الله في السماء والارض حيث ( لا حول ولا قوة الا بالله)، اما ذلك واما الكفر بالغيبيات والخضوع لقوة الانسان وحوله وعقله بمعزل عن الميتافيزيقيا. هذان هما النجدان ولا نجد ثالث.
اذاً فهنالك نجدان أو مسلكان ، أما .. أو ، وهذا بحد ذاته ينفي امكانية المزاوجة بين النجدين
لأن المزاوجة تعني ايجاد بديل او نجد ثالث من اقتراح الانسان!!
من هنا كنت اقول دائما بأن الانسان ليس حرا في هذا الوجود ، ولكنه مخير فقط ، وخياراته محدودة، وحتى حينما يختار فان الله بمشيئته قد يمنعه من تحقيق خياره ( وما تشاؤون الا ان يشاء الله)
فهل الشيوعي يؤمن بأنه ( ما تشاؤون الا ان يشاء الله ) وانه ليس حراً بالاصالة، وهل يعتبر الغيب غايته؟ وان هذه الدنيا ( ملعونة ملعون ما فيها الا ذكر الله وعالم او متعلم )؟ علم الدين طبعاً!!
يا نهال
ان كلمة اسلام نفسها : تعني ان يكون المرء بكل جوارحه وفكره وعقله ومشاعره وقلبه خاضعا مستسلما لله، وحسب المنهاج الشروط والشريعة التي جاء بها الرسول الكريم (ص) تحديدا وفقط.
نهال
انت تعلمين الآية التي تقول (ما تعبدون من دونه الا اسماءً سميتموها أنتم وآباؤكم ما انزل الله بها من سلطان، ان الحكم الا لله، أمر الا تعبدوا الا اياه، ذلك الدين القيم ولكن أكثر الناس لا يعلمون )40 يوسف.
هذه الآية تلخص الفكرة ، هذا طبعا اذا علمنا واقتنعنا بالحقيقة التي لا مراء فيها، تلك هي ان العبادة تعني : الطاعة والخضوع والاتباع.
فكل شئ آخر نتبعه أو نطيعه أو نتبع وجهة نطره أو نتاجاته ، انما هو فتنة ، لا يجب ان نفتتن بها لأن الله ما انزل بها من سلطان، فالحكم والفصل والرأي لله فقط ، والمطلوب منا هو انت نتبع ونطيع ونخضع لمراد الله ومشيئته لا نحيد عن ذلك قيد انملة، ذلك هو ( الاسلام) لله، لا اله الا الله، والا فقد ( عصينا) وذلك هو الخسران المبين!.
هذا في الحقيقة جوهر القرآن كله، الحقيقة التي يحاول الكثيرون غض الطرف عنها وتجاوزها والهروب منها عن طريق مخارج من نوع ( الله منحنا العقل وافلا تعقلون ، وهنالك أكثر من فهم للاسلام، وسيدنا علي قال القرآن جمال اوجه ) وهذا كله لا يغير في الحقيقة شئ.
بعض الناس ازاء هذا الواقع الصارم ( والصعب طبعا خاصة في هذا الزمان الملئ بالشهوات والهوى والاعتداد الوثني بالعقل ومنتجاته العلمية اللافته ) ذهبوا الى محاربة الذين ( يسلمون) لهذه الحقيقة واعتبروهم متشددين ( يعني ما متساهلين شوية) واغبياء ومنغلقين وأصوليين يعطلون العقل وسلفيين ووهابيين ..الخ في محاولة لجرهم نحو اعادة فهم الاسلام بطريقة ( اصلاحية تنويرية)معاصرة، كما حدث مع المسيحية على يد مارت لوثر، وطبعا هذا المسعى العبثي المقصود منه ان يؤدي الى ( نزع الاسلام من الاسلام) ، بمعنى نزع روح الخضوع والاتباع والاستسلام الكامل لله ورسوله ، وذلك عبر الخضوع للعقل ولوجهة النظر الفلسفية والتأويلية بدلا من الخضوع لله.
نهال صدقيني
واذا لم تصدقي فاقرئي القرآن مجددا ، على هذا الاساس ، أقصد على اساس أنه رسالة تهدف الى الفصل والفاروقية بين الله ودينه ورسله وشرعته ، من جهة وهذا ما يسمى الحق ومآله الى الجنة ، وما سوى الله من كفر وشرك وفسوق وعصيان من الجهة الثانية : الباطل . هكذا قولا واحدا، ولا توجد اية فرصة للتوفيق بينهما ( ليميز الخبيث من الطيب)!!.
اذاً فالقضية ليست تشدداً ، وفهما عقيما بليدا وتعطيلا لنعمة العقل كما يردد الغافلون.
لا لا لا
المسألة هي ببساطة مسألة بلاء اراده الله لنا في هذا الدنيا ( خلق الموت والحياة ليبلوكم ايكم احسن عملا )
مقطع القول وزبدته:
اتباع وطاعة اي شئ سوى الله ورسوله هو والتماس النفع منه انما هو عبادة له من دون الله.
وهذا ليس رأيي ، اسألي القرآن. من اهدنا الصراط المستقيم ، صراط الذين انعمت عليهم غير المغضوب عليهم ولا ضالين .... حتى : قل اعوذ ... من الجنة والناس.
نعم يا نهال هذا هو الله تعالى يرسال لنا هذه الرسالة : اعوذ برب الناس من الناس.
تتصوري!؟.
_________________
رب اشرح لي صدري

الأستاذ عبدالقادر
تحياتي

والله بالجد خلعتني !!!!
خليتني أحس إني بقيت من الجانب الآخر !!!؟؟؟ ودا مستحيل

يا أخي عبدالقادر أنا لم ولن أنضم لأي حزب سياسي
كلامك كله لا غبار عليه أبدا , وبتفق معاك مليون بالمية والله ( ماكلام ساي )
لكن أنا بؤمن بإن أي توجه سياسي ممكن يكون مفيد لو كان على أسس دينية إسلامية بحته
يعني حتى الشيوعية بماضيها السلبي والإيجابي
بعتقد أنو فيها أسس كثيرة مستوحاة من الإسلام , كالعدل والمساواة وحتى الثورة والحرية
تطبيقها بمفهومنا , أو بالمفهوم الذي يريده أي شخص
فالشيوعية كما قال فريدريك انجلس
هي علم شروط تحرر البروليتاريا
فالثورة البلشفية قامت أساساً بسبب انعدام العدل والمساواة وفساد الكنيسة والظلم الواقع على البروليتاريين

يا أخي عبدالقادر ما تحكم على أي توجه سياسي بحكمك على بعض الأعضاء

مازلت أؤمن بالثورة , ثورة الشعب الحقيقية وليس الثورات الكيبوردية
مازلت أؤمن بأنه مع إزدياد الفقر والمعاناة في السوادن لن يكون هنالك بديل عن الثورة
ومازلت معجبة حد الثمالة بجيفارا
ومظفر النواب وأحمد مطر وكتاب السوفيت قديما

ومع كل هذا مازلت لا أستطيع السيطرة على غضبي عندما أقرأ تنظير في الدين لشخص مدعي فكر وثقافة
ولا أستطيع أيضا أن أسيطر على غضبي عندما ينكر شخص بأن الصلاة مثلا فرض أو عندما ينظر شخص ويقول بأن الحجاب ليس بفرض !!!

فهل يمكن أن أفسر هذا بإنفصام في الشخصية مثلا !!!؟؟؟

الأستاذ أحمد بابكر

Quote: اولا لك التحية يااستاذه نهال علي مريخيتك التي اخجلت مريختنا وعليه نشكرك علي اعلان ذلك الحدث في وجوه القوي الضلامية

لا شكر على واجب

Quote: في الحقيقة اولا انا مامعاكم في موضوع الضلام ده لانوا انا مستنير جدا والدليل النور الباقي مني..

ماهو باين

Quote: ملامحكم بتتشاف من بعيد ضلام لكن البنفسج الفي فكركم نابع من اصل التقاء حاجب الضؤ مع حنان حروف جيعانه لي حشد التواتر من قلب وتر حزين جواكم..واظن الكلام المدد في خطي الايام البعيده استاهلك..

الإستنارة هنا بانت أكتر أصلي مافهمتش حاجة

أميرة الظلام بت الأحفاد

كيفك يا أميرتنا

قلنا نسلم عليك

Quote: كيف أبقي ضلامي زيكم.. ومستنير زي الجماعة التانيين

دي صعبة شوية

يا إما تكون ظلامي عدييل أو مستنير

خوّتكم لستك يا الضلاميييييين

يعني الواحد يغيب منكم كلللللللللللللل الوقت ده ويا كافي البلا زول ساي يفقدني ماف ؟؟
confused:

أسة لو كنت مستنير وغبت قدر ده والله الورد كان ما يديكم الدرب والكروت تطاقش والموسيقي تشتغل والأغاني ما تديكم الدرب وكل العبارات الجميلة كنت لقيتا ..

عشان كده أنا قررت أولع و يطلع مني شعاااااااااااااااااااااااااااااااع ..
وداعاً يا (ظلام) الهم علي أبوابنا ما تعتب ..
ومرحب يا (صباح) الحب تعااااال ما تبتعد قرّب..

وفي إنتظار بيان من شعبة الإعلام فرع الضلاميين عسي ولعل أعدل عن رأيي وإلا .....

يا عمر الفاروق نشوفك كيف في ولا مافي من الضلام ده؟
أنا غايتو لو ما ولعت الشمعة دي ما كان شفتك...
طبعا الشمعة دي عشان نحن لسه في القرن السابع وما عندنا كهربا

كل ظلامي يشيل شمعة واحدة بس من التحت ديل قبل ما يدخل هنا...
بس كل واحد ياخد شمعاية واحدة بس...
اللي عاوز شمعاية تانية... يشتري هو (بأه)...

عمر الفاروق

تصدق ما انتبهنا أنك غايب !!؟؟ لأني كنتا شايفاك بتشاكل في بوست بشاشا , يعني ما كنتا غايب ولا شي

هاك الموسيقى دي علشان غيابك طول


موسيقى

أها كدا قصرنا معاك ؟؟

أحمد الريح :

Quote: اللي عاوز شمعاية تانية... يشتري هو (بأه)...

انا أخدت شمعاية وحدة ودخلتها الفرن طلعتلي فانوس ...
سؤال جانبي:
ممكن أحشي الشمعة بي النيون ؟؟؟؟
أصلي أنا سمعت إنو النيون مفيد جداً للشمعة !!!!!!!!!!!!!!!!!

نهال كرار:

Quote: أها كدا قصرنا معاك ؟؟

يقصر الملح ..
وانا ومن هذا المنطلق أقرر تنازلي التااااااااااااااام عن كل ما قلت من أحاديث في محاولة توليعي (مكرهاً) وأصر إلحاحاً علي مواصلة التغريد مع طيور الظلام ..

الله أكبر ولا طفأت أنوار الجبناء..

Quote: وأصر إلحاحاً علي مواصلة التغريد مع طيور الظلام.

النازي عمر الفاروق
مافي فايدة!
عندك عين تتكلم عن التغريد وانتو بتحرمو الغنا؟
موش كفاية ضيعتو بلدنا دايرين كمان تنهبوا إحساسنا
زي ما نهبتو الهوية العربية؟
وبعدين ليه (العربية) توديكم للسادة؟
العرب ديل اسيادك انت اما انا اسيادي الافارقة
ليه ما تقولو (الافريقية) تودينا للسادة؟
افتكر الاغنية دي بتعكس جريكم ورا العرب الما المعترفين
بيكم كبشر من اساسو
دهنستكم للعرب دي ظاهرة في هزايمكم الكروية!!
الواحد يتغلب يقول ليك ركب التونسية
ليه ما يركب الكينية؟ موش بتجي مطار الخرطوم برضو؟
(غايتو لو المستنيرين سمعو بي نازي دي
تاني ما بفكوها، لو ده حصل، أعفى لي لله والرسول)

الاخت نهال عرفناك مريخابية ميه الميه ...لكن ياتو جناح..
.......وانتظرتك سامقا.......

الأخ أبوبكر الأمين

Quote: عرفناك مريخابية ميه الميه ...لكن ياتو جناح.

ياتو جناح !!!!

جناح يساري

يعني لازم تطلع معرفتي بالكورة سطحية جدا

Quote: ولا أستطيع أيضا أن أسيطر على غضبي عندما ينكر شخص بأن الصلاة مثلا فرض أو عندما ينظر شخص ويقول بأن الحجاب ليس بفرض

الكوزة نهال
الحجاب يتعارض مع فتاة القرن العشرين، يعيقها عن العمل والدراسة، أرجو أن تطلعي من الكهف العايشة فيهو ده
بالنسبة للصلاة أفتكر إنو سرعة العصر وتغير الظروف عن زمان ممكن تجعلنا نطالب بإلغاء صلاة الظهر والعصر، لزوم تجديد الدين والشريعة وكده...

Quote: الكوزة نهال الحجاب يتعارض مع فتاة القرن العشرين، يعيقها عن العمل والدراسة، أرجو أن تطلعي من الكهف العايشة فيهو ده بالنسبة للصلاة أفتكر إنو سرعة العصر وتغير الظروف عن زمان ممكن تجعلنا نطالب بإلغاء صلاة الظهر والعصر، لزوم تجديد الدين والشريعة وكده..

مش كدا

حجاب ايه , دا عصر التطور مش ظلام العصور القديمة
دا عصر المفكرين
البيطلعوا كل يوم وينظروا في الدين
وعاوزين يألفوا لينا قرآن جديد
ودين جديد يواكب 2005
وفرائض جديدة وسنن جديدة

والحاجة الجميلة جدا أنهم عاوزين ينصبوا لينا نبي جديد !!!!!!!!!
فالمفروض تترقوا شويه يا ظلاميين وتبقوا زي الجماعة ديل
أقروا شوية كتب ( على رأي الأخ دنقس )
أصلنا جهلة ما بنقرا

الفاشي أحمد الريح :

Quote: وبعدين ليه (العربية) توديكم للسادة؟

أولاً يجب أن تنتبه لحديثك يا أيها الفاشيست الرعاوي ..فالعربية لم تودينا للسادة ولكنها ودتنا لي ود الجنيد بحكم سكنه في الثورة بالشنقيطي وهو نفس طريقي للمنزل ...

Quote: ليه ما تقولو (الافريقية) تودينا للسادة؟

وكذلك أنت يا أيها الفاشي تحاول أن تظهر حبك لأفريقيا ولكن لا تزال مسحتك العنصرية النتنة واضحة في كلامك فها أنت لم تحدد البلد الأفريقي الذي ترغب فيه وكأني بك تقصد تلك البلاد التي في شمال أفريقيا !!!!!!
لماذا لم تغل تودينا للكنغو ؟؟؟؟؟؟؟؟؟؟؟؟؟
لماذا لم تقل تودينا لي تشاد ؟؟؟؟؟؟؟؟؟؟؟؟
لماذا لم تقل تودينا لي بروكينا فاسو ؟؟؟( واخد بالك يا حاج فاسو ؟؟؟)
نحن براء منكم يا فاشيست !!!!!!!!!!!!!!!!!!!!!
أين كنتم عندما مات باتريس لومامبا ؟؟؟؟؟؟؟؟؟؟؟؟؟؟؟؟
لماذا لم تركبواالأفريقية حتي تأتوا بها !!!!!!
هل بنشرت الأفريقية عندما أردتم أن تتوجهوا نحو مانديلا ؟؟؟؟

أحمد الريح :
تفوح منك عنصرية نتنة أشتمها في حديثك ..
إلي متي يا أحمد تستمر في عمل الQUOTE ؟؟؟؟؟؟؟
لن تنجح في مشوارك الصحفي أيها الفاشي الرعاوي فأنت لا تملك أدني مقومات الصحافة ناهيك عن مقومات الظلام !!!!!!!!!!!!!!!!!!!!!!!

تخريمة :
لله والرسول ...

أنت بالذات يا أحمد سيبويه ، الشمع بعمل ليك شنو؟
أهو قدامك شمع ردمه ولازال الظلام يتلفحك ، أنت محتاج من النوع ده :



الكبيره دي ليك ووزع الباقي علي الخفافيش .











أنشاء الله تكفيكم .






دنـقس .

يا أستاذ دنقس دا كلو ما كفاية
نحنا عاوزين زي كشافات الإستاد
ولو في أكبر كمان يكون أحسن

استاذة نهال ،

أنت لامة نفسك مع الخفافيش ليه ، أنا قلت ليك قبل كده محتاجة تغيير حجر أو حجرين و أديتك الوصفة تاني شنو؟ ولا من عاشر قوما . عارف حنتعب معاك ليوم الأربعين ويمكن أكتر ، خاصة اذا ظل يعاودك الشوق والحنين للدهاليز المظلمة .
دائما خاتي ليك صورة أنك متزوجة واحد من أياهم ، وفارض عليك تلبسي أسود في أسود والشرابات سود في الرجلين واليدين والستارة السوداء في الوش وعندك تلاتة بنات كاراهم معاك وبدت عليهم ملامح نفس البؤس وبرضك حامل . ماشين في نهار كالح من نهارات خط الأستواء ، وهو يتقدمك وانتي وراهو ويدك في خصرك والبنات الصغار الواحدة وراء التانية. أما هو ماشي قدام والدقن المجعد والقميص تحرمني منك والبنطلون مايكل جاكسون وسفنجة خدراء والرجلين مشققات في السخانة ديك .
والله ما طالباني حليفة ، وأنا بكتب سخنت واستئت .
الله يكون في عونك .






دنـقس .

Quote: بالنسبة للصلاة أفتكر إنو سرعة العصر وتغير الظروف عن زمان ممكن تجعلنا نطالب بإلغاء صلاة الظهر والعصر، لزوم تجديد الدين والشريعة وكده...

تمشياً مع طلبات الأخوة الذين يجدون العنت والتعب في الصلوات هاهو الشيخ المفتي المستنير المسطول يفتي في الصلوات :
مسطول خش الجامع ودقنو كبييييرة واحد من المصلين قايلو (ضلامي) قال ليهو يا مولانا انا صليت الضهر ركعتين بس وما صليتو أربعة ركعات أعمل شنو ؟؟؟
المسطول(المستنير قال ليهو : في زول شافك ؟؟؟
الضلامي الجاهل : لالالالالالا..
المسطول المستنير : أعمل نايم

مسطول (ضلامي) سايق عربية قام قطع الإشاره لمن عرف كده سجود سجود سهو

Quote: هاهو الشيخ المفتي المستنير المسطول يفتي في الصلوات : مسطول خش الجامع ودقنو كبييييرة واحد من المصلين قايلو (ضلامي) قال ليهو يا مولانا انا صليت الضهر ركعتين بس وما صليتو أربعة ركعات أعمل شنو ؟؟؟ المسطول(المستنير قال ليهو : في زول شافك ؟؟؟ الضلامي الجاهل : لالالالالالا.. المسطول المستنير : أعمل نايم مسطول (ضلامي) سايق عربية قام قطع الإشاره لمن عرف كده سجود سجود سهو

LOOL

عمر الفاروق
قطعت مصاريني من الضحك

Quote: لن تنجح في مشوارك الصحفي أيها الفاشي الرعاوي فأنت لا تملك أدني مقومات الصحافة

الوهابي الإرهابي عمر الفاروق
لعملك أيها المأفون فانا أعمل بجريدة (الأضواء)
أما عن مقومات الصحافة فإن صحافة اليوم لا تحتاج
مقومات ولا يحزنون، ما علي إلا أن أدخل موقعا مشبوها
في الانترنت وأنشر منه ما شئت، في حماية قوى الاستنارة طبعا

Quote: أين كنتم عندما مات باتريس لومامبا ؟

كنت موجود، لابس بدلة كنغولية ونظارة سوداء
وأقود عربة ذات دفع رباعي... ما شفتني؟

الأخت نهال كرار أميرة ظلام الظلاميين:
يعتبر هذا الموقع هو الموقع الرسمي للظلاميين لمناقشة ما يدور في أروقة( حلوة أروقة دي) المنبر من الهجوم المكثف بالكشافات 1000واط و 1500 واط وعليه مطلوب تواجدك علي الدوام في هذه الجبهة وعدم تشتيت جهودك في جبهات أخري لا تمثل لنا هدفاً إستراتيجياً ..
وعليه قررنا نحن أمراء الظلام (عمر الفاروق) و(أحمد الريح) طبعاً أحمد الريح غيابياً وفي رواية (إجماع سكوتي) قررنا أن تناقشي أولاً ما سيتم قوله بإسم الظلامين بأجندة متفق عليها وموقعة بإسم الحزب
وهذا منا للإعتماد !!!!!!!!!!!!!!!!!!!!!!!!!!!!!
تكبيييييييييييييييييييييييييييييييييييييير:
اللــــــــــــــــــــــــــــــــــــــــــــــــــــــــه أكبــــــــــــــــــر

تهليــــــــــــــــــــــــــــــــــــــــيل:
لا إلـــــــــــــــــــــــــــــه إلا اللــــــــــــــــــــــــــــــــــــه ..

شعارنا ؟؟؟؟
دي تميها إنتي براااااااااااااااااااااااااااااااااك

عمر الفاروق
أنا بس عايز أعرف حاجة واحدة بس
منو الزكّاك عشان يقبلوك مع الظلاميين؟
الزول دا لابد من محاسبته على الكثير في حق الظلاميين
انت دائما مولع (مولع من النور ما من الحاجة التانية)
وعلى قول المصريين
شارب حاقـ(ـجـ)ـة؟

أمير الظلام عمر الفاروق

زي ما بت الأحفاد قالت إحتمال نقدر نخلي الجماعة ديل ظلاميين زينا
هي صعبه شويه لكن , مافي حاجة بعيدة على ربنا

يعني أن الآن أعلمكم بأنني سواصل مفاوضات السلام مع الأستاذ دنقس في بوسته
ولا تخافوا أعزائي فعقلي حجر صوان ( ماممكن يتحول لمستنير أبدا )


شعارنا ( على رأي د. بيان وكما نقله محمد الأمين ) : ظلامي عديل ولا مستنير مكعوج



أها وقوعو على قرار المفاوضات

حتي إنت يا فرانكلي ؟؟؟؟؟؟؟؟؟؟؟؟؟؟؟؟؟؟؟؟؟
إيه رأيكم نعمل إجتماع داخل أروقة (ياخ والله كلمة شدييييييدة وعاجباني) الحزب ونمارس حرياة الضلاميين وإذا طلعت ما ضلامي ممكن أنسحب بهدؤ أصلوأنا مطلوب من جماعة مستنيرة لن أفصح عن إسمها دفعت لي ثمن تزكرة (لهاواي) وليس (لاهاي) حتي لا يتشابه عليكم البقر..
وبعدين يا ضلاميين القرن السابع يا متخلفين (علي قول أحمد الريح) نحن في القرن ال22 والألفية التالتة وعصر الكمبيوتر والسرعة والتحرر ..
وعشان أجيبا ليك علي بلاطة كده ..
انا ضلامي تجميع تايوان

بداياتي مع الظلام ..

ايها الظلاميون والظلاميات والمأفونين والمآفونات, انشاء الله اكون جبتها صاح

بجد ليكم وحشه ...انا لى يومين كده مضلمه شديد عشان كده قلتا كفايه عليكم الضلام العندكم وانتو ما ناقصين ضلام ذياده, شكرا الظلاميه نهولتى للتحيه وبالجد مفتقداكى, الامنجى ود فاروق معليش أعزرنا احسسنا بغيابك بس كان فى عواصف شديده وظلام اشد لذلك لم نسأل عنك فلك العتبى حتى ترضى

شكرا للاستاذ دنقس الذى لولا مصباحه ذلك لما استطعت رؤيه الكيبورد,

امير الظلام احمد الريح ممكن تسلفنى البطاريه الكبيره ده كم يوم لانى أحترق من الظلام وفى اشد حوجه لها هذه الايام

تحياتى للمستنير فرانكلى وبقيه الظلاميين هنا


وفى امان الله

لا اله الا الله

Quote: ايها الظلاميون والظلاميات والمأفونين والمآفونات, انشاء الله اكون جبتها صاح

، ننتظر الاخ الظلامى احمد الريح ليدلى برآيه فى هذة النقطة


يا جماعة هوى الفتح اللمبة دى يطفيها ! ما ناقصين نحنا

اها ياجماعه وصلنا كم امبير لحدي هسه

ياخوانا سؤال برئ
لكي نعمل حسابنا ونتحصن من ( متاورة) الضلامية بعد الاستنارة، ولكي تمر فترة النقاهة بسلام :
ماهو الفرق بين امراء الظلام وفقهاء الظلام؟؟
وماهي - بالضبط- مهمة كل فئة من الفئتين فيما يتعلق بتحقيق مشروعكم الخاص بتغييب العقل واستغلال الدين وكذلك لتكريس الدجل الذي تمارسونه على البسطاء.
وشكرا..
________
تخريمة:
لا كهنوت ولا رهبوت باسم الدين.
ويا ويلكم من استحقاقات السودان الجديد
الدودو!!!.

Quote: ماهو الفرق بين امراء الظلام وفقهاء الظلام؟؟

الإجابة ببساطة أمير الظلام هو الأمير
أما فقهاء الظلام فهم من درسوا اصول الفقه الظلامي

Quote: وماهي - بالضبط- مهمة كل فئة من الفئتين فيما يتعلق بتحقيق مشروعكم الخاص بتغييب العقل واستغلال الدين وكذلك لتكريس الدجل الذي تمارسونه على البسطاء.

أمرر هذا السؤال مرة أخرى لأمير الظلام أحمد الريح
أصلو أي سؤال بيغلبني حوجهو ليو

بت الأحفاد
The Queen Of The Darkness
شفتيني كيف وانا بتكلم إنجليزي ؟؟؟ أجنن وانا بتكلم إنجليزي (علي قول عادل إمام)

Quote: انا لى يومين كده مضلمه شديد

يا زولة بديتي برنامج إعتكاف ولا قيام ليل ولا صيام إثنين وخميس ؟؟

Quote: الامنجى ود فاروق

انا خايف من كترة الضلمة تكوني قايلة فاروق ده إسم أبوي ..
تصدقي ده إسمي براااااااااااااااااااااااي عمر الفاروق وبيقولوا لي ود الفاروق ..
انا خايفك تكوني زي واحد كده مشي للفنان سيف الجامعة في البيت دق الباب فتح ليهو راجل عجووز
زولنا عاين للراجل كده وقال ليهو :
يا عم الجامعة سيف موجود؟؟؟؟

Quote: امير الظلام احمد الريح ممكن تسلفنى البطاريه الكبيره ده كم يوم لانى أحترق من الظلام

والله يابت الأحفاد دي غلبتني عدييييييييييييييييييييييييييل كده.. يا معشر الضلاميين تعالوا ألحقوا بت الأحفاد بقت تهضرب إستخدمت كلمة أحترق مع الظلام أها دي كيييييف
تعرفي يا بت أحفادنا زكرتيني نكتة لذيذة خلاص قلتها قبل كده ....:
الأستاذ قال للطالب : أدخل كلمة ( هطل ) في جملة مفيدة ..
الطالب قال للأستاذ: وهي هطل معناها شنو يا أستاذ..
الأستاذ للطالب : هطل معناها نزل ..:
قام الطالب قال للأستاذ : هطل الولد من الشجرة

تحياتنا ليك وتمنياتنا لك بضلام دامس سعيد ..

الظلامي عمر الفاروق !!!!

قلتا لي أمشي قهوة الظلام نتباحث ونتشاور وبعدين نطلع القرارات
أها وينا المباحثات دي ؟؟؟؟

Quote: أمير الظلام عمر الفاروق زي ما بت الأحفاد قالت إحتمال نقدر نخلي الجماعة ديل ظلاميين زينا هي صعبه شويه لكن , مافي حاجة بعيدة على ربنا يعني أن الآن أعلمكم بأنني سواصل مفاوضات السلام مع الأستاذ دنقس في بوسته ولا تخافوا أعزائي فعقلي حجر صوان ( ماممكن يتحول لمستنير أبدا ) شعارنا ( على رأي د. بيان وكما نقله محمد الأمين ) : ظلامي عديل ولا مستنير مكعوج أها وقوعو على قرار المفاوضات

Quote: ايها الظلاميون والظلاميات والمأفونين والمآفونات, انشاء الله اكون جبتها صاح

LOOL غايتو دي مالحقك فيها المستنيرين زاتم

هسي يقروها , بعد دا يشبكونا
المأفونه بت الأحفاد , المأفون عمر الفاروق ....

الأخ محمد الأمين أحمد

Quote: ننتظر الاخ الظلامى احمد الريح ليدلى برآيه فى هذة النقطة

نحنا برضو مستنيين , يا جماعة أمير الظلام أحمد الريح مختفي وين الأيام دي
ياربي يكون أستنار !!!؟؟

Quote: يا جماعة هوى الفتح اللمبة دى يطفيها ! ما ناقصين نحنا

محمد الأمين ينقلب إلى خفاش ظلامي يخشى نور اللمبة

..
.
Wssup ya Nehal??s
I erase my word’s, and dz the first time I take an order about my posts
But coz u said please
And really I don’t know what comments u mean/talking about????a
Plz explain here
[email protected]
anyway I did, so plz del ur’s below
Btw :Rawia alabassi loved (A7ib al3yon alsouda song) & me too, that all
Re: أهوى العيون الســـوداء
Am outttttttttt from this darkness!! & sorry to bother you in your post.


عافية,,

الأخ تبلدينا

راجع بريدك

أميرة الظلام (تجميع تايواني) نهال كرار

Quote: الظلامي عمر الفاروق !!!! قلتا لي أمشي قهوة الظلام نتباحث ونتشاور وبعدين نطلع القرارات أها وينا المباحثات دي ؟؟؟؟

يازولة سبق السيف العزل ..
غايتو بعد ده وطالما جيتي القهوة ما بنرجعك فاضية ..
وهات عندك واحد سحلب ووإتنين يانسون للضلامية نهال وصللللللللللللللللللحو...

عزيزي أحمد الريح الضلامي الياباني وليس التاباني :
وينك يا زعيم ؟؟؟
شكلو الجماعة التي لم تفصح عن إسمها زادت ليك الدولارات ووقعت ليهم دون التردد ..
وسمعنا تحت تحت إنو بن لادن إشتري كرتك الدولي من قوانتنامو وأنت الأن حر طليق ما بين تورا بورا وبوجمبورا ...
سدد الله خطاك وجعلك خفاشاً ..
قف..

سر وعين الله ترعاك ..
عن أمراء الظلام(تجميع تايوان) عمر الفاروق..

تبلدينا المضلم لي درجة التوليع ..
والله طالما إنك بقيت تكت بالإنجليزي معناها إنت خلاااااااااااااااااااااااص بقيت تشوف شعاع وجبناك فزعة بقيت لينا وجعة
المرة الجاية حاول تكتب بالفارسي لأنو الكتابة بالإنجليزي رجس من عمل الشيطان
تحياتي لكل طيور الظلام الذين يبدو أنهم لا يزالون في كهوفهم معتكفون ...

الحقوووووووووووووووا

بقال احتمال كبير يخش الفورمه

على مسعوليتك ياعمر الفاروق ماخليت الراجل يسافر يكمل استنارتو

اهو حيطلع ضلامي طالما خالف قواعد النضال

رفرفي رفري ياطيور الظلام

لان توقد شمعه خير من ان تلعن الظلام

زول ساكـت،،

متى ستوقد شموعكم؟؟؟؟

Quote: لان توقد شمعه خير من ان تلعن الظلام

و لأن تلعن الظلام،، خيرٌ من أن تتخمد تنام .. لوووول

العزيزة نهال ( الظلامية )


لك التحية

لست ادرى كيف فات على تجمع الظلاميين هذا ولم ارى بوستهم الذى يعج بالسيخ والعصى الغليظة ...

بالمناسبة هنالك اسمان ايضا هما : متأسلم وعنصرى وهذان الاسمان يلازمان الظلامى دوما


كما اقترحت - لو سمحت لى - اضافة الى نقاطك العشرة ان يكون لسانك من "الزفارة" بمكان ان ينطق بكل كلمة قبيحة بسبب وبلا سبب وان تحفظ كل قاموس الشوارع من البذاءات التى يعف عنها اولاد الشوارع وتطلقها جزافا وتحشرها وسط سلسلة من التنطع والكلام الكبار كبار..


دعينا نرى هل سيشفع كل ذلك ونمنح صكوك الخروج من الظلام أم لا ؟؟؟

بالمناسبة هل جهز لك تابوت ام لا ؟؟؟

وبالمناسبة ايضا كل موسيقاك لا تعمل معى شفتى كيف حتى جهازى ظلامى

وتسلمى

بما ان كلمة السلام عليكم ورحمة الله وبركاته اصبحت من مفردات الظلامين, سابادركم الهاي و الهاو آ ر يووو
و اقوليكم لازم تنتبهوا كمان للمفردات الظلامية و لا تستخدموها ابدا في كتاباتكم و احاديثكم واكثروا من الاستدلال بشهداء البكر سوري اقصد الفكر, وكذلك باستنادية التداعي الحر علي ارجوحة اللبرالية العصرية والتي تعلق علي حبال :
1 الريسيزم (لاحظوا جيدا هنا استخدام المصطلح الافرنجي حتي نبعد عن مسميات العروبه و الخصوبه)

2- البراغماتزم

3- الغيظتزم

نتهي بهذا علي ان الخروج من الظلام ليس بحل الشعر و ربط لفة العنق وانما هو حل صواميل الراس واطلاق العنان للسان و الحنجرة ليتناطحان

وباي

زول ساكت

وليد

قرشو

eyes of liberty

البوست دا نكتو من وين

Quote: كما اقترحت - لو سمحت لى - اضافة الى نقاطك العشرة ان يكون لسانك من "الزفارة" بمكان ان ينطق بكل كلمة قبيحة بسبب وبلا سبب وان تحفظ كل قاموس الشوارع من البذاءات التى يعف عنها اولاد الشوارع وتطلقها جزافا وتحشرها وسط سلسلة من التنطع والكلام الكبار كبار..

أتفق معك

Quote: بالمناسبة هل جهز لك تابوت ام لا ؟؟؟

مالك علي يا قرشو !!! بعد الشر علي

Quote: وبالمناسبة ايضا كل موسيقاك لا تعمل معى شفتى كيف حتى جهازى ظلامى

دا ظلام مستعصي




eyes of liberty

Quote: 1 الريسيزم (لاحظوا جيدا هنا استخدام المصطلح الافرنجي حتي نبعد عن مسميات العروبه و الخصوبه) 2- البراغماتزم 3- الغيظتزم

طبعا المصطلحات دي سهلة جدا

اها بقيت مستنيرة يعني !!؟؟

دي بتنفعكم بإذن واحد احد