ذكريات الحفلات في المناسبات : جلد بالسياط وزوغة بالعداد ومبيت في الحراسات ...

قد تمر بمن له علاقة بالمجال الفني عامة عدة مواقف محرجة وخجلة وأحيانا لدرجة تعرضه للضرب والتهديد والطرد من المناسبة أيضا أثناء إداء الوصلة الغنائية ...

وطبعا فإن المجال الفني له خصوصيته البائنة حبث أن معظم هذه المواقف تظل في طي الكتمان بين شهودها فقط ولا تخرج للعلن إلا نادرا (مثل هذا البوست) إذ أنه أحيانا تكون هنالك من المواقف والطرائف المحرجة والمبكية ما يحول عن الحكي تماما وحنى إذا ماتم حكاية البعض من الروايات فقد تكون ناقصة أو مبتورة لحرج ما في إحدى فقرات السرد ..

وبما أن البورد هذا به كميات معتبرة من المغنيين والعازفين (وربما بتاعين ساونات وبعامين)
فإنه بكل تأكيد هناك كم هائل من الحكايات والذكريات والمقالب التي تحدث في مناسبات الحفلات خاصة الأعراس والمناسيات الخاصة ...

وأنا شخصيا حدثت لي عدة مواقف محرجة ومضحكة ومبكية ومؤلمة أثناء ولوجي عالم الغناء في دائرته الضيقة بالنسبة لنا نحن الهواة والذين نتمتع بإستعصام الأجهزة الإعلامية عنا إلا ما ندر ولكن لنا غير قليل من الشهرة في أوساط الأحياء ومراكز الشباب في المدن الثلاثة ..

وأنا هنا في هذا البوست سأحكي تباعا الكثير من المواقف التي مررت بها في هذا المجال منذ أن كنت طالبا في مدرسة الخرطوم الثانوية الجديدة وحتى لحظتها .. كما سأحكي أيضا التجارب التي مررت بها مع فنانين كبار ومشهورين وإنطباعاتي التي خرجت منها ..

كما أطلب من كل من لديه ذكريات وحوادث مماثلة أن ينزلها هنا أيضا دون مس لخصوصيات الغير كما أن هنالك الكثير من النكات والمواقف التي كان أبطالها فنانين كبار من مبدعينا المخضرمين وأخرى نسبت لهم وطبعا فناننا المرحوم أبو داؤود له القدح المعلى في كمية النكات التي يطلقها والتي نسبت اليه أو التي قيلت عنه ..

حاشية :

بعامين مفردها بعام وهي تطلق على الشخص الذي يسير مع الفنانين والعازفين في كل حفلاتهم لغرض الإستمتاع بالغناء وتناول عشاء المناسبات الشهي . وأحيانا يفرض نفسه عليهم فرضا ..

(يعني بالدارجي المفهوم ضهب حفلات )

والأن لنبدأ القصة الأولى ....

في يدايات تكويننا لجمعية الموسيقى والمسرح بمدرسة الخرطوم الثانوية الجديدة شرعنا على الفور في إقامة علاقات مع المدارس المتوسطة والثانوية وإقامة العروض التجريبية للجمعية ..

وقد تصادف في تلك الأيام ان كان هنالك إسبوع ثقافي بمدرسة البشير بنات بالحلة الجديدة وقد تمت دعوتنا لإقامة عرض هناك ... وقد كان إشتراطنا أن توفر لنا إدارة المدرسة ساوند + جهاز أورغن ياماها 600 PSR لإقامة العرض فوعدت المدرسة بتوفيرهما وطلبت فقط حضورنا في المواعيد ...

وفعلا ذهبنا في وقت العرض لنتفاجأ بأن المدرسة لم تستطع توفير سوى جهاز الساوند سيستم وجهاز أورغن كاسيو دون المواصفات فإحتجينا على ذلك ورفضنا إداء العرض رغم (التحانيس ) ..

وقد كانت هنالك إحدى طالبات المدرسة (ذوات الخفة الزائدة والجمال الهادي) مكلفة بالتفاوض معنا والقيام بضيافتنا .. فكانت تأتي إلينا في المكتب الذي خصصوه لنا (وتتظارف) بتملق ظاهر معنا حتى نقيم العرض ...

فكان أن جاءت إلينا في المرة الأخيرة بعد ان يئست من إقناعنا ف سألتنا في دلال شديد ورقة مبالغ فيها كادت أن تثني عزيمة البعض :

(إنتو هسي دايرين شنو وأنا أقوم أوفرو ليكم عشان اليوم ما يبوظ ؟؟)

فأجابها أحد زملاءناالوسيمين :

(نحنا بس دايرين أورغن ياماها) ...

فردت بي سرعة شديدة وبلهجة تفوح منها رائحة غيرة واضحة :

(أنا ما مها ... أنا إبتسام) ...

فما كان منا إلا الإنفجار ضحكا وتركناها متحيرة فيم نضحك !!

Quote: في يدايات تكويننا لجمعية الموسيقى والمسرح بمدرسة الخرطوم الثانوية الجديدة شرعنا على الفور في إقامة علاقات مع المدارس المتوسطة والثانوية وإقامة العروض التجريبية للجمعية ..

فى هواك ياجميل العذاب اضنانى..الخ
تتذكر
كدى تم
بعد تخلص عشان افاجاءك بى شغل البروفات الماتميتو


ماقلنا من اول لمن نريد بنريد


يامها..

تروتسكي !!!!!!!!!!!!!!!!!!!!!!!!!!!11

سبحان الله !!!!!!!!!!!!!!111

أرسلت لك رسالة قبل قليل في الإيميل ألفت نظرك لموضوع زكرياتنا في مدرسة الخرطوم الثانوبة
وعندما عدت للمنبر وجدتك قرأت الموضوع وعقبت عليه !!!!

أكيد القصة ما صدفة .. يعني في شئ دقا ليك في وتر حساس

بس قبل ما اواصل أحكي لي موضوع البروفات الما إنتمة دا عشان الشمار كتلني

الاخ ناذر
بالامس كنت في غرفة سودانية في البال توك وكان الحديث يدور حول الحفلات وذكرياتها كما جاء في هذا البوست اليامها الخطير ... تحدث احدهم ولا اتذكر اسمه عن ادمانهم الحفلات في النوادي الشهيرة في الخرطوم من نادي الضباط وما جاوره من نوادي كانوا يوميا يذهبون ( ضهبا) للحفلات في احد الايام ذهبوا وهم يتعشمون في ربة كاربة ولكن لم يجدوا في اي نادي من النوادي اي حفلة او حتي دقة عود فتوكلوا اخيرا علي نادي الضباط وهو الذي لا يخلوا من الحفلات وعندما لم يجدوا حفلة فيه حملوا قطع فحم وكتبوا علي الجدار

حضرنا ولم نجدكم

اضحكني جدا التعبير وتذكر ان قبل هذا كان ان خضت معركة دامية في نادي الضباط هذا بسبب شلاقة احد اولاد حلتنا ويومها ابدع اصحاب الحفلة من اهل ام درمان في ( تاكيلنا علقة ساخنة لن انساها حتي اليوم ) ويومها ايقنت بالدليل ان من قال ان الكثرة تغلب الشجاعة لم يكذب ابدا وصرت كلما اسمع صوت مغني ذلك اليوم نادر خضر اتحسس اصداغي

أساسي الأساسي

مرجب بيك في هذا البوست وأهنيك على إعترافك الناقص لكن لأنا بتوا ليك ..
إنتا مش قصدك إنكم شاغلتو بت أمدرمان في الحفلة ؟؟
يامان عادي والحكايات الزي دي عندي منها كتير وكلو جايي في السكة بس قوانين المنبر
العام دا حقو يعفوني منها عشان إتكلم بصراحة وبي راحتي
هاك دي :

قبل فترة طويلة أيام الثانوي مشيت إشتغلت حفلة في القطينة المناسبة كانت حنة بتاعت عرس .. في أثناء أنا بغني شايف واحد من بعيد بيبشر لي وبيحاول يجي ناحيتي بصعوبة بسبب الزحمة ..

من طريقة مشيتو لا حظت إنو الزول سكران وكدة.. قمت إستعوذت ودعيت ربنا يجيب العواقب سليمة.. صحبك طلع بعد تعب المسرح وجايي بيبشر وأنا خاتي بالي معاهو ..

إتخيل في اللحظة ديك جات طالعة جكساية ظريفة ورشيقة من الناحية التانية للبشير والشبال .. قمت جليت صحبي السكران داك (مع إنو كان وصلني) وقعدت أبشر للجكساية والسكران واقف جنبي منتظرني أعاين ليهو ...

الجكساية طلعت غتيتة وكترت من البشير لمن السكران إتغاظ مني (ألف) .. لمن هناية ديك مشت قبلت على السكران عشان أجاملو بالبشير قام رفع يدو وصراني ليك كف صرررررر .. لمن أنا قلت الكهرباء قطعت ..

الجو إتكهرب والسكران قعد يكورك (يعني أنا ما راجل ولا شنو ؟؟ عشان هي بت وأحلى مني ؟؟!!) ...

طبعا الناس مسكوا السكران وبتاع الأورغن خاف على جهازو لماهو والمسرح إتملا فل .. طبعا أخوك جاهو إحراج وجاهو بهق من الكف

الجماعة شبكوني ليك (خلاص السكران طلعناهو ليك واصل الحفلة) .. لكن بي ياتو وش ؟؟!! قلت لو واصلت الناس دي بتضحك فيني ... قمت قلت ليهم أنا ماشي بيتنا .. قالو لي خلاص إتعشى أول .. قلت ليهم ماليش نفس ..

صدق يا أساسي من ديك (والقصة دي ليها أكتر من 8 سنوات) بقى حدي في الحفلات الكلاكلات بس .. لمن تجيني حفلة في القطينةأو الجبل أقول للزول : بللللايي !!! قايلني عوير ولا شنو ؟؟!! شوف ليك زول داقس غيري يتكفت هناك ..
شفت الصراحة دي كيف ..

Ya Nazir I got to come and comment
Later ya man

زول إبن زول ..

وينك يا راجل !!

والله فاقدك وفاقد مداخلاتك الثرة ..

منتظرك هسي البوست فيهو الفنان وفيهو الضهب بس أوعك تكون كنت شغال بتاع ساوند

غايتو أحسن ليك من البعام

في إنتظارك يا مان

ناذر يا حبيب :
أول حاجة كتر خيري العلمتك الوشوش الضاحكة عشان تقدر تعمل ليك بوست دمو خفيف ..تلقاك يا مان البوست ده مجهزو من زماااااااااااان بس ما عارف تعمل الوش

طبعاً يامان قد تتفاجأ إنو أخوك ضهب حفلات كبيييييييييييييييير وكان عندي مرضا بتاعت المباركة للعريس والعروس والله لو بعرفهم ولا ما بعرفهم لي درجة إني بكون راكب المواصلات أشوف ليك عربية عريس وعروس جاية طوالي أقول لي الكمساري قرصة يا حبيب وجري لي العريس والعروس أبارك ليهم وأطلع طوالي أركب الحافلة وأواصل مشواري

اها الحاجة التانية إنو أخوك كان عامل فيها فنان ( أفن الحجر ده بعيييييييييييد)
وكنت في 92 شلت كأس الدورة المدرسية في المرحلة المتوسطة للغناء الحديث (الليل الهادئ)
طبعاً أسة علاقتي بي الغنا زي علاقتك بي الطب

موقف لذيذ:
في زواج خالتي وانا كنت صغير لسة والناس شغالة هجيج ألف في نص الدايرة أها كان في واحد مسطول مهجج برااااااااهو وبعد كل فترة يجي لي صحبو القاعد في الكرسي ويقول ليهو :
ياخ ما تقوم نجقجقا ..
التاني يقول ليهو :
لالالا كدي أنا خليني شوية ..
صاحبنا داك يمشي يرقص براااااااااااااهو وبعد غنيتين يجي لي صاحبو تاااااااني ويقول ليهو:
ياخ عليييييييييييييييييييييك الله قوم نجقجقا ..
داك قال ليهو :
ياخ لالالالالالالا خليني شوييييييييييييية كده وبقوم أجقجقا ..

أها يا مان انا بس قلت الزول ده معناها خطيييييييييييير وبيحتو قرض الليلة وقلت أشوف بيجقجقا كيف ..
المهم زولنا داك اخر مرة جا لي صحبو ده وقال ليهو :
ياخ عليييييييييييييك الله قوم نجقجقا لأنو دي أخر أغنية ....
أها زولنا الفي الكرسي قال ليهو :
يازول قلت كدي ؟؟؟؟ وكف قام من كرسيهو ووقف جمب صحبو داك وقرب خشمو من أضان صاحبنا وهمس براااااااااااااااااااااحة وقال :
أجقجقجقجقجقجق

تصدق إنو دي بس طلعت الجقجقة ....
بجيك تاني إنشاء الله أصلو أخوك فايت علوب لي غادي

عمر الفاروق

طبعا في البداية والنهاية بشكرك جدا على تعليمي الضحكة أم سنون كبار دي
صدق أنا لقيت إنو الضحكة دي ما بتجيب نفس الغرض والإحساس بتاع دي

لكن يا مان أنا كنت عارفك حا تجي ناطي في البوست دا لإنو واضح عليك جدا إنو كنت ضهب بتاع حفلات كبير ...

لكن والله ضحكتني بي قصة الجقجقة دي وأنا عارف إنو في غيرا كتير عندك ..
يلا ما تخجل ما دام الناس عرفتك علي دهب وتم بقية الحكايات زيي ..

يلا هاك واحدة :

مشينا عرض موسيقي مسرحي أيام كنا في مدرسة الخرطوم الثانوية لي مدرسا القديمة بنات .. طبعا أخوك كان رئيس الفرقة والوجيه بتاعا وكدة .. أها لمن جينا داخلين الفصل الحانعمل فيهو العرض دخلنا صف واحد وسط تصفيق الجكس .. طبعا كنت أنا أول واحد بحكم المنصب ..

قمنا بي نفس الصف دا قعدنا نسلم في البنات القاعدين ... كانوا قاعدين صفين .. أها السلام كيف ؟ بسلم على الأولى في الصف القدام وبسلم على الوراها في الصف الورا .. وناس الفرقة كلهم وراي وبيعملوا الأنا بعملوا ..

المشكلة إنو الصف التاني بتاع البنات كان بعيد شوية لإنهم خاتين قدامم طرابيز فيها مرطبات وموز وحاجات زي دي .. فكنت بتمطا شوية كدا عشان أحصل البنت الورا وأسلم عليها في يدها والجماعة بي وراي .. شفت الشلاقة والكبكبة

المهم أنحنا واصلنا في سلامنا ومطيطنا بالطريقة دي لحدي ما قربنا نكمل الصف ..

يلا شوف .. سلمت على البت القدام وطبعا كان لازم أسلم على البت الوراها ... قمت إتمطيت شديييييد عشان أحصل ديك (إتخيل عباطة منظري) ..

المهم وأنا في الحالة المطاطية دي مديت يدي للبنت فإتفاجأتا أنها أبت تسلم علي !!
ويدي ماديها ليها !! (طلعت من أخواتنا أنصار السنة) حمرت ليهاما نفع قالت لي ما بسلم على أولاد ....

إتحيرت حيرة شدية وأنا متشعلق في الهوا بالطريقة دي والمصيبة إنو البنات كلهم قعدوا يعاينوا لي وبقية الفرقة منتظرني أزح ليهم ..

لمن الشغلة طولت شوية كدة وأنا متمطي ما لقيت حل إلا أشيل قزازة البيبسي القداما وأمشي

والحصل إنو الوراي فهم المنظر وما سلم على البت والوراهو برضو.. لكن كان معانا واحد صاحبنا ما منتبه قام إتمطا عشان يسلم على البت ولمن حمرت لبهو وفهم الحكاية قام شال الصحن بتاع المرطبات بتاعا كلو ومشا

غايتو الحادثة دي أثرت على نفسياتي لمن الشغل طلع (بيض) ومن اليوم داك بطلت الشلاقة ومسالمة البنات في يدهم إلا يكون في زول قدامي سلم أول

الأخ ناذر تحياتي و شكراً علي هذا البوست الخفيف و لو داير نصيحتي كتر من مثل هذه البوستات و أبعد من الشبيح و الشلاقة البتسوي فيها دي .. شفت الشبيح عمل فيك شنو مع ناس الكنبة الورا.. اها هاك دي..
أثناء فترة تعاملي مع الفنان الراحل مصطفي سيدأحمد كعازف كمان في فرقتة كان معنا في الفرقة الأخ عبد الرحمن حضرة (عازف الأكورديون) و المعروف عن حضرة إنه عندما ينسجم مع الموسيقي يصاب بحالة (الخدر الموسيقي) فيغمض عينية ويتابع دقات الإيقاع بقدمة في نشوة بالغة أثناء العزف. أذكر إننا كنا في حفل بكازينو النيل الأزرق و كان المسرح ذو أرضية خشبية و كان حضرة مندمجاً مع العزف مغمضاً عينية ويضرب بقدمة علي الأرضية فينتقل الصوت الي المايك الذي أمامة عبر الحامل الحديدي ثم يرتد صوت قدم حضرة الثقيل الي مصطفي أثناء الغناء من جهاز الساوند كو كو كو كو كو فإلتفت مصطفي إلينا و هويغني و لسان حاله يقول يا أخوانا البدقدق ده شنو، و يبدو إنه عرف مصدر الصوت، فحاول تنبيه حضرة ليوقف الدق بقدمة عدة مرات و لكن حضرة كان مغمضاً كالعادة و لم ينتيه الي محاولات مصطفي فما كان من مصطفي إلي تقدم نحو حضرة ثم كمل بقية المقطع عافصاً قدم حضرة ..
النوادر و الحكاوي كثيرة وبجيك راجع لو لقيت زمن أخوك اليومين دي مشغول شوية ..
الصاوي

الأخ العزيز الصاوي

تحية طيبة وأنت تتداخل معي في هذا البوست الفني بعيدا عن السياسة وبلاويها
بلله ياراجل طلعت عازف كمان ؟؟ ومن فرقة مصطفى كمان ؟؟!!
دا شرف عظيم إنك تكون معاي في البوست دا لإنو بالتأكيد عندك الكثير مما تحكيه هنا ..
بس أنا في إنتظار ترهاقا الذي عزف مع وردي لمزيد من الطرائف والقصص..
لكن قصة حضرة مبالغة إتخيلت منظر مصطفى وهو عافصو

هاك دي على سريع لإنو في واحد صاحبنا إتصرف تصرف مماثل
:

في الفرقة بتاعت مدرسة الخرطوم الجديدة الغنائية كان معانا واحد من الأعضاء يمثل إزعاجا مستمرا لبقية الكورال (صوتو كان فيهو شتارة وفرقة واضحة) .. والمشكلة إنو كنا ما قادرين نتخلص منو لإنو قديم ومن المؤسسين بتاعين الفرقة .. والمشكلة إنو العروض مرات بتبوظ بسببوا ..

وعلي شتارة صوتو كان بيحاول يقلد عضو فرقة عقد الجلاد شمت محمد نور في حركاتو .. طبعا شمت عندو حكاية إنو في أثناء الغناء بيلف المايك حول رقبتو وفي يدينو وبيتحرك كتير ..

يوم كدة كان عندنا عرض مهم جدا في المركز الليبي قدام ضيوف مهمين منهم الدبلوماسيين وناس في الحكومة وشعراءء وفنانين .. يعني هيلمانة وكان لازم العرض ينجح عشان حايدينا دفعة قوية لي قدام وعلاقات كويسة بس كان صاحبنا الأشتر داك هو المشكلة ..

واحد من أصحابنا الخبثاء جدا أداني إقتراح إنو يقوم بفصل الجاك بتاع المايك الماسكو صاحبنا بدون ما داك يشعر وبالتالي ما في أي زول حايسمع صوتو إلا هو براو

غايتو وافقت على الفكرة لإنو ما كان في حل تاني .. وجينا يوم العرض أخر شياكة ونفسيات عالية ..
لمن بدأ العرض صاحبنا داك فصل الجاك والغنية الأولى عدت بدون ما الأشتر يشعر ..
والغنية التانية عدت برضو وأنا فرحان من النظرية

الغنية البعدا كانت غنية مسخنة بتاعت عقد الجلاد (الناس في بلدي يصنعون الحب) .. قام صاحبنا جاتو الهاشمية ودخل في تقمص شخصية شمت محمد نور وبدا يدور سلك المايك حول رقبتو ويلفو في يدينو ويتحرك كتير في المسرح ..

عاينت لي جهة الساون لقيت صاحبنا بتاع الإقتراح فلت السلك والوكت داك زولنا الأشتر بقى يلف المايك حول يدينو في أثناءء الغنية (زي الجبادة بتاعت السمك)

غايتو صاحبنا فضل يلف ويلف في السلك لحدي ما راس الجاك جاهو في يدو
طبعا إستغرب وقعد يتلفت وهو ماسك راس الجاك والجمهور بيعاين ليهو
عاين ناحية الساوند لقا الجماعة هناك زاغو
عاين ناحيتي عملت فيها رايح ومندمج مع الغنية
صاحبنا طوالي زعل ورمى المايك (دا كلو قدام الضيوف) وطلع طوالي ..
تتصور من اليوم داك تاني إصلو ما ظهر لينا ولا حتى جا سألنا ونحنا زاتنا حمدنا الله !!!

طبعا دا جذء من الغتاتات بتاعت الوسط الفني وكدة

مكرر

والله يا نادر القصص كتيرة بدت من ايامى فى عطبرة مع حسن خليفة العطبراوى، لكن حأحاول احكى ليكم رحلة فنية إتزكرتها

كنا فى الوقت داك طلبة فى معهد الموسيقى ومؤجرين لينا بيت فى الديم قريب من شارع
35 لقرابته للمعهد واللى كان فى شارع 59

المهم قاعدين فى الميز والفترة دييك بنسميها بين العيدين يعنى مافى حفلات وفلس للطيش
جانا الاخ الموصلى ومعاهو جلال الصحافة، والموصلى قام قال يا خوانا جلال ده جايب ليكم حفلة فى
خشم القربة عنده صاحبه متعهد للحفل ، قام كل واحد نط من سريره يا خوى نحن لاقين طوالى
جاهزين

تحركت الرحلة وطبعا انتوا عارفين جهات خشم القربة وامطارها يازول طقتنا ليك مطرة فى الخلا
وللاسف عربيتنا نحن وحلت من جملة عربيتين والدنيا ضلمة المهم بعيد مننا كده شفنا لينا نور
خافت مشينا عليهو لقيناهو غرفة لى حراس مشروع زراعى ، رحبوا بينا قلنا نبيت للصباح
ونتوكل، اثناء وجودنا فى الغرفة وكنا انا والدكتور الفاتح حسين وعثمان النو ، الفاتح حسين لقى ليهو طاولة رقد فيها وانا وعثمان نمنا تاكلين ضهرنا على الشباك ده طبعا مع تحذيرات الحرس
بإنو نرفع كرعينا من ا########## عشان العقارب (يا الطاف الله )،
الصباح إتحركنا وصلنا حلفا الجديدة وللاسف لقينا متعهد الحفل مافى، جانا واحد قال ياخوانا
مافى مشكلة حسن مكلفنى اقابلكم ، وطيب حسن الجن ده ويين ؟ قال سافر الليلة للخرطوم ،
قام ودانا فندق وتانى عينك ما تشوف إلا النور وطبعا نحن ما شايلين مصاريف كفاية
المهم مصاريفنا كملت ونحن فى انتظار هذا الحسن ،
اذكر إنو جانى واحد زيارة فى الفندق وهو كان طبيب إتزاملنا فى عطبرة الثانوية جا سلم على
ولاحظ إنو انا وواحد من العازفين بنخمس السيجارة ،قام طلع وجانى راجع ومعاهو 4 علب
سجاير بنسون لقيت ليك الجماعة كل واحد فيهم داير يفتح علبة ،قلت ليهم ويين نحن حنمشى
نبيع العلب دى عشان ناكل ، المهم بعد التعب ده كلو ظهر المدعو حسن ، ونحن الفلس والزهج
خلاص وصل بينا مبلغ (اتزكر بنلعب فى كتشينة لقينا جلال الصحافة بيجعر وبيبكى بى صوت عالى
قلنا ليهو مالك يازول ؟قام قال انو هو السبب فى البهدلة اللى نحن فيهادى ) قلنا ليهو كان كدى
ابكى يا خوى - بقينا فى الطريقة الترجعنا للخرطوم المهم المتعهد جانا وقال الحفلة قايمة
قايمة، يوسف الموصلى قال ياخوانا واحد يقعد فى شباك التزاكر ولو طلعنا حق الحافلة
بس يأشر لينا لانو الحفلة بى تزاكر لكن صيوان يعنى نص الجمهور دخلوا بى تحت الصيوان


إنتهت الحفلة والشيء الغريب لقينا المتعهد حسن شايلنه فى عربية البوليس ، ليه يا جماعة
قالوا ما دفع للبواليس الحارسين الحفلة قروشهم حتى قال ليهم ده ما شغلكم يا جماعة.
المهم المتعهد ودوهوه السجن ونحن إتحركنا للخرطوم بالليل نفسه ، والحسنة اللى لقيتها
انا شخصيا من الرحلة دى وزنى نقص زى كام كيلو
اذكر من الفنانين اللى كانو معانا وارجو ان تسعفنى الذاكرة
يوسف الموصلى - جلال الصحافة - فيصل الصحافة - سمية حسن على ما اذكر

والبقية تاتى مع إنو ذاكرتى خربة لكن حأحاول اتزكر

حبايبى الحلوين اهلا جونى
فى ناس زى ديل بدرونى..

ناذر وبقية شباب الضهب بقيادة تروتسكى. .
جونى زارونى شايلين ازهار
شايلين الليل قلبوه نهار..


طبعا ياناذر انا اصلو مابدخل يدى فى البوست ده اتفرج واعلق مرات ..
مش انت الريس كنت. .

تعرف كويس ماتميت بروفاتى معاكم كان التكفته كيف
ياحليل ميدان الباسكت الجنب فصول الاول بى هناك محل الكديت بتعاع ناس (لؤى عابدين)..
اسمع احكي ليهم احدى طرائف الفرقه و برامج المدرسه فى تلك الساحه..

جابت ليها احرجات وكفيت. .
يازول جمعية العلوم بس..

انا ماقايل فى ناس زى ديل بريدونى...

ترهاقا والله دي بالغتو فيها

Quote: اذكر إنو جانى واحد زيارة فى الفندق وهو كان طبيب إتزاملنا فى عطبرة الثانوية جا سلم على ولاحظ إنو انا وواحد من العازفين بنخمس السيجارة ،قام طلع وجانى راجع ومعاهو 4 علب سجاير بنسون لقيت ليك الجماعة كل واحد فيهم داير يفتح علبة ،قلت ليهم ويين نحن حنمشى نبيع العلب دى عشان ناكل ، المهم بعد التعب ده كلو ظهر المدعو حسن ، ونحن الفلس والزهج خلاص وصل بينا مبلغ (اتزكر بنلعب فى كتشينة لقينا جلال الصحافة بيجعر وبيبكى بى صوت عالى قلنا ليهو مالك يازول ؟قام قال انو هو السبب فى البهدلة اللى نحن فيهادى ) قلنا ليهو كان كدى ابكى يا خوى - بقينا فى الطريقة الترجعنا للخرطوم المهم المتعهد جانا وقال الحفلة قايمة قايمة، يوسف الموصلى قال ياخوانا واحد يقعد فى شباك التزاكر ولو طلعنا حق الحافلة بس يأشر لينا لانو الحفلة بى تزاكر لكن صيوان يعنى نص الجمهور دخلوا بى تحت الصيوان

لكن والله دا موقف ..
أنا لو شخصيا حصل لي ببقي وأنوح زي ما عمل جلال
كويس إنو في النهاية حق الحافلة طلع لو ماكدة كنت تكون لي يوم الليلة في الخشم

هاك الموقف دا لحدي ما أرجع :

القصة دي قالوا منسوبة لي حسين شندي وحصلت ليه في واحدة من قرى الجزيرة (أمسك الخشب)
قالوا حسين شندي مشى لي حفلة عرس في الجزيرة .. طبعا في الجزيرة الأعراس للصبح .. الحفلة مدورة وحسين أخر إنشراح .. .. قريب الصباح كدة في واحد داقروا قدام المسرح ..
(هويا جنا ها .. ماخلاص أصبحت .. خلينا نشوف شغلنا..) ..
حسين شندي ما إشتغل بالرجال وواصل في غناهو والراجل مكوع يدينو وبحمر لي حسين ..
(يازول انا بجي طالع ليك أطعنك .. ما كفاك هنيق .. ا########## صوبحت على الشغل )..
حسين شندي جلا الراجل كم مرة والراجل زعلان وداير يسل السكينة ..
(إنتو الواحد إلا يطلع يطعنكم ولا شنو؟ ما تخلينا نشوف شغلنا داير تهونق فينا لا متين) ؟؟

غايتو في النهاية حسين إتشجع وقبل على الراجل قاليهو ..
(يا زول ما تمش تشوف شغلك ؟؟ أنا ماسكك) ؟؟!!
الراجل قال ليهو :
(نان الكارو البتهنق فوقو دا هيلك ؟؟! مو هيلي نا) !!!

تتصور لمن حسين إتلفت لقا المسرح الطالع فيهو عبارة عن الكارو بتاع الراجل داك

بلف وبرجع وياريت ناس الضهب وبتاع الساونات يظهروا

تروتسكي أكبر ضهب الجديدة

يامان حكايات الجديدة راقدة هسي ما لا حظتا لي انا بادي منها
بالمناسية شكرا على الموقع صورتي العلى اليمين دي نزلت بسببك ..
كدي أرح الماسنجر عشان اديك سر يا شقي الحال ..

ودي نكتة قديمة منسوبة لي فنانا الكبير بتاع إتحاد الفنانين

قالوا كان شغال في حفلة كاربة والدنيا ظريفة معاهو وكدة والناس تمشي وتجي تبشر ليهو ..
أستاذنا إستكان مع الجو وعمل فيها بيلبي طلبات الحضور .. بقوا الناس يطلبوا في الاغاني وهو يلبي في طلباتم (كييييف!! أستاذنا راجل حفيظ جدا بيحفظ أغانيهو وأغاني الفنانين الجمبو ) .. المهم في إندياحتوا ديك (الله يكرم السامعين) سوستة البنطلون رخت شوية وهو ما منتبه واحد من الحاضرين إنتبه ومشى ليهو بعد الغنية .. قال ليهو في أضانو (السوستة يا أستاذ ) ....

فنانا عاين ليهو وأجاب بأسف حقيقي (معليش والله .. دي بالذات انا ما حافظا )

الأستاذ ناذر محمد الخليفة
أنا ضهبت مرة وحدة في حياتي ,,,لكن بعد ما رجعت البيت اتذكرت انو انا كنت معزوم في الحفلة
ففكرت ارجع اطالب بي صحن العشا ولكن لا حياء لمن تنادي

خالص التحايا ..
العزيز ناذر ..
وكل الشباب بتاعين المزك والحفلات والضهب وكلو..
طبعا ما كان عندى رغبة اجى اعلق قريب لكن ظهر فى بالى زول صاحبى شديد ده ..هو ما بجى كتير المنبر لكن لو جاء بقع معاك فى جرح لانو زول فنان وجميل الدواخل ونكته وكمان (ممسوخ) اسكت ساى لو جاء هنا يحكى ليك جنس بلاوى عموما بحاول اشوفو واكلمو يجيك ..
انه الفاتح (توحه)alfatih..

فى اللينك ده بتلقى ليهو كل بوستاتو انا عامل ليهم مشروع لم العفش..
وندخل ندردش هنا برضو فى زول اسمو حبيب نوره ده كمان اكبر مسلط بس كلهم طفشو(رجلك حاره)..
alfatih *** مريم بنت الحسين *** حبيب نورة ***

وخلونا ارقب من بعيد..
خوفا من البشتنه والكفيت..

*بعدين عملت لى شنو فى مواضيعى بتاعت التلفون وايمييلك المخستق ده..
قبال الوداع اغنية الختام..
بس ماتجونى تبشروا دى للجنس اللطيف فقط..

هاك الكوبلى ده..

لما تشتاق للمشاعر.. تملا دنياك بى عبيرها..
لما تشتاق للعواطف تنسجم تلبس حريرها..
وابقى اسال عن قلوبنا ..تلقى فيها كنوز محبه
وتلقى بحور حنان وتلقى فيها الشوق يغنى
تلقى فيها الريده فارده جناحها تشتاق للربيع
يا ربيع ..ياربيع
اها

يا تروتسكي

ما إنتا مهما إبتعدت من البوست دا مصيرك تاني تقرب عارف لييه

لإنو المجرم دايما بيحوم حول مكان جريمتو والمكان دا بيذكرك أيام ضهبك الزمان

عشان كدة إستسلم وخش عديل .. وا براك شايف الناس صريحة كيف .. والجايي لسة .. أنا حا أحكي ليك هنا مبيتي في الحراسة بسبب بتاع ساوند وإعتقالي في بيت عرس لحدي ما أدفع القروش الشلتها وبلاوي كتيرة خلاس

أما عن موضوعك داك فحا أرسل ليك رسالة بعدين المساء ..

الأخ ساري الليل ..

ياخي والله دي بالغتا فيها عديل

زكرتني بي واحد ضهب بتاع حفلات في حلتنا ... جنو مساسقة حفلات الخالدي . . لمن كره الخالدي فيهو من كترة الطلة لإنو بقى أساسي أكتر من الخالدي زاتو

في يوم عزمنا لي عرس أختو الكبيرة مشينا الحفلة بي مزاج مطمنين على إنو الليلة حا نتعشى لمن نقول بس

صاحبنا ظهر لينا مرة واحدة ومشى عمل فيها ببشر لي الفنان (الفنان برضو كان الخالدي) ..بعد داك إختفى مرة واحدة فنشناهو ما لقيناهو ؟!!!!

واحد كان معانا بتاع ضهب قديم قالينا انا أحسن امشي أجازف ليكم العشاء .. قام مشى وبعد شوية جانا بيضحك ..!! قلناليهو مالك ؟؟!!!

بعد تعب قال لينا (لقيت صاحبكم سيد العرس بيخاتف الناس في الكرتة بي هناك)

إتخيل مع إنو أخو العروس ..!!!!

الداير أقولوا يا حبيب إنو ركوب العجلة مابتنسي

فوق ..

في جمعية الموسيقى والمسرح بمدرسة الجديدة حدثت لنا عدة مواقف مضحكة جدا ومبكية في أن واحد ...
لعل الموقف الذي لا ننساهو هو يوم أن تعرضنا جميعا للضرب على يد مجموعة من رجال الأمن بدار إتحاد طلاب ثانويات ولاية الخرطوم ...

ودا برضو بسبب الشلاقة وعدم وعينا السياسي أنذاك

ذهبنا لإقامة عرض مسرحي لمناسبة لا أذكرها .. وكان هنالك إسكتش تؤديه الفرقة ملخصه أن شابين يعاكسان فتاة في الشارع وظهر شيخ بجلباب يعترض على هذا المسلك ولكنه في الحقيقة يريد الفتاة لنفسه رغم علامات الإيمان التي تظهر في أقواله ..

كان الحوار كالتالي :

شاب 1 : يا حاج مالك علينا ما تخلينا في حالنا ؟؟!!

الشيخ : يا ولدي الكلام دا غلط شوفوا ليكم شغلة أقضوها ..

شاب 2 : نعمل شنو يعني ؟1 جانا شغل و أبينا ؟

الشيخ : أمشو الجهاد ؟؟!! أمشو الحصاد !! صعبة دي ؟؟!!

وبين الحديث يلتفت الشيخ إلى الفتاة الواقفة ويسألها يا بتي ممكن نمشي نا كل إسكريم ولا حاجة؟؟!! أنا عارف الأولادالصعاليك ديل شاغلوكي ..

فيصيح الشباب : يا حااااااااااج !!!!!!!!!
فيلتفت إليهم الشيخ مرة أخرى يحاول نصحهم بترك الفتاة والذهاب للحصاد والجهاد ...

فتقول له الفتاة بإذدراء : يا حاج أنا محترماك عشان الدقن الطويلة دي ..

يقول الشيخ : بحححححححححلقا .. (بطريقة درامية)
يصيح الشباب : ياحااااااااج !!!!

ويستمر الإسكتش بهذه الطريقة وفي النهاية تذهب الفتاة متجاهلة الجميع ...

المهم إنتهينا من الإسكتش وبعد نهاية العرض جاءنا أصحاب الدار وشكرونا على العرض وطلبوا منا عدم الإنصراف حتى يكرمونا ببعض المرطبات ..

فأخذونا وجمعونا في غرفة ضيافة فاخرة وجلسنا ونحن ننتظر حضور المرطبات ...
وبعد قلبل توافد على الغرفة كمية من ناس الأمن الطلابي معهم خراطيش وعكاكيز (وشوم) وحاجات تانية حامياني .

وبدون أي مقدمات بدأوا في تقديم المرطبات والتي كانت عبارة عن جلد وخبت وشلاليت وكفوف وأم دلاديم
وجاجات تانية كتيرة ما عندها إسم ولا وصف .. ونحنا بنحاول نفهم الحاصل شنو .. لكن مالقينا أي فرصة وعيننا ما تشوف إلا النور ..

غايتو المجذرة دي إستمرت حوالي نصف ساعة بدون أي مقاومة من المدنيين العزل لإنو في جزؤ من ناس الأمن ديل واقف في أركان غرفة الضيافة ومطلعبن مسدساتم ..

غايتو كانت مأساة لينا كجمعية لإنو في اليوم التاني المدير طوالي جمدا إلى أجل غير مسمى ولم يفرج عنها إلا قرب موعد الدورة المدرسية ...

غايتو كان درس غريب .. والأغرب من كدة إنو الإسكتش دا بالذات كنا بنراهن عليهو لنجاح أي عرض مسرحي وكل الحضور كانو بيضحكوا منو إلا الحضور داك (ماجاب ليهم إلا الكشير والقطيم) وما جاب لينا إلا الضرب والبهدلة ..

LOOOOOOOOOOOOOOOOOOOOL

هاك صلاح سك ده..
ولا اقول ليك نورى كيف...

عشان كده قلبى اباكم وابيت البروفات والبلاوى دى...

لسع طلع طلع وانكت فى الفضايح ..

ياناذر غليتو شلتنا حالنا كيف.........

شكيتك على الله...

وده وانت العليك الرك وقال قائد الفرقه ..
طيب ماتشوف لينا حماية ولا تامين...

اشوف فيك يوم
ده غير الشوفتها وجو حكوها لي..

ياحليو طلال لو كان فى العكه دى كان مات عديللللللللللللللللل..
بس بعاين بى عيونى...

الأخ تروتسكي

والله كلامك صاح الجمد نشاطنا كان امين نوري ..

صلاح سلك كان الوكيل بتاعو لكن ما أظن عندو علاقة بالموضوع .

طلال ما كان معانا الوكت داك ... طلال جاء بعد الحادث دا بي سنتين تقريبا
الوكت داك أنحنا هدنا النظرية ولغينا الإسكتشات البتجيب لينا الهوا

هسي لو كنت واصلت معانا كنت يا بقيت كوز يا كمان ....

بــــــــعـــــثــــي

العزيز ناذر
كيفك يا فنان
طبعا الممسوخ ( تروتسكى ) صاحبى فى فهرس مقدمات العالم .. داير يختنى فى حتة لسة ما عندى ليها شعر لا سبيبى ولا قرقدى ولا حتى ضنب حصان ... البوست جميل جدا والذكريات تحفظ جميل الريد .. ويا ريت تتحفنا والاخرين باللغوصة الحاصلة فى حفلات السودان العجيبة ديك ... اها جابنى هنا عشان اخربش ليكم هذه التداعيات المضحكة .. واخوك كيسوا فاضى من الناحية دى ... وربنا ينجينا من ( الكفيت والشلاليت ) وسلك المايك الملولو فى رقبة الفنان .
ذات مرة من المرارير او المرارات كنا فى حفلة نادى الخريجين ( ربك ) وكان الاحتفال بيوم الهلال الاحمر السودانى وصادف انو كل الولايات تكون فى هذا المحفل الكبير , العميان شايل المكسر حشود لا قبل لنا بها من قبل اها الحفلة تبدأ واخوك فى المايك يتلولح والجماهير شايلة التناغم برواقة عجيبة والفلاشات ما تديك الدرب .. واحد من ناس الفلاشات ديل ولا التلفزيون ما عارف يقوم يحرك ليك سلك كهربائى للكاميرا بتاعتو والغريبة انا شايفو بيسوى فى شنو وهو تحت المسرح مباشرة اها قومى يا السلوك تتطاقش مع بعضها وهاك يا شورت كهربائى مقنن .. النار ولعت بصورة خرافية ووصلت الجماهير فى اقل من ثوانى والاف الناس شقت طريقا للخارج وسط صياح وبراطيش ما تديك الدرب ... اها طبعا اول زول شال عدتو وكسح كان المحافظ وجماعتو يعيطوا لبعض زى الرايحة ليهم حاجة ( فلان مات لاما مات .. فلان وينو ) وسكلى شديد .. اما نحن فى المسرح بتاع الساوند خلى النار مولعة فى عدتو واطلق العنان لساقيه والعازفين المساكين تفرقت بهم السبل .. اخوك تلب من المسرح تجاه الخلف .. القى نفسى بين المسرح والسلك الشائك والشجر وبعد شوية اسمع صراخ واذا بى ارى عازف الايقاع مزنوق بين السلك الشائك والشجر برضووالحالة مضلمة ما تشوف ايدك .. ويا ريت كان قمر 14 ولا بطارية افيردى ... جينا راجعين فى حافلة وواحد من اصحابنا العازفين طالع فوق السطح فى الليل والجو مكهرب جواها ... مافى زول بيتكلم مع التانى وفجأة بتاع الحافلة يقول فى حاجة وقعت !! .
نزلنا كلنا جرى لقينا صاحبنا واقع من فوق الكبرى مدشدش دشدشة بطالة والحمد لله كان كويس بس ( شطب ) اى بقاموس اليوم ( مسح ) رجعنا تانى ربك للمستشفى ... واحد قال دى حفلة شنو دى ؟! .. الليلة فى فكى مات ولا شنو ؟ ! ... وبعد فترة حتى بقى كويس .
برضو مرة كنت بغنى فى نادى الشرطة برى حفلة من نوع ابو كديس .. قروب كامل والعسل فيهو انو عازف الايقاع عميان لكن فلتة ... زول عندو حس عميق ومرهف لدرجة ما تتصوروا كيف زاتا .. اها الجكس يتلولو والعمم تتطاقش فوق الرؤوس المؤسفة ... قوم يا العسكرى تعال شايل ليك كلاشينكوف واطلق رصاصة تلو الاخرى ... الزول ما شاف الا العميان صاحبى دا واطلق جنبو الكلاش ... العازف فتح وفكا البيرك .. لخبط ليك الحفلة كلها والعازفين طلعوا كلهم من الزمن والخلعة جاطت الحفلة .. الغريبة العازف يجرى على وين ما عارف قام كبس فى الكراسى وحلف ما يطلع تانى ... قال انو الزول دا داير يكتلو بس عشان عميان .
مرة برضو مسكت عداد حفلة ووزعتو للعازفين قبل اسبوع من بدايتها ... وكنت بدرس فى الجامعة بالنهار وفى الليل لازم يكون عندى حفلة .. يعنى اسبوع كامل كنت بغنى وبدرس .. جانى ارهاق شديد ومسكتنى الملاريا .
وقعت يوم الحفلة زاتا الساعة 3 عصرا .. ومفروض اكون فى المركز الساعة 5 مساءا .. يا جماعة اعمل شنو ؟!
ناس الحفلة ما بيعرفو فنان عندو ملاريا وهم معتمدين عليهو ... وفى السودان اذا عاوز ترتبط لازم قبل اسبوع من حفلتك على الاقل حتى تضمن الفنان والساوند ... الغريبة ملاريا من نوع ( معفن ) برجف زى الكوارع فى الحلة ... والوالدة جابت البطاطين كلها وما فضل لى الا اتغطى بالفرش من البرد ... جاء الدكتور للبيت وادانى حبوب كلوركين وقال حبة بعد كل ستة ساعات ( 500 ملم ) ناس المركز ضربو تلفون ورديت عليهم جاى .
بعدما الدكتور طلع من البيت شلت الكورس بتاع الحبوب كلو ... وبلعت 17 حبة دفعة واحدة .. قلت اصلو ما اخذلهم .. الليلة يا متّ .. ويا كمان بقيت زى الحصان .. بعد ذلك نمت نوم عميق ... صحيت زى الحصان وجرى للحفلة مباشرة ... بعد الحفلة رجعت البيت بملاريا 12 يوم كاملة .


برجع ليك تانى للتداعيات داخل الحفلة وعمايل العساكر والكشة والكفيت والشلاليت وحاجات تانية حاميانى

ياناااااااااااااااااااااااااااااااذر
الممسوخ جاء (alfatih)عقبال (حبيب نورا)..

Quote: برجع ليك تانى للتداعيات داخل الحفلة وعمايل العساكر والكشة والكفيت والشلاليت وحاجات تانية حاميانى

ومنتظرك لوووووووووووووول

تروتسكي ..

ما قصرت في موضوع جيبك لي الفنان الفاتح ..

بس ياريت كمان تجيب لينا الأساتزة الموصلي وهمزة سليمان

لو جبت ديل زحا إقتنع بيك عديييييييييلللل كدة

الفاتح يا فنان

شرفت البوست والله وكمان بلاويك وفضايحك خترة شديد

بس سؤال : ياربي عازف الإيقاع العميان دا ياهو هيثم الخلا ولا أنا غلطان ؟؟!!

برضو في عازف إيقاع عميان وفنان إسمو هيثم الخلا قلتل يكون ياهو ...

يا مان ما قصرت ولا زم تجي تتم لينا باقي القصص..

حـــــوارى غنــــاي
كلمــات: عصام ابكر ادم
لحن: المــــوصلــى
غناء: علــى الســـقيد
توزيع : المــــوصلــى

الاستاذ ناذر محمد الخليفة ,,,
أخوك عندو هواية الضهيب في حفلات الديم
دة برنامج مهم في كل اجازاتي في السودان
وبعدين صحبك غاوي حفلات الديم و دة بحكم قرب المسافة من مكان سكني في الحلة الجديدة
يا مان حفلات الديم في سكسكة وهجيج للدين
وتحياتي لي ناس الديم

الضهب ساري الليل

إنتا باللاهي من الحلة الجديدة ..
أكيد بتكون شفتني كتير أو إحتمال بعرفك ..
أنا اجمل أيامي وضهبي قضيتا في الحلة الجدية مع ناس محسن وقيع الله وهشام الخير وعبد الوهاب نور الدائم ...

ديل جنب حامع إبراهيم مالك ولو جينا لي جاي شوية أنا برضو إضهبتا مع ناس سفيان بابكر ووليد بابكر وأولاد البلال ناس هشام وأخوانو وبرضو مع ناس ضياء الدين خليل وهو عضو معانا في المنبر دا ..

طبعا أولاد الحلة الجديدة جنهم يجيبوا الخالدي وعمر إحساس و الفنان البقلد الكاشف داك الإسمو محمد إسماعيل ..

هاك القصة دي حصلت لي في الحلة الجديدة في عرس أخو عبد الوهاب نور الدائم ..

أنا جيت إشتغلتا ليهم في الحنة وكانت الشغلة أخر بهرجة والدنيا حلوة

فجأة بدون أي مقدمات حصل ضرب في نص الدايرة والكراسي إتطايرت وتسمع صج ... تاح .. كرج .. معطك وأصوات أفلام الكرتون ديك ...

جاني ليك واحد فوق المسرح من أهلو بتاعين الشيخ الطيب ديك .. يمين شنباتو تكتف حرامي .. حمر لي كدا وختف مني المايك وقال لي تنزل تتخارج ولا أخبتك بي عكازي دا ؟؟!!

طبعا سؤال وليس في السؤال والإجابة حرج قلت ليهو بنزل بتخارج ..
جا ليك واحد من أهلو برضو شايل ليهو عكاز يمين تقول مجلدو بي جلد زول عديل كدة رفع العكاز وقال لي يمين ماك نازل أنحنا ما رجال ولا شنو ؟؟!!
قلت ليهو .. أيا .. إنتو بالحيل رجال وأنا ماني نازل ..
أنزل ما أنزل الشكلة وصلت في المسرح فوق وكلها في شان نزولي من عدمو
حصل خبت وضرب في المسرح بتاع الساوند قال لي يا مان انا ما بشتغل .. بتاع الأورقن قال ما بشتغل في الظروف دي .. بتاع الدنب نفس الشئ

صحبك قلت ليهم خلاص أنا أمشي أشوف عبد الوهاب وأجي .. بعد تعب شقيت الخلق دي شق ومشيت وفي ناس بي وراي من الحفلة حارسيني خايفيني أزوغ ..

الضرب دور تاني وأنا ما لقيت عبد الوهاب ولقيت روحي برا الصيوان وما في زول متابعني طوالي ما كضبت ركبت لي أقرب تكسي واتخارجت بيتنا قلت جماعتي ديل بتصرفو

تاني يوم قابلت الجماعة قلت ليهم الحاصل شتو يا شباب ؟ أنا أمبارح ما لقيت طريقة أرجع ليكم .. قالوا لي الحاصل خير ... إنت بس تاني تختانا لا نشتغل معاك لا تشتغل معانا .. قلت ليهم : لييييهه أنا مالي ؟ ناس العرس وإتشاكلو .. قالوا لي ال شكلة هينة لكن ناس العرس زاغوا بالعداد وأبوا يدونا ليهو .. طيب أنا مالي ؟! قالوا عبد الوهاب قال إنت قلت ليهو حاتعوض الحفلة يوم تاني وبعد داك تدينا العداد ؟؟! .. قلتا ليهم طيب مالو ما نعوضا ليهم ؟؟!! بتاع الإيقاع قال لي إنتا جنيت ولا شنو والله ديل لو عملو الحفلة في القسم ذاتو ما إشتغل ليهم أنحنا ورانا مسؤليات ..

طبعا أحدي هسي ما عوضنا ليهم الحفلة وأصحابي متهمني إنو أنا نمت بالعداد

ناذر محمد الخليفة ..
انا عندي مشكلة كبيرة مع الضهب
لكن في نفس الوقت ما بعرف اتعامل مع الضهب
يعني يا اتحامقتا معاهم يا فوتها ليهم
عشان كدا في حفلاتنا بعمل حسابي من الضهب
(ضهب لكن بي حقنا يا فردة)
لكن شفت ليك ضهب متنقل حول العالم
؟؟؟ ماليزيا -الامارات - السودان

UP

الأخ ساري الليل


ماهو أساسا الضهب بحب التنقل

وكونك بتضهب حول العالم معناها ضهبك عالمي

ألف وأجيك للمزيد من الطرائف وأنتا برضو أحكي لينا مواقف من ضهبك ..

ما هو ما ممكن تكون متضهب في الحلة والديوم بدون مل يكون ختوها ليك
في يوم من ال ايام

ناذر ازيك
وكل الشباب الهنا..

سارى الليل من اسمك زاتو الظاهر عليك ضهب ما اعتيادى..
تحياتى ليك ياسارى وفى انتظار الشباب..


بعدين عمك الموصلى وحمزه ديل الايام دى شايفهم مشغولين لكن كان دعيناهم مابقصروا (ربك يديهم العافيه)..
بعدين ديل بكون ضهبم كُبار كُبار يامان وبتكون علقاتهم النوع ابو كديس ده ..
عشان كده خلونا فى الهوايه احسن ..
شغل المحترفين ده مابنقدر عليهو كفاية كفين وشلوت يقنعوك الفن لمن تبقى على الشغل الكبير كبير داك ..
لالالا ده ما معانا. .
يلا ونسوا...

هاكم دي نكتة على خفيف منسوبة للفنان الكبير أبو داؤود ..

لا لا ما بتاعت الضيق المع البلابل ... ديك براها ..

قالوا يوم كدة جاء واحد صاحب المرحوم أبوداؤؤد لي أبو داؤود في البيت ..
قال ليهو في فنان شاب بيقلدك في الحفلات والليلة هو عندو حفلة وأنا دايرك تمشي معاي
وتديني رايك في الولد دا ..

أبو داؤود وافق ومشى لي بيت الحفلة وقعد ورا عشان ما في زول يعرفو وفي الوكت داك كان
الفنان بيغني كيف الحياة غير ليمك لكن بالطريقة دي ..

كيف الحياة غير نيمك
أبو دا ؤود قدر مايرخي أضانو يسمع الولد بغني غير نيمك (ما ليمك) ..!! لمن الفاصل إنتهى أبو داؤؤد حاول يتأكد نادا الولد وسألوا الغنية بتقول شنو ؟؟!!

الولد أصر قال ليهو كيف الحياة غير نيمك ..
أبو داؤود زعل وقام تمى البيت للولد :
ومن بعدك أصبح حظي زي لون برسيمك

تروتسكي ما تزوغ

أنا في انتظار حكاويك

ولحدي ما تقرر إنك تبدأ هاك الموقف الحقيقي دا ..

قالوا كان في يوم من الأيام في دار إتحاد الفنانين كان الموسيقار الكبير
محمد الأمين في حوش الدار ويحاول يوزن في العود بتاعو برواقة لكن فشل في ذلك لأن الفنان المرحوم سيد خليفة كان في تلك اللحظة داخل غرفة البروفات في بروفة بالساوند لأغنية على الجمال تغار منا ..
إلى أن وصل إلى الكوبليه:

(مغنا فمغنا .. مغنا فمغنى .. مغنا فمغنا) .

فما كان من الأستاذ محمد الأمين إلا أن وضع عوده جانبا بضيق شديدومن ثم أشعل سجارته في محاولة لإستعادة تركيزه فسأله أحد الحضور :

يا أستاذ مالك ؟؟!! ما تواصل ؟! وقفت لييه ؟؟ّ

فأجابه محمد الامين بضيق شديد :

يا خي والله سيد خليفة دا فمغنا فمغ شديد خلاص .. ماقادرأركز والله

فى اتنين من ضهب حلتنا قشرو تماااااااااااااام وكتلو طرب فى العمارات طبعا اعراس العمارات بى طقوس واتكيت معين لاقاهم فى الوش ابو العروس بستقبل فى المعازيم شافهم من فوق لى تحت عرفهم ديامة قال ليهم الحفلة مابدت امشو غيرو وتعالو.....
لا يفوتنى ان احى الثناى الشهير علوب+عثمان ضيق

العزيز ود المديم

Quote: فى اتنين من ضهب حلتنا قشرو تماااااااااااااام وكتلو طرب فى العمارات طبعا اعراس العمارات بى طقوس واتكيت معين لاقاهم فى الوش ابو العروس بستقبل فى المعازيم شافهم من فوق لى تحت عرفهم ديامة قال ليهم الحفلة مابدت امشو غيرو وتعالو..... لا يفوتنى ان احى الثناى الشهير علوب+عثمان ضيق

ياخي في دي بالغتا عديل والله

طبعا من إسمك واضخ إنك ديامي كبير وطبعا الديامية مشهورين بأنهم أكتر ناس
بيخبوا الخفلات والهجيج ..
بالمناسبة أنا أصخابي أكتريتم ديامة ولمن نكون زهجانين بنتلمة عشان نتضهب في الخفلات
لكن ما بنكون زي أصخابك ديل
بنكون نضاف وبنرقش وبنمشي بي عربية نوقفا قدام النادي والله تعاين لينا تقول ديل أخوان العريس ..
خا ألف وأجي أحكي ليك كمية من الطرائف الخصلت لي مع الديامة ..

ديم القنا بس..
والامتداد بهناك
والصحافه والقوز
معانا
وحى الزهور
ماتنسانا
الحله الجديده
والسجانه
اها
فوووووووووووووق
ارح



سيد يامجيدى ..بالجو البريدى
حكومه ياظالمه دى نقللت قسيم ريدى
وانارى وانارى
فارقتو بلالى

نازر: يااخوى لصحابى برضو مشو نضاااف وبيرقشو بس برضو اتعرفووووووووو
معتز:مالى اراك تتغابى العرفة فى ديم سلك?




ايييييييييييييييييييييه ايام لها بنقز

الأعزاء ود الديم وتروتسكي

كم يسعدني أنكم لا زلتم معي في هذا البوست الإعترافي الإستجراري للذكريات
والمواقف الطريفة والمجرجة في أن واحد ما بين نواصي الحلة الجديدة والديوم
بكافة مسمياتها والخرطوم تلاتة حيث البيبسي بالخلاطة

والمواقف راقدة وكتيرة يلا هاكم دا واحد مقرف كدة ..

كنت ولا زلت احب الغناء بألة العود لوحدها فقط في المنتديات الثقافية وجلسات الأصدقاء وأحيانا جلسات الندامى والتي تأتي دونما ترتيب مسبق ..

وبما ان الغناء بألة العود يحتاج لهدوء الحاضرين حتى يتسنى للجميع الإستمتاع والسماع فقد كنت أوقن في قرارة نفسي وحتى الأن بأن خير من يستمع للغناء ويقدره ويتذوقه ويحفظه هم مرتادوا هذه الجلسات العامرة .. والذين غالبا ما يتميزون بحس فني عالي وثقافة موسيقية رفيعة .. قل أن تجدها في مرتادوا الحفلات الموسيقية الاخرى والتي أكثرها ليست للإستماع بقدر ماهي للرقص ومقابلة العشاق ..

ذهبت بدعوة من أحد أصدقائي لحضور حفل خطوبة أحد معارفه .. وكانت الحفلة بهية من حيث حضورهاومن حيث هدوء موسيقاها المنبعث من أحد الإستريوهات الفخمة ..

وبعد نهاية الحفلة وإنصراف غالبية المدعويين إقترح أحد أهل الدار أن (لا زال الليل طفلا يحبو) .. ثم أدخلنا حوالي العشرين شخصا إلى إحدى فيرندات الدار الفخمة .. وهناك أخبرهم صديقي ذاك بأنني أغني وأعزف على العود .. فما كان من الجميع إلا وطلبوا مني الغناء لهم ..

فاجأني التصرف الذي لم أكن مستعدا له !!! وحاولت التملص بالقول أنني لا أستطيع الغناء إلا بمصاحبى عود وللأسف ليس معي واحدا الان .. فما كان من أحد الخبثاء إلا وهرع إلى الخارج وجاء بعد أقل من خمسة دقائق حاملا معه واحدا فأسقط في يدي !!

وبعد ذلك شرعت في دوزنة اوتار العود ثم شرع بقية القوم في توفير متطلبات الجلسة بحماس بالغ .. وبعد ذاك بدأت الغناء وصار القوم في طرب ..هم يطلبون الأغنيات وانا أغنيها لهم بقدر إستطاعتي ولكن حدث ما لم يكن في الحسبان ..

طلب مني أحدهم أغنية للفنان اللحو .. فشرعت أغني أغنيته (مادام نسى العشرة) .. والجميع في إنسجام تام .. ولكن ....

أبت ذبابة لعينة فاقدة لمكان مأواها إلا وأن تدخل إلى أنفي بسرعة الضوء واحدثت من الحركة داخله ما جعلني منزعجا وغير قادر على إفلات العود لمعالجة أمر الذبابة لأن الجميع كان في حالة من الطرب والأندماج وتركيز لأنظارهم نحوي ما جعلني أحاول اتناسى الأمر رغم أنها (الذباب) شرعت في الدوران داخل أنفي بسرعة شديدة ..مما جعل عيناي تزغلل تزرف الدموع بغزارة ..

وكنت في هذه اللحظة وصلت للمقطع الذي يقول :

يا ظالم من والاك إخترت غيري حبيب
ما بتدري للظالمين يوما شديد وعصيب ..

وعندمى رأى الندامى الدموع المنسالة بوجهي ظنوا أنني أمر بموقف عاطفي من أثر الأغنية ، فشرع بعضهم في البشير والتخفيف بقولهم (أنساها يا أستاذ) .. (البت دي والله تلقا أحسن منها) (البكا ما بيجيب حاجة) .. وهكذا عبارات .. أما الذين وصل بهم التطريب أشده وأقصاه فقد جاملوني ببكاءهم معي بحرقة شديدة ..

وفي تلك الأثناء لم يكن يهمني إلا سرعة إنهاء الأغنية لمعالجة امر الذبابة اللعينة التي جعلتني أذرف الدموع .. وفي أخر مقطع من الأغنية توقفت الذبابة عن الحركة وهمدت حركتها تماما .. فإستأذنت للذهاب إلى الحمام .. وهناك إكتشفت ان الذبابة الشقية التي جلبها حظها العاثر إلى أنفي قد لقيت مصرعها إختناقا ونفقت فيه

وبما أن رب رمية من غير رام فقد كانت هذه الحادثة هي سبب شهرتي الغنائية في ذاك الحي تهديدا حيث كنت بعدها فنان المنطقة الأساسي وعلى رأس المدعوين لأي مناسبة تقام فيه ..

بقى أن أذكر أن هذه أول مرة أحكي تلك الحكاية على الملأ بهذه الصورة لانني لو قصصتهابتلك الصورة المقرفة قبلا وذكرت إسم الحي وعرف الناس سبب بكائي ذلك اليوم لما كنت أبدا سأوسع من قاعدة أنتشاري الفنية

أبشروا بالخير

لا فوق

ذهبت في إحدى الحفلات للغناء في مناسبة عيد ميلاد أحد أبناء الأسر الأرستقراطية،(عيد ميلادو الكم وتلاتين كدة) وكان الحفل في قاعة فخمة بالمنزل وكانت مزينة بكمية هائلة من البلونات بدء من السقف وإنتهاء بالحوائط والأرضيات ..

قبل وصولي كان هنالك (نظام ديسكو وكدة) .. وجئت حوالي الساعة العاشرة مساء مع فرقة مصغرة ووجدت الحالة تمام التمام ولا شئ يعكر صفو الأجواء ..

يدأت الغناء وأكملت الأغنية الأولى والثانية والجميع في طرب تام ..

ولكن عند بداية الأغنية الثالثة تحديدا إنفجرت إحدى البالونات الكبيرة في السقف بدوي هائل لفت الانظار ...

وبعد أقل من الدقيقة إنفجرت واحدة أخرى في زاوية جديدة !!!..
ثم توالى إنفجار البالونات دونما سبب وجيه .. !!
إعتقدت أن هنالك أحد الخبثاء يريد الإيحاء بشي ما للحضور (صوت الفنان وكدة ) وتلفت بحذر ولم ألحظ شئ مريب ..!!!

إنتهت الأغنية وتريثت قليلا قبل مواصلة الفاصل لأعرف سر إنفجار البلونات ... والغريبة أنه في فترة توقفي لم الحظ شئ يدعو للتشكك إلا انني عندما بدأت أغني بدأت البالونات في مواصلة إنفجارها ...

وفي تلك اللحظة قرأت في عيون بعض الحاضرين شيئا من الخبث وبدأوا في الحديث مع بعضهم البعض وينظرون لي تارة وتارة لأماكن إنفجار البالونات والتي قاربت نصف العدد الموجود إن لم يكن أقل ووجوههم جميعا تتخذ الشكل مع تغطية جذء منه بأصابع اليد مفرودة (لا أجد الشكل هنا مع النماذج) إلا أنني تظاهرت انني لم ألحظ ما يحدث رغم أن التوتر أصابني بعدم التركيز .. هذا وتواصل إنفجار البلونات يستمر دون أي سبب طبيعي أو فوق طبيعي واضح .,.

المهم قاربت الوصلة على الإنتهاء ولم يتبق من البلونات إلا القليل وفي تلك الأثناء تقدم سيد الدار وهو يبشر وعندما إقترب مني همس في أذني قائلا (بالله يا أستاذ الحنابيك الفاضلة دي خليها عشان نوزعا للشفع)

ناذر محمد الخليفة
الضهب ظاهرة غريبة لكن في بعض الاحيان بتكون حاجة مضرة بالحفلات
مثلا نحنا هنا في الامارات ما في حفلة بتنتهي الا بي شكلة وبكون سبب الشكلة الضهب
عشان كدة صحب بحب يحمر للضهب في الحفلات
الضهب ديل حقو الواحد يعمل ليهم كتاب اسمو (كيف تصبح ضهبا مثاليا*)

الأخ العزيز ساري الليل

Quote: الضهب ظاهرة غريبة لكن في بعض الاحيان بتكون حاجة مضرة بالحفلات مثلا نحنا هنا في الامارات ما في حفلة بتنتهي الا بي شكلة وبكون سبب الشكلة الضهب عشان كدة صحب بحب يحمر للضهب في الحفلات الضهب ديل حقو الواحد يعمل ليهم كتاب اسمو (كيف تصبح ضهبا مثاليا*)

نقطة هي جديرة بالإهتمام في نقاشنا هنا عن الحفلات والضهب ..
كنت قبل فترة في دولة الأمارات وأكثر ما كان يدهشني أن الشباب الموجودون بها دون إستثناء يحبون الضهب في مناسيات السودانيين وغيرهم دون أدنى إعتبار للمسافات ..

فقد شهدت بأم عيني كيف ياتي الشباب ضهبا من إمارة العين حتى أبوظبي دون ان يكون لهم ادنى علاقة بالمناسبة وأصحابها .. وقد كنت أعزى ذلك لكمية الفراغ الرهيب الذي يعيشه السودانيين هناك مما يجعلهم يبحثون عن البرامج لقضاء أوقاتهم وطبعا التضهب في الأعراس هو أفضل الوسائل وأرخصها لتقضية الوقت وبها من الفوائد (الضهبية) الأخرى ما لا يخفي على كلانا ...

ولكن قبل ان تشرع في تأليف كتابك ذاك عن الضهب إقترح أن تبدأ بالجذء الأول منه وتسميه (كيف تتعرف على الضهب) لأن هذا في رأيي مربط الفرس ..

هنالك من الضهب ما يخفون هويتهم تماما عن مترصديهم من امثالك وبذا لا تستطيع التعرف عليه لأنه يكون قد أمن نفسه تماما من حيث الشكل والمظهر العام والأرياح الفاخرة التي بلل نفسه وملابسه بها .. بخيث يعجز الكثيرين عن معرفة (ضهبنته) وقد يظنونه من اهل المناسبة ..

لا حظ معي شخصية علي دهب .. نلك الشخصية الصريحة غلى أبعد الحدود .. أنا واثق تمام الثقة انك لن تستطع أن تحدر ليه رغم معرفتك الوثيقة بضهبه .. لا لشئ إلا لأنه من الضهب (الوليف) أو الضهب غير المؤذي ورأيت بنفسي كيف انه عندما يحضر لأي مناسبة يجد الترحيب من أهلها واهل الدار والحضور جميعهم بعكس أخرين يجدون كل ترهيب وتحمير عين من الأخرين ..

أنا شخصيا رغم علاقتي الطويلة بالمجال الفني لا استطع تبين الضهب وتعرفهم ربما لأنني لا اعير الحضور إهتماما بقدر إهتمامي بإداء وصلتي الغنائية ، ولكن قد لا يخفى على شخص مثلك تعرفهم معما إتنكروا لأنك كما قلت تترصدهم وتكون بين الجمهور وهكذا ...

لك التحية وأرجو منك ان تزودني ببعض النصائح للتعرف على الضهب ..

أبو النيز ..

الاخ ناذر محمد الخليفة/
الضهب اذا جا سكران دي تبقى حمى خفيفة تقدر تعمل ليهوcick
لكن الضهب الباقين صحبك بينتظر اقل حاجة تطلع منهم و بعد داك عينك ما تشوف الا العجب
دم لغايت الركبين
وسلام مربع

في ماليزيا اناس سعدت بمعرفتهم

السلام عليكم يا ناذر

اتاريك طلعت فنان (بس من غير حجار)؟

الله يديك العافية على الضحك الضحكتنى ليهو

الأخ خالد عثمان

تسلم كتير على الإطراء والمتابعة ..
يالمناسبة أنا كنت فنان حجار برضو
كنت أشطر واحد في حلتنا بلعب كمبليتة وأم الصلص

أبق معنا وحاول إضافة بعض المساهمات ..

يا مان
في نوع ضهب بجي الحفلة ويقوم يرقص كأنو الحفلة حقتو دة بيتعرف سهولة
وبعدين في نوع تاني بيجي الحفلة وبيشتغل تحت تحت يقوم يعاكس في البنات البيرقصوا
دة يومو أسود

أهلا أستاذ/ ناذر
بوست جميل جدا ومميز أيضا , جعلني أجتر بعض الذكريات العذاب في رحاب عازة الأنيقه
شكرا ليك
وفوق

الأخ نزار
تسلم للمتابعة بس ...........

ياريت ذكرياتك دي لو إجتريت لينا منها هنا شوية

ستكون إضافات ثرة في رحاب عزة ..
أنا في إنتظارك

عـاجـل جــدا جــدا..... ســــــــري للغاية.....
ابننا العزيز الفاضل ناذر
اسعد الله اوقاتك بكل الخير

لا لا خير
ايه البوستات الجميل دى قلنا نسلم عليكم
تحياتى

الأخ هشام مدني

Quote: لا لا خير ايه البوستات الجميل دى قلنا نسلم عليكم تحياتى

أححححححححححححييييييي

طمنتني الله يطمنك

خفت أكون عملت لي حاجة ولا حاجة

تسلم على اللنكات وطبعا سأساهم في هذا العمل ..

بالله يانازر طلعت فنان عدييييييييييييييييل والله ايامك يامان ....وبعدا كمان خريج الجديدة والله قصص وادايره حصص..طبعا ياابو الدفاع بتاع الاورقن بتاعكم دا بكون يانزار حامد ياسيف موش كدا??ههههههههههههههههايكة والله لكن فرحت ليك زى البعرفك عقبال نسمع اول شريط مشترك بينك وبين الجوهرة حنان باكمبا وماتنسانا من البروفات اصلو قالو بروفات الشريط اشد من الشريط زاتو

الأخ ود الديم

والله كلامك صاح كان العازف بتاعنا هو نزار حامد .. هسي طيعا بعزف لي نادر خضر
وفي فترة تانية كان بيعزف لينا غازي عثمان (أبو الهول)..

يا ساري الليل ..

بمناسبة الضهب السكران هاك القصة دي ..
ذهبت في رحلة صباحية لإحياء حفل بمناسبة زواج أحد أصدقاءنا الجعليين..
في الرحلة التي كانت في جناين بري وجدت أهلي الجعليين هؤلاء قد جهزوا مستلزمات الرحلة جيدا .. إذ كانوا يدهنون عددا من السياط بالزيت ويجربوه في ظهور بعضهم البعض !!

وعندما بدأت في الغناء بدأ بعضهم في الدخول وسط الدائرة وهم عاريين الظهر تماما ومكربين جلابيبهم في وسطهم ..

كنت حقيقة أول مرة أرى هذا المنظر أو على الأقل أول مرة أكون بقربه بهذه الدرجة ..
وبعد قليل من البشير وقف حوالي الخمسة أو الستة منهم في صف وأعطى أحدهم سوطا للعريس ليقوم بجلد الواقفين ..

وبعد شوية إستلم العريس السوط وبدأ في الجلد القاسي على ظهور هؤلاء (شبطك شبطك)
والمجلودين في سكون تام دون أن يطرف لهم رمش وسط زغاريد الحريم ...

طبعا هذه عادة متأصلة وسط أهلي الجعليين وبعد عدد من الأغنيات بدات أغني أغنية سيرة حسب الجو المهيمن ويبدو أنني لم أحسن الإختيار جيدا .. إذ في هذه الأجواء الحماسية غنيت أغنية ترباس (الجري دا ما حقي حقي المشنقة والمدفع الثكلي) ... فزاد جنون القوم وبدأو في جلد بعضهم بجنون وسط الزغاريد وتطاير رزاز الدم في كل الإتجاهات (زي بخة المكوجية) وفي تلك الأثناء أتاني أحد العقلاء وطلب مني إيقاف الأغنية فأوقفتها في الحال وإن لم يرض ذلك البعض ..

كان من ضمن المشاركين مغنية أخضروها خصيصا من شندي للغناء في هذه المناسبة .. وحقيقة كان بها شيئا من السادية وحب رؤية الدم إذ أن غناءها ودوبيتها فقط تركز
في التحريض للجلد ودعوة المجلود للثبات وتحقير كل من كان حاضرا ولم يخلع قميصه للجلد فإذداد القوم جنونا وبدأوا في خلع ملابسهم وأذني لا تسمع سوى كلمات (حرم ... على بالطلاق ... أنحنا مانا رجال ؟!) ..وسالت الدماء في كرري تلك ..

وبعد هنيهة إمتلاء المفرش الذي وضعوه للرقص دما وأنا فقط في موقف المتفرج !! ..
إلا أن أحد المجلودين ممن يسيل ظهره دما أتى نحوي وأقسم علي بالطلاق أن أمسك السوط وأجلد الموجودين جميعا كنوع من الإحتفاء والتكريم لي !!

أصبت بالذعر للفكرة ورفضت ذلك إلا أن الساحة بأكملها تكالبت علي لإقناعي بجلدهم وحاولت الرفض ولكنهم كادوا أن يفتكوا بي حقيقة فلم أجد مفرا من فعل ما يطلبون !!!

وقد كان هذا من أغرب المواقف التي وجدت نفسي فيها على الإطلاق إذ إصطف حوالي العشرين رجلا والدماء تسيل منهم والنساء تزغرد وتشجع .. وتلك المغنية مثيرة الفتنة بدأت تغني إحدى أغاني السيرة المحرضة لي للجلد والمحضة للأخرين للثبات ..

في هذا الموقف لم أجد بدا من أن ابدأ الجلد وتوجهت لأحدهم و(معطته) سوطا في ظهره ( لا يكفي لإيلام صبي في الخامسة من عمره) ولم تزغرد له الحريم.. مما زاد من جنونه وأخذ يحمر لي لأزيد من الضرب فزدت العيار قليلا ولم تزغرد الحريم أيضا فغضب الرجل وكاد أن يستل سكينه من ضراعه ويغرسها في أحشائي ...

عندها خفت على نفسي (فمحطته) واحدة أطارت كمية من الدم من على ظهره حتى ظننت أنه سيخر صريعا أمامي ولكن حدث العكس تماما إذ زغردت النسوان وكبر الرجال وثبت الرجل كالطود الأشم ..

بعد ذلك فهمت النظرية وإلتفتت لبقية الواقفين وشبكتهم ليك (شبطك .. محطك .. شبطك .. محطك) حتى أكفيتهم جميعا (وجاتني فليتة في يدي) وحقيقة كنت إقتربت من المغنية صاحبة الناقة وجال في رأسي أن أمحطها سوطا بسبب ما فعلته من تحريض وما أريق من دماء بسبها إلا أنني تراجعت في اللحظة الأخيرة ..

يلا يا ساري الليل يقوم يجي ليك واحد ضهب سكران كدة داخل في نص معركة كرري دي .. ويحلف بالطلاق علا ينجلد !! وفهمت كما فهم الباقين أنه ليس جعلي ولكنه (حماقة كدة) عاوز يوري الجعليين إنو قبيلتو ما أقل منهم ..

طبعا ما في زول إشتغل بيهو وشبكو ليك (يا راجل ما تتخارج .. أنحنا هنا بنجلد الرجال بس .. شوفلك شغلة أقضاها) .. مما أصاب هذا الضهب بالغضب الشديد ورفض الخروج قبل أن ينجلد .. طبعا الشغلة جاطت وكاد القوم أن يفتكوا به .. إلتفت إلى صديقي العريس وقلت ليهو با خي ما تدوهو سوطين تلاتة خلو يتخارج ؟؟!!

طبعا رفضوا أن يجلدوهو ولكن في النهاية أتى شيخ منهم نحوه يحمل سوطا لو ضرب به ديناصورا (لصرخ واااايييييييي) ورفع ذلك السوط ونزل ليك واحدة بس في ضهر السكران داك جعلته يصرخ ويولول وأراد أن يفر هاربا (بعد أن طارت منه السكرة وجاءته الفكرة) إلا أن القوم لم يتركوه فإجتمعوا فيه بسياطهم وشبكوهو ... محطك شحطك محطك شحطك حتى سالت منه الدماء كما التي سالت من جسد المسيح المصورة في فيلم ألامه .. وفي النهاية صرخ وبكى وتجرس وقالوليهو قول الروب فقال الروووووووب فأعتقوهو ..

طبعا دي عاقبة الضهب السكران يا ساري الليل ولو جبنا خمسة من أهلي الجعليين ديل في حفلات الديم لحراستها بسيطانهم تلك لما تجرأ أحد الضهابا على الدخول وأكاد أجزم أن علي دهب وعثمان ضيق لو كانا تضهبا في بداية نشاطاتهم لدي هؤلاء الجعليين وذاقا لسعات سيطانهم .. لكانا تركا التضهب في الاعراس للأبد

بمناسبة الجعليين ديل
طبعا انا عندنا نسابتنا جعليين
واحد صاحبنامن أولاد الخرطوم مشى ليهو عرس جهات شندي فقام أولمبيات الجلد اشتغلت قام ود الخرطوم
اتحامق وقال الا ينجلد يا مان طبعا دي فيها اهانة شدييييييييييييييدة لي دار جعل
يا مان صحبك دخل حلبة الجلد قام شحطو ليك صوتين ما كتروا منهم
قام زولنا المسكين أخد ليهو 3 اسابيع صريعا بسبب تلك الجلدة الشعواء من دار جعل وبعدها حلف يمين ما يعدي بعد الجيلي

الأخ ساري الليل

عشان كدة أنا بفتخر إنو أهلي الجعليين ديل ورثوني أي حاجة إلا الحماقة

بالمناسبة أين ذهب ترهاقا والصاوي ؟؟؟؟؟؟؟؟!!!!!

ننتظركم لمزيد من القصص والحكايات خاصة الحفلات ...

سأعود لأحكي قصة إعتقالي في منزل عرس لمدة ثلاث ساعات بسبب بتاع ساوند

يا زول انا حامشي اجرب اذا جبت مناخير لاهلك ديل الارض معناها انتو بيش ساكت
وزي ماقال ود الامين(دة مستحيييل)

ساري الليل

كويس جرب تب

بس بعدين أنا ما مسئول من الحايجيك

تيست test
123
ون..two..ترى

احم احم
نحن هنا..


بكشف ليكم ساى وماقادر اجيكم مع الجلد الحاصل ده

زمان المتوسطه طبعا دى وسادسه اكتر مراحل فيها الجلد
يارفاق
بحاول كل يوم يخرج باقل خسائر من الجلد
رغم انو كنت مشاغب كبير
وكنت مشهور انى بحب اتجلد فقط فى يدينى
كان شتاء كان صيف
الا فى يدينى
مره اكضب اقول عندى حقن ومره حراره وهلمجرا..
لكن اصلو ما المس الواطه دى وانبطح فيها

واصلو متابعين نحن المعمه دى وبلاويكم المهببه دي
انت ماحصل سوقته معاك ناس طلال لى حفله بالصوره دى؟؟؟


بعدين ياناذر
طول جوابك ماشتفو جانى00
بعد غيبابك انا بالثوانى00
يطول غيباك زيد حنانى00


الحكاوى كتيره بس خلونا فى المنصه..
او بالاحرى
خلوها مستوره


وسلامز

حفلة كانت في دنقلا ..
والمعروف إنو في ناس بي الشرق وناس بي الغرب يعني فاصلهم النيل..
أها الحفلة كانت في جهة الغرب قاموا في ناس من شفاتت الشرق قالوا يمشوا يحضورا الحفلة دي بهناك وماف طريقة إلا يقطعوا البحر عوامة(سباحة) ..أها لمن قطعوا بالجهة التانية هدومهم كانت مبلولة قاموا قلعوها (قعدوا أم فكو) عشان ينشفوها ..
طبعاً جماعتنا كانوا مسطولين سطلة السنين لبسو جلاليبهم ونسوا يلبسوا السراويل وخشوا الحفلة ..
أها الفنان قااااااااااااااام كده غنا ليهو غنية عرضة ..
جماعتنا إنفعلوا ووقفوا في نص الدارة وقالوا إلا يتجلدوا وقاااااااااااااااااموا كده رفعوا جلاليبهم للجلد ..

الحفلة كللللللللها شبكتهم ليك عيييييييييييييييييييق عوووووووووووووووق هوووي يا ناس هوي إنستروا ...

أهلا أخي / ناذر
لعلني قد إستمتعت بهذا البوست كثيرا وهذه المرة ساقتنى خطاي إلي هنا مباشرة وانا أحمل هذه المشاركه وهي عباره عن طرائف بعض الفنانين فى رحاب الوطن



فنان سودانى دعى إلى حفل زفاف بمدينة كوستي وحضر كل مراسم العقد ولما حان موعد أداء صلاة المغرب لم يذهب مع الجميع لكى يؤدى الصلاه سأله أحد هم لماذا يا سيد فلان لاتصلى أجاب أنه كان يستعملها فيما مضى
سؤالنا لهذا الفنان كيف ياترى يكون إستعمال هذه الفريضة أليس من الأنسب أن يستخدم كلمة اؤديها أو أقيمها




فنان سودانى شعبى أستضيف فى إحدى الإذاعات المحليه سئل متى بدأت مشوارك الفنى إرتبك ولم يفهم معنى السؤال إستدرك المقدم ذلك وسأله فى لغة شعبية متين بديت تغنى رد الفنان أيوا ما تقولي من الصباح إنت قاصد الغناء


.................................
فنان سودانى شعبى أيضا كان يراجع الطبيب بإستمرار وفى آخر مقابله له مع الطبيب نصحه بان لايأكل اللحوم الحمراء والبيضاء وقف برهه ثم قال للطبيب ولا الدبس يا دكتور وفى روايه أخرى ولا القمرى يا دكتور

الدبس : نوع من الاسماك

الأخوة الأعزاء ...

سعدت جدا لكل ما سطرتموه هنا من ذكريات و بسم الله ..

العزيز تروتسكي

Quote: بعدين ياناذر طول جوابك ماشتفو جانى00 بعد غيبابك انا بالثوانى00 يطول غيباك زيد حنانى00

جوابي جاك يا مان بس أنا خايف تكون إنصدمت من الفيهو
وعلى كل حال أنا مستعد للنقاش معك في محتوياته ومحتوى قراري ذاك ..
طبعا ما هنا .... في الإيميل

عمر الفاروق يا لذيذ :

والله دي بالغتا فيها عديل .. إنتا يا زول ما بتخاف
والله لو هشام مدني قرا الكلام دا كان أداك هرشة وخلاك تبلعوا
أنا عندي نكتة قريبة لي دي لكن لو حكيتها ليك هنا بلحقوني علاء الدين
بتعرف نكتة الزول الخاتي سكينته لليوم الأسود لمن سألوهو دي شنو
أها العندي ما دي دي وحدة غيرها

الرائع نزار باشري

أشكر لك جدا أن فضلت هذا البوست من غيره ..
مساهماتك حقيقة جديدة وأضافت الكثير وأنا في إنتظار المزيد ..

أبشروا بالخير

سأعود بعد قليل

أواصل سرد المواقف الغريبة التي حدثت لي في المناسبات حيث سأعرج الأن لأروي قصة إعتقالي في منزل إحدى المناسبات لمدة ثلاثة ساعات بسبب فني الساوند ..

أصل القصة أنه في إحدى الأمسيات إتصل بي أحد فنيي الساونات الذين أتعامل معهم وذكر لي أنه قد (ربط) لي حفلة بمنطقة الجريف وأنه قد إستلم مبلغ الحفل كاملا .. ثم طلب مني الحضور في زمان ومكان حددهما ...

طبعا ذهبت للمكان ووجدت أن الحافلة في الإنتظار بعازفها وساونها وبعاميها فركبت فورا ومن ثم إنطلقت بنا الحافلة صوب الجريف حيث المأساة ..

وقد أكرم أصحاب المناسبة وفادتنا ولكن عند بداية الحفل وتركيب الأجهزة اكتشفت أن فني الساوند ذاك قد أحضر معه سماعات ساوند (دينا كورد) وهي شديدة القوة في إصدار الصوت ولكنه في المقابل أحضر معه (راس) ساوند والذي يتحكم في الصوت لا يواكب سماعات الدينا كورد العملاقة !!!! وكنت حين أبدأ الغناء يفصل الساوند على الفور وحين يبدأ عازف الأورغ العزف يفصل الساوند أيضا !!

ومن ثم نظرت إلى فني الساوند نظرة ما معناها (ضيعتنا يا فردة شوف لينا طريقة للمخارجة) .. ومن ثم بدأ التململ واضحا لدي اصحاب الحفل والذين تهيأوا لحفلة كاربة فتفاجأوا بعد صعودي للمسرح ومرور أكثر من نصف ساعة أننب لم أغني ولا كوبليه واحد ..

وهنا تقدم ثلاثة من العمالقة الحاضرين (شفوت أولاد الحلة وكدة) وبدأوا في الأسئلة بخشونة : الحاصل شنو يا أخوانا ؟؟!! الحركات بتاعتكم دي شنو ؟؟ .. وقد حاول فني الساوند مداراة الموقف فحاول يبرر لهم بقوله أن الكهرباء ضعيفة في الجريف ..

ولكنه تفاجأ بأن أحد هؤلاء الشفوت هو فني ساوند سابق وقد صرخ قائلا : إنتو قايليننا مواهيم ولا شنو ؟ جايبين لينا شماعات دينا كورد دايرين تشغلوها لينا بي أدابتر الإستريو دا ..!!!

وهنا تيقنت تماما أن الكارثة قادمة لا محالة إذ أعتزر فني الساوند على الفور وذكر أنه سيذهب ليعود ب راس ساوند جيد .. وهنا زمجر هؤلاء الشفوت وهاجوا وماجوا إذ فجأة رفع أحدهم يده و (قطع ليكم كف في بتاع الساوند) وعندما إلتفتوا ناحيتي هرشت وذكرت لهم أنني لا أعرف شيئا... طلبني بتاع الساوند وجئت معه .. فسألوني بخشونة : كم شلت للحفلة دي؟ : فأجبت بإنهيار ورعب حقيقي : والله العظيم ولا تعريفة القروش كلها عند بتاع الساوند دا ولسه ما إتحاسبنا ..

ولحسن الحظ تفهموا الموقف وكان أول ما فعلوه أن (قلعوا) العداد من بتاع الساوند والذي إستسلم لهم تماما ولكن ما مصير الحفل ؟؟!!!

أرهبنا الشفوت بقولهم أنهم لن يسلمونا للشرطة ولكن علبنا الذهاب لإحضار راس ساوند لمواصلة الحفل مع تعويض عبارة عن (OVER NIGHT) .. وطبعا لم يكن بوسعنا في تلك الأجواء المتكهربة سوى الإذعان .. وعن نفسي شخصيا فقد أضمرت في نفسي عدم الرجوع مرة أخرى وسأدع بتاع الساوند يتصرف لوحده خاصة أنني لم أستلم مليما أحمر ...

ولكن بما أن أولاد الحلة ديلك شفوت بحق وحقيقة فيبدو أن أحدهم قرأ ما يدور بخلدي فصاح في وحهي قائلا (الأستاذ دا ما يمشي يقعد معانا هنا لحدي ما صاحبو يرجع) ..!! وهنا واتتني قليلا من الشجاعة فقلت لهم (أقعد أعمل شنو !! أنا زاتي ما داير أغني ؟؟ في زول أداني تعريفة ولا داير مني حاجة)؟؟؟ ...

وكان هذا بالضبط ما ينتظرونه إذ إنفجروا جميعا : إنتوا ناس صعاليك ولا شنو !! بوظتو لينا الحفلة وكمان بتتلامض !! أها الليلة دب إنتا ما طالع من البيت دا ...

وبعد ذلك إقتادني عدد منهم وأدخلوني في غرفة منزوية في البيت وأغلقوا علي بابها من الخارج بإحكام في حين ذهب بعضهم مع بتاع الساوند حتى لا يهرب ..

وطبعا كانت تلك لحظة رهيبة بالنسبة لي إذ وجدت نفسي معتقلا وحيدا في غرفة منزوية وخارجها يوجد نفر من الناس الغاضبين بسبب بوظان الحفل وصرت افكر عما سيجري لي إذا لم يجد بتاع الساوند رأس يعود به ...

وبعد حوالي ساعة بالضبط فتح الباب وجاء أحدهم ووضع أمامي صحن عشاء وزجاجة بارد وهو يقول : هاك أكل تاكل السم .. فوجدتها فرصة وتمسكت به محاولا أن أشرح له الوضع وأنني لا دخل لي بما حدث وهو يحاول التملص والخروج .. لكنني لم أفلته وشرحت له لمحات من مسيرتي الفنية وبريته بإسهاماتي على الساحة وأنني فنان محترم ولا يصح سجني هكذا.. ثم عرجت أيضا للحديث عن الغناء السوداني ومحاولتي تأطير أدلجة المفاهيم المغلوطة في وجدان المستمعين ..

طبعا كل ما قلته لم يشفع لي عنده فهرب من الغرفة وتركني وحدي أبرطم فيها

المهم حوالي الساعة إتناشر منتصف الليل فتح باب المعتقل وجا الشفوت ومعهم بتاع الساوند وأخبروني أنهم قرروا الإفراج عني نهائيا وأحضروا فنانا أخر سيغني بدلا عني وأنني الأن FREE MAN وأستطيع الذهاب وأن مشكلتهم مع فني الساوند فقط ..

حينها كدت أصيح يحيا العدل .. يحيا العدل .. ومن ثم عرضوا علي فقط البقاء معهم لحضور الحفل فإعتزرت لهم وأصريت على الذهاب ..

وفي أثناء خروجي همس فني الساوند في أذني :

(ما شي وين يا أبو النيز ؟؟ حا تخليني براي في نص الجماعة ديل؟؟!) ..

فقلت له بغضب وحنق : (خليهم ....... أنا مالي ومالك) .. الكلمة مكان النقاط متروكة لفطنة القراء

فخرجت فورا وركبت أقرب رقشة وذهبت إلى منزلي ومن يومها وأنا حالف ما أمشي لي أي حفلة إلا أكون رابطا براي وأتأكد بنفسي من سلامة الأجهزة قبل الحفل ..

بقى أن أذكر أنه جاءني في اليوم التالي للحفل أنه بعد نهاية الحفل حوالي الثانية والنصف صباحا رفض أصحاب الحفل إعطاء فني الساوند عداده إنتقاما منهم لمحاولته التلاعب بهم إذ أعطوا العداد فقط لصاحب الأورغن والذي كان صامتا طوال زمن إعتقالي ولم يحاول التدخل ولم بعترض حتى على تعويض أهل الحفل بزمن إضافي ..

ماتنسى حفلتى..
ضهب شديد
اعمل فيك عمايل
تهيئا لكل الظروف
من اعتقال وسجن والقطع من خلافو
لكن ما منى انا
من ناس تانين

ناذر والله دى ساعة من الضحك المتواصل..لكن انت عارف بوستيك
ده ظلمته بى الاسم لانه من نزل وانا زائغ منو وافتكرتو بوست بيض
لكن اعدك حا ادخل كل يوم..
انا ماكت ضهب لكن كنت من الغاوون الذين يتبعون الشعراء
وكثير من الفنانين اصحابى ..يشهد الله ما صلبطة...لكن خلينى
احكى ليك دى...عندنا جيرانا عندهم بنات سمحات خلاص لا ابالغ ان
قلت لك انهم من اسمح ناس السودان وايضا كثير من اهلهم سمحين
وما عندهم اخو ولد.....ومن شدة ما سمحين مرة جينا بى جنب
البيت وابوهم خاتى ليه يافطة مكتوب عليها منزل هناى الفلانى بى خط
عريض واحد من مساخيت امدرمان قال لى عمك ده مفروض يكتب حلوانى فلان
فكهانى علان...معقول يكتب منزل..المنازل دى زى حقاتنا وحقات ناس فلان لانها
فعلا مسكونة....
المهم مرة فى زواج واحدة من البنيات ديل(على فكرة ديل بخطبوهم وامهم حامل
بيهم فى الشهر الثالث اظن...والله يا ناذر نحن على بال ما طهرونا كان80%
منهن اتزوجن)..المهم فى الزواج داك فى واحد كده مستلم العرس ...يا
جماعة بالله بى غادى..وفجأة ينط قلتى عايزة شنو يارشا..خالتى عفاف وين
بسأل منها الطباخ...اتناول الكراسى ديك ياولد...ناس بحرى اتعشوا...
مرام رجعت من الكوفير ياسوسو.....بتاع الساوند ودى ليه عشاهو...ماعارف
ترخيص الحفلة مع خالتى سناء..ده كلامو...... واولاد الحلة متضايقين منه
وهو لاتربطه علاقة قريبة بى اهل البنات السمحات ديل كل الحاصل ود خالته متزوج
اخث راجل بت عمتهم....بعدين انا قلت لاحد اصحابى يا اخوى الزول العامل
جوكر ده ببقى للناس ديل شنو؟؟واحد من اولاد الحلة الزعلانين والحاسدين
قال لى ياود الموج..ده ببقى للعروس ود اخلاق ايمان ابو الجاب ابو اهل
نسابة د.......امهم......قالها بحنق لايحسد عليه فانفجرت انا ضاحكا.
ناذر حتما ساعود وانا صديق كثير من الفنانين كما اسلفت وهنئيا لك هذا السبق
البوستى ويسلم المتداخلون،،،،

اكثر البوستات امتاعا وتداعيا لزكريات الزمن الجميل
جني
تخريمة ذكريات الحفلات في المناسبات : جلد بالسياط وزوغة بالعداد ومبيت في الحراسات ...

الجلد والبطان الايم دي الا سيطان ديسبوزال مع الاتش آى في الحايم دا!
جني

المتداخلون الأعزاء ..

سعيد جدا لمداخلاتكم ومشاركتكم معي في هذا البوست وربنا يديم الأفراح ..

العزيز تروتسكي ..

Quote: ماتنسى حفلتى.. ضهب شديد اعمل فيك عمايل تهيئا لكل الظروف من اعتقال وسجن والقطع من خلافو لكن ما منى انا من ناس تانين

يا راجل والله خليها بالنية موضوع الحفلات دا مصيبة كبيرة سواء للفنان ولا بتاع الساوند ولا المتضهبين ...

بعدين يا تروتسكي أقول ليك أنا كنت داير أكون مشروع فنان كبير بعيدا عن الهواية لكن لقيت إنو القصة دي حا تكون متضاربة مع طموحاتي التانية فقررت إنو أقلل الغناء في الحفلات وحاليا مكتفي بس بالغناء في المنتديات الثقافية وأنا عضو في أكثرها بولاية الخرطوم وبقيت هسي ما بغني إلا لي زول عزيز جدا علي وبعد تحانيس وإكتقيت فقط بجلسات العود لأني وجدت فيها الفن الحقيقي والمستمعون المرهفون ...

أما عن حفلتك فأقول ليك أرقد قفا أخوك إستفاد من الإعتقالات ودخول السجون وبقيت حريف في الأمور دي وبعرف أعمل إحتياطاتي كويس

العزيز جدا صديق الموج :

Quote: ناذر والله دى ساعة من الضحك المتواصل..لكن انت عارف بوستيك ده ظلمته بى الاسم لانه من نزل وانا زائغ منو وافتكرتو بوست بيض لكن اعدك حا ادخل كل يوم..

أولا شرفت البوست كتير والحمد لله إنو بوستاتي بتخليك تضحك لإنو دي تاني مرة إنتا تتداخل معاي في بوستاتي ويصيبك الضحك .. طبعا المرة الأولى كانت في بوست نادية عثمان داك الأنا عفيته لله والرسول وهشام مدني وأنا في إنتظار مساهماتك ..

أما موضوع الإسم .. تتصور أنا فكرت كتير في الإسم وما لقيت أي واحد مناسب وفي النهاية توكلت على الله وإخترت دا

Quote: انا ماكت ضهب لكن كنت من الغاوون الذين يتبعون الشعراء وكثير من الفنانين اصحابى ..يشهد الله ما صلبطة...

طيب حتى لو كنت من الغاويين ديلك ما برضو ضهب
هو الضهب دا شنو ؟! ما جاي من متابعة الضهب لمتضهبه لغاية أولها الترفيه وأخرها العشاء وما بين الإثنين أمور أخرى متشابهات تشابه البقر

والله مصدقك إنو كتير من الفنانين أصحابك وأنا برضو أعتز بأن لي علاقات قوية معهم بحكم دراستي بمعهد الموسيقى والمسرح وبالمناسبة أنا أكبر ضهب للفنان سيف الجامعة .. تتصور مجرد ما جاء السودان مشيت ليهو في البيت وإتعرفت عليه وسرعة كدا كونت ليهو رابطة معجبين وبعد داك بقى يمشي أي حفلة أو منتدى يلقاني في وشو .. لدرجة إنو مرات بيمشي دعوة يكون عارفا هو براهو وبرضو يلقاني في وشو

لكن قصتك بتاعت بنات أمدرمان دي مبالغة عديل كدة وبالمناسية نوعية الضهب بتاع صاحبك داك في كتيرين زيو وحرفاء لمن غلط والواحد ما بتعرف غرضو بسهولة لكن مع الحلواني بتاعكم داك صاحبك غرضو كان واضح وإنشالله بس في النهاية يكون وصل لي حاجة

Quote: ناذر حتما ساعود وانا صديق كثير من الفنانين كما اسلفت وهنئيا لك هذا السبق البوستى ويسلم المتداخلون،،،،

وبما إنك صديق للفنانين فأنا في إنتظار حكاياتك ومواقفك معهم وتسلم للمرور ..

Quote: اكثر البوستات امتاعا وتداعيا لزكريات الزمن الجميل

جني إزيك ...
تعرف أول ما أنا جيت داخل ولقيت إسمك ضمن المتداخلين طوالي قلبي دقة قلت الليلة الزول دا أكيد كاتب لي كلامو الحار داك .. وجيت بنزل في البوست براحة براحة و خااااااييف
لحدي ما إرتحت لمن قريت مداخلتك والله

تسلم للمشاركة والمرور ..

Quote: الجلد والبطان الايم دي الا سيطان ديسبوزال مع الاتش آى في الحايم دا!

الغريبة أنا والله سألت نفسي السؤال دا لكن ما قدرت أسألوا ليهم بعدين سيطان الدسبوزال دي يصنعوها من يا تو جلد !!!
ما عارف لكن دي نكتة بهديها ليك بس ما تكون شايقي
قالوا في شايقي عضاهو دبيب الشايقي بدل يكورك قعد يضحك ودمو كابي .. الدبيب إستغرب سأل الشايقي إنتا بتضحك مالك ؟ الشايقي قاليهو : لإنك دقستا .. أنا عندي إيدز

ود الموج :
ليس من قرأ كمن سمع
الناس ديل نص حياتهم ضايع عشان قروا الموقف ده قراية وما سمعوهو سمع بعد ما كتبه الرواي (بتصرف) وخوفاً من أن يتوشح إسمه السواد ويلحق أمات طه

تعرف يا ود الموج انا مرة سافرت لي عرس علي جهة المناقل أها لمن بالليل وقت الحفلة جا شلت هدومي ومشيت أستحم عشان أقشر وكده ..لاقاني عمي قال لي ماشي وين قلت ليهو أستحم قال إنت مجنون ؟؟؟؟؟؟؟؟؟؟؟؟؟؟يازول حمام شنو أرح كده ساي أحسن ليك ..
ركبت راسي وقلت ليهو ياخ إلا أستحم حتي أمشي ..
قال لي يازول علي كيفك انا كلمممممممممتك ..
بالله يا ود الموج إستمحيت ليك كده ومشيت علي الحفلة وشعري لسة مبلول بالموية وانا واقف في الحفلة بلا تجيني ليك عكاز في نص ضهري وأسمع ليك صوت واحد بيقول:
أحيييييييييييييييييييييينا منكم يا أولاد الخرتوم البتستحموا ووووووووب علينا وووووب

عمي قعد يضحك ضحك وقال لي مش أنا كلمتك وقلت ليك ما تستحم ...
طلع البيستحمي عندهم ولد خايب ساي تصدق ؟

تخريمة :
ياود الموج يا أخوي إلموا فيك كيف ووين وبتين خصوصاً موضوع جلسة الإستماع بتاع الحقيبة ده انا عايز أسمع منك كتييييييييييييير في الموضوع ده ..

حكى لى اسماعيل عبدالجبار عازف الكمان المشهور..قال
مرة فى دار الفنانين...اذن المغرب ...قالى وقفنا خمسة عازفين
جاء الاستاذ محمد الامين(الباشكاتب كما يحلو لهم مناداته) قالوا ليه
اتقدم يا استاذ ومن عادة محمد الامين لما الجماعة يكونو بعزفو
معاه لو واحد عمل ليه صولة جميلة بقوم يشير بابهامه ويغمض باقى اصابعه
وبقول للواحد برافو...المهم فى صلاة المغرب ديك ابو الامين قرأ سورة
الفاتحة..الجماعة قالوا امين بصوت سخلانى قام احمد باص بصوتو القرار
قال اميييييييييييييييييييييييييين ابو الامين بنفس الحركة
اشار بابهامه الى اعلى وقال ليه برافو..اتلفت وراه مالقى ولا زول،،،

خالص التحايا الجميع
عزيزى جدا الرفيق ناذر..

Quote: بعدين يا تروتسكي أقول ليك أنا كنت داير أكون مشروع فنان كبير بعيدا عن الهواية لكن لقيت إنو القصة دي حا تكون متضاربة مع طموحاتي التانية فقررت إنو أقلل الغناء في الحفلات وحاليا مكتفي بس بالغناء في المنتديات الثقافية وأنا عضو في أكثرها بولاية الخرطوم وبقيت هسي ما بغني إلا لي زول عزيز جدا علي وبعد تحانيس وإكتقيت فقط بجلسات العود لأني وجدت فيها الفن الحقيقي والمستمعون المرهفون ...

اسمعنى قرض على كده لمن نجيى نعمل دويتو. .
الدور ده يا المشنقه يالقبر . ..
قايتو حاتطلع د. .
بعدين انا شغال بالسلم الرباعى. .

Quote: أما عن حفلتك فأقول ليك أرقد قفا أخوك إستفاد من الإعتقالات ودخول السجون وبقيت حريف في الأمور دي وبعرف أعمل إحتياطاتي كويس

تــــــــــــــــــــانى؟؟!!!!. .
كُر..
الظاهر عليك الفتره الفاتت ديك كلها بقيت شغال ورديات ومتعهد كركونات..يارفيق نحن عضمنا كبر ومابنقدر على قدر ده..
ياخوانا دى حاله دى؟؟!!
لالالا
يازول تعال استمع احسن الغنا ده خليهو لى اسيادو ..
طبعا اخوك يارفيق اساسا كان مفكر فى الشغلانه دى ومشى بى طموحو قدااااااااااااااااام زى بتاع الزول الكسر قزازة السمن وهو لسه ماباعه..
بعد داك لمن صحيت من الحلم قلت يازول درب الفن ده مابقدر على لعلعة الغنا والمشاكلو دى..
فقلت خلاص ابقى عازف وبدينا فى الشغله دى لكن ما اكتملت ..
حتى بالنسبه للمسرح قلت كلام تمثيل ده مابجى ماشخصيتى رغم انو اخوك فى المتوسطه فوز المدرسه بى مسرحية اسمها سعاد..طبعا العبد لله كان (سعاد) زاتها ليس لشى عشان ماتمشى بعيد بس لانو كنت اصغر زول فى الشله وبعدين لسه ملامحنا كانت بريعه على وزن برئيه والصوت كان فيهو جرس ...(بجى بحكى ليك المسريحه والحصل فيها اسكت ساى جنس فضايح فتره اسم سعاد بقى ماشى ليك فينى لمن عرفته حاجه)..
مع الجرى فى درب الفن وتللتو (البسمعنا يقول ولا سلفتر زاتو) قايتو نكبر كومنا كان نلقى لينا شغله بعد داك زول يشترينا ..
اها من مواقف بتاعت الغنا اتذكر منو كنا فى الثانوى النص الاول من اولى ماقريتو فى الجديده انا جيت فى نص السنه..
اها كان فى احتفال فى المدرسه بتذكر غنيت اغنية (لى غرام وامانى )..
طبعا هى فيها دخلات شويه حاده وحرجه دايره زول متمكن..
قايتو ماقصرته معاها لكن الضحكنى بالرغم من انو الموقف محبط لانى اساسا كنت حكاية الفن دى عندى هويه يعنى مافارقه معاى..
وانا فى المسرح بغنى واشدو والناس بتستمع والاساتذه قدام قاعدين فى الكراسى الى امتداد الاستراحه فى اخر الصفوف فى الناس البتكون واقفه فى الكراسى وراء خالص ..
اها شغالين لى باشرو بى يدينهم انزل ولسان حالهم يقول ودينى نلقاك تغنى فى محلة تانيه الا نوريك وفى البعضى صباعو بى اسنانو دليل على الغيظ وانا الضحك شارطنى كل ما اقرب خلاص اضحك اقبل على بتاع الاورغن واضحك طبعا هو يعاين لى ومستغرب واستغرابو يضحكنى اكتر وهو ماعراف الحاصل شنو وانا ماقادر احكى ليهو ..
قايتو بالحاله دى كلفتها ونزلها جرى الكواليس انفقعته بالضحك ..
الشباب (الشفوت) الكانو باشرو لى انزل انزل جو خاشين الكواليس انا قلت خلاث الليله يوم الرجال واتجهزت لاسؤ الاحتمالات من كدمات وغيرو ولن احرك ساكنا امام تلك العضلات والكثره ..
واحد قال لى اسمع ..
مع قولت اسمع دى قربت ابكى بعد الضحك داك..
اسمع ماتكون اتعقده (بصوت خشن وغليظ) نهنا بنهظر معاك ساى صوتك كويس..
على العموم ماعرفت تقيمهم جاء من وين لكن مادام قالو جميل قبلنا نسوى شنو..
لانو شكلهم كده علاقتهم بالفن (زى اللغه الصينيه)..
*برضو دى وراء شويه ونحن فى تالته متوسطه فى وداع استاذ اها قمت غنيت ليك اغنية جنوبيه..
اقول ليك (صراحه صراحه)..
زمان صوتى كان شويه (رقيق)..
اها ياعمك وانفتحت ليك فى الناس قايتو القاعد جنب الساوند اليوم ده اضانو بتكون اتشرطت..
اها الناس اندمجت مع الاغنيه يعنى قول مقبوله واجدته اداءها لكن بقيت بعد داك فى الشفوت بتاعين المدرسه ..
الواحد يلاقيك فى حوش المدرسه ويقعد يقلد فيك (غايتو خششونى فى اضافرى لو كانت غنيتها بالصوره الشفتها منهم)..
المهم طبعا اخوك لانو مابشتغل بالحاجات دى (بارد جدا) ولا بعك ليك فيها بخلى ليك الزول بى راحتو عشان كده فتره براهم بتعبوا وبنسوا ..
لكن الشى البتذكرو من اثار تلك حفلة الوداع ديك.. جانى صاحبى شديد قال لى عندنا مرة جيرانا سالتنى قالت لى اسمع انتو امبارح البت الكانت بتغنى فى حفلتك دى منو؟؟؟؟

طبعا اسى الساوند سيستم سلك .. داك زمن الجهل والواحد لى شلاقة اهلو مدخلنو المدرسه صغير..

*الليله فتيتو ليك فت مش؟؟
عارفك داير النوع ده ..
بس انت ماتمشى للحفلات الخاصه بتاعتك دى جيب من بلاوى الكورال..(احييييييييييينا). .

قايتو خلاصة الموقف غررته واحد من الاتنين..
لو سلكته درب الفن الغنائى بكون عازف ولا موزع موسيقى..
ولو الفن المسرحى اكون كاتب سيناريو ولا مخرج ..
والنشوف اخرتها..

يازاهيه قلبى الشلتى جيبي..
يالا ..لاهيه عبثى البى وسيبتى..
اها



ملاحظه حكاية عمر ضحكتى بالجد بالذات المقطع ده..

Quote: أحيييييييييييييييييييييينا منكم يا أولاد الخرتوم البتستحموا ووووووووب علينا وووووب عمي قعد يضحك ضحك وقال لي مش أنا كلمتك وقلت ليك ما تستحم ... طلع البيستحمي عندهم ولد خايب ساي تصدق ؟

انت ياعمر ما سمعت مقولة..
هو جاء لى بروودو. .

ما دايرين حليفة
لكن والله ما حصل انفقعت قبل كده وإنبسطت قدر كدي
غايتو الله يديكم الصحة والعافية
واحجزو ليا كرسي في البورد ده عشان ما اكون -ضهب- لأول مرة في حياتي

Quote: حتى بالنسبه للمسرح قلت كلام تمثيل ده مابجى ماشخصيتى رغم انو اخوك فى المتوسطه فوز المدرسه بى مسرحية اسمها سعاد..طبعا العبد لله كان (سعاد)

معتز والله نحن برضو مثلنا المسرحية دى وهى للهادى ادم
وبالمناسبة هو شاعر غدا القاك التى تغنيها ام كلثوم
بس انا كنت عياد ابو سعاد ولا زلت اذكر انها تتحدث عن
قصة بنت صغيرة زوجها ابوها لشيخ كبير عشان الفلوس
وتقول زوجة عياد فى مطلعها:
عياد مالك ساهما حيران تقتلك الهموم
فيما التياعك والاسى ولما التامل والوجوم
ماذا بربك تشتكى قل ايها الزوج الرءوم
ياسلام يا معتز تداعت الى ذكريات عن سعاد سوف اتيها غافلا،،،

ياناس يانحل الحفلات انتو .....ازيكم

انا اقايتو كان ابوى لما يجى يسوقنا من الحفلة قبل مايلموا الكراسى والفنانين يشتتوا ..كنت بقعد ابكى باقى الليل كلو !!

جنى وجن امشى من الحفلة قبل التحية بتاعة السلام الجمهورى !!

ولم الكراسى بعد مالفنانين يعملوا ......شااااااااااااااااات يافردة !!

دا شنو يا أخوانا

صدقوا انا قايل روحي دخلت بالغلط .. البوست ما عرفتوا
شايفك يا صديق الموج ومعاك عمر الفاروق مستلمين البوست بي مزاج
لكن والله قصة ود الامين دي عجبتني جدا ..
منتظرين منك الزيادة وكسر المحظور يا دكتور في هك>ا حكايات
إنتا طبعا واسطتك قوية وما بيفصلوك لكن نحنا لينا الله في المنبر دا

عمر الفاروق
دايما حكاويك جديدة وفريدة بس البيحيرني إنو إنتا قالوا عليك أهل العوض ..
يعني كان يفترض تكون برضو من النوع الما بيستحما داك إلا من عيد لي عيد
طبعا أمكن ظروف الجامعة خلتك تتغير شوية لكن شفتا أخرتا كيف ..

عكاااااااااااااااززززززز

تروتسكي المبدع جدا ..

أعجبتني حكاية سردك لقبسات من تاريخك الفني .. وهديتي ليك حا أنزل ليك جزء من نشاطاتي السابقة وبدايتي الفنية مأخوزة من كتاب ألفته عندما كنت في الهند بعنوان (نازر يتزكر) ....

نادية بت عثمان

شرفت البوست والله بعد غيبة ..
طبعا البوست بتاعك البي إسمك داك عفيته لله والرسول لإنو المود بتاعي إتخرب مرة واحدة مع هرشة هشام لي ..

أرجو أن تكوني معنا ...

وفي تلك الظروف ذهبت لصديقي الدكتور كمال خليفة وهو سوداني يتقلد منصب نائب رئيس الطلاب الأجانب بالمدينة ، وطلبت منه مساعدتي في إقناع المسئولين في مفوضية الثقافة بالمدينة لإعطائنا القاعة الحكومية مجاناً أو تخفيض سعرها .. وفعلاً ذهبنا سوياً وقابلنا مفوض الشئون الثقافية والرياضية وهو بدرجة وزير ، وقد رحب بنا جيداً في مكتبه وتبادل معنا الأحاديث اللطيفة .. وفي النهاية أعطانا القاعة بكامل تجهيزاتها بمبلغ زهيد جداً هو خمسمائة روبية (حوالي 11 دولاراً) .. وبذلك أزيلت أكبر عقبة كانت تواجه اللجنة ...

أما بالنسبة للعازفين وخاصة عازف الأورغ ، فقد سافرت لمدينة ميسور المجاورة ، وأحضرت أحد أصدقائي السودانيين من هناك وهو عازف جيد ، وجاء من خارج المدينة أيضاً عازف لآلة (الدُنب) و (البيز جيتار) .. ولكي يكتمل شكل الفرقة فقد جئت بأحد أصدقائي وهو من دولة نيبال ويعزف على الجيتار .. وبعد عدة بروفات مكثفة استطعت تلقينه الألحان والسلالم الموسيقية السودانية وكيفية عزفهما ، كما جئت أيضاً بأحد أصدقائي وهو من دولة البحرين ويعزف على آلة (الدرمز) ، ولقنته أيضاً كيفية عزف الإيقاعات السودانية ، التي كانت غريبة عليه نسبياً ، خاصة إيقاع السيرة ...

وأظنني سأتحدث قليلاً عن تجاربي في تكوين الفرق الموسيقية والمسرحية ، وأيضاً مشاركاتي في تأسيس العديد منها ...

بدأت اهتماماتي بالمجال الفني وتحديداً الغناء والتمثيل منذ مرحلة مبكرة جداً ، وأذكر أنني كنت أقوم في المرحلة الإبتدائية بمشاركة بقية التلاميذ في تمثيل العديد من القصص التي كانت ترد في كتب المطالعة الإبتدائية مثل (الساحر والأطفال) و (محمود الكذاب) ، كما كنت أغني أيضاً في مناسبات المدرسة المختلفة ، ولا زلت أذكر الجائزة التي منحتها لي مديرة المدرسة (التومة الحارث) وهي عبارة عن علبة هندسة وكراستين وقلمين ، وذلك نظير مشاركتي بأغنية (جنة العشاق) للفنان العطبراوي ...

وفي المرحلة المتوسطة إذددت ولعاً بالغناء والتمثيل ، وكنت دائم المشاركة في الجمعية الأدبية التي كانت تقام أسبوعياً بالمدرسة ، والتي يعود لها الفضل في صقلي وتركيبتي الفنية الحالية ، وكنا نقدم على مسرح المدرسة الإسكتشات والمسرحيات القصيرة .. وفي إحدى الاحتفالات غنيت بمصاحبة عازف أورغ محترف أغاني كانت في القمة تلك الأيام مثل أغنية (مشي أمرك يا قدر) وأغنية (الزول أب عيون كحيلة) وأيضاً أغنية (أنا ميال) لعمرو دياب والتي كانت في قمة رواجها ذلك الوقت ...

وبالمناسبة ولمن يبحثون عن المياه العكرة للاصطياد ، هاكم هذه السنارة ، حيث أنني في تلك الأيام في المرحلة المتوسطة الباكرة ، حدث انقلاب الإنقاذ ، فتأسست في المدرسة فرقة للإنشاد كنت أنا قائدها ، وكنا نشدو ببعض الأناشيد الحماسية مثل (الليل ولى لن يعود) وأيضاً (لظلام الليل معنى) و (أقسمت يا نفسي لتنزلن) ، بالإضافة لبعض المسرحيات القصيرة لأعمال تصب جميعها لصالح نشر أدبيات الإنقاذ ...

ولكن كانت المرحلة الثانوية هي أهم مرحلة بالنسبة لي ، إذ فيها تشكلت بعض الملامح الفنية ، وإذداد وعيي الثقافي بصورة جيدة ، وكان أول ما فعلته عندما ولجت أرض المدرسة الثانوية ، هو البحث عن فرقة غنائية أو مسرحية كي أنضم إليها وقد وجدت بغيتي في (جمعية المسرح) حيث بدأت نشاطي بها ، وفيها تعلمت الأساسيات والفنيات لعلم التمثيل ، وقدمنا من خلال الجمعية عدة مسرحيات وإسكتشات ، وقدمنا عروضنا في جميع المدارس الثانوية بمحافظة الخرطوم .. وفي عام 1991 استطعنا في الجمعية بعد منافسة شرسة وتصفيات دقيقة ، إنتزاع حق تمثيل ولاية الخرطوم في الدورة المدرسية ، فدخلنا معسكراً مغلقاً بأرض المعسكرات بسوبا ، أستمر قرابة الثلاثة أسابيع ، قدمنا خلالها عرضنا المسرحي في جميع مسارح الولاية الكبرى مثل مسرح قاعة الصداقة ومسرح قصر الشباب والأطفال ، والمسرح الأهلي بأمبدة ، ومسرح المنتوجات الوطنية ببحري ...

وفي العام الذي يليه ، تقدمنا للمنافسة بمسرحية مسودنة للكاتب السوري (نظمي خليل) ، تم خلالها اختياري ضمن أفضل عشرة ممثلين في ولاية الخرطوم ، لتمثيلها في الدورة المدرسية بمدينة الدامر .. وفي العام الذي يليه تقدمنا للمنافسة أيضاً بمسرحية (أم المعارك) من تأليفي وإخراجي ، وأذكر أننا ذهبنا للسفارة العراقية وقابلنا الملحق الثقافي وأظنه كان الشاعر (أمجد محمد سعيد) ، وشرحت له طبيعة ومغزى المسرحية ، وحصلنا منه على دعم مادي وعيني ومعنوي ساعدنا في عرض المسرحية على أوسع نطاق ...

وبعد تخرجنا جميعاً من المدرسة الثانوية ، تخيرت عدداً من أعضاء الجمعية (التي تحولت إلى جمعية موسيقية مسرحية) ، وأسست بهم (فرقة المرافئ للموسيقى والمسرح) واتخذنا مقراً في إحدى المدارس وشرعنا في البروفات ، وكنت في ذلك الوقت أهتم بجانب التمثيل في الفرقة ولم أكن أشارك بالغناء إلا في حالة غياب أحد الأعضاء الأساسيين في جناح الموسيقى ، وقد أحرزت الفرقة نجاحاً كبيراً ، وكنا نقيم العروض التجارية ، الخاصة للمؤسسات والعامة في المدارس المتوسطة والثانوية ...

وخلال عمل الفرقة جاءني في المنزل بعضاً من أفراد فرقة تسمى (المستقبل الواعد) وطلبوا مني الإشراف على فرقتهم المسرحية والغنائية الكائنة بمدينة الأزهري ، فرحبت بذلك رغم أنني لا أعرف فرداً منهم ، وفي البروفة التجريبية التي عرضوها أمامي وجدت عملهم الفني تقليدياً ومن ثم شرعت في تغيير نمطهم ذاك .. وبعد شهر من البروفات المكثفة واليومية أقمنا أول عرض في ساحة الحي ، صادف نجاحاً باهراً ، ولم يمض وقت طويل حتى تسيدت المستقبل الواعد جميع الفرق الشبيهة بالمنطقة ...

وأيضاً في تلك الفترة اتفقت مع مجموعة من المسرحيين شبه المحترفين على تكوين فرقة مسرحية أطلقنا عليها أسم (جماعة تبحث عن مسرح) بنادي القوز بالخرطوم ، لم تستمر كثيراً لبعض الخلافات الحادة بين الأعضاء وأيضاً سفري للهند للدراسة ...

وكنت خلال كل ذلك العمل أقوم بالمشاركة الفردية بالغناء في المناسبات الخاصة لبعض الأصدقاء والأقارب ، وحدث لي نوع من الإنتشار والشهرة في وسط المغنيين الهواة ، ولكن لم يستمر ذلك كثيراً نسبة لسفري للدراسة ...

أما عن آلة العود التي أعزفها ، فقد تعلمتها بالصدفة البحتة ، ولم يكن في ذهني في يوم من الأيام أن أتعلمها ، ولكنها زوجة أخي الأكبر التي تعزف على الأورغ ، فـأرادت تعلم العود فجلبت واحداً للمنزل ، ولكن نسبة لصعوبة التعلم وطول المدة التي تستغرق فيه ، فقد ركنته جانباً ونسيت الفكرة .. وفي يوم من الأيام زارني احد أصدقائي ممن يعزفون الآلة وشاهد العود فوق الدولاب فطلب مني إحضاره ، ومن ثم قام بدوزنة أوتاره وعلمني أولى تمارين العزف .. وشيئاً فشيئاً بدأت أعتاد عليه ، ويرجع الفضل بعد ذلك في تطوير أسلوبي إلى جارنا الفنان (معاوية عبد العزيز) أحد فناني مدينة عطبرة ، وأيضاً صديقي العزيز (محمود الكردفاني) عضو فرقة الهيلاهوب الكوميدية ، وهذين استفدت منهما كثيراً في تعلم فنيات العود ، وساعدتني بعد ذلك الغربة التي ذهبت إليها ، إذ ابتعت من مدينة الدوحة بقطر آلة عود وحملتها معي للهند ، وهناك زاد تمكني منها ...

وبما إن طموحي كان قائماً في تكوين فرقة موسيقية مسرحية ، كان أن جمعت بعضاً من المبدعين في هذا المجال ببنقلور ، وأسست بهم فرقة أسميتها (المرافئ) تيمناً بالفرقة القديمة بالسودان .. وكنت خلال ذلك وقبله وبعده المسئول الأول عن أي كورال أو عمل فني يقام بالمدينة قبل قيام أي مناسبة أو إحتفال يخص نشاطات الطلاب ...

وفي إحدى مناسبات الكلية كانت هنالك منافسة غنائية للطلبة ، فسجلت إسمي للمشاركة ، وفعلاً غنيت أغنية سودانية بمصاحبة آلة العود التي ربما رآها الحاضرون ولجنة التحكيم لأول مرة في حياتهم ، وحصلت في تلك المنافسة على المركز الثالث بين المتسابقين الذين يربو عددهم على العشرين متسابقاً ، وقد تسلمت الجائزة التي لازلت احتفظ بها من حاكم الولاية (خورشيد علم) في إحتفال أقيم لتسليم الجوائز ، وفي ذلك الاحتفال طُلب مني الغناء بآلة العود ، فغنيت هذه المرة أغنية هندية انتزعت إعجاب الحضور ، وأيضاً أغنية شرقية تلبية لرغبة الطلاب العرب نالت الاستحسان ...

وبعد أن عدت للسودان ، انشغلت فترة ببعض الأوضاع المتعلقة بالعمل هنا ، وبعد أن تحسنت الأمور ، تقدمت للالتحاق بجامعة السودان (كلية الموسيقى والدراما) ، قسم الموسيقى ، والذي لازلت أدرس به ، ولكن طرأت عليٌ فكرة تأسيس فرقة استعراضية راقصة ، مختلفة عن الفرق التقليدية ، مستفيداً من الفرق التي شاهدتها بالهند ، وذلك بالجمع بين العمل المسرحي والعمل الغنائي بمصاحبة الرقص في عرض واحد ، بما يشبه الفيديو كليب ، فجمعت عدداً من الطلاب الدارسين في المجالين الموسيقي والمسرحي وطرحت عليهم الفكرة الجديدة فرحبوا بها ، ولا زالت المشاورات جارية حتى كتابة هذه الأسطر في نوعية الأعمال المزمع تقديمها وطريقة عرضها ...

خالص التحايا ناذر..

اولا التحايا للعزيز هشام مدنى..
تعرف بعد هرشتك ديك منو وهنا برضو ..
اتحيلت العزيز هشام ده بتاع نظام عام بتاع حفلات . .
قايتو لو بى حالتو ديك الفى البوست حيكون اشهر من(الضابط ساره الضاره) بتاعت الحركه..
اسال منها ناس امدرمان او شوارع الخرطوم
ياعمك دى واقفه ليك لى ناس الحفلات والعرابت وهاك ياجزر..
المهم تحياتنا ليك استاذ هشام
وزيك ده اصلو ماتجيهو ضهب فى حفلتو لا يلم فيك بتتضهب . .



نعرج الى الاستاذ الاخر
صديق الموج..
تاريهو طلعنا دفعه يافرده. .
طبعا المسرحيه لو حكيت ليك تمت كيف وبروفاتها تستغرب !!
اساسا نحن جاين مشاركين بى مسرحيه اخرى الكلام ده فى المتوسطه اها فى اخر دقايق عرفنا بانو فى مدرسه اخرى مشاركه بى نفس المسرحيه..
اها اظنو قبل ربع ساعه او نص ساعه بالكتير جانا الاستاذ توفيق دهب شايل النص وتحت شجره سريع اطلعنا على النص واتذكر برفناهو وعلى كده قال لينا اتوكلو انا واثق فيكم ومشينا ..
الاهم من ده قبل المسرح فى الكواليس مع المكياج باعتبار انو انا تم اختيارى لشخصية سعاد لصغر ملامحى (لاشنب لادقن وهكذا)..
الدوره المدرسيه كانت فى مدرسة البنات وكنا مدارس اولاد وبنات اها طلبنا منهم فستان وطرحه واى شى يلزم..
طبعا ساقونى ليك (الجكس) اخوك صغير ياعم ماناقش التحتكو. .
اها لابسونى ليك كل الاشياء والطرحه والفستان واى شى حتى الحلق (النوع البتضط داك) عشان ماتشيلو حالى تقولو اضنينو مقدادات..
اها بعد خلاص (جنصوصونى وبقيت جكسويه جد جد) جات واحده ماتعرف من وين ونحن فى الكواليس كمية مدارس وقالت (هى حلالالالالالالالالاته البنيه وهاك قطعت ليك فينى بوسه طبعا فى خدى). .
اها قالو ليها ده ولد. ...
قامت لا بالله وقامت فاتحه جرى..
اها خشينا المسرحيه قايتو اجدعت قدرتى وكل زول طلع العندو كلو كان شبه ما مبرفين ماقصرو الشباب نلنا رضا الجمهور واللجنه وفزنا بالجائزه الاولى..
اها لمن خلاص نزلنا وبدينا نحكى فى المواقف التى انتابتنا ونحن فى المسرح ..
جات سيرة البوسه القبيل..
واحد قام قال انتو عارفين البت دى عارفه انك ولد . .
عموما انا ماتاكد لكن كانت بوسه. .

ايضا مره اتذكرها مثلنا مسرحية بتحكى عن احوال الاوضاع البلاد العربيه وسياساتها قايتو بتذكر كنت ممثل دور امريكا. .
شفت العظمه دى كيف؟؟!!
وكثير من المسرحيات فيهم المتذكرو والما تذكرو بس لانو مسرحية سعاد كانت فيها مواقف غريبه من التغير للمسرحيه والكلفته الحصلت والاهم من ده القُبله الناريه. .



العزيزه ندويه
انتى بتكونى كاتلها حفلا ت الحله كلها وحلال المجاوره تعالى فضفضى طلعى البلاوى. .
سلامات ليك كتير..


الجميل الرائع نذورى..
ياحبه انتو مشيتو كتير فى طريق الفن ومشاكلو(من كبع وجلد وووغيرو) نحن هواه ليس اكثر ..
انشغلنا باشياء تانيه حدى معاكم الثانوي لكن شكلك مرقتها فى الهند دى العولمه زاتها البقولو عليها..
يازول لى قدام ..
انت داير ليك قعده براك..فى كلامك ده..
قايتو بخلاف ده ماتنسى ماسى الكورال انا دايرك تنكت لى من الصندوق ده شويه. .
وكل مانتذكر شيتا بنجيكم ربما نطول ربما ناتى سريعا نتتضهب فى السكك الحريفه..
غرغرة الغرغرين فى الزمن الحزين
ياخى كل ما اتذكرها مرات فى الكلاس بضحك واتذكر قصايدكم فى بويت عمر داك ياخ مبالغه..
هاهاهااهاهاهاهاهاهاهاهاهاهاهاهاهاهاهاهاهاهاهاهاهاهااهاهاهاهاهاهاهاهاهاهاها.

تروتسكي يا رائع ..
يا خي أولا أنا معجب جدا بي ذاكرتك دي .. ما شاء الله .. تعرف أنا لمن كتبت كتابي داك عانيت معاناة شديدة خلاس ...

Quote: اولا التحايا للعزيز هشام مدنى.. تعرف بعد هرشتك ديك منو وهنا برضو .. اتحيلت العزيز هشام ده بتاع نظام عام بتاع حفلات . . قايتو لو بى حالتو ديك الفى البوست حيكون اشهر من(الضابط ساره الضاره) بتاعت الحركه.. اسال منها ناس امدرمان او شوارع الخرطوم ياعمك دى واقفه ليك لى ناس الحفلات والعرابت وهاك ياجزر.. المهم تحياتنا ليك استاذ هشام وزيك ده اصلو ماتجيهو ضهب فى حفلتو لا يلم فيك بتتضهب . .

وأنا والله من بيت الحفلة دا بحيي هشام مدني الرائع والله بقيت إتكيف بالجد لمن ألقاهو في بوستاتي أو أقرا مداخلاتو في بوست ناس تانين ...
وبيني وبينك هو ينفع زول بتاع نظام عام لكن ما في حفلات الديم
الديامة جنهم وجن نا سالحكومة في حفلاتم .. حا يخبتوهو طوالي .

Quote: طبعا ساقونى ليك (الجكس) اخوك صغير ياعم ماناقش التحتكو. . اها لابسونى ليك كل الاشياء والطرحه والفستان واى شى حتى الحلق (النوع البتضط داك) عشان ماتشيلو حالى تقولو اضنينو مقدادات.. اها بعد خلاص (جنصوصونى وبقيت جكسويه جد جد) جات واحده ماتعرف من وين ونحن فى الكواليس كمية مدارس وقالت (هى حلالالالالالالالالاته البنيه وهاك قطعت ليك فينى بوسه طبعا فى خدى).

صغير !!!!!!!!!!!
بالله دا علي منو الكلام دا الأفلام دي والله أنحنا داخلنها لوج عديل كدة . الواحد قدر ما يعمل حاجة ما ياها ويزنقوهو يقول أنا كنت صغير

بعدين موضوع البوسة دا ما محسوب لإنو قالوا أي شي في الجهل ما محسوب ما تفرح شديد ..

بالمناسبة سارة الضارة دي أنا بعرفا كويس وهي كمان بتعرفني زي جوع بطنا وهسي الأيامات دي شغالة في خط الصحافة وأركويت .. ياخي دي كرهت ناس الركشات حياتم عديل كدة دي توقفك في الشارع وتفتش عربيتك حتة حتة وما تلقى أي حاجة غلط ومرات بتكون شايلة معاها ميزان هواء بتقيس بيهو هواء العربات ولمن ما تلقى حاجة تقوم تقول ليك إنتا ماشي وين ؟ تقوليها وإنتي مالك ؟ تقوم طوالي تقطعك إيصال عشرين ألف !!! لييييهه !! إعتراض رجل قانون أثناء تأدية مهامه

إنتا اسة متزكر غرقرتي ديك يا مان والله ممكن يوماتي أألف ليك قصيدة من النوع دا بس خليني إنتهي من البوست بتاع الغناء دا

شوفت انا متابع كيف

Quote: وأنا والله من بيت الحفلة دا بحيي هشام مدني الرائع والله بقيت إتكيف بالجد لمن ألقاهو في بوستاتي أو أقرا مداخلاتو في بوست ناس تانين ...

لنو حريص جدا على مواصلتك فى المنبر العام خاصة بوستك بتاع لحوم الكلاب والله
فى غالى وعزيز شاف البوست بلش اكل اللحوم نهائيا .
اها اعمل مرور
وبجيك راجـــــع


مع فائق تقديرى واحترامى لك الغالى معتز الذى اعتز به دائما
الافاضل ابن الافاضل اكرم الضيوف انت اهــــل كرم جد.

فوق

الرائع نزار باشري

شكرا لرفع البوست ..

يعدين إنت مشيت وين يا راجل

أنا في إنتظار حكاويك ومساهماتك .

حا ألف واجي أحكي ليكم دخولي الحراسة ومبيتي فيها ..

المرة دي ما بسبب بتاع ساوند لكن بسبب ....

يتاع الأورغن

جئت اليوم أساسا لأواصل الكتابة في هذا البوست والموضوع أعلاه ..
لكنني إنشغلت بقراءة بعض البوستات الجديدة التي كتبت أمس واليوم .
على كل حال سأرجع حالما أجد الفرصة للمواصلة هنا ..

الاخ/ ناذر
صراحة بوست فى السلك بلغة الديامة وعلى سبيل الذكريات وخاصة الجلد بالسياط اذكر الاسبوع الذى مر حضرت عرس فى احد قرى الدناقلة بشمالنا الجميل وعند ما حان ميعاد الفرح جلسنا وعادت بى الذكرى الى ايام العرس فى امدرمان وصف الرجال والنسوان و يفصل بينها الدلوكة المهم حضر العريس والعروس ترفل فى اثوابها السودانية الاصيلة وحتى عندما وجهت اليها كمرة الفديو لم يتحول وجهها الى الوان قوس قزح كما نرى فى المناسبات فى نوادى الخرطوم والاحياء والافت للموضوع دخول احد الشباب يحمل سوط عنج وتقدم الى العريس وحياه ووقف العريس واستلم الصوت وما كان من صاحبنا الا ان رمى بجلابيته واصبح عارى الظهر صراحة الموقف كان صعب وخاصة وجوداحد الرفقاء فى الحفل من منطقة شندى وكان يتباهى كثيرا بأنه جعلى فى مجالس الانس التى جمعتنا مع اهل الحى المهم لموقف تأزم وصديقى يتساقط العرق من جبينه ولولا تدخل اخو العريس ومنع الضرب يالسياط لكنت الان مع صديقى فى مستشفى دنقلا.
اما حكاية الزوغه ده بس ما بالعداد لكن بصينية الفنانيين الكلام ده كان زمان طبعا ويشهد لنا بذالك نوادى شارع المطار وافتكر كده انت فهمت الباقى
تحياتى

فووووووووق تاني
أهلا أخي ناذر
يومها كنا صغارا ساقتنا خطانا الي حفلة حبش بالخرطوم 2 كنا نلتزم الصمت ونحن نندس بين هؤلاء القوم وننتظم في دائرة رقصهم كانت تلك نصائح البعض بحجة أنهم لن يستطيعوا تمييزنا عن غيرنا من بقية الحضور هكذا كنا نفعل ربما خشيتنا من أننا سنتعرض للعقوبة او الطرد هكذا يتراءى لنا
فؤجئنا بوالدنا الكريم يقتحم دائرة الرقص وتبدو عليه ملامح الغضب وهو يردد عبارات مضمونها دة الفضل أول م تفكروا تمشوا حفلات تبدو بحفلات الحبش
ولي عودة أخري إن شاء الله

العزيز بلدي يا خبوب

تسلم كتير على الدخول والإطراء ..
أنا حقيقة قصص الجلد في المناسبات دي محيراني ..!!
أولا هو عادة أصيلة عند اهلناالجعليين بالرغم من بداءتها وعدم توافقها مع العصر الحاضر ..

في هذا البوست حكى عمر الفاروق نكتة عن الدناقلة أيضا وانهم لديهم هذه العادة ثم جئت أنت أيضا لتؤكد على وجود عادة الجلد لدى الدناقلة !!

فأسألك سؤالا .. هل يمارس الدناقلة عادة الجلد هذه بذات طقوس الجعليين التي تمتاز بالقسوة والحماقة أم ان طقوسها أخف قليلا وخالية من القسوة ؟؟

Quote: اما حكاية الزوغه ده بس ما بالعداد لكن بصينية الفنانيين الكلام ده كان زمان طبعا ويشهد لنا بذالك نوادى شارع المطار وافتكر كده انت فهمت الباقى

لا لا ... فهمتو تب بس إنتا قرض علي كدة لكن واصل في حكايات الزوغات دي بدون
ما تسألني

العزيز باشري

تسلم على المشاركة وقصتك ذاتا غريبة شوية
تعرف يا نزار أهم حاجة في الضهب الحفلات دي وخاصة في الديوم إنو الواحد يتضهب في مناسبات أهلنا الحبش ديل .. طبعا الديوم بها كميات من الحبش أكثر من الموجودة في أديس نفسها بعدين مناسباتم فيها نكهة خاصة وطعم معين والواحد بيلقى فيها راحتو ومتعتو و (حاجات تانية حامياني)

Quote: كانت تلك نصائح البعض بحجة أنهم لن يستطيعوا تمييزنا عن غيرنا من بقية الحضور هكذا كنا نفعل ربما خشيتنا من أننا سنتعرض للعقوبة او الطرد هكذا يتراءى لنا

البعض ديل طلع كلامم صاح والدليل إنو ما في زول عرفكم و تراءيكم كان صاح

Quote: فؤجئنا بوالدنا الكريم يقتحم دائرة الرقص وتبدو عليه ملامح الغضب وهو يردد عبارات مضمونها دة الفضل أول م تفكروا تمشوا حفلات تبدو بحفلات الحبش

مع خالص إحترامي له لكن إنتا كنت تمنطقوا وتوريهو إنو حفلات الحبش أحسن من حفلات السودانيين الناشفة ديك والغنا والربة البتلقاها في حفلات الحبش عند السودانيين مافي
بس في هنا سؤال محيرني لكن ما حا أسألك ليهو وإنتا عارفو وعارف إجابتو
بس إنتا ما إتشجعت وسألت السؤال دا في وكتها

تحياتي للجميع حتى أعود ..

أهلا اخي
ناذر
يومها كنا صغارا لأ أحسب أن سؤالا مثل هذا كان سيخطر علي بالنا , وانت أعلم الناس ببيئتنا
ولعل الفضول هو الذى دفعنا إلي هناك ربما للتعرف علي عادات هؤلاء الناس وطقوس الزواج وهكذا
بالنسبه لسؤالك الآخير والذي لم تطرحه بعد مازلت أجتهد في معرفة مضمونه , واذا طرحته يكون قد كفيتني عناء الإجتهاد وربما ساجد له إجابة أيضا

ناذر الممسوخ

نفس سؤالك ده خطر ببالى

لكن قلت يمكن زول شافهم وكده. خلي دايما ظننا حسن، ولا شنو؟

Quote: طبعا البوست بتاعك البي إسمك داك عفيته لله والرسول لإنو المود بتاعي إتخرب مرة واحدة مع هرشة هشام لي .. أرجو أن تكوني معنا ...

انا دائما حظى كعب !!!

وهسة لمن لقيت اسمى فى الصفحة الاولى تانى لقيتو هاشم نوريت عايزنى ادخل سجن كوبر !!!


ياحليلى انا من جنس ده!!!

خالص التحايا
العزيزه ناديه..

Quote: انا دائما حظى كعب !!! وهسة لمن لقيت اسمى فى الصفحة الاولى تانى لقيتو هاشم نوريت عايزنى ادخل سجن كوبر !!! ياحليلى انا من جنس ده!!!

بالجد ضحكتنى ربك يدك العافيه
السماح للغدرو بيك
اصلو ظلم الدنيا بين

هاشم نوريت ده حالتو صعبه كلو مره بقابض فى اتجاه
ربك يكون فى عونو لكن لذيذ
مالقى غيرك
مايهم الحفين مالين البورد
انشاء الكانو تحت التمرين زينا
هو فى الدين ده ماسمع رفقا بالقوارير..

كان لقيتى طريقة جبيتهو حفلة ناذر دى تكونى ماقصرتى

كيفكم يا شباب ..

الحبيب خالد عثمان

Quote: ناذر الممسوخ نفس سؤالك ده خطر ببالى لكن قلت يمكن زول شافهم وكده. خلي دايما ظننا حسن، ولا شنو؟

ما فاهم كلامك !! أنا دايما ظني حسن إنتا بتتكلم عن ياتو سؤال
أنا سؤالي كان عن فنانة الحفلة هل هي ترحاس أم مخبريت وأنا أعتقد إنو الأخ نزار دخل الحفلة توشك بدون ما يسأل عن الفنانة منو وهو كان مفروض يسأل من الأول لكن قصدت إنو أحدي نهاية الحفل عرف الإسم ..
تعرف أنا جني وجن احضر لي حفلة بدون ما أعرف البغني منو ومرة مشيت لي حفلة تخريج ود أخوي من الروضة غنت فيها بت صغيرة ما إرتحت إلا لمن سألت من إسمها

إنت ظنك مشى لي وين يا راجل


الأخت نادية عثمان ...
ويا حليلنا نحنا لو دخاتي سجن كوبر
وزي ما قالوليك قبل كدة لو دخلتيهو .. حا نرتكب نحنا أي جناية عشان ندخل بي وراك

تروتسكي :
وياريت هاشم نوريت يجي هنا لأني صراحة أعتد بأن لي صديقا أنجبته أرض شرق السودان هو من أبرع أهل السودان في العزف على ألة العود ويدهش بها الجميع في المنتديات والمنابر المختلفة لدرجة أن فنانين كبار من أمثال حمد الريح ومجزوب أنسة يتركون له الألة ليعزف لهم حين يريدون الغناء !!!

ولمن لا يعرفه أقول انه ربما الوحيد في السودان الذي يستطيع أن يعزف أغنبة كاملة ويغنيها بإستعمال يد واحدة فقط .. إستنادا إلى قاعدة التجاوب والمعادلات ذات السلالم المتقاربة والمتجاورة ..!!!!

ذلكم هو الفنان يحي أدروب ولا أعتقد ان أحدكم يجهل هذا الإسم ....

التحايا لكم حتى أعود ..

خالد عثمان
دع عنك أمر التذاكي و أعلم أنك تعيش في زمن جميل ليس فية مالكية متشدودن , لأنهم إتسموا بتطبيق الكثير من الحدود وقد جوزوا ذلك عن طريق التلميح والتعريض
عموما البوست الي اللحظه لايزال سبب سعادة الكثيرين وقدومم أيضا رجاء لاتفسد ذلك

أخي ناذر
ليس مهما أن نسال عن المغن أنذاك فهي حفلة عابرة ولم تقام بأحد المراكز أو الانديه سبق وإن ذكرت لك أنها أقيمت في أحد أحياء الخرطوم 2
يبدو أنه ليس هناك من ينقصه الذكاء

خالص التحايا
الرفيق ناذر
يرجى مراجعة ايميلك وعليك بتطبيق كل مارود فيه بحذافيره واياك اياك ان تتهور
اوكى يافرده
تامين الى اقصى حد عشان ماتبوظ لينا سوقنا

شوف القصيده شينه وحلوه
ومحتاجه للتلحين


هاك الحفلة دى

سلام يا نزار، وقول بسم الله..

يا أخى مافى تذاكى ولا حاجة. السؤال الخطر ببالى، والاتوقعت ناذر يكون عايز يسألو، انو الوالد عرفكم كيف مشيتو الحفلة. ورديت على نفسى بانو بيكون زول شافكم وكلمو..

شفت الموضوع بسيط كيف؟ لا فيهو مالكية ولا حدود

وعلى كل لك العتبى حتى ترضى

أهلا خالد عثمان
حاضر
بسم الله الرحمن الرحيم
وفعلا الموضوع بسيط للغايه

الأخوة خالد ونزار وتروتسكي ..
أشكر كم مرافقتي في هذا البوست ونتمنى ان نكون إخوة ..

نعود مرة أخرى لمواصلة حكايات ومغامرات المناسبات ...

ففي إحدى الأيام إتصل بي أحد عازفي الأورغن ممن لا تربطني به أي علاقة وثيقة في المجال الفني ولم حدث ان تعامل معي إلا مرة واحدة فقط أو مرتين وبمحض الصدفة من واقع مجاملاتي الكثيرة في مناسبات الأصدقاء والمعارف ..
أقول أن هذا العازف إتصل بي في إحدى الايام وسألني إن كنت مرتبطا كي يربط لي حفلا اقيمه معه.. ولما سألته عن اليوم وكان يوم أربعاء وجدت نفسي غير مرتبط في ذلك اليوم ومن ثم فوضته في موضوع التعاقد مع اصحاب المناسبة وليتصل بي مرة اخرى ليخبرني بالتفاصيل ولم أستشعر رائحة اي نوع من الكوارث حينها ..

المهم انه إتصل بي في ذات يوم الأربعاء نهارا واخبرني أن الحفل قائم في المساء وأنه عليٌ ان اكون مستعدا مساء لأن هنالك عربة ستأتي لتقلني من المنزل ، كما ذكر أيضا أسماء ثلاثة عازفين اخرين أعرفهم بالأسم سيكونون معنا في الحفل .. الذي سيقام بمنطقة العمارات.. وفي المواعيد المحددة حضرت عربة حافلة ووقفت امام المنزل وكنت جاهزا تماما وحين صعدت للحافلة وجدتها خالية إلا من ساوند سيستم بعامليه وبعاميه.. وصاحبي عازف الاورغ ذاك !! ولما سألته عن بقية العازفين الذين ذكرهم .. قال لي أنه صاحب المناسبة طلب فقط أورغ وعازف وفنان نسبة لضيق المساحة بمنزلهم !! فلم أسأله بعدها عن أي تفاصيل كما لم اخوض معه في قيمة المبلغ أو العربون الذي إستلمه من أصحاب المناسبة إذ أنني عادة اتحدث في تلك الامور بعد نهاية الحفل خاصة إذا كان الوسيط احد زملاءنا العازفين ....

ولدهشتي الشديدة تخطت الحافلة في سيرها منطقة العمارات بأسرها فسألت عازفي ذاك عن السبب فقال لي ان المناسبة قد تم تحويلها إلى الصحافة شرق !! فتعجبت وسألته لم لم يخبرني بذلك ؟ فقال لي أن صاحب الحفل اخبره متاخرا بالمكان الجديد !! ..
لم اكترث كثيرا ولم يكن الأمر يمثل فارقا بالنسبة لي .. ومن ثم وصلنا إلى مكان الحفل ووجدنا كل شئ معد وتم إستقبالنا كأفضل ما يكون وإكتشفت هنالك ان بعض أصحاب الحفل هم من معارفي وزملائي قديما في الدراسة .. فبدأ الحفل وإنتهى كأروع ما يكون ولم يعكر صفو الجو أي شئ وتم وداعنا وإنطلقنا غافلين .. وفي الطريق أعطاني عازف الاورغ نصيبي من مبلغ الحفـل وكان شبه مضاعف عن العداد المتعارف به في تلك المناسبات، ففسر لي عازف الاورغ ان ذلك بسبب إلغاء بقية العازفين في اللحظة الاخيرة ..

المهم انني إستلمت المبلغ واوصلتني العربة إلى المنزل ومن ثم خلدت غلى النوم ..

وفي اليوم التالي حوالي الساعة الثانية ظهرا دق باب المنزل ولما فتحته وجدت شخصا غريبا لا أعرفه وسألني إن كنت الفنان ناذر خليفة فأجبته بالإيجاب ومن ثم أبرز لي امر قبض صادر من قسم شرطة العمارات وطلب مني الذهاب معه !!

أصبت بالدهشة واخبرته عن التفاصيل إلا انه ذكر لي أنه ليس مخولا بذكر أي شئ وان علي فقط الذهاب معه للقسم فلم املك غير الإذعان وذهبت معه وفي ظني أن الامر متعلق بمسألة تخص العمل والتجارة في الشركة التي أعمل بها ..

وعندما وصلنا للقسم لم يكن المتحري موجودا ولكني وجدت شخصا اخر لا اعرفه وكان هائجا ومائجا وعندما راني إنفجر في وجهي (يعني شنو يعني !! عاملين فيها حرامية وصعاليك ؟ البلد دي ما فيها قانون ولا شنو؟ ) لم افهم طبعا سبب ثورة الرجل لأنني لا اعرفه وقبل ان الم باي تفاصيل ونسبة لغياب المتحري تم إدخالي للحراسة رأسا وانا في شدة ذهولي من هذا الموقف الغريب !! ولكن تفجر ذهولي أكثر عندما وجدت في الداخل عازف الاورغ إياه !!! وحاولت ربط الامر في ذهني ولم أستطع وقبل حتى ان اسلم على أي شخص من الموجودين بالداخل صحت في عازف الاورغ (تعال يا زول !! في شنو والحاصل شنو؟!) .. فحاول عازف الاورغ مداراة الموقف بالقول (لا لا سوء فهم بسيط إنتا بس خليك طبيعي وكل شي حا يمشي تمام التمام).. فصحت فيه بحدة (إنتا عبيط ولا شنو ؟؟.!! شايفني قاعد في بيتنا ؟ أنا قاعد جو حراسة وتقول لي خليك طبيعي ؟ الحاصل شنو؟) ..
وقبل أن يخوض في التفاصيل جاء أحد العساكر ونده إسمي وخرجت لمقابلة المتحري وهناك عرفت أن الموضوع اساساً يتعلق بشكوى مرفوعة ضدي من أحد الأشخاص بدعوى أنني إتفقت على إحياء حفل له ولم أحضر للحفل .. وإندهشت لذلك فأخبرت المتحري أنني لم اتعاقد مع أي شخص بالأمس لإحياء حفل له غير الحفل الذي كان في الصحافة شرق وإلتزمت به مع عازف الاورغ الذي بالداخل !! وطلبت مقابلة الشاكي فأحضروا لي الشخص الذي كان غاضبا ولا يزال فسأله المتحري إن كنت انا من تعاقدت معه .. فأجاب الشاكي بالإيجاب فإندهشت وسألته (يا زول أنا متين شفتك لما إتفق معاك وإنتا متين حصل قابلتني !!) فقال (مش إنتا ناذر خليفة ؟) قلت ليهو (ياخي أأي أنا زفت خليفة زاتو إنتا متين إتفقت معاي ؟؟!!) فصاح غاضبا (عازفك بتاع الأورغن المحبوس دا هو القال إنتا فوضتو عشان الإتفاق ) سألته (إنتا ساكن وين يا ابو الشباب وحفلتك دي كان المفروض تكون وين!!) قال لي (في العمارات) ..

وهنا أدركت الأمر برمته وهو ان عازف الأورغ ذاك هو الذي حول مكان الحفل لغرض في نفسه من العمارات للصحافة شرق دون إخباري فأقسمت للمتحري ولصاحب المناسبة انه لا علم لي بكل ذلك وان عازف الاورغ هو الذي تعاقد من تلقاء نفسه ولكنه لم يخبرني عن أصحاب الحفل .. فقال لي المتحري أن الشاكي الان يطالب بتعويض 2 مليون جنيه عن الأضرار التي تكلفها من جراء التحضير للحفل من صيوان وكراسي وعشاء وإضاءة ودعوات للضيوف وأن الحفل قد فشل بسبي وأن علي دفع التعويض !!!!!

فأخبرت المتحري بأن الأمر لا علاقة لي به وان الموضوع برمته قام به عازف الاورغ دون علم مني وطلبت شهادة فني الساوند سيستم والذي يعلم ذلك .. فوجد المتحري أن هنالك تناقضا في اقوالي واقوال عازف الاورغ مع ظهور إضطراب لدى الشاكي والذي لم يعد يعرف اين الحقيقة !! فطلبت من الشاكي ان يعطيني فقط موبايله كي أتصل بفني الساوند وفعلا إتصلت بفني الساوند وشرحت له الموقف ووعد بالحضور فما كان من المتحري إلا إرسالي للحراسة مرة اخرى لحين حضور فني الساوند للإدلاء بشهادته ....

وكنت في تلك اللحظة اغلي من شدة الغضب ولم أتحمل منظر أن أسير أمام العسكري في طريقي للحراسة أمام خلق الله هؤلاء وكنت اقرأ في وجوههم أسئلة من شاكلة (هسي يا اخوانا ود الناس دا يكون مالو ؟؟) و (الزول دا بيكون لاهط ليهو قروش شركة كبيرة) و (ياربي بيكون هو الكاتل الزول داك الجابوهو في جريدة الدار؟؟!) وكدت أصيح في وجوههم (يا بشرية هوي أنا فنان فناااااااااااان يعني مطرب وكدة ، والقصة ما زي ما إنتو متصورين كلها موضوع زوغة بي عداد حفلة ، وهسي الموضوع حا يتحل لمن يجي بتاع الساوند) ..
وعندما أدخلت الحراسة مرة أخرى وجدت بتاع الاورغ ذاك في وجهي مباشرة وسألني بتعاطف مفتعل (أها إنشالله عرفو إنك ما عندك علاقة بالموضوع؟؟!!) فصرخت في وجهه (ما عندي علاقة يا إبن الـ ....) وطوالي دخلت في الزول بلنجات وشلاليت وكفوف (لا حظتو !!انا هنا ذاتي فقدت المنطق وبقيت أكتب بالدارجي ) ..

ودورت ليك في الزول خبت وناس الحراسة حاولوا يفكونا وحصلت دربكة .. (تعملا فيني يا إبن الـ ..) (عشان الواحد ساكت ليكم والله لمن نطلع من هنا إلا ما تقابلني ) .. والجماعة في الحراسة شابكيني ليك (يا شباب عيب ..إنتو ناس كبار .. دا شنو القاعدين تعملوا فيهو دا .. هسي الناس يقولوا عليكم شنو ؟!) .. والغريبة إنو مافي ناس زاتو شايفننا إلا هم وهم أقل واحد فيهم يكون كاتل ليهو شافع صغير كدة .. طبعا حراسات السودان بدخلو كتال الكتلة مع حرامي غنم الحلة .. والسكران مع معتاد الكسر والمجنون مع الزايغين بالعداد الزينا كدة ...

طبعا جا العسكري داخل جوة الحراسة وأعاد النظام ... وكويس أنو العسكري كنت بعرفو وهو عارف القصة قام طلعني من الحراسة وختاني في الفرندة القداما وديك حتة أنضف شوية من الجوة .. وبقيت أأشر لي بتاع الأورغ وانا من محلي داك وبخت صباعي في رقبتي علامة الضبح بما معناهو (الليلة بضبحك انا) ... طبعا أخوكم من اليوم داك وبقى معتاد ضبح ذي ما شايفين في البوستات التانية ..

ومما زاد من توتري إنو بتاع الساوند إتاخر وقعدت في الحراسة لحدي ما جاء قريب المغرب وقابل المتحري وحكى ليهو القصة وبرا ساحتي من الموضوع بحكم إنو كان معانا وإنو هو زاتو اتفاجا بإنو الحفلة إتحولت من العمارات لي الصحافة شرق وبهذه الشهادة أستطعت الخروج من الحراسة بالضمانة الشخصية العادية أما بتاع الاورغ فقد ظل بالحراسة قرابة الثلاثة أيام لان اليوم الثاني تصادف يوم جمعة وهو إجازة ومن ثم أصدر وكيل النيابة قرارا بالإفراج عنه مقابل كفالة مالية توازي المبلغ الذي طالب به الشاكي ....

طبعا دي كانت (أول مرة ولحدي هسي اخر مرة) أدخل فيها حراسة أقسام الشرطة .. والغريبة أن قصتي تلك إنتشرت بين المغنيين الهواة وصرت مضرب مثل إذا ما جاء ذكر موقف مشابه إذ يقولون (ماتدقس دقسة ود الخليفة) ... وفي هذا معهم حق إذ ان في تلك الليلة فعلا ود الخليفة دقس ...

أهلا ناذر
رائع يا صديقي
ومعليش وإن شاء الله زىما قلت تكون آخر مرة
بس هناك سؤال ألست معي في أن القانون قاصر بعض الشي في مسالة الإنابة عن التصرفات الناتجه من الغير والمنسوبه الينا برغم عدم حصولهم علي تفويض أو توكيل قانوني بذلك ومع ذلك يصر القانون علي مسألتنا

سلام للجميع،

الأخ نزار، شكرا لتفهم الموضوع على حقيقته.

الأخ ناذر، ما تخاف؛ طالما الناس بتتعامل مع بعض ببساطة ان شاء الله عوجة مافى. وأديك شفت

لكن تعال هنا؛ فاتت عليك كيف حكاية بيت العرس ضيق، والمكان غيروهو، ومش عارف ايه. ما فضل الا يقول ليك العريس ذااتو غيروهو

لكن معليش..

دقسة معلم زى ما بيقولو

ود الجيران الرفيق وزميل
نظام التعديل


اسمع انتظرى اجى ببقى ليك وكيل ومتعهد لى حفلاتك
ياما حتشوف بلاوى وكان على اليوم الواحد وهين ده حتشوف ليالى ملاح..
طبعا اكيد سعيد وحاعوض ليلة التخشيبه دى باليالى كُثر (طبعا واكيد سعيده)

Quote: ماتدقس دقسة ود الخليفة

ناذر مادقست

الاخ/ ناذر

اما عن الجلد بالسياط وانتشاره بين قبيلة الدناقلة يمكن القول ان استخدام السوط لم يكن محصورا على الجعلين وقد لاحظت تفشى هذه الظاهرة فى اكثر من قبيلة وهى )(الشكرية-والحسناية-وبعض بيوت القبائل الوافده الى شمال السودان من منطقة كردفان )
عليه يمكن القول ان الدناقلة يتمتعون بهذه العادة وخاصة فى القرى الموجوده بين المدن
تحياتى

الأعزاء المحترمين
خالص التحايا لكم ..

الأخ نزار ..

معك حق في ذلك ولكنني حقيقة لا ألوم القانون لأن القانون في حالة تخلف الفنان في الحفلات هذه يقف مع المتضرر الأساسي والذي هو صاحب الحفل مع أن ذلك ليس بمنطق ، ولكن لا يستطيع القانون أن يطلب من صاحب الحفل وثيقة أو عقد معين كي يثبت انه تعاقد مع الفنان فلان أو المطرب علان ..
وإذا لا حظت معي فإن المطربين الكبار لا يتعاقدون مع أصحاب الحفل مباشرة وإنما يكون ذلك عن طريق وسيط ولا يرى المطرب صاحب الحفل إلا في ميعاد المناسبة .. ورغم كل ذلك فإذا لم يحضر صاحب الحفل في المواعيد لأي ظرف فإن الشاكي لا يشكو الوسيط بل يشكو الفنان مباشرة وربما يمكن الفنان الإنكار في هذه الحالة ..
أما الهواة وانصاف المشهورين فإن حوادثهم وحكايات تخلفهم عن المواعيد كثيرة وموثقة لذلك فالقانون هنا يكثر من الإشتباه بهم ويشدد عليهم وذلك أمر يختلف بالقياس إلى فنان مشهور قد يساء وضعه إذا أدخل الحراسة ..
أصدقك القول انه مهما حدث فأنا أقف مع صاحب المناسبة والذي غايته هو زرع الفرح في أوساط مدعويه فيفاجأ بفشل الليلة التي تعب في الإستعداد لها ..

الأخ خالد ...

والله هي فعلا دقسة لكن شوف ...
الواحد فينا ما بيهتم بالتفاصيل دي مع إنها مهمة لإنو في مرات كتيرة بيتصل بي واحد من المعارف ويقول لي تركب هسي دي وتجي في الحتة الفلانية عشان تغني في مناسبة .. وفي الحالة دي الواحد ما بيهتم بالتفاصيل زي العريس منو وأهلو من وين أو المناسبة شنو .. وبالرغم من دا الواحد كتير بيدقس وأخطرها دقستي الفوق دي
ود الجيران تروتسكي ..

أول حاجة من هذا المنبر انا داير أشكر راس القايدة أبو الريش على إيجاده لنا هذا المصطلح اللذيذ وأنا سأتعامل به مستقبلا ..
بعدين يا تروتسكي أنا سبق وقلت ليك إنو موضوع الحفلات دا بقيت ما شغال بيهو كتير لإنو داير تفرغ تام وأنا بقيت أقلل من غناء الحفلات إلا في إطار ضيق جدا وبعد تحانيس ومعارف ..
لكن أنا هسي قفلت نفسي فقط في الغناء في المنتديات الثقافية وجلسات الأصدقاء بمصاحبة ألة العود والتي تذيدني شجنا وتطريبا بعكس تهريج ألألات المصاحبة في الحفلات والتي غالبا ما يتم تجميع عازفيها على عجل مما ينتج عنه عدم التناغم وإنعدام الأحاسيس ..
أما لو داير تكون متعهد لي جلسات الإستماع بتاعتي أنا ما عندي مانع

العزيز بلدي يا حبوب ...

شكرا للمعلومة المفيدة وإبق معنا ..

سأحكي هنا نكتة أو هو موقف حقيقي لزوم التنوع ..

في إحدى هيجات جعفر نميري أمر بالقبض على الفنان وردي وإدخاله السجن .. وقد توقع زملاءه الفنانين الا يمكث وردي في السجن طويلا وان نميري قد يأمر بالإفراج عنه في أقرب فرصة ولكن خاب أملهم بطول المدة فإجتمعوا لتدارس ما يفعلونه بشأن إقناع نميري بالإفراج عن وردي فكان أن إتفقوا بأن يقوموا بدعوة نميري في دارهم بإتحاد الفنانين وكلفوا المرحوم الظريف أبو داؤؤد بأن يقوم بتسلية نميري بإلقاء النكات نسبة لأن نميري كان يستلطف أبو داؤؤد كثيرا وعندما يصفو نميري يطلب منه أبو داؤود أن يفرج عن وردي وتوقعوا أن يستجيب نميري للطلب ..

وفي الموعد المعين حضر نميري للدار وكما أتفق تماما فقد جلس أبو داؤود جواره وأخذ يلقي عليه عددا من النكات والمواقف الطريفة ونميري يضحك بكل إنشراح مع إسترسال أبو داؤود في حكاياته الجميلة ..

عندها أشار زملاء أبو داؤود له بمعنى أن اللحظة المناسبة قد أتت ، فألقى أبو داؤود نكتة أخيرة (جوكر) في أذن نميري إرتج لها نميري من الضحك وهنا تحديدا طلب أبو داؤود من نميري الإفراج عن وردي ... ولكن حدث مالم بكن في الحسبان إذ تجهم وجه نميري فجأة وإحمرت عيونه وإلتفت بحدة لأبو داوؤد وصاح فيه بغضب : وردي مالو قلتا !!!

فخاف أبو داؤود خوفا شديدا مع تغير مزاج وردي لكنه أجاب بسرعة بديهة يحسد عليها ..
(وردي يا ريس تعبنا بي شيل أعمدة الأكل .. عليك الله حولوا لينا بورسودان)

وهنا تغير مزاج نميري مرة أخرى وإرتج من شدة الضحك ومن رد أبو داؤود المفاجئ وأمر فورا بالإفراج عن وردي .. ولم ينقض هذا المساء حتى كان وردي في منزله ..

سأعود لمزيدا من النكات والطرائف .

والعود أحمد يا صديقي
ونحن ننتظر

خريجي مدرسة الخرطوم القديمة الثانوية


خريجي مدرسة الخرطوم الثانوية الجديدة

العزيز ناذر تحياتى
والله المواقف المبكية والمضحكة كثيرة طبعا انا ما بعام انا سيد الشئ زي ما بقول ترباس وقد جمعنا موقف ما عارف اقول عليهو شنو كدى اكمل الضحك واجيـك

الأخ الفاضل ضياء ...

طبعا عارفك سيد الشئ زي ما ذكروا الجماعة عنك في بوست عمر إحساس ..
بس والله حيرتني بالجملة دي ..

Quote: وقد جمعنا موقف ما عارف اقول عليهو شنو كدى اكمل الضحك واجيـك

يا راجل أنا هسي والله شكيت فيك
سؤالي ليك إنتا متين بقيت سيد شئ
إذا إنتا قاصد إنو الموقف جمعنا انا وإنتا فأنا شاكي إنك واحد من إتنين ..

يا إما إنتا بتاع الساوند الإعتقلوني بي سببو المرة الأولى ..
وفي الحالة دي تكون إترقيت من مساعد سيد شئ لي سيد شئ زي ما انا شايف هسى

يا إما كمان إنتا كنتا مع الجماعة بتاعين القعدة ديلك الانا قعدت أبكي ليهم بسبب
الضبانة الدخلت نخرتي ديك وقايليني ببكي عشان الأغنية

يا إما كمان جمعنا موقف انا لسة ما حكيتو ..
غايتو كمل ضحكك بي رواقة وتعال عشان نشوف نوعية الشمار الإنتا شايلو

على ذكر الجلد بالسياط والزوقة بالعداد والمبيت فى الحراسات
كان مرة عندنا عرس فى البيت ونسابتنا كانوا ناس المهدى . والحفلة بى ترباس
صاحبك طبعا شليق محل ما يكونوا الفنانين بكون قريب منهم , المهم يا ابو الشباب
كان عندنا خالا لينا لسانو فالت حبتين (ممكن تقول فالت خالص) وكرهان المهدى والحكومة ولا عاجبو العجب لا الصيام فى رجب .(الله يرحمه) مدور ليك فى الشربه من الصباح عشان يجي يردح ,اصلا طريقتو كده . اها قامو بعض الناس من الاسرة من دون علمنا قالو ما طريقة يرتاحوا منو عشان الحفلة تستمر الا اتحفظوا عليهو , واكراما للضيوف جابوا ليهم عساكر كمان عشان يحفظوا النظام . المهم الخال دا عندو شلة صعبة خلاص ديلك كمان لا بوليس لا الحكومة ولا السما الاحمر دا شغالين بيهو. قاموا حلفوا ما فى حفلة بتقوم والزول دا مافى
المهم فكروا فى طريقة عشان ينفذوا المخطط الجهنمى بتاعم والناس فى اضان طرش . والفكرة بسيطة هى انو يجلدوا الفنان . طبعا اخوك الشليق واقف وراء المسرح متكل على العمود بتاع الخيمة على يمين المسرح واقف لى فى كرسى ,قدامى بشير عباس الموسيقار (خالى طبعا)
وجبناترباس شمالى وبعدو على الشمال بمسافة شوية كدة الكورس بتاعوا. المهم الشباب ديل فكوا الرباط بتاع الخيمة وراى مباشرة وادونى ليك ام دلدوم على حين قرة هههههه جيت واقع ليك فى بشير فى اللحظة دى ترباس بدا يادوب امى الله يسلمك قبال ما يتمها شحطواهو واحد بسطونه فى ظهروا ههههههه قام قال (وحات امى تانى ما بغنى) والحفلة جاطت طبعا
دا كان المشهد الاول من الحفلة الباقى كان انو قفلوا الحوش ولموا فى العساكر والــــــــله يا ناذر البوليس ديل بيجدعوا فى الكراسى الكانت بتطاير فى الحفلة ديك ههههه ووين شفته بالحيطه الواحد فيهم بيمسكو اتنين من رجلينوا ويدينوا وهيلا هوب بالحيطة يا مان وبعدها يلحقوهو البندقية والكسكته هههههههههه طبعا القصة لا بتعرف المهدى من الما مهدى منو ههههههههههه اختلط الحابل بالنابل غايتو لو حريف بتخبى بى تحت الكراسى عشان ما تجيك رصاصة طايرة دا كان طلعتا من البونية ولا العكاز
طبعا البواليس ودهم كلهك المستشفى , ونحن ودنا كلنا الحراسة . اها دى ما جمعت كل العنوان.

فنانين سبحوا مع التيار
مصطفى مضوى حين غنى للدفاع الشعبى وارتدى بزته اجيز صوته مع حنان بلوبلو فى يوم واحد من صيف العام ثلاثه وتسعين من القرن الماضى حين سلكت هذه الاخيره ذات الطريق المضوى واكملت ذلك بارتداء الثوب السودانى
ود اليمنى كان رائعا فى فتره الاحزاب يجيد السباحه ضد التيار فى تلك الفتره من الزمن وكلنا لاننسى رائعته والقاعه لسه بتصفق لكن سرعان ما فترت همته واثر ان يسبح مع التيار وكان ذلك حين شدا بلمسه وفاء
محمد بخيت والنار ولعت كان له فضل اشعالها لكنه اختفى حين كان مطلوبا منه اطفاؤها
صلاح مصطفى كان يسبح وسط الجميع احبه العشاق حين غنى
مضت ايامى فى حبك وانت بعيد وما دارى
زيد نيرانى فى صدك وزيد فى عذابه احساسى
ومالك انت بس ناسى
احبه الجميع حين غنى
جددناك يا اكتوبر فى ابريل
بعزم اكيد وعهد جديد
تلاحم جيش وشعب اصيل
لكنه مؤخرا امتطى السفينه بكلياته وحمل معه كل وسائل النجاه
فرفور لم يسبح مع هؤلاء او اولئك لكنه وفيصل القاسم وجهان لعمله واحده فالاخير راح يبحث عن نفسه هنا وهناك تاره صحفى فاشل واخرى ممثل ضل طريقه الى التمثيل واخيرا وجد نفسه فى الاتجاه المعاكس
اما فرفور فلم يجد نفسه لا فى مهنه القانون الذى نال اجازته ولا فى كرة القدم بعد ان اتضح انه لايجيد الفرفره هناك ختاما وجد نفسه فى الغناء

ناذر ابو داؤد مرة فى حفلة بغنى فيها واحد من اياهم..الولد صوتو

ما بطال لكن ما حافظ وعلى شلاقته بغنى فى اغنية كيف الحياة وبعدين

بقول كيف الحياة غير نيمك ومن بعدك اصبح حظى زى لون هضليمك يا نعيم

الدنيا..وابو داؤد قدر ما رخى اضانو يسمعها نيمك..قام الولد بعد

خلص ابوداؤد اثنى عليهو وقال ليهو انت بتقول فى الاغنية دى شنو

قام الولد اكد له ما كان يسمعه وقال ليه :كيف الحياة غير نيمك

قام ابوداؤد قال ليه طيب هى مادام كده ماتقول ومن بعدك اصبح حظى

زى لون برسيمك...ولنا عودة ناذر،،،

الأحباء الأعزاء ...

عدت والعود احمد

العزيز جدا الفنان الطاهر ..
شرفت البوست والله إنتا كنتا وين من زمان

Quote: وجبناترباس شمالى وبعدو على الشمال بمسافة شوية كدة الكورس بتاعوا. المهم الشباب ديل فكوا الرباط بتاع الخيمة وراى مباشرة وادونى ليك ام دلدوم على حين قرة هههههه جيت واقع ليك فى بشير فى اللحظة دى ترباس بدا يادوب امى الله يسلمك قبال ما يتمها شحطواهو واحد بسطونه فى ظهروا ههههههه قام قال (وحات امى تانى ما بغنى)

والله يا الطاهر لكن مابتستاهل الأم دلدوم دي
إتخيلت منظرك والله وإنت واقع جوة عود خالك بشير عباس
لكن ترباس دا مابالغ عديل حالتا بسطونة هسي لوخرطوش عب واطة يقول شنو

Quote: دا كان المشهد الاول من الحفلة الباقى كان انو قفلوا الحوش ولموا فى العساكر والــــــــله يا ناذر البوليس ديل بيجدعوا فى الكراسى الكانت بتطاير فى الحفلة ديك ههههه ووين شفته بالحيطه الواحد فيهم بيمسكو اتنين من رجلينوا ويدينوا وهيلا هوب بالحيطة يا مان وبعدها يلحقوهو البندقية والكسكته هههههههههه

يا إما ناسكم ديل شفوت زيادة عن اللزوم أوديلك ما بواليس جد جد
إنتو البواليس ديل جبتوهم من القسم ولا دار الكشافة البحرية بهدلوهم كدا

Quote: طبعا البواليس ودهم كلهك المستشفى , ونحن ودنا كلنا الحراسة . اها دى ما جمعت كل العنوان.

لا والله جمعتو تب أنا هسي بفكر أقفل البوست دا علي كدة
ما تزوغ بعيد يال طاهر خليك قريب ..

العزيز نزار باشري
والله بوستك الفوق دا في الصميم وبه الكثير من المعلومات المفيدة ..
أنا طبعا الغرض من بوستي دا ما بس المواقف لكن برضو المعلومات الزي دي ..
طبعا أنا ذكرت في أول هذا البوست الفنان قيقم والذي سبح مع التيار أيضا وأضيف هنا الفنان إسماعيل حسب الدائم والفنان ترباس أيضا في بدايات عهد الإنقاذ ..

ود الموج ..
إنتا داير تحنكنا ولا شنو
وكت ما عندك حاجة تكتبا إنشالله قول إحم وأطلع
القصة دي أنا قلتها في الجزء الأول من هذا البوست لكن شايفك إنتا بس عدلتا فيها شوية
إنتا مش قلتا إنك صاحب الفنانين !!
يلا قول لينا كم قصة كدى مع الجو الظريف دا
بالمناسبة أنا كنت أول أمبارح في حفل تكريم العملاق غثمان حسين بالمسرح القومي ..
والله سيف الجامعة غنى شجن بطريقة !!!!!
عثمان حسين زاتو إتمحن

Quote: ...ولنا عودة ناذر،،،

راجيك بس ما تتطول زي المرة الفاتت ..

شنو يا جماعة !!!!1
إنتو صدقتو إنو البوست دا إنقفل ولا شنو !!!
الطاهر الواحد تاني إصلو ما يجاملك ولا شنو

Brother Nathir
Salam
Ill be back
Osman

الأستاذ المحترم عثمان محمد صالح ..
شرفت البوست والله وانا في إنتظار عودتك ..

لكن يا أستاذ لمن شفت إسمك من برة إتوقعت أخش والقاك كاتب لي ..

OUT

لك التحية دوما ...

Quote: المتواجدون الان بالمنبر العام 159 شخص » (1 )عضو و (15 زائرا »ناذر محمد الخليفة

شنو يا أخوانا !!!!
نقفل المنبر دا ولا شنو خليتوني براي ومشبتو

تعرف ياناذر المداخله ده خلاف الاخريات كلها حزن وشجن..
طبعا شاهدت بعض من حفلة تكريم الفنان عثمان حسين وبعض التفاصيل ولكن اكثر ما اتوقفنى غناء سيف الجامعه شجن ..وسيف كهدى به لم يقصر...
ذهبت بى بعيدا وعميقا ..
ذكريات فى الجامعه وامبده شمال..
(شجن وهند ومحمد)
بالرغم من ان موقف الاغنيه الذى جمع هؤلاء مضحك لكن لامجال للضحك الان مع هذاالشجن الجارف الان وقت لاحق عزيزى..

خلاف لذلك
فجاء تساقط دمعاتى وسيف يحتضن عثمان حسين ..(ذكريات كتيره ترائت امامى فى حضرت هؤلاء)
انا اوصف لك ولكن وباعتبارك حاضر ربما تكون اصدق منى فى الوصف لكن احساسى يبدو اعمق من كل من كان شخص حضور..
ياااااااااااااه..

تروتسكي يا رائع ..
شنو يا مان داير تقلفبا لينا بكا ولا شنو ؟؟!!
قربت تبكيني والله !!
إنتا نسيت إنو نحنا في ذكريات حفلات ؟؟!!
أصبر لي شوية بوست البكيات قرب يجهز بس خلينا نخلص من دا

Quote: أصبر لي شوية بوست البكيات قرب يجهز بس خلينا نخلص من دا

لالالا
داك خليهو لي انا بعرف للشجن والحزن اكتر من الضحك اوعك بس مشغول شويه

أهلا إخوتي الكرام
ناذر ومعتز
قبل ان تفأجئنا بوستات الحزن دعونا نغنتم هذه السوانح من الفرح لنفرغ مافي جعبتنا من مواقف مفرحة وبعضا مما نحفظ من طرائف قبيلة الفنانين
في المرة القادمة ٍسأعود وأنا أحمل معي كما لا بأس به من مواقف الفنان الراحل علية رحمة الله أحمد عمر الرباطابي

Salam Ya shabab
This post is hialrious keep it up

الأخ نزاغر باشري
يا ريت والله فأنا اهتم جدا بمواقف وطرائف الفنانين
أرجو ألا تطيل علينا غيبتك
الأخ مهيد
شكرا للمرور ...
سأعود لمزيد من القصص ..

أبو النيز

...........

Quote: المتواجدون الان بالمنبر العام 336 شخص » (19 )عضو و (317) زائرا »Adrob wad Elkhatib »Asskouri »Dr Mahdi Mohammed Kheir »kamalabas »magdi hassan »Nada Amin »nour tawir »saadeldin abdelrahman »أيمن جبارة الله الخضر »بشري الطيب »خدر »خضر عطا المنان »عبدالعزيز حسن على »عبداللطيف خليل محمد على »عبير خيرى »فضيلي جماع ]»معتز تروتسكى ]»ناذر محمد الخليفة »هاشم نوريت هذه الصفحة يعاد تحديثها كل 120 ثانية.

سجمك جنبك نوريت معناها ياهو الماشى السجن ماشى السجن.وبعدو الخلا...
انا جنبى الشاعر الكبير جماع..وبعدو عبير..

المتواجدون الان بالمنبر العام 344 شخص » (19 )عضو و (325) زائرا

»Adrob wad Elkhatib
»Alia awadelkareem
»Dr Mahdi Mohammed Kheir
»kamalabas
»Nada Amin
»nour tawir
»saadeldin abdelrahman
»sari_alail
»Yasir Elsharif
»تولوس
»خدر
»خضر عطا المنان
»عبدالعزيز حسن على
»عبداللطيف خليل محمد على
»عبدالله
»عماد شمت
»فضيلي جماع
»معتز تروتسكى
»هاشم نوريت
هذه الصفحة يعاد تحديثها كل 120 ثانية.

خلاص وداك الماسوره نوريت ياناذر. . سورى السجن. .
معناها الدور ده على. .
لكن ياسارى الدور بجيك. .

العزيز جدا هشام مدني
يا خي والله تعبتني جنس تعب حتين لقيت مداخلتك
يعني كان في داعي تشنقا فوق كدة زي السفة
يعني هسي لو كان في واحد جا قبالي ماكنتا حا ألقاها ولا حاجة ..
بعدين بوست الكلاب داك إنتا بطنك طمت منو ولا شتو
في موقف ختيتو ليك هناك إنتا ولنا مهدي أها من ديك وتاني ما شفتكم
غايتو إتمنى حضورك الدائم بجمبع البوستات التي تخصني ..
عشان لمن أعمل حاجة تقول لي (أخخ) وأقوم أهرش
مع إنو الشاعر قال (من قومة الجهل ما بيخوفوك بي أخ)

تروتسكي العزيز ..

ياخي هشام نوريت دا انا ما بخاف منو لإنو زول صحبي .. لو جاني هنا بكتل
ليهو قلبو بي نكتتين تلاتة يقوم يرخي
بعدين كفاية إنك قاعد فوق لي ومغتيني زي الشمسية .. كدة أنا مطمن كويس

بالمناسية دي هاكم الموقف الغريب الحصل لي دا ...
هو موقف محرج بشكل ما عادي ..

واحد من أصحابي البعامين ديلك ربط لي حفلة في منطقة اركويت .. وبما إنو بعام مشهور جدا قلت أعمل حسابي وما أوافق ليهو إلا يديني العربون بتاع الحفلة كامل .. المهم ولدهشتي الشديدة البعامي دة جاب لي مش العربون بس !! جاب لي قروش الحفلة كاملة (خمسمائة ألف جنيه بالتمام والكمال) .. المهم يوم العرس البعام داك مرازيني من الساعة أربعة عصر (تقول تمرين كورة ما حفلة) .. لمن جات المواعيد جا بتاع الحافلة الكنت رابطو في البيت وطلعنا جمعنا بقية العازفين والبعامين .. فرقة موسيقية مصغرة عبارة عن أورغن وساكس وبتاع إيقاع ودنب .. المهم مشينا بإرشاد البعام داك لبيت العرس وما كان في أي سب وجيه يخلي الواحد يتشكك في أي نوع من المقالب خاصة وإنو العداد في جيبي بالكامل ..

أها لمن وصلنا بيت العرس وبدوا الجماعة يركبوا في العدة جا ليك واحد طاير من أهل العرس وقعد يكورك (ديل شنو ديل !! دي فرقة منو !!) الجماعة إتحيروا قالوا للراجل دي فرقة ناذر خليفة ..الراجل إندهش وقام كورك (ناذر منو يا زول !! أنا ربطت الأمين عبد الغفار وهو جاي يغني في الحفلة دي .. يلا لمو العدة دي بسرعة) !!!!

طبعا أنا إندهشت من الموقف .. قمت ناديت البعام داك وقلت ليهو (يا زول الراجل دا منو ؟! وإنتا قروش الحفلة الأداك ليها منو؟؟!) الغريبة إنو البعام طلع هو زاتو ما بيعرف الزول وقال إنو إستلم المبلغ من أخو العروس شخصيا !!! طيب أخو العروس دا وينو !!

البعام لفة وجا جاب أخو العروس الكان متحرج من الموقف (لاحظوا دا كلو والعازفين ديل فوق المسرح قدام خلق الله الكانوا متابعين النظرية) .. أخو العروس قال لينا (والله يا جماعة أنا أسف لكن الزول دا خالي وهو مصر إنو يجيب الأمين عبد الغفار يغني لإنو ما بيعترف بي زول غيرو.. وأنا لمن ربطتكم هو كان ربط الامين في نفس اليوم وما كلمني وانا ماكلمتو) ..

في اللحظة دي قمت أنا سألت الراجل (طيب لمن عرفتا ماكان تتصل بالتلفون تورينا الحاصل بدل ما نتبهدل كدة) !! الراجل قعد يتعذر والقصة شكلها جاطت ..

قام بعد شوية جانا الراجل المتشنج داك يكورك (إنتو لسة قاعدين !! ما تفضوا لينا المسرح دا يا شباب .. الأستاذ الأمين عبد الغفار قرب يصل !!) ..

طبعا في الحتة دي كبست ليك ألف وجيت غلى الراجل قلت ليهو (يا ابن العم مالك بتكورك كدة !! يا خي الناس ديل ما جوكم هنا فرضوا نفسهم عليكم .. أنحنا جايين بي إرتياط رسمي .. وبما انو في سوء تفاهم بيتحلا هسي .. لكن مافي داعي لي إسلوبك دا !! أنحنا ناس محترمين وجايين محترمين وأحسن نرجع محترمين برضو والفنان الكان حايغني دا ما جاي متضهب ساكت .. عندو وزنو وعلاقاتو وإرتباطاتو برضو) ...

عمنا داك حمر لي كدة (يمين انا شفتا عينو حمراااااااااا زي الجواها حنبوكة) قال لي هو وينو فنانكم دا كدي النشوفو بي عيني دي .. في اللحظة دي خفت أقول ليهو (أهندا انا ذاااتي) يقوم يسل ليهو سكين من ضراعو ويغرزا في بطني .. أخدت لي لفيتة كدة لقيت البعام داك واقف بيسمع في الكلام بكل براءة وفوق راسو في ملاكين صغيرين بيدوروا فوقوا (علامة البراءة البنشوفا في أفلام الكرتون ديك) قلت ليهو (يا هو دا الأستاذ ناذر خليفة) .. البعام إنخلع وقبل ما يتكلم الراجل فتح فيهو (هسي عليك الله دي خلقة فنان ولا خلقة سباك !! يازول ماترحم نفسك !! بلا ناذر بلا بطيخ !! أمش لم جماعتك ديل قبل ما نجدع ليكم العدة برة) ..

طبعا بعد داك أنا طلعت برا والجماعة لموا العدة في الحافلة ووريت أخو العروس بإنو القروش كلها وزعتها على العازفين وتاني مافي طريقة ترجع ..

طبعا صاحبنا البعامي داك زعلان مني في الحافلة والطريق كلو يطنطن .. كييييييف أنا أقول للراجل داك إنو هو ناذر خليفة !!! طبعا الجماعة ماخدين الموقف ضحك وأنا كنت عامل نفسي جادي مع إنو بي جوة يقرب أبكي من الضحك قلتا ليهو (أمال إتبهدل ليك أنا وإنت السبب في الإحراج دا كنت عايزني أعمل شنو يعني ) ... قال لي (طيب القروش وينا ؟؟) قلت ليهو ( شالا الراجل المتشنج داك دايرني أقول ليهو ما بديك ليها!!) ثم خطبت في ناس الحافلة (يا شباب أنا والله أسف للمنظر دا .. لكن عشان كدة أنا الليلة عازمكم عشى كارب في البوادي رأيكم شنو!! ) الجماعة ما صدقوا إنو في تعويض للمسألة وطوالي الحافلة دورت لي نمرة إتنين ونزلنا البوادي وأنا عامل فيها عازم فيهم ونزلت ليهم كمية من الجداد تكفي ليها قطيع بتاع ثعالب ودفعت الفاتورة قريب المية ألف جنيه .. وبعد داك كل واحد أديتو بيبسي موبايل في يدو وقلت ليهم (أها يا شباب كدة كيف !!! ) قالوا كلهم بصوت واحد (تماااااااااام يا أبو النيز) ... قلت ليهم خلاص يلا وصلوني بيتنا وبعد داك أفوتكم بعافية ..

طبعا وصلوني البيت وتاني يوم طوالي مشيت برج البركة غيرت موبايلي وإشتريت لي شريحة شحن أبو خمسين ألف وقميصين وفتيل ريحة BLUE وجيت راجع البيت

يعني الواحد يتبهدل ويتحرج بدون تمن ولا شنو

متى ينضج عقلك ?!

عثمان محمد صالح ...
ياخي والله إنتا راجل مسلي خلاص
جد يعني التنوع في البوستات مفيد وكويس إنك هنا بتسلي لي في
زوار البوست عشان ما يملوا وزاتو الواحد كدة يقزقز بيك شوية

مع إنو مكانك ماهنا ..
مكانك في بوستي التاني داك بتاع اللحوم

ناذر

سلامات ، يا اخى ده بوست ابو اللذة ،

Quote: طبعا وصلوني البيت وتاني يوم طوالي مشيت برج البركة غيرت موبايلي وإشتريت لي شريحة شحن أبو خمسين ألف وقميصين وفتيل ريحة BLUE وجيت راجع البيت

لكن يا اخوى انت الجماعة ديل مش برضو فى احتمال انهم بيكونا بيشفوا فى الكلام ده!!

شكلك حتنزل بوست تانى اسمو ( انعاكسات بوست ذكريات الحفلات في المناسبات : جلد بالسياط وزوغة بالعداد ومبيت في الحراسات ))


ده على وزن I Know What You Did Last Summer و الجزء التانى

I Still Know What You Did Last Summer

Quote: وقالت (هى حلالالالالالالالالاته البنيه وهاك قطعت ليك فينى بوسه طبعا فى خدى).

معتز

ناذر
انت كان طلعت من نوريت البطلعو سارى منو

Quote: المتواجدون الان بالمنبر العام 344 شخص » (19 )عضو و (325) زائرا »Adrob wad Elkhatib »Alia awadelkareem »Dr Mahdi Mohammed Kheir »kamalabas »Nada Amin »nour tawir »saadeldin abdelrahman »sari_alail »Yasir Elsharif »تولوس »خدر »خضر عطا المنان »عبدالعزيز حسن على »عبداللطيف خليل محمد على »عبدالله »عماد شمت »فضيلي جماع »معتز تروتسكى »هاشم نوريت هذه الصفحة يعاد تحديثها كل 120 ثانية.

Quote: متى ينضج عقلك ?!

سارى امامه بحر مــــالح حيوديهو المانيا زاتها

Quote: واحد من أصحابي البعامين ديلك

مانكون ديل نحن..لو خليتها فى البوست بتاع اللحوم داك العوافين بتلفق معاهو..



محمد الامين احمد
ابو حميد ليك زمن ما ظاهر كيفنك يازول لعلك بخير وعافيه ..
لكن زى ماقلت شكلو كده حيكون فى يها اجزاء ...
مارواء الغضبان
بس صاحبنا
متعوده دايما..



قلت لى ..

Quote: معتز وقالت (هى حلالالالالالالالالاته البنيه وهاك قطعت ليك فينى بوسه طبعا فى خدى).

الأخ محمد الأمين

Quote: لكن يا اخوى انت الجماعة ديل مش برضو فى احتمال انهم بيكونا بيشفوا فى الكلام ده!! شكلك حتنزل بوست تانى اسمو ( انعاكسات بوست ذكريات الحفلات في المناسبات : جلد بالسياط وزوغة بالعداد ومبيت في الحراسات ))

أول حاجة شرفت البوست ..
وأرجو أن تكون قررت تمديد اقامتك هنا زي ما بيقول الموهوم داك

والله هم الجماعة عارفين النظرية ..الوسط الفني دا ما في شي بيخفى عليهو .. بعدين بيني وبينك
كلهم خلسوها مني أكتر من الدبل يعني بكل بساطة أي واحد فيهم اتصل بي بعد داك وقال عايزني لي حفل مجاملة وأنا مشيت ليهو ومطمن جدا إنو في عداد إنقبض لكن الواحد بيعمل نايم .. صدقني برغم مقالب الوط الفني دا إلا إنو حايفضل ألذ وسط من ناحية المعاملة ...

بعدين ياخي مش كتر خيري أكلتهم جداد بدل الكوارع الكانوا ماشين ليهافي النادي الأهلي

ود الجيران تروتسكي

Quote: مانكون ديل نحن..لو خليتها فى البوست بتاع اللحوم داك العوافين بتلفق معاهو..

ديل ما إنتو أنا خاتيك لي بعامة القعدات والمنتديات
الحفلات دي أنا خايتا وختيتا بي الله واحد

حا ألف وأرجع
شيلوا الصبر ...

العزيز ناذر

والله تقول شنو قدر ما اجي البوست ده أكب الزوقة لكن شكلها كده بتتفك وبجي وبنداح
بس قبلي مانجي طلع لينا الجنس الناعم خليهن يقيفوا بعيد شوية من البوست وما يتفرجوا ذاتو ..

يلا لمن نجي

الأنتحار ....أصعب قرار فى حياة الأنسان

الأخ عثمان ...

Quote: والله تقول شنو قدر ما اجي البوست ده أكب الزوقة لكن شكلها كده بتتفك وبجي وبنداح بس قبلي مانجي طلع لينا الجنس الناعم خليهن يقيفوا بعيد شوية من البوست وما يتفرجوا ذاتو ..

يا راجل إنتا بوستي دا بيعضي ولا شنو !!
دي المرة التانية تقول الكلام دا !!!!!

دا بوست كان المفروض أسميهو (إعترافات مطرب فاشل) نسبة للفضائح الفيهو
ما تقعد تحوم حول البوست كدة أنا متأكد عندك الكتير لتضيفو ...
ما تخاف مكانتك محفوظة والعوجة ما بتجيك تب

ود الجيران تروتسكي :

أنا متابع لذلك اللنك منذ البداية وبإستمتاع شديد جدا ...
ثق انني سأتتدخل وأشارك في الوقت المناسب ..

Quote: المتواجدون الان بالمنبر العام 341 شخص » (27 )عضو و (314) زائرا »alfazia3 »almaskoon »Alsadig Alraady »banadieha »Elmoiz Abunura »Elnasri Amin »merfi »Mohamed Suleiman »Muna Khugali »Murtada Gafar »Napta king »nazar hussien »Osman M Salih »Rashid Elhag »Ridhaa »WadAker »willeim andrea »بدري الياس »بلدى يا حبوب »خضر عطا المنان »سجيمان »عادل فضل المولى »محسن خالد »محمد صلاح »محى الدين ابكر سليمان »معتز تروتسكى »ناذر محمد الخليفة هذه الصفحة يعاد تحديثها كل 120 ثانية.

ود الجيران ناذر :
ود الجيران شكلها حلو

Quote: أنا متابع لذلك اللنك منذ البداية وبإستمتاع شديد جدا ... ثق انني سأتتدخل وأشارك في الوقت المناسب ..

خلاص نويت تنتحر
ياحليلك نذورى
صدقنى حاتذكر كتير
بس ماتنسى توصى لى بالموبايل والاقمصه والفنايل والاشياء الاثريه

بتفوت ولا حتى تودع ساى..

تروتسكس يا حبيب

لا والله ما نويت الانتحار بس معجب بي إسلوب الحوار الذي يدور هناك ...

كدي هاك الموقف دا ...

الفنان حسين شندي ذهب إلى إحدى المناسيات لإحياء حفل عرس .. وطبعا بين الفاصلين بيتجمع الفنانين والعازفين في إحدى غرف الدار للعشاء والراحة إستعدادا للفاصل الثاني ....

ذهب حسين وبقية العازفين لإحدى الغرف ولكن طال انتظارهم لحضور العشاء مع إستعجال صاحب المناسبة لهم لمواصلة الفاصل .. والجماعى كانوا جعانين و(قارصة معاهم) ...

في النهاية لمن إتأكدوا إنوا موضوع العشاء مطرشق .. جاء صاحب المناسبة وقال للجماعة (يا اخوانا خير الحاصل شنوا ؟!! مالكم ما طلعتو المسرح لحدي هسي ؟!) ....

قام حسين إتغاظ من الراجل لإنهم في الوكت داك قزازة حاجة باردة ساكت ما شربوها : قام قال للراجل (لو سمحت يا عم في دكان قريب بي هنا ؟؟!!) الراجل إستغرب وقال ليهو أأي في لكن داير منو شنو ؟! حسين شندي رد عليهو بي زعل ( لأنو انا أكل الحفلات دا ما بينفع معاي عشان عندي مرارة وقرحة وماشي اجيب لي طحنية إتعشى بيها)

UP !!!!!!!!!!!!!!!!!!!!!

أديبنا عثمان محمد صالح !!!!!

إضطررت لرفع هذا البوست وحدي .. لماذا تقاعست عن فعل ذلك !!

UP

من أطرف ما مررت به من مواقف أنني في إحدى الأيامات كنت متفقا مع احد اصدقائي على إحياء جلسة إستماع بالعود (جلسة في شكل قعدة) ولما ذهبت لمكان الجلسة حاملا العود خاصتي وجدت الجميع قد اكملوا تجهيزاتهم للجلسة .... وفي أثناء محاولتي دوزنة اوتار العود ... سمع الجميع صوتا مدويا وكان هذا الصوت في أذني مباشرة وعندما خرجت من ذهولي وخلعتي وجدت ان الكوبري الذي تربط عليه اوتار العود قد قفز من مكانه فجاة مما تسبب في إصدار هذا الصوت ....

وهنا اعتذرت للجميع عن أنني لن اتمكن من الغناء لهم هذه الليلة لأن العود قد تعطل تماما .. ولما لم يكن هنالك عود بديل فقد جاء بعضهم يإقتراحات من شاكلة (يا أستاذ ما مشكلة أنا أجر ليك الخشبة المربوطة فيها الأوتار بي هنا وإنت اعزف وغني بي هناك!!) قلت ليهم (كيف يعني !! العود دا ما داير ليهو شدة ووزنة معينة وما ممكن تجي بالطريقة دي!!) واحد نطة قال لي (خلاص ما مشكلة نحن نثبت خشية الأوتار دي في كراع السرير وانتا حاول حافظ على الشدة بي هناك وأعزف!!) (طبعا الجماعة كانوا معزورين وفي عالم تاني الوكت داك ) قلت ليهم (يا بشرية هوي ... عليكم الله ما تنظروا عندكم عود تاني جيبوهو ولو ما عندكم خلوني أمشي والمرة الجاية بعوضكم) ...

طبعا الجماعة إتحيروا لإنهم تعبوا جدا في ترتيبات الجلسة وقاموا اصروا انوا لازم اغني ساي بدون عود ... قلت ليهم والله ما بقدر إلا بمصاحبة الة موسيقبة ..

واحد منهم نطة وقال إنو عندو الة موسيقية وقام طلع برة عشان يجيبا .. أنا إتحيرت قلت الراجل دا ماشي يجيب بيانو ولا جيتار ولا ياتو مصيبة داير يحرجني بيها !!!! بعد شوية الزول جا داخل شايل معاهو دلوكة (بتاعت سد المال ديك المرسوم فيها مبخر ويد محننة) .. صاحبنا طوالي ختا ألتو الموسيقية دي في يديني وقال لي (حرم ما تقول حاجة .. أرح ابدأ الغناء!!!) ... قلت ليهو يا زول هسي دي ياها التك الموسيقية ؟؟!!) ..

الجماعة طوالي شيكوني ليك أها ما عندك تاني طريقة ارح البدا غني ... طبعا (أسقط في يدي) زي ما بيقولو المثقفاتية وفي النهاية وسط التحانيس إضطريت أغني بالدلوكة والجماعة اخر إنبساط وانا جد متحير من الوضع !!!!!

الظريفة انو الشغلة بعد شويتين سبكت معاي وقلت يا أبو النيز كدي إتأقلم مع جو الدلوكة دا .. وقلبت ليك مية كم وستين درجة وقلتا يالغنا الهابط جاك بلا ... وفي اليوم داك مافي غنية لي حنان بلوبلو أو عشة اركويت او علوية تيكو أو فايزة بمبر ما غنيتا والجماعة منداحين مع جلسة الإستماع الإتقلبت (تعليمة دي ) ....

ويا ريت الموضوع لو إنتها على كدة بالنسبة لي فنان محترم زيي المصيبة إنو في ناس من الحاضرين نسوا نفسهم وين وبقوا يجوا يبشروا ويلصقوا فيني (النقطة) وغايتو داك كان يوم بهدلة إصلوا ما انساهو وما إتخارجتا الا بعد تعب وتحانيس ..

بالمناسبة ,وإتساقا مع جو المنبر هذه الايام أقول انني في ذاك اليوم غنيت (قالوا القليب حرق .. حرقوهو بالنار حرق .. يا ناس ود الغرب)

Quote: جلسة استماع بالدلوكة ....

ود الجيران نذورى لكن مابسالك
هاهاهااهااهاهااهاهاهاهااهاهاها
ياحليل ايامك (هانت الزلابيه)
تعرف بينى بينك نسبة للظروف الاقتصاديه القاحله للضروره احكام. .
الغناء البى الدلوكه ده كان جايب حقو فيهو نقاطات كويس ناذر؟ عشان ننزل السوق طوالى نعمل ثنائى النغم. .

تعرف فكرته انزل ليك قسمه بالدلوكه لكن قلت النتريث
وقدر ماحولت انزل شى بقيت محتار عموما حارسل ليك ايميل فيهو خيارات ادينى رايك اوكى..
لكن عاد
زى ماقلت حبوبه
استغفرتك يامالك روحى..


يلا راجع ايميلك..

الحبيب تروتسكي ....

عشان تعرف الشغلة كانت فارغة كيف فعلا جلسة الإستماع كانت بالدلوكة ..
تخبل زول بيغني أغاني مصطفى سيد أحمد وسيف الجامعة بي دلوكة داك غايتو
كلن يوم غريب خلاص وأنا زاتي حمدت الله إنهم ماطلبوا مني حاجة تانية

طبعا الحاجة الماذكرتها في القصة الفوق &إنو في نهاية (رقيص العروس داك) إكتشفت إنو في واحد من الخبثاء إستغل الجو العام بتاع الجلسة وقام سجل بالكاسيت كم أغنية كدة من النوع الهابط هبوط إضطراري طبعا أنا صصلجت ليهو عصلجة شديدة خلاص وقربت إتضارب معاهو وفي النهاية قلعت منو الشريط وكسرتو

الراجل كان داير يضيع مستقبلي الفني والإجتماعي

الإيميل أصبر لي شوية من جبيل مدور زي الدربكين ولحدي هسي ما لقى العنوان .. لمن يلقاهو برد ليك طوالي ..

تسلم يا تروتسكي يا راقي ..

بالمناسبة نزار باشري وعدنا إنو يجي ومعاهو مواقف المرحوم أحمد عمر الرباطابي !!!!

ماقال بجي مالو ما جا !!

نعود لنرفه عن نفسنا قليلا بعيدا عن الهوية والنضال ولحوم الكلاب ..

فوق

قبل عقد من الزمان وتحديدا فى منتصف التسعينات تغنت الفنانة جواهر يا مغرور ما دى الحقيقة رغم انك ما بتطيقة وقد لاقى شريطها رواجا كبيرا وقبولا حسنا فى نفوس الكثيرين آنذاك ومع ذلك فلم يرضى غرورها هذا الشى اذ ان الساحة اعتمرت بالاصوات النسائية واصبحت المنافسة قوية جدا ولم تصبر طويلا ربما للقيود التى وضعها النظام على الفن فى تلك الفترة وربما انها سعت لاتساع دائرة الشهرة اكثر ولقد نصحها البعض بالرحيل صوب الجارة مصر فشدت الرحال شان الكثيرين من الفنانين العرب امثال مجد القاسم ولطيفة العرفاوى والراحلة ذكرى محمد وسميرة سعيد وو والقائمة تطول ولم يمضى زمانا طويلا على وجودها هناك حتى تسنى لها ان تمتطى موجة الغناء الهابط اذ ان مسيرة الفن تتدنى يوم عن اخر فى مصر بشهاده كبار النقاد الفنيين وان الاصوات الاصيلة قد اختفت عن الساحة تماما وافسح المجال لكل من هب ود وحمل لقب مطرب حتى وان كان يجيد الرقص دون الغناء لان الناظر للساحة اليوم يرى ان معظم المنتجين يهتمون بالرقص واشكالة اكثر من فحوى الاغنية ومضامينها
رحبت مصر بجواهر كثيرا ان لم تكن تلقفتها بين زراعيها حتى غدت فى غضون اشهر قليلة من نجوم الفن والطرب فى مصر بل فى الوطن العربى وهى تشدو بالاغانى الهابطة يوما تلو اخر اغانى الساندوتشات ذات الايقاع السريع والتى تفتغر للاصالة وتتمركز حول الحركات الانفعالية الهيستيرية تسودها الموسيقى الصاخبة وتصاحبها كلمات سطحية لا ترتقى لمستوى الذوق العام ومع ذلك اشتهرت جواهر كثيرا وبدات اشمئز من سماعها وهى تشدو انا بحب حماده ومش عارف اية ربما لانها امور تبدو علينا غريبة ولم نعتادها فى بلادنا ومع ذلك تواصلت مسيرة جواهر اسوة بمن سبقوها فى هذا النوع من الغناء امثال حكيم وشعبان عبد الرحيم والقائمة تطول ايضا هذة المرة وعادت لنا ذات يوم فى رحاب الخرطوم لتمضية عطلة العيد بين اسرتها واهلها وسعى التلفزيون القومى جادا لاستضافتها لكنة اشترط عليها ارتداء الثوب ففعلت لا اكذبكم اذ اذداد اشمئزازى اكثر
الى ان لعبت الصدفة دورها حيث التقت بمصطفى كامل الشاب الرائع والذى اشتهر بكلماتة الجميلة والحانة الرائعة حيث اعجب بصوتها كثيرا وكتب لها مجموعه من الاغانى اسهمت كثيرا فى اخراجها من تلك الدائرة التى حصرت نفسها فيها طيلة الاعوام الماضية وتغنت برائعة مصطفى كامل يا امى , لا اعرف لكن بعد سماعى لهذة الاغنية مصادفة وجدت نفسى اغفر لجواهر ولا اكذبكم القول اذ حملتنى اقدامى لاحصل على كاسيتها واستمع لهة الاغنية والتى تثير الشجون بصورة غريبة
ختاما لا اجد شيئا اقوله غير ان اهديكم هذة الاغنية آملا ان تستمعوا لها فهى قمة فى الروعة
يا أمى
الله على دعوتك يمة
ادعى لى
عمال اشد واقول حمل السنين المر
وصابرة على ويلى
قابلت ناس بياعة وقابلت ناس خداعة
فرحت يوم واتنين
وبكيت عيونى سنين
ودمعى روى ليلى
ودعوتك يمة بتهون جراحى
ودعوتك يا امى بت

قبل عقد من الزمان وتحديدا فى منتصف التسعينات تغنت الفنانة جواهر يا مغرور ما دى الحقيقة رغم انك ما بتطيقة وقد لاقى شريطها رواجا كبيرا وقبولا حسنا فى نفوس الكثيرين آنذاك ومع ذلك فلم يرضى غرورها هذا الشى اذ ان الساحة اعتمرت بالاصوات النسائية واصبحت المنافسة قوية جدا ولم تصبر طويلا ربما للقيود التى وضعها النظام على الفن فى تلك الفترة وربما انها سعت لاتساع دائرة الشهرة اكثر ولقد نصحها البعض بالرحيل صوب الجارة مصر فشدت الرحال شان الكثيرين من الفنانين العرب امثال مجد القاسم ولطيفة العرفاوى والراحلة ذكرى محمد وسميرة سعيد وو والقائمة تطول ولم يمضى زمانا طويلا على وجودها هناك حتى تسنى لها ان تمتطى موجة الغناء الهابط اذ ان مسيرة الفن تتدنى يوم عن اخر فى مصر بشهاده كبار النقاد الفنيين وان الاصوات الاصيلة قد اختفت عن الساحة تماما وافسح المجال لكل من هب ود وحمل لقب مطرب حتى وان كان يجيد الرقص دون الغناء لان الناظر للساحة اليوم يرى ان معظم المنتجين يهتمون بالرقص واشكالة اكثر من فحوى الاغنية ومضامينها
رحبت مصر بجواهر كثيرا ان لم تكن تلقفتها بين زراعيها حتى غدت فى غضون اشهر قليلة من نجوم الفن والطرب فى مصر بل فى الوطن العربى وهى تشدو بالاغانى الهابطة يوما تلو اخر اغانى الساندوتشات ذات الايقاع السريع والتى تفتغر للاصالة وتتمركز حول الحركات الانفعالية الهيستيرية تسودها الموسيقى الصاخبة وتصاحبها كلمات سطحية لا ترتقى لمستوى الذوق العام ومع ذلك اشتهرت جواهر كثيرا وبدات اشمئز من سماعها وهى تشدو انا بحب حماده ومش عارف اية ربما لانها امور تبدو علينا غريبة ولم نعتادها فى بلادنا ومع ذلك تواصلت مسيرة جواهر اسوة بمن سبقوها فى هذا النوع من الغناء امثال حكيم وشعبان عبد الرحيم والقائمة تطول ايضا هذة المرة وعادت لنا ذات يوم فى رحاب الخرطوم لتمضية عطلة العيد بين اسرتها واهلها وسعى التلفزيون القومى جادا لاستضافتها لكنة اشترط عليها ارتداء الثوب ففعلت لا اكذبكم اذ اذداد اشمئزازى اكثر
الى ان لعبت الصدفة دورها حيث التقت بمصطفى كامل الشاب الرائع والذى اشتهر بكلماتة الجميلة والحانة الرائعة حيث اعجب بصوتها كثيرا وكتب لها مجموعه من الاغانى اسهمت كثيرا فى اخراجها من تلك الدائرة التى حصرت نفسها فيها طيلة الاعوام الماضية وتغنت برائعة مصطفى كامل يا امى , لا اعرف لكن بعد سماعى لهذة الاغنية مصادفة وجدت نفسى اغفر لجواهر ولا اكذبكم القول اذ حملتنى اقدامى لاحصل على كاسيتها واستمع لهة الاغنية والتى تثير الشجون بصورة غريبة
ختاما لا اجد شيئا اقوله غير ان اهديكم هذة الاغنية آملا ان تستمعوا لها فهى قمة فى الروعة
يا أمى
الله على دعوتك يمة
ادعى لى
عمال اشد واقول حمل السنين المر
وصابرة على ويلى
قابلت ناس بياعة وقابلت ناس خداعة
فرحت يوم واتنين
وبكيت عيونى سنين
ودمعى روى ليلى
ودعوتك يمة بتهون جراحى
ودعوتك يا امى بتنور صباحى
يا كل الصحاب واللمة
يا اعز الحبايب يمة
ادعى لى
ارضى ربنا ودينى
تملى ضميرى يرضينى
اربى الحق فى اولادى
وافوض امرى للهادى
واحن تملى ليلادى
للحوارى والبيوت
وشجر البلح والتوت
الله على دعوتك يمة
ادعى لى
انا والحنين بنشد
وجرح السنين بيهد
فى املى واحلامى
طرح العذاب على قيدو
والقلب شاب على ايدو
يومين يا عين افراح
وسنين الام وجراح
وصابرة على ايامى
بدعوتك يمة
الدنيا وما فيها
انا عايشة عليها
يا كل الصحاب واللمة
يا اعز الحبايب يمة
الم الجرح واتعافى
وتفضل نفسى شفافة
لا عمرى يا امى اتلون
ولما الامى تتكون
اقول يا ربى يا مهون
قوى ايمانى بالصلاة
ب لا الة الا الله
ب محمد رسول الله

الرائع نزار ..

شكرا للمعلومة القيمة حول المغنية جواهر ...
فقط أطلب منك إنزال الأغنية هنا حاى يستمع الجميع ويستمتع بها ..

لك الشكر والتجلة ..

الغالي جدا
ناذر الخليفه
مساء الخير
ليس في وسعي إنزال هذه الاغنية الان ولكنى ساحاول لاحقا
بالنسبه لمواقف الراحل المقيم أحمد عمر الرباطابي ما زلت عندي وعدي وسأتيكم بها قريبا مع العلم بأنى أوثق له مستشهدا ببعض أغنياته الشجيه في بوست آخر تلبية لرغبه صديق عزيز
لك تحياتي واحترامى

العزيز نزار ...

تسلم يا جميل وأنا في إنتظارك ..

حتى أعود ...

جئت لأحكي لكم قصة هذه الصورة الغريبة والتي حدثت في الهند ...



حدثت هذه القصة عندما كنت في الهند وكنت رئيسا لإتحاد الطلبة السودانيين هناك .. وفي إحدى السنوات جاءت مناسبة ذكرى الإحتفال بأعياد الإستقلال .. وكان هنالك احد الطلاب الفنانين وهو الصديق أكرم عمر والذي إشتهر بغناءه لحمد الريح .. وقد تعود الطلاب ان يغني أكرم ذاك في المناسبات الوطنية أغنية الساقية الشهيرة ...

ولكن لسوء الحظ فقد تصادفت تلك المناسبة مع غياب عازف الاورغ الوحيد بالمدينة وهنا إضطررنا لأن نعمل بروفات للأغنية فقط بألة العود والإيقاع لأن الجميع كان مصرا على هذه الأغنية ...

وقبل الحفل بيوم واحد وقعت مع أكرم بروفة الساقية كاملة (خلاص يا عثمان النو ) وتفارقنا كل لمنزله حوالي الثانية صباحا .. ..

ولكن حدث ما لا تحمد عقباه إذ أن أكرم ومن معه إشتبكوا في الطريق مع بعضا من الهنود وحدث شجار عنيف كان من نتائجه أن تحطم العود تماما وصار لا يصلح (ولا حتى لعواسة الحلو مر ) ... مع العلم انه كان في تلك اللحظة هو العود الوحيد في المدينة..

وقد فوجئت بذلك صباحا مع ميعاد الحفل وتحيرنا في العمل !!!!..

وهنا لم يكن هناك بد من أن أتحول من عازف عود لعازف دنب .. مع تعويض صوت الموسيقى المعقد لأغنية الساقية من صوتا موسيقيا بألة لصوت بشري .. فكان أن إستلمت الدنب ووضعت مايك جوار فمي (كما تلاحظون في الصورة ) وبدات فورا في محاكاة موسيقى الساقية بفمي فقط مع تواصل عزفي على الدنب في نفس الوقت .. وكانت تلك عملية في غاية الصعوبة لأن السلم الموسيقي الذي يغني عليه اكرم عمر هو مي بيمول ميجر وهو سلم حاد إضطررت في تلك الليلة لإصداره بحنجرتي على مدى دقائق الأغنية الطويلة والتي تكاد تبلغ الساعة إلا ربعا ..

طبعا أصبت بألم شديد في الحنجرة في اليوم التالي من جراء ذلك إستمر معي عدة ايام إلا انني كنت سعيدا لان الإداء خرج جميلا مع أنه لم يكن بالصورة المطلوبة ..

وهذه صورة أخرى ...

تسجيل حضور

مرحب بيك يا ولي ...
وحفلتنا مستمرة

ناذر..
بالله هو دا انت والله قايلك دا ما انت ..
مش غريبة

ناذر
وليد
سلامات وعوافى
طولنا ماجيناكم
كدى فوق لمن نتعشى مع الفنانين ونجى الفاصل التانى. .

يا وليد إنتا قايلني قدرك ولا شنو
ياخي أنا لسة ولد سغمبتووووتي كدة


يا تروتسكي ..
الحفلة دي كانت في الهند يعني عشا الفنانين بيكون مدنكل ..
بعدين بيكون قبليهو وبعديهو وفي أثناءه ملحقات ومشهيات ومقبلات ..

في واحد إسمو سيف الدين حسن معانا هنا ...

حاشر ليهون مداخلة في حتة !!! قدر ما كستليها ما لقيتا

يا زول حيرتنا أعمل لينا مس كول ولا حاجة عشان نعرف الحتة

كنت أتحادث مع بعض الاصدقاء في الماسينجر امس وجاء ذكر لفنانة إسمها مريم عضلات !!! (أي والله) إشتهرت في أوساط الطبقات الوسيطة هنا بأدائها لأغنيات الصبحيات وحنة العروس وسد المال مع تعليم العروس الرقص قبل ميعاد الزفاف ..

مريم عضلات فنانة ذات صوت غريب إختلف الناس حوله من ناحية الجودة والرداءة ولكن ما يحبب الناس إليها انها ظريفة جدا ولا تتمسك كثيرا باجرها الذي تتفق عليه إذ انها مستعدة للتنازل حتى عن نصفه مقابل أن تحظى بونسة وجبنة مع أصحاب المناسبة ..

أهم ما يميز مريم عضلات انها جميلة جدا وبها دلال واضح وتلبس أفخر الثياب وتتحلى لالكثير من الذهب في جيدها ونحرها .. وربما جمالها هذا هو ما يدفع بعض الشباب (وربما بعض أعمامنا الشباب روحا) إلى التودد إليها ومغازلتها احيانا لبعض شئ في نفوسهم ..

طبعا هنالك ظاهرة جديدة في أوساط المغنيات هذه الايام إذ نجد أنهن جميعا قد إتخذن لهن حراسا شخصيين (BODY GARDS) لحمايتهن من معاكسات ىالشباب خلال إدائهن للوصلات الغنائية وغالبا ما يكون هؤلاء الحراس إثنين ومن إحدى مراكز الشباب التي تشتهر برفع الأثقال والحقيقة ان لهن كل الحق في ذلك إذ ان المعاكسة للفنانات أصبحت صفة ملازمة لهن أثناء الوصلات ..

مريم عضلات لم تكن من هذا النوع من الفنانات كانت تذهب للمناسبات لوحدها وتخرج منها وفي اثنائها دون ان تكترث للشباب الصائع الذي يغازلها او (رجال النسوان) الذين يتوددون إليها ..

ويبدو ان بعض الشباب ممن يتابعون مريم عضلات تلك قد إستهونوها جدا وأرادوا إستغلال طيبتها الزائدة وإستغلال عدم وجود أحد الدنجوانات مرافقا لها ... فكان في احدى المناسبات أن تعرض لها هؤلاء الشباب بالمشاغلات والالفاظ البذسئة في أثناء إدائها لوصلتها الغنائية وهي لا تلتفت لهم ولكنها اضمرت في نفسها شيئا !!!!

بعد ان انتهت الوصلة تظاهرت مريم بالوقوف لإصلاح ثوبها وإستعدال ذهبها الذي يثقلها .. ولكنها في الواقع كانت تتجرد من كل ذلك دون ان يلاحظ الحاضرون ذلك ..

وفجاة قفذت من مكانها بكل رشاقة رغم جسمها الممتلئ نسبيا ووصلت لمكان هؤلاء الشباب في لحظة وإستطاعت الغمساك بأربعة منهم دفعة واحدة وجذبتهم عنوة لوسط الساحة وسط صراخ الحاضرين وذهول الشباب .. وبدات في ضرب الشباب بكل انواع الضربات المعروفة (لكمات + شلاليت + صفعات+ معيط شعر +كربون + ضرب في مناطق تحت الحزام) .. كل ذلك والحاضرين يحاولون تخليص الشباب الاربعة منها دون جدوى .. تنتهي من هذا لتمسك ذاك تصفع هذا لتدلدم ذاك (تدلدم كناية لي أب دلدوم) .. وإستمرت هذه المعركة من طرف واحد لفترة وإنتهت على ان تناثر الاربعة في الحلبة ولم تتركهم إلا بعد قالت لهم (قولو الروب) فقالوا لها (الروب) وبعدها تركتهم في ذلتهم ولبست توبها ودهبها وإستعدلت من مكياجها وواصلت في وصلتها وكان شيئا لم يكن ...

ومنذ تلك الحادثة التي ذاع صيتها لدي معجبي ومعجبات مريم إشتهرت بذلك اللقب (عضلات) وصار الجميع يخشوها ويتجنبونها .. وهي حتى اليوم تصر على عدم اتخاذ أي حراس لها رغم انها احيانا تغني في المناطق الطرفية النائية والمشهورة بإنفلاتاتها الامنية ولكن حتى الان لم نسمع ان احد إستطاع النيل منها بأي شئ مما في باله ...

كانت هذه سادتي الفنانة مريم عضلات !!

........

سأعود لأحكي قصة أول حفل غنييت فيه بعد غيابي الطويل عن السودان عندما صاح الجمهور قبل نهاية موعد الحفل بقليل (القرد .... القرد) !! وانا اتلفت في حيرة أبحث عن هذا القرد ولا اجده ..!!!!!

سأعود ...

الي ان تعود يا ناذر

البوست بتاعك منقة بس ،

شايفك سالت عن دلاليك الدناقلة ؟

يا زول زمان كان عندنا دلاليك مكربة جدا بقيادة عدد من الفنانات ناس كلتوم و خادم الله و حواية و حاليا بتول و مريم ( الاسماء هنا للتوثيق طبعا )

اها يوم في دلوكة كاربة جدا بي ( كلتومة ) و هو اسم الدلع لكلتوم رحمها الله ،
غنا و وصف لي الطيش و الاغاني بتاعة " يا ود جوده بلالي سفرية عودة بلالي " و " او بتان توكن بلمي قاشو كجي كرو اركي بلمي " ، و دي اكتر الاغاني المثيرة للحماس و المستفزة لقلع السوط - بالمناسبة دي ياها القعد تسمعوها في بواري باصات دنقلا زاتا - و ما كضبو الشباب بدوا ليك طوالي في قلع السوط ، معط جد طاج صراج ، خبت لما تفهم حاجة ، طبعا الخبت دا كلو معروف عشان خاطر عيون الكواكب و الزغاريد و كدا .

يا زول صادف الدلوكة دي حاضرا واحد من اولاد الخرطوم ، قاشر قشره صاح بنطلون و قميص و ريحة و حمام ، بس ما جاهو عكاز زي عمر الفاروق ،،،، العكس الزول خاشي الدايرة ومارق علي راحتو مرة يعرض و مرة يبشر ، و الجكس كلو مركز ليك معاهو ، عمار نزل ، عمار عرض ، عمار بشّر ، همسات الجكس كلها في الاتجاه دا .

و صحبانك ديك لسع الخبت واقع فيهم و لا حياه للجكس مافي اي تجاوب مع بتاعين السوط لما كلهم طلعو من الصف واحد ورا التاني ، اها فضل اخر واحد فيهم لمن تعب من كترة الجلد قام لملم جراحو زي ما قالو و اتجهة ناحية كوم الجكس بي دمو و سروالو الكلو موية دميرة داك ( بنيييييييي ) و دنقر شال ليهو كوم تراب ماكن و كشحو ليك في وش الكواكب : ( انتو ما شايفين الخبت الواقع فينا دا من الصباح لمن ضهرنا انسلخ ينعل ...... ) صاحبك فقد المنطق زاتو و انفعل في الجكس انفعال وا طبيعي .

طبعا الحفلة او الدلوكة ما كان محتاجة لي اكتر من كدا عشان تتفرتك ، و بعداك الخبت الجد وقع بالعكاكيز ، و عينك ما تشوف النور ، لانو الدولكة اساسا كانت بالرتاين .

الاخ حمد ...


تسلم على المرور والمشاركة بذلك الموقف ....
يا خي أنا والله كل ما اسمع شي عن جلد السيطان دا ضهري كلو يقعد ينتح
انا ما عارف الناس دي بتستحمل الجلد الخيالي دى كيف ؟؟؟!!
بعدين الشي الملاحظ غنو اي حفلة فيها جلد سيطان بتنتهي بي مشكلة وفرتيك ليها !!
تعرف انا إتخايلي الناس البينجلدو ديل بيكونوا مغبيين في اثناء الجلد .. يعني زيعم وزي السكارى واحد ودا الشي البيرفع من حساسيتهم تجاه اي مشاغلة أو حقارة وأعتقد انو دا السبب الاساسي البيخلي الجلد ينتهي بي خبيت عكاكيز
بعدين ياخي في ناس كدة يجلدوهم بالسوط وهم ثابتين وبيبشروا ..!!! لكن مجرد ما يدوا الواحد عكاز فوق راسو يقعد يتجرس ويدوخ
دي بتذكرني بي نكتة الفكي أبكر لمن جا حرامي في الحلة في عز السقط وقام لبس ليهو كمية من الحجبات ضد الخبت والرصاص والسكين .. ولمن جا محل الحرامي ..الحرامي كشحو ليك بي موية باردة وقام جاري .. وابكر وقع يفرفر في ا##########

والله ابكر دا قالوا ماقدر يتنفس لمن جابو ليهو بخاخة بتاعت أزمة
قالوا ليهو : يا ابكر الحجبات الشايلا دي كلها والحرامي يزوغ منك ؟؟!!

قال ليهم : الله واهد نسيت هجاب بتاا موية باردة
أها يا حمد أهلك ديل السوط ما بيمشي فيهم والعكاز بيمشي ..
يكزنوا ما جابو هجاب بتاا أوكاز !!:

سأعود ...

جئت للسودان بعد غياب طويل .. وبعد أن قضيت يومين أو ثلاثة فقط في الخرطوم أتاني أخي الأكبر وطلب مني أن أغني في حفل زواج أحد أصدقائه فأخبرته أنني لست مهيئا ولم أجس بعد الساحة الفنية والأغاني الدائرة ونوعيتها والأغاني التي يتقبلها الناس في الحفلات .. إلا أنه لم يترك لي أي فرصة للرفض فذكر لي أن هنالك عازف أورغ جيد سيكون بمصاحبتي وعلي ألا أقلق من هذا الجانب .. فطلبت مقابلته للبروفة إلا أن أخي أخبرني أن ذلك متعذرا نسبة لإرتباطات العازف الكثيرة ‍‍‍‍‍‍!!!!!

المهم توكلت على الحي الذي لا يموت وسط إصرار أخي وذهبت معه للحفل في الموعد المحدد وهناك قابلت عازف الأورغ ذاك وهو شاب صغير جدا .. فتشككت في إمكانية ان أتجانس معه من أول وهلة .. وفعلا لم يخيب حدسي إذ كنت أسأله هل تعرف الأغنية الفلانية ؟؟ فيجيب بالنفي وسألته أكثر من خمسة او ستة أغنيات من الأغاني المخضرمة والخالدة لعظماء فنانينا وهو ينظر إلي مندهشا !! وكأني أطلب منه أن يعزف لي موسيقا صينية !! وعندما مللت منه سألته : يا خينا كدي إنتا قول لي بتعزف شنو ولي منو ..!!

فطفق يسألني : حافظ حنانة ؟! فأجبت بالنفي .. قال لي : طيب الجلابية كيف .. قلت ليهو ياتا دي وبتاعت منو ؟؟!! فنظر غلي نظرة مشفقة وسألني : طيب البنسلين حافظ منها حاجة ..؟؟!!

فنظرت إليه مندهشا وكأنه يطلب مني أن أغني له أغاني هندية .. وسألته .. إنتا يا أبو الشباب دي ياها الأغاني الحايمة في السوق هنا ؟؟!! قال لي :: أيي إنتا وين يا زول !!

غايتو بعد تعب كدة لقيتو بيعرف يعزف ليهو كم غنية كدة بتاعت حقيبة .. عزفها معي وهو غير راض وأظنه ينقرط في جهره ويقول .. دا شنو الموهوم الجايينا دا !!

المهم قريب نهاية الحفلة سامع بتاعين الساوند والبعامين المعاهو بيكوركو لي .. القرد يا أستاذ .. الحكومة حا تكبس بعد شوية !!

قايلم بيشاغلو ساكت .. لكن بعد شوية الجماهير ذاتا قعدت تكورك يا أستاذ القرد !!

إتلفت جاي وجاي وأنا متحير !! ما شايف أي قرد وما عارف الناس ديل قاصدين شنو !! بعد شوية لمن تنشنت قبلت على بتاع الساوند وسألتو .. القرد دا وين ؟؟!! بتاع الساوند قرب يموت من الضحك وقبل على بتاع الأورغن وقال ليهو وري الأستاذ دا القرد ؟؟!!

بعد شوية حصلت ليك جوطة والأورغن بقى عامل زي المسجل البايظ . كوراك وأصوات بتاعت كراتية وناس جواهو بتتكلم بالإنقليزي والرقيص بتاع الجماهير ذاتو إتغير .. وبعد شوية بتاع الأورغن ما لقيتو (أظنو مشى يشرب ليهو سجارة ويجي) !!

المهم أنا مخلوع والأورغن شغال براهو والناس دخلت في هستيريا رقيص ما عادية ولقيت نفسي أنا فنان الحفلة زول شغال بي الشغلة ما في !!!!

غايتو بعد شوية ختيت المايك وإنسحبت براحة دورت عربيتي وإتخارجتا وأطن لحدي ما وصلتا بيتنا الناس دي ما عارفة الفنان إتخارج وما أظن كانو شغالين بي موضوعو كتير !! طلعت الشغلة كلها على الأورغن ويا ريت لو العازف معاهو لكن الأورغن أهم منو !!!!

عشان بيشتغل براهو .. وبيطلع حاجة إسمها القرد !!!!

............

يـــا روعـــــة
كلمات: عبد العظيم أكول
ألحان وأداء: عصام محمد نور

ياروعة لو عز اللقاء فرقنا يا حلوة القدر
دي الروعة قاسم مشترك ما بين وجيهك والقمر
يـــا روعـــــة
بيناتنا مشوار من أفق مطبوعة للقلب الشفيف
أنا شلتو ريدك يا مناي داريتو في قلبي الرهيف
فردت أشرعة الخيال لي دنيا ما طلاها زيف
ومشيت على شط الهوا وصابر على المد العنيف
يـــا روعــــــة
أنت الملاذ لو غبت يوم أشواقي عنك بسألو
ما نحن والشوق والزمن جور الحبيب ما بنحملو
عشان نعيد خيط الأمل لازم جفاك نستحملوا
لازم قساك نستحملو
ونرجع الماضي البعيد مشوار هوانا نكملوا
يـــا روعـــة
...

الجميل تروتسكي ...

شكرا للأغاني الرائعة ..

يا مان دي شنو الصورة الفوق دي !!!!..

عليك الله كنت بتقول في شنو لي ناس ميانغ كاي شيك ديل وبي ياتو لغة
ولا كنت بتغني راب بالصيني

منتظر منك الشمار عشان اوصلو بي غادي لي ناس الدمازين

تغيبت قليلا وسأعود لمواصلة الذكريات ..

ناذر والله بوست ممتع جدا كل مرة انا اعاين فيه واضحك وأمشي واجيه راجع، لأنه عاد لينا ذكريات ايام زمان وأيام زمان ما برجعن

الله يديك العافية

الأخ العزيز ياسر

تسلم يا مان ودى القصد من البوست دا !!!
أنا طبعا أيام زمان دي ما عشتها لإني لسة في أيام هسي
إنتو عشان ناس كبار بتتمتعوا بالبوست دا عشان بيعيد الذكريات وكدة ..
وغايتو راجيك تكتب لي عن أيام زمان ديك وضهبكم في الحفلات

سأعود

إقرأوا هذا المقال .

Quote: رئيس مجلس الإدارة: طه علي البشير رئيس التحرير: عادل الباز المدير العام: هاشم سهل مستشار التحرير: نور الدين مدني مستشار هيئة التحرير: أمال عباس مدير التحرير: حيدر المكاشفي النشوف اخرتا أصلو الحكاية بتبدأ كده! سعد الدين ابراهيم * هربت من المكان لأن ثمة حفلاً يحييه فنان اسمه (... بت) في مناسبة والحمد لله عدت الى المكان بعد انتهاء الحفل فلم استمع له، بكرة نسمع بالفنانة «هديل ولد» و«فتحية راجل». * انصبت أسئلتي للذين حضروا الحفل في أسئلة ساذجة مثل: هل يقبل هو بهذه التسمية فقالوا: لا يريد أن يُخاطب بغيرها.. * وعرفت انه ليس الوحيد فهناك اكثر من (... بت).. وتذكرت انك زمان حين تقول لولد (انت «بِت») يغضب وقد يفتح بلاغاً.. وكانت عبارة (محمد ولد) مشينة للبنت جداً. * والامر قد لا يدعو إلى الإلتفات باعتباره ظاهرة عارضة.. لكن الامر يعني انقلاباً في بنية المجتمع ـ في تفكيره ـ في طرائقه.. واذا كنا نتندر على الاوروبيين لأنهم يبيحون الشذوذ ولديهم اندية للـ (Gays) فاننا بهذه الطريقة نتحرى دربهم وسنسير عليه.. واصلوا الحكاية بتبدأ كده!! * عندما بدأت الانقاذ كنت المعد الاساسي لبرنامج الاذاعة الصباحي اليومي (صباح الخير يا وطني) وكانت المياه تجيء عبر المواسير عكرة.. وكنت قد كتبت فقرة مؤداها: ان ناس الموية حولوا المثل الما عاجبو يمشي يشرب من البحر.. فجابوا لينا البحر عديل في المواسير.. * وقامت الدنيا ولم تقعد.. وأوقفوني لمدة سنة تقريباً ولو لم ينبهن صديق الى أن ايقافي ليس شرعياً اذ قالوا لي ان الطيب ابراهيم محمد خير هو الذي أوقفني وعرف صديقي ان ذلك لم يحدث. * ولما سألت السيد المدير.. أجابني بكلام طريف جداً.. فقال لي أنا شخصياً افتقدتك واستغرب لماذا أوقفت نشاطك.. فأحضرت له المسؤول الأقل درجة والذي أوضح لي ان المدير أوقفني.. وقال له: من الذي أوقف هذا الرجل؟ ونبهه بطريقة حاسمة الى تمكيني من العمل.. ولما خرجنا من مكتب المدير، قال لي: علىَّ الطلاق الزول ده وقفك.. اذن كنت موقوفاً بسبب غضبة السيد الوزير.. فقد نما الى علمي انه جاء الى الاذاعة وانتقد الفكرة.. ولم يوقف احداً.. بل قال إن الثورة في بدايتها ولا نريد ان نعطي فرصة للثورة المضادة.. واقترح معالجة للأمر كانت موضوعية. واذكر ايضاً ان اغاني الفنان محمد وردي كانت موقوفة ونسب الايقاف أيضا إلى الدكتور الطيب ابراهيم الى أن استضافه الاعلامي الكبير عبد المطلب الفحل في برنامج اذاعي ولما اعطاه الفرصة ـ طلب أغنية (بعد إيه) لمحمد وردي.. فأطلق سراح أغنيات وردي آنذاك. * وحكى لي الراحل المقيم ابراهيم احمد عبد الكريم ـ انهم قالوا له في التلفزيون ان اغنية سيدة وجمالها فريد.. خلقوها زي ما تريد، موقوفة بأمر من الطيب مصطفى مدير التلفزيون آنذاك فذهب الرجل اليه وشرح له ان خلقوها زي ماتريد لا تعني الفعل (تريد) انما (ماتريد) هي امرأة اجنبية شبهت المحبوبة بها.. فقال له لا اعتراض لدي عليها حتى بالمعنى الأول.. هكذا كانت الامور تسير.. هذا للتوثيق فقط.. لا للادعاء فليس ثمة بطولة في الامر. * كدي النشوف آخرتا..

ضحكت قبل يومين كما لم لأضحك من قبل ..

كنت في معهد الموسيقى وكان هنالك أحد الطلاب من دارسي الموسيقى يقوم بمصاحبة أخرين بعمل بروفة لأغنية ما وطلب ذلك الموسيقي من العازف ان أن يعزف له إيقاع عشرة بلدي المعروف ويبدو ان صاحب الإيقاع قد أخطا في هذا الإيقاع ولكن الموسيقي ذاك لم ينتبه .


فجأء أحد الطلاب الذين يدرسون دراما ومعروف بسخريته الشديدة فلاحظ إختلاف الإيقاع .. فقال للموسيقي

(أنا والله ما بقرا موسيقى لكن الإيقاع دا ما اظنو عشرة بلدي) .. فإستنكر طالب الموسيقى أن يأتي طالب دراما لتصحيحه فرد عليه (يا اخوي إنتا العرفك شنو بالموسيقى !!! دي شغلة ما شغلتك ما تتدخل فيها .. دا عشرة بلدي يعني عشرة بلدي)..

فتغالط الإثنان في الإيقاع طالب الدراما يجذم ان الإيقاع ليس عشرة بلدي وطالب الموسيقى يصر ان الإيقاع عشرة بلدي .. وفي تلك الأثناء جاء أحد الاساتذة فإحتكموا إليه وفعلا طلع ألإيقاع ما عشرة بلدي كما ذكر طالب الدراما ..

وبعد إنصراف الأستاذ إلتفت طالب الدراما لطالب الموسيقي :

(إنتا بتقرا في سنة كم يا أخونا) ؟؟؟!!

فرد عليه ذاك:

(بقرة في سنة خامسة بتسأل مالك ؟؟!)

فرد طالب الدراما ...

(هسي عليك الله لو كنت من سنة أولى عملت كل سنة 2 بلدي ... 2 بلدي هسي ماكانو تمو عشرة)

نقلت مداخلتي هذه من بوست اخر ...

Quote: ياود عكر .. والله ضحكتني جنس ضحك إتزكرتا لي موقف حصل لمن كنت في الهند جيت طالب جديد وفي شباب سودانيين إتسلطوا علي ساقوني معاهم حفلة بتاعت أصحابم كينيين .. مشيت معاهم شفت لي مناظر ما قاعد اشوفا إلا في أفلام الكرتون المهم الناس أخر بهرجة وطرب مع الديسكو الشغال وأنا مخلوع (ما طالب جديد لسة) بعد شوية الشباب عرفوني بي واحدة كدة كينية (يمين انا مما شفتها إتذكرتا طوالي العتالة بتاعين سوق السجانة) حاجة غلييدة وقصيييرة وعلي العليها عاملة فيها حلوة وماليا وشها الحاجات البتلمع وترقش ديك إتوكلت وقعدت أرقص معاها رقيص النطيط البنشوفو في حفلات الديم هنا وهي عاملة فيها ممتعضة ومادا شلوفتا (والشلوفة تعاين ليها عاملة ذي الضفارة لمن تتكلم) المهم الدي جي قلب الشغلة سلو وأنا ما متعود على نوع الرقيص دا (ما ادونا ليهو في حفلات الحلة الجديدة) المهم البت لقتا فرصة توقف الشي البفنجط قداما دا .. قامت هب كدا عصرتني عليها عشان ستايل الرقيص أنا ما قادر إتنفس من عضلاتا وداير أقول ليها فكيني الكلمة راحت لي بالإنقليذي المهم حاولت إندمج مع الرقيص دا وهي طاباني وانا طابيها بالطريقة دي (ومنظري والله يصعب على الكافر) المهم في أثناء الرقيص والحركة قمت عفصتها في كراعا وقمنا الإتنين دردلب في ا########## قدام الناس كلها أنا يا دوب قدرت أتنفس وهي قامت زعلانة تكورك أو ماي قود و شيت و كمان معاهم الكلمة الكعبة ديك البتبدا بي حرف الإف شفتا أها من ديك يا ود عكر وانا مكجن حاجة إسمها سلو دانص ولمن يجيبوهو في التلفزيون في فلم ولا كدة بغير القناة طوالي

طبعا بداياتي كانت زي اي فنان بديتها بكورة الشراب، اذكر في الزمن داك ونحن منتقلين من الابتدائي للثانوي العام كان الفنانين النور الجيلاني ومجذوب انسة طالعين في الكفر فانا بديت اقلد مجذوب وانسة واذكر صاحبي عبد الرازق كان بقلد النور الجيلاني والاتنين في مدرستين مختلفتين

عبد الرازق ده مع انه صاحبي شديد من الابتدائي لكن لي يوم الليلة ما عارفو كان بقلد النور الجيلاني ليه لكن انا سبب تقليدي لمجذوب انسة حفظي لغانية اذكر في الاجازة قبل ندخل الثانوي العام كان جيرانا عندهم عرس وفي وحدة قريبتهم جاية من بره الخرتوم يازول انا واولاد اصحابي في الحلة بنرقص في نص الدارة على انغام وصوت مجذوب انسة اشوف الجكس جا ليك توش وبدا يرقص معانا جريت صاحبي العلى اليمين حرن كلو كلو جريت صاحبي على الشمال وحاتك اتنفض من ايدي وزاغ يازول الاتنين كبو الزوغة وخلوني ليك في الواجهة لمن لقيت المسالة كده اتوكلت على الحي الذي لا يموت واصلت قلت يازول سجن سجن غرامة غرامة، وكان اول جكس غي حياتي الفنية

المهم من بعد داك نزلنا المدرسة ولما لقيت ليك المدرسة ما فيها اي تمساح بقيت اقدل ساكت كل فسحة ينادوني ليك بالمكرفون امشي اغني ليهم اغاني مجذوب انسة وعندي صاحبي بعزف بنقز امشي يجيب ليه علبة فاضية ونقعد نغني الفسحة كلها، ومن ديك وعيك وبقيت مستلم الاذاعة المدرسية من طابور الصباح ومرات قبل طابور الصباح، ما مافي تماسيح، لي نهاية اليوم الى ان اعتزلت الغناء ودي قصة طويلة جدا

الاخ ياسر حنا

وينك يا راجل طولت ما ظهرت بي هنا !!!
حمد الله على السلامة ..
ياخي معقول حياتك الفنية كلها من كورة الشراب لحدي ما اعتزلتا كابيها كلها في التسعة سطور الفوق ديل

كدي أخد نفسك شوية كدة وورينا مواقف وطرائف مرت بيك في الرحلة دي ..

Quote: وكان اول جكس غي حياتي الفنية

ياخي والله دي بالغتا فيها عديل كدة وما في زول سبقك عليها
هسي لو جبت ليك أي فنان من فنانينا الكبار ديل ما حا يتذكر أول جكس في مسيرتو الفنية بالطريقة المتذكرا بيها انتا

بالله ما تغيب كتير زي المرة الفاتت دي ....

ما الحاصل في البلد ده والله يا ناذر بخليك تنسى اسمك زاتو وخصوصا الواحد لما يكون وبعيد وانت عارف القربة بضخم ليك الحاجات في راسك لما تقرب تتلحس، ان شاء الله بس تكون الامور هدءت وعادت لي نصابها

تعرف يا ناذر مسيرتي الغنائية زاتها ما طولت كتير

زي ما قلت ليك استلمت ليك المدرسة واجدعت ليك جديع بطال جدا، لما جات الطامة الكبرى، وانا معرفتها انها ديك الطامة الكبرى الا قريب ده( شفت انا بريء كيف )

اها مره عندنا كان تخريج بتاع الكشافة وبما اني كنت خريج وفنان المدرسة الأوحد يا زول استلمت الحفلة، وكان من ضمن الحضور الوالد، الله يديه الصحة، والفنان عبد الكريم الكابلي ونقيب المحامين في ذلك الوقت الاستاذ عبدالله الحسن كان رئيس مجلس الاباء وجمع غفير من الآباء. اها لي شلقاتي قلت اغني بين جناين الشاطئ وفوق قصور الروم(شفت اللخبطة دي كيف )، وانا تعرف لي هسع عندي مشكلة مع الاغاني، بحفظها بي طريقتي، يعني بنرمد ليك الكلمات فوق تحت، يعني مثلا غنية عبد المجيد عبدالله لغاية وقت قريب انا انا كنت بغنيها " اكبر غلط ينبض بحبك فؤادي" لغاية ما عرفت انها ما اكبر غلاك

واذكر لما كنت صغير عندنا خالنا شامي ليك نميري شمة بطالة خلاص، بس كل مرة ينادني ليك ويطلعني ليك في الطربيزة فوق ويقول لي يلا غني لي نميري، اوقوم اغني ليه بالملاليم قلناها نعم قلناها نعم، والشعب قسم يقولها نعم ليك يا لاقائد المبهم وحاجات زي دي كتيرة لغاية ما حبوبتي الله يرحمة تهيج ليك ياولد انزل عايز تجيب لينا الكفوة مالك،

وايام انقلاب هاشم العطا يناديني ليك عشان اقرا البيانات الكانو بذيعوها في الايام ديك، اقوم اقول ليه الرائد ماعارف فلان الفلاني الطرد من الخدمة والتطهير من الركبة

اها دي حالتي مع الاغاني، اليوما ديك طبعا ما قصرت عست ليك الاغتية عواسها بي مزاج زي: خلي جات متبوعة حايمة كالدينار وفي الطريق ان مرت الناس عليها تقوم، ووحاجات تانية حامياني لو قلتها هنا بكرة بلحق امات طه في البورد

فجأة كده شفت ليك الناس في الصف الامامي كانما صبت فيهم مطرة والاستاذ المسئول عننا عرق وبقى يبلع في ريقه، اها اول ما نزلنا جاني ليك طاير انت الغنية دي جبتها من وين والحفظك ليها منو قلت ليه بكل براءة سمعتها في الرادي وما في اي زول حفظني ليها، قال كدي قولها تاني وفعلا قلت زي حصل في المسرح، بدأ يسالني من بعض الجمل دي عارف معناتها شنو وانا ارد ليه بكل براءة وانا فعلا ما كنت قاصد اي حاجة ولغاية اللحظة ديك انا ما عارف الحصل شنووما عرفت معن الكلام ده الا بعد حين ، وبعدين ونحن راجعين في السكة مع الوالد آ عامل لي فيها فنان، عايز تطلع فنان، هسع الطلعوا فنانين عملوا شنو...يا ولد احسن ليك شوف قرايتك

يازول انا بعد الاستجواب داك والهرشه بتاعت الحاج من ديك اعتزلت الغنا نهائي وتاني ما فكرت أغني الا وانا في جامعة ودي كمان ليها قصة طويلة

لك مني خالص الود

ياسر حنا الله لا كسبك

قطعت مصاريني من الضحك وما قادر أرد ليك هسي
حا الف واجي أحكي ليك قصة صاحبنا فنان الحلة الكان بيغني غنية بتقول ..

كل ما سألت عليك يقولو مشغولة

وبيغنيها بي لحن ..

كل ما سألت عليك صدوني حراسك

يا خي دي كانت جنس بهدلة وفا ضحنا فضيحة

النلف ونجيك ..

صاحبنا داك قبل يمين وشمال ايام هوجة الأورغنات ديك .. طبعا كانت القصة في غاية الفوضى وكانت الاورغنات داخلة البلد اشكال والوان والعازفين كل يوم زايدين والفنانين ممكن تقسمهم بنسبة 2 فنان لكل حلة في حلتنا كان في فنان مشهور جدا (مشهور في الحلة بس يعني لو قطعت الزلط بي غادي ما بتلقى في زول بيعرفو) .. فنان الحلة داك كان جنو يغني غنية (كل ما سألت عليك يقولو مشغولة) وقابض بيها الجو شديد ...


الفنان التاني داك زعلان وكان بيشوف نفسو غناي احسن من فنان حلتنا المعروف يوم كدة كان في مناسبة بتاعت حنة واحد صاحبنا وقام الفنان الحاسد دا قال إلا يغني عشان يوري الناس مواهبو المدفونة .. غايتو فرض نفسو على الناس والناس إتمحنت وقالت ليهو خلاص غني وريحنا ..

صاحبنا مشى على بتاع الاورغن بكل ثقة وقال ليهو أعزف لي كل ما سألت عليك يقولو مشغولة ... العازف قال ليهو سلمك شنو ؟ المتفنن دا قال ليهو سلم عادي .. المهم لمن بدا العزف المتفنن بدا يغني في الغنية بلحن كل ما سألت عليك صدوني حراسك

كل ما سألت عليك يقولو مشغولة
إيه شاغلك عني قولي لي يا زولة

إتخيل الشتارة والناس قعدت تضحك وبتاع الاورغن زاتو داير يموت من الضحك ...

هو اللحن لفق مع الغنية والزول ما شترا خالص بس الناس ضحكت للتركيبة العجيبة دي

بقى ان اذكر أن ذلك هو أول واخر حفل يغنيه صاحبنا المتفلهم داك .. لإنو بقوا بتاعين الأورغنات يزوغو منو .. وهسي هو رضى بي نصيبو وإتحول لي مساعد ياي لفني الساوند لحمل وترحيل الساوند لكن بتاع الساوند زاتو بقى ما يخليهو يقول (ألو تست ون) بتاعت إختبار الصوت ديك .. ومحذروا قال ليهو (المايك دا لمن نوصلو انتا بس إتخارج منها وما تجي إلا بعد ما نفصلوا عشان توديهو الحافلة)

Quote: (المايك دا لمن نوصلو انتا بس إتخارج منها وما تجي إلا بعد ما نفصلوا عشان توديهو الحافلة)

لا لا لا ده بالغ عديل كده ، ده نظام من كل بستان زهرة بس انتو ما قدرته تفهموه ساكت

تعرف يا ناذر نحن عشان الفضايح دي الموضوع كتلتو في المدرسة قبله، يعني ما وصل الحلة، لأنه لو وصل الحلة كان بقيت زي صاحبك ده فضحيتي بي جلاجل

وبعدين ادخلت عوامل تانية بايولوجية، طبعاً في الوقت داك كان اخوك ماري بمرحلة انتقالية، بعد شوية الصوت اتغير نهائي وبقى يحشرك ومرات يقطع نهائي بعدين انا قلت مالي ومال دقوه شالو قروشه، والساعد اكتر الاستاذ الكان مسئول من النشاط الفني في المدرسة نقلوه لي مدرسة تانية والنشاط الفني وقف نهائي يعني المسالة جاطت جوطة شديدة

لكن تعرف بعد داك قلت احسن امسك مجال الشعر، واقوم اعمل قصائد، خصوصا كان عندي احساس اني ممكن ابقى شاعر وكده، فمرة قاموا عملوا رحلة في المدرسة وانا ما مشيت، اذكر كان عندي اشقدي في رجلي، قامت امي الله يديها العافية جابت لي برتقان وكده، نظام الود عيان، وانا راقد في السرير ما قادر اتحرك، مع انه الاشققدي في الرجل لكن ايدي زاتها ما قادر احركها عشان اقطعه اها بعد ما اكلت كده ورقدت قلت: يا يوم بكره ما تسرع تخفف لي الاشقدي والله اذكر امي دي ضحكت ضحك لم شرقت بقت تحكيها لي زول زول، وانا مبسوط لاني قايل امي بتنشر فيها عشان توري انه ولدها خطير في حفظ الاغاني رغم حداثة سنه

اها يازول بعد ما نزلت كنت كتبت ليك قصيدة امكن خمسة صفحات بوصف فيها في الرحلة واتخيل الممكن يكون حصل شنو، وكانت عاجباني ليك عجب شديد خلاص، ومشيت وريتها لصاحبي بلال الله يرحمه، قال والله انا ما عارف لكن كدي وريها لأستاذ العربي، فعلا شلت القصيدة ومشيت ليه وقلت الليلة ح يشيد بي اشادة ما حصلت ده كان ما قام علقها في الجريدة الحائطية

اها الاستاذ قراها كده وعاين لي وما قال اي حاجة، لكن الحاجة الوحيدة الفهمتها من نظرته ديك "أحترم نفسك احسن ليك" فرجعت حابس ادمعي ومن ديك قررت هجر الشعر فكانت اول وآخر قصيدة

الاخ ياسر

سأعود إليك بعد ان أرفع صورة علوبة دي ..
وطبعا يستحيل ما بتكون بتعرف صاحب الصورة التاريخية دي




طبعا أظنك فرزتا علوبة ياتو وانا ياتو ..

والتحت دي صورة تانية لعلي دهب (علوبة) ويبدو مهججا ومبتهجا برقصته الشهيرة في عرس عمر الفاروق (للأسف لم تكن معي كامير فيديو لتصوير الرقصة الإستايل)

سأعود لمواصلة السرد ...

والله يا ناذر في واحد قاعد جمبي وببحلق كل دقيقتين في الشاشة بتاعتي ،حب الأستطلاع بتاع الكديسة داك..-وفاتح البوست واقرأ واتفرج على ناس الصبحية الصينية والكوارث القاعد (تسرد)فيها دي اسفيريا.صاحبك عاين لى صورتك شدييييد وقال لى:"أنت دا موقع ابوداؤد ولأشنو!!!".
وطبعا يا ابو النيز عارفني ما برضى فيك..أفو،قلت ليهو :"ليه العود الماسكو دا (عود)
كبريت؟".

بالغت والله يا عادل
أسي ناذر ده ذعلان وقال الشباب قصروا معاهو شرط عينا أسي ناذر ده يرضو كيف تاني ؟
ومعتز مشى عمل نايم وبرضو ذعلان مالك معاهم الثنائي ديل

عادل كيفك ...

أول حاجة مبروك الصورة الجديدة (يسحروك لكن)

Quote: والله يا ناذر في واحد قاعد جمبي وببحلق كل دقيقتين في الشاشة بتاعتي ،حب الأستطلاع بتاع الكديسة داك..-وفاتح البوست واقرأ واتفرج على ناس الصبحية الصينية والكوارث القاعد (تسرد)فيها دي اسفيريا.صاحبك عاين لى صورتك شدييييد وقال لى:"أنت دا موقع ابوداؤد ولأشنو!!!". وطبعا يا ابو النيز عارفني ما برضى فيك..أفو،قلت ليهو :"ليه العود الماسكو دا (عود) كبريت؟".

أصحابك ديلك كلهم بعرفم بس خليني النجي عشان اوريهم المكشن بلا بصل
الحاجة التانية إنتا وين الايامات دي ؟؟
بالله حاول إتصل بي ضروري لأني جبيل إتصلت عليك ولقيت الموبايل ما معاك ..

أستاذ عثمان ...

أخيرا بقيت تخش تكتب في البوست وبطلتا المتاوقة

بمناسبة الشباب .. كنا قبل يومين في عرس شقيقة لقمان حسن همام أنا وحسين ملاسي وناجي الملك وتروتسكي بنادي الضباط .. الوجيه لقمان أصر علي إنو أغني لي فاصل وتروتسكي الحاقد قال لي بلله ما تجعر فينا وحسين ملاسي كان داير يسمع صوتي عشان أعمل ليهو موضوع بوست المهم في النهاية رضخت لي رغبات الجماهير المتعطشة وضربت لي فاصل مداري من 3 أغاني ... والجماهير طالبتني بي رغم موبايلي وغايتو إتخارجت منهم بالرجالة

أما معتز تروتسكي فكان كعادته لا يكف عن المقابضة

الفرق والمجموعات الموسيقية قصيرة العمر في غالب التجارب!ليه؟
ابتعاد السوداني عن موسيقى الجاز والأيقاع الأفريقي!وبعض الأنماط الأخرى
هل هو ثراء في الموسيقي السودانية بأيقاعاتها المتنوعة الضاربة في التاريخ
أم قصور في جانب معين يؤثر على تفاعل الموسيقى السودانية مع غيرها؟
والسؤال السابق يشكل مدخل لسؤال آخر شكل الأزمة في الموسيقى السودانية كجزء من حالة الأزمة الكبرى التى نعيشها بعيونك بأعتبارك موسيقي(اكاديمى)قادر على التنظير واجتراح حلول..
*****
بمناسبة صورتى الجديدة هاك دي والله قلت الخالق الناطق الكاشف أخوي

الأخ عادل

طبعا مداخلتك أعلاه قيمة جدا لسبب وجيه .. وهو انني كنت منذ بداية هذا البوست أريد التحدث عن المشاكل التي تلازم الفرق الجماعية وأسبابها والحلول لها ..

وكما ذكرت في مكان غير هذا فأنه قد كان لي شرف قيادة عشرات من الفرق الجماعية المنهارة والتي لم تعمر طويلا كان اطولها فرقة المرافي للموسيقى والمسرح والتي أسستها في الخرطوم وعندما بدات في التصدع والتفكفك ذهبت إلى الهند وأسست واحدوة اخرى هنالك بنفس الإسم والاهداف وحتى اللوائح التنظيمية التي تحكم عملها ولكن كان مصيرها أيضا الإنهيار قبل مجيئى راجعا للسودان .. واكاد اجزم أنني أصبحت خبيرا في مجال أسباب بقاء وإنهيار الفرق الموسيقية الجماعية وأظنني سأتحدث عن تجربتي تلك إذا ما وجدت الدافع المناسب ...

وشكرا لك إذ أثرت هذه الجذئية المهمة ..

ياسر حنا جيتك ...

Quote: لكن تعرف بعد داك قلت احسن امسك مجال الشعر، واقوم اعمل قصائد، خصوصا كان عندي احساس اني ممكن ابقى شاعر وكده، فمرة قاموا عملوا رحلة في المدرسة وانا ما مشيت، اذكر كان عندي اشقدي في رجلي، قامت امي الله يديها العافية جابت لي برتقان وكده، نظام الود عيان، وانا راقد في السرير ما قادر اتحرك، مع انه الاشققدي في الرجل لكن ايدي زاتها ما قادر احركها عشان اقطعه اها بعد ما اكلت كده ورقدت قلت: يا يوم بكره ما تسرع تخفف لي الاشقدي والله اذكر امي دي ضحكت ضحك لم شرقت بقت تحكيها لي زول زول، وانا مبسوط لاني قايل امي بتنشر فيها عشان توري انه ولدها خطير في حفظ الاغاني رغم حداثة سنه

يا ود يا أبو اللمين إنتا

Quote: اها يازول بعد ما نزلت كنت كتبت ليك قصيدة امكن خمسة صفحات بوصف فيها في الرحلة واتخيل الممكن يكون حصل شنو، وكانت عاجباني ليك عجب شديد خلاص، ومشيت وريتها لصاحبي بلال الله يرحمه، قال والله انا ما عارف لكن كدي وريها لأستاذ العربي، فعلا شلت القصيدة ومشيت ليه وقلت الليلة ح يشيد بي اشادة ما حصلت ده كان ما قام علقها في الجريدة الحائطية اها الاستاذ قراها كده وعاين لي وما قال اي حاجة، لكن الحاجة الوحيدة الفهمتها من نظرته ديك "أحترم نفسك احسن ليك" فرجعت حابس ادمعي ومن ديك قررت هجر الشعر فكانت اول وآخر قصيدة

تعرف يا ياسر
بعد كدة احسن ليك تجرب حاجتين غنتا ما جربتهم في المجال دا
يا تكون فني ساوند
أو كمان بعام فنانين لإنو الشعراء ما هندهم بعامين زي أيام زمان
أنا جيت امبارح ونزلت لي قصيدة أوتومسفيرية واهديتا للأستاذ خالد كودي لكن الظاهر ما عجبتو رغم إني كنت حريص على وزنة كلماتا والظاهر حا ابطل اكتب شعر تاني

كدي أسمع كلامي وجرب الشغلتين الفوق ديل امكن تلفق معاك

العزيز ناذر

آسف تعرف الأيام الفاتتت دي ما كان عندي كومبيوتر، فبقيت بعام كومبيوترات كل ما القى لي كومبيوتر مطرف انط فيه

لكن تعرف قصيدك الاسفيرية لخالد كودي قريتها وحقيقة اعجبت بها ايما اعجاب وردت فيني الأمل انه ممكن ابقى شاعر تاني، وبديت افتش في قصيدي لكن المشكلةما عارف اصنفها كيف لأنه الزمن داك كان عصر ما قبل الاسفيريات فقلت انزلها تحت عنوان قصيدي البري-اسفيريك

Quote: أو كمان بعام فنانين لإنو الشعراء ما هندهم بعامين زي أيام زمان

وانت قايلني ما جربتها، لكن والله العظيم صدفة بس، تعرف صاحبي عبدالرازق الحكيت ليك عنه قبل كده، كان عنده حافلة، اها الحافلة دي بالليل باجرها للفنانين واكتر شئ كان ناس عقد الجلاد وود الأمين، وانا بمشي معاه طبعا مساعد صاحب الحافلة

ولما اغتربت اول اصدقائي الاتعرفت بيهم وعشنا مع بعض سنين طويلة طلع من اولاد الهند وفنان كمان اسمه أحمد ملغب fd أحمد الشلالي وكان بقلد زيدان ابراهيم، اضافة الى ذلك بعزف بنقز، وقدر ما حاولنا نقنعه يخلي عزف البنقز ده ما قدرنا، والاحسن انه ما خله لأنه اضافة للحفلات الكنت بحضرها معاه كصاحب فنان كنت بحضر معاهو البروفات الكان بيعملوها مع بعض الفنانين الكبار البزورو السلطنة، صاحب العازف طبعا

والأخطر لما مشيت صلاله، سبحان الله اول واحد لاقيته وامتدد صداقتنا حتى الآن طلع فنان برضو من اولاد عطبرة اسمه خالد، وعلى حس كده طبعا في اي حفلة في اول كرسي يا تمشي تبشر ليه يا تمشي توسوس ليه في اضانه بس سبب وبدون سبب، صاحب الفنان طبعا، يعني بعام لكن بحقه

تعرف اجمل طرفة اذكرها مع الفنانين ديل، مره جيت صلاة المغرب ولقيت اخونا خالد ده بره الباب وبضحك لمن ما قادر يقيف، اها يازول مالك؟ خير ان شاء الله، قال تعرف انا واقف بره هنا مع الامام جاء واحد من هناك سلم علينا وقال لي الأمام: عليك الله صلي بينا بي مريم، يقصد سورة مريم. قال لي طوالي اذكرت الحفلات

لك مني خالص التحايا

ياسر كيفنك !!!!!

حا ألف واجي عشان أحكي ليك ذكريات اخر حفلة انا عملتها لي خالد كودي

أها يا ياسر ..


الرابط التحت دا فيهو ذكريات مصورة وأحداث تراجيدية صاحبت قيامي بإحياء أخر حفلة للرسام العالمي خالد كودي وطبعا توجد صور ومشاهد مثيرة


قصيدة أوتومسيرية مهداة إلى خالد كودي !!!!

سأتفرغ تماما هذا الإسبوع من أجل تكملة هذا البوست !!!