سنه أولى تخرج حلمتو بشنو(2) ?

مع اخر ورقه امتحان وبعد تسليمى للبروجيكت وماى اوزر
كورس وورك...لم يتبقى لى سوى مناقشه مشروع التخرج والذى يسمى (Viva) ..أسأل الله ان يوفقنى واحرز دقريى جيد...بعد ان تحررت اخيرا من حبسه ودبرسه المزاكره,

لأول مره انام مطمئنه البال منذ اربعه اعوام هى فتره
دراستى الجامعيه انكلودين زا فاونديشن يار.

احسست ان هما ثقيلا انزاح من عاتقى, فأخيرا لن انام واناافكر فى كورس وورك او اقذام

لكنى فى نفس الوقت شعرت بشئ من الضياع والحيره...

أن شاء المولى عز وجل ستكون هذه سنتى الاخيره فى الجامعه...فماذا بعد؟ وماذا سيحدث بعد التخرج؟ العمل ام الماستر ام ماذا؟

وجدت نفسى فى حيره, وبدأت اشعر بالملل سريعا جدا رغم انه لم يمضى على انتهاء امتحاناتى يومان

كنت قد عودت نفسى لسستم معين خلال هذه الاربعه سنوات, الجامعه, البيت, المزاكره واخيرا البورد

لم اشعر بملل رغم ان هذه البلد ممله جدا ولم يكن لدى وقت فراغ لانى ارجع متعبه من الجامعه وبقيه اليوم ينقضى فى المزاكره والاستحمام وونسه خفيفه مع لاهل والتجهيذ للصلاه والاطلاع على البورد...ينتهى يومى مع العاشره والنصف مساء او الحاديه عشر للأذهب للنوم على امل الاستيقاظ اليوم التالى فى نفس الموال

الان الامر اختلف واجدنى فى حيره من امرى...العمل ام الماجستير..,بصراحه احتاج بريك شويه من الدراسه وفى نفس الوقت متخوفه قليلا من الحياه العمليه لاننى لم اجربها من قبل...فبماذا تنصحونى؟


وفى امان الله

لا اله الا الله

حمد الله سلامة

و بالتوفيق ان شاء الله
كدى انتظرى النتيجة و شوفى الفرص المتاحة للعمل
و على ما اعتقد مجالك فى علوم الكمبيوتر و طبعا
دا مجال محتاج للخبرة العملية يعنى التحضير بعد
العمل لفترة بكون احسن فى ما اظن
و حيرة بعد التخرج دى عادية كلنا مرينا بيها و فترة
الدراسة الجامعية هى اخصب و امتع فترة فى حيات الواحد
بس الحقيقة دى الواحد ما بعرفها الا بعد التخرج

موفقة فى كل مجال ان شاء الله

الاخ الكريم نصار

الله يسلمك من كل سوء

المشكله النتيجه ما بتظهر الا شهر سبعه وحيكون توو ليت للتقديم للماستر كما ان البحث عن عمل يحتاج لوقت

انا تقريبا عارفه درجات السمسترات الفاتت فضل بس نتيجه السمستر ده وعشمى فى ربنا كبير, الله يسهل بس

ناس كتيره قالو لى ان مرحله الدراسه الجامعيه ده احسن مرحله وبرغم انها متعبه بس احسن حاجه فيها ان توقيتها فليكسبل جدا بعكس الشغل فى البلد ده والذى يأخد جل وقتك

طمنتنى انو مرحله الحيره ده حاجه عاديه وموقته, وتشكر لمرورك من هنا



وفى امان الله

لا اله الا الله

Quote: كنت قد عودت نفسى لسستم معين خلال هذه الاربعه سنوات, الجامعه, البيت, المزاكره واخيرا البورد

ما تقلقى... لفترة كدا حيكون البرنامج بتاعك البورد..البورد..البورد..

احذرك جدا من البريك دا يا بت الاحفاد...
واصلى فى الماستر وبعد داك اعملى بريك ولا اى حاجة...
ناس كتار بعرفهم...عاملين بريك ليهم 20 سنة...
AnwarKing

Quote: ما تقلقى... لفترة كدا حيكون البرنامج بتاعك البورد..البورد..البورد..


باين على كده, يبدو انك متابع جيد للبورد اليومين ده


Quote:ناس كتار بعرفهم...عاملين بريك ليهم 20 سنة...

لا حوله ولا قوه الا بالله! وده من شنو ده ياربى!


انشاء الله سأسعى انو ما اضيع وقت وربما اشتغل واعمل ماستر بارت تايم مع انو حتكون لى سنتين بدل سنه فل تايم , لكنى سأصلى صلاه استخاره والبجيبو ربنا كلو كويس

تشكر لمرورك من هنا



وفى امان الله

لا اله الا الله

بت الاحفاد...انا عندى نصائح كتييييره و تجربه رز
اقولا ليك و لا بتقعى غمرانه قدام كمبيوترك ده

احلام مابعد التخرج تظل احلام يابت الاحفاد
لكن اؤيد كلام الاخ انور حذاري من الركلسة ومن المستحسن المواصله
في دراسة الماجستير حتي ولو بارت تايم وبجانبها العمل وفي البداية انشاء الله يكون بدون مقابل حتي تكتسبي بعض الخبرة
حقيقه طريق طويل ولا مفر منه وسلم النجاج يبدأ بخطوة ويحتاج لعزيمة
وحذاري من الركلسة

تحياتي

احلام مابعد التخرج تظل احلام يابت الاحفاد
لكن اؤيد كلام الاخ انور حذاري من الركلسة ومن المستحسن المواصله
في دراسة الماجستير حتي ولو بارت تايم وبجانبها العمل وفي البداية انشاء الله يكون بدون مقابل حتي تكتسبي بعض الخبرة
حقيقه طريق طويل ولا مفر منه وسلم النجاج يبدأ بخطوة ويحتاج لعزيمة
وحذاري من الركلسة

تحياتي

اخى الكريم مراويد

تفضل قولها , انا حأخت قدامى قذاذه ريحه عشان لو اغمى على اعمل اللاذم, وشكرا لمرورك


الاخ الكريم ياسر مكاوي

هل الاحلام ده قابله للتحقيق؟ ام تظل احلام فقط!

انشاء الله ماحأركلس, لانى عندى طموح كثير اسأل الله ان يساعدنى على تحقيقه

هذه المرحله يادوب اعتبرها مرحله الاساس, وطريق الالف ميل يبدأ بخطوه

أسأل الله ان يعيننى فى دينى ودنيتى

وتشكر لمرورك من هنا



وفى امان الله

لا اله الا الله

Quote: أن شاء المولى عز وجل ستكون هذه سنتى الاخيره فى الجامعه...فماذا بعد؟ وماذا سيحدث بعد التخرج؟ العمل ام الماستر ام ماذا؟ Quote: & العرس..العرس..العرس..العرس..العرس..العرس...العرس...العرس... العرس..العرس..العرس...العرس...العرس... العرس..العرس

---

Post: #12 Title: Re: سنه أولى تخرج حلمتو بشنو(2) ? Author: bint_alahfad Date: 05-21-2004, 11:53 PM Parent: #1 اخى الكريم صديق الموج انت ماسمعت مريومه لما قالت لى لو لقيتى مواصفاتك ده ابقى قابلينى؟ عايذنى اقعد فى البيت انتظر ابقى فابلينى ده!!! تحياتى وفى امان الله لا اله الا الله

---

Post: #13 Title: Re: سنه أولى تخرج حلمتو بشنو(2) ? Author: salam Date: 05-22-2004, 06:36 AM Parent: #12 العزيزة بت الاحفاد اولا الف مبروك على التخرج و تاني و الله الحال و الحيرة من بعضو انا برضو خلصت الشهر دا و تخلي من تاني يوم حسيت بالملل و غير دا اتعودنا على سيستم القراية و الزنقة حاليا برضو ماعارفة اقرر .... في راسي افكار كتيرة جدا و في نفس الوقت حاسة انو مافي حاجة و ما قادرة اقرر و البوست بتاعك دا قلب المواجع عليك الله لو لقيتي حل قولي لي اقعدي عافية

---

Post: #14 Title: Re: سنه أولى تخرج حلمتو بشنو(2) ? Author: bint_alahfad Date: 05-22-2004, 11:56 AM Parent: #1 العذيذه سلام اولا الف مبروك للتخرج وعقبال الدكتوراه, الله يوفقك دنيا وأخره وكويس لقيت لى واحده تشاركنى حيرتى, اعملى حسابك لمن تفكرى فكرى لأثنين ما ذول واحد ok? خلينا نحن الاتنين نجيب لينا صينيه شاى معاها حبه كعك ونقعد نونس بعض ونفكر لحدى ما نلاقى لينا حل, رأيك شنو؟ انا برضو زى ذيك ماقادره اقرر برغم انو فى افكار كتيره فى راسى لكن انشاء الله بنلقى لينا حل, الله يعافيكى يا غاليه وفى امان الله لا اله الا الله

---

Post: #16 Title: Re: سنه أولى تخرج حلمتو بشنو(2) ? Author: salam Date: 05-22-2004, 12:13 PM Parent: #14 ازيك يا بت الاحفاد اها انا جبت الكعك و الشاي عليكي و الله انا برضو كنت مفكرة طوالي اكمل ماجستير بس قالوا احسن الماجستير مع الخبرة و في طبعا ممكن الواحد يعمل ماجستير بارت تايم بس ماعارفة لسة و الله اها انت في راسك شنو سلام

---

Post: #18 Title: Re: سنه أولى تخرج حلمتو بشنو(2) ? Author: bint_alahfad Date: 05-22-2004, 01:08 PM Parent: #16 العذيذه سلام كعكك لكن ما رهيب, شكلى كده حأكملو قبل ما اجيب صينيه الشاى, بتفضلى الشاى بالنعناع ولا بالهبهان؟ وبسكر ولا تنامى خفيفه انا برضو محتاره, البعض بيقول احسن الماستر طوالى والبعض الاخر الخبره, وبعضهم العرس حيرونا معاهم الناس ديل احتمال لما نخلص صينيه الشاى ده نلقى لينا حل, كدى خلينى امشى اجيب الشاى واجى فتك بعافيه وفى امان الله لا اله الا الله

---

Post: #15 Title: Re: سنه أولى تخرج حلمتو بشنو(2) ? Author: ali othman Date: 05-22-2004, 12:00 PM Parent: #1 حمدلله على السلامة وربنا يحقق ليك طموحاتك وزي ماقال أنور واصلي طزالي لأنه الإنقطاع بيولد الكسل

---

Post: #19 Title: Re: سنه أولى تخرج حلمتو بشنو(2) ? Author: bint_alahfad Date: 05-22-2004, 01:14 PM Parent: #15 الاخ الكريم على عثمان الله يسلمك من كل سوء, ويوفقك دنيا واخر صوت اخر من انصار الماجستير طوالى, وانشاء الله اضعو فى عين الاعتبار وتشكر لمرورك من هنا وفى امان الله لا اله الا الله

---

Post: #17 Title: Re: سنه أولى تخرج حلمتو بشنو(2) ? Author: Raja Date: 05-22-2004, 12:59 PM Parent: #1 الحبيبة الغالية "بوني".. ياااااااااااااااه هو نان جنس حلم.. وتصدقي لغاية هسع ما حققت منو غير 10%.. ألف مبروك التخرج.. ومرحبا بك في عالم الشغل والاحتراف.. راجعة ليك عشان اقول ليك حلمت بي شنو وشنو وشنو وشنو و.....

---

Post: #20 Title: Re: سنه أولى تخرج حلمتو بشنو(2) ? Author: bint_alahfad Date: 05-22-2004, 01:26 PM Parent: #1 الحبيبه جدا رجويه الليله من الصباح وين, صدقينى افتقدتك كثير وكنت ناويه اسأل منك لكن الحمدلله جيتى برجلينك قلتى لى 10% بس اتحققو من حلمك؟ والبقيه مشو وين؟ اوعى يكون السبب البريك الاخدتيهو؟ الله يبارك فيكى ياحبيبه ولو انى لسه عندى ال Viva يعنى بدرى شويه على التخرج وكمان قلق انتظار النتيجه ما تتأخرى فى الجيه, انا وسلام منتظرينك بالكعك وصينيه الشاى وتسلمى ياحبيبه وفى امان الله لا اله الا الله

---

Post: #21 Title: Re: سنه أولى تخرج حلمتو بشنو(2) ? Author: Ahmed Elsharif Date: 05-22-2004, 03:31 PM Parent: #20 bint_alahfad I wish you good luck after graduation. As for me I worked as a teaching assistant for one year after graduation and then I worked one year in field then I went to graduate school and got a master's after that I changed gear to computer world since I found myself good in programming like many of sudanese engineers here. But I hadn't had many dreams I remember, actually because of my field of study, when you study engineering you tend to be more realistic and practical not a dreamer. Any how I think what you do after graduation depends on the place where you live and the chances for work. If you find a decent job I think you go for it and get experience and while doing that you can continue graduate studies you will gain more. If you like the academic environment more and like to teach then I think the graduate school well suites you. However I think a master's degree will be good for your career for sure just make sure you choosse a good program that gives real skills not just text book reading abilities. From my experience I wish I started some business of my own at that time, since I'm one of the people who believe the best way for living is to to be an enterpreneur and not an employee. Back in sudan it's different since people have respect more for phd holders. In the US it's totally different. People start work from an early age like 21 or 22 right after they finish college and by 30,31 they become magnagers and some lucky ones become wealthy from that age and they hire those phd holders ironically, so that just raised the question into my head about the aim of education, I think the aim of that is to give you the skills and the edge necessary to be successful in this life and also to be able to change the environment around you in a good optimized way I'm more of practical and i'm still learning how to do business in an efficient way. Just an advice: always try to think of the imlications of what you'll be doing now on your life after say 10 years ahead and also try to think out of the box, try to be creative with your ideas and dreams, work hard for it untill you find yourself very skillful in what you do and you'll be all right

---

Post: #22 Title: Re: سنه أولى تخرج حلمتو بشنو(2) ? Author: bint_alahfad Date: 05-24-2004, 11:22 PM Parent: #21 Dear brother Ahmed Elsharif Many thanks for passing by my post and sharing ur experiences Today I went to my university and brought the postgraduate prospector I was still confused which course to choose for my postgraduate. In where I live they paying more attention to work experience more than Master, however I feel I need to do the Master to help me to develop my carer , I am also thinking to do a PhD in the future inshallah by the help of AllAh S.B.W. but defiantly I need a long break before thinking to do the PhD. I don’t like teaching, and my aims of study are to get knowledge more than getting a job that why I like to do further study inshallah. Although work experience is very important for those who working in there, I haven’t done any experience a part from been a part time teacher assistance at my university for 2 years while I was studying at the same time, that why I am thinking of having a part time job while I am doing my Master to get some experience inshallah. I ask AllAh S.B.T to success in this life and the second life, and to make my dreams come true. Thanks again for sharing Regards وفى امان الله لا اله الا الله

---

Post: #23 Title: Re: سنه أولى تخرج حلمتو بشنو(2) ? Author: Ayman Gaafar Date: 05-25-2004, 04:42 AM Parent: #22 حمد لله على السلامه انا افتكر انك تدى روحك حبه راحه وبعد داك الرؤيه بتتضح انشا الله..

---

Post: #24 Title: Re: سنه أولى تخرج حلمتو بشنو(2) ? Author: smart_ana2001 Date: 05-25-2004, 04:58 AM Parent: #23 الغاليه بنت الاحفاد الف الف مبروك التخرج مقدما , و حظ سعيد و بالتوفيق باذن الله فى المناقشة كانت احلامى بعد التخرج مباشرة فى ان اجد وظيفه , و اشتغلت فى عدة اماكن كمتدربة و بعد ستة شهور لقيت وظيفة محترمة فى شركة بترولية كبرى فى السودان. و كنت سعيدة جدا جدا بيها . خاصة و انها اول مرة اقبض فيها مرتب (محترم ). و اظن ان السبب الوحيد اللى خلى حلمى هو الوظيفة وليس الماجستير هو انى فى السودان و بما انك فى انجاترا , و على حسب معلوماتى الماجستير عبارة عن سنة دراسية خامسة , فاوصيك باتمام الدراسة على طول . كل صديقاتى فى بريطانيا اتخرجو بالماستر مرة واحده . و ده معناها ان المنافسة فى السوق عاليه جدا .اتوكلى على الله و اعملى الماستر. يا الجماعه اللى بيتكلمو عن العرس بنت الاحفاد كانت بتسال عن الامور الاكاديمية و العملية . و ليس الاجتماعية ( صحيح يا بنت الاحفاد ) المواضيع دى ما ليها دخل ببعض ما فى شى بيمنع ان تتزوجى اثناء الماجستير . بس ما معناها انك ح توقفى دراستك. ربنا يوفقك

---

Post: #25 Title: Re: سنه أولى تخرج حلمتو بشنو(2) ? Author: Anwar Ahmed Date: 05-25-2004, 05:45 AM Parent: #1 bint_alahfad Best of luck in your future endeavor Anwar Ahmed

---

Post: #26 Title: Re: سنه أولى تخرج حلمتو بشنو(2) ? Author: Teeta Date: 05-25-2004, 06:25 AM Parent: #1 بت الاحفاد العزيزه جدا الف الف مبروك التخرج وعقبال الماجستير والدكتوراه لكن شكلك كده عرس طوالى ولا شنو ؟والباقى ملحوووووق

---

Post: #27 Title: Re: سنه أولى تخرج حلمتو بشنو(2) ? Author: AnwarKing Date: 05-25-2004, 06:49 AM Parent: #1 Alsalam Alykom Quote: Today I went to my university and brought the postgraduate prospector I think this is the right Track... You know ya bit_alahfad, lets consider Sudan after 10 years... We need a highly educated people to develop the country... Its our responsibilty ya bit_alahfad, so after getting your Master degree, we will be sure that Your coming generations is fit enough to adapt life difficulties insha'allah... Wish You all the best & always forward... AnwarKing

---

Post: #28 Title: Re: سنه أولى تخرج حلمتو بشنو(2) ? Author: bint_alahfad Date: 05-26-2004, 09:28 PM Parent: #1 الاخوه الافاضل...الاخوات الحبيبات Ayman Gaafar smart_ana2001 Anwar Ahmed Teeta اشكركم كثيرا لمشاركتى فرحتى بانتهاء الامتحاناتى ومشاركتى احلامى, لكم التقدير العميق, اعتزر عن الرد لكل منكم على حده, سأرجع للرد عليكم بعد ان تتحسن الاحوال فى البورد بأذن الله تحياتى وفى امان الله لا اله الا الله