Post: #1
Title: فارس أحلام النسابة .. من هو؟؟؟
Author: بدرالدين شنا
Date: 05-19-2004, 06:44 AM
Parent: #0
نسيبتو قالت شوية وحرمان ما يدخلن عليَّا (دي نسيبة) ونشوف غيرها
النسيب خجل من نسابتو الغنيانين ومشى الجزارة زرد الكيس لمن طقطق وجابو ختاهو جنب باب المطبخ بعد خمسة يوم لقى كيسو مليان في محلو زول هبشو مافي بي بصلاتو المدلدلات ديلك وضبانو ينوني
النسيبة عندها إتنين متزوجين بناتها واحد مفلس بتريدو (حسن) وواحد غنيان بتكرهو (إسماعيل) أها يوم جاء عرس بتها التالتة إسماعيل الغنيان ضبح تور وحسن المفلس ضبح ديك في اليوم التاني النسيبة قالت والله كان ما ديك حسن تور إسماعيل دا ما كان بكفي الخلق الأمس دي
أها يا جماعة جبنا شوية قالوا حرمان
زردنا الكيس خلوهوا لينا في محلو
ضبحنا تور ما نفع
السؤال إين أنت من هؤلاء وما السبيل لنيل رضا النسيبة؟؟؟
وبالنسبة للأخوات ممكن يقلبن الشريط أو الورقة ويجاوبن
|
Post: #2
Title: Re: فارس أحلام النسابة .. من هو؟؟؟
Author: ابو جهينة
Date: 05-19-2004, 10:28 AM
Parent: #1
شقيقي الحاج بدر الدين
تحية غليدة
النسيبة ( أم الزوجة ) في وقتنا هذا تريد أن ترى في زوج إبنتها ذلك الرجل من عصر زوجها و جيله ، و هنا يحدث إما أن تحبه أو تكجنه.
هناك أزواج يدخلون قلوب النسيبات من يوم فتح الخشم ( لله في لله )
و هناك أزواج مهما قدموا و فعلوا ( ما بينزلوا من زور النسيبة ) بتدور تدقو بلا غبينة ..
تسلم
|
Post: #3
Title: Re: فارس أحلام النسابة .. من هو؟؟؟
Author: الزنجي
Date: 05-19-2004, 10:34 AM
Parent: #1
كان كدا وووووب علينا نحن ما راجيانا مصائب
|
Post: #4
Title: Re: فارس أحلام النسابة .. من هو؟؟؟
Author: عشة بت فاطنة
Date: 05-19-2004, 11:23 AM
Parent: #3
عليك الله ابدر الدين انت اماني لامي فيها خلي امها ، والله دا شوق ساي ، وانا قاصدة انو الشتات غير الاوضاع وبدل الاشواق والنسيبة دائما تحلم برؤية بنتها ولا ولدها في المهجر او الاغتراب واذا كان الحال متيسر اكيد كل ها زوق وشوق ، حسي يا بدر الدين انا ما شفت نسيبتي الا مرتين بس مرة سافرت ليها مخصوص ومرة واحدة وحسي انا مشتاقةليها لانها مرة طيبة وفي حالها مصاريفها كان اتاخرن ما بتسال منهن
|
Post: #5
Title: Re: فارس أحلام النسابة .. من هو؟؟؟
Author: بدرالدين شنا
Date: 05-19-2004, 01:41 PM
Parent: #1
شقيقي جلال فارس أحلام الجمال .. سلام
| Quote: هناك أزواج يدخلون قلوب النسيبات من يوم فتح الخشم ( لله في لله ) |
هي من يوم (فتح الخشم) وبرضو تقول لي لله في الله
والله يا ابوجهينة لمن فتحت البوست وشفت الصورة الخاتيها لمن شهقت قلت ياربي المرة السمحة دي نسيبة منو؟؟؟
حبيبي الزنجي كيف حالك
إنت الشافع البتراقص دا حقي ولا إستنساخ؟؟؟
| Quote: كان كدا وووووب علينا نحن ما راجيانا مصائب |
البشوف نسايب الناس تهون عليهو نسيبتو
لك حبي وشافعي
عشة بت فاطنة سلااااااااااااام
| Quote: وحسي انا مشتاقةليها لانها مرة طيبة وفي حالها مصاريفها كان اتاخرن ما بتسال منهن |
إنتي بهمك الجزء الأخير مش؟؟؟ ما بكلم زول بس بيني وبينك
قالت مشتاقة قالت
والله أنا المشتاق ليك ولي أمانيني ونسيبتي الله يرحمها ولجميع جميلي المنبر
|
Post: #6
Title: Re: فارس أحلام النسابة .. من هو؟؟؟
Author: Raja
Date: 05-19-2004, 01:53 PM
Parent: #1
حاج بدر فارس أحلام المتصفحات واماتن كمان..
سلام لغاية بعدين..
|
Post: #7
Title: Re: فارس أحلام النسابة .. من هو؟؟؟
Author: Ahlalawad
Date: 05-19-2004, 01:58 PM
Parent: #1
طيب يا البدري .. لمن تجي تقلب الصفحة .. كلمني .. عشان أنا في يومن من زات الليامي حا أكون نسيب . وسوف أقول شروطي على ابو النسب المرتقب .. أول حاجة في كليمات كدي ما يقولهن قدامي ، منهن : تعرف يا أبو الجقق .. الفردة دا كان معانا .. بعدين دقس واتلحس ..
فهمت حاجة؟
أنا زاتي
|
Post: #8
Title: Re: فارس أحلام النسابة .. من هو؟؟؟
Author: بدرالدين شنا
Date: 05-19-2004, 02:24 PM
Parent: #1
الغالية حد الحب رجاء سلام
طبعاً كان مفروض أنا أثبت ليك حقوق الطبع في سرقتي للعنوان لكن قلت على الأقل عشان اضمن دخولك وتعليقك (بكون ضمنت لي راكب) وأشحن على الطريق
لكي حبي ونسبي
أهل العوض والرونق سلام
خليني أستلف عبارتك الجميلة ديك البتقولها
أءطع دراعي إذا فهت حاقة
| Quote: لمن تجي تقلب الصفحة .. كلمني |
إنا غايتو برقد على الصفحة دي عشان ضهري ما يووجعني
| Quote: تعرف يا أبو الجقق .. الفردة دا كان معانا .. بعدين دقس واتلحس .. |
شروط شنو ياخي القصة دي في النهاية قسمة ونسيب
|
Post: #9
Title: Re: فارس أحلام النسابة .. من هو؟؟؟
Author: ابو جهينة
Date: 05-22-2004, 12:40 PM
Parent: #8
أنا و الزنجي و أهل العوض
غايتو الباقين عندهم راى في أمات نسوانم.
عليكم الأمان .. العجايز ديل بعيدات من الشاشة .. أكنبوا ما بدا لكم
|
Post: #10
Title: Re: فارس أحلام النسابة .. من هو؟؟؟
Author: صديق الموج
Date: 05-22-2004, 02:11 PM
Parent: #9
بدر السمح قالوا فى واحدة برضو عندها تسيبين واحد غنيان وواحد زى وزيك...الغنيان بجى محمل بالاكياس وبلز الباب بى قفاه ويجى داخل والزينا داك بجى مطلق ايديهو ساكت ويجى بى وشو..يوم هو داخل لاقتو فى الباب فالت ليه بس ..متمنيه يوم تجى دافر الباب ده بى ضهرك ..كل يوم جاينى بى وشك ده...
لكن يا حبيب انت عندك البنات دحين انا حاجز اتنين وبختك يعنى جايك نسيب بى قفاى
|
Post: #11
Title: Re: فارس أحلام النسابة .. من هو؟؟؟
Author: Raja
Date: 05-22-2004, 04:06 PM
Parent: #1
|
Post: #12
Title: Re: فارس أحلام النسابة .. من هو؟؟؟
Author: nazar hussien
Date: 05-22-2004, 04:57 PM
Parent: #11
يا البدر
فارس احلام النسابة...هو ذلك الطيب الذي تاكل عشاه العز...البيطلعوه فوق رأس البيت والمطر صابه...عشان يعدل الدروه...البيعرف ينسج السراير والعناقريب وعندو عدة نجارة...بيعرف يصلح البيبان والطبل والكوانين...بيعرف يجلط ويبني ويكسر ويجيب البرسيم لي نعاج النسيبه...
البيرسلوه السوق نصّة نهار والحر يقلي الحبه...يجيب الناقصة...
البيعرف يضبح الضحيه والسماية والكرامه...وعندو كنش لي النفخ...وحبال لي عليق البهيمه...الونّاس...وما عندو قروش كتيره بس مو عدمان...هن كتار بس انا هسي استعجلت..وبجيك عقب صاد
|
Post: #13
Title: Re: فارس أحلام النسابة .. من هو؟؟؟
Author: مريم بنت الحسين
Date: 05-22-2004, 05:05 PM
Parent: #1
عفيت منّك يا بدر الدين... ده الكلام في المليان... انا خطر لي قبيل أكتب لرجاء بي هناك إنه الواحد بعد يلقاه... النسابة عندهم كلمتهم... !
قال على حصان أبيض قال!
|
Post: #14
Title: Re: فارس أحلام النسابة .. من هو؟؟؟
Author: بدرالدين شنا
Date: 05-23-2004, 06:35 AM
Parent: #1
شقيقي جلال سلام
| Quote: أنا و الزنجي و أهل العوض |
هوي الزنجي العاصرنو بيناتكن دا ما عندو نسيبة نزلوهو
والله هناك الكثير المثير في حكاية أمهات النسوان وياريت الناس تكتب ويظل الإحترام والتقدير موجود ويكفي الواحدة منهن أنها أنجبت من نحب
يديك العافية
صديقي صديق الموج سلام
| Quote: لكن يا حبيب انت عندك البنات دحين انا حاجز اتنين |
عايزهن ضبيجة ولا حليب؟؟؟ إتنين يا مفتري؟؟؟ إنت بتجمع وتقصر؟؟؟
يخيل لي أنا ما (مناسب) ليك
المتميزة رجاء سلام
والله صدقتي في كل ما ذكرتي وطبعاً زي النوع الأول (الشدييييد) دا بتكون النسيبة ناسبته قبل ما يتزوج بتها أما النوع التاني دا الله يكفينا شرو والنوع التالت دا حنني عديل كدا
الحبيب القريب نزار حسين سلام
| Quote: هن كتار بس انا هسي استعجلت..وبجيك عقب صاد |
حالتك دي إستعجلت؟؟؟ ياخي إنت وفيت وكفيت ورجعتني البلد وذكرتني أهلنا وكلمات قريبنا أمحمد ود أمحد اللمين بتكيف لمن يشوف ليهو نسيب زي دا ودائماً يطلق عليهم إسم (تلوماش)
غايتو أنا فرحت بي طلتك دي شديد يا نزار
الغالية مريم بنت الحسين
أنا طبعاً معجب بيك من زمان والليلة لقيتك في بيتي فخليني أحبك عبر صورة الطفلة الجميلة دي .. الله يديك العافية ويسترك مع نسيبتك
تسلمي
|
Post: #15
Title: Re: فارس أحلام النسابة .. من هو؟؟؟
Author: Ahlalawad
Date: 05-23-2004, 07:44 AM
Parent: #1
أبا جهينة .. صباحاتك ..
ياخوي ما تلمنا علي بدر الدين دا .. أنا شخصيا لسة دفعتي فيها ناس ما اتزوجو
والبدري البتشوفو عينك دا ... لمن كمل الابتدائية كتب ديوان شعر (اللي حب ما طالش) وهو في ريعان شبابه يعني خمسطاشر سنة .
|
Post: #16
Title: Re: فارس أحلام النسابة .. من هو؟؟؟
Author: waleedi399
Date: 05-23-2004, 08:53 AM
Parent: #1
الاخ بدر الدين شنا
لك التحية والاحترام، والله يجازي شيطانك والله حلوة ديك حسن دا وتور اسماعيل، قلت لي كما ديك حسن
تور اسماعيل دا ما كان كفى الجماعة، انت ما سمعت بي حكاية القشة التي قصمت ظهر البعير وهذا هو
ميزان العدالة، وزيادة الخير خيرين، والناس ما يبقوا زي ناس أبو ستة ولا شنو يا جماعة.
أخوكم / وليد احمد
|
Post: #17
Title: Re: فارس أحلام النسابة .. من هو؟؟؟
Author: بدرالدين شنا
Date: 05-23-2004, 09:29 AM
Parent: #1
أهل العوض والرقي سلام
| Quote: والبدري البتشوفو عينك دا ... لمن كمل الابتدائية كتب ديوان شعر (اللي حب ما طالش) وهو في ريعان شبابه يعني خمسطاشر سنة . |
أحسدك على هذه الشفافية ومقدرتك على إصطياد عصفورين (أنا وابوجهينة) بمداخلة واحدة أما بخصوص ديوان الشعر فإسمه (طالش ما طالش)
| Quote: البجري نسيبتو مرتو طلقانة |
أنا والله الكلام دا ما فاهمه
ممكن تشرح أعلاه
تعال نتناسب رايك شنو؟؟؟
|
Post: #18
Title: Re: فارس أحلام النسابة .. من هو؟؟؟
Author: بدرالدين شنا
Date: 05-25-2004, 02:32 PM
Parent: #1
| Quote: والناس ما يبقوا زي ناس أبو ستة ولا شنو يا جماعة |
غايتو ناس أبوستة ديل أنا ما بعرفهم يكون عندهم علاقة بي ابوستة بتاع الحواشات عندنا في الجزيرة ولا ناس حسن ابوستة ولا يكونوا يا ربي ديل أهل خط ستة
تسلم حبيبي وليد399
|
Post: #19
Title: Re: فارس أحلام النسابة .. من هو؟؟؟
Author: THE RAIN
Date: 05-25-2004, 02:43 PM
Parent: #1
تعرف يا بدر التمام
أنا ما كنت عارف المحل ده، مشدوه بى غادى مع ناس الحيشان السته
اها قام اهل العوض، زول مسلط خلاص، ورانى ليهو
أنا غايتو عندى أطيب وأحسن وأفهم نسائب فى الدنيا دى كلها، وكان فى ناس احسن منهم، الا يكونو ملائكة عديل بعد كده
أنا امى داعية لى زى ما بقولو ناس رجاء، ولا شنو
عشان كده أنا والمدام لازم نكون زيهم، "دى دعاية طبعا لآمنة وأمل" عشان الله يلمهن فى عرسان قوام قوام، لسه ورانا حاجات عايزين نتفرغ ليها
|
Post: #20
Title: Re: فارس أحلام النسابة .. من هو؟؟؟
Author: Nada Amin
Date: 05-25-2004, 03:56 PM
Parent: #1
يا ناس حوش النسابه سلام
تعرف يا بدر الدين هنا في أمريكا بقولوا
there are two nightmares; the mother-in-law and the roommate
بعدين المحيرني حكاية يسموا النسيبة mother-in-law دي، شفت سطوة النسيبات هنا جابت ليها قوانين كمان!
|
Post: #21
Title: Re: فارس أحلام النسابة .. من هو؟؟؟
Author: بدرالدين شنا
Date: 05-26-2004, 06:58 AM
Parent: #1
| Quote: ورانا حاجات عايزين نتفرغ ليها |
دايرين تحضِّروا يعني؟؟؟
أنا شخصيا أرحب بمصاهرتكم واسعد بأن تكون أم آمنة نسيبة لإبني أوَّاب لعلمي التام بأن المطر يمطر ذهباً
أعتقد عندك فكرة إني بريدك يا أبوذر مش؟؟؟
| Quote: يا ناس حوش النسابه سلام |
وعليكم السلاااااااااااااام يا ندى أمين
أنا لي زمن أشحد في ربي يزوروني ناس ندى أمين وندى علي ولنا مهدي ويحلني شوية من ناس أهل العوض والملاعمر .. أها ربي أجاب دعائي وجابك لي وفرحني بي طلتك
يعني الأمريكين عندهم النسيبة وبن لادن حاجة واحدة؟؟؟
عجبني ليهم اولاد الهرمة
|
|
..
..