تمبس ,ومراويد ,ورجاء, وكل من لف لفهم ..... اتحداكم يعنى؟

الغنيه دى اهداء خاص للمطر وشتات وجورج
ولسه دا اول الغيث
ودا تحدى لى مراويد
بالتحديد
ورينى كبيرك وين وحدك وين
اها لقيتونى كيف
بالمناسبه السى دى دا ببارينى محل ما امشى
وفى النهايه نشكر كبيرنا الما بنقدر نتحرك شبر من غيرو

راوية..

رايك شنو في وصلة مع مصطفى سيداحمد

راوية..ازيك


انا طبعا بره التحدى دا _ زى ما قلت لتمبس ..
نحن التحدى بتاعنا دافورى ببيبسي...

لكن ده شنو ده؟!!!!!

ده ما الابداع ذااااااااتو

اها منتظرين غيثك ده ينهال علينا مدرارا

يمكن نتعلم نتحدى ونشوت بره خط 18 بالروعة دى

مودتى

الوليــد

راوية

الإرتواء والرى والسقيا

كيف الأحوال

الجهاز فى المكتب عندى دائما بخذلنى فى السمع، عشان كده مخصوص حأمشى البيت حالا، يعنى حأزوغ عديل كده وما حأنتظر لحدى الساعة ستة، وأسمع وأستمتع، عارف ذوقك سامى جدا جدا

ويا ريت الزول يقدر يرد ليك الهدايا يا راوية، المهم دفعة أولى مقدما، نهدى ليك المحبة والإمتنان والأمنيات العذبة

ومقدما برضه أرد نيابة عن جورج وشتات لحدى ما يجو

وخلينى أسمع وأجى تانى

راوية .. روايتنا الأثيرية ..
العنبة الرامية في بيتنا ..
لوحتنا الجدارية ..
نهديك يا راوية كل الحروف .. جمالها .. وجمال نيلنا وجمال بلدنا وأهلنا ..
ونتمنى ليك يا راوية جلسة عصرية ..
جلسة عباسية .. نحنا كلنا ضيوفا .. وتجي انت و رجاء .. نشرب الشاى والقهوة من يديكم .. ونشرب رحيق لحظات سرقتها الغربة وشجونها وبقينا أسرى للأشواق .. ونضحك وننسى اننا يوم عشنا غربة وهموم ووجع ونحلق مع العصافير في كل جو ..
تعرفي يا راوية .. فعلا نحن محبوسين في سجون الشوق .. بس الشوق دا طبعا زاد .. ونعمة كبيرة ، يعنى مثلا انت في أمريكا .. رجاء في القاهرة .. نحن في الرياض .. المطر في جدة .. جورج في صنعاء .. وناس حلوين في الخرطوم .. بس كلنا مشدودين عبر هذه المدن بي حبال الشوق واللهفة .. موعودين بحلم اللقاء .. والأحلام حياة .. حياة مليانة بروح الحياة والأمل .. والأمل عمر يضاف للعمر .. ولو شفت المسلسل بتاع "الزير سالم .. المهلهل بن ربيعة فارس بنى هلال" وهي عن قصة حرب البسوس فيها مشهد أثرني جدا .. كان في واحد اسمو "ياقوت" وياقوت دا هندي عاش معظم عمره في الجزيرة العربية وطول هذا العمر كان بيحلم يرجع بلده الهند .. وكان في واحد من الأعيان رحَّـاله هو امري القيس صديق المهلهل قال لي ياقوت .. يا "ياقوت" أنا رايح الهند وحا أسوقك معاي .. فصمت ياقوت فترة .. وقال لامري القيس .. انا طول عمري بحلم أرجع الهند .. لكن ما حا أروح معاك الهند .. لأنو لو رجعت الهند أحلم بي شنو تاني .. انتهت قصة ياقوت ..
ما عايز أقول ما نرجع لكن .. عايز أقول انو الحلم والأمل حياة وعمر آخر ..
وأهو يا راوية لما يكون عندنا ناس رايعين وأنقياء زيكم كدة في شبكة اجتماعية حلوة زي دي الواحد بحس انو الدنيا دي حلوة ولسه فيها خير .. وبتصور انو قاعد في "المين رود" في جامعة الخرطوم أو في شارع النيل في مدني أو نادى الجزيرة يحضر حفل لعصام محمد نور أو بيحضر محاضرة في قاعة الشارقة .. أو عرض في المسرح القومي في امدرمان .. وهكذا .. ودي حياة كاملة بتخفف كثير من آلالام الغربة ..
المهم يا راوية انا والله سعيد جدا بانو عندي أخوات وأخوان زيكم وأحس بانو عندي كنز وراس مال كبير .. بس انشاء تجمع الدنيا كدة في الخرطوم كلنا كدة نشرب من النيل ونتغبر بكتاحة الخرطوم والبلد تكون بقت حلوة وتسعنا كلنا فيها حرية وعدل ومساواة وجندرية ..
تحياتي مرات ومرات وسلمي على رجاء ..
ونلتقي دايما انشاء الله ..

بلادي البعيدة عنى كقلبي ..
بلادي القريبة مني كسجني ..
لماذا أغني مكانا .. ووجهي مكان ..
سألاقيك ..
لست وحدي ..
معي ثلة من الأصدقاء ..
زادي وزيادتي في البقاء ..
يهدونني لحنهم ..
أهديهم عطري ولهفتي ..
في أغانيهم مواجدي ..
في رحالهم مقاصدي ..
سألاقيك ..
نحتفل بالعيد ..
عيد محمول في كفوفك يا وطني ..

وعميق ودي ومحبتي يا راوية
صلاح / شتات

راوية عن إذنك..

الغالي صلاح..

أؤمن تماما ان الحب لا يقابله إلا حب.. وان الاحترام لا يجد إلا كل إحترام.. وان ما يجمع بين الناس هو تركيبة منهما زائدا هبة من الله.. تقربك للناس او تجافيك عنهم..

الحمد لله ان كنا محاطين بهذا الكم من الحب.. وبهذا الكم من الاحترام.. واعلم انه مهما اكتسبنا من تجارب وخبرات "مُرة".. إلا ان هذا لا ولن يزيدنا إلا حبا واحتراما..

دمت ايها النبيل.. ودام كل زوارك الكرام راوية..

رجاء ..
في مدارك ما أجمل السفر ..

الحب .. الاحترام ..
الشوق .. الذكرى .. الأحلام ..
كلمات من ذهب .. لا تزيدهـا نيران الحياة إلا بريقـا ولمعـانا ..
يتجدد معناها بتجدد معاني الأيام .. وتختلف اتجاهاتها باختلاف اتجاه الريح ..
وهي غايات وقيم مطلقة .. كالأفلاك تسبح في دوائر إلهية مرسومة ..
إننا لا نختار الحبيب .. ولا نختار الأشواق .. ولكنها بوصلة توجهنا تلقائيا ..
لكننا قد نلوَّن الذكرى .. ونرسم الأحلام والأماني ..
"ورغم أننا لا نملك دفاتر التاريخ ومفاتيح الجغرافيا وخطوط الطول والعرض .. لكن من حقنا أن نحلم ..
هكذا ولد الإنسان مدركا وخياليا .. والأحلام حق مشروع .. ومن حق أي انسان أن يحلم .. وأن يحدد مشروعية حلمه .. لونه .. مذاقه .. مساحته وساعة ولادته .." كما يقول جبريل أبوديه
والمحبة من الله .. وأعتقد أن محبة الناس من محبة الله ..
لك يا رجاء ..
لك يا راوية ..
لك يا جورج ويا مطر ..
والي كل الذين يحفظون الود في محافظ القلوب وأن نأي بهم الغياب ..
أقول أنكم أضواء منيرة في مسار الخطوة ...
القصيدة التي لم نقلها ..
والمقطوعة التى لم نعزفهـا بعد ..
فقط نضع في بستانكم زهرة ..
وألتقيكم ..

صلاح / شتات

لاولا الحبيبة..

تصدقي ما سمعة حاجة لسة ..

لكن عااارفة ذوقك.. بعدين حأقول ليك رأيي..

تانيا: الكعوبية لزومها شنو "وكل من لف لفهم" ..

ياخي نلقاها منك ومن الححبايب الحلوين ..

مبروك غايتو للثلاثي الجميل: المطر وجورج وشتات..

يستااااهلو..

بنات العباسى ..مبروك (العلم نورن) لكن طيقور بتلحقنو كيف؟؟؟؟

وبعدين انا عارف هذا الاهداء يشملنى لانو الموج من المطر والمطر اصلو موج

سلمتى.

طيفور ياعزيزى
شكرا كتير مع انه الحصه اجنبي لكن مصطفى ينفع شديد
لى طلب سغيرونى ممكن تتحكم فى التشغيل عشان انا ناويه اهزم مراويد .............اتحكم لى فى التشغيل
وجيب عكازك بتاع سيجيمان وتعال
وليد
تسلم ياذوق لو ما خايفه من دكين ولسانه كنت قلت ليك اكتر من كدا
شتات
IAM SPEECHLESS
المطر
فى تانى اتنين لى جيمى اتمنى يعجبوك


رجاء لف لفكم دى حنينه... حنينه ...ووليد يس

الموج اصبر تانى فى اتنين ,وتانى فى واحده ,وواحده ,وواحده تانى ,وخلاس .... ولو طلبت يكون احلى

أها يا راوية

..................( فى جاه الملوك نلوك < نطرب>).................

Rawia

غنية جمييييلة

طبعا انا من من لف لفهم
تسلمى

راوية

عباسية البهاء

سمعت "الريقى" العذب، تعرفى يا راوية دائما بحس إنه الإيقاع ده فعلا فيهو سحر عديل كده، السحر العجيب داك ال "ماجيك" يعنى، اضافة للسحر التانى ال "شارمنغ"

وزى ما بقولو اهلنا ال "راستا فاريانز" انه الايقاع ده جابوهو معاهم من أفريقيا، ومن شرق أفريقيا تحديدا، يعنى نحن داخلين معاهم داخلين معاهم، وأى ناس فى الدنيا دى، الموسيقى والايقاعات بتاعتهم بتكون أصلا مخلوقة مع الدم ومع الجينات فيهم

يا ريت والله يا راوية لو كنت "شديد" زى ناس تمبس ومراويد ورجاء وباقى العصابة ديل، كنت أهديت ليك أغنية من أبو داود، لكين يا للحسرة، أخوك بليد بلادة شديدة جدا فى الأمور التقنية دى

وتانى شكرا عبيرا يا راوية، والمرة دى بالنيابة عن جورج بس لأنه صلاح وصل الحله خلاص

بالله عاين الخيار والفقوس ده
انا وتمبس و وليد وخالد متقطعين ومتبهدلين نفتش فى الغنا السمح و ننزل مساهرين الليالى مافى زول جا مهبب ناحيتنا كتر خير دريمز و حنينه والجريفاوى ،حتى المطر جابو الدرب رما ليهو كلمتين دراب و مشا، راويه تنزل ليها اغنيه ما معروف راسا من قعرا...الشعر و المشاعر تنزل رز، ادونا معاكم خمشة شعران شاءالله غنمى "طرعى" ..يا بتاعين الناسات انتو..انا حاسد و بغران و حفلتكم دى بفرتقا ليكم،
وانتى يا بتاعت مؤتمر الاتحاديين ما قلتى مشغوله ... ولا البكا بحرروه اهلو

غايتو شعركم ما بناباهو علا الفيكم اتعرفت تب
تعال يا دكين شوف جنس الحاله دى يقولوا عليها شنو، محنك يا دنيا محن

مراويد جيت برجلك
يااخوى مش كل قط يتقالو يا مشمش
عيب لى غنيه جيمى كلف دى اى نعم ما واضحه شديد لكن مافيها قول

عمر الماحى تنور


الفاتح اهلا بيك

راوية عن اذنك عشان ما يقولو اديتى اختك اذن براها ويجوك ناس خيار وفقوس

Quote: شعران شاءالله غنمى "طرعى

طرعى والاباريق بتن فى اطراق

ابو ذر ولا يهمك اعمل ليك اغنيه ابو داوود البتعجنى
واهدينى لها منك ....اها كيف معاك

ووصلت ياذوق

هوى....خلى لى غنمى طرعى فى بكانا ده

اسقنى بالصبوح يا بهجة الروح

ان كان.....باقى

قط...مشمش....
قط يعنى كديسه
اهااااا مشمش ده شنو؟؟؟ double مش،؟؟؟دبل روب مخمر يعنى!!!! راويه ما تقولى كلام انا ما بعرفو،براى معقد، هسه اكلم ليك ال FBI

رواية
ده الكلام والله بلاش
علىالاقل نهز جسمنا شوية مع النغم الغربى ونحن فى اسبوع الشوق
تحياتى

Ya naas
momkin
al waheed yajareb hazoo

سلام اخوتنا رواية اها ناس كبسلي ووكاتو باتسيا لهم الحق بالاستماع بهذا الحن الجميل داء ام لا تقبلي تحيات واحترام الكل