حلمنتيش

السوق اب شدوووق

الليلة دة السوق اب شدوق بقّت نارو
فى الزيت والبصل فى لحمتو وفى خضارو
فى الجار العزيز اتحكمّت اقدارو
بس قول لى كيف الزول يمد لجارو ؟


السوق اب شدوق يا شمتان علّى وانا كاتم
ياخ امرك صار بضاعة تلبسنا ساعة وخاتم
الزول فى الفرح لو جابلو قفة طماطم
فى الجود والكرم بيكون سبق ناس حاتم

السوق اب شدوق آلمنا ازية
ياخ قرصتو فى الجيوب
زى قرصة الزردية
معقول يا صحاب
مابين صباح وعشية
فى كيساً صغير الزول يكب ماهية ؟

السوق اب شدوق مهما تزيدنا ازية
ياخ بقيت سلاح فى ايد بليدة غبية
لاكل القرض عزمنا النية

الليلة هاك اخبارو
فى كل الجهات تلقاهو
طالق نارو
كيف يا اخوانا نحمى
لهيب اسعارو
والفلس اللعين
فى راسى فرررر
فرارو


السوق اب شدووق يا اخوانا شوفو ازيتو
من يوم حرروهو واخد حريتو
اتجّرس فقيرنا وقام حرد ماهيتو
اتحرقت سلوكو وطرشقت أٌميّتو

الحبيب الفاتح
تسلم على الحلمنتيش
ولي قدام

سوق شنو يا الفاتح اخوي

دي الحيكومات

كدي عاين كويييس وافرز

الحكاية بقت اردب روز

الحيكومات اخوي شالت البركة من جنيهنا

خفجت كل جميل ونجضت وجوه الشعب الطيب

أخوي نحن في رجا يوما تاني من زيادات السوق

وناس كروشا لاازة جنة تسعة شهور وللشبح تسوق

وناس من صبحا بدري دقشت تكوس رزقا عساهو ملحوق

وناس سنت سيوف الجبر في لحم المساكين تحوق

اخوي ان درت الطعن فتش للفيل وخلك من ضلو ممحوق

فتش اصل الوجع وجيب جراحا ماهر يقطع دابرو الملصوق

الحبيب معتز

ان شاء الله يوم شكرك ما يجى



تسلم لمرورك من باب بيتنا

الفاتح العزيز....تحياتى

صدق الجريفاوى وكتين قال

الخلا النفوس من البلد قنعانا شفنا المعزة تقرش فى العضام جيعانة

تسلم يا اصيل،،،

صديق الموج

المعوة البتقرش العضام دى معزة ولا مرفعين ؟

لك التحايا يا اصيل

الفاتح أخوي

أعتب عليك والا على نظرك

عساك طيب أخوي

شايفك مشيت فوقنا ساااي ولنضمنا ضربت طناش

ما نكون زعلناك يا الحبيب اصلو نحن نضمنا دراش

ان درت نسحبو من دربي ده بمرقو بره بس كيفن ترضى

وتنوم مافي قلبك علي شي

الحبيب استاذنا
قرجة ...

كبفن اضرب طناش وانا شايفك عندى
امسحا فى الوشيش يا ملك الخيم بدرى
انا الغلطان ولى اعتذارك بجرى
السوق الفضيحة خلى المشاغل خاسرى


كنت فى الاطار يا حبيب وتسلم للطلة

الفاتح اخوك في تطييب الخواطر عمرو راح