Post: #1
Title: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: تاج السر حسن
Date: 05-08-2004, 01:12 PM
Parent: #0
بداية ياسادة أعتذر للذين ارسلوا لى الرسائل الأتية عبر البريد الألكترونى ، فقد أنزلتها دون اذنهم ودون ذكر اسمائهم ، وسوف أظل أمينا محتفظا بأسمائهم لا اعلنها الا بموافقتهم أو لمن يرضون ويطمئنون له، كما أمسك عن البعض الذى لا يمكن أن أردت أنزال ما أرسلوه كاملا ، الا أن تبان شخصأيتهم ,اقولها واضحة أنا لايهمنى استمرارى فى هذا البورد أو عدمه طالما كان بيننا( صلاح قوش) و(مراكز قوى) يرهبون الاخرين ، ويخشى الكثيرون مواجهتهم بقول الحق، وانا على استعداد لأخذى الى سجن (طره) أو (أبو غريب)!! أن كان فى وسع (صلاح قوش) ومجموعته فعل ذلك!! فهو واهم.
واعتذر كذلك واعترف بانى مقدرتى فى التعامل مع جهاز الكمبيوتر لا تتعدى مقدرة ومعرفة الرجل العادى ، وهى ليست بمهارة المدعو / شيبا أو(صلاح قوش ) هذا البورد، حتى أبرز ماأستلمت من رسائل، على نحو أفضل.
_______________________________________________________________
(1) رساله من احد الأخوان الأعضاء بهذا البورد:-
دة ولد قليل أدب و ما بحترم كبير ..هدفه استفزازك و اظهارك كشخص عصبي..أرجو أن تتجاهله..نحن كفانا القونين ديل..أرجو أن تركز علي انجازاتنا و سيبك من الود عديم التربية دة..الشيوعيين حيدخلوا بتقلهم للدفاع عنه..لأنه مصطفي سيدأحمد لازال مصدرا يمكن استغلاله بواسطتهم..الموضوع سيتم سحبه لخانة غير التي تريد..أرجوك يا التاج..نحن ما دايرين الجماعة ديل يحرقوك بألاعيبهم دي..نحن بنموت في الهلال..رجعنا ليه و ما تستجيب للود قليل الأدب دة..خلينا في هلالنا..و صدقني..الود دة كلو ما يتعرض ليك في بوست..و تتجاهله..و ما تعلق علي بوستات الصهاينة..كلما يفقد احترامه في البورد..اتجاهله تماما.. هو مستند علي مكتبة مصطفي و ضامن الجماعة العبطاء الحيدخلوا مدافعين عنه..و براك شفت البداية..غير اللعبة يا التاج..الشغلانة لعب ..خليك أبرد من الثلج..الشافع دة بحاول يستفزك لانو القونين رفعن ضغطوا و عايز يفرغ كبته..خلينا في أخبار هلالنا و انتصاراتنا..لو دخلوا بوستاتنا ما نرد عليهم..حتي ما نقرأ بوستاتهم عشان عدد القراء يكون بسيط..مهما كتبوا عناوين مثيرة....ملعون الانترنيت البلمنا بلصعاليك الما معرف ليهم جهة ولا والي
______________________________________________________________
(2)رساله رقم 2 :-
سلامات..
والله المسألة ما حياد..لكن الأخوة عارفين انو البورد مافيهو عدل ولا انصاف..محكوم حكم أبتكو..عندو قواعد غير مكتوبة..تفهم من خلال المتابعة للأحداث..تتحكم فيه شخصيات معينة ..يمكنها أن تحرق من لا ترغب في وجوده خلال يومين فقط..تعرف ليه أنا ما بستخدم الايميل الداخلي؟ لأنه مراقب..شيبة زاتو احتمال كبير بكري اداه امكانية الدخول و الاشراف بسبب مكتبة مصطفي..تذكر النجمة في بوستك؟..المنبر دة حقل ألغام..البديروه و يشطبوا الناس ما معروفين لغاية الليلة..سلاحنا الحذر و نمسك في الهلال و نشوت الصهاينة في بوستاتنا..ما نرد عليهم و لا نقرأ بوستاتهم..صدقني دة الأسلوب الوحيد لتجاوز الشئ الحاصل حاليا..نحن موقفنا كويس..خليهم الحقد يأكل قلوبهم
_____________________________________________________________
(3): رساله من أخ مريخابى (اصيل) له تقديرى ، توضح أعجابه لما كنت أكتبه ، قبل أن ينحرف بنا هذا الولد الصعلوك عن مسارنا.
الاستاذ المحترم تاج السر
تحياتي واحترامي
انا في الحقيقه متابع للمشاركات بتاعك في سودانييز اونلاين والمداخلات من بعض المشتركين
بدا النقاش جميلا ومحببا وفي الاخر للاسف مشى في اتجاه غريب
انا عارفك انت بتقول انو فلاان هو من بدأ بالشتم ولكن عذرك ده اشبه بعذر الامريكان البعذبو العراقيين ووعذرهم انو صدام كان بعذبهم برضو ؟؟؟هل انت من الاشخاص الممككن انو الواحد يستدرجهم في اي نوع حوار وفي اي زمان ؟؟
______________________________________________________________
سؤال برئ:-
هل لا زلتم أيها الأخوه والأخوات على الحياد من أمر يهمكم( ليس هو كورة) فحسب بل هى قضيه خطيره، هل ترضون أن يكن بينكم( صلاح قوش) و (سامى شرف)؟؟؟
و(مراكز قوى) يهابها الناس ، وتمنعهم عن الادلاء بأرائهم فى حرية كامله، لكن السيد / صلاح قوش (شيبا) لا يعلم قدر ان الذين يحملون أكفأنهم على ايديهم ، لا يهمهم موضوع هذا البورد او غيره ، واما (بورد) حر أو لا بورد.
همسه اخيرة فى اذن (الوليد) شيبه:-
يا وليد (القضيه) اكبر من ان يتحملها من هم مثلك.
(راويه - شيبا) الأنقاذ ذاهبة لا محاله لكن ( القادم أسوأ) .... ؟؟؟
|
Post: #2
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: تاج السر حسن
Date: 05-08-2004, 01:53 PM
نلتقى
|
Post: #4
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: Elmosley
Date: 05-08-2004, 02:22 PM
Parent: #2
العزيز تاج السر حسن
انك بانزال هذه الرسائل الخاصه
قد احرجت هؤلاء الناس
لانهم ان كانو اعضاء في البورد ويحملون اكفانهم
علي ايديهم
لكتبوا هنا
اليس كذلك؟
اما كرة القدم السودانيه
فانها في خبر كان الان
ولن تعود لها العافية
الا بعودة الحرية والديموقراطية
فكيف تريدون
لمن هو مكبل بالاغلال ان ينطلق
في سرعة الفرس
ليحرز الانتصارات في بلادنا
|
Post: #7
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: تاج السر حسن
Date: 05-08-2004, 06:13 PM
Parent: #4
أخى موصلى لك ودى
قد يكون كلامك صحيح أنه فى شئ من الأحراج الفير مقصود ، لكن هل تتفق معى أنه لو واحد- لا سمخ الله- دخل واساء ليك وقال عنك قرد ، أو قئران يجب أن ترش بالمبيد ، نقول الزول ده اساء للفن ونحنا ما عندنا دخل بيهو أو كما يقول البغض حرام، هذا خلط أمور اخى الموصل، ده ولد صعلوك ما عندو أدب يسئ للناس بكل بجاحة والناس ماحدين الموضوع ، كورة أنا لا أتحدث عن كورة اتحدث عن أساءة مثبته جرتنا لأسلوب ما عهدناه فى الخصومه.
لو تذكر مرة كان فى خلاف بين الصحفى سليمان غبدالجليل والفنان صلاح أبن البادية على صقحات جريدة الأيام ، قام أبن الباديه قال لى سليمان جدادة الشارع الطردت جدادة البيت) ، فرد سليمان على الفنان صلاح : ( لو أنت رضيان تكون جدادة اليت فأنا لا اقبل أن أكون جدادة شارع) ، أخى موصلى أنا أستعرب خقيقة تجد شخص يسئ اليك بمثل هذا الألفاظ فماهو المطلوب منك فعله ؟؟ اليس الرد عليه بمثلمل أقترف لسانه، والكثيرين يتصلوا بى يقولون ده قليل ادب ، لكن عندو قوه).
فاذا كان الهلالاب وغيرهم قبلانين بوصفهم (قئران) ، أنا لا أقبل ,انا لها.المساله ليست كورة وهلال مريخ.
|
Post: #8
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: Elmosley
Date: 05-08-2004, 06:21 PM
Parent: #7
اخي الحبيب تاج السر
انا متأكد تماما
انك انت وشيبه لوصبرتو علي
بعض حتكونوا اكتر اصدقاء
في هذا البورد
فكتاباتك عن المبدعين
ومجهودات شيبه في هذا المجال
تجمع بينكما ولا تفرق فانا ادعوك
انت وشيبا
ان تأتيا لبوست السلام الموصلي
وانتمامتفقين بانه لاهلال بلا مريخ ولا مريخ بلا هلال
فكم مره فاز الهلال علي المريخ
وكم مره انتصر المريخ علي الهلال
ادعوكما بالله فلاتخذلاني
لكما محبتي واحترامي
|
Post: #10
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: تاج السر حسن
Date: 05-08-2004, 06:38 PM
Parent: #8
أخى موصلى صدقنى هذا الشاب (احتراما) لك لا أريد ان اقول شئيا ىخر
لآ أدرى كيف له صلة بالفن ، وأغنيات مصطفى سيداحمد ، هو قال شايقى،
ولى كثير من الأصدقاء الشايقيه ، رجال الواحد أغلط اشتمك ، اقول ليك
عديل أنا شتمتك وما بعتذر، ممكن زول زى ده برضو تحترمو ، لأنه الأنسا
الأنسان الصادق مهما كان سئ ، سوف ينعدل، لكن من يبدأ بشتم الاخرين
ويقول عنهم قرود ، وفئران ، ثم ينكر انه قال ذلك.
ده عندنا وللأسف يطلق عليه أسم ( لايمكن ذكره هنا).
وللأسف معظم المتداخلين يتحدثوا عن الكرة ومزاجهم فيها ، ده ما الم
سودانى، والله ما تعتذر معاك للصباح ، وكان رهيفه تنقد.
|
Post: #3
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: sheba
Date: 05-08-2004, 02:16 PM
والله جننتنا جن كل ما نزنقك فى بوست والحلقة تضيق عليك تقوم تفتح بوست جديد ..ارحم الباندوث شوية
خليك فى بوست واحد للنهاية كل ما البوست يتملى بالشتايم بتاعتك تقوم تفتح واحد نضيف .. الفايدة شنو انت قاعد وحا يحصل اخوهو .. وكل شتايمك القديمة موجود فى الحفظ والصون ومالو نجيبة معانا فى البوست الجديد
تجتوج المابر القال انو شاعر ...مشكلتك وقعت معاى وانا شايقى صعب ..رغم انى لى سنة ونص شغال بوثق للراحل مصطفى سيد احمد .. كافى شرى وقاعد فى حالى .. كل شكلة تلقانى بعيد منها ..نوثق .. نروى .. نحكى ..ننزل اغانى.. " فنى اغانى " زى ما قلت ..
لكن مرات الواحد الجن بقوم عليهو خصوصاً لمن الموضوع يتعلق بى مصطفى ولا المريخ .. والغريبة انو الاثنين ببدو بى حرف " الميم " وكمان لمن يلقى ليهو واحد مكابر زى اخونا تجو ... دى فرصة لا تعوض ..الواحد يقزقز معاهو شوية وخصوصا انو سريع الانفعال ويثور ويشتم لاقل الاسباب
عشان كدة نحنا استغلينا نقطة ضعفـو (دى ما نقطة الضعف الوحيدة هو قال انو كمان ضعيف امام الجنس اللطيف " زى ما قال
وبقينا نشتغل معاهو بى طريقة " سهر الجداد ولا نومو " كلما يهدأ شوية نديهو شوية حطب يولع زيادة ...الود ده ما بستفيد من الاخطاء
تجتوج المكابر القال انو شاعر انت مالك بقيت تهضرب تانى .. الحمى جات راجعة ..انت لازم تشوف دكتور سريع..
القال داير يفصلك منو من المنبر .. قول بسم الله .. والله انت فى زول اداك عين عديل كدة .. يا عين ياعنية يا كافرة يا نصرانية ..امرقى من الود تجتوج ... ويمكن فى زول سحرك وعمل ليك عمل " غايتو على الطلاق ما انا " .. شوف ليك دكتور عشان الحمى .. وشوق فكى عشان العين دى وكمان لازم تتحصن بالقران وتشوف ليك زول يرقيك عشان السحر ..
شكرا يا ود يا تجتوج والله انت الفيهم عاجزين على الشكر ودى حاجة بسيطة ياخى انت والله زول تمام ليه بقولو عليك كدة
ما هو انت هسة اشدت بى مهاراتى ... وبالمناسبة عايز اقول ليك سر خطير "خلى بينى وبينك بس " الزول القال ليك وضع النجمة على خلفية البوست وكدة ..دى حاجة ساهلة من طرف الجيب ...ماعندها علاقة بى ادارة البورد ..فى حاجة اسمها اكواد المنتديات للخطوط وادراج ملفات الصوت والصور وغيرها من المزايا ومعروفة لمعظم البورداب .. ولابداء حسن النية من جانبى انا بهديك كود وضع خلفية للمنتدى
على الاقل تقدر دلوقتى تقول طلعتة بى فايدة من العبد لله .. ..واهو كلو ثواب ..
|
Post: #5
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: مراويد
Date: 05-08-2004, 02:51 PM
السوادنه لما يقوموا على شى امانه ما بيبدعوا وببدعوا
زى ما بقول واحد صاحبناهسهده كله فى جلده منفوخه !!!!
والله انا بريد الكوره جدا وهلالابى لكن زى مرضتكم البتخليكم تتهاترو بالطريقه دى حمانا الله مننا
غايتو شفنا الهوليقان هنا يدوروا ضرب فى بعض ومع البوليس لكن اول ما يتخاجوا من الكوره الواحد عادى وينسي الموضوع وتلقا عندو اصحاب من "الاعداء" و مرات ساكت بدون ماتش يعملوا مواعيد فى الخلا ويتالبعوا لما الدم يسيل، بعدها يقعدوا فى خلاهم ويطلعوا بيرتم و عضتم ويتونسوا مع بعض و كل زول يفحط بيتوا
اما نحن بنو سودان حتى فى دى مشاترين ومخالفين
يا ساتر ياخى
|
Post: #9
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: تاج السر حسن
Date: 05-08-2004, 06:31 PM
Parent: #5
أخى مراويد يا اخى أنا لا ادرى ماذا اقول الكل يتحدث عن الموضوع كورة وهلال مريخ ، يا خ فى ناس بقولو الفن (حرام) ، لو واحد دخل شتم الناس وقال عنهم قرود ، وفئران ، الزول المتحجر البعتبر الفن حرام ، اقول أنا ما لى دخل عشان الفن حرام ، من حقو اشتم الناس،
ياأخى المساله محتاج عمق أكبر، زول شتم الناس مفروض ، تجبروه على الأعتذار لمن شتمهم ولمن جعلهم يصلوا معاهو لهذا المستوى ، ولا تاكد تمام انه (صلاح قوش)؟؟
|
Post: #6
Title: Re: لماذا تبحثون عن سيرة (صلاح قوش) .. فهو بينكم و معه (سامى شرف)!!!
Author: sheba
Date: 05-08-2004, 05:12 PM
|
|