يا ربي الزول دة انا شفتو وين ؟

في كثير من الاحيان تقابل شخصا في مكان ما وينازعك عقلك 000اين
رأيت هذا الشخص من قبل0000 ومن المؤكد ان الشخص الذي يثير هذا التساؤل داخلك لابد وان يكون قد ترك تأثيرا فيك يوما مابأي شكل 00
00000
مثلا كأن دخلتوا في نقاشا ساخنا في موقف ما00000
أو ان يكون شخص عام00000
أو أن تكون قد قضيت معه مرحلة من مراحل حياتك الدراسية أو العملية0000000
والامثلة كثيرة00000

ولكن ما حدث معي حاد عن كل الاحتمالات السابقة00 هكذا كان الموقف000






رأيته 0000سلم علي بحرارة 000رددت بأحسن منها000 سلامه يدل علي معرفته الوثيقة بي 000 ردي 000 كان متماسكا وبثقة لا تقل فيها معرفتي به عنه معرفته لي 0000 ولكن ما زالت الورطة قائمة0000
بدأ يسألأ عن بعض الاصدقاء0000000 محمد وين هسة؟000 وعوض الله عمل شنو؟
وقالوا كوثر ماتت 0000 اله يرحمها00000
وكلها معلومات صحيحة عن أصدقاء لي 000 يا ربي دي ورطة شنو؟000
يتواصل الحديث 00 وتتواصل الاسئلة00 ويزداد موقفي ضعفا 00000
لم ينجدني من هذا الموقف الا شاب كان علي مبعدة مننا أخذ ينادي
000 سنهوري 000يا سنهوري000 ألتفت أنا ناحية الصوت لانه كان يلح في اتجاهنا000000 عند التفاتي قال لي الشاب00 (أنساهو00 أنا زايغ منو
دة كلامو كتير000)000 الللله يعني انت سنهوري ( في سري)000 وبدأ
السؤال الاكثر الحاحا00 يا ربي سنهوري دة انا شفتو وين ؟00000000
حتي هذه اللحظة لم اجد الاجابة ولكن ظللت عندما أقابله في أي مكان أبادره0000 وييين يا ابو السناهير 00000



ذكرني هذا الموقف ما حكاه يوما ما الاخ المذيع الطيب عبد الماجد
عندما كان يمشي في الشارع وقابل شخصا سلم عليه بحرارة بالغة00 حتي
ظن الطيب ان هذا الشخص من معارفه أو أقرباه000 فبادله الطيب الحرارة بحرارة000 وفي اثناء السلام والمطايبة 000 قال له الطيب كيف الجماعة بالله0000 فما كان من هذا الشخص الا ان قال للطيب 00 الجماعة منو 000 يا الطيب والله انا بعرفك من الشاشة وانت ما بتعرف اي جماعة بالنسبة لي 00000

سلام سوركتى

والله ده موضوع ظريف جدا وحصل لى ناس كتار
اما بالنسبة لى انا....
كنت فى حفلة زواج وكنا مجموعة من النساء واتكلمنا عن الشغل
والتوفيق بين البيت والمكتب فترة من الزمن ، بعدها جاءت واحدة
وقعدت جنبى وبدات تسألنى عن اولادى واهلى والغربة وكم سؤال من الاسئلة التقليدية وانا مرتبكة شديد وما قادرة اسألها اى سؤال
وافكر شفتها وين كانت جارتى ، كانت معاى فى المدرسة ، من نسايبنا
المهم قويت قلبى وسالتها كم سؤال عن الاهل وناس السودان وجات طفلة
قالت ليها يا ماما وانا ما صدقت اولادك كيف .
بعد شوية المرة تستعدل وتقول لى معليش انا متأسفة ما عرفتك وخجلت من الاسئلة بتاعتك قلت ليها انت جيتى قعدت جنبى وتسألى فينى وما عارفانى ؟؟ قالت لى لا والله اول مرة اشوفك لكن قعدت جنبك عشان اسألك من الوظائف العندكم فى المختبر لكن قلت ما ظريفة اسألك طوالى عشان كده سالتك من اهلك ، حكيت ليها انا حكايتى برضه وانى ما بعرها واسالتى دى كلها خجل منها وضحكنا على كده .
والقصص كتيرة .
لك التحايا
ام وضاح