الليله كسرت رجلى!!!!!!

الليله كسرت رجلى!!!!!!


05-02-2004, 11:56 PM


  » http://sudaneseonline.com/cgi-bin/sdb/2bb.cgi?seq=msg&board=8&msg=1083538615&rn=25

Post: #1
Title: الليله كسرت رجلى!!!!!!
Author: bint_alahfad
Date: 05-02-2004, 11:56 PM
Parent: #0

بعد قضاء يوم جميل وحافل فى منزل احدى اقرباءنا, وكانت لمه جميله حقا حمدت الله انو اخدت برك شويه من الاسترس بتاع المزاكره, اها قمنا بعد ده نتمشى جنب البحر, وانا قعدت اجرى وانطط مع الاطفال الصغار, ونلعب باسكيت بول, وكاتش مى اند آي كاتش يو, فلما جيت اهرب من البنت الصغيره وقعت وكسرت رجلى
شوفتو الشلاقه ده كيف؟

آل يا قاعدين يكفيكو شر الجاييين

المهم مشيت بكامل قواى الجسديه والعقليه ورجعت بعرج من الالم

الحمدلله عسى ان تكون كفاره لزنوبى, بعدين اهم مافى الامر اننى قضيت يوما رائعا بمعنى الكلمه, الحمدلله
بعض الحضور قالو لى ده عين صابتك, برغم ماعارفه ادونى عين على شنو؟

دعواتكم معاى اخف بسرعه وتعود رجلى لطيعتها, بينى وبينكم لو ماكان الجماعه ديل قرايبى كنت رفعت قضيه تعويض اطلع على الاقل فيها بعشره الف جنيه استرلينى

وانشاء الله ما تشوفو شر


وفى امان الله

لا اله الا الله
Post: #2
Title: Re: الليله كسرت رجلى!!!!!!
Author: dreams
Date: 05-03-2004, 00:04 AM
Parent: #1

سلامتك الفين سلامة

اجر وعافية انشاء الله

وعقبال الكسير البى فايدة

تسلمى
Post: #3
Title: Re: الليله كسرت رجلى!!!!!!
Author: smart_ana2001
Date: 05-03-2004, 00:08 AM
Parent: #2

كفارة يا بنت الاحفاد
و ان شاء الله تبقى كويسه سرررررررررررررررررررررررررررررررريع
بس ما تلعبى تانى مع العيال
Post: #4
Title: Re: الليله كسرت رجلى!!!!!!
Author: ملكة سبأ
Date: 05-03-2004, 00:09 AM
Parent: #2

سلامتك يابت الأحفـاد
اجر وعافية انشاء الله
وعلى قول احلام عقبال الكسير التاني
Post: #5
Title: Re: الليله كسرت رجلى!!!!!!
Author: ABUHUSSEIN
Date: 05-03-2004, 00:11 AM
Parent: #4

أجــر و عـــافـيـه إنـشـاءالله
Post: #6
Title: Re: الليله كسرت رجلى!!!!!!
Author: Raja
Date: 05-03-2004, 00:19 AM
Parent: #4


بوني يا حبيبة..

ألف لا بأس عليك..



دريمز والملكة..اي كسر تاني ..؟
Post: #7
Title: Re: الليله كسرت رجلى!!!!!!
Author: طيفور
Date: 05-03-2004, 00:20 AM
Parent: #1

الف الف سلامة ليك
وان شاء الله اجر وكفارة
وما تشوفي شر
Post: #8
Title: Re: الليله كسرت رجلى!!!!!!
Author: MaxaB
Date: 05-03-2004, 00:21 AM
Parent: #1


Salamaat ya bint alahfad

May be it's just the time for some rest .. enjoy it anyway


Post: #9
Title: Re: الليله كسرت رجلى!!!!!!
Author: Elmosley
Date: 05-03-2004, 00:34 AM
Parent: #1

لاباس عليك يابتنا
Post: #10
Title: Re: الليله كسرت رجلى!!!!!!
Author: kamalabas
Date: 05-03-2004, 00:39 AM
Parent: #1

كفارة وسلامة وأجر و عافية مع الاماني بعاجل الشفاء
والصحة
كمال عباس
Post: #11
Title: Re: الليله كسرت رجلى!!!!!!
Author: bint_alahfad
Date: 05-03-2004, 00:52 AM
Parent: #1

دريمز العسل

تشكرى حبيبتى وانشاء الله ما تشوفى شر, بس الكسيره البى فائده ياتا فيهم؟ افصحى


الحبيبه سمارت انا

الله يخليكى ياحبيبه, بس طلبك صعب شويه لانى بحب العب مع الاطفال شديد عشان كده اهلى بقولو لى انتى بتدلعى الاطفال لما تبوظيهم, تشكرى حبيبه


الحبيبه ملكه سبا

يعافيكى انشاء الله, وتسلمى يا حبيبه, لكن الشمار كتلنى , الكسير التانى ده ياتو؟

الاخ الكريم ابو حسين

ويعافيك انشاء الله وجزاك الله كل خير


الحبيبه رجويه

الله يبارك فيكى يا حبيبه, وماتشوفى شر يارب, لكى كل الود والتقدير, عليكى الله اضغطى لينا احلام ده والملكه عشان نعرف الكسير التانى ده شنو


الاخ الكريم طيفور

جزاك الله كل خير, وماتشوف شر يارب


الاخ الكريم مكسب

الله يسلمك من كل شر, وجزاك الله كل خير, بس ما قلت لى اينجوى شنو؟ التكسيره !!!!!


العم الفاضل الموصلى

جزاك الله كل خير, وانشاء الله ماتشوف شر يارب


الاخ الكريم كمال عباس

بارك الله فيك, وكفر الله سيئاتك, وانشاء الله ماتشوف شر يارب



وفى امان الله

لا اله الا الله
Post: #12
Title: Re: الليله كسرت رجلى!!!!!!
Author: Abdel Aati
Date: 05-03-2004, 00:54 AM
Parent: #11

الاخت بنت الاحفاد

كفارة واتمني لك عاجل الشفاء

عادل
Post: #13
Title: Re: الليله كسرت رجلى!!!!!!
Author: bint_alahfad
Date: 05-03-2004, 00:57 AM
Parent: #1

الاخ الفاضل عادل عبد العاطى

كفر الله سيئاتك وبارك الله فيك, وانشاء الله ماتشوف شر يارب


وفى امان الله

لا اله الا الله
Post: #14
Title: Re: الليله كسرت رجلى!!!!!!
Author: معتصم دفع الله
Date: 05-03-2004, 01:09 AM
Parent: #13

الأخت بنت الأحفاد

ألف سلامة ليك وإن شاء الله ما تشوفي شر ..
أجــــر وعافــــية ..
Post: #15
Title: Re: الليله كسرت رجلى!!!!!!
Author: صديق الموج
Date: 05-03-2004, 01:38 AM
Parent: #14

يا بنية سلامتك والف احفاد كرامتك...ونحن عارفين بتكون عترت ليك حلاتك دى

وهسع انا كلمتا بورداب الرياض وجايين عليك ومعانا شتات وودقاسم ومعتصم وجردل (تمبس)

عشان قالوا الكالسيوم مفيد مع اللوبيا....

وبعدين الكسر البى عافية ده الكسر البخليك تقعدى فى البيت وتبطلى لعب عيال لما

تجيبى ديك يا الشهادة وقتها يكون رب ضارة نافعة..وتسلمى،،،،،
Post: #17
Title: Re: الليله كسرت رجلى!!!!!!
Author: Abureesh
Date: 05-03-2004, 01:50 AM
Parent: #15

ســلامتك بت الأحفـاد،
وأتمنى أن تمشـى راجلـة كما كنت.
Post: #16
Title: شِرِّك مقسَّم بين الَدقَشّم
Author: elhilayla
Date: 05-03-2004, 01:44 AM
Parent: #1

الأخت بنت الأحفاد
ألف لا بأس عليك
وعلي قولنا
شِرِّك مقسَّم بين الَدقَشّم
نعم عـــين وصابتك
أجر وعافية
Post: #18
Title: Re: شِرِّك مقسَّم بين الَدقَشّم
Author: فضيلي جماع
Date: 05-03-2004, 02:18 AM
Parent: #16

الأخت الفاضلة/بت الأحفاد

كنت على وشك اغلاق جهاز الكومبيوتر منتصف الليل عندما وقعت عيناي على عنوان البوست. هرعت اليه وقد ازدحمت في رأسي كل الاحتمالات، من حادث حركة -لا قدر الله - الى حادث عرضي داخل المنزل. قرأت الخبر بسرعة، وأتيت على كل الردود (من معجباتك ومعجبيك)!! وقد رأيت أن تكطون مداخلتي مختلفة..ليس على منوال خالف تدكر، لكن لنجعل فرحتنا بنجاتك وسلامة رجلك استراحة من أمورنا الجادة- وما أكثرها.

1- أولا بالتبادي أنا راجل قروي، من حلالات وفرقان كردفان. و"كسرت رجلي" ليها عندنا معنى واحد:الكسر اللي يجبروا ليه الساق، وسيدوا يقعد في العنقريب شهر!! فال عدوك يا أميرة! 2- أما أنك تقومي بعافيتك وتروحي البيت برجلك القلت عليها اتكسرت..دا عندنا بسموه دلع بنات!!

3- افتكر اللعب مع الصغار من علامات النبل والجمال الداخلي..لكن لامن يصل مرحلة كسر الرجلين، دا يبقى حالة تانية..وننصح بزيارة طبيب نفساني لقراءة الحالة!!

4- بعد دا كله، دعواتنا بالصحة والعافية والعودة الى الأحباب الصغار ..فاللعب معهم كما قلت دليل جمال وحيوية داخلية. وتسلمي لأخيك...

فضيلي جماع
3-
Post: #19
Title: Re: شِرِّك مقسَّم بين الَدقَشّم
Author: Wad Ballal
Date: 05-03-2004, 02:46 AM
Parent: #18

Dear Bint alahfad
salamtik alf salama
da ismo Osteoporosis... hashashat al3izamm...alkobor dakhal ya bity... al7agy nafsik sareee3
bahazir wallahy..inshallah tagoomy bilsalama.. ana zaaty 3amaltaha gably kida and i know how it feels
kaffara inshallah
Post: #20
Title: Re: شِرِّك مقسَّم بين الَدقَشّم
Author: Ahmed Alrayah
Date: 05-03-2004, 03:49 AM
Parent: #19

الأخت الكريمة بنت الأحفاد
ألف كفارة ليك، وإن شاء الله أجر وعافية،
أخوك/ أحمد الريّـح
Post: #21
Title: Re: الليله كسرت رجلى!!!!!!
Author: Ehab Eltayeb
Date: 05-03-2004, 04:18 AM
Parent: #1

بت الاحفاد:
قالو الشقي القي العضم فى الكدة!!!!

لو كنا معاك كان جبنا الترمس وجينا,,,
1000 سلامة ليك واجر وعافية..
Post: #22
Title: Re: الليله كسرت رجلى!!!!!!
Author: Abureesh
Date: 05-03-2004, 04:26 AM
Parent: #21

بنت الأحفـاد،

أسمحيلى أترجـم ليكى كلام الأستاذ جمـاع:
"الكسر اللي يجبروا ليه الساق، وسيدوا يقعد في العنقريب شهر!! فال عدوك يا أميرة"

يجبـروا = يصـلحـوا، أو فكـس
السـاق = الرجل
العنقـريب = هوم ميــد بيد
فال = حـظ luck
Post: #23
Title: Re: الليله كسرت رجلى!!!!!!
Author: THE RAIN
Date: 05-03-2004, 07:17 AM
Parent: #1

العزيزة بت الأحفاد

سلامات وكفارة

بسيطة انشاء الله
Post: #24
Title: Re: الليله كسرت رجلى!!!!!!
Author: Rawia
Date: 05-03-2004, 07:32 AM
Parent: #1

بونى يا عسل سلامتك الف سلامه

واتمنى لك سرعه الشفاء
..... وكل السعاده الفى الدنيا
Post: #25
Title: Re: الليله كسرت رجلى!!!!!!
Author: abuguta
Date: 05-03-2004, 09:40 AM
Parent: #24

كفارة يابت الاحفاد

طبعا انا خبرة قبلك

لازم تاكلى ترمس كتير ياترى فى لندن فى ترمس

لو عاوزة اى وصايا اخرى ابقى اتصلى بى

واتنى لك عاجل الشفاء
Post: #68
Title: Re: الليله كسرت رجلى!!!!!!
Author: walid taha
Date: 05-06-2004, 10:58 AM
Parent: #24

بت الاحفاد.. الف سلامة والمؤمن مصاب..
عاجل الشفاء بأذن الله..


راوية ..رأيك شنو ترمس ب UPS للندن؟


سلام..
Post: #26
Title: Re: الليله كسرت رجلى!!!!!!
Author: أبوالزفت
Date: 05-03-2004, 09:47 AM
Parent: #1


المؤمن مصاب
واذا احب الله امرؤ ابتلاه
يازولة اجر وعافية

خلى بالك من نفسك
ونسال الله ان يعجل بشفاك
Post: #27
Title: Re: الليله كسرت رجلى!!!!!!
Author: سجيمان
Date: 05-03-2004, 09:55 AM
Parent: #1



الف الف كفارة ليك
Post: #28
Title: Re: الليله كسرت رجلى!!!!!!
Author: alfatih
Date: 05-03-2004, 04:07 PM
Parent: #1

بت الاحفاد
سلامتك والالم بيزول ... الكفارة ليك يا زول

ادوك عين المابشبهوك
عليك باكل الترمس والكركدى

ربنا يشفيك
Post: #29
Title: Re: الليله كسرت رجلى!!!!!!
Author: منصوري
Date: 05-03-2004, 04:27 PM
Parent: #1

سلامتك يا اختنا بنت الأحفاد
Post: #30
Title: Re: الليله كسرت رجلى!!!!!!
Author: ali othman
Date: 05-03-2004, 04:39 PM
Parent: #1


الفاضلة بنت الأحفاد
الف سلامة عليك واجر وعافية انشاء الله .
تمنياتنا ان ينعم عليك الله بدوام الصحة والعافية
Post: #31
Title: سلامة
Author: خالد العبيد
Date: 05-03-2004, 04:43 PM
Parent: #1

العزيزة بت الاحفاد
سلامتك
ومن دربك ده على بت بتي
اوعك من ود المشرف
Post: #32
Title: Re: الليله كسرت رجلى!!!!!!
Author: omer almahi
Date: 05-03-2004, 04:44 PM
Parent: #1

عاجل الشفاء... بنت الاحفاد
Post: #33
Title: Re: الليله كسرت رجلى!!!!!!
Author: omer almahi
Date: 05-03-2004, 04:54 PM
Parent: #1

عاجل الشفاء... بنت الاحفاد
Post: #34
Title: Re: الليله كسرت رجلى!!!!!!
Author: essam&amal
Date: 05-03-2004, 05:08 PM
Parent: #1

يا عين يا عنيه
يا كافرة يا نصرانيه
يا مقطوعة الذرية
عين الراجل فيها مناجل
عين المره فيها الشره
عين الصبى ام شرا غبى
عين الفتاة تقد الواطة
اخرجى من بت الاحفاد
ويحفظها الما نام ولا اكل الطعام
وفوقها النبى ( ص )
ان شاء الله عندكم بخور تيمان
اها قصرت معاك
ام وضاح
Post: #35
Title: Re: الليله كسرت رجلى!!!!!!
Author: ابو مهند
Date: 05-03-2004, 05:14 PM
Parent: #1

اولا الف كفارة وربنا يكتب عاجل اشفاء
لكن داير اسال شنو كسير النسوان فينا قبل عشرة يوم وقعت حليمة2 وفكت كراعها اها لقتها فرصة ياشامية بطلت لشغل وقابلتني يا ابومهند شيل ويا ابومهند خت انا اتخيلت نفسي في سوق الملجة من الشيل الخت, ربنا يديكم العافية.
Post: #36
Title: Re: الليله كسرت رجلى!!!!!!
Author: DKEEN
Date: 05-03-2004, 08:47 PM
Parent: #1

سلامتك يا بتي



استاذنا الفاضل فضيلي جماع
بت الاحفاد دي بت سغيرة شديد يعني مسالة الاخت القتها دي دي شوية ممكن تحسس منها البنية ..


وعادي الزول السغير ممكن يلعب مع الاطفال لامن يكسر حاجة فيهو ويكسر حاجة فينا ...


تمنياني بعاجل الشفاء ..
وحاولي فتشي ليك ترمس ..او ادينا عنوانك ارسلو ليك مع ابوي وامي واخوي الكبير يوم الخميس الجاي بعد ما تقشي الحوش وترشيهو ...
Post: #37
Title: Re: الليله كسرت رجلى!!!!!!
Author: nada ali
Date: 05-03-2004, 08:52 PM
Parent: #1

Dear bint Al Ahfad,

I wish you a quick recovery and please let me know if I can do anything

nada
Post: #38
Title: Re: الليله كسرت رجلى!!!!!!
Author: WALEED YASSIN
Date: 05-03-2004, 09:12 PM
Parent: #37

الاخت بت الاحفاد

الف سلامة ليك .. و عاجل الشفاء انشاء الله
Post: #39
Title: Re: الليله كسرت رجلى!!!!!!
Author: almohndis
Date: 05-03-2004, 10:38 PM
Parent: #1

كفارة بنت الاحفاد
Post: #40
Title: Re: الليله كسرت رجلى!!!!!!
Author: Abd-Elrhman sorkati
Date: 05-03-2004, 11:24 PM
Parent: #1

ألف لا بأس عليك

وانشاء الله اجر وعافية
Post: #41
Title: Re: الليله كسرت رجلى!!!!!!
Author: doma
Date: 05-04-2004, 00:45 AM
Parent: #40

بتنا الحبيبه تحياتنا

كفاره البيك يزول سحروك الما بشبهوك
Post: #42
Title: Re: الليله كسرت رجلى!!!!!!
Author: سارة منصور
Date: 05-04-2004, 00:50 AM
Parent: #1

بنت الاحفاد كفارة وسلامات ..
Post: #43
Title: Re: الليله كسرت رجلى!!!!!!
Author: نصار
Date: 05-04-2004, 01:02 AM
Parent: #1

كفارة البيك يزول

عاجل الشفاء بأذن الله
Post: #44
Title: Re: الليله كسرت رجلى!!!!!!
Author: بارعة
Date: 05-04-2004, 11:24 AM
Parent: #43

كر على سلاااااااااااامتك الف سلامة

ودى شلاقة شنو دى
Post: #45
Title: Re: الليله كسرت رجلى!!!!!!
Author: الجندرية
Date: 05-04-2004, 12:07 PM
Parent: #1

الف سلامة
اجر وعافية ان شاء الله
Post: #47
Title: Re: الليله كسرت رجلى!!!!!!
Author: ABU QUSAI
Date: 05-04-2004, 12:36 PM
Parent: #45

بنتا سلامات وبعد الشر عليك ، وأجر عافية إن شاء الله ، وعجبتني دعوة احلام وملكة سبأ عقبال الكسير التاني يعني البي فائدة . وشايفكم انتو ورجاء العباسي عاملين فيها البنات بريئات جدا .
Post: #46
Title: Re: الليله كسرت رجلى!!!!!!
Author: كبسيبة
Date: 05-04-2004, 12:21 PM
Parent: #1

سلاااااااامات
Post: #48
Title: Re: الليله كسرت رجلى!!!!!!
Author: tiger18
Date: 05-04-2004, 01:10 PM
Parent: #1

عزيزيتي بنت الاحفاد
قالو متالم شوية
ياخي بعد الشر عليك
النضارة الفي شبابك
والطفولة الفي عينيك
والقلوب الحايمة حولك
ياحلو بتتمني ليك
بكرة تشفي ...
تمنياتي لك بعاجل الشفاء
وتمنياتي ان تعجبك الاغنية بالرابط
http://www.sallycenter.com/Audio/El%20kably%20one.ram
Post: #49
Title: Re: الليله كسرت رجلى!!!!!!
Author: انا بنت النيل
Date: 05-04-2004, 01:54 PM
Parent: #48

سلامتك الف سلامة ياعزيزة
Post: #50
Title: Re: الليله كسرت رجلى!!!!!!
Author: JAD
Date: 05-04-2004, 02:05 PM
Parent: #1

الأخت بنت الأحفاد ...

الف الف سلامة ليك .. وإن شاء الله اجر عافية .. وآخر الكسور إن شاء الله .

جاد
Post: #51
Title: Re: الليله كسرت رجلى!!!!!!
Author: HOPEFUL
Date: 05-04-2004, 02:14 PM
Parent: #50

الكريمة بنت الأحفاد

حمد لله علي سلامتك وما تشوفي شر ان شاء الله

واجر وعافيه ان شاء الله
Post: #52
Title: Re: الليله كسرت رجلى!!!!!!
Author: HAMZA SULIMAN
Date: 05-04-2004, 02:24 PM
Parent: #51

سلامتك ان شاء الله
وما تشوفى شر
Post: #53
Title: سلامتك من الاه....كلمات: كاظم الساهر ....
Author: sudania2000
Date: 05-04-2004, 03:31 PM
Parent: #52


سلامتك من الاه حفودتي


سلامتك من الاه
قبل ماتنزل صدرك احسها بصدري والله
بيه ولا بيك ريت الالم والاه
شلون اخليك شلون اخليك
وحدك تصيح الاااه
شلون اخليك
سلامتك من الاه
سلامتك من الاه
قبل ماتنزل صدرك احسها بصدري والله
حبيبي عيون حبيبي
حبيبي روح حبيبي
حبيبي حبيبي حبيبي حبيبي
لو ادري دمعي يفيض ويشيل همك
لأجمع دموع الناس وابكيها يمك
سعادي من سعادتك وراحتي هيه راحتك
بيه ولا بيك بيه ولا بيك ريت الالم والاه
شلون اخليك شلون اخليك وحدك تصيح الاه
سلامتك من الاه
سلامتك من الاه
قبل ماتنزل صدرك احسها بصدري والله
حبيبي عيون حبيبي
حبيبي روح حبيبي
حبيبي حبيبي حبيبي حبيبي
لاشيل الحزن منك وارجعلك ضحكتك
انته عيوني الاثنتين وصحتي على صحتك
سعادتي من سعادتك وراحتي هيه راحتك
بيه ولا بيك ريت الالم والاه
شلون اخليك لا مااخليك وحدك تصيح الاه
لا مااخليك
سلامتك من الاه سلامتك من الاه
قبل ماتنزل صدرك احسها بصدري والله
اه اه اه اه اه





أعشق العيال و صخبهم هنئيا لك اليوم المرح و كفارة انشاء الله غايتو فرصة تسمني حبة اديني العنوان ارسل ليك كيلة ترمس و لا اقول ليك حلاوة مولد أحسن

الف سلامة و لا بأس عليك حبيبتي
Post: #54
Title: Re: الليله كسرت رجلى!!!!!!
Author: Osman Hamad
Date: 05-04-2004, 05:01 PM
Parent: #1


سلامتِك الف سلامة

ونتمنى من الله لكِ عاجل الشفاء
Post: #55
Title: Re: الليله كسرت رجلى!!!!!!
Author: tabaldy
Date: 05-04-2004, 05:09 PM
Parent: #1

أختي بت الأحفاد
سلامتك وكفارة وربنا يواليك بالسلامة
Post: #56
Title: Re: الليله كسرت رجلى!!!!!!
Author: Anwar Ahmed
Date: 05-04-2004, 05:12 PM
Parent: #1

سلامتك 1000,000 سلامة
Post: #57
Title: Re: الليله كسرت رجلى!!!!!!
Author: waleedi399
Date: 05-04-2004, 05:35 PM
Parent: #1

سلامتك والالم بيزول

وكفارة ليك يا زولة

وانشاء الله ما تشوفي شر

وتقومي بالسلامة وربنا يواليك بالصحة والعافية يا بت الاحفاد

وانشاء الله زي ما قلت ربنا يجعلها ليك كفارة ذنوب انشاء الله

ولك التحية وتمنياتي لك بعاجل الشفاء


وليد احمد
Post: #58
Title: Re: الليله كسرت رجلى!!!!!!
Author: ahmed haneen
Date: 05-04-2004, 10:09 PM
Parent: #1

سلامتك اختي بت الأحفاد
وانشاء الله اجر وعافية
وانا خاطبتك بأختي كيه للأخ دكين
وانشاء الله يابت يتكسرن كرعين عدوينك
ولو ما قدر ساكت
تتكسر رجلك انتي ودكين وسجيمان حايمين بي كرعينهم
وصية
كتري من اكل الترمس والبلح
مع امنياتي لك بالشفاء العاجل
Post: #59
Title: Re: الليله كسرت رجلى!!!!!!
Author: Haydar Badawi Sadig
Date: 05-04-2004, 10:13 PM
Parent: #58

سلامتك يا بت الأحفاد.
نسأل الله لك الشفاء العاجل.
Post: #60
Title: Re: الليله كسرت رجلى!!!!!!
Author: Ishraga Mustafa
Date: 05-04-2004, 10:17 PM
Parent: #59

الف سلامةليك
واتمنى تكونى رغما عن ذلك كويس فى المذاكرة

مع مودتى

اشراقه
Post: #61
Title: Re: الليله كسرت رجلى!!!!!!
Author: بت قضيم
Date: 05-05-2004, 08:39 AM
Parent: #1

والله يا بت الأحفاد ذكرتيني زمان كنت صغيرة (عجلة ما صغيرة شديد)
وكنت بلعب مع (الشفع) (ترتارة)
واقوم ورررررررردرب أقع في الخور،، لكن ما كسرت رجلي الحمد لله
كسرت خشمي بس وبعض من سنينات الحمد لله انها اتكسرت أساسا كانت زايدة عن الحاجة.
ورغم التباين الواضح بين (كاتش مي أند كاتش يو) و (الترتارة)
والتباين الفاضح بين (البحر) و (الخور)
والتباين اللا معقول بين (أطفالكم) و (شفعنا)
رغم ذلك اسمحي لي أن أشبه إحساسك بإحساسي (مع إن إحساسي لا يخلو من حس ضفدعي) وأشاركك التعب والألم،، حقيقي إحساس متعب وسئ،، خصوصاً لو أكلوك ترمس لامن تقرب تقوم ليك شجرة سيد ترمس في راسك.

سلامتك وكفارة وإن شاء الله البكرهوك يا الله
Post: #62
Title: Re: الليله كسرت رجلى!!!!!!
Author: salam
Date: 05-05-2004, 12:52 PM
Parent: #1

ازيك يا بت الاحفاد
الف الف سلامة عليك
و ربنا يعجل بالشفاء
Post: #63
Title: Re: الليله كسرت رجلى!!!!!!
Author: بلدى يا حبوب
Date: 05-05-2004, 08:31 PM
Parent: #1

اكمل لك الله الشغاء العاجل وشده ونزول
تحياتى
Post: #64
Title: Re: الليله كسرت رجلى!!!!!!
Author: bint_alahfad
Date: 05-05-2004, 09:22 PM
Parent: #1


السلام عليكم ورحمه الله

الاخوات الحبيبات...الاخوه الافاضل

معتصم دفع الله
صديق الموج
Abureesh
elhilayla
فضيلي جماع
Wad Ballal
Ahmed Alrayah
Ehab Eltayeb
Abureesh
THE RAIN
Rawia
abuguta
أبوالزفت
سجيمان
alfatih
منصوري
ali othman
خالد العبيد
omer almahi
essam&amal
ابو مهند
DKEEN
nada ali
WALEED YASSIN
almohndis
Abd-Elrhman sorkati
doma
سارة منصور
نصار
بارعة
الجندرية
ABU QUSAI
كبسيبة
tiger18
انا بنت النيل
JAD
HOPEFUL
HAMZA SULIMAN
sudania2000
Osman Hamad
tabaldy
Anwar Ahmed
waleedi399
ahmed haneen
Haydar Badawi Sadig
Ishraga Mustafa
بت قضيم
salam
بلدى يا حبوب

وكل من راسلنى بالأيمل للأطمئنان على

لا استطيع ان اعبر عن تقديرى وامتنانى عن اهتمامكم بى وبصحتى, والله لا تدروا كيف خففتو الالم لى بقفشاتكم الجميله وكلماتكم الراقيه, حقيقه تمنيت ان اكسر رجلى من زمان حتى احس باهتمامكم الجميل هذا, وحقا رب ضاره نافعه, وده فعلا الكسير العليهو فايده...مافى فايده اكبر من كل هذا الحب المنحتونى له, وددت ان اردعليكم فردا فردا...لكن اعزرونى لظروف امتحاناتى فانا الان اسابق الزمن ولم يتبقى على تسليم البروجيكت الا ايام قلائل, دعواتكم معاى

احب اطمنكم ايضا انه لم يكن كسر, (طبعا اعتقدت فى الاول انو كسر لانى لم استطع المشى من الالم فى اليومين الاولين) لكن يبدو انه تمزق فى العظام, الحمدلله انو بقدر الان امشى واجرى كمان(ماشاء الله) والالم لم ينتهى نهائيا ولكنه خف كثيرا بحمد الله وفضله اولا وبفضل دعاءكم ثانيا

فلكم منى كل الحب والتقدير

وانشاء الله ما تشوفو شر





وفى امان الله

لا اله الا الله
Post: #65
Title: Re: الليله كسرت رجلى!!!!!!
Author: عشة بت فاطنة
Date: 05-05-2004, 09:58 PM
Parent: #64

سلامة ليك يا زول وانشاالله الكسر مجبور
بت فاطنة
Post: #66
Title: Re: الليله كسرت رجلى!!!!!!
Author: lana mahdi
Date: 05-06-2004, 05:11 AM
Parent: #1

ألف سلامة ليك يا حبيبة
بنكهة الفل
والورد البلدى
وياسمين دمشق
ويلا اتعافى بسرعة
Post: #67
Title: Re: الليله كسرت رجلى!!!!!!
Author: مريم الطيب
Date: 05-06-2004, 09:11 AM
Parent: #66

الف سلامة ليك ,,,
ومجبورة في مسماها,,,
Post: #69
Title: Re: الليله كسرت رجلى!!!!!!
Author: haneena
Date: 05-06-2004, 12:36 PM
Parent: #67

الف سلامة بت الاحفاد
وبركة البقت تمزق بس و ما كسر
Post: #70
Title: Re: الليله كسرت رجلى!!!!!!
Author: Tumadir
Date: 05-06-2004, 12:41 PM
Parent: #69

بت الاحفاد...

برييييييييييييية سلامتك ..


الكراع هينة ..كعبة الكوارع..

تيك كير..
Post: #71
Title: Re: الليله كسرت رجلى!!!!!!
Author: ناجى الزبير الملك
Date: 05-07-2004, 11:38 PM
Parent: #70

بت الاحفاد
سلامتك ما انها اتأخرت شوية
لكن البورد كلو كرامتك وانا اولوا
نــــاجى
Post: #72
Title: Re: الليله كسرت رجلى!!!!!!
Author: jini
Date: 05-08-2004, 00:05 AM
Parent: #1

سلامات
جني
Post: #73
Title: Re: الليله كسرت رجلى!!!!!!
Author: bint_alahfad
Date: 05-19-2004, 08:42 PM
Parent: #1

الاخوه الكرام ...الاخوات الحبيبات


عشة بت فاطنة
lana mahdi
مريم الطيب
haneena
Tumadir
ناجى الزبير الملك
jini


اشكركم كثيرا لسؤالكم الذى خفف عنى كثيرا,
الله يحفظكم ويبعد عنكم كل مكروه

انشاء الله ماتشوفو شر

مودتى




وفى امان الله

لا الله الا الله
Post: #74
Title: Re: الليله كسرت رجلى!!!!!!
Author: tiger18
Date: 05-20-2004, 12:06 PM
Parent: #1

الاخت الرائعة بنت الاحفاد
اولا انت في قلوبنا وعيونا من غير ماتكسري رجلك وتمنياتي ان تكملي مشروعك بنجاح وتوفيق من الله عز وجل .
Post: #75
Title: Re: الليله كسرت رجلى!!!!!!
Author: bint_alahfad
Date: 05-20-2004, 10:31 PM
Parent: #1

الاخ الكريم tiger18

بارك الله فيك, وتشكر للدعوات الطيبات, وانشاء الله ماتشوف شر



وفى امان الله

لا اله الا الله