الحقووو ظـواهر صحيه بالخرطوم

مما لافت نظرى فى هذة الايام فى مرور الخرطوم ظاهرتين حميدتين وهما ربط الحزام لكل اصحاب المركبات العامه والخاصه ولبس الخوزة( طاقيه حمايه الدماغ) لاصحاب المواتر وحقيقه قرار حضارى وراقى يعكس تحضر البلد واتمنى ان يلتزم به جميع اصحاب السيارات والمواتر

أهه يا faisal44 كلام حلو بس ما قلت لينا ناس قريعتي راحت الـ95% الباقيين يربطوا شنو ويلبسوا شنو؟؟؟


....

يا الشايقي
واحدين بيربطوا بطونهم وواحدين بيربطوا في الخيران وواحدات بيربطوا العرسان عند الشيوخ

وانا بربط لي فيصل في البوست دا
اها يا فيصا جنس الهيلمن والهنتر والتايوتات الكم وسبعين دي
فيها حبال ولا دبارة

هاهاهاها
والله فعلا ظاهرة جميلة تقي شر الحوادث

الاعزاء المتداخلين
تحياتي
عصر اول الامس كنت اركب عربه امجاد خط الصحافة زلط , قرب كلية طب الاسنان كانت هناك حملة لشرطة المرور . العسكري الذي اوقف سائق الامجاد طالب بالرخصة واخذها معه دون ان يوضح للسائق ماهي المخالفة . نزل السائق لاحقا به الي ان وصل الي الضابط الذي كان يجلس داخل العربة الخاصة بشرطة المرور . ظللنا نحن الركاب في داخل العربة لربع الساعة _ اكرر لكم : ربع الساعة _ سب كل الركاب خلال هذه الفترة للبلد ولاشياءاخري لا داعي لذكرها .
بعد ذلك عاد السائق وطلب منا اجرة المشوار ليتمكن من تسديد المخالفة . بعد 20 دقيقة من التوقف تحركنا , المخالفة كانت عدم ربط الحزام . العربة لم يكن بها حزام من الاصل . الحاصل الان في الخرطوم ان سائقي المركبات اصبحوا يثبتون في عرباتهم احزمة الشنط السفرية أو ما اتفق , ثم عند اقترابهم من عساكر المرور يمسكون عجلة القيادة بيد وباليد الاخري يمسكون بالحزام الوهمي .
ذلك بعض ما يحدث عندنا .

حكومتنا استنفدت كل طرق الهنبتة وتفتقت عبقريتها عن هذه الطريقة لسلب أموال الغبش.
لو كان هم الحكومة هو سلامة الركاب فلتقم بصيان الطرق والجسور.

بعدين هي وينا الشوراع ذاتا البيقدر السائق يجري فيها عشان عدم ربط حزام الأمان يشكل مصدر خطورة بالنسبة ليهو.
لو كانت الحكومة قررت ربط حزام الأمان للناس الدايشة وحايمة تداقش في بعض اليوم كلو تفكر في لقمة العيش كنا نقول مقبولة

اخي فيصل لك التحية

نسيت النظافة ..الا تلاحظ نظافة العاصمة ..وحركة عمالها ليلا..

يا أخوانا العافية درجات ..

ما تنسوا أن السودان بلد غني الموارد الطبيعية والموارد البشرية الماهرة .. وله باع طويل في وضع النظم واللوائح في كثير من دول الخليج.

إذا صلحت النوايا تصلح الحال بإذن الله ..

وأتوقع لو أبرم اتفاق سلام سوف نعود جميعاً بأسرع ما يمكن لنساهم بما كسبناه من خبرات متنوعة في إعادة بناء وطننا (كلنا دي طبعاً تحمل استثناءً ضمنياً) في ناس تعودوا على بق الشراب الحرام والخنا والزنا .. عشان واقفين ألفاً أحمر حتى لا تتطبق أي قوانين للشريعة الإسلامية في العاصمة عشان يزنبعوا ..

يا كريم عاوز أرجع بلدي سهل لي الطريق .. آمين

جاد

لكن حقيقه يا اخوانا بقى ما فرق بين العسكرى المرور والهنبااااااتى

بس عسكرى المرور همبتو مقننه بدون سلاح عينك يا تاجررررر


وربنا يكون فى عونا

الاخ فيصل

الناس ديل ربطوا لينا الاحزمة فى البطون وايه يفيد ربط الحزام والله ربط الرأس ما تنسى ده كله بنصب فى مصلحة النظام وعلى فكرة الزول الجلب الطواقى من الجماعة ذاتهم.
لك كثير الاحترام والتحايا