ببغاء (الأنقاذ) في (الرأي العام) !!!

ياسيد ادريس حسن رئيس تحرير الرأي العام

استحلفك بالله أن تتخلى عن دور ببغاء الحكومة وتكتب برأيك المستقل .. مش معقول كلما سمعت وزير قال كلمة رحت تكتب عليها مقالا .. الآن سمعت وزير الخارجية قال مخططات عدائية رحت على طول ماسك الطار وتردد .. مخططات .. مخططات .. مخططات .. طيب وين هي المخططات دي؟ .. مشكلة دارفور موجودة قبل ما تجي حكومة الأنقاذ .. ودارفور ذاتو آخر اقليم انضم للدولة السودانية(1916) ..والمشكلة ببساطة هي تراكمات من المظالم زي ما حصل في الجنوب .
ثم تعال اسألك يا اخي .. هو العالم ده كله مافيهو دولة غير السودان عشان يسيب شغلو ويتآمر عليها ؟ وشنو هو المغري جدا في السودان عشان الدول العظمى تبطل كل مصالحها وتقعد تراقب الأمبراطورية السودانية ..قياما وقعودا وعلى جنوبها .. ارجوك انت انسان كبرت في السن كما هو واضح في الصورة يعني مافي شي مفروض يخيفك .. مامطلوب منك تنحاز لقضايا الشعب لكن على الأقل كون منصف وحاول تغرد بعيد عن سرب الأنقاذ مرة واحدة .. يا راجل يا خرفان !!!

يا اخي انت داير الراجل آخر عمره يقيف في الشارع يشحد

ما سمعت سبدرات قال انو صور اللاجئين التي تبثها الفضائيات ليست لها علاقة بدارفور الآمنة، الصور دي ممكن تكون من رواندا او جنوب افريقيا او الكنغو

يا اخي الناس ديل كضبوا على الله وقالوا بيطبقوا شريعتو، يعني شنو لو كضبو عليك او على الدنيا كلها

أكل عيش يا علي الفاضل. وبمناسبة الكضب دي .. علي بالايمان والرحمن أي زول شغال بالسياسة أو النضال أو حقوق الحيوان والانسان أو أو أو .. اي واحد من ديل يقول انو ما كضاب .. اتأكد انو كضب بادعاؤو انو ما كضاب. انت عارف أنا بقيت ما بثق ولا في الحيطة القدام العمارة دي (لكن لم تتزعزع ثقتي في الأميين السودانيين والبسطاء). الناس دي كلها من سبدرات لادريس حسن للمرتزقة القاعدة تمد يدها محل ما زول يكشكش ليه قروش .. ديل كلهم كضابين ودجالين ........... وكلو على حساب الناس الما كضابين. وكــــــــــــــلو الكضب ده على حساب الناس الما بيكضبوا الذكرتهم فوق ديل. وفي السودان (زيو وزي اي بلد متخلف مريض) ما نجح متعلمينو إلا في الكضب .. وبيع الأهل المساكين في أقرب سوق نخاسة .. والعيش على دمائهم.
يازول تقول لي. والله مرات الواحد يتمنى من الله يخسف بيهم الأرض كلهم .. ويخلي المساكين البسطاء ديل عايشين. والله العظيم هؤلاء البسطاء أفقه منهم بشؤون وإدارة الحياة ألف مرة.
ياخي أنا نفسي قام. أحسن أخليك هنا .. وأقول ليك .. إدريس حسن ما في اي فرق بينو وبين أي واحد مثقف سوداني .. يسار ووسط ويمين وشمال وتحت وفوق.
أخخخخخخخ

الأخ/ على الفاضل.

أنا من المندهشين بكتابات أدريس حسن, التي يطبل فيها لنظام الكيزان بدون خجل, وأنا أتسائل هنا يا ترى كم عمر الرجل ألان ولماذا لا يبدأ في التفكير بقرب المنية ويتوب لربه ويبعد نفسه من الأكاذيب؟ أما عن مسألة أكل العيش بتلك الطريقة المهينة, وهي قد تشبع بطنه ولكنها لن تشبع ضميره أبدا.

دينق

قبل كده يا دينق جات سيرة تكريم الفيتوري من قِبَل عمر البشير .. واستغرب الناس لقبول الفيتوري بهذاالتكريم. وكان تعليقي أن الكذب هو الأصل في أغلب من أحببناهم على غير هدى .. واستغربت كذلك كيف يرضى إنسان بينه وبين القبر أقل من شبر بطأطأة رأسه وإحراج معجبيه قبل إحراج نفسه. أكل عيش في النهاية .. والكل يلهث وراء تأمين أكل عيشه .. إن كان بالتطبيل للحكومة .. مثلما يفعل إدريس حسن .. أو بالتطبيل للموت في دارفور .. مثما بفعل علي الحاج وأنصار الترابي الآخرين.

انعدمت الثقة .. فمرحباً بقانون الغاب.

معليش يا اخونا شانتير اتفق معاك في كل كلامك الفوق بس حكاية قانون الغاب دي مش معقولة. من رأي انو الناس تتفاكر للخروج من هذا المأزق.
يعني الخواجات ما عندهم كضابين؟؟ لكن هنالك المساءلة، احنا عندنا مساءلة الكبار اسوأ من الكفر بالله. اذا كفر الانسان المسلم بالله فانه يستتاب ثلاثة ايام ولكن الذي يواجه المسؤلين هل عندو فرصة للاستاتبة قبل ما يطلعوا ناس الامن دينو؟

الأخ زول واحد .. قانون الغاب لا مفر منه .. وبيني وبينك الأيام .. التي ستظهر لك حقاً وحقيقةً أن السودان غابة
الغربيون لديهم كذابون كثر .. لكن هناك قانوناً يردع الكاذب ويحاسب المتلاعب. لكن قل لي .. من وضع هذا القانون للغربيين؟ لقد وضعه الرعيل الأول من مثقفيه ومتعلميه ومؤسسو الدولة الأوَل .. ولم يظهر "الكضابين" في العالم الغربي إلا بعد أن وصلت هذه الدول إلى طور النضج .. وترسخت القوانين الرادعة لردع كل كضاب. أما في البلاد المتخلفة .. درس الأبناء في البلاد الغربية وعادوا إلى أهاليهم بحصيلة الكضب. يا سيدي .. أنا أجزم بأن 99.99% من مثقفي السودان يحلم بحكم السودان!! وعلى ذلك قس .. في كل البلاد المبتلاة بفقر الدم. طيب يا أخي يازول واحد .. إذا كان أبناء البلدان التعيسة يذهبون للبلدان المتقدمة لنيل العلم فيأتون بالكضب .. بهاجس توفير العيش الرغيد الذي رأوه في الغرب .. دون الالتفات إلى الكيفية التي وفر بها هذا الغرب لمواطنيه العيش الرغيد. ياخي ديل مفصومين. تسعة وتسعين في المائة من مثقفي العالم التالت مفصومون وفاقدو ثقة بأنفسهم. انت عارف أنا عندي هوايات شيطانية. مرات بقوم أغربل مثقفاتية العالم التالت .. وافريقيا بالذات. والله بلقى العجب. أمسكها من كوامي نكروما .. لعلي مزروعي .. لكوفي أنان .. لبطرس غالي .. للطيب صالح .. بشوف العجب. مانديلا هو الوحيد الـ لقيتو متسق مع خطابو .. لكن الباقيين كلهم .. صغار وكبار .. كلهم صغار.
عشان كده يا سيدي .. أنا شايف أن السودان وافريقيا كلها عبارة عن غابة .. القوي ياكل الضعيف .. ومرحباً بهذا القانون.

هووووى يا ناس هووووى

الناس دى تاكل من وين وتعيش كيف لو ما كزبت واتملقت كدة


لكن دايمه لى منو هى ليهم يوم ولينا يوم وربنا يشوفنا فيهم يوم بس


اااااااااخ انا منهم ديل عاملين جضوم الكبار دى

مش كدا وبس دا حتي الكيزان البطبل ليهم ديل بحتقرو جدا مرة وانا شاهد عيان حيث كنت في زيارة لاحد الزملاء بالرأي العام فوجدت ادريس في حالة هستيرية وهو يتصل بعدة مسؤولين يستنجد بهم بعد ان طلبه جهاز الامن للمثول بين يديه وكان السبب ان نشر في الصحيفة ما لا يسر العصابة الحاكمة .
هذا الساقط لا يحترم سنه ولا يحترم مهنته وعبارة عن فار وقت الحارة
ثم ماذا تتوقوعون من قلم كان مداده من ثدي الانظمة العسكرية الديكاتاتورية .

Quote: ثم ماذا تتوقوعون من قلم كان مداده من ثدي الانظمة العسكرية الديكاتاتورية .

عيييييييك يا مصادم .. إنت مشيت بعيد خلاص. قول لي أي قلم جاب مدادو من خارج حلبة العسكرية؟ والله ياخوي انت جبت كلام. أقلام الشيوعيين الأبرار؟ قلم منصور خالد .. كبير السحرة وليٌّ نعمة الضالين من أبناء السودان؟ أقلام الجبهجية .. بعاعيت آخر الزمان؟ أقلام منتسبي الحركة الشعبية العسكرية .. من الشماليين التائهين والجنوبيين المخدوعين؟. الأقلام دي كلها تصر تحت حذاء العسكر يا قريبي. من كان منكم بغير "سدانةٍ" فليرمها بحجر.

Don't trust a jackal ya Musadim. They are all jackals and jackanapes. Just show me a single honest person among our dinosaurs who is not tainted with opportunism?0

ياسيد ادريس حسن رئيس تحرير الرأي العام

استحلفك بالله أن تتخلى عن دور ببغاء الحكومة وتكتب برأيك المستقل .. مش معقول كلما سمعت وزير قال كلمة رحت تكتب عليها مقالا .. الآن سمعت وزير الخارجية قال مخططات عدائية رحت على طول ماسك الطار وتردد .. مخططات .. مخططات .. مخططات .. طيب وين هي المخططات دي؟ .. مشكلة دارفور موجودة قبل ما تجي حكومة الأنقاذ .. ودارفور ذاتو آخر اقليم انضم للدولة السودانية(1916) ..والمشكلة ببساطة هي تراكمات من المظالم زي ما حصل في الجنوب .
ثم تعال اسألك يا اخي .. هو العالم ده كله مافيهو دولة غير السودان عشان يسيب شغلو ويتآمر عليها ؟ وشنو هو المغري جدا في السودان عشان الدول العظمى تبطل كل مصالحها وتقعد تراقب الأمبراطورية السودانية ..قياما وقعودا وعلى جنوبها .. ارجوك انت انسان كبرت في السن كما هو واضح في الصورة يعني مافي شي مفروض يخيفك .. مامطلوب منك تنحاز لقضايا الشعب لكن على الأقل كون منصف وحاول تغرد بعيد عن سرب الأنقاذ مرة واحدة .. يا راجل يا خرفان !!!