الـــــبورد الضـــــكر

اصبحنا/امسينا و اصبح/امسى الملك لله

زماااااان لمن كنت صغير وبلعب في التراب
وكنت بتشاكل مع اقراني في البورد .. كان في كبار البورد بيجو بيلموا فينا جلد من طرف
الغلطان علي الحجاز علي البتفرج .. بياخد ليهو محطه من الكبير ...

ومافي "شافع" من شفع البورد بيقول بغم .. علشان بيوقرو كبير البورد ان شاء الله يكون من طرف البورد البعيد .. برضو بيحترموهو ...

كبرنا
وصغر الكبار
بس ما هان علينا نمحطهم زي ما كانوا بيمحطونا ونحن صغار
لأننا لسه بنحتفظ ليهم بصورهم القديمه لما كانوا كبار

غلبنا
بكينا علي حالنا الفقدنا فيهو كبارنا/صغارنا
قشينا دموعنا علشان نبكي من جديد


ننتظر
رحله العوده ورجوع العقول الي نصابها ...


نرجوا
أن لا يطول انتظارنا

والسبب
محو ضكرنه البورد الذي اصبحت عكاكيزه مضببه .. هالكه .. لا رحمه ولا شفقه فيها


وعليكم السلام

حمد الله بالسلامة يا هوبفول .. وين نجعت الفترة دي كلها؟ أعمل حسابك من اللبع الجد الحاصل عندكم هناك .. برة البورد.

ابن العم شنتير
حبابك

انت عارف الواحد بقى في السعوديه يمشي ويتلفت ويتفادي المناطق زات الكثافه الخواجيه
وفي البورد برضو الواحد بقى يتلفت يمين شمال ويتفادي المناطق زات الكثافه المتخوجنه


دي حاله اخير منها العرس والله .. النلحق رقبتنا قبل نعنس

Quote: نــــوف في شــــنو؟؟

ولسه بتسالني في شنو؟
!!!!!!





نوف

الأخت نوف
سلام

انا قريت شويه وعلي فترات متقطعه اليوم
بس لسه ما فاهم الحاصل بصوره جيده

بس حال البورد عموماًُ عليه السلام

وصلي الله علي سيدنا وحبيبنا المصطفى عليه افضل الصلوات واتم التسليم

انت صحي يا هوبفل ياود امي مسؤل من الخير

كنت مختفي وين؟؟؟؟


نوف

نــــوف يا "بت امي"


انا كنت مخفي وليس مختفي اجارك الله



الحاله سعبه خالص



دعواتك يا بركه ...

صديقي جمال عبدالرحمن
سلام ممحط ببسطونات الشوق
بوست دمو خفيف أهنيك عليه
أخوك (الكبير)
بدرالدين شنا

حبيب ألبى (إقتباس من شيرى لدى مخاطبتها بت قضيم)
الحاج بدر الدين شنا أطال الله عمره وأبقاه


وصلنا بحمد الله ورعايته سلامكم الممحوط عائراً بسرعه ألف
واستقبلناه بصدور الترحاب والسرور

ونمحط لكم ضعفه مع خالص ودي


ملحوظه:
ستظل كبيراً و"محاطا"ً لا جدال عليه
بس خفف ايدك

أولا الحمد لله على السلامة إبننا جمال

( وغبننا دى عشان ما تقدر تفتح خشمك معانا )

والبورد الضكر دا يعرفوا كيف يعنى عنده ( شنبات )

واللا زى قرصة النملة بتاعة بشرى سليمان ، قال أنثى النملة

زى واحد قريبه حلفاوى سألأوه كيف تعرف الضبانة الضكر من الإنتايه

قال تجيب حبة سكر تختو . هو ييجى يرك . إنت تتردوا :

إذا تار يبقى دكر . وإذا تارتتتتت يبقى إنتاية

وبعدين زمان رسلت ليك ماسنجر مالك ما رديت عليه

يعنى عايزنى أقوم عليك وإنت عارف أنا ما زى ملاسى و~أساسى

وما بديك بالفكر السياسى

سلام كتير جمال وحمد لله على السلامة

وإن شاء الله دعواتنا نفعت . بس ناولنا حقها

عمك صديق ضاد

العم والأخ صديق ضرار
تحياتي واشواقي

نأسف علي الانقطاع نسبة لظروف العمل القاهره
ودعواتكم واصله يا صلاح
ربنا يخليكم لينا يا كبارنا ويا صلاحنا

اها الزيك دا يا عم صديق الشافع لو غلط يجيب معاهو السوط
ويطلب منك تأدبو..



امحط كما تشاء .. ليك اللحم والعضم والفرو وابو فشفاش علشان تفش "خلئك"


احتراماتي

Quote: و يقول المثل (الفقريات) أتقاسموا صفوف المتقدمين للزواج ، فأرجوا أن تبرينا بنص الصف الخلفى على الايكون فيه امثال (هوبلس) أو بتاع امن السفاره السودنيه الأسمو خالد موسى و ماشابهما.

من صفات البورد الضكر أن تتحرش بك احدى عضواته لغرض في نفسها
او تتوحم عليك ..

كنت عاوز اقول المشتهي الحنيطير يطير .. فتذكرت أن الحنيطير لا يستحق منى كل هذا الظلم بهذا التشبيه غير اللائق له...

-----
حجوه

قبل فتره ودن قصد من اخوكم الذي يشرب اللبن وينام مع ديك دكين ...
داهمتني كوابيس في منامي بطلتها كاتبه الكلام أعلاه

ومن يومها وانا في حاله استفراغ متواصل ...

هو انت لاقي يا هوبفول ....






و قبل ما ننسى حمد لله على السلامة يا زول

و بعدين ياخي رقاد المخزن عمل لينا رطوبة و وجع ضهر ياخي

ملاسي


هو انا الاقيها من منو


مش كفاية علينا الرطوبه ووجع الكرعييييييييييييييييين؟

لن يطول يا جمال إنتظارك..
بس دعواتك .. وما تنسي دعينا ليك قبل كده
فرد لينا الإحسان يا أخي.
حمدا لله علي سلامتك.

الأخ وأبن الأخ جمال
لك تحياتي وودي...إفتقدناك كثيرا..كنت متوقع تلقي شنو؟؟؟مش قالوا..ديل الكلب عمره ما يتعدل لو علقو فيه قالب؟؟؟