Post: #1
Title: إلى من يهمـه الأمــر
Author: أبوالريش
Date: 04-20-2004, 08:09 PM
يا ود اللخـو،
قـوم البس ليك حاجــة وألعب برة!
استعملت إيميل الأخ خألـد الحاج عشـان ترسـل لينا كلام فارغ.. وما عـرفت انك مكشـوف والتعمل فيـه حركات صبيانيـة..
الكمبيـوتـر دا نحنا ربينـا بيهـو، من زمن PC XT، وEdlin و Debug وإذا داير جهازك يخاصمك إلى الأبـد، رسل لينا تانى! المـرة دى مسامحينك..
لو عايـز الأيبى ورقـم النك كارد بتاعك رسل لى تانى لكن بدون اتاتشمنت.. يللا..
فاااااالح
|
Post: #2
Title: Re: إلى من يهمـه الأمــر
Author: ASAAD IBRAHIM
Date: 04-20-2004, 08:13 PM
Parent: #1
ابو الريش مالك
رسلوا ليك فايرس
يا اخوي امسحوا وخلاص
يوميا استلم ايميلات بها فايرس من عنواين اعرفها تماما
ولا اظن ان اصحابها من فعل ذلك
|
Post: #3
Title: Re: إلى من يهمـه الأمــر
Author: Elnasri Amin
Date: 04-20-2004, 08:31 PM
Parent: #1
مالك يا زول؟اول مره اشوفك هائج!!!!
انشالله خير؟
كدى روق المنقه
الناس دى ماعارفاك مع الكمبيوترات من كانت بصنعوها من خشب
|
Post: #4
Title: Re: إلى من يهمـه الأمــر
Author: kamalabas
Date: 04-20-2004, 08:34 PM
Parent: #1
الاخ أبو الريش
وكماقال الاخ أسعد أستلم يوميا حوالي عشرين أميل
ب attachments وفايروسات ولاأكلف نفسي فتحها
ويستخدم مرسل هذه الرسائل أميلات أشخاص معروفيين
بالمنبر وسبق أن أشرنا لهذه الظاهرة الي أن تكفل الاخ
عادل عبد العاطي بأعطاء تفسير مقنع لها وها أنا
أنقله هنا لعموم الفائدة
مع رد للاخ خالد الحاج بنفس المعني
يقول الاخ عادل | Quote: عن الفيروسات فانا اتلقي منها ايضا العشرات كل يوم؛ وهناك صنف من القيروسات يرسل نفسه بنفسه؛ |
ويقول الاخ خالد الذي فسر هو الاخر ا هذه الظاهرة
Quote: نالك أنواع من الفيروس أخرها Warm Blaster
وهذا متواجد في السيرفر الخاص بسودانيس أون لاين
ويملك إمكانية إرسال نفسه مستغلآ عناوين الأعضاء البريدية المسجلة بالسيرفر
يمكنك يا صديقي إنزال برنامج الأنتي فايرس أفاست وهو برنامج مجاني وجيد
فقط تقوم بتسجيله وستقوم الشركة بإرسال إيميل برقم التسجيل خلال دقيقتين
أما النوع الأخر من الفيروسات والذي يمكن أرساله فبإمكانك الرجوع لإرشيف هذه السنة
ستجد كما أشار الأخ كمال أننا قد ناقشناه ووضحنا الحلول لمقاومته. وعموما هذا البرنامج في
الوصلة المضمنة تقوم بحماية الجهاز بصورة مرضية جدا حسب تجربتي الاخر[/
QUOTE] كمال عباس
|
Post: #5
Title: Re: إلى من يهمـه الأمــر
Author: أبوالريش
Date: 04-20-2004, 08:57 PM
Parent: #4
شكــرا للأخـوة أسعـد والنصــرى، وكمال عبـاس..
دا ما فايروس..
فى واحـد ما صـدق اكتشـف أنو الزول ممكن يكتب عنـوان زول تانى فى الإيميل الراجـع، وقام بـدا بى طـوالى!!
النصــرى،
الله يديك العافيـة.. نفس تعليقاتك البـرقيـة، من زمن جيـرزى!!
عارف انت صـدقت.. لأنوا الصينين هم اول من عمل كمبيـوتر من الخشـب قبل الاف السنين.. ولحـدى هسـى شـغالين بيته.. إسمــو اباكـوص.
بعـدين السبحــة برضهـا عبارة عن كمبيـوتـر.. فيـه ذاكـرة وأى شـئ!! يعنى إذا كنت تسبــح، وبعـدين ختيت السبحـة ومشيت حتـة، وجيت راجـع، حتلاقى عـدد التسـابيـح العملتهـا قاعـدة.. المئـات قاعـدة والعشــرات قاعـدة لأنك حفظتهـم فى الخيط المستقل اللى فيـه عشــرة حبات.. ودى عبارة عن ذاكـرة كمبيوتـر حقيقيــة.. فى كل الأحـوال، ما تكون فقـدت أكتـر من 33 تسبيحــة فقــط.
|
|
|