Post: #1
Title: كيف أقـرأ البــورد
Author: أبوالريش
Date: 04-15-2004, 09:15 PM
بمــرور الزمن، طـورت طــريقـة لقـراءة البـورد، أحببت أن أشـرككـم فيهـا.. لعلهـا تعجب البعض، أو أستفيــد من تجارب الأخـرين فى القـراءة.
الملاحـظ أن البـورد ينقســم إلى خمســة أقســـام:
1- عنـوان المـوضــوع
2- عـدد الردود
3- عـدد الزوار
4- إســم الكاتب
5- إسـم أخـر زول كتب
وأتخــذ قـرار قـراءة البوست أو تجاهلـه، بناء على الأتى:
1- الجـواب من عنـوانه: العنـواوين الأتيــة لا تقاوم: الســلام يعـم دارفـور.. إنقلاب فى الســودان.. توسعــة شــارع مدنى الخـرطـوم.. إقالـة وزيـر التـربيـة.....
2-
3- هناك علاقـة بين عـدد الردود وعـدد الزوار.. فإذا كان عـدد الزوار 100 وعـدد الردود 3 فقـط فأنى أفهـم أن الموضـوع لا يستحق القـراءة. طبعا لكل قاعـدة إستثنـاء.. وهـذا يعتمـد على من هـو الؤلف أيضـا.
4- إسـم الكاتب (وإســم أخــر زول كتب): عنـدى قائمـة أقـرا كلما يكتبـون مهمـا كان!! ولكنى أحتفـظ بحقى فى عـدم نشـرهـا.. ولكن لا بأس من ذكـر ياســر الشـريف، مريـم الحسين، سجيمـان، خالـد الحـاج، دينق، شـوقى بـدرى، رجــاء العباسى، صـديق ضــرار (من عنـدنـا)، حسين ملاسـى (من عنـدنا)، بعـدين خمسـة أخوان وخمســة أخـوات، ما دايـر أذكـر أسماهـم.. هم عارفين وأنا عارف.
|
Post: #2
Title: Re: كيف أقـرأ البــورد
Author: خالد الحاج
Date: 04-15-2004, 10:37 PM
Parent: #1
العزيز أبو الريش..
مساك الله بالخير..
داير الجد!!
أسعدني والله أن أجدك تضع إسمي بين هؤلاء العمالقة
وتشكر كتير ونتمنا دوما نكون عند حسن الظن.
|
Post: #3
Title: Re: كيف أقـرأ البــورد
Author: Raja
Date: 04-16-2004, 00:48 AM
Parent: #1
أبو الريش..
أنا اسمي موجود..؟
طاييييب 
عني فأنا أقرأ:
- الأخبار وارتبطت عندي بـ الشريف، الكيك، راكوبة، دينق وانت مرات مرات..
- البيانات والكتابات المتخصصة للأحزاب والتنظيمات.
- الناس الجديدين عشان نرحب وكده..
- بوستات الأغاني.. انا زبونة دايمة..
- بوستات الونسات والتخريمات الحلوة وانت وانا وكلنا بنعرف ناسا..
...
- ندى وندى ما بيكتبوا/ن حاجة ساكت.. انتبهوا/ن.
- حنينة وشيري وهالة قوتة وراوية وام وضاح بباريهم تووووش.
- بيان لما تكتب ألوان الحب بابداع ووفاء غريبين..
- رقية وعشة بت فاطمة واماني الجندرية ومريم الطيب وسوما وسوميتا ومايا ويا بت يا نيل وسمارت هي وبت الأحفاد.. بباريهم طواالي.
- تماضر لما تمخمخ وتبدع..
- الملكة واحلام وميادة ولنا ديل بدخل بوستاتم عشان ارتاااااح.
حتقول لي ديل الجكس وين بوستات الشباب..
أقول ليك في العدد القادم  ..
|
Post: #4
Title: Re: كيف أقـرأ البــورد
Author: أبوالريش
Date: 04-16-2004, 01:49 AM
Parent: #3
رجــاء،
لا أول خالـد،
يا اخى أنت أهل الذكـر ياخى.. وبدون مسـاهماتك وقفشـاتك البورد بيبقى لايص سـاكت.
رجــاء،
أمانة ماتورطتى ورطـة.. عارفـة دى انا مرقت منهـا بالسياسـة.. قت تانى فى خمسـة من هنا وخمسـة من هنا..
لكن بركـة الذكرتى بت الأحفـاد.. هى الوحيــدة الما بتخلى حقهـا.
بعـدين قلت "حتقول لي ديل الجكس وين بوستات الشباب..
أقول ليك في العدد القادم "
ولا يهمـك.. نحن دائمـا فى العـدد القـادم.. وجلدنـا تخن.. تانى ما بنحس زاتو.
|
Post: #11
Title: Re: كيف أقـرأ البــورد
Author: Mayada
Date: 04-21-2004, 02:01 AM
Parent: #3
رجاء...
انشالله داااااااااايما مرتاحة يارب
|
Post: #5
Title: Re: كيف أقـرأ البــورد
Author: Raja
Date: 04-16-2004, 09:02 PM
Parent: #1
|
Post: #6
Title: Re: كيف أقـرأ البــورد
Author: سجيمان
Date: 04-16-2004, 09:07 PM
Parent: #1
ابو الريش ....الله يجبر بي خاترك يا يابا
خالد بارك الله فيك العملقتني....بعد العولاق العلي
|
Post: #7
Title: Re: كيف أقـرأ البــورد
Author: ASAAD IBRAHIM
Date: 04-16-2004, 09:13 PM
Parent: #6
ابو الريش سلام
صراحة احب جدا ان اقرأ للاخوين محب وبلير
لاني احس فعلا الصدق والبراءة في كتاباتهم
ومن البنات الاخت راوية لانها حقانية
راوووووووووووية ما رجاء
وبس بدون مجاملات زي رجاء كاتبه ناس المنبر كلهم ولسة ما خلصت
في حلقة تانية
الباقيين مش معناها ما بحبهم بس الفوق ديل بحبهم اكتر
|
Post: #8
Title: Re: كيف أقـرأ البــورد
Author: أبوالريش
Date: 04-16-2004, 09:33 PM
Parent: #7
"راوووووووووووية ما رجاء "
ما تحاول رجـاء!
تلقاهـا دايمـا قـدامك..
لكن اصبـرى لى شــويـة بس، حركاتك دى لو ما طرشقتهـا ليكى.
|
Post: #9
Title: Re: كيف أقـرأ البــورد
Author: Raja
Date: 04-16-2004, 09:35 PM
Parent: #1
|
Post: #10
Title: Re: كيف أقـرأ البــورد
Author: ASAAD IBRAHIM
Date: 04-16-2004, 09:40 PM
Parent: #9
Quote: أسعد..
حاااااااااضر |
ابو الريش
خليك شاهد
ويا بكري ابو بكر الحق في تهديد هنا
بس انت ما غلطانة غلطان ابو الريش البجيب في المحن
كلو ما نخلص من واحدة من محنو يجينا بالتانية
وين يا جماعة رواية الحقانية ؟؟؟؟؟
الحقي يا رواية
|
|
..