من أدب البـطــانة**

اناخو البت اللكعت قرن الخمرة..
النازلة على وردان الصبوة الراكزة..
الجنيات الهازة صدورن لازة ...
بالحيل آآآجنى اى والله..

الجنيات الحزمو الجبة وعرق الشتوى عليهم نايا..
صب قول ما ادلا رجالن حصدو الحبة..
عيشم هنكد واتعبا ومنو كتير فى الواطة انكبا..
والباقى مصوبر واقف قبة..
الحمد آآلاف...الشكر آآلاف..
العيش الرقد اصناف..اصناف
فى الولد الكان عزام..حلاف..طياب ..
الرزق الجانا مدلا..
الحلق الجاف اتبلا..
بالحيل آآجنى اى والله..

____ فى باقى

الأخ وليد .. معليش يا أخي .. الكلام ده أقرب للشعر الحلمنتيشي .. واظنه شعر حلمنتيشي من الدرجة الثانية .. ما تابع لينا.
نتمنى إنك تمشي للخيمة بتاعة سنجاوي بيهناك .. حتلقى الكلاك الـ مو خمج
نتشرف بمساهمتك هناك في خيمة شيخنا الحارلو

اخوى شنتير ازيك

يظهر انى بعيد جداً عن ادبكم الثر..
انا اصلا زول رطانى...ما مشيت على جهتكم ديك..
لكن تصدق الزول الجاب لى القصيدة دى حلف لى بالله
انها حقتكم ...بشكلها ده..
برضو بحب البطانة
سلمت

_____ دكين.. عليك الله مش محلى حامدنارتى ..فوق المسيد
بيت جدى القديم..
شفت انى ما بخسر

(جروانبقىدوارمو)

وليد شنتير ده ما بمرق غلا في التقيلة ..
والظاهر انك ضيقتا خلقو بي هترك البايخ ده..

الزول ده شيخ عرب ..
لو قعدتا تهاتر بي خرمجاتك دي على انها من البطانة الزول ده بخرسك ..


وانا ذاتي بخسرك..
ذي ما الناس ديك خسروك يا خاسر

ده كلام المستعرب الخلوي يا وليد طه...
الكلام البطانه بي عينو ما شافها

كلام البطانه ترا ده



ام شدره وخلاويها ومدارس انجاله
وخّرن الشروف الصي بدنّي زواله
الوطتني سم الحيه والملاله
اسمح من سبايك الخيل ووحش الناله

نزار حسين ازيك..

الظاهر انا وقعت فى شر اعمالى..
ياخى عليك الله ما تلم فينى ناسكم ديل

شنتير شكلو نسانى ما تذكرو..

الله يغطس حجر بوستى ده..

لكن والله القصيدة دى عندها باقى عندى ..بتمها بعد ما الجماعة
يمشو و باسم تانى لزوم التمويه وكده
ما تكلم شيخ العرب

رااااجع

الاخ وليد طه
ما تخالف شيوخ العرب
القصيدة ل ودبادى...وهو شايقى اتربى فى دارالجعلييييييين

غرب حامد وشرق بله
كانو بحلبو الضرع الدلة

الجنيات الغابت جابت
انت قايل الجيب قميص
افرنجى ولا كرتونة كرملة
الجنى الغاب جاب
حقائبه ملاينا من جنس
كتاب ومجلة
هو اىى جنى

هوى آآآ جنى
شعراء البطانة كتار مثل
الحاردلوا والصادق ود امنة
ومحمد زين...وناس تانين

اتزرق سماءك متل الطاجن الممسوح
وادكن سحابك زى سطور اللوح
فيك ريحة عطور تفوح
وفى ريحة دعاشات ترد الروح

بطانة جردقا السيف والحصان الثاكل
وكتير اسيادة فوق حدباتها حلو مشاكل