قرقوش الكسلاوى يمنع البنابر

حكام الانقاذعندهم قرارات تخليك ما تعرف تبكى ولا تضحك بكل سهولة تطلع قرارات تاثر فى اكل عيش الناس المساكين
وكدى شوفو الخبر دا نقلا عن جريدة الخليج
صدر القرار التالى من حكومة كسلا
بهذا يعلن المدير التنفيذى لمحلية كسلا جميع المواطنين بانه يمنع منعا باتا الجلوس على البنابر فى محلات بيع الاطعمة والمشروبات سواء كانت المحلات ثابتة او عشوائية وذلك بسوق كسلا الرئيسى وكل الاسواق الفرعية وعلى كل من يمتلك بنابر سحبها من الاسواق خلال فترة لاتزيد عن 48ساعة من تاريخة وكل من توجد عنده اية كمية بعد المهلة يعرض نفسه لمصادرتها والعقوبات القانونية
والقرار يحظر على زبائن بائعات الشاى والكسرة الجلوس على البنابر من دون ان يوضح المضار المترتبة على هذا الجلوس صحية كانت ام ادبية

المحلية اعلنت الحرب على البنابر دون سائر وسائل الجلوس بداية من البروش مرورا بالعناقريب وانتهاء بالكراسى فلا باس على البائع ان اجلس زبائنةعلى اى منها اما البنابر فهى رجس من عمل الشيطان

يعنى بعد العملوهو فى الشعب ده كله
عاوزينو يقيف حياطى كمان

يحرق ابو دى مله دى

اها لو قاموا زودو رجلين البنمبر تلاتين سنتمتر لى فوق الراجل

ده رايو شنو..اوعى يقوم يقول يقعدو مع الكراهة..يا اخى دى حاجات

تجنن!!!!!!!

وما وريتنا رايه فى المنبر عشان نعمل حسابنا

العجب العجاب يااصدقائي
انظروا جريدة الخليج تنشر الخبر وهى جريدة خليجية
اى كانه من الاخبار الترفيهية

قريت الخبر فى جريدة الخليج اكتر من مرة عشان اعرف الحكمة من منع الجلوس على البنابر وكدة فى احتمال لاسباب صحية يعنى الغبار مثلا
لكن الجلوس على البرش للاكل وضعو شنو يمكن المنع الجاى يكون عدم تناول البوش جلوسا على البروش


الناس ديل ساكين الفارغة وما شايفين الناس بتموت من الجوع والحرب فى دارفور

يا صديقي محمد

خبر زي دا ممكن يكون بداية لتيار جديد في الحياة السياسية السودانية

ويمكن ان نطلق عليه اسم "ما بعد العرقلانية الحديثة"

طبعا مصطلح العرقلانية من نحتي الخاص

واكتشفته من قبل عشرين عاما

واستعملته في نصي القصصي "المفارق الفكهة: موت مدرس متجول"

هل تذكره محمد ام ان المدة طالت؟؟؟

تحياتي للبنى والاميرتين

ارقدوا عافية

المشاء

الحبيب اسامة ضحكتنى من الصباح كيف العرقلانية متذكرة كويس وصفات العرقلانى
هنا العرقلانية بقت مؤسسية يعنى على نطاق الدولة امس بتحاور مع شقيقى عمر عن الخبر وهو يقول ناس الحكومة عندهم عداء لبائعاتالشاى لانو التجمعات بتكون قربهم والناس بيتكلمو فى نقد الحكومة
القلوب شواهد يا اسامة
امس بقلب فى الكتب فى مكتبة النادى العربى بالشارقة لقيت كتابك المشاء مجموعة مقالات فى الادب والسياسة وقريت عن صباحيتك الشعرية فى جامعة تعز
داير الجديدوالتطور الحصل لمصطلح العرقلانية وياريت تنزل نص موت مدرس متجول العنوان طريف وجميل
قريت نصك الجميل الاخير واسعدنى وجودك فى مناخات الحب الفيلادلفى

طبعا يا محمد اضفت ليهو مفهوم اخر مرتبط به الا وهو

مصطلح "العرقلانية المتاكدمة" من خلال "ملاسناتي" الاخيرة

المهم النص اتنشر في حتات كتيرة عشان كدة لغفلتة "عطبراوية"

لم احضره معي من بيروت

مع انه نشر في "السفير"

المهم الحاضر يكلم الغائب العندو النص دا يرسلو لي على الايميل

مقاطعي من نصي " حب في فرانكلين ملز" قوبلت بصمت وتجاهل رهيبين,

ويبدو ان ذلك مرتبط بالعنوان

او النص ما "قد المقام"

المهم ساحاول كتابته دفعة واحدة ونشره من جديد

تحياتي مرة اخرى
ولى قدام

المشاء

عرفنا انو الزول ممكن يركب بص شماعة.. لكين شراب الشاى شماعة دا ما سمعنابو!! ان هذا لشئ عجاب!!

الحبيب اسامة
العرقلانية هى براها شبكة وحتتعقد اكتر لمن تتوشح بادعاءات اكاديمية دى تبقى مصيبة عديل
بفتش فى العلاقة بين مصطلح العرقلانية ومصطلح على السفورى اهل البديهية وهو بيقصد بيهو الناس الناس البيقولو البديهيات وهم بيفتكرو انهم بيقولو كلام مفيد سديد
النص الفيلادليفى عجبنى وكنت عاوز اعلق لكن والله ناس البورد ديل يشبو ليك فى حلقك وكل ما تكتب يقولو نحن بنجامل احبابنا

برجع اقرا واكتب ليه عجبنى النص

احتمال الزول دا بمهد لى عمل منابر حرة.. بدل بنابر برة.. فى السهلة..