سودانييز اووف لاين

سلامات
وعوافي
هناك في اخر الرواق بقايا ضياء عتيق اظنه الوحيد الذي لم تطاله يد الظلمة القسرية ... في اخر الرواق حيث بصيص الضوء واكواما من الرفاق الصادقون كان يقبع الامل النظيف...
احلاما بريئات تدغدغ بض الذاكرة فتحيَك ثوبا قشيب يستلفت كل من له نظر وبصيرة ..
سودانييز اوون لاين
كان هو ضياء اخر الرواق
ايضا هو بصيص الضوء واكوام الرفاق
وشوال الاحلام البريئة وذاك الثوب الجميل
....
صحوت من نومتي
كم جميلة هي الاحلام القصيرة
...
اغلاق المنبر او اغلاقه
خيرا بكثير من ان يكون مرتعا لذوات الاربع
....
اين بيتنا القديم
....
هنا او هناك حيث يكون السودان تكون دائما الهزيمة والانكسار
المنابرة(نسبة الي المنبر الحر) نموذجا
....
هل رعي ايً منً زهرة مذ غرسها والي ايراقها؟
...
طفل بلا والدين
...
الي الرفاق الاولون
حلمت معكم بذات المكان الذي بات حيشانا وفرقانا ..حلمنا به وطن واحد نستمد منه جرعات الحنين المفقود ونستلذ بكل مافيه من انين..كنت اعلم ان اكثر الساعات ظلاما هي التي تسبق الفجر..مثلها كان المكان هنا حالك السواد فمااتي الفجر ولا عرفنا طريق الرجوع
.....
دائما نموت في اول الطريق

Quote: كنت اعلم ان اكثر الساعات ظلاما هي التي تسبق الفجر

الشفيف العزيز ود رمليه
يبتدر الفجر بنور عودتكم و تواجدكم معنا

Quote: دائما نموت في اول الطريق

ما سمعت الشاعر يا ود رمليه لما قال
طريقناتدري و عر عسير.....شوك على جانبيه لكننا سنسير
يبقى الامل ما بقيتم يا عزيزي

أخي العزيز المفضال ود رملية

تحية عارمة و عودا حميدا. حقيقة إفتقدناك ، و إن كنا لم نكتب ( أين ود رملية ) فعذرا.

هناك في اخر الرواق بقايا ضياء عتيق اظنه الوحيد الذي لم تطاله يد الظلمة القسرية ... في اخر الرواق حيث بصيص الضوء واكواما من الرفاق الصادقون كان يقبع الامل النظيف...


و أنت ضمن هذا البصيص يا زول يا زين

الحبيب الغالي تؤأم الروح ورفيقها ودرملية المبدع الحاضر الغائب ، ليك فترة ما بنتة لا حس ولا خبر
فعلاً البورد يمر بمرحلة مخاض اما أن يكون منبراً يلتقى فيه الصحاب والرفاق يتهامسون شوقاً وشعراً ونثراً وإبداعاً وإما أن يكون وطن آخر ممزق تستشري فيه البغضاء والتشاحن فنريده وطناً للجميع يتألفون ويتحابون ويفترقون على أمل لقاء أجمل وعودة أحلى
بالمناسبة أمس كان معي العزيز عماد البليك وجلس معي فترة طويلة ويبلغك التحايا وكذلك الحبيب الشفيف الدخل قدامي داك هوبة ومنتظر قدومنا ياحبة

سلامات
وعوافي
ايهاب,ابوجهينة,ابراهيم
يااحباب هي خيبة ما تؤرق مضجعي ..لاادري كنهها ولكني اتبني مبداء التنبؤ دائما ..فدعوني اسميها نكسة او مصيبة
جميل ماكنا نسميه منبر حر
اظنكم ايضا قد وطأتم نفس الجمرة التي جعلت من بطن قدم افكاري ملاذا تشوشو فيه ماشاءت وماشاء الله لها
..
الامسيات الحزينة وظلام القادم من بعيد ..مستقبلا..
...
هو ليس خط تراجع بقدر ماهو هاجس يكتًف خطاوي الغد ويكثف سماء الامل بغيوم سوداء ثقيلة
..
الست معي في ان بيننا غرباء... لايهمهم بيتنا ولا ما فيه
....
يوما ما حديثنا سيبداء بـ(كان) كم قبيحة هذه الـ(كان)
...
تحياتي السمان لكم يااحباب

ود رملية وينك يا رجل ؟

Quote: ..... دائما نموت في اول الطريق

ان شاءالله دي ما تبقي في ناس المنبر الحر

سلامات
وعوافي
فعلا لم يتبقي لناسوي الدعاء يالفيا
كيفك يارجل
ارسلت لك قبل نيف وعشرون يوما رسالة علي الماسنجر ولكن يبدو انك لم تسال عنها فجفلت صادا
سلمت وكل الاحباب

العزيز ود رملية

الغائب مننا، والحاضر جوانا

وينك يا جميل، ياخى نحن ما عندنا غير الحله الحلوة البديعة نتلاقى فيها، نلاقى فيها ناس زيك ونسعد بالرفقة المؤنسة الطيبة، وبرضه تغيب مننا، يعنى قدر حبة الملاقا دى برضه الزول يكوس ليها كواسه، مش كفاية بالله يا ود رملية اتفرزعنا واتشتتنا "برات اللبلاد" على قول فيروز، وفارقنا غصبا عننا الأصفياء والأصدقاء، وما صدقنا الله لمانا مع ناس حلوين زيك كده ، وبرضه لسه الزمن بمارس فى بخله ولؤمه علينا

انشاء الله تسعد وتطيب ونشوفك معانا على طول، ولمن تغيب عاد، ما بيد القلب سوى الأشواق والدعوات والإنتظار

نسوى شنو عاد

ودمت يا ود رملية، وليك السلام والود كله

أبوذر

سلامات
المطر
ياخفيف الروح وشفيف الهطول
ربما انني اكثر الناس كسبا في هذا المنبر
ففيه تعرفت برفاق طيبون كتاباتهم كالبلسم تشفي العليل
ولخوفي علي الحال ..لخوفي..بكيت ..لنفسي وعلي نفسي ومن نفسي
حتما ستخلد اشياءنا في الذاكرة ..لاادري بياضها كم عن سوادها
ولكنها ستخلد
نحلم..
نحلم
...
هلموا يارفاق الامس نرتق ماتقدقد من مساء الاحلام

سلامات
وعوافي
البحيري
يارجلا يبحث عن الحق بطريقته..طريقته الخاصة جدا..
سلمت ...ربما شيئا من اطراف الرسالة قد وصل او انني خيبت ظن نفسي في نفسي
...
يابحيري بيني وبينك كلام كتير صدقني النت مابيقدر عليهو يعني لازم الزول يشوفك ويلاقيك بالرغم من انني اجتهدت في ذلك حين كنت في السودان ولكن مطلق الفعل لله...
شكرا علي طلاسمك التي مازلت اتعجب فيها فيك..موغل انت في الرمزية يابحيري ولااشك ابدا في انك شاعر من (شعر) ..وشاعرمن(حس&حدس) بي حاجة خفيةمن
ايراق السلام وغصون المحبة شئت ام ابيت

سودانيون اونلاين وسودانيون اوفلاين
سودانيون اونبوينت وسودانيون اوفبيونت
سودانيون أونلايف وسودانيون اوفلايف
سودانيون اونهارت وسودانيون اوفهارت
سودانيون على جرحنا وسودانيون خارجه
سودانيون على .....
....... كل حال
ولك الحب يا صديقي

الذي سنلتقي حبا وحتما

سلامات
وعوافي
يابحيري
سودانيون بكل الاوبزت مافي مشكلة
ولكني اقصد سودانييز اووف لاين
لخوفي من التعميم

العفيف ود رملية
إنت عارف أنا بريدك مش؟؟؟
المهم تكون إنت أونلاين وكل شئ بكون جميل
أنا مأزوم مأزوم مأزوم
وخائف من فراق الرائعين
نرحل إلى أوطانٍ وترحل عنا أوطانٌ

سلامات
وعوافي
يابدر التمام الزايد حلا
ياخي وين انت او وين انا مامهم المهم وين
....
اووف لاين
تراجيديا حرب الاعصاب في الاسابيع الفائتة

العزيز ود رملية

عودتك و بقاءك الفاعل هنا يحقق لهذا الوطن الافتراضى
فرص تحققه فى واقع منشود تندس معالمه فى النفوس الطاهرة
و العقول القادرة...
كلنا تأتى علينا لحظات ننهزم فيها فى وجه القبح لكن ليس
من خيار لنا سوى النهوض
علينا ان ننتصر على مسالبنا اولا و نراكم عزائمنا لنسد الطريق
على الغرباء الذين ذكرتهم
و هم هنا و فى كل مكان يترصدون و يدخل علينا من الفراغات التى
نخلقها بين صفوفنا او نعين من يسعى الى خلقها

لا الوم من سعى بقدر لومى لمن استجاب للمسعى الغير خير

سلامات
وعوافي
نصار
كم من اباريق الحديث قد دلق هاهنا؟
وكم من صوت رخيم قد انشدنا هناء؟
وكم من كم؟
فمعاول البناء يرهقها الهدم
وانا اشبه المنبر بمؤتمر الخريجين ذلك الصرح الذي يجري فضله في دمائنا
نعم هواشبه بذلك وكان سيكون ولكنه لاكان ولااصبح قيد يكون
لك المحبة وفراسخ الافراح