كيـف تكون اســاسـي في البـورد

امسياتكم بنكهة
القرنقل


قد اجهل هذه الوصفه السحرية ،ومع ذلك وحتى اجنبك
عزيزي الزائر
ويلات ان تكون عرضة للكراهة والشنافة لمجرد
ان اسمك ينغمس في هذاالطعم او يلفه هذا الرسم
او لونك السياسي او العرقي ..
فاني اطلب من الذين يملكون هذه الوصفة السحرية
ان يفتونا في هذا الامر
وهو
كيف تكون اساسي في البورد

اطال الله لنا اعمارهم ونفعنا بكثير علمهم
فعسى ان تنالنا محبة تلم بها شعثنا

والاساسية التي اقصدها
هي صفة وجودك في المنبر الحر
والتي من خلالها
تتحصن شخصيتك ضد اي قذف او سب
او نسف
ليس هناك من احد تحدثه نفسه
بالتجرا عليك
قدسية الاسم
قدسية المواضيع التي تكتبها
قدسية الاشخاص الذين يلمعهم قلمك

فانت ساحر ، دخولك فقط في بوست
يجلب البركات والتبريكات والتهليلات
هذا ما قصدته
مع العلم انني لا اشير الى اي اسم وليس في بالي اي اسماء
حتى اساسي صاحب الاسم لا اعنيه .
انما اعني الصفه ..
وهو باختصار
كيــــف تكـــون محبوب من كل ناس البورد

كفانا الله وإياكم أن نكون مثل (أساسى) صاحب الاسم ، وهو النقيض تماما لما ترمى اليه يا صاح ، أو هكذا فهمت.

أن تكون أساسى:

تكون صاحب خبرة عميقة (شوقى بدرى)
تكون صاحب فكرة (روضة)
تكون شعلة نشاط (ود قاسم)
تكون موهوب (تماضر)
تكون أديب (The Rain)
تكون صاحب قضية (موناليزا)
تكون محبوب من الجميع (بنات العباسى)
تكون صاحب البطل (خالد الحاج)
تكون صاحب روح فكهة (سجيمان)
تكون كتاب شديد (صلاح ضرار ، بناديها ، بت قضيم)
تكون فقرى شديد (أساسى)
تكون متابع (صديق الموج)

وهلم جر

هشام يا زول..

Quote: تكون محبوب من الجميع (بنات العباسى)

ربنا يكرمك يا ذوق..

صباحاتكم بنهكة
البرتقال

يازول يازول
اشكرك كميات ياهشام يا اخو الوافر صديقي الجميل الذي خبأته منافي الاندلس ، وفي هذا القول كثير من سلامي واشتياقاتي اليه .
والشكر في الاساس موصول اليك انت ايضا ، صاحب كل هذه التوصيات الشفيفه التي دونتها هنا وعلى وضاحة من الامر .. واحسب مثل الكثيرين ان اراءاك في هذا الامر لمهمة جد ا ، لما لك في هذا المضمار الساحر من باع طويل ، اكثر طولا ومناسبة ..
لذلك سنعمل ياصديقي الجميل على العض عليها بالنواجذ وابانتها (للبورداب) تبيانا واضح لا لبس فيه ولا غموض .

مساء الفل يا شرير

قديماً قيل " رضى الناس غاية لا تدرك "
مستحيل ان تنال رضا الجميع
افعل ما تراه صواب
وكفى بالصدق راية

محبة وكثير احترام

نسيت كمان زول ، تكون كتاباتك لذيذه خالص خالص (شيرى)

مساءك بنكهة البنفسج يا شرير..

أوافق الجندرية..

Quote: قديماً قيل "رضى الناس غاية لا تدرك" مستحيل ان تنال رضا الجميع.. افعل ما تراه صواب وكفى بالصدق راية

ليك وحشة..

كـــــــــون مــــــــع الجميــــــع كيفمــــا كانــــو

صباحاتكم خير

الجندرية
هذا حقيقي ... وحكمة بالغة ..
نساله ان يبلغنا الحكمة ورضاه عنا .

رجا بت العباسي

هشام لم يزد على الحقيقة شيئا ..
انت فعلن نسمات هذا البورد
ربنا يحفظكن .. ويرعاكن

بلييير
علي مسئوليتك يا بليير ،
نخلى الناس يعملوا كده .. ؟
يعني توصيتك ان تختفي العكاكيز ، والسكاكين . والمايكرفونات التي تشهر بالناس اكثر ما تهدي
هذه ايضا حكمة جميله ،

وليد يوسف
لا حوله ولا قوة الا بالله ..
نساله الستر ..

يجب ان تتناول مواضيعك الثالوث المحرم. (الله ,المرأه,الجنس).حينها ستجد كل المنبر متصفحا لبوستاتك بين مؤيد ومعارض وهادر دم المهم تكون اساسي.او تقوم كل يوم ترفع موضوعك لي فوق او تعلق علي اي رد السده بالرده........الخ

او اسمع نصيحة الجندريه

وليد يوسف

قبل أن تكون أساسياً يا أيها ( الشرير ) الليموني ، لنا سؤال : وين البرتكانه يا حبيب !!!؟


نسعد بعودتك ، و بالتالي عودة الليمون البوردي إلى أغصان العطاء ..

يا شرير
1-الا تطلع فردتك رباطية وتزعلها منك
2- تعمل مهم وخترى كتال كتلة
3-يكون كومك فيهو 120 زول لو كل زول دخل خشمو مرتين بيكون عندك 240 استجابة.. ويولع الايقونة بالاحمر الناس التانية تجى لشمار
4-تصحى الصباح تخش اى بوست سلام حباب كيفنكم طيبين
اها الناس دى كلها بتجيك تانى(شغل علاقات عامة)
5- تكون فى المعاش ذى كدا بين كل غسيل صحن ونشيف كباية و شر هدوم وقطيع بصل تدخل البورد...
6- تخلى كل الناس تاكل وتقش يدها فى هدومك على قول حبوبتنا
فتكون محبوب وطيب وما رباطى ذى فردتك ديك تذكرها؟
الفكيتها عكس الهوا -
7-واياك واياك مشاترة المهمين الخترين ترعى بقيدك
بعد داك تبقى رسول حمزتوف ذاتو
8 كمان ما بطال لو بقيت تكتب شعر وقصص ذى قصصى الفتة ديك وانت عندك بيان ساحر يا فردة بس وظفوا..(بس النقد لع والف لع)

9- لازم تكون مشجعا للنساء وتؤيد حقوقهن اكثر منهن ذاتهن ومن الفينة والفينة تصرخ صرخة كنيدى ديك وتقول انا مرة( انا زنجى)
10- واخيرا وليس آخرا تسقط اسم الشرير دا وتخلى البرتقالة
عشان الناس تفكر فيك بصورة ايجابية ايتها الشرير..

كون دائما .....



انت



لك التحيه
نوف

صباحاتكم جميله

منوت الليموني
نكهاتك الليمونيه طغت عليها .. ايدك معانا نحفر نطلعها لي بره
شكرا لترحيبك الليموني

الدكتورة بيان
اشتياقاتنا واحتراماتنا
فردتي ياحليله خلاص ، اخدتها تفاصيل الحياة في طياتها وعملت اضان جلد ..
اما الرباطين الذين وصفتهم قبل كده .. فانهم خفيفين على روحي ومحبتهم تسكن جوه الجوه ولو دنميت (ياساتر يارب) ما اظنهم بتفرتكو ..
الدخول والخروج بين كل بوست واخر .. والله دي صعبة علي شوية ... عندي مدير الله لا وراك .. لديه 250 موظف يرأسهم ، ومع ذلك تركههم كلهم وترك ايضا كل اشغالها ومهامه الوظيفيه ، وتفرغ لي وحدي .. لو وقعت كباية في المبني الرابع للمبني الذي يقاصدنا ، لعمل نداء عام وخصاني به .. ولو كذب الرئيس بوش في بيته الابيض ، لاعتبر انني المحرض الاول على ذلك .. كل ما ارفع يدي او في سري لادعو عليه .. علم بذلك .. ويقشطني بعدها انذار شديد اللهجة وخصم تبلغ قيمته سبعين في المية من معاشي الاختياري .
قصصك يا فردة جميله ، وانا قريتها .. وعلقت في حينها لصلاح درار

اما كتابتي للقصص القصيرة فان صيرورتها تبقى رهنا على ذاك المدير الفقري وما اسلفت لك من سوالفه معي . لذلك هذه النصيحة ما عندي ليها رقبة ..
اما حكاية مناصرة المراة دي والدخول معاها ومباراتها في كل حتة حتى اذا ما دخلت علبة مكياج دخلت معها . دي ما بقدر عليها
اصلا انا زول اشتر وما ختري في الحاجات دي ..
كدي شوف لي حاجة غيرها .. تكون اسهل ..
وصعب جدا يا فردة بعد العمر دا كلو اقوم اسقط الشرير واخلى البرتقاله مشحوطه لوحدها في السقط دا .. اخاف تجيها لطشه برد
ويقوم يكتروا الشمات ..
وانتي خبيرة في حلول المشاكل التي مثل حالتي

ود امي (نوف)
تشكراتي واحتراماتي
وعين العقل ما اشرتي اليه

يا شرير المعادله بسيطه
حب الناس = الناس تحبك
فما يخرج من القلب لابد ان يصل الى القلب

صباحاتكم بنكهة البرتقال

ايهاب العريس

وين انت يا عريس .. شكلكم كده بقيتو ثلاثة
مشتاقين والله ..

مراحب اولا بالشرير والبرتقاله

ان تكون اساسى فى اى شى ان تكون الشرير والبرتقاله وكما يقولون ( رضاء الناس غاية لا تدرك )

صباحاتكم
بشكل الاناناس


علي اسماعيل

ربنا يقسم لنا رضا النفس

ومرحب بيك تاني يا اخ علي

كن قويا تصمد يا شرير ،، حتى ولو لم تكن على حق ،، فالحق هو القوة ،، ولأننا هنا لا نبيع إلا الكلام فإن قوة الكلام تنطلق من التزامه جانب الحق ،،
عقدتك ؟؟؟
ولك تحية بنكهة الدكوة ،،

صباحاتكم
بطعم القنوقليز

ود قاســم

عقدتني وبس !!
دا انت خليتني امشي واتلفت في البورد
للوووول يا خال

عزيزي شرير
تحياتي
سبق وان سالت عن قص شرير والبرتقالة
يا ريت تحكيها تاني
اخوك
محمد حسن
الطائف

امسياتكم زينه


سونيل

حكاية مجنونه .. صعب ان تصدقها
شكرا لطلتك علينا

تعرف اهم حاجتين يخلنك اساسى فى البورد وتخلى الناس تحترمك ولوماحبوك ما يكرهوك
اولا تحترم نفسك ودى اهم حاجه
تانيا تبطل التحشر فيما لا يخصك

اظنك ما مزاكر كويس امشى اقرأ فى البوست بتاع ملاسى
الفيك بدربو
اتحداك انو اى واحده من المنبر ده تكون استلمت منى ايميل
داخلى حتى لو فيه سلام خليك من غزل اللهم الا يكون رد
لكن انا هسى فى الميل بكس بتاعى وحافظو فى الجهاز
بتاعى ماسنجر منك لانسانه صديقه كمان عشان انا صادق
وما بلفق وصريح جدا المسج بتاعتك مافيها تحرش لكنها
عيب فى حقك لانك تخاطب واحده بالاسلوب دا لانها اتاذت
منو جدا جدا واتحرجت ودا السبب الاساسى الخلانى اتعامل معاك كدا عشان ما تجى تقولى حاجه شخصيه تانى اوكى
والله لو ما احتراما لى مشاعر الاخت دى كان نشرتا ليك
المسج هنا دا عشان كل الناس تعرف مقامك السامى
من ناحيه اخرى ارجو ان تنشر اى حاجه بتسبت انى تحرشت
باى زول عبر المسنجر وخليك من اخت او زميله اتحداك
جيب اى اخ او زميل انى كتبت ليه مسنجر داخلى اللهم
الا رد كان ممكن اطالب الاخ بكرى انو يرجع للركرد
بتاعى منذ دخولى للمنبر واذا لقى انى عملت زى ماانت
بتقول يشطبنى من المنبر نهاى واذا لقاك كضاب يشطبك
لكن ما حاعمل كدا لسببين
اولا عارف ظروف بكرى وكيف بقضى يومو ربنا يعينو
تانيا لانى بحب احل مشاكلى براى
ثالثا لانى بصراحه كدا مستمتع بوجد امثالك فى المنبر
وتوثيقاتك لكل ماهو قائم شفتا كيف

بعدين تعال هنا ياخى انا ماخاطبتك عشان ترد على انا بتكلم مع صاحبك....والله آآآآآه

ود الجعلي انت قاصدني انا ؟ مع اني ما جبت اسمك من قريب او بعيد
وكان ردي للبوست ولكن بما انه صادف في نفسك صدي من باب ( الفي بطنه حرقص براهو بيرقص) فانا لا امانع ابدا واتمني من المولي ان تنشر رسالتك المحفوظة في جهازك مني للانسانة التي تحترمها والتي مرت علي جهازك

لكي تكون اساسي في المنبر يجب ان لا تغضب بدر الدين الشين

ود العجلي

صباحاتكم بنكهة
قشر البرتقال

Quote: اولا تحترم نفسك ودى اهم حاجه تانيا تبطل التحشر فيما لا يخصك

الله تعالى نساله ان يجنبنا الزلازل و الفتن والمحن
ماظهر منها وما بطن
قول معاي امين ..
وشكرا لكونك منحتنا هذه الطله الاشراقيه

اساسي صديقي الشفيف

صباحاتك بنكهة
طعمية بني مالك

لم تورينا ، كيف تكون اساسيا في البورد .. نحن في انتظارك
يا اساسي ..
ثم تعال هنا ، مالك علي ياود امي ، هو بوست واحد في السنة وعايز سيد البيت يجي يشيلوا ويلحقوا امات طه .
شايفك ماشي في خطوات الداقســين ..
be lighting up
يعني بالعربي خليك تفتيحه

(وعباد الرحمن الذين يمشون على الأرض هوناً وإذا خاطبهم الجاهلون قالوا سلاماً )

صباحاتكم بلون
المنقه


ثم ان البطل لم يتحمل وزر ما فعلته به الايام .. فصنع له ثريد باللحم ، وقشر البندق وقليل من ويكة وبقايا كسرةقديمه
وقال ان تكون اساسي هذه رهن بان تقول ما ينفع الناس

ياأصفيائي .. أصدقاء الزمن الصعب .. سلام
قال: منعتني كثيراً من التحدث مع الصحاب نكاية في هذا الترابط الجميل وأشياء أخرى فضلت أن تبطنها فقط ولكن المتتبع للأمر مثلي لا يستعصي عليه الفهم ..
لم أشأ أن آت الأمر محله لا لشيء سواء أنني أحب الأصدقاء .. وطفقت تخصف علي من نعوت الانهزامية الكثير ..
جاءتني ذات صباح وبصحبتها طائر النورس ..
وسدرت بعد مقابلة يظللها الغموض ويكتنفها الصمت وتركت طائر النورس بمعيتي ...
يا أصدقاء الزمن الصعب .. (تكفوا) .. وكفى

صباحاتكم بكل
الالق والحب

صلاح درار
صديقي الحميم ..

ها انت ، تعيدها الى سيرتها الاولى ، وتتكتنف اللحظات بمداد رسمها الجميل ..
سنذكرها ، مثلما اخذ منها الالق نسمتها واكتنفها بطعمه اللذيذ
سنذكرها ، ومن غيرنا يفترش لها حرائر الاحلام والتمني

العزيز صلاح
لماذا تحفر لنا الحياة قبورا مبكرة لأننا لم نجرؤ أبدا على ممارسة الحياة والآن في غبش هذه الارتعاشة يدرك فداحة خسارته كل يوم .
لا فائدة لقد حلّق الطائر بعيدا عن الصوت... ولن يكون بوسع أرق الأصابع أن تمتد لاستئناسه
لا فائدة .. الضجيج أصبح عادة يريب الخروج عنها..
سيكون علي ان الهث خلف أصدقاء يلهثون خلف أصدقاء مفيدين لهذه الحالات السخيفة او ان اجلس فقط
أحسد كل هؤلاء الذين يعيشون مرة واحدة . لكنهم يحيونها بأقصى ما يمكنهم من اللذة والغباء . حتى عندما يتشاجرون أجدهم محظوظين جداً باندماجهم في اللعبة إلى هذا الحد
اوصوني قديما ان لا تعطي ظهرك لاحد ولا تتمدد في تابوت ولو من ذهب
لاجلها انهك الجياد في المرعى ركوباً ومطاردة حتى تضيع أنفاسي . لأجلها أدافع القيظ بالناي والسخرية بالسيف
ولك ولها ولنا العتبي

سلامات يا شرير و البرتقالة,

Quote: كيف تكون اساسي في البورد

سؤال ثانى

و ليه عاوز تكون أساسى فى البورد؟

أصفيائي .. سلام .. سلام ..

لا نعطي ظهورنا لأحد ولا نتمدد على توابيت الذهب .. وبالقطع لا نعطي الخد الأيسر لمن صفعنا على الأيمن ولكننا نأبى ارتهاننا جرياً وراء كلمات ندركها كما يدركونها .. التساؤل المشروع كيف نبخس حالات الاندفاع التي تترى نحونا .....
هكذا كتبت ولم أكمل لأنني ركنت إلى حالة من الاستغراب من أحدهم لماذا أنت غاضب من أصدقائك .. من أنا؟؟ سألت مستغرباً ولم أكمل حديثي معه كذلك ..

ولذا أستستمح أصدقاء الزمن الصعب وأصفائي فقد يكن وصلهم رشاش من الغضب الافتراضي الذي زعموه هذا وألجأ صاغراً لتفسير مفردات لم يكن مردها ، والله العليم، سواء أن هنالك شخص عزيز يأبى أن ينهمك المرء منا في صداقات يعزها وتعزه .. يغار حتى من الأصدقاء ... ولم يزل يبذر تلك البذور فيني حتى أحال ليلي البهيم إلى قطع من الليل ناهيك عن ذاك الذي لا تربطه بك أصلاً لا صلة ولا تمازج ولا تواصل فقطعاً سوف يكون غضبه مضاعف من تلك الحميمية التي أعشقكم فيها ويسعدنا أن تكونوا/يكونوا فيها ولذا استستمحت الهدنة فيكم لكي تكونوا كما أنتم جميلين إخوة أحباء على بعضكم وليس بالضرورة أن تكونوا أشداء على الآخر ... (وهذا ما عمدت أن أعبر عنه بكلمة (تكفوا) ..

العذر مرة أخرى، ليس بخطأ من تفسير ما بل من لغتي الكسيحة العرجاء ..

الى
البهي الساطع الأصيل
للحرف الجميل
للصدق فيه ..
للحق ..
حاذر من الأصحاب .. سيسطون يوما ما على قلبك

سسسسسسسلام ماتنسي ما تكون ساكين مناطق مهمشة زي الكلاكلة وكداء وبرضو اتزكرت بس خليك مع ناس قول نعم وكدا

في غاية البساطة:

ماحتكون اساسي لمجرد انك عايز، لكن حتكون حتي لو ماعايز!

كيف؟

المثل الامريكي في الحتة دي، حكمتو ابلغ
make a better
mouse trap and the world will beat a path to youيعني لو عندك حاجة تقدمها، الناس بجوك لي عندك رغم انف المعترضين بي دافع الغيرة او الحسد او الكراهية لله!

لو ماعندك حاجة تقدمها فما حيكون ليك وجود يذكر مهما تعمل!

طبعا شرك الفار كفكرة في المقام الاول لا يختلف عن اي فكرة من فكر، اي كانت!

عشان كده حتي ابوعبيدة حسن حفر وجودو في ذاكرة الشعب السوداني، وهو القائل ان امنيتو الفنية، ان يحجج امو!

طبعا الاستنتاج الطبيعي انو هذا الرجل لايفقه في الفن!

هذه هي القاعدة، ولكل قاعدة شواذ!

درس الاخت رودا بسيط ايضا:
هي حفرت اسمها في جدران المنبر وهي ما اكثر واحدة محبوبة ولا وراها شلة، ولاهي باحد او احدي ظريفات البورد!

مش كده او بس وانما ومقارنة بي اخواتها الشماليات، فهي وكمنتمية للكاست الادني لم تولد وفي فمها معقة ذهب!

بل اتت للوجود وهي محكوم عليها بالدونية، لمجرد انها ما بت بلد، ذات حسب ونسب حسب بروتوكول الاستعلاء الشمالي العروبي والاسلامي ايضا!

غريب الاسلام كدين "يزقا" هنا، لكن هذا هو واقع حال اسلام عقلية الاسلام السياسي في السودان وفي هذا المنبر!

استاذنا شرير بنكهة بلح الشمالية

ياخى مالك داير تبقى اساسى ؟ اساسى المعانا ده مريحنا
تليفون واحد للمشاغب ده (ده لو ما عندك حق البنزين)
حيوريك اصول اللعبة وحيخليك اكبر اساسى ومشاغب ، لا وكمان
الناس حتعمل حسابو منك شديد ، نحن اساسى ده حسع هدفنا القادم
للتصفية ، فيا خوى فياخوى إختار ليك إسم تانى.