سيد جرسة يعلق على انقلاب ابريل

نسبة لتعقد الامور وتشابك الدورب التى توصلناالى حقيقة مايقال ان الذى تم انقلاب ام تكتيك داخلى ولان سيد جرسة رجل يعلق على مزاجه ونظرته الى الامور بمعيار تانى قلته اسئله عن رايه فى حقيقة موضوع الانقلاب وكما يقولون خذواالحكمة من افواه المجانين فسيد جرسة مجنون وجنه مسلم وخاصة فى رمضان ومااطيل عليكم اخليكم مع سيد جرسة وظهوره المفاجىء فى الساحة .
اكد سيد جرسة ان الحكومة بتقول انقلاب بالله شوف الناس ديل بقوا كلامهم دراب كيف عرفنا انو البترول زمان سعره ارتفع وما صدفوا راحوا زايدين ليك الجالون وعلشان ما الغبش يحتجوا غلبوه ليك بالتر ده كلام حليل زمن لتر الجاز الابيض على بالحرام كان يعمل حلة كوارع تعشى حفر القماير والمناطق المجاوره لها ويجوا حسه كمان يقولوا انقلاب ما تخجلوا ياالقلته مسلمين وكمان اخوان بالله شوف الظاهر دعوة القبش لحقتهم ما كل القبش رافعين اياديهم وبيقوا (كيدهم فى نحرهم) بينى وبينكم الكيد ظهر والنحر باين يا ناس انقلاب شنو ده لا شفنه فيه دبابة اتحركت على بالحرام الدبابات الفى السلاح الطبى بتحتها البصل قام وابوسبعين لمن ما لقى ليه طريقه امشى لفوق عمل راكوبة تحت الدبابات وبعدين الانقلاب ده نحن فى السودان عرفناه بكون دقش بالحليل قبال ما يعووا الديك والاذان يقول (الصلاة خير من النوم) وبالمرة بذكر فى انقلاب بس ما قادر بذكر الجماعة بتاعن سمك المورده رجعوا جرى بتحت البحر نرجع الى الموضوع الجابنى عديل طيب يا ناس الحكومة بعد ما البشير رفع عكازة وحلف طلاق ثلاثة شيخ الترابى ده ما دايره عديل وبعدالحصل فى رمضان واصلوا رمضان ناس الحكومة ده مصايبهم فيها كتير وبالرغم انا ذاتى عندى معاه كلام لكن ما تبعهم لا توالى ولا تتالى شهر بمر على وبنتهى كل شىء المهم ناس الوطنى قبلوا عليك على ناس الشعبى حرم بس ذى كشة السوق الشعبى عديل ما خلوا ليك واحد فيهم كان حارس ليه صومعة لجان شعبية وحتى الجان من كرهم سموها لجان ادراية يعنى بالواضح كده ما خلوا شعبى لا فى جيش ولا امن الفضلوا عديل وطنى طيب دحن يا ناس الاتقلاب ده بس كيف انا لو سألتونى بقول كل الموضوع الناس ديل ما دايرن السلام الطول فى نيافشا والله مشك كده ده راى وحتى سلام نبافشا ده انا خايف يوقوعه فى شهر ابريل وفى النهاية يقولوا ده كذبة ابريل ديل ماعندهم ضمان كده لمن نشوف اخرته شنو نرجع لى موضعنا الاساسى طيب الراى التانى الناس ديل الظاهر بطبقوا فى تداعيات اتفاق نيافشا امكن يااهلنا ناس الشعبى المتعودين على طلوع الشوارع وتجويع الخلائق قالوا احسن يلموهم قبل ما يتم التوقيع وبينى وبينكم كلامى ده ما تحليل زول ساكت والله شنو المهم فى الامر اول ما سمعنا قالوا انقلاب وبعد يوم بقى محاولة انقلاب واليوم التالت قالوا. وده الناطق الرسمى عديل انو الانقلاب ده من سنة 2002 هم عارفنوا وعيونهم مفتحة ومتابعين ده كلام العقل بدخلوا اصله انقلاب والله شحنة لورى تراب مستنينها لمن تجئ عجائب بس انا والله المريحنى دعوة (كيدهم فى نحرهم ) والله مش كده عطشتونا من الكلام وجوعتنا من التحاليل ده كده نمشى نحصل قبل الاذان عمل لى حاجة اكله بالله شوف انا قايل نفسى فى رمضان ما طولته منكم وخلونى فى معمل سيد جرسة للتحاليل الانقاشعبية كان نقدر نشوف الكلام ده جرثومة وطنية والله نبفاشة بس انا خايف يكون انفونزا الكيزان.
تحياتى