سلام لكل اعضاء البورد اود سماع رايكم جميعا في اولي مشاركاتي خاصه CJmaaaaan

كان أحد مدرسي اللغة الإنجليزية يشرح لتلاميذه قاعدة المذكر والمؤنث في اللغة الإنجليزية. وذكر أثناء الشرح أن العواصف في وقت من الأوقات كانت تمنح أسماء مؤنثة فقط ، وأن السفن والطائرات اعتادوا أن يعتبروها مؤنثا. فسأله أحد التلاميذ " هل الكمبيوتر مؤنث أم مذكر؟"

لم يكن المدرس متأكدا من الإجابة ، فقام بتقسيم الفصل إلى مجموعتين : مجموعة الأولاد ومجموعة البنات ، وطلب من كل منهما أن يدلي برأيه مع إعطاء أربعة أسباب تثبت هذا الرأي:

ورأت مجموعة الأولاد أن الكمبيوتر مؤنث وذلك للأسباب التالية:

1-لا أحد يفهم المنطق الخاص به الا صانعه فقط

2- لا يستطيع أحد أن يفهم اللغة الداخلية التي يعمل بها.

3- يحتفظ بأخطائك حتى البسيط منها ليسترجعها لاحقا.

4- عندما ترتبط بإحداهن ، تجد نفسك تنفق نصف مرتبك على الإكسسوارات والطلبات المفاجئة

رأت مجموعة البنات أن الكمبيوتر مذكر وذلك للأسباب التالية:

1- لكي تحصل على اهتمامه ،يجب أن تضغط على كل مفاتيحه.

2- لديه الكثير من المعلومات ،ولكن يصعب فهمه.

3- من المفروض أن يساعدك على حل مشكلاتك ، ولكن في

أغلب الأحيان يكون هو المشكلة.

4- بعد الارتباط به ، تكتشف أنك لو انتظرت قليلا

لكان بإمكانك الحصول على أفضل منه

مــــــــرحـــــــــبــــا..

الاخت سهير كتر خيرك ومشاركتك جميله،ومع علمنا التام اخرتها

بتبقى شكل لكن ،شلاقتى ما بتخلينى .كدى النرد اول واحد.

انا بعتقد انو انثى للاسباب التاليه:

اولا: شر لابد منــــه

ثانيا: انانى يطلب منك التواجد بقربه دائما

ثالثا:عندما تكون مستعجل يرفع ضغطك بحركته التقيله

رابعا:برامجه كل يوم زائده

سلام رجاء اي الشرف بان تكوني اول من يرحب بي يا نواره المنبر سلمتي Mr.Siddieg:المراة انانية شريره تجيب الضغت R U SERIOUS!!!!!!! SHARING IS WHAT WE NEED TO FEEL OUR HUMANITY

خلاص ما بقصد ...التوبه.. ما قتليكم؟

الواحده زى الكمبيوتر ..اصلوا ما تهظر معاه طوالى يطلع الجواهو

طبعا ده الكمبيوتر.

LOOOOOOOOOOOOOOOOOOOOOOOOOOOOOOOOOOOOOOOOOOOOOL BROTHER IAM JUST JOKING!!!! لكن انا باعتقد انه مزكر لانه اسمه بي العربي الحاسوب شو رايك?

ME TOO........

سهير حبابك ومرحب بك

مشاركة.... مشكلة....
وبصراحة انا بخاف وما بحب المشاكل...

لكن اقول لك.... الكمبيوتر زي اسم احسان وزي اسم صباح....ممكن يكون راجل وممكن يكون مرا

ألف مرحبــا بسهيــر،
بالنسبــة للكمبيـوتـر؛
أفتكــر هـو مذكــر لأن الواحــد يقول الكمبيوتر سـريـع، وليس سـريعــة.

الاحت سهير
مرحب بيك
ومشاركتك حلوة وفى السلك

Quote: 3- من المفروض أن يساعدك على حل مشكلاتك ، ولكن في أغلب الأحيان يكون هو المشكلة.

دا احسن سبب يكون بيه مذكر
ابوالريش جارنا دنقلاوى بيقول الكمبيوتر دى سريعه خلاص
اها قصة مذكر مؤنث دى ما تلفق طوالى مش؟

بيـان،
الكمبيـوتــر دا مذكــر، لأنـو ما محتـاج لأى حاجـة غيـر الكهـربا عشــان يشتغل.
لو مؤنث كان إحتاج لسـاعتين لمن يســرح شعــرو ويعمل الميكأب حتان بيـدا الشـــغل.

اى حاجة كومبيوتر
الساعة كومبيوتر
والنضارة كومبيوتر
والجزمة كومبيوتر
ياحليل زمن النقر
كانت الدنيا طايرة راكة
مرة كفر ومرة وتر
بس الليلة كلامن كله بقى كومبيوتر
الحب بقى بالكومبيوتر
الزواج بالكومبيوتر
والطلاق بالكومبيوتر
حتى الموت بقى بالكومبيوتر
انا كنت عايش مرتاح
وفى السوق عامل سيوبر
ديك بضاعة رابحة وديك خاسرة
مرة تركيا ومرة مصر
بس ابوى اصر وقال لازم ادرس كومبيوتر
عشان بيتنا فيه كومبيوتر
حواشتنا بكومبيوتر
السقاية بكومبيوتر
الزراعة بكومبيوتر
حتى امى صاجة بكومبيوتر
وعندها حلة بريشر
عشان مافى حاجة فى بيتنا تخسر
انا لازم ادرس كومبيوتر
جيت لقيت ناغبور ظريفة
مافيها عيون حاملة شر
لكن القوب عليمه الله
هى تراها دافنة سر
ما حصل لجان دخلت
ومع اى زول قاعد بهظر
بس لما جيت اتصعد
العواجيز صارت تنظر
مرة قالوا عنى كوز
ومرة قالوا شيوعى حر
ومرة قالو.. وقالو.. قالو
انى بسكر...
ودا كله عشان انى قاعد
بدرس كومبيوتر
ما فى ناس عاملين فيه
ادميشن من سنة حفروا البحر
لا دايرين يمشوا ابوظبى
ولا دايرين يسافروا قطر
بس قاعدين لشغل التنظر
انا ذاتى حاقعد انظر
حتى لو الجامعة تخسر
المدير لو انتحر
حتى لو جيتينى موضة
واى زول فيك تكسر
برضو حاقعد انظر
النشوف مين الفينا يخسر
ما اى حاجة كرهت احمد
حتى حركات البرنتر
لما اكتب برنامج فى
النهاية يساوى ايررور
ولو الواحد عاوز يحب
برضو هنالك من ينظر

الاخت سهير ساتم القصيدة لكن لما اعرف الكومبيوتر
ضكر ولا انتاية

مرحب بيك
ولك ودى

لكن ما ملاحظين انو الكمبيوتر ده غلطاتو بتودى فى داهيه

يعنى فى البنك كان زاد صفر ساكت .ترتج له كل الصناديق

الائتمانيه.

ثانيا ناقص عقل ودين.يعنى كان انت غلطت فى شىء هو ما بصلحوا

ليك حتى لو كان غلط بسيط.و مش ناقص ما عندو دين، مرات بيحرن اخر

الليالى يعنى بعد المحلات كلها تقفل.

وتانى كان جاهو فيروس ساكت ما بستحمل الا تمشى تعالجوا لكن كان بقى

راجل والله كان قطعوا فى حشاه .

وبعدين يمشى الهوينا كما يمشى الوجى الوحل.كان مشيته من بوست

الى بوست مر السحاب لاريث ولا عجل ودى كلها حاجات ستاتى خالس.

وبعدين بستعمل التلفون كتير ويجيب ليك الفاتوره الوفات.

اها رايكم شنو؟برضو تقولولى الشاشه والفاره والسى دى والفلوبى

والسماعه والطابعهوالذاكره ديل كلهم رجال؟

يا ألف مرحب بسهير الشيخ

وحاجة جميل تعين من عناء العناء ذاته

سلام كتير

صديق ضرار

CJmaaaan:اخترتك اول من اود سماع رايه طلعتني بتاعت مشاكل سمح كتر خيرك الدنيا سدايه و رضايه
ابو الريش الله يخليك لكن نسيت اهلك الدناقله سلام يا سهير امك شديد وابوك كويسه
BYAN:THANX ALOT FOR YOUR SWEET MESSAGE TELL ME ALL ABOUT MALYSIA.
AHMED SIDDIEG:لعلك بخير شعرك جميل كما شعورك اتمني مواصله المسيره
ضرار الف سلام كلامك يفتح النفس ولنا عوده






I ASKED MY 60YEARS OLD WHY SHE DIDN'T GET MARRY?SHE TOLD ME SHE FOUND SEVERAL MEN WHOM SHE CAN LIVE WITH BUT SHE DID NOT FIND A MAN WHOM SHE CAN'T LIVE WITHOUT!!!!

اهلا وسهلا بيك سهير

*

مـــرحــــباً:

الأخت سهير

مرحب بيك وحبابك عشرة

والله من يوم نزلتى البوست ده انا بفكر فى حكاية الكومبيوتر دى

لكن لى الليلة ما وصلت لى حاجة...ورايي نحول السؤال لى الدكتور بتاع

سيجيمان .. ولا شنو ...

ولكمكل الود

Old Computer









العزيزة سهير والجميع..
Enjoy This..

حمزة سليمان الف شكر للمداخله اتمناك مبدعا دوما كما كنت ايام حفلات الجامعه وبسم الله ابتديت يا حليل شمس المحنه الغربت ضاحت

يافردتين شمال ويمين ما قلنا مزكر ده اكبر دليل ONE WAY BRAIN!!!!

WALEED YASSIN: سلام كتير بس اعمل حسابك من دكتور سيجيمان ما يبدلك زي ما بدل CJEMAN!!

RAJOIA:لك الود وكل المعزه اتمني اتاحه فرصه اكبر للتعارف بيننا




لو كنت هنا لهمستي في رءتي الباردتين ايقتلك البرد انا يقتلني نصف الدف و نصف الموقف اكثر
مظفر النواب

قبل أن تغتال النوّة ردائي
وتسلمني الي رعشتي والخوف
لماذا لا تدعيني اسافر هناك
هناااااااااااك حيث يسكن الشعاع
بين عينيك والمقل النهارية؟؟
انها دعوة صريحة للصيف
الشتاء غير مدعوٌ هذا العام
ويجب عليك عدم أصطحاب الصقيع
السماء تمطر دفئاً


مرحب يا سهير
الكمبيوتر بنت أم لعاب
وولد ديناري
كلو زي دة
المافي شنو؟؟؟؟