بكري ابو بكر رفقا بالعجائز

والله عيوني وجعوني وزغللن من جديد جديد البتنطط دي عليك ربنا لو ما ثبتها

ياولدي والله كان ما ثبتها العفو في العافيه باقي عويناتي ديل ما بلعب بيهن

وانا شرحو يادومه

والله يادومة انا من قبيل داير اعلق عليها....لكن قلت إمكن بعد مارجعو قوانين سبتمبر (أقصد قوانين البورد)...اقوم اقول ثبتوها....يقوم يثبتو معاها رمضان.

عشلن كدا قلنا اخير نسكت.

الحجه دوما ..الله يخليك لينا ..وانشاء الله بكري "يوقف" الكلمه "المضيئه" في الصفحه الاوله ..بالمناسبه ..انا ماناسي "اسئلتك" لي "عن جهل بعض المسلمين" ..لازلت افكر ..هذه الايام "متابع" مجوموعه دراسات ومناظرات عن مفهوم الجهاد في الاسلام وهذه النقاشات لا "تضم" مسلمين ..اعرف غير مسلمين يعرفون عن الاسلام اكثر من المسلمين انفسهم ..طبعا الجهاد "الذي" نتحدث عنه في امريكا "ليس" جهاد بن لادن او جهاد الانقاذ المزيفين..ولي قدام ..
والله يديك العافيه ..محب ..

لوووول يا عثمان حمد قلت لي خايف من مفصول لمده شهر مقطعه في مصارينك لووووووووول

غير الازعاج الرهيب للنظر، اي نظر وليس نظر العجائز بس، فهي ايضا حاجة اقرب للعب منها للجد، يعني مش بروفشنال بالواضح كده، ممكن تلقاها في الويب سايت بتاع كازينو لكن ما ممكن تلقاها في موقع جاد للحوار السياسي والثقافي او موقع بنك او مؤسسة تامين او منظمة دولية. ونحن يا بكري مش اقل من ديل ولا رايك شنو؟؟

والمشكلة انها ما بتساعد في اي شئ، يعني انا ما كايس للموضوعات الجديدة، بالعكس، كايس موضوعات قديمة ومتابعة الحوار فيها، وثالثا هي زاتها عشوائية: يعني الموضوع القريتو امبارح لقيتها الليلة برضو مولعة لي فيهو الخطر..

قال جديد قال..

مع تحياتي لابو حراز

مرحب بكل الشباب الهنا وانا غايتو هادي مرقه لحده ما الاقي زول يقول لي الحكايه دي لغوها لانها منتهي الازعاج .
والعريجه لي مراحها

دومه العزيزة
والله صدقت جديد عامله فينا عمايل
والله انا عندى الصداع النصفى ( الشقيقة )
معاى ضيفة من السودان اقول ليها اقرى لى العناوين عشان اوريها تفتح لى ياتو بوست وبعد داك اقبل على الكمبيوتر لأنه الصداع اى اضاءة متحركة على طول يجى هابى فى دقيقة وما ينتهى الا بعد ثلاثة ايام
امال
ام وضاح

وحات سيدي علي يا حاجة دومه بس سبقتيني على التعليق ، أنا أول شكيت في النظارة قمت غيرت الصفحة لقيت النظارة ياها والعوينات يا العوينات الشبه حقت البعرفه ويا الله الله قاعد اشوف بيها طشاش.
بس من ما جات جديد دي بقيت أكون داير أفتح بوست شوقي بدري ألقى قدامي كبسيبه بي خشمه العجيب داك، أدور أعلق على ودقاسم ألقى نفسي كتبت في بوست أبوجهينه، والحكاية بقت ما ياها وهسع أنا داير أكتب في بوست بشاشه لقيت نفسي في دارك يا حاجة، برضها فرصة ما بطالة كدي كان ما بشغلك ما تسوي لي فنجان جبنه كارب كدي نشربه تحت الليمونة الفي حوشكم الوسيع ده وكان مشغوله الله معاك وأديني خاترك أصلي عندي غشوه كدي على سوق الحله ومنه برجع البيت بلقى أم محمد مجهزه جبنتها وقاعدة في ضل العصير ،،، وأهه ودعتك الله يا حاجة.

طبعاً بعد ما ناس ود قاسم وعصام جبر الله كشفوني
وتبين بما لا يدع مجال للشك اني عجوووووووووووز
وانه الصورة النزلتها صورة عملها لي مصور بارع بعرف يعمل من الفسيخ شربات
وانها صورة من زمن حفروا البحر وكنت بقرا في الثانوي العام

لازم اجي هنا واعلن عن الحقيقة كاملة
واقول لبكري
عويناتنا ما بنلعب بيهن قدر الفضل دا دايرين نشوف بيه الخضراء
ربك يفك القيد
وعليك نور الخضراء
كان ما شلت النصيبة البترقش دي
جابت لينا الجهر يعلم الله

اضم صوتى

Quote: وعليك نور الخضراء كان ما شلت النصيبة البترقش دي جابت لينا الجهر يعلم الله

الجندرية سلام. يعنى هسى ما عرفنا انتى الزولة المشلخة السمحة دى و لا بت العالى ال.. انا طبعا عايز اعلق على مواضيع صورك دا من بدرى
لكن اهو انتى براك قلتى العايز اقوله. القصد انه الصورتين كل واحدة اشد من التانية
نرجع لى موضوعنا يا بكرة ثبت الامور. عيونا والله زغللت

لووووووووووووووول يااسامة
الظاهر فعلا زغللت
قلنا الثانوي العااااااام
بتذكر الثانوي العام
ما لقوه هسي ناس الزمن دا ما بعرفوه

وانت الصادق الصورتين طلعوا ما حقاتني

سلام شديييييييييد لرؤى السقيد وقول ليها اظهري
الناس الحلوة بدت ترجع

ايوة يا جندرية
زمان كنا بنقول
بنات العام حاجة تمام
بنات العالى عرس طوالى
لكن صورتك بتاعة الثانوى العام حاجة تمام
يا بكرى عيونا دمعت

بكرى عمل فينا
العمايل

بس ياخوى يا بكرى قديمك نديمك ولو الاغناك
ولا عندك فكرة تفتح ليك محل نظارات

بما انى شابة وجاهلة
لكن تعاطفا مع صاحباتى الجلاكين
دومة والجندرية
نطالب بايقاق الجهرة دى
ودومة دى اسمها ما دومة ساكت يا بكرى سموها دومة عشان راسها قوى
اها ما بتخش كان ما وقفت الانوار دى
دور نقاس شنو جايبن جوة
انت داير الحاجة دى تشتت بالجد؟

نعم يا بكري رفقاً بالعجائز
والقوارير منهن خاصة
دوما تسلمي ويسلم نظرك

Quote: نعم يا بكري رفقاً بالعجائز والقوارير منهن خاصة

إسـمـاعـيـل وراق يا خــوي ماتلخبط قـول البراميل قوارير شنو ؟؟؟؟؟

قالن ليك ما شايفات تقول قوارير

لوووووووووول ابو حسين قلت كيف ؟؟؟؟ براميل؟؟؟!!! يبدو عليك ما سمعت بالحبوبات الفاتنات برميل الفي بالك قول يا ميين

دومه تسلم عيونك

والله من البلحطه والزغلله قدر الفضل قرب يروح

شكرا يا فجراوي للمسانده وسلمت من كل بلاء

جزيل الشكر للحرائر عمر الزهور والمني اللائي وقفن بجانبي وهن راويه الحبيبه ,الجندريه ,دكتورتنا بيان ,ام وضاح ولنامهدي والابنا ءالاعزاء دكتور الصاوي, محب ,ود وراق ,دور نقاس ,الخاتم , ود حمد , ابو الزفت و الشايقي . كما نشجب الشامت ابوحسين الذي وصفنا بالبراميل

شكرا بكرى للاستجابه
دومه....... تعالى
ابو حسين مالو قوارير ومابنشوف عيبها لى

لالالا هو قاصد حبوبتك دومه لانها عجوزه بقت برميل شجم

غايتو يا دوما انا لبدت سااااااااااااااكت اول ما نزلت ال""جديد""الجهارة ديك لانى قتا ما دام الموضوع متعلق بى طشاش و كدة اكيد العلة فينى و فى عيونى و العدسات اللاصقة [القعر كباية]لاكين بعد داك معنوياتى ارتفعت لقيت انو فى حزب كامل للمنجهرات و المنجهرين
بينى و بينك اتكيفتا

لووول يا لنا بري البسكتني شنو؟؟؟!!! بالله مسكني منها وجع راس وزغلله.
شكرا يا بكري ابو بكر لسرعه الاستجابه نيو ارحم ما بتلصف وتجهرنا

الحبيبة أختي دوما

شكرا كتير ليك اتصدرتي لينا الموقف براك
ونحن كنا في الضل 000 يديك العافية والله العملية فرقت معانا
لكن خفنا000 لكن بعد ما انتي قديتي عين الشيطان نحن ظهرنا

خوافين مش00000

لك التجلة

مرحب بيك يا دكتور سوركتي نورت البوست حاشاكم الخوف بس انا شفقانه