Post: #1
Title: وين الفراشه ايمان احمد ؟؟؟
Author: مراويد
Date: 03-30-2004, 00:37 AM
Parent: #0
ويننننن
البت النسيمه ؟؟؟؟
|
Post: #2
Title: Re: وين الفراشه ايمان احمد ؟؟؟
Author: haneena
Date: 03-30-2004, 00:43 AM
Parent: #1
والله يا مراويد سبقتني
بسأل عنها لي كم يوم بعد لاحظت غيابها
رسلت ليها ايميل وبانتظار الرد
افتقد كتاباتها بشدة
فيك الخير
|
Post: #3
Title: Re: وين الفراشه ايمان احمد ؟؟؟
Author: Rawia
Date: 03-30-2004, 01:13 AM
Parent: #1
ماخده ساتر
|
Post: #4
Title: Re: وين الفراشه ايمان احمد ؟؟؟
Author: مراويد
Date: 03-30-2004, 01:15 AM
Parent: #1
يا ساتر
من شنو يا راويه
نعرف...نمشي "ننستر" كلنا
|
Post: #5
Title: Re: وين الفراشه ايمان احمد ؟؟؟
Author: Rawia
Date: 03-30-2004, 01:21 AM
Parent: #1
ايمان لانها نوع فريد من البشر
ورقيق جدا جدا (يعنى ما مدعيه رقه)
العوا والمشاكل الكانت فى البورد
الفتره الفاتت من .....
مافى داعى اجيب السيره المهببه دى تانى ما كلنا عارفين
ما قدرت عليها
اذتها فى مشاعرها واحاسيسها
نحنا عندنا تجربه زى دى مع ساره العباسى
ففضلت الانسحاب
اما نحنا فـ....ووتر ريسستنس
|
Post: #6
Title: Re: وين الفراشه ايمان احمد ؟؟؟
Author: مراويد
Date: 03-30-2004, 01:26 AM
Parent: #1
انتو الساتر زاتو
والله انا ذاتى رقيق وحساس...و لاشنو يا راويه
كان ما مصدقه اسألى دكين وسجيمان
|
Post: #7
Title: Re: وين الفراشه ايمان احمد ؟؟؟
Author: Rawia
Date: 03-30-2004, 01:28 AM
Parent: #1
مـــــــــــــابحتاج اسال من رقتك
بعرفها زى جوع بطنى وبوستاتك دليل
|
Post: #8
Title: Re: وين الفراشه ايمان احمد ؟؟؟
Author: Raja
Date: 03-30-2004, 01:44 AM
Parent: #1
يا مراويد يا نسمة  .. طبعا بعد اعترافك اعلاه..
انا زعلاااااانة من ايمان عشان غايبة..
و.. بس
|
Post: #10
Title: Re: وين الفراشه ايمان احمد ؟؟؟
Author: rani
Date: 03-30-2004, 06:10 AM
Parent: #8
شكرا ليكم للسؤال عن الوديعة دوما ايمان
وفعلا يا راوية كلامك صاااااااح هي زهجانة من
البلاوي الكانت في البورد
وفضلت انو تكون بعيده منها ورقتها هي التي تفرض
عليها دوما اختيار هذا الطريق
وهذا النوع من السلم المخليها انو تكون انسانة متميزة
.
كنت بتكلم معاها قبل يومين في التليفون
وكانت زهجانة جدا من الحاصل هنا
.
لكن الحال شكلو اتغير شوية يا ايمان و
حيتعدل مرتين لمن نشوفك حايمة بينا
.
يلا في انتظارك.......
.
لكى ودى وكل ما تيسر من قرآن الوجد
|
Post: #9
Title: Re: وين الفراشه ايمان احمد ؟؟؟
Author: zumrawi
Date: 03-30-2004, 03:39 AM
Parent: #1
معك نسال يامراويد عن هجعة البورد
ونسمة عطره الفواح...
احس احيانا بان الديمقراطيين يجب ان يواظبوا
على الحضور لشغل الفراغ ابداعا وغناءا ساحرا
|
Post: #11
Title: Re: وين الفراشه ايمان احمد ؟؟؟
Author: Tumadir
Date: 03-30-2004, 06:12 AM
Parent: #9
والله وصفتها يا مراويد بالبتستاهلو..
لانو فى بنات نسمه وفى واحدات اعاصير وفى ناس كتاحة وناس هبوب..وناس عواصف..
اين انت يا نسيم البحر يا ايمان؟؟
|
Post: #12
Title: Re: وين الفراشه ايمان احمد ؟؟؟
Author: جورج بنيوتي
Date: 03-30-2004, 09:41 AM
Parent: #11
و...من أول نهر في النهار
نطرق..
( يامسحةالحزن صيري ضحكة)
( في الشفاه التي.. )
( لا تتكلم!! )
|
Post: #17
Title: Re: وين الفراشه ايمان احمد ؟؟؟
Author: مراويد
Date: 03-30-2004, 11:08 AM
Parent: #11
| Quote: واحدات اعاصير وفى ناس كتاحة وناس هبوب..وناس عواصف |
تماضر انا بعرف لى واحده كده عجاجه قايمه..دفسيبه..
كالوت...
غايتو امر الله نرضي بيهو
بعد ده كلو
وين النسيمه..وين سلفادور دالى..
تعالى طالعه يا بديعه
|
Post: #13
Title: Re: وين الفراشه ايمان احمد ؟؟؟
Author: أبو ساندرا
Date: 03-30-2004, 10:07 AM
Parent: #1
1- مراويد
يقصر الملح
2- ايمان أحمد
تعالي الآن وليس غدا ، ومقاومة الطالح بتكثيف حضورنا وحضورك بهي
3- تماضر
- ناس هبوب فل
- وناس عواصف سيد أحمد
|
Post: #14
Title: Re: وين الفراشه ايمان احمد ؟؟؟
Author: الجندرية
Date: 03-30-2004, 10:23 AM
Parent: #1
ونحدق في السماء مليا
عسى ان تطل فراشتنا الآسرة
شكراً مراويد
|
Post: #15
Title: Re: وين الفراشه ايمان احمد ؟؟؟
Author: abas
Date: 03-30-2004, 10:50 AM
Parent: #1
مين علمك يا فراش
خلاك وراح القاش
مين علمك القسوه
|
Post: #16
Title: Re: وين الفراشه ايمان احمد ؟؟؟
Author: nassar elhaj
Date: 03-30-2004, 10:55 AM
Parent: #15
صاااااااااااح
|
Post: #18
Title: Re: وين الفراشه ايمان احمد ؟؟؟
Author: nada ali
Date: 03-30-2004, 11:49 AM
Parent: #1
ايمان والله ليك وحشة
ما شايفة الجماهير دى كلها بتطالب بعودتك؟
عودى يا صديقتى
شكرا مراويد
راوية لو انتى ووتر ريسستانت نحن (قصدى انا و رجاء ) نكون شنو؟
ندى
|
Post: #19
Title: Re: وين الفراشه ايمان احمد ؟؟؟
Author: nassar elhaj
Date: 03-30-2004, 09:25 PM
Parent: #18
**
|
Post: #20
Title: Re: وين الفراشه ايمان احمد ؟؟؟
Author: Adil Isaac
Date: 03-30-2004, 10:35 PM
Parent: #19
وين؟؟
|
Post: #21
Title: Re: وين الفراشه ايمان احمد ؟؟؟
Author: إيمان أحمد
Date: 03-31-2004, 05:01 AM
Parent: #20
مراويد..... ومراويدك البألوان الطيف
أحمر... وكفي!
برتقالي.... أحبه كثيرا، وأحب يانا سنديانا!
أصفر.... يشبهها!
أخضر........ لا يرضي بأحد!
نيلي....... نيلي أنا!
أزرق....... يشبهه – طبعا!
بنفسجي............................................. نحاول جميعا التشبه به - مسالم، لا يقول شيئا!!
......
إستهلالية:
لكن/م جميعا الحب
كنا نقول بالحب/ التقدير/ الاحترام/ والألوان.. فاكتشفنا أن كلها ضروبا من الحب... وهو لكم/ن!
مراويد سيمتشقه سلاحا ضد اللزوجة، فهو-أي الحب –رغم أنه لا يشبه الكحول، لكنه قوي! تري هل جربوا استخدامه لإبراء الجروح، كما العسل؟؟؟
حسنا يا مراويد!
دعني أنحرف قليلا من الحب وإليه، لأحادث أصدقائي/اتي هؤلاء، وأعود!
حنينة!
لك الشكر علي التلفون والإيميل... لك الحب كله، ولك هالة قوتة حتي تعزفان سويا لحنا فريدا!
راوية !
(واللي بتقولي عليها دي) بيمشوا بيها لي ياتو دكتور  ؟؟
رجاء!
أنا بقدر علي زعلك؟ هو أنا زعلي ذاتي بقيت ما بقدر عليه !!!!
راني يا صديقي!
ما قالو "الأعوج راي والعديل راي"......... لكين هو الأعوج ياتو؟؟ والعديل ياتو؟؟؟؟؟؟؟؟؟؟
تعال يا صديقي نجالس أصحابك هؤلاء، واحدا، واحدا... ونتسامر. تشايكوفسكي، برامز، بيتهوفن، الموصلي، شوبان، باخ، موتسارت، زرياب، فكتور خارا، بوب مارلي، سيد درويش، جون اينون، جيمي كليف، خليل فرح......... وياااااا للفرح
ثم ننتهي عند مصطفي سيد أحمد ، ونستريح. وليحكي لنا كل منهم قصته!
زمراوي.... العرفة ووعي وإنسانية!
شكرا لنعتي بالديمقراطية! أليست هذه من يتقاتلون باسمها، ثم يقولون: (هذا مران... هذا مران)؟
ثم، أين يا ابن آدم احترام الآخر، وقانون بقاء الطاقة -أو- نمو الحب؟
تعرف!
عندما تنكسر الفتحة، ويصبح الآخَرُ آخِراً، تسود ثنائية كاسب- خاسر، وبرأيي كلاهن/ما خاااااااااسر/ة!
ويحضرني في هذا السياق فيلم (المصارع) Gladiator، لذا أري كلاهما/ن خااااااااااااااااااااااااسر/ة، وأقولها مرةً أخري.
تماضر!
تذكرين البحر وتعلمين......... حسنا لقد اخترت المتوسط!
ظللت أحوم حوله لأحيطه من كل جانب، بحثا عن فينوس التي من زبد البحر أتت، وفيه غاصت........حتي وجدتها!!
من المدينة ذات الغضب اليقين، إلي سواحل أخري أعرفها جيدا.... تدحرجنا فيها من الشمال إلي الجنوب، كما الذي يسابق الزمن، وهو يدور عكس الكرة! هناك يا تماضر لديهم صخرة للانتحار!
ما رأيك لو أتينا بها إلي هنا.......... لينتحر العشاق؟ لا تهم التفاصيل، فمن يعشق هو المصاب بداء الحب بمعناه الأكبر/ الأشمل/ والأكثر إنسانيةً.
وعلي ذكر الإنسانية، فلدي فكرة خائبة. يقولون في بلاد الريح والتراب: (عندي نفسيات) وتغرق الكلمة في معني سالب دون أن تعي........... إذن وعلي وزن (النفسيات) ، أظن أن ما يعتريني الآن هو (إنسانيات)!!
جورج الشاعر!
نهر واحد، هو النيل!
هو من ألوان الطيف السبعة!
.
.
.
.
.
.
.
.
.
هو نيلي!
والأبيض... لون الله!!
مراويد ثانية... وياااا للأرق/ الألق!
دالي يجلس هناك....... ينظر من ربوته ويقهقه!!
استعرت فكرته لبضع لحظة فكفتني دهرا......... لكني –فقط- أبتسم... ومن هناك، أيضا!
أبو ساندرا، أبو البنات وأمهن... وأبو البنيات لي حدهن!
لقد رمموا أنف أبو الهول، ولكن.... هل استعادوه؟!
البنية السمحة وجندرية!
كنت عايزة أرد عليك، لكن لقيت صورة أمك دي العاجباني وبتدخل الرحمن في القلب... وغايتو بس شوفي لينا معاك طريقة!
حسنا
لدي فكرة: نعمل تصويت بين صورتك وصورتها، ونسبة الأصوات يجب أن تساوي قسمة الأيام.... والعهدة علي عصام جبر الله!
عباس!
الفراشات لا تقسو...
هي فقط تحترق...
وعلي أحسن الفروض.. تبتعد!!
إذن فلنصتد جميعا فراش الفكرة فينا حتي لا يهرب إلي الأبد!
نصااااااااار!
إني أستغيث من هذا البوار!
ندي علي!
يا من سألت عني قديما وحديثا... لك العتبي!
ندي، و راوية ورجاء!
هل تنتمين إلي قبيلة (والجندريات التي ما قتلت ذبابة)؟؟!!
ألا يعلمون أن سيف الكلمة أقوي من سيف الجلاد؟؟!!!!!!!
نصار مرةً أخري!
ما أخبار خيبات العالم العربي؟!
عادل اسحق!
أخبارك ومن معك؟
وأسرتك الصغيرة والممتدة؟
وجمال اسحق وين؟؟!
لك دالي وعوالمه!
وسأعود لأحكي قصة فينوس يوما ما!!
فليظللكم/ن السلام حتي ي/تبرأ ال............. إنسان/ة في كل منا من(إنسانياته/ا) !!!!
إيمان
|
Post: #22
Title: Re: وين الفراشه ايمان احمد ؟؟؟
Author: Muhib
Date: 03-31-2004, 05:08 AM
Parent: #21
كالعاده ..انا متاخر ..والعود جميل ..
|
Post: #23
Title: Re: وين الفراشه ايمان احمد ؟؟؟
Author: maia
Date: 03-31-2004, 07:14 AM
Parent: #1
العزيزة ايمان
حمدالله على السلامة
لك الود
|
Post: #24
Title: Re: وين الفراشه ايمان احمد ؟؟؟
Author: خالد العبيد
Date: 03-31-2004, 01:21 PM
Parent: #1
الغالية ايمان
لك تحيات الورد
كويس انك طليتي
بس ماطولي الغيبة
وده انذار لو غبت تاني حا اكتب فيك كلام كثير
اعملي حسابك اليومين دي تحت تحت نفسي مفتوحة للكتابة
اكرر انذار اخير
خالد
|
Post: #25
Title: Re: وين الفراشه ايمان احمد ؟؟؟
Author: سجيمان
Date: 03-31-2004, 01:31 PM
Parent: #1
جيت اسعل منها.... لقيتا جات
بركة الجات
|
Post: #26
Title: Re: وين الفراشه ايمان احمد ؟؟؟
Author: esam gabralla
Date: 03-31-2004, 01:34 PM
Parent: #1
بركه الجيتى....يا قاسيه
انا مستعد للرهان على صورة ام الجندريه,وكلى يقين بالنصر...لان هولاء نسوه سحرهن/جمالهن/حنانهن عظيم...
ما تنقطعى
|
Post: #27
Title: Re: وين الفراشه ايمان احمد ؟؟؟
Author: الجندرية
Date: 03-31-2004, 04:09 PM
Parent: #1
عصام جبر الله
والعندو جسارة يخش منافسة زي دي منو ؟
انا زاتي اعلنت انيحازي لها ولك
سلام ومحبة
|
Post: #28
Title: Re: وين الفراشه ايمان احمد ؟؟؟
Author: Nada Amin
Date: 03-31-2004, 05:39 PM
Parent: #1
يا سلام يا ايمان
كم أنا فرحه بعودتك
يا قوس قزحية الأفكار، الأذواق، و الانتماءات!
و يلا رشي عبيرك فينا و اتحفينا بزخات ليمونية الرائحة من ربيع قلبك و مناخات عقلك الساطع البهي.
|
Post: #29
Title: Re: وين الفراشه ايمان احمد ؟؟؟
Author: مراويد
Date: 03-31-2004, 06:14 PM
Parent: #1
النسيمه جات راجعه...زغردوا يا رجال واعرضن يا بنوت (ده جزء من نظريه تحت النجر واسم مقترح لها "الخجه والقجه على ضوء البنجر") 
يلا الحقينا بى سرعه بي كم حقنه لوحات ... كباسيل شعر ... دربات معرفه...موش انتى دكتوره.. واحد صاحبنادكتور "نفسيات",الجماعه بشتكوا ليهو من البطن والراس وغيرو,قال ليهم انا ده كلو ما معاى, لما الواحد فيكم يبدا يطقع تعالو لى.. اها انتى ياتو تخسس...طقيع و لا سلفه و ملح انجليز  استعجلى ولا ناس الجندريه حيبدن يطقعن الزار عندها الايام دى
تسلمى
|
Post: #30
Title: Re: وين الفراشه ايمان احمد ؟؟؟
Author: hala guta
Date: 04-01-2004, 01:43 AM
Parent: #1
جئت انادى مع المنادين
فوجدت عودتك يا ايمان
فياالف مرحب
وممنوع الغياب قطعيا تانى
|
Post: #31
Title: Re: وين الفراشه ايمان احمد ؟؟؟
Author: إيمان أحمد
Date: 04-04-2004, 04:23 AM
Parent: #30
أحبابي وحبيباتي، يامن سألتم عني... عذرا حتي لا يجد العذر دثارا يتدثر به.....فقد أصاب جهازي فيروس لعين، جعلني أشعر ببعد رهيب لمدة ثلاث أيام، أو هكذا رأيتها! وهو خارج لتوه من العناية المركزة
كل التحايا... كتبت قبل أيام رد لكل منكن/م وهاأنا أضعه الآن بين أيديكن/م... والله مشتاقة ليكم جميعا!
إيمان
...
محب!
لك السلام والشكر علي فقدي، ولك التحيات!
مايا الرقيقة
عليك السلام، والحب
إليك التحايا وأنت تضعين الأشياء في نصابها،
وعلي طفل مسقط الصغير، الرحمة
ولقلوبنا ..... الأمل في أن تمتلئ بها!
خالد العبيد- الصديق الغالي
هذه يا صديقي الكريم غواية! ودعوة صريحة لأن أهرب مرة أخري.........
إن لم تكن الروح غائبة أصلا!!
(سأكلمكم بالبيت، فبي شوق عارم لكل الوارفين/ات حداك)
سجيمان والسعال!!
Need any cough syrup?! I will make sure it contains no codeine for you!!
(فإن أقاموا عليك الحد، لا بينفع طب ولا طبيب!)
سجيمان مرة أخري، وصورتك التي تفزع ود قاسم!
لك التحية وأنت تكلمنا من وراء حجاب!!
(أما مسألة البورد، وحديقة الحيوان........ فأتركها لحين العودة من اجتماع جمعية الرفق بالإنسان!)
عصام!
أقسو علي.... لكن عليكم/ن.............لا بالتأكيد!
ويااااا جندرية!
كده تأخذي صف عصام....؟ وأنا الكنت عايزة أدخلكم المشروع الحضاري، وأحلف أقول إنكم مع التعددية!!
بررررررررضو ما تحرمينا من صورتك
ولا من صورتها!
(ودستوووور يا الجندرية! جاياكم بي هناك في بوست خدر العريس)
ندي أمين
لك العبير
رائحة الليمون، تسكنني، من بيتنا ذاااااك
ورائحة الفل (الأبيض)........ تذكرني بأبي!!
يا صاخبة العبير.. دعيني أنحني هنا –تماما- لوعيك وشجاعتك! ومعك وبرنارد شو أقول: نعم الحرية مسئولية، ويبدو أن البعض في غمرة فرحه بأن له حقوق، يغفل تماما أنها دائما مقترنة بواجبات!
لك خالص الاحترام والود
مراويد مرة أخري!
لك السلام
القلب يا صديقي... أرهقه المشوار
حينما تنادي، فلا تسمع صدي صوتك
.
.
.
إذن ... لابد أن هناك خطأً ما!!
هلولة السمح قولا!
حبي وسلامي، وعودا حميدا من سفرك. أتمني أن تكوني استمتعت بالرحلة كما يحلو لك وللأصدقاء/ات!
وأنا جيت أقول سلام بعد غياب... وأرد لكم/ن بعض العبير، فوجدت صورتك العائلية الجميلة تزين المنبر... شكرا لك علي كل جمالك!
لأحاكي شمس الخريف، اسمحي لي أن أهرب كل برهة إلي تجاويف الذات المفقودة، فكما الطيور التي لا تكل من الرحيل لابد لنا أن نعيد دورة الحياة...... وكما علٌَمناالله، لابد أن نشكره علي الأجنحة!
تصوري! كنت دوما ما أتساءل عن التاج الذي يزين قبة المسيح في تصاويره، فاكتشفت أنه أحد أدوات التعذيب!!!!!!!!
سأضيفها إذن إلي موسوعتي. ويااااا للعجب!!!
(تحية منحازة لصوتك الحاني!)
خالص تقديري
إيمان
|
Post: #32
Title: Re: وين الفراشه ايمان احمد ؟؟؟
Author: osama elkhawad
Date: 04-04-2004, 04:40 AM
Parent: #1
عودا حميدا مستطابا لايمان
المشاء
|
Post: #33
Title: Re: وين الفراشه ايمان احمد ؟؟؟
Author: إيمان أحمد
Date: 04-06-2004, 03:21 AM
Parent: #32
شكرا لك يا مشاءا في الدروب!
إن شاء الله ما تفقد عزيز!
فرغت للتو من الاحتفاء بنصك الذي يحتفي بالرحيل!
لك عامر التحيات
إيمان
|
Post: #34
Title: Re: وين الفراشه ايمان احمد ؟؟؟
Author: Ehab Eltayeb
Date: 04-06-2004, 04:04 AM
Parent: #1
حمدا لله علي السلامة يايمان..
والدار نورت مرة اخري..
|
Post: #35
Title: Re: وين الفراشه ايمان احمد ؟؟؟
Author: إيمان أحمد
Date: 04-08-2004, 04:38 PM
Parent: #34
شكرا يا أخ إيهاب.
لك التحية، والمنبر منور بوجودك أنت أيضا! أتمني حقا أن ي/تعود كل الغائبين/ات، فالمنبر يفقد الكثير من النكهة بغياب الأعضاء/ات الفاعلاين/ات ممن يقودون دفة الحوار الهادئ والهادف.. ويمتعون الجميع بالمعلومات المفيدة والموسيقي والألحان العطرة وكل أنواع الفنون.
لك السلام والشكر
إيمان
|
|