يا خالد الحاج الحق ابو حراز برة المنبر ليهو اسبوع يزازي

الاخ خالد
او اي واحد من الفنين
راسلني العضو العزيز ابو حراز وقد قال انه (راسه) مقطوع ليهو اسبوع يزازي برة المنبر بعد ما دخل الخرف وفعلت به اجازته فعائلها بزاكرته ونسي الباس ورد لذا رافة به وبالايام التي قضاها بالقرب من خطيبته (نسيت اسمها) ان ترسل له باص ويرد علي ايميله ( سارسله لك بالماسنجر رافة به ورفعا لحال البورد بعد ان ساد زمن الكابة نريد ان نسمع حكاوي وزكريات ابو حراز (الطاظة ) من السودان
ولك الشكر

كلوووو إلا أبو حراز..

يا أساسي.. الجا على صاحبنا ما الخرف..
ده العسل الكان غاطس فيهو ..

في الانتظااااااااااار

بالله يا رجا
الراجل نزل معاي الاجازة قبل ستة شهور وما جاء الا اسع
وانا المسكين ما افتكرت انه غاطس في البطاطس
لووووووووووووول
اظرف حاجة رسلت ليهو في السودان قلت ليهو نتقابل
قال لي ما بقابل ناس سكند هاند
عليك الله شفتي المسلط دا قال لي ما كفاية كرهتنا جدة
داير تكرهنا السودان برضو
عشان كدا والله عاجبني مزازته ومتاوقتة برة المنبر
دا حقي يا ابو حراز
والله حقو لحدي ما يفرجوا عنك ما اخلي ليك جيهة تنوم عليها

كر على

يا راوية بعد كلام رجا كر عليها الكان منجضها بي لسانه ستة شهور دي

عاد يا اساسى
ابحراز دا نحنا ما بنبقى براهو





منوت انا زاتى سمعت كدا

يا أساسي بطل حسادة..
خليهو يدخل الأول ونشوف مويتو شنو بعد الاجازة العسل..
انت كنت تقول ليهو داير تلاقيهو عشان تتعدي منو بالحاجات الحلوة الغاطس فيها..


وآآآدي قعدة لغاية ما يجي..

يا أساسي عليك الله خليهو ( يزازي) برّه برّه ، لأنو - حقيقةً - زول مشاتر و غيّاظ ..
تصدّق لما لاقيتو في احتفال بورداب الخرطوم بسلامة عاصم الحزين قبل ثلاثة أسابيع من الآن، قال لي بعد ما عرف إني منوت : يا خي إنت ما خاتي صورتك في البورد ليه !!! ؟ ،قلت ليهو : عشان أنا خايف من أشكالكم دي !!!


كامل الحب للبورداب ، و خاصةً " الليمونيين " و أبو حراز في ذيل القائمه !!!

العزيز أساسي..
تم عمل اللازم والزول ليهو وحشة يعلم الله..
يا أباحراز أبقي داخل راجين الشمار...

يا راوية
منو القال ما بنبقي براهو ما شايفة الايام الفاتت والشهور براهو كانت غاية في الروعة بتنوعها ما بين المشاكل والاساءات لووووووووول

رجا
الزول جا ووعد بشمار تاريخي تعرفي ابو حراز دا اكتر زول خوفنا في لقاء بورداب جدة الناس تتونس وهو ساكت ياعين بس الجماعة كلهم صنو فجاءة كدا وقال ليهو في وقت واحد الله ينجينا من لسانك بس ساكت من قبيل وتصور في الشمار غايتو زول بتاع شمار زيه كدا انا ما لاقيت ابو جضوم دا

منوت
والله ما خليت ليهو حاجة غياظ دي مافي زول بيلحقوا فيها والشتارة سيدها عليك الله كان فاتتو الشتارة تمشي لمنو غير ست النفر لووووووول

خالد الحاج
يا ملك والله دا العشم فيك وما بتقصر
وشايفوا دخل ووعد بشمارات دولية