جدلية الحبوبة والدش

أعزائي البورداب
صباحاتكم خير
استلمت الايميل وقلت اشرككم معاي.
دمتم
جمال
*****************

وين حبوبة الصدر الدافي وليل الدش النومو مجافي
حجي وبجي الليل الصافي هج الدش الصحى الغافي
فاطنة السمحة إنت عوافي؟ كابتن ماجد شايت وحافي
حسن الشاطر مالو مكافي جورج مليون الربح خرافي
ودالمك السم الشافي عريس الخيل الديمة موافي
صرخة ماوكلي آهة فافي ود الذئب الاصبح جافي
حاج متولي المثل السائر حاج الماحي السر الخافي
صوت مزيكا تودي منافي صوت حبوبة الحلم الدافي
صوت حبوبة الاصبح خافت صوت مزيكا تودي منافي
صوت حبوبة بيصبح مافي صوت حبوبة بيصبح مافي