دعوة للضحك ومن دون زعل ..افصل ..واطرد

اوكي ياشباب ..قبل البدء السلام عليكم ورحمة اللة تعالي وبركاتة ..انها دعوة "للضحك" واذا في اي شخص انا استخدمت اسمة لايقبل "المزاح باسم عضويتة ارجوا انباهي وسوف اقوم بالاعتزار الفوري" اذا روحك غير رياضية فقط اعلمني لكي لا اتخطي الحدود ..اولا فكرة البوست مستمدة من برنامج اذاعي ..يقوم مقدم البرنامج بايراد اسماء "وهي اسماء من المجتمع" مثلا كالرئيس الفلاني او لاعب كرو القدم العلاني او الممثلة الفرتكانية او حتي موظف الاذاعة او حتي مدير الاذاعة التي يعمل فيها المزيع ..يطلب المزيع بان يزج بفلان في السجن لمدة" كذا" من السنوات فقط لان شكلة غير جميل او لانة كذب علي الشعب "كحالة الريس بوش" وكل الحديث في قالب كوميدي ظريف ..في هذا المنبر سوف اطالب بفصل مجموعة من الاعضاء وسوف اورد اسباب مضحكة او مخجلة ..وتاني من غير زعل ..قبل ان ابداء ..ممكن ابداء ام سوف يتم فصلي من المنبر الحر ..ولاني بصراحة خايف يتم فصلي بتهمة الالحاد في بوم من الايام او بتهمة التطاول ....ولكل هذة الاشياء ..اطالب بفصل امين المنبر "الاستاذ بكري" لان هو سبب مخاوفي الكثيرة ...كل ما اكتب ..وانظر الي صورتة ..والي قوانينة ..اشعر بالخوف "وطمة البطن "...والي ان اعود ..وان لم اعود اعرفوا ان بكري فصلني انا زاتي ...



اسم اللعبة ..افصل وافصل ..واطرد واطرد ..ولماذا ..الدعوة مفتوحة للجميع واللعبة حبية "في شكل مزح" والروح الرياضية يجب ان تكون متوفرة ..وبالمناسبة انا عندي اسماء كثيرة ..ولي عودة واللة يستر ...

لا لا يا محب

استعجلت يا اخى فى فصل بكرى الزول دا ح يشيل كورته ويمشى
عندك لينا كورة و منفاخ و لبس و كدارات و ميدان و ببسى بتاع القسمة ولا عاوز تضيعنا ساكت
كدى رجع الراجل دا اصلوا متسبب و عاوز يبيع الكورة

فكرة جميلة تشكر عليها

نصار اخوي ..شيل شيلتك ..انا كنت ناوي ابدا بيك انت يابتاع "تقبل الاخر" والدمقراطية ..Gir....Gir ...Gir

وطالما انك حضرت الي "خشم الباب " انت زاتك شيل كورتك وامشي مع بكري للاسباب التالية ..
اولا ...خاولت ارهابي ومنعي من المطالبة بفصل بكري ..
ثانيا ..حولت تعرف لو اني كريم او لا بمطالبتي بالتبرع بعدد من الكدارات والشرابات والخ,,
ثالثا ..ابتسم من فضلك ..اعني في الصورة ...



وايضا اطالب بفصل العضو ..عادل العاطي ..
اولا عادل غير مبتسم "وبصراحة بتخوف" اعني في الصورة ..رئيس الدولة مفروض يكون مبتسم في الصورة ..
ثانيا ..محل عادل يمشي ..يظهر الاوباش وحمانا اللة ..
ثالثا ..الراجل دا بيدافع عن نفسة كويس جدا ..يعني صعب جدا " انت اية" ..خلي للاوباش فرصة معاك ...



وايضا اطالب بفصل العضو احمد الريح ..
اولا ..بتهمة انة كوز او جك في حسب رواية الشيخ "ود قاسم"
ثانيا ..لقد عقد قرانة وما كلمنا
ثالثا ..مافي ثالثا ..بس امشي ...


وتاني راجع بعدين ..وتذكروا ..الروح الرياضية ..والدور جايك "يابشاشا"

محب

والله الصورة دي اتعقدت معاها؛
غيرتها كم مرة؛ والناس ما عاجباهم ..
المشكلة ما في الصورة؛ المشكلة في الوش؛
دا يغيروهو وين ؟؟

لكن والله القلب ابيض ..

عادل

ما تشتغل بالصرة و الصرامة المفتعلة فى الصورة دى
دا تركيب وش و كدا....و بعدين الابتسامات ياها دى
اهو بنعرف نستخدم الابتسامات الالكترونية
قلت لى بتاع شنو؟ مبالغة يا بتاع نشر الحب و التسامح و البتاعات الزى دى

يانصار ..انت مش مطرود ..اية الي جابك تاني هههههه !! حاجة تجنن ..علي العموم ..مافي مشكلة وعليك اللة ماتبتسم ..وخليني اواصل "مسلسل الطرد والفصل"
احم احم …
فكرت انا في الاستاذة تماضر وجدت انها بتستحق الطرد الفوري ..والاسباب عدة ..
اولا …لها اخ اسمة "يازول يازول "
ثانيا ..غير محجبة وفنانة كمان .." اية دة ! "
ثالثا ..بتتقبل الاخر ..
رابعا ..لا تتحدث كثير ..
خامسا …كفاك ياتماضر وصدقيني الاسباب كثيرة ..بس شيلي شنطك وامشي ..


Next


الشيخة بنت الاحفاد ..تستحق الطرد والفصل ..
اولا ..ترفض ان تنادي ب "عزيزتي " ...طيب ياعزيزتي اطلعي برة ..
ثانيا ..بتزعل سريع ودموعها قريبة ..
ثالثا ...لا تستخدم صورتها الاصلية ولكنها اتستخدم صورة طفلة دون ترخيص ..
كفاية كدة ..ولي قدام ..


بشاشا ..انا ماناسيك ..

لووول بوست عسل استمر يا محب بس انا ما في طريقه تطردني لاني لي زمن قاعده بي صمه خشمي وباقيه علي شلاليفي الف

أها ومحب زاتو مفروض يفصل لانو خاتى صورة مش عارف كيف
وخلى صحن الفول

حاجة دومة . sorry اسمك طلع مع الجماعة …لكن اقول لك حاجة ..في طريق وتقدمي استراحام ..وانصحك نصيحة اخوي ..الزمي "الصمت والصبر" ..زلي قدام …..
ترهاقا ..السلام ياشخص ..
اولا ..انت برة الحسابات ..بعني غير مفصول ..وثم ثانيا انت "هاورد " دا ماقاعد "تسمعوا في الرادي ..مازي برنامج " دكان ود البصير " لكن الفرق في نوعية ال fun
علي العموم ..كل شخص وزوقوا …بس اعمل حسابك "شافعك الي في صوره مايسمع البرنامج ..ولي قدام ..واللة وعلي الطلاق ..كلمة ثانية ..الا افصللك من هنا …ههههههه ..

اهلا مهيب

وخليني نتفق انت قوم بطرد جدي ادوم لكن اوع تفكر طرد جدي ادم لان دا ابو البشرية

ادم او ادوم ..اولا انا محب ..افففف انا ..محب ياهو ..اوكي ..ثم ثانيا ..انت ياتوا واحد ..انت هو او "الثاني" ..وقبل ان نتفق ..ادوم دا منو ..انا عرفت انو ادم ابو البشر ,,لكن ماذا هن ادوم ..عليك اللة جاوبني سريع لاني ناوي اطردك قبل ود العاطي يجي يديني "طلقة ..

جواب سريع انا ادوم دا ما عارف لكن جن الكميوتر دا غلبني كتير ما اخطا لكن كلام بيني وبينك انا

لقيت النطق سمح وعجبني يعني فيهو موسيقي وكدا فقلت مكسب الواحد لقي اسم موسيقي لكن يبدو ان

انا جبت الهوا علي نفسي لكن مكسب الهوا كان حار وانا ساكن في بلد تمطر ثلج يعني الهوا

ريحني انا ما عارف انحن بعد سخانتنا الكتيرة دي يجيك الواحد ويقول ليك دفي وحرارة الاشواق انا

لمن جيت هنا عرفت انو ناس هنا عندهم حق لمن يشتهو الحرارة والدفي لكن ذي ناس ادوم ديل دايرين

شنو بي الحرارة اسع لو كنا بنقول برودة العرقات والمشاعر الانسانية ما كان احسن لينا

الاخ محب

انت مطرود وكذلك صحن فولك القديم داك

ويلا فرتق وتانى ماتجى حايم بى هنا سامع ولا لا
والله اشوفك بى هنا اخلى كلاب الحوش تكردك كرد
لما تستغرب شفته كيف اوعك سامع!!!






ولكى اصفى ما فى الفول من عصير
بالجبنه + كم خنفسه كده..

يا محب بشاشا دا عليك الله خليهو ...

و خلى فصلو .... بس لو قدرتا تغير اسمو يكون احسن ...

و كدي انا بساعدك ايه رأيك يكون اسمو لصرامة ... او غتاتة ... او كشارة ... او ...

وصلتني تقارير كثيرة عن الكادر بشاشا ..بجي راجع لموضوع بشاشا بعدين ياملاسي ..لازم المرافعة بتاعتي تكون قوية ضد الراجل دا ..ماتنسي ,…الراجل غير عربي وممكن يستعمل "السلاح" ..السلاح لعبة الافارقة هههه ! وياملاسي ..هلشان خاطر الوليد الي في صورة لن "افصلك من المنبر " .. ..
محمد الشيخ ..
بتاعة الفول ,,مش ظاهر واللة وماعارف الحصل اية ..احتمال واحد من الكوادر السرية اعتقلوا بتاع الفول المسكين واخذوا كل الجبنة .. ثم ثانيا ..تعال هنا ..انت برضو منتمي لجماعة "المكشرون وجوههم علي الارض " ياجماعة ابتسوا في الصورة لو سمحتوا ..شوف ود ملاسي دا ..شوف الابتسامة دي ..وماتنسي ..ولد ترهاقا كمان ..ابتسم ياود الشيخ اللة يفتحا علينا وعليك ..ولي قدام ..

انت ذاتك ابتسامتك نص نص في الصورة يا محب ....

بس و ريني رقبتك مالها عجيبة كدا في الصورة .....

و الله الزول اب رقبة دا حقو تفصلو اول واحد من البورد ..

ياملاسي ..يا ود "اتبرا" ..الزول دا "لغم أي في رواية اخري "كادر" انا خاتي مخصوص هنا ..انا قاصد "اب رقبة "
بالمناسبة ..في عودة للموضوع الطرد "العكسي" انت وين "اللستة تبعك …يلا خليك شجاع وسمي بسم اللة وقول لي ..متخفش بقي وقولي امال ..

كـدي يا محب أطـرد لينا حسين ملاسي دا أول حاجة علشان اليومين ديل شايفو غير بدلة الجرسونات ديك و جاب لينا صورة حفيدو

ابوحسين ...اللة يجازي محنك ..حلوة

Note ,,
استجابة لطلب الجماهير ..هذة صورتي ..بتاع الفول ,,ولي قدام يا احبة ..محب ..

Quote: و جاب لينا صورة حفيدو

يا ابونا دقيقة بالله ...

حفيدي انا و لا حفيدك انتا .... الولد ولد حسين و انت ابو حيسن .....

تحال ايها الجد للتتقاعد و تلحق بصاحبنا ود قاسم .... و ليكم علي اجيب ليكم الطاولة

و الضمنه لضمان عدم تسلل الزهج لافئدتكم .... و لضمان عدم تفكيركم بالعودة للبورد بالمشاهرة

او اي صيغة اهدارية اخرى .....

ابو حسين يازول مالك مع الجرسونات؟

والله بكل فخر وكعادة اهلي "الدناقلة" فقد كنت من اوائل "جرسونات" الهلتون!

اظرف الزباين كان زيدان ابراهيم! زيدان كان بصر يقلب هوبة من المدخل وحتي الظلط!!!!

يا محب
حاولت اشتغل grave yardواقرا لكن مدرسة الفرنساوي حلفت لي مسجل الكلية، او قالت ليهو يا انا اخلي الشغل ياهي تخلي التدريس!

قالوا ليها ليه؟

قالت الزول ده بنوم او بنوم بقية الفصل معاهو!

فعلا اخوك كان بصل 7صباحا بي بص الموردة ثم بكاسي بحري مهدود من غسيل العدة!


ملاسي،

ود اب ذرد تاني تجي السوق!

انا عرفت انك من ناس بحري، وين في بحري؟

انا في الاجازات كنت بجي وبكسر الجماعة في الكورة مع اني حفيان وهم بي كدارتم!!!!

اهلي في شارع سوق حلة الدناقلة. جم ناس عمر وفتحي بتاعين الBlu Starاو خيري بتاع الاذاعة. يازول بحري في الستيات كان فيها جنس حفلات جاز، لاحولا!

بي مناسبة الحفلات ماشفتو الموصلي ده ذاتو كان بغني شعبي بالطبلة والرق كيف في السمايات!

Quote: ولاني بصراحة خايف يتم فصلي بتهمة الالحاد في بوم من الايام

محب ... وليه عندى انطباع انك "كوز"؟؟؟ اوع تكون "كادر سرى"؟؟؟

بشاشا ..الصعب جا ..بشاشا الحفيان جا ..
بشاشا ..الجرسون جا ..افرقي صريح ياجماعة
بشاشا مرعب كوزات المنبر جا ياجماعة ..بشاشا الصعب جا ياحماعة ..
بشاشا المناضل جا ..بشاشا الحريف ياجماعة..ياجماعة جا


اها يابشاشا ..دي بداية اغنية ليك انت وهاتكسر الدنيا لو الموصلي عمل التلحين والذي منة ..
اها ..خلاص .........قبلت علي ملاسي بعد ما انتهيت مع الحريم ....وثم ثانيا ..انا عايز اللستة بتاعتك وانا شايف "الاحبة " غير ملتزمين بقوانين "اللعبة " ..قلنا ..افصل وافصل ..واطرد واطرد .. ويلا لي قدام ..
ملحوظة ,,
انا سمعت بالهلتون ..لكن مابعرف ال
Blu star
انت ياخوي "مو جديد "

محب ... وليه عندى انطباع انك "كوز"؟؟؟ اوع تكون "كادر سرى"؟؟؟




Outcast >>
انا شكلي كدا "لازم " احلق دقني دي ..علشان اكون كادر سري "جد جد" وحمانا اللة ..قلتي لي كيف """""ماقادرة تتدخلي علي المنبر" ..انتي عارفة ..دي من علامات "الالغام" وممكن خالص في حد عايز يسرق " كلمة المرور تبعك" ..لاحظي "لي " اسمي ..انا طوالي هنا ..يعني لازم يتم اقتلاعي قلعا من المنبر .. ..

i'm online 24 7



انشاء اللة يكون انطباعك اتغير ..ولي قدام ..ونسبة لظروفك الصعبة مع المنبر " لن افصلك من المنبر " وربنا يديم المعروف ..

اطالب بفصل العضو عشة بت فاطنة ......

و ترتبط عودتها بتغييرها لنضارتها الطبية ... و عقد امتحان قراءة لها و التأكد

من تفريقها بين تبلدينا و ترهاقا و بين دكين و ديك الجن

و بين نكهة البرتقال و نكهة التين الشوكي

المنبر الحر للسودانيين الاحرار فقط
اطالب بفصل كل الحلب وعلى رأسهم ملاسي يمشوا تركيا ولا سوريا ..كل الزغاوه والهوسا والفور وما شابه يمشوا تشاد وكل الحلفاويين والدناقله والنوبيين يمشوا مصر والجنوبيين بكل قبائلهم يمشوا يوغندا ولا كينيا والهدندوه والبنى عامر يمشوا ارتريا ولا اثيوبيا
اها حليت ليكم مشكلة البورد والسودان مره واحده

قلتوا شنو؟؟؟
انتو السودانيين ديل منو؟؟

اها يا ود اب رقبة .... لو حتضمن لينا عدم غضب المرشحين للفصل

فانني اقترح الاتي اسماءهم ليفصلوا من عضوية المنبر الحر :



اولا:

انادي بفصل العضو التيجاني المشرف, لانه صارع 1000 من اعضاء المنبر

و حيدا ..... فخر صريعا


و شرط اعادة العضوية اليه ان يصارع 1500 من الاعضاء - و حيدا -

ليجهزوا عليه ... ايضا..


و بالمناسبة يا جماعة لو في واحد عارف تلفون المشرف بالله يرسلو لي

في الماسنجر - التلفون مش التيجاني -


و يمتنع كل من ابو امنه و مراويد .....

ياشباب كدى خلونا فى المهم...ما دام قلت عاوزين تفصلو اعضاء

كدى ساعدونى افصل رجلى المجبصة دى عشان اقدر انوم كويس
او اقدر امشى على العصايات

وبعدين نجى نفصل فصل كامل ولا رايكم شنو

ثانيا :


يفصل العضو ود قاسم لبلوغة السن القانونية للتقاعد و استهلاكة كل

الباندويدث المحدد له.


و لا ينظر في طلب استئنافه الا بعد تخليه عن دعواه بفصل العضو هوبفول

و من ثم يرفض طلب الاستئناف ايضا ....


اها قصرنا معاك يا ود قاسم ... اديناك كل فرص التقاضي و الاستئناف


بنجيك يا ابو قوتة انتظر شوية بس ...

ملاسي
ارسل ليك على عثمان محمد طه وبالماسنجر...ينفع ؟؟
قاعد تأكل ليك ولدك فى الايسكريم والسنو وسنو لمن جضم كده (ماشاء الله) وداير ترفد المساكين
انا كان مسكونى البورد على الحرام اول واحد ارشو انت هسه ابو امنه ده ذنبو شنو؟؟ زول فى شعرو و غناهو وعينك للفيله والفيلات (الجمع ده صاح اسلى ااجمى) وتطعن فى الضلله

محب..
انا بزعل سريع..خلى بالك منى يا مان

ثالثا:

يتم تعليق عضوية كل اعضاء البورد الاعضاء في قوات التحالف المنشقين

عن قيادة عبد العزيز خالد و المنضوين تحت قيادة مناوئيه ....

و عدم قبول عودتهم قبل احضارهم لشهادة موقعة من عدد من البياطرة

العدول يتم تحديدهم فيما بعد ...

والله يا محب بشاشا ده أظنه من يومه ما قانونى ، شوف جنس اللى بيمشى يلعب بدون كدارة ويكسر اولاد العرب ، شفت الحقد الطبقى
كمان ملاسى اللى طلعوهو حلبى بس عشان لونه فاتح شوية وحبوبته تركية ، اطالب بتجميد عضوية بشاشا حتى يرتاح كيزان كوزات البورد
وملاسى حتى يثبت الجنسية السودانية لجده الخامس

اعمل حسابك يا ترهاقا ...

عمان قريبة ... حتكتر في حكاية اثبات الجنسية دي ما سنجر واحد

لبت فاطنة و نقعد فراجة ....




يا زول هو نحنا الجد الاول قادرين عليهو لمن تنكت لينا الخامس كمان

يا اخوانا ما تشوفوا لينا تلفون التيجاني المشرف ...

او على الاقل تقولوا ليهو يجي ينزغم في البورد الايام دي ... لانو مافي زول حيجيب خبرو

في نص الكبسيبة الحاصلة دي و الفتنة الكبرى التي اصابت البورد ...

مراويد انت "ماك" عنصري كدا ..
ملاسي الحلبي ..انت "ماك" عايز تجيب لينا "الهوا" وبالمناسبة "الزول" دا منو ..اعني التيجاني …
ابوقوتة ..علي قول "حبوبتنا " دومة …برية ...برية .. با "ود اخوي" الجبص "برة وبعيد ..ماك "يازول علك بخير ..وانشاء اللة سلامة وكفارة وانا عارفك عندك "لستة" عريضة واول ماتفك الجبص تهال صادي ..ولا تخف في الحق لومة لائم ..
ترهاقا …بشاشا دا ……اقول ليك حاجة ..انا جريت واطي ولا تعليق لدي … انا راجل بطيع القانون..

ولي قدام ..

اخونا الظريف محب

ما شفت البوست الجميل دة الا الان

وانا اقترح شطب الاتية اسماؤهم نهائيا وبدون استئناف وهم

* مراويد البتفاصح فوق دة ، السبب لانو المدير سجيمان مرة

وصف ان اسم مروايد زي الخلال وانا ما بحب الاخلة او الاهلة

* حسين ملاسي ، والعضو دة بالذات بدون ابداء الاسباب أو خمدو في بطنو

* تماضر ، لانها عاوزة تشتري المنبر ، ولو اشترتو مؤكد ما حتديني عضوية فيهو

عشان حكاية الكورس ، عشان كدة هي مرفودة قبل ما تشتريهو

* المدعو خالد الحاج ( شوف دة الوحيد المدعو) ، السبب ما بيرد علي الايميلات

تعرف يا محب الناس كتيرين البستاهلو يترفدوا بس مؤقتا بكتفي بالكوكبة اعلاه

وممكن نزيد لاحقا

اسمع في واحد ضروري يكون معاهم

اقول ليك دة بالذات خفت منو

مع السلامة

والله الموفق

اسعد اتاريك ..خواف زي كدا ...انا عرفت الزول داك واللة ..
وبالمناسبة ..انا لومتك شديد في البوست التاني " بتاع تماضر ..انا شراني بعيد عنك

Quote: خارج النص ,,يااسعد ..اية يعني ..مش تشاركنا الافراح في "خيمة النظام العام" بتاعتي انا و "الحلبي " ملاسي ..الخيمة واضحة ...نحن واقعين طرد وفصل في الناس ..تعال بيغادي قبال "السوط" يصلك ..ولي قدام ..

محب

انت مرفود مرفود مرفود

قلت لي البتزا بكم

وبعدين شنو حكاية الاسنو المعاهو مطرة ؟؟؟؟

تتذكر تعليقك علي قصيدة اعمي فلادلفيا

بالله اكتبو تاني يا حبوب

همهمهمهمهمهمهمههمهم
اذا البورد دا فيهو 2000
انا عندى فى البلاك لست بتاعتى
1999
ولو كتبتا الاسماء البانوث بيلحق امات طه(طه دا منو الامات بيتلحقن)
لكن نعمل تضيق للستا

اطالب برفت سيد البوست


لتار قديم قطع فى المصارين

واتمنى طرد اى زول اوتوماتكيا يجيب قصيدة نثرية بعد القصيدة بتاعة
سولارا ديك نسيت اسمها الذهايمر دا الله يكتلو

كما رفت اى زول يقول انا كوزة وبخاف من بشاشة وما عافية ليه الكضبة دى

ورفت كل من يكفتنى بلا مغصة..
وفى زول كدا احييا منو كان لقيتو كنت شرحتو... بخاااااااف موت كان جبتا سيرتو..
ورفت الزعيم الخنفشارى بتاع الشفخانة داك ايهاب العريس
واخيرا وليس آخرا
رفت ابو جهينة سيد كومى الوهمى الذى يختفى فى ظروف (غامدة) عند الملمات
ورفد وداعية كومنا المنقطع النظير ومن ديك وعيك ذيدون

اول حاجة بطالب بفصل ملاسي وبقول ليهو تستاهل كلام مراويد ماقبل كده دعيتك عشان نكون رابطة الحلب ونتمرد في حلة حمد مارديت علي اها كده كويس .
ومراويد ده ذاتو مفصول لأنه عنصري وبيثير النعرات العنصرية .

وبرضع اسعد لأنه مارس ديكتاتوريته وحرمنا من صورة محي الدين .

..
.
سلام يا محب يا حبوب ..

اها انا كنت رايح وجيت ولقيت اسمي مكتوب وعندى مطالبات

اول حاجة بطالب بفصل الحلبي الاسمو ملاسي دا لانو جابت سيرتى من غير
سبب وقال انا بشبهونى بترهاقا ابوصلعة
والصحيح انا بشبه احمد ساطور
تانى شئ جانى ساير بلدكوته القدت اضانا ديك ورفعت الكاسترول بتاعو
هو وبتاع ناس كتار انا منهم

بطالب بفصل بت قضيم لانها متعنصرة للمراة وتطالب بفوق طاقة الرجال
وبتحلم بعالم سعيد لجندرها

كما اطالب بتجميد عضوية دكين لانو بشووت شوتات شترة ويعتبر
من رفقاء السوء فى هذا المنبر

اطالب بدعم وجهة النظر بالتقتعد السريع لود قاسم والسبب حمدو فى بطنو

وبمشى الحوش اشوف منو تانى عايز فصل وطرد وبجيك بتقرير سري سريع


سلاموز

..
.
يا محب
يا محب
يا محب
انا بطالب بتجميد عضوية كل فرد لم يتواجد فى هذه اللحظة
وانت وبكرى من ضمنهم وحسب التوقيت المشار اليه ..

المتواجدون الان بالمنبر الحر 54 شخص » (2 )عضو و (52) زائرا

»Tabaldina
»خضر حسين خليل
هذه الصفحة يعاد تحديثها كل 120 ثانية

وكمان بطالب بطرد كل عضو يفكر فى شراء البورد - كن جبت حرفو الناس بتعرفو - والسب حاستى السادسة بتقول لى لو اشتروه عضويتى
فى قولان وبتشرشح مع صحبي اسعد

اها كدا كيف ؟؟

يا محب بالله انتى حتى دمعتى القريبه ده شفتها؟ عليك الله عرفتها كيف؟
والله البوست الجميل ده ما شوفتو الا حسه
بعدين دمعتى القريبه ده هينه مافى زول شايفها(ما عارفه انت شفتها كيف) لكن كنت بتوقع طردى لانى ظلاميه ومشاكسه ذى ما بقولو
اها فى طريقه للأستئناف؟ اعمل حسابك انا وراى ظلاميين كتير حيخلوك تختفى تحت الارض لو ما رجعتنى

ترجعنى ولا اناديهم؟


وفى امان الله

لا اله الا الله

بنت الاحفاد ,,,زي مابيقول سعيد صالح في المسرحية ... يا"شيخة" ..انا ماشئ "الشغل" وبجي صادي بعدين ..اللة يستر شايف "الكيزان والظلاميين التفوا هنا" ..ياتبلدي ..الصوت دا هبشك ولي بعدين ..محب ..

يطردوني أنا يا أصلع؟؟؟!!!
اولاً الفكرة كانت فكرتي ومهاجر سرقها من بوستي،،، لذلك أنا اول ما اطالب اطالب بفصل العضو مهاجر لأنه (نشلني) بوست.
ثم أضيف على من قلتهم سابقاً تماضر وهوبفل وود قاسم وخالد الحاج وساره منصور وبيان وبت الاحفاد،، (طبعا في ناس هربتهم هنا تهريب) أضيف أنه يجب وبقوة فصل العضوعادل عبد العاطي ومعاه شريف ،
وقد (وأنا ما بهظر) أطالب بفصل الزميلة رجاء (كنوع من الإثارة ولفت النظر والشهرة)
وكل من يعارضني سأتهمه بأنه (قمئ) ،، وحاقوم اطردني زاتي لاني اعترف اني برضو نشلت الكلمة هذه من عادل ورغم أني لم أجد فيها أي نوع من الإساءة فقط ذكرتني بالأقمشة ذات اللون الغامق كئيب المنظر ،، رغم ذلك أنا سأتهم كل من يعارضني بالقماءة ،،، لأنه حقيقي القماءة عاملة ذي مالك الحزين العامل ذيي لما المدير يكورك فيني.
وأطالب بفصل السيد ملاسي لأن صورته الكان ناشرها في الأول أوجه مني حتى لما ركبت صناعي وش في عرس أخوي،،، وحتى لم استبدل صورته الأخيرة بهذه الجديدة،، ادركت في نفسي عقدة النكشة الطفولية القديمة،،، بالله ده طفل وأنا كنت طفل زمان؟؟؟!! (صلاة وسلام على سيدنا محمد)
وأي واحدة حلوة حافصلها بتهمة إنها سطحية وعندها قشر في شعرها.
وأي واحد ما وصفني بالمبدعة سأطرده شر طرده.
وأي واحد (الله يقدره) يقول علي تاني (قطيمة) حاقطم وسطه وإن استدعى الأمر الإغارة على بورد بكري بواحد كلاشنكوف وواحد قمئ،، كأن نأتي بتمبس مثلاً،،، ونلصق معاه إيهاب،،، وفننننن،،، نفن كمية منهم تفجيرا في وجه العدو الصهيوني الذي كشفنا تخطيطه الشين لتدمير منبرنا العظيم منبر الحرية،، ومن بنبري هذا أقول له أن (ارعى بي قيدك يا زول) وأحفظ أدبك،،، وأنا علي الطلاق بالتلاتة،، بت عثمان ما أخليها
هي بسم الله ،،، يا جماعة السلوك ضربت معليش
حقو نطرد كل الناس ما رأيكم دام فضلكم؟؟!!

ياجماعة ..ارجوا المواصلة وانا حاسي "بتعب" بسيط وسوف احضر لاحقا ..ولي قدام يا احباب ...

دعونا الان نتطرق للاخوة و الاخوات اعلاة حتى نري من منهم يستحق الطرد او التعليق او التنشين و التنويط

نبدأ اولا "بالمبدعة" بت قضيم و ننعم عليها بالعضوية الدائمة الممتازة و ذلك لاطرائها لنا

و لابننا, ما قوى من موقفنا التفاوضي في مملكتنا الخاصة ....

و امعانا في التكريم فاننا نامر بسحب جميع الحقوق الدستورية من السيد "ديكين" و تجريده من

رتبته و جعله ديكا واحدا فقطو ذلك لانه وصف المبدعة بت قضيم ذات بوست بانها نعجة

Quote: بعدين لا تتخلع أرجوك من رد دكين،،، فأن تكون مملاً خيرا من أن تكون نعجة،،، وأيوه،، اتخيل قال لي قبل كده يا نعجة؟؟؟ واتخيل اني ما رديت عليه؟؟

كما اننا نأمر لها بطقم من النضارات الطبية لتستطيع التفريق بين محب – او مهيب كما يطلق عليه
- هجاءا – و بين مهاجر

هذا ما كان من شان بت قضيم و نعد معاملة كل من يكيل لنا الاطراء بان يحظى بوضع خاص و مميز
و استثنائي كما نعد باننا سوف نخوض له حروبه ان وجدت او نفتعل له الحروب و من ثم نخوضها نيابة عنه

خلاس لما تجي شوت بت قضيم دي برة عشان تاني تسرح شعيراتها ديل وتضيع لينا الباندوث

أنا أدعو لفصل كل المكشرين والمتفنجرين والمتشددين والمتزمتين والما حلوين و الشينين والفينقيين و المتربصين و المشوكشين و المجكسين و المكسرين و السرييين بصورة خاصة والبننططوا بي جاي جاي ديل عرفتوهم.

Quote: و المجكسين و المكسرين و السرييين بصورة خاصة والبننططوا بي جاي جاي ديل عرفتوهم.

كبسيبة يا حاسد..

كبسيبة يافردة
كده ماقفلت البورد
فأحسن حاجة نرفدك انت ذاتك لإقتراحاتك التدميرية

محب بوست ظريف
ماعاوزين فصل خالص لكن

تجميد عضوية ود الجعلى 4 لحدى مايغير توقيعه

وملاسى

هووووي يا ملاسى، احسن لييك بطل اللخبطة دى،
ما شفت حصل لى نايل ون شنو؟ واقف فى رصيف الله جات العربية طاااخ ضربته، انت قايل ليه؟

(امزح فقط و امنياتى بالشفاء العاجل للأخ نايل وحمد الله على السلامة).

نستأذن اخونا محب في اضافة قسم اخر لهذا البوست الا و هو قسم انواط الجدارة و اوسمة البورد

بدرجاتها المختلفة .... فكما ان هنالك فصل فلا بد من ان يكون هنالك تقدير و توشيح و تنويط ....

اول انواطنا هنا هو نوط " في كل بلد سوالو ولد" ...... مصحوبا بوشاح اعمار الارض

و اعتقد ان الفائز بهذا النوط سيفوز بالاجماع السكوتي ... و المحسي كمان




و حتى الموافقة على هذا الاقتراح اتمنى ان تمهلوني قليلا حتى ابحث في الارشيف عن ما اقترفه اخونا

نايل ون ...

اعط الاخ ملاسي ..وسام "الافكار" الجديده والدخيلة وتغير مسار البوستات ...وتفضل يااستاذ ..
وفي نفس المسار ..اعطي الاتية اسمائهم بعض الاوسمة والانواط ..
اساسي ..نوط الصبر من الدرجة "الاولي"
الاستاذة مهيرة..نوط الصبر "علي" بشاشا من الدرجة الاولي ايضا ..
وسام " التجاهل الكامل للاعضاء" للاستاذ احمد الريح ..
..ولي قدام ..محب ..

يا محب
يا محب
يا محب
انا بطالب بتجميد عضوية كل فرد لم يتواجد فى هذه اللحظة
وانت وبكرى من ضمنهم وحسب التوقيت المشار اليه ..

ياتبلدي ..انا موجود علي طول ,,واكيد انت ما "جددت" الصفحه ..عاد دا كلام ..وانت غير موجود الان ...

..
.
من القال ليك يا مدير الفصل التعسفي ؟؟
انا اون لاين وما تنسي دا خميسنا ..


بعدين اخونا ود الريح دا اخد اجازة بدون مرتب
عشان قراراتك التعسفية دى ما تشمله

بطالب بفصل كبسيبة لعدم رفقه بالحيوان ميتا وحيا
وسنونو المشرمات دى من اكل الكوارع والغريبة بستنكح جارتنا
حاجة سكينة بضلف ضلفين ..
وخلع ود بتها مره فى الضلام

انا اصلع يا بت قطيم ؟؟
يا مضلمة وشعارك كمان لابسه لي
جذمه ضلمه واسترتش اضلم وفستان اضلم
وشعرك اضلم وفى حاجات تانية مضلمة كدا
يكون دا قلم الدلال .. يكون يا ربي

بجيك صاادى

Quote: يا مضلمة وشعارك كمان لابسه لي جذمه ضلمه واسترتش اضلم وفستان اضلم وشعرك اضلم وفى حاجات تانية مضلمة كدا يكون دا قلم الدلال .. يكون يا ربي

كــــامـــل الأوصـــــــــــــــــــاف

شكراً لهذا الجو المساعد على تجاوز الهموم والمنغصات

سأبدأ بالمحكمة :

القاضي : ( موجهاً كلامه إلى المنادي ) نادي على القضية الاولى !
المنادي : المتهم ( سنجاوي )
القاضي : حضر المحامي والشهود ؟
المنادي : حضروا !
القاضي : جيد .. بسم الله نبدأ

القاضي : ( بعد تقليب بعض الاوراق ) حسناعلى المدعي العام تقديم مذكرته !
المدعي العام : سنجاوي !
يأتي سنجاوي متثاقلاً من وزنه الزائد ولحيته قد دثرت كرشه لأن السجن لا يوفر مستحضرات ( جيلت ) ! ويقف خلف القضبان
المدعي العام : اسمك وسنك وعنوانك
سنجاوي : سنجاوي بن سنجة عمري ( سنجين ) سنة ، قلبي يسكن مدينة سنجة ولكنني في مدينة أخرى تعيسة وبعيدة ! في ما وراء البحر ( الدموي ) !
المدعي العام : أنت متهم بالتزمر الواضح والصريح من واقع البورد الذي لا تتضرع في التافف كلما ذكر اسمه وتحاول التهرب منه بشتى السبل .. ولا يتم تصعيد أي بوست لك سوى بوست ( خيمة الحاردلو ) التي سقطت عليكم جميعاً، بالإضافة إلى ذلك أنت متزمت في آرائك .. متطرف حد السقوط من طرف الهاوية ، ومتهم أيضاً بامتلاك سيارة مقربعة والمشاركة في تجمعات ( مطارية قديمة ) خارج نطاق البورد ، وهذا يثير غيظ الكثير من البورداب .. بالإضافة إلى ذلك فأنت تمتلك نزعة فاشستية في التعامل مع البورد لتكوين تجمع ( سنجاوي ) معتبراً أن البورد بورد عشيرتك ! وعندما قام أسودنا الصناديد بمنعكم من تحقيق مآربكم الشريرة قمت بما قمت من تزمر وتهرب من البورد .
سنجاوي : يا سيأ...
المدعي العام : ( مقاطعاً ) آه آه نسيت ايضاً تهمة عدم احترام اتفاقية حقوق الملكية الفكرية !


حسناً هل يمكن أن يدافع سنجاوي عن نفسه ، وإذا فعل بماذا سيرد !

نحن ننتظر سنجاوي ليدافع عن نفسه .. وإذا مارس نوعاً من التطنيش فإننا سنعلن ثبوت الاتهامات على سنجاوي بواقع 2 -0 لصالح المحكمة !!


يتبع

Quote: ارسل ليك على عثمان محمد طه وبالماسنجر...ينفع ؟؟

اوصي بالتحقيق مع العضو مراويد فيما هو منسوب اليه من رغبته في اغراق السيرفر وذلك باقتراحة

ان يرسل لنا عبر الماسنجر ما لا يمكننا التصريح به .... فهكذا امر لابد و ان يدمر السيرفر الذي

سوف لن يتمكن من استيعاب قامة و مكانة المراد ارساله لنا .... اها يا مراويد مت بغيظك ام ليس

بعد ....
ان سيرفرا لا يحتمل اغراق هوبفول حتما سيصاب بلوثة و اضطراب بل و سكته لو ارسل عبرة ما يود

مراويد ارساله ... و اقترح ان يرسل بدلا عنه الزميل ابو هند

بت قضيم اظنك ما بتهظرى فى رفدتى

دة المره التالته اخش اتكـا فى بوست القاك ما طاريانى بالخير

والله عوجه..


على بالطلاق اخلي البورد.....

Quote: على بالطلاق اخلي البورد.....

سـيـري و عـيـن الـلـه تـرعـاك

الاخوان الكرام باسم اطفال فلسظين ..وباسم اطفال بيافرا وباسم اطفال الحجارة وباسم اطفال(الهنابيب) وباسم اطفال تحت الطلب وباسم اطفال ام بده ...وباسم اطفال المايقوما...وباسم اطفال الخطأ الرومانسى(عليكم الله شوفو ادب ابو ساندرا ده ساكت) وباسم صفحة الاطفال فى كل المجلات وباسمى شخصيا اطالبكم بفصل العضو حسين ملاسى لانه جاب معاه البورد طفل غرير مما يعرضه لسماع كلام الناس الكبار
الفارغ ( وكمان عاين الشافع بضحك علينا كيف ونحن بنتشاكل ونتنابذ )


وباسم الانسانيه جمعاء وانا يابورداب عجبا وكلا ان الذى طالما ان بينما بيدما انهم خاسرون اه انشاء الله يكون تمت جمله مفيده،،،

ثتبيت عضوية الاخت رودا مدى الحياة و الانعام عليها بوسام "الرجوع للحق فضيلة"

و ذلك بعد تخليها عن افكارها السابقة و نفضها يدها كل كل تاريخها البوردي السابق

سـؤال بـرئ زي حـق رجـاء ... ويـــن رودا ..؟؟؟

و نهدي هذة البشارة لاخونا هوبفول .... و لكل الاخوة و الاخوات من رابطة قارئي - او مناوئي - رودا

تماضر شرطتي عينا
مرتين بس ،، قلتا مرتين ما تزيدوا الكيل
وبعدين حرم فوق طلاقك ما تمشي،، اشتهر كيف أنا يعني لو ما كل شوية قلت تماضر تماضر؟؟؟!!!
ما تفهمونا بأأأه

بت قضيم تتدرج علي سلم النجوميه

بتكسري رقبتك آآآآ الشليقه

والمشكلة خوافة يا هوبفل
هسه لو هرشوني بلبد ذي الكديس

بما انو طولنا من البورد ومواضيعنا قديمة حانطالب بى فصل القدام
اطالب بفصل الاتية اسمائهم :
حمزة سليمان:::قلت ليه داير شرايط عقد الجلاد المشهورة فى المانيا زمن عقد الجلاد عقد جلاد وعمل نايم ضربت ليه تلفون عالمى من السودان لى الامارات وردو على اولاده قبل سنتين وعمل نايم عليه لا اقبل الاعتزار يارسل لى الشرايط يارسل لى قروش المكالمة والفرق بى الدولار من هسه لى سنتين ورا,,طبعا هو زهجان منى لانو قلت ليه امدرمان مامدينة فاضلة ولا حاجة ودا موضوع جاينو وياناس امدرمان شايفنكم تجقلبو سااااى الايام اتكربو معانا شوية.وشيلو معانا حبل الصبر
ملحق:برضو اطالب بى فصل الامدرمانيين بعد فشل امدرمان فى اقناعنا بانها المدينة الفاضلة ودا جايننو برضو براهو.
هالة قوتة:لى سنين بعرفها بى تبلدية فى الشات ولى اسبوع عرفتها انها هالة قوته فى البورد,,عليه لم تراعى فترة الصداقة الشاتية ولم تنصر اهل الشات فى احلك المواقف ,, اعرف الحق تعرف اهله وانتى الفيك اتعرفت وتانى خوة شات مادايرين.
حبيب الكل:برضو انت الفيك اتعرفت

كما اطالب بى فصل كل الناس الخاتين لينا صورهم بعد ماضربتهم الطراوة فى الغربة وبقو نايرين الخدود وخالننا نطاقش مع بعض فى الغبار والكتاحة مره فى الاسكلا ومرة فى حدائق الشهداء(طبعا دى ماحسادة دى عشان ناس جوه يعرفو عندهم مناصرين فى زمن الانبعاج الفرتاقى الذى ضرب البورد).
فى اتنين قالو لى خايفين على بناتهم من العرس ديل برضو بطالب بى فصلهم ,ودقاسم+ابو ساندرا,,,الحمدلله البوست دا مالقيتو لانى جيتهم راجع مغبون زمان قالو البت بتبورها امها هسه جانا الزمن الفيه البنات بقو يبوروهم ابهاتهم,,ديل دايرننا نعيش عذابة وكسرو قاعدة الرجال للعقد وبقو يخشو فى تفاصيل مابتخصهم الاتنين ديل التجميد مابنفع معاهم دايرن حسم وخروج من غير عودة ومن غير تحانيس
تانى منو؟؟
دقيقة بس هسه بجى
معنا من اجل بورد خالى من الناس الزى ديل

عليه نواصل كشوفات الصالح العام والفصصل التعسفى:
جنى وجن البت البتعاين للراجل فى جووه عيونو والراجل دا ما ابوها ولا شريك حياتها فى المستقبل اى راجل والسلام انشاء الله الكمسارى لم يجى يخلص القروش وجنى وجن البت البتعمل شفتة وتمد ليك يد ورا ويد قدام فى الكلام وتشبكك شنو ياقلبى اليمين وتسلم عليك فى كتفك بى ضربة سلام مابتشوف عينته الا فى صلاة العيد وتلقاها بتاكل فى صحن الفتة مع الاولاد وقاعدة فى صندوق البيبسى الفاضى وتكورك فى نص الشارع وتقول سجمى ماسمعتو قالو عمر البشير رجع فاروق جبرة بعد ماناس المريج وسطوه مع شداد وجنى وجن البت البتجى من ام مقت وتعمل ليك فيها مولودة فى امدرمان تحكى ليك عن السيرفس بتاعت القراتدهولدى بقت تعبانة مع عوجة الخشم وجنى وجن البت البتقطع شارع الزلط مدنقرة عاملة فيها بتخجل وهى تكون من العينة القلناها قبيل بتاعت صناديق البيسبسى,,,وجنى وجن الغرابة البكونو فى جبال كلمنجارو وبحرشو فى ناس جبيل الطينة وجنى وجن الشماليين النظيرهم كتير فى الناس لمن جابو الكلام لى باقى اهلهم لمن السودان كلو عايز يتحرر منهم وكرهو الناس فى كلمة شمالى وجنى وجن الجنوبيين البضربو الاغاثة ومايخلوها تصل لى اسيادها وجنى وجن ناس الشرق البى الجبنة الكتير لمن مالاقين ليهم زول يشيل ليهم سلاح لمن عملو ثورة وجنى وجن الدكاترة الواحد كشفو بى مائة الف وسايق اى كلاس ويجى يوم الجمعة يقول ليك العلاج مجانى فى برنامج المريخابى داك,وجنى وجن الناس العايزين يقنعونا انو تاريخ السودان بدا مع المهدية,وجنى وجن الاستاذ عبدالله والاستاذ ابو ساندرا عشان لى يوم الليلة مادايرين يكتبو لينا عن الديم,,وجنى اى زول سمع من زول بيعرف زول سمع من زول بيعرف يحى شمت وزوجته منى فى القاهرة وماداير يين يورونا اخبارهم شنو,وجنى وجن سكينة ست الكوارع بقت تزيدها موية وراجلها مابديك عيش زيادة
الناس ديل كلهم لو فيهم زول فى البورد ولا عندو مندوب هنا اطالب بى كشتو ومعنا من اجل بورد خالى من الناس الزى ديل واستغفر الله من حقهم

انزار بالفصل للاتية اسمائهم:
1/ صلاح غريبة
2/كباشى كانتونا1
الموضوع :حالة الاستاذ عبدالرحمن عبدالله
بالاشارة للموضوع اعلاه نفيدكم نحن المتابعين لجهودكم الكريمة فى علاج الاستاذ عبدالرحمن عبدالرحمن نفيدكم باننا تضرننا ضررا بالغا من عدم معرفة صحة الاستاذ الفنان عبدالرحمن عبدالله وماهى مراحل علاجه,,وعليه ولما اصابنا من ضرر فقد قررنا الاتى :
توجيه انزار نهائى بالفصل لكم الاتنين وكل من حاول اخد الموضوع شخصى وحرم بقية الاخوة من المشاركة (انشاء الله المعنوية) فى علاج الاستاذ
اخوكم ود الديم
*نسخة للفنان الموصلى لالتزامه باقامة حفلة وسى دى دعما للمشروع

يعنى يا حسين ملاسى مسربع فى البوست جنس سربعة.. سربعة وأربعين
إنت يا محب مسعول من الخير .. إنت ملاسى ده إشترى البوست منك؟

ننادي بعودة العضو المفصول عادل محمد عبد العاطي لسؤاله عن العلاقة التنظيمية بين تيوسه و اغنام

عبد العزيز خالد و نعاج ديكين و من ثم فصله مرة اخرى حتى لا نظهر بمظهر المعارضين لقرارات بكري

ابو بكر فيصيبنا ما اصاب الاخرين في مولد هذه الايام .... ام لعلها احداث مارس الاسود ....

اما محب سيد البوست فاننا نخيره بين الاتي:

1- ان يغير اسمه الى مهيب بناءا على رغبة الاعضاء
2- ان يكتب اسمه بالعربي مكان التوقيع
3- ان يفبل باسم ود اب رقبة كحل توفيقي

او ان يشتت ان لم يقبل باي من الخيارات اعلاة .... و قبل ذلك علية الاعتذار العلني عن ارائه

السابقةو تدخله في خصوصيات الفنانيين الذين يمارسون "الغسيل و المكوة" على الملأ في بيوت

الاعراس بدعوى الحرية الشخصية و حرية الاعتقاد .... و مطالبته الظالمة بان تكون تلك الممارسات

في بيوت ممارسيها و رغبته في حرمان جمهور النظارة من الاستمتاع بهذه المناظر على الطبيعة .....

يا اخي خلي الناس تتفرج انتا خسران شنو ...

و بعدين يا اخي ما ممكن تكون سمعتا بالبلوسارز لانها فرتقت قبال سنة 1980 .... تكون سمعتا بيها كيف

مكرر

ياخوانا السلام عليكم ورحمة الله وبركاته ، اول حاجة اعرفكم بي نفسي عضوة انقطعت عن البورد فترة ليست بالقليلة .. ورجعت لقيت ليك الناس دي جايطة جوطة والقيامة قايمة ، وصح النوم وصباح الخير يا توتة !! والله يا محب عجبتني فكرة البوست جدا ، واتكيفت شديد خالص ،وبديت اقرا جذبني رد الاخ مراويد ذو الالوان السبعة ولا العشرة ولا الخمستاشر ما عارفة غايتو هي بتمشي وتجي ، قلت خلاس ولدنا ابو قوس قزح ده بيكون كاتب ليهو شي لذيذ فاذا بي أفاجأ بالهجوم على كل الاخوة العرب وغير العرب بالسودان والدعوة لطردهم خارج الحدود... الواحد يقيف في الصف يعني يقول زيت سمسم ولا شنو بعد ده ؟ نمشي وين يا باشا ونقبل وين ، وعلى فكرة انا ادعو لطرد الاخ مراويدللآتي :
اولا : عامل لينا صورة تعمل طشاش
ثانيا : متعصب عنصرياً ، ويكره الحلب الذين بيضوا حلل اجداده
ثالثا : الجهل المدقع والمرقع بلبانة بالاصول والانساب " لانو الحلب كلمة عامة تطلق على ذوي البشرة البيضاء الحايمين في الشارع كلهم ، بالرغم من ان الكلمة اصلا جاية من الغجر الذين كانو يقومون بتبييض النحاس قديما في شمال السودان ، ويقولون حللاً بياض ، فجاءت منها التسمية حلمب ، ثم حلب " يعني يا باشا الناس ديل ما كلهم تركيا وسوريا ، ركز معانا ما سمعت بي ناس شيمو وفرفورة ؟ الجعليين الاحرار من اصول شرق اوروبية ؟
خلاص نقطة ، خليناهو الوليد المسكين ده ، أنمسك كبسيبة الحاقد الحاسد على قول بعض الاخوات الحكيمات
اطالب بفصله للاسباب التالية
اولا ، شكلو مصدوم عاطفيا وعندو ميول عدوانية تجاه جميع فئات الشعب السعيدة المحبة والمجكسة
ثانيا ، وجوده خطر على المجتمع البوردابي ، لانه يحمل عقد نفسية ويستحق عن جدارة لقب " عقرب الموية "
وباقي الاسباب بقولها ليكم المرة الجاية لما اخلص امتحاناتي ، ده كان ما قطعت منكم تاني قطعة اليومة دييييييييييييييييييييييك
خالص ودي لكم جميعا ولكم العتبى حتى ترضوا ، وبعد ان ترضوا ، حلاوة النجاح والبيبسي عليكم

تلااااااااااااااااااااااااااااااته مرات يا بت قضيم

مره فى بوست البص..وانا جيت ركبت

ومره فى بوست يا جماعه ادونا معاكم وجهة نظر

ودة التالته

اما عن الطلاق .... فانا ما متزوجه..فمعناها ما حاخلى البورد..دى كمان دايره ليها شرح؟؟؟


ياااااا"جبانة ...


ههههههه

توجيه انذار نهائي و اخير بالفصل للعضو عبد المنعم الجزولي في حالة عدم مواصلتة المشاركة

الفعالة بالكتابة في البورد و ان يترك تقوقعه و ابتعاده الاختياري ....

و ان لم تفعل فسنسلط عليك من لا يخاف الله فيك فيمطرك بسخيف النكات و تلك المزدوجات الغريبة

و التلميحات التي لا تفهم و الجمل التي يظن كاتبها انه قد اوتي من البلاغة ناصيتها .....

هلا عدت يا منعم ام ان ذنبك على جنبك .... و اركز للحيجيك ...

Quote: او ان يشتت ان لم يقبل باي من الخيارات اعلاة

ده ما شراء يا ملاسى .. لووول
ده أسمو إنقلاب أبيض، وعادة الإنقلابات دى تتم فى الويكند

احم احم ..ونعود ..ويا ملاسي ..شكيتك لله ..انت "بحبتة " في دفاتري القديمة جدا ..دع عنك هذا الحديث "الضعيف" يارجل ..
بيان ومرسوم "بودابي "..
بعد فصل مجموعة من الاعضاء ..اصبحت الديار خالية ..وبعد تمت اعادة عضوية بعض منهم ..اصبحت الشغلانة بايخة ..ونعتب علي ملاسي ..
نتجة اتجاة جديد في هذا البوست ..سوف اقوم بالقاء وتسمية بعض الاعضاء باسماء جديدة تليق بمكانتهم الجديدة في مجتمع المنبر ..


وبسم اللة نبداء ...
..
السيخ القرضاوي ..انة بدون تردد محمد عبد القادر سبيل .....
الشيخ العثيمين الاستاذ جاد ....
.....سهير البابلي بعد الحجاب .. السيدة بيان
..
..
..الاميرة رانيا ..روضة
...فرج فودة ..الاستاذ خواض
.. عجب بن الفيا ..رجل اللغة العربية والاعراب ..انة الفرزدق
السيد ياسر عرفات ...بلا منازع ..انة ملاسي ..لقد ضيعت حقوق "الحلب"
كولن باول ..بلا منازع .انة بشاشا ..
وسوف اعود قريبا ..وتحية خاصة الي "جورج بوش ..امين الموقع ..بكري ابوبكر ..
محب

قال ..ملاسي ..او ياسر عرفات ,,


اما محب سيد البوست فاننا نخيره بين الاتي:

1- ان يغير اسمه الى مهيب بناءا على رغبة الاعضاء
2- ان يكتب اسمه بالعربي مكان التوقيع
3- ان يفبل باسم ود اب رقبة كحل توفيقي

او ان يشتت ان لم يقبل باي من الخيارات اعلاة


اقول
في البدء شالوم ..
لن اشتت من هذة "الضفة البورابية" مهما كلفني الامر ..ولن اتنازل عن المستوطنات او الاسماء ..كل هذة الاسماء "اسمائي وحدي" سوف "استخدمها" وحدي او "اغيرها" وحدي ولن تفلحوا معي "ياعرب" ..
رغم كل ماقلت سوف اقبل مايراة امين الموقع من حكم ..انة الامريكي الذي لايهان ..انة "سيدي وسيدك" ...واوقول لك كلام ..التصويت اقرب الي نفسي .... وبرضوا في النهاية هنالك اتفاق وشالوم بيننا .. محب من يهود "2004 " ..

.....

Quote: سهير البابلي بعد الحجاب .. السيدة بيان

دى شديدة اوى

انتي "ياحجة" "شديدة دي معناة اية ..
ولو "سهير" مش قد المقام .ممكن تكوني ..عفاف شعيب ..وبيني وبينك ..سهير احسن و"اشد" لان عفاف تعاني من "التخمة والسمنة ..ولي قدام
واعود الي القائمة ..
الرئيس القذافي ...بلا منازع ..تبلدينا ..او الرجل الاخضر ..
خالد الحاج ..الشيخ خليفة حاكم قطر السابق ..
الاستاذ بكري الجاك ...او ياسر عرمان ..
ونواصل لاحقا ..

نواصل قائمة المفصولين بعد التوقف الاجباري الذي الزمنا الصمت حين من الدهر ....

و نبدأ بمريم الطيب فننادي بفصلها و حرمانها من حقوقها الدستورية كافة .... فبعد ان فرطنا في الريموت تفريط من لا يملك لمن لا يستحق ... و بعد ان اصبح حائز الريموت يتحكم فينا كيف و اين وحسبما شاء ... ضنت علينا مريم بعدستة كاميرتها و زومها و فوكسها و الذي كان قد اغنانا عن الريموت حينا ....

ان عادت للكتابة بكاميرتها مرة اخرى تعاد لها بعض من حقوقها الدستورية مع حرمانها من البقية الباقية منها وبالاضافة لاستمرار الفصل ... فالبقى علينا بسبب الريموت كنترول لا يسر احد .........
و الماعارف يسأل .....

والله دا كلام زي الورد وعشان خاطر الورد
ننادي بتجميد عضوية الاستاذه ندي علي وندي امين تلاته اسباب والمهمات فيهم سببين وهم اسمها دا زاته(ندي) لانه اسم ندي دا اسم دائما بكون لأنثي رقيقه جدا يعني اهم صفه في الاسم دا انه ما تكون مجندرة لانه دائمة الاسماء بترطبت بالمعاني في بال الانسان وعشان ما اجي يوم ننصدم زي ما انصدم الشاعر في ندي حين قال

قلتي ليّ سموك ندى!؟!

وده منو السمّاك ندى?

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا
إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟

قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!

قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى

يبدو ان محب قد مارس سيادته على البوست ففرض شروط جديدة للعبة دون مشاورة شركائه, و عليه فنحن نقبل بها مضطرين و نخلع عليه لقب صدام حسين حيث " لا مهيب " سوى صدام حسين ....

اتذكر بهذة المناسبة في سنة 83 كدا كنتا سايق عربية خالي المسافر متجها من اتحاد طلاب جامعة الخرطوم نحو اتحاد طلاب الفرع عبر شارع النيل, و كان ان اشر لي "احدهم" – او لعله لم يؤشر – فتشاغلت به و كان ان لبست في العربية القدام. و منذ ذلك الحين خلع علي الزملاء لقب "صدام" حسين ... و ها انذا اتنازل عنه مختارا لاخونا المهيب .

و اقبل بلقب عرفات بدلا عنه بعدما تأكد الجميع من مقدرته الفائقة على الخمش .....


Re: ده شنو يا ياسر عرفات؟... شاهد هذ الفيديو وتعجّب!!!


.

Quote: انتي "ياحجة" "شديدة دي معناة اية

معناها سمحة يا محب

انا بحب سهير البابلى شديد
ما عندى مانع تب

يا حبيب الكل ما بحضر كيلك يا اخوى عاد اتحضر

تفصل كل من شاهدت الثور الابيض يؤكل و لم تحرك ساكن ......

Quote: اول حاجة اعرفكم بي نفسي عضوة انقطعت عن البورد فترة ليست بالقليلة

دى مالا دى؟؟؟ جايه طايره كده ونازله بالطول والعرض حالتك غايبه,نوعك كان قعد هنا بفرتق البورد,

Quote: اولا : عامل لينا صورة تعمل طشاش

اها نضارتك القعر كبايه دى لقيتى ليك زول ترميها فوقو ولا عامل السن

Quote: ثالثا : الجهل المدقع والمرقع بلبانة بالاصول والانساب " لانو الحلب كلمة عامة تطلق على ذوي البشرة البيضاء الحايمين في الشارع كلهم ، بالرغم من ان الكلمة اصلا جاية من الغجر الذين كانو يقومون بتبييض النحاس قديما في شمال السودان ، ويقولون حللاً بياض ، فجاءت منها التسمية حلمب ، ثم حلب " يعني يا باشا الناس ديل ما كلهم تركيا وسوريا ، ركز معانا ما سمعت بي ناس شيمو وفرفورة ؟ الجعليين الاحرار من اصول شرق اوروبية ؟

انتى من حلبة وين؟؟


يا ولد يا محب دى نزلا هنا,ورجع ليها حق التذكره المسكينه حالتا صعبه

يعنى يا حسين ملاسى مسربع فى البوست جنس سربعة.. سربعة وأربعين
إنت يا محب مسعول من الخير .. إنت ملاسى ده إشترى البوست منك؟




والله فكرة جميله ..انا ابيع البوست واعمل شوية "قرشين" ..

البوست معروض للمزاد العلني ..يعني ممكن تشتري البوست وتضعة في مكتبتك الخاصه التي سوف يعدها بكري لك ..يلا ياشباب ..ايديكم معنا ..سوف يبداء المزاد ب 1 دولار ..مين يزود ..
وين التجار ..وين الحلب ..وين الناس "المروقة" ..دولار واحد مين يزود ..

محب "التاجر" ..

يفصل عثمان حمد عثمان حمد لاسباب هو ادرى بها.




.

مين ؟؟؟؟؟؟؟؟

Quote: ننادي بتجميد عضوية الاستاذه ندي علي وندي امين تلاته اسباب والمهمات فيهم سببين وهم اسمها دا زاته(ندي) لانه اسم ندي دا اسم دائما بكون لأنثي رقيقه جدا يعني اهم صفه في الاسم دا انه ما تكون مجندرة

مادام انت اسمك حبيب الكل ما غريب انه اسمى يكون ندى.

وبعدين الصفات التى ذكرتها فى القصيدة العصماء يعنى بتنطبق على اى واحدة "مجندرة"؟

و اخيراً النكتة وصلت لكن توجد ابيات زى الزفت فى القصيدة الرجاء مسحها! و الا!!

أفعل ماقالتة لك ندى بشأن القصيده الزى الزفت خالص وإلا...

gir gir gir gir

حبيب الكل ما بحضر كيلك(مكررة)
والندى والندى ديل عسل وعسل

بس بيعرفن حقوقن سمح



سهير البابلى الظلامية

حالة سعبة

فورا فورا فورا
دون تأخير يتم فصل العضوعثمان محمد صالح
العقيد يونس.. لانه بيذكرنى السودان سنة 1990
وبيجيب لى الكآبة

حااااااااااااالة سعععععععععععععععععبة

يتم التحفظ واخذ بعض التتابير الامنية في هذا البوست ..تؤسس علي الفور بعض نقاط التفتيش ..يتم الاتصال الفوري بالمناضل ياسر عرفات لاخذ مشورته في الموضوع الطارئ الذي حدث ومستمر في الحدوث .. ينادي بعقد مؤتمر امني علي مستوي عال ..ننادي بان يشارك في المؤتمر السيخ القرضاوي للحاجه القصوة لفتوه ..من الجانب النسائي ننادي بمشاركة "سهير البابلي " لتفهمها الكامل لطبيعة "العدو" ومقدراته .. بتم قفل باب "الطرد" بامر مني انا "صدام" حتي البت في هذا الموضوع الذي "طرئ" حديثا في هذا البوست ..يتم الاتصال الفوري بجماعة "التكفير البوردابي" في المنبر بقيادة الاتية اسمائهم ..اسعد ابراهيم ..احمد الريح..مراويد ..مكسب ..وبقية العقد الغير فريد ..بتم استنفار كافة القوي الشعبية والرسمية في هذا المنبر لمواجه هذا الامر الخطير ..يتم ايضا الاتصال بالعضو بشاشا لمناقشتة وسؤاله حول "هوية" واتجاة هذا الامر "الطارئ " الذي يحدت لا اول مره في هذا البوست .. يتم الاتصال الفوري بالسيد بكري ابوبكر لااعلامة بالامر الخطير ..يعطي كل مفصول ومفصولة امر بالعودة الفورية لمناقشة الموضوع مع فخامتنا "لنري مانستطيع فعلة" ازاء هذا الامر الجلل ... سوف اعود لاحقا ..قبل هذا ..اتدرون ماهو "الامر الخطير والجلل ..فقط ..لاحت "روضه" في هذا المكان ..لزا ..يؤخذ الاحطيات والحزر ...اوسسسسسسسسسس ..ارجوا الهدؤ ..وتفتيح الاعين ..روضة هنا ..

قف قف قف يجب التحرى فى امر القصيدة التى اثارت الجدل
فعلى مايبدوا ان هذه القصيدة سرقت من إحدى دواويين دكتور مكى،
اولا يجب ان نسعى للدفاع عن حقوق المؤلف لووووووووووووول،

Quote: فعلى مايبدوا ان هذه القصيدة سرقت من إحدى دواويين دكتور مكى، اولا يجب ان نسعى للدفاع عن حقوق المؤلف لووووووووووووول،

و نقرر نحن مالكي البوست منح البروفيسور مكي العضوية الشرفية مدى الحياة

لمجهوده البديع و اضافاته المبتكرة و اثرائه وجداننا بكل ذلك الابداع منقطع النظير

شكرا يا ترهاقا فقد كدنا ان ننسى تكريم من يستحق في فورة الفصل و الطرد و الاقصاء ....

و سنوافيكم ببقية المكرمين لاحقا ....

بيان،

Quote: حبيب الكل ما بحضر كيلك(مكررة)

Yep!

شكرا لك و لرودا على الدعم و شايفة القصيدة لسة موجودة!!!

اها يا سيد البوست...محب

انا بطالب بفصلك إنت ذاااتك
للاسباب التالية...

1-صورة البروفايل بتاعك فيلم عديييل...ودة استهلاك للباندودث

2-والله الفيلم سمح ودة نسانا الكنا عايزين نقوله

3-اي اسباب أخري..يعلن عنها في ما بعد

ما الخطب مع "قونزاليزا رايز" دي .... قصدي ندي علي .. ..

Quote: ما الخطب مع "قونزاليزا رايز" دي .... قصدي ندي علي ..

اذا حمي الوطيس يا شريكي .... ما تقول انك بتعرفني بالله .....

كمان بتوضح قصدك كدا بدون وجل .... غايتو دي يا شجاعة مطلقة يا حماقة مطلقة ....

و ارجح انها مطلقة في جميع الحالات ...... و الشاف هيبتك نزعت منك ما كضب ...

حينها سنرثيك و نكرمك كما فعلنا مع طيب الذكر البروفيسور مكي ...

محب،
وكمان ما لقيت غير المحافظين و "قونزاليزا" تشبهنى بيهم بعد ان تمت اهانة الجندريات فى البوست بتاعك و لم تحرك ساكناً؟ اقترح ان تاخذ باقتراح ترهاقا و تحقق فى القصيدة!

الغريبة البوست اسمه دعوة للضحك ومن دون زعل...
وشايف في واحدين اتحسسوا
وبعدين فلانه دي الجاب سيرته منو؟

بعد التشاور مع السيد المهيب اصدرنا الاتي نصه:

اولا :
تعاد العضوية فورا للعضو الخال السيد/ ود قاسم

ثانيا:
تتم مخاطبته من الان و صاعدنا بلقب يا خال

ثالثا:
نشكره على التكرم بالرد علينا في بوسته المقروء
صورتك في المنبر ، لا توجد ، موجودة ، خجولة ، رسمية ، أم جريئة ؟
رابعا:
نعده بان نتحرى عن الصور التي تضرسه و ان نعمل على ازالتها فورا

خامسا:
تعاد له كافة حقوقة الدستورية و ان يعوض التعويض الذي يرى انه مناسب

صدر تحت توقيعي في بورد الشعب
و باسم الشعب و لاجل الشعب

Quote: و بالمناسبة يا جماعة لو في واحد عارف تلفون المشرف بالله يرسلو لي في الماسنجر - التلفون مش التيجاني -

Quote: او على الاقل تقولوا ليهو يجي ينزغم في البورد الايام دي

Gir
Gir
Gir

الي ندي علي ...


I’m not about to make this place a fighting place, and I have no interest to make a controversy out of nothing. Believe it or not, I don’t read any comment on this post, and I have just gone through the piece that upset you. Before I go on telling you what I think over what "Habib Alkul" wrote, I should restate some facts that people might have forgotten about. When I posted this post, I made clear that I'm going to be as funny as I could just to make sure that other people would involve with me. However, I made clear that I won’t be disrespecting any person and if I did with you right now on this page, please forgive me and I promise that I won’t be using your name any further. As for the issue that makes you upset, I would tell you that I don’t like what "Habaib" wrote on here and that only if it were to be taken seriously by me or others . On the other hand, I should insist that "Habib Alkul" didn't mean to harm you in any way, and he might have chosen the wrong words and manner. I think “Habib Alkul" assumed that nobody was going to get upset because of what he wrote, yet that is proven to be wrong as Roda and perhaps others showed some anger over that piece of comment by "Habib Alkul”. I have nothing to add other than saying I’m sorry. Always there ..Muhib

ونعود ....اين انتم ..وضاع المعني "من دون" زعل..اكثر حاجة "تغضب" عن السودانيين "الاخلاق" الضيقه وحماكم الله..العصبيه "للجنس" والقبيله..وحماكم الله..خلط الجد "بالمزح" ..وحماكم الله..واعود لاحقا .,,

لقد قراءت القصيدة ..اتضح لي اني حبيب الكل يتحدث عن " اثنين" ندي ... اي شخصان ....





ومره اخري ياندي علي ...وين روحك الرياضيه ..هذا ما قاله حبيب في احدي الابيات ...



مافيش علاقة بينك وبين ندى

خلّيها ندى ..




..اقول ..اين ندي التي نريد ..
ومره اخري "انا" اسف لمناداتك ..بي " قونزاليزا رايز" ..اسف جدا ..

المهيب صدام ....

تحياتي

هون عليك ايها الزعيم .... فندى علي تمزح و لا شك .... لم فقدت روح المرح هكذا فجأة منذ ان

خلعنا عليك لقب المهيب ... حتستمر في الحساسية المفرطة دي حنخلع منك اللقب ... و نرميك بلقب

اشد باسا .....

ما زال وراءنا الكثير مما يجب انجازه في هذا البوست فلا تدع همتك تفتر

القائمة ما زالت مليئة سيدي المهيب

حبيب البعض

ما قلت ليك النكتة وصلت لكن القصيدة بها ابيات حقيقي سيئة (مثل لعنة الاباء) هذا شئ غير مقبول اطلاقا ولا بالمزاح الا تتفق معى؟


محب ما قلنا من غير زعل؟

ما شايف سجيمان سمانى سعدية النكدية وما ز علت ازعل من ا سم ,قونزاليزا,,

عالم تخاف...

وشكرا ملاسي

يعني ياندي ..في داع للكمرة الخفيه هذه ..طيب ..يا قونزليزتي ..مافي مشكل ..

muhib
you did not answer me
???Do i need a candid camera as well!!!!!
just kidding

اوكي حنينه ..اجبرتيني علي الرد "عليك" ..كنت ناوي "اتجاهلك خالص ...مره "الحجه" قالتي لي "افعل واعمل اي شئ ,فقط لاتغضب" قاروره او امراة..وان فعلت يابني ..سوف تصيبك "مرض" اسمه "لعنه القطط السوداء " تم حديث الحجه ...منذ تلك اللحظه وانا حزر مع "النساء" ...
بالمناسبه ياحنينه ..انت كنتي بتقولي في ايه والله ماجاب الزعل

نداء ..الي الشاعر "نزار قباني" او حبيب الكل ...ارجوا ان تعود لنا بمزيد من القصائد ...
حبيب "عندي" ليك مشروع قصيده..لما تكتب عن روضه ...

Quote: فقط لاتغضب" قاروره او امراة

انت من زمن قارورة؟؟
يا حليلك

بعد داك ما مهم لون القطط

العوافي

still kidding by the way

الرائع محب
انت بعد دا داير تجيب لينا الطرد والفصل جد.. جد
خليك في القوارير احسن ليك

حبيب البعض،
انت ما قالوا اعلنت مغادرتك؟
وبعدين شفت صورة الجندرية ولا لسة؟
(وطبعاً صورة ندى أمين)!
النظرية بتاعتك طلعت غلط

هو بالله اسمي مكتوب هنا و كمان مطالبين بفصلي من البورد و أنا ما جايبه خبر؟

حبيب البعض زي ما أسمتك العزيزة ندى علي

لازم تعرف انو في فرق بين المزاح و السخافة و الرجاء عدم وضع اسمي في مداخلاتك القادمة، واضح؟

الحاصل اية ..وليه الزعل تاني ..ندي ..وندي الثانيه ..الحاصل ايه بالضيط ..هل كل هذا الغضب من اجل القصيده ام من اجل شئ اخر مع العضوا "حبيب الكل" وتتطير عيشتك ياحبيب "يعني خلاص "حبقت" علي الشعر و "هبابه" ..
ندي الاخري..ندي ام صوره .. ....بعني علشان انا قلت "ندي الاولي غير مقصوده " تقومي انتي وتفترضي انك "ندي" المقصوده في القصيده ..والله مافاهم اي حاجه ..ليه الزعل "قلنا" من غير زعل ..واحمد الله اني لم استخدم اسم "واحده" اسمها "ندي" ..وين طوله البال ..وين الروح الرياضيه ..ليه النكد ... مبروك خالص ..عملتوا "نكد"بنجاح باهر ..شكرا علي المرور من هنا ..وتاني ..من غير "زعلللللللللللللللللللل"..وربنا يعطينا الصبر

loooooooooool
nada my sister
so you are c.gs sadia alnakdayah
you know what dear?!, this C.G


needs to be killed

for calling you nakadyah

alam3ref yagol 3das


plz for me dear nada & dear nada

give my friend Habeb a break
he is just trying to be funny

in this funny post

the queen of the dark
soheer

امسك يا سعادة المهيب .... البوست و رفعناهو ....

بس ما تعمل فيها نايم ....

Ok ..I'm back ..where is everyone else?

اعلن الحداد علي المنبر ..مرت ..حدثت احداث كثيره ..انا امزح هنا في هذا البوست لكن بكري سيد البيت لايمزح في الخارج ..الفصل والطرد حقيقي في شوارع المنبر ..قوانين ابريل ساريه المفعول الان ..اصبحت اخاف ..احسب كلماتي هنا وهنالك ..اضع حاجزا بيني وبين الجندريات ..اهاب الشيوخ ..اسلم من بعيد ..علي الذهاب الان ..في طائره حربيه في الجو واحتمال اتعرض للقصف ..

GIR GIR GIR GIR GIR

شنو يا محب
والله الخواف ربا عيالو
ونحنا عشان ما خوافين عاملين ربا
الدواس الكى بوردى هلا هلا هلا
طبعا انا العذر انى خرفانة ودا بيطلع من جريمة قتل خلى شكلة بورد
شايف كيف اهمية ان تكون عجوزا؟

من سهيرالبابلى الى محب تهدى له اغنية فى البحر غواصات بمناسبة الحلاقة الجديدة.. كما تهدى هذه الاغنية لملاسى بمناسبة فرز عيشته ببوست الامثال والحبيبات ندى وندى بمناسبة الاختفاء المريب..
وابن العم تهراقا بمناسبة عدم الحلاقة والصلعة الدائمة
لكما جميعا ندى القلعة
فى اغنية فى البحر طيارات وفى الجو غواصات
صلحو السماعات واستعدو بالله
بمناسبة الاختفاء..

محب،

Quote: مبروك خالص ..عملتوا "نكد"بنجاح باهر ..شكرا علي المرور من هنا

عفواً
Anytime

انا حالتى قللت النكد بعد وساطة د.بيان ما بنقدر نزعلها و شكرا للاغنية.

حبيب الكل كب الزوغة وفر هاربا تاركا شباشبه
وقصيدته المسروقة، بعد الهجمة الإقصائية الشرسة من الاختين الكريمتين ندى وندى أما ندى الثالثة فقد إستكانت عندما رأت
ان الهجمه المركزة قد أتت بأكلها وذلك بفرار الاخ حبيب الكل

عد إلينا يا حبيب الكل بس ورينا صاحب القصيدة وحنعملك
شاهد ملك ، وكما لا أنسى ان اضيف ( اتا أضيف) بطرد
الكاتب والقاص اسامة الخواض اللى ما بتفهم البوست بتاعوا
إلا تقراهو من تحت لى فوق مع حوصة فى العين لزوم التركيز.

فوق ..فوق ..وحربي مازالت مستعره ..اين سيفي ورمحي ..