سؤال برئ...ما معنى كلمه غوغاء؟

السلام عليكم ورحمه الله

يا جماعه والله انا ما بستهبل ولا حاجه لكن لقيت الكثير فى البورد بيقول للتانى غوغاء وحقيقه حسيت نفسى زى الاطرش فى الزفه وما عارفه معنى الكلمه ده شنو؟ وهل معناهو كويس ولا كعب...ما حبيت اسأل اهلى عن معنى الكلمه يطلع معناها كعب يقومو يقولو لى جبتي الكلمه ده من وين...يا جماعه عليكم الله من غير سخريه قولو لى معناها شنو؟ فى كلمه تانيه سمعتها وماعرفت معناها , لو كان معناها ما كويس ارجو من رجال البورد انو ما يكتبو معناها وممكن واحده تاخد فينى الاجر وتورينى ليها بالماسنجر...الكلمه هى مخستك...اها يا جماعه حتورونى؟


وفى امان الله

لا اله الا الله

بت الأحفـاد..
الغـوغــاء كلمـة تستعمل للدلالـة على الســوقــة. مثال: صعاليك الســوق اللى لو سمعــوا كلمــة حـرامى، يجـروا ورا الزول يدقـوه لحـدى ما مرات يمـوت! دون أن يعـرفـوا من الذى صـرخ بكلمـة حـرامى.

أما مخستهـا، فلم أسمـع بهـا.
الله يحفـظ ليك طيبتك دى.
فى أمان الله
لا إله إلا الله

الأخت بنت الأحفاد تحية طيبة


يا أختي الناس الغوغاء هم الناس الذين يرفعون صوتهم بكلام غير معروف أو ليس له معنى

أما كلمة مخستك فمعناها ليس منه فائدة يعني لو قلت ليك بوستك دا مخستك يعني...


لكن يا بت الأحفاد شنو حكاية الأسئلةالبريئة الكترت اليومين دي ؟؟؟؟ برضو سؤال برئ


تحياتي

غوغاء ديل زيي انا و دكين و سجيمان
و مخستك جايه من خستك يخستك خستكتآ
يعنى ممكن تقولى الجو فى البورد الايام دى مخستك
او ردى عليك ده مخستك جدآ

ابنتى بت الاحفاد

Quote: الغاغُ الحَبَقُ ، واحدته غاغةٌ و الغاغةُ نبات يشبه الهربُون وفي حديث عمر : قال له ابن عوف : يَحْضُرُكَ غَوْغاءُ الناسِ ، أَصل الغَوْغاءِ الجَرادُ حين يَخِفُّ للطَّيرانِ ثم Quote: استعير للسَّفِلةِ من الناسِ والمُتَسَرِّعين إلى الشرِّ ، ويجوز أَن يكون من الغَوْغاءِ الصوتِ والجَلَبةِ لكثرة لَغَطِهم وصِياحِهِم

وردت هكذا فى معجم لسان العرب دون تفصيلات
اذا كانوا ظلامين او يسارين
ولذلك قد تكون نسبية
اى
قد نطلقهانحن الظلامين على الآخر الذى يقوم بعمل الغاغات
والعكس بالعكس

يا زولة الدكتورة ما قصرت معاك
شرحت ليك الموضوع كلوا بي ابلغ
( بيان) لكن بالنسبة لي كلمة
مخستك دي فأنتظري مني مسينجر

أعتقد أنها تعني المجموع الذي ينساق وراء عواطفه ويعطل
عقله وفكره وتماثلها كلمة الرجرجة والدهماء ..ويعارضها
تعبير الصفوة الفكرية.... ويستخدمها البعض خطاء
بمعني العوام ... هذه المعاني ترد في السياق السياسي
والاجتماعي أصطلاحا ولايعني بالضرورة مطابقة ذلك
للمعني اللغوي الحرفي
وشكرا ـ كمال

Quote: ويستخدمها البعض خطاء بمعني العوام ... هذه المعاني ترد في السياق السياسي والاجتماعي أصطلاحا ولايعني بالضرورة مطابقة ذلك للمعني اللغوي الحرفي

اخى كمال
اسمح لى ان اختلف معك فى كونها قد تكون مصطلحا سياسيا
لا يطابق المعنى الحرفى للغة
منذ عهد سيدنا عمر رضى الله عنه تستخدم بنفس المعنى اللغوى
ولاتتوفر فيها اى تحاميل أخرى لتجعلها اصطلاحا
الان انها فى هذا المنبر يجيد استخدامها الطرف الاخر فتحولت
الى واحدة من مفردات نعت الآخر عندهم
مثل كلمة ظلامى هذه
فأنا فى داخلى لديى ايمان قوى ان الظلامى هو الشخص الذى لا يؤمن بالله فحلت الظلمة فى قليه و عقله فصار مظلم الدواخل
وعندما استخدمها صار ظلاميا
فندخل هذا كاصطلاح فى ادب الحوارت القامعة للاخر

الاخت بيان..
تحية قصدت أن كلمة غوغاء أستخدمت في الادب السياسي
والاعلامي العربي بما يعني المجاميع التي يسهل تهييجها
وأثارتها .. لتقوم بالشغب والثورة وقد أستخدمت
منذ أيام الثورة الفرنسية وثورة 1919 في مصر
وقد رادفها في الاستخدام السياسي كلمات مثل
رعاع ، دهماء, رجرجة ... وقد وصف مؤرخوا مصر
أعمال الشغب والثورة عام 1805 والتي أعقبت أنهيار
الحكم المملوكي وانسحاب الفرنسيين وصف أولائك المؤرخين
تلك الاحداث بأنها أعمال غوغاء ورعاع ...
ومن ثم سار هذا التعبير ليصف المجاميع التي يطغي عليها
الحماس والعاطفة ويغيب فيها العقل بالغوغاء
وبالتأكيد أن مثل هولاء سيكونوا متسرعين للشر
ويتميزو باللغط وكثرة الصياح كما تفضلت بالذكر
وفعلا حين يغيب العقل وتطغي العاطفة يكثر الصخب
والضجيج وتكون النتيجة المنطقية التسرع لفعل
الشر... ملحوظة تستخدم بعض النخب السائدة مثل هذه العبارات
لتصف بها الثورة والانتفاضة والتحركات الجماهيرية
الواعية والهادفة لتقليل من شأنها والسخرية من
القائميين ... وطبعا الاستخدام هذا غرضه التشويه ..

كمال

..
.


قال علي رضي الله عنه: ( الناس ثلاثة عالم رباني ‘ ومتعلم على سبيل نجاة ‘ وهمج رعاع غوغاء أتباع كل ناعق ‘
يميلون مع كل ريح ‘ لم يستضيئوا بنور العلم ‘ ولم يلجؤا إلى ركن وثيق )

أخرجه الخطيب في الفقيه والمتفقه .( 1/94 )

آى همج ..
رعاع ..
رجرجه دهماء ..
وانتشر المصطلح ابان الثورة الفرنسية ثم استخدم فى مصر كما تفضل الاخ / كمال بشرح مستفيض بذلك ..
كما تأخذ معنى الامعة كما ورد فى الحديث (اتباع كل ناعق )
ووبالهجة العامية نقول ( فسية ديك ) وفسية الديك(مؤخرته او ذيله)
وكما يميل ذيل الديك فى كل اتجاه فهم يميلون ( يميل مع كل ريح )
او اولئك الذين يملاؤن المنابر والندوات والمنتديات ضجيجاً وصياحاً
بشعارات ومقولات ونظريات لا تمت الى الواقعية فقد لاثبات وجودهم .

مخستك ..كلمة او مصطح من اللهجة العامية السودانية
وخستك يعنى فشل او لا فائدة ترجى منه ..
وهذا امر مخستك اى امر فاشل لا ينفع ولا يفيد.

تحياتى

شكرا بيان وتبلدينا
انا كنت قايل معناها الشعب السوداني
لكن هسة عرفت أنهاالجراد السوداني
جني

الاخوه والاخوات الكرام

Abureesh
ABUHUSSEIN
مراويد
د/بيان
حبيب نورة
kamalabas
Tabaldina
jini

اشكركم كثيرا للتوضيح , معليش عن ازنكم لو سمعتا كلمه تانيه وما فهمتها بجى بكتبها هنا...تشكروا لتعاونكم وجزاكم الله كل خير


وفى امان الله

لا اله الا الله

Quote: ما حبيت اسأل اهلى عن معنى الكلمه يطلع معناها كعب يقومو يقولو لى جبتي الكلمه ده من وين...

شكرا جزيلا اختى بنت الاحفاد.



لك الموده

نامل الا تستخدمى الكلمه المذكوه ( مخستك ) فهى سوقيه بحته
ويكفى فقط معرفه معناها المشار اليه فوق ولك كل الود

بت الاحفاد
وكمان هوادة ليكم
غوغاء
يعني الزول البرااااااي الما إندو مودوع

Quote: يقومو يقولو لى جبتي الكلمه ده من وين...

انتي بتذكري المؤنث مالك
انتي من عندنا ولا أيه؟

غوغاء بالضبط ذي الكوادر بتاعة بكري ابو كادر السرية المنتشرة في المنبر الحر..

مرة ابوي الله يديهو العافية قال لي لامن خبتا اخوي الاصغر بي صابونة غسيل في ضهرو ..
انتا اصلك فوضجي غوغائي ..
زيك ذي هاشم بدر الدين
لا ببتقارع الحجة بالحجة ..
ولا المنطق بالمنطق ..



من ديك وانا عرفتا المعنى...


خستكة مافيها اي شي يعيب..فما تتهيبي جميل المعاني ودرر الحديث

ولا ضير في استخدامها امام الجميع ..

ومعناتا اللستك لامن ينقطع معناتا خستك..

يعين لو عندك لتسك بتاع قروش وقمتي جريتيهو شديييييد وطق انقطع معناتا خستق..


والسلام
ودكين دوما في الخدمة ..



مروايد
بلاي لامن تجيب سيرة اخوك دكين تاني اعمل المواخذة..
البورداباب ديل خاتني مع رفقاء السوء..

الاخوه الكرام

mohamed elshiekh
SAdo7
كبسيبة
mohammed alfadla
DKEEN


مشكورين يا جماعه والله ما قصرتو, بارك الله فيكم وجزاكم كل خير



وفى امان الله

لا اله الا الله