مالم يقوله مالك في البورد00!!!؟؟؟ طالعني الخلا

سلام
ولأني موجود في السودان ، جلدي تخن وصار الذي يغيظني قليل 00قليل
وانا هنا في قلب التناقضات المضحكة المبكية في آن
والقراية ام دق 000 والشغل0000 والحيكومة00 وكلها مصائب من العيار الثقيل 0
وما غاظني سادتي حتي صرت اكلم نفسي00 هذا الذي يحدث في المنبر الان 000 المقصود هنا بوستات اطالب باثبات ( انو فلان قال لعلان : شنو كدا ) 00 وقام علان قاليهو : (( انت ذاتك ما قلته كدا)).
مع العلم إنه ليس عيبا ان يطالب فلان كما ليس عارا ان يطالب علان .. لكن الغريب سادتي الافاضل ؟ إنو فلان وعلان اتشاكلوا في بوست محدد في كلمة او كلمتين قالها فلان لعلان او العكس .
لكن ان يخرج فلان ببوست اخر.. وعلان يقارعه البوست بالبوست (والبوست اظلم ) وووو0000 ووووو
ويراق دم الباندوث سىء السمعة علي مذبح الإدارة ؟؟؟؟؟!!!!!!!!!
ويراق رواب المزاج الداخرنو لعوذة ..!!!!؟؟؟؟
ذلك سادتي ما يذبح غيظا..
عليه اقترح الاتي :-
علي ان لا يفهم كلامي علي انه دعوة للعنف ، وانا من المؤيدين للحوار مع الآخر .
اقترح :-
ان يكون هنالك خلا في المنبر عندما يحلف فلان براس ابوه انو ما يقتنع 0000 وعلان يحلف حلف فوق حلفو .. ونكون نحن فهمنا كلاهما... وحددنا موقفنا ... وذلك لا يستدعي بالضرورة ان نقول
معاك يا رائع .. يد بيد يا مدهش ...
المهم 00 عرفنا والسلام000
وخرج الامر من معناه العام الىالخسوسى شديد وبدأ نشر غسيل لايعنينا ولايفيد كل محليلى السياسة بكل مدارسهاالعامة والخاصة عندهايأتى الامين العام ويطلع بوست يسميهو الخلا يدخل أليه فلان وعلان ويعمليهو باص ورد يرسلها لمن يرغب فى بريدو الخاص ويسحب فلان وعلان من المنبر العام ونكون سادتى بهذا المقترح العبقرى لا ندعو للفصل او التشريد ولكن ندعو لترشيد البورد
لازمة مهمة:- من الشتائم ما يغض المضجع او كما قال مظفر يعلق كعلكة بغى تلصقه الايام بقلبك ويحميك الرقده حتى لو لم تكن المقصود به
مساعدة مجانيه: لو اراد منكم احدا ان يجد اقزع الشتائم عليه ان يبحث فى google ليجد ان لمنبرنا الحر نصيب الاسد
سلام

سادة

سلامات
الهيجات دى موسمية
بتجى لما البحر يقوم
والقمر يكون قمر 14

ذات يوم فى زمن ما
يشبه هذا اليوم
دعنى اقول لك ما اشبه اليوم بالبارحة
كتبت بوست بنفس المعنى

فى البوردShock & Awe وطالعنى الخلا و ثكلتك أمك

الاخت بيان
سلامات
البوست الرسلتيهو ابا يفتح لكن للضمان كدا القلوب شواهد
باكر لو فى العمر بقيه بحاول معاهو لانو انا على مرقه ويمكن تقرا على فلسه
لكن بالله عليك لما القمر يبقى 14 والونسه تحلا تجى ناطه جنس البوستات دى ولا يجينا العم جوى بألوانه الزاهيه والمدهشه
وهذا الكلام (الشكر) دون عناق جبان لانى مثلك اكرهه
وبمناسبة الكديسه كده انا برد ليك الزياره فى حوش جوى الحميم ذاك
سلام

الاخ سادة
شكرا ليك على كلامك الطيب
كما يقولون
عدو عدوى صديقى
فصديق صديقى صديق
بعيدا عن الشعرة فى الحساء
والابتسامات السردينية والعناق الجبان
حللت سهلا مع العم جوى واتمنى ان تعرج على بوست العم لينو
والسلام

لمحمود درويش الشاعر الاقرب الى الروح ديوان شعر جديد لنج اظنكم تعرفونه اسمه لا تعتذر عمافعلت وها انا اخرج عليه لاقول
اعتذر عما كتبت وعما لم تكتب
اعتذر عما سوف تكتبه وعن ما لن تكتبه
اعتذر عما قرأته وما لم تقرأه
اعتذر يا صديقى فجميل ان تعتذر
اعتذر يا راجل وخلصنا
ما يضير الناس لو تعتذر كل ما زول مشى سأل منك فى البيت يقولوا ليهو تأبط عذرا وخرج فتصير تأبط عذرا على وزن تأبط شرا شاعرنا الجاهلى
وبلغة الكورة اعتذر وافتح خانه خلى الباص يصلك والكورة تمش
وعلى طريقة الاغانى
سامحنى غلطان بعتذر، واعتذار لعصام محمد نور غنيه لاغبار عليها، عذرا حبيبى، وما تسمعوا كلام وردى بتاع اعتذارك ما بفيد الاعتذار هنا يفيد لو حفظ بعيدا عن متناول الاطفال و فى درجة حرارة المنبر