Post: #1
Title: وين نيمة رجاء الظليلة
Author: essam&amal
Date: 03-09-2004, 10:28 PM
كان عندنا نيمة ظليلة زرعتها لينا رجاء وسقتها بحبها الكبير لكل
من يبحث عن الامان والراحة 0
هربنا كلنا وادسينا فيها ونادينا باقى الحبايب وفرشنا العناقريب
التقال انا وعلى عثمان وود الشيخ محمد ما قصر ابدا هو المكتشف
حقنا للواحة دى وجاتنا حنينة الحنينة و راوية بعد ما جاتها ريحة النيمة الحلوة وشمت فيها ريحة الشقيقة بت العباسى جاتنا تجرى بعد مارشه الرملة سوركتى وشال العناقريب وقال اتفرجخوا فى الواطة محمد الشيخ جاب حيوانات الهنا وهالة قوته هلت علينا زى هلال رمضان ونورت النيمة وسوركتى جاب العود وجاء يجرى وقال ده طلب الحبيبه راوية
وقعدنا اترصينا عشان نغنى وفجأة اختفوا الناس كلهم بس انا وود الشيخ اتلاقينا فى النيمة يوم كامل برانا وعملنا لينا مسلسل وحضرنا السيناريو ومنتظرين سوكتى بالاخراج وتماضر بالتمثيل وباقى المبدعين وفجأة اختفت النيمة 0
امال
ام وضاح
|
Post: #2
Title: Re: وين نيمة رجاء الظليلة
Author: Rawia
Date: 03-09-2004, 10:43 PM
Parent: #1
يا حليل النيمه
|
Post: #3
Title: Re: وين نيمة رجاء الظليلة
Author: essam&amal
Date: 03-10-2004, 05:07 PM
Parent: #1
يا رجاء انا منتظراك وين رحلتى النيمة الظليلة
وين انتى ما ظاهره ابدا ان شاء المانع خير
اظهر وبان عليك الامان
امال
ام وضاح
|
Post: #4
Title: Re: وين نيمة رجاء الظليلة
Author: ali othman
Date: 03-10-2004, 05:25 PM
Parent: #1
أم وضاح وراوية
كيفنكن ، والله رأسي مقطوع ومسخن وحالتي بالبلاء من متقطعوا النيمة
ومافي زول بيديك جواب شافي عن الحاصل ، اظن لي سيد الحوش مادخل علينا بجاي عشان يعرف الحاصل شنو حقوا نعمل ليهو نداء بأسمه عديل كده ونطالبه برجيعها تاني ، والنيمة ماخسارة فيها الباندوث
|
Post: #5
Title: Re: وين نيمة رجاء الظليلة
Author: Raja
Date: 03-10-2004, 05:43 PM
Parent: #1
الأحباب آمال، راوية وعلي..
ده النيم أول حاجة الأعصار بيشيلها..
بركة الأنتو لسة قاعدين..
|
Post: #6
Title: Re: وين نيمة رجاء الظليلة
Author: essam&amal
Date: 03-11-2004, 03:40 PM
Parent: #1
راوية وعلى ورجاء
لا يا رجاء النيمة بتاعتك قوية بعزيمتك انت وحبايبك المشاركنك
مافى شىء يقدر يقلعها 0
ايدى على ايدك وباقى الحبايب عشان نرجعها تانى والله محتاجين ليها
شديد بس هى زى ما قال على عثمان ودوها وين من غير اذن0
نحن عاوزين نيمتنا ذاتها 0000
امال
ام وضاح
|
Post: #7
Title: Re: وين نيمة رجاء الظليلة
Author: Raja
Date: 03-11-2004, 08:08 PM
Parent: #6
الحبيبة آمال..
كلامك صاح.. بس انا كنت محبطة شديييد هسع بقى شوووية  ..
وعليك علي طول ما في ناس حلوة، جوة وبره، زيك وحنونة وعلي ومحمد الشيخ وايمان وسوركتي وهلولة وراوية ما حيتغير المنبر ده، وطبعا انحنا كنا راجين باقي الحبايب الحلوين يجوا..
أكيد حنعمل نيمة تانية..
دمتي يا غالية
|
Post: #8
Title: Re: وين نيمة رجاء الظليلة
Author: ali othman
Date: 03-12-2004, 01:56 PM
Parent: #1
سلامات
قايتو انا مشيت الحطّابة جبت لي كم مرق كده عشان نعمل لينا راكوبة في الحتة دي لحدي مابكري يرجع النيمة ، بس حسه واحدة فيكن تمشي تجيب لينا عناقريب من الجيران .
وشوفوا لينا خالد ولا تمبس ينزل لينا غنوة تحت فيحاء الخميلة .
|
Post: #9
Title: Re: وين نيمة رجاء الظليلة
Author: Abd-Elrhman sorkati
Date: 03-12-2004, 02:44 PM
Parent: #1
علي عثمان سلام
تحت فيحاء الخميلة 00
وألا تحت فيحاء الراكوبة
|
Post: #10
Title: Re: وين نيمة رجاء الظليلة
Author: ali othman
Date: 03-12-2004, 02:56 PM
Parent: #1
الله يسلمك ياعبدالرحمن
الراكوبة في بس عاوزين نخلدالخميلة ( نيمتنا)
|
Post: #11
Title: Re: وين نيمة رجاء الظليلة
Author: Abd-Elrhman sorkati
Date: 03-12-2004, 03:06 PM
Parent: #1
يلا يا علي
نحن في الانتظار 000 ومستنين باقي الشباب وبرضوا نسميها
راكوبة رجاء0000 وما مهم المكان مهم الصحبة 00ودمت
|
Post: #12
Title: Re: وين نيمة رجاء الظليلة
Author: ali othman
Date: 03-12-2004, 03:12 PM
Parent: #1
والله نحن مابنتنازل عن نيمتنا وحنعمل لينا حملة تواقيع واضراب واعتصام لحدي ماترجع
|
Post: #13
Title: Re: وين نيمة رجاء الظليلة
Author: essam&amal
Date: 03-12-2004, 05:01 PM
Parent: #1
الاعزاء على عثمان وسوركتى
راكوبة شنو عاوزين نيمتنا نسوى فيها راكوبة ولا اى حاجة بعدين على كيفنا ، المهم النيمة الزرعتها رجاء ما بنتنازل عنها ابدا 0
وبكرى مطنشنا ارحكم للشايقى سيد الحوبة التانى الحمد لله رجع لينا بالسلامة خالد الحاج يا ابوى النيمة وديتوها فى ياتو ارشيف رجعوها لينا عشان نسقيها باقلامنا قبال ما تنشف وعلى عثمان واقف كم يوم مستنى ولو عمل مظاهرة نحن وراه وانتوا عارفين الشعب السودانى فى المظاهرات يلا 000
يا على عثمان عصيان مدنى طوالى ونحن ما عليك نهتف على طول
( صفا واحد خلف القائد )
امال
ام وضاح
|
Post: #14
Title: Re: وين نيمة رجاء الظليلة
Author: ali othman
Date: 03-12-2004, 05:21 PM
Parent: #1
أم وضاح
اضعف الإيمان نخلي فروعها مظللة الصفحة الأولى
وبإسم مشردي البورد اللاجئين بنيمة بت العباسي نطالب بأعادة النيمة
|
Post: #15
Title: Re: وين نيمة رجاء الظليلة
Author: essam&amal
Date: 03-12-2004, 05:25 PM
Parent: #1
يلا ياابو السمحين
ايدى على ايدك وايدين الحبايب من الصفحة الاولى النيمة دى
فروعها ما تطلع ابدا 00
شد حيلك يا على
امال
ام وضاح
|
Post: #16
Title: Re: وين نيمة رجاء الظليلة
Author: Raja
Date: 03-12-2004, 05:47 PM
Parent: #1
الأحباب سوركتي وعلي وآمال..
كيف قيلتو..؟
ما تتخيلو فرحتي لما دخلت وشفتكم قاعدين..
يااااه ما فيش أحلى من كده..
غايتو لازم نعمل عريضة لاعادة النيمة.. يا اخوان ساعدونا بفكرة ولا فتوى نعمل بيها شبورة ارهاب  ..
|
Post: #17
Title: Re: وين نيمة رجاء الظليلة
Author: ali othman
Date: 03-12-2004, 05:53 PM
Parent: #1
الأخت رجاء
اول حاجة نعملها انو نوحد توقيعاتنا بشعار مرتبط بالنيمة
وثاني حاجة انتي وام وضاح وتقنعي راوية تهددوا بالإنسحاب ( طبعا أنا لو عملت كده حيقولوا بركة الجات منك يالجامع )
ولو حنسوكم قولوا مابترجعوا الا يرجعوا النيمة
|
Post: #19
Title: Re: وين نيمة رجاء الظليلة
Author: Raja
Date: 03-12-2004, 06:21 PM
Parent: #17
|
Post: #18
Title: Re: وين نيمة رجاء الظليلة
Author: ali othman
Date: 03-12-2004, 05:57 PM
Parent: #1
اها بكره صاحبي عندو جاره عيد ميلاد ولده لو ما رجعوا النيمة بنزل لي بوست تهنيئة في الصفحة الأولى
|
Post: #20
Title: Re: وين نيمة رجاء الظليلة
Author: essam&amal
Date: 03-12-2004, 06:23 PM
Parent: #1
عيد ميلاد جيران صاحبك ؟
احكى ليكم قصة ظريفة حصلت لى فى السودان عندما ذهبت لختان وضاح
( ذكرنى ليها على عثمان العاوز يتشبك لينا مع الناس ديل )
فى الحفلة شفت لى واحدة شكلها غريب مننا وزى عاوزة تعمل مشكلة مع
ناس البيت مشيت قلت ليها منو انت ومالك زعلانة، قالت لى اول تسألينى مالك زعلانة بعدين منو انت ، انا زعلت من طريقة كلامها، وقبل ما اتكلم لقيت الناس كل واحد يغمز لى بجهة ما معناه اسكتى وعلى طول ردت هى تانى انا بت عم العريس اسمى حنان لبط عندك كلام واقدر اعرف انتى منو موجهة سؤالها لى ( وطبعا ده ما عرس ده ختان وضاح ) فى نفس اللحظة رد عليها اخوى لمعرفته التامة بها نحن قرايب العروس قالت لينا يلا اتفضلوا اقعدوا بقينا اهل 0
بعدين عرفت لو قلت كلمة زيادة تفرتق الحفلة كلها وبتلعب كاراتيه تمام وراكبه ليها موتر كمان 0
اها يا حنان لبط اقصد يا على يا اخوى ما تتلبط لينا ساكت بى جيران صاحبك نيمتناماشة زى العجب ومزدهرة وعيد ميلاد جيران صاحبك هنيه فى الجريدة اليومية صفحت الاجتماعيات يا اخوى 0
اها رجوته حبيبتى استقالة بالجملة على راى ابو محمد ولا بطنشونا
احسن نزرع نيمتنا والخير الفينا كتير نحمد الله والحبايب بجوا داخلين بالميات 0
رايكم يا على ورجاء وسوركتى وباقى الحبان 0
امال
ام وضاح
|
Post: #21
Title: Re: وين نيمة رجاء الظليلة
Author: ali othman
Date: 03-12-2004, 06:33 PM
Parent: #1
في داعي للشبك دي ؟؟؟؟؟
اها قلتي بت عم العريس انتي الوداكي تتشبكي شنو ؟ لووووول
والله معاكي شتلتنا دي نسقيها وبكره تفرهد وتلم كل الأحباب
|
Post: #22
Title: Re: وين نيمة رجاء الظليلة
Author: ali othman
Date: 03-12-2004, 06:37 PM
Parent: #1
ياجماعة وين زمراوي وود الشيخ وحنينة وراوية ؟
|
Post: #23
Title: Re: وين نيمة رجاء الظليلة
Author: ali othman
Date: 03-12-2004, 06:51 PM
Parent: #1
النيمة دي ياقعدتو اتحكرتوا معانا ياعملنا ليكم بيها وجع وش
|
Post: #24
Title: Re: وين نيمة رجاء الظليلة
Author: Raja
Date: 03-12-2004, 07:06 PM
Parent: #23
|
Post: #25
Title: Re: وين نيمة رجاء الظليلة
Author: Rawia
Date: 03-12-2004, 07:20 PM
Parent: #1
سلام ياناس النيمه
رجاء الله يجازى محنك قال الاستاذ نيمه قال
غايتو انا فى المعمعه الحاصله دى بخجل اسال من النيمه
لكن عندى راى
بدل مانفتش ديك ربنا يدينا العمر والصحه واهو كلنا فى
خلاص نبداها من هنا وانا حاجزه الحجرة ديك
|
Post: #26
Title: Re: وين نيمة رجاء الظليلة
Author: Raja
Date: 03-12-2004, 07:41 PM
Parent: #25
|
Post: #27
Title: Re: وين نيمة رجاء الظليلة
Author: Abd-Elrhman sorkati
Date: 03-12-2004, 10:41 PM
Parent: #1
الاعزاء
علي عثمان 000 ام وضاح 00 رجاء 000راوية
انا يتخيل لي ما في اي مشكلة 000 عندنا فرقة جميلة جدا من البنات
الزهرات الصغيرات أسمها ألوان الطيف عندهم أغنية جميلة ومعبرة
وانا ايمانا بالاعمال الفنية الجادة بادعوكم للتواصل عبر هذا
البوست بأعتبار أنه (نيمة)000 لانو لو ما عملنا كدة حا ناكل نيم
أغنية زهرات ألوان الطيف بتقول00
لو تزرع بذرة00 تطلع شجرة
تبذر بذرة000 تنبت شجرة تاني
شجرة وشجرة تساوي شجرتين
شجرة وشجرة وشجرة بتعمل غابة
خذوا الحكمة من أطفالنا الحلوين وأجعلوا هذا البوست هو النيمة
بتاعتنا00 والنيمة يا حلوين رمز وممكن تحت ضلها نعمل عمايل
يلا انا اتحكرت واتفرجخت ومستنيكم000
|
Post: #28
Title: Re: وين نيمة رجاء الظليلة
Author: Ehab Eltayeb
Date: 03-12-2004, 11:27 PM
Parent: #1
ناس النيمة ازيكم:
انا طبعا ما فاهم اى حاجه وطالما الموضوع ليه علاقة (بالبلح? زي ما قا لعادل امام) اقصد بالنيمة وبقيادة رجاء وامال وعلي عثمان وراوية,,فانا اؤويد بشدة واضم صوتى الي صوتكم..
بدار جدي ( بالولي) نيمة كبيرة بجتمع بها كل الاهل والاحباب في عز النهار والهجير والجبنة مدورة..
ويا رجاء زي ما بقولو امرأة نخلة حانقول ليك امرأة نيمة..
ودمتم...
|
Post: #29
Title: Re: وين نيمة رجاء الظليلة
Author: Raja
Date: 03-13-2004, 00:10 AM
Parent: #28
أهلييييين بي ايهاب..
شفتو يا شباب أهو الحبايب هلوا..
طبعا نيمتنا دي كانت في غرفة اجتماعيات الأعضاء، وبعد ما اتحكرنا وجبنا الشاي واللقيمات، ومحمد الشيخ جاب الريكوردر والشرايط الما حصلت، وسوركتي جاب العود.. صبحنا لقينا النيمة مافي.. وقعدنا نسأل في بعض لغاية ما آمال جابتنا هنا.. وان شا الله تبقى زي نيمة جدكم الفي البلد..
مرحبتين
|
Post: #30
Title: Re: وين نيمة رجاء الظليلة
Author: haneena
Date: 03-13-2004, 00:52 AM
Parent: #29
اهلااااااااااااااااااااااا ياناس النيمة
والله ليكم وحشة
انا كنت مشغولة جدآ الايام الفاتت جيت دخلت قبل 3 ايام ولقيت النيمة قطعوها
بيني و بينكم بطني طمت
اها و من ديك و عيك
بجيكم راجعة بس مشغولة
معاي ضيفة عزيزة الايام دي من ناس البورد و النيمة
انقروا منو؟؟
|
Post: #31
Title: Re: وين نيمة رجاء الظليلة
Author: Raja
Date: 03-13-2004, 01:16 AM
Parent: #30
|
Post: #32
Title: Re: وين نيمة رجاء الظليلة
Author: mustafa mudathir
Date: 03-13-2004, 02:58 AM
Parent: #31
أنا ناس البلدية
النيمة دي قالو نشيلها عشان توسيع الشارع
يللا فرتقوا.
شوفو ليكم وبسايت و لا فاكس اتلمو فيهو!!!!
|
Post: #33
Title: Re: وين نيمة رجاء الظليلة
Author: Raja
Date: 03-13-2004, 03:18 AM
Parent: #32
أهلا ألف بمصطفى مدثر.. أهــا الحبايب زادو واحد..
وشكلها قعدة النيمة حتحلو يا جماعة..
تصدق انحنا أساسا كنا مفرتقين بي هناك.. قدرة قادر الجابتنا بي هنا ..
|
Post: #34
Title: Re: وين نيمة رجاء الظليلة
Author: ali othman
Date: 03-13-2004, 08:53 AM
Parent: #1
Quote: أنا ناس البلدية
النيمة دي قالو نشيلها عشان توسيع الشارع
يللا فرتقوا.
|
قال توسيع الشارع قال طول عمرنا بنعرف ناس البلدية بيعملوا كشة على السوق وبيرفعوا الحاجات في البوكس وبودوها بيتهم .
|
Post: #35
Title: Re: وين نيمة رجاء الظليلة
Author: ali othman
Date: 03-13-2004, 02:38 PM
Parent: #1
فوق
|
Post: #36
Title: Re: وين نيمة رجاء الظليلة
Author: essam&amal
Date: 03-13-2004, 03:18 PM
Parent: #1
العزيز ايهاب
مرحب بيك فى النيمة ياالغالى وشد حيلك نحن عاوزين نيمة جدك بى حالها لكن اوعى تطول مننا لازم يومى تمر بى هنا0
يا بتاع البلدية انت يا خسارة بدل ما تجمع وتزيد الحبايب داير
تفرتق يا قول اهل رجاء اولاد بمبا ( الا على جتتى ) يا خسارة يا ود الشيخ ارجع واعتذر وما حنقبل اعتذارك الا تجيب معاك خمسة من احلى الحبايب الجنبك بى هناك 0
واقول ليك حاجة كان جبته كل عربات البلدية ما بتقدر على النيمة لانها جذورها قوية وساقنها الحب الصادق البيننا كلنا0
حنينة الحنونة مشيتى وين نحن نعزى لينا كم يوم على نيمتنا الغالية
غلاوة رجاء يلا هلى انت وضيفتك ونوروا النيمة 0
انت يا محمد الشيخ سمعت ولا جابوه ليك يا اخوى اضانى طرشة ولا طله
يا سوركتى خلاص نحن تبعك والاغنية حلوة شديد وحنعمل بيها طوالى بس
جيب العود وتعال تلقانا مفرجخين كلنا فى الدايمة دى 0
على عثمان يا اخوى ما تنسى انه اتعاهدنا النيمة دى ما تمرق من هنا
بس محلها الرئيسية دى وكلكم البجى ماشى وما عنده موضوع بس فوق
( فوق فوق نيمتنا فوق )
فى الانتظار لباقى الحبايب00000000
امال
ام وضاح
|
Post: #37
Title: Re: وين نيمة رجاء الظليلة
Author: essam&amal
Date: 03-14-2004, 04:30 PM
Parent: #1
سلام هوووووى سجمى النيمة خلا يا كافى البلا 0000
تعالى يا النيمة هنا ليه مشيتى الصفحة التانية
ده بتاع البلدية شالك ما عنده ذوق ابدا 0
ارجعى للصفحة الاولى لحدما يجى على عثمان اصله رجاء
ما حارنها تجى فى اليومين ديل مع سمعة الراجل وشرفه
عاذرنها خلوها تاخد لينا حقنا بهناك ان شاء الله بت
العباسى يوم شكرها ما يجى وتسلمى يا نصيرة المرأة 0
امال
ام وضاح
|
Post: #38
Title: Re: وين نيمة رجاء الظليلة
Author: mustafa mudathir
Date: 03-15-2004, 01:27 AM
Parent: #37
Up
|
Post: #39
Title: Re: وين نيمة رجاء الظليلة
Author: essam&amal
Date: 03-15-2004, 04:33 PM
Parent: #1
فوق يا النيمة
انتوا مشيتوا وين يا اخوانى ما قلنا النيمة دى ما تمشى الصفحة التانية ابدا ، على عثمان وين انت بس فصاحة ساكت ما شايف شغلك
ابدا تعال وجيب باقى الحبان 0
امال
ام وضاح
|
Post: #40
Title: Re: وين نيمة رجاء الظليلة
Author: mustafa mudathir
Date: 03-15-2004, 06:49 PM
Parent: #39
يازولة النيمة هديك في اللوري. بعدين أنت قايلة ناس
البلدية يومهم ما بينتهي و يمشوا أهلهم؟
|
Post: #41
Title: Re: وين نيمة رجاء الظليلة
Author: Raja
Date: 03-16-2004, 02:04 AM
Parent: #40
الأحباب آمال ومصطفى صاحب البلدية..
جبت النيمة من بي غااادي..
خلوها هنا لغاية ما اجيها راجعة..
|
Post: #42
Title: Re: وين نيمة رجاء الظليلة
Author: ali othman
Date: 03-16-2004, 08:24 AM
Parent: #1
معليش ياجماعة بس معذور شوية اليومين ديل
فووووووووق
|
Post: #43
Title: Re: وين نيمة رجاء الظليلة
Author: أبو ساندرا
Date: 03-16-2004, 10:14 AM
Parent: #1
في هجير قائظ إلتجأت لنيمة رجاء السامقة { رجاء مش النيمة} ملتمسآ ظلآ يقيني لفح الحرارات والشموس ، نشنت على الهبابي مرخي الحبال ، عليه عود مشدود الأوتار مدوزن ، وفي منطقة وسطى بين الوتر المشدود والحبل المرخي كانت أعصابي ، جست المكان بطرف خفي وعجول محتقبآ فنيات مسح الشارع ، المكان بنظرة لإكتشاف المراقبة وعنصر الأمن المتربص ، تلك العادة التي ورثناها من أيام المطاردات ، ومازالت تطاردنا ، العادة وليس الامن ، شفت رجاء تهب في نار القهوة ، وسوركتي ينظر للعود متحرشآ ، وآمال هدت حيل النيمه عندما إستندت على جذعها مودعة تعب السنين في ساقها،ساق النيمه،،، من فرع تدلت حنان لبط ، وحنان هذه ملكة حفلات الديم والعمارات المتوجة ، تعلن عن مقدمها بهدير البي سي الذي تمتطية بمهارة لا تحسد عليها ، مكانها المفضل في الحفلات بين الاولاد ومثلهم تمامآ تغازل البنات وتتقدم لنيل الشبال ، وتدفع الشير وجنها وجن الفوانيس البتبقبق ، سلمت عليها ردت بأدب إعتدته منها وكان مثار دهشة المراقبين من الأصدقاء اللذين كانوا يلجأو لي لفض نزاعاتها معهم ، وتستجيب وكلو عشان خاطر { الإستاد} هكذا بالدال ، ردت بأدب ، و وينك يا إستاد ، وجبدنا سيرة الحكاوي ، سألتها عن حكايتها مع قرزن ، قال : { وانا واقفة في نص الحفلة وسط للاولاد إذ بي أشعر بإلتصاق غير حميم من ورائي ، جن جنوني ، إلتفت ناوية ان أعاجله بهوك يساري أدمر حنانو ذاتو ، مع اللفتة إذ بي ألقاه المابيغباني ، طاشم لط ، قلت ليهو قرزن ما تزح وراء شوية ، بلسان متعتع بالخمر قال لي معليش يا كبتن قايلك واحد من { الكداينه} ، قالت لي انا مغيوظة ما عارفة إتسد فيهو كيف!!! غايتو انا لو كنت.. ، وحكاية أخرى ، قالت لي مرة أحدهم عايز يمر قال لي عن إذنك يا أخ ،،، الخوخة التقوم في... ورفعت ال تي شيرت وريتو { الكارنيشن} وده دين... قالت لي الولد إنخلع وإتلعثم قال لي والله آسف يأخ ، تتااااني ياااخ المرة دي قربت أجر السسته هبشتها ، الولدد نطر عيونو ، إستدرك الباقين كوركو ليهو ، دي لبط ، لبط ،، لبط ، وصاحبنا فك البيرق,شتت
|
Post: #44
Title: Re: وين نيمة رجاء الظليلة
Author: ali othman
Date: 03-16-2004, 10:59 AM
Parent: #1
ابو ساندرا
حبابك مليون اتوهط كويس
ويابتاع البلدية تعال اقعد ما اصلوا ديتكم فطور وكباية شاي وتنسى الشغلة .
|
Post: #45
Title: Re: وين نيمة رجاء الظليلة
Author: ali othman
Date: 03-16-2004, 11:11 AM
Parent: #1
بالله عليك يارجاء تعالي احرسي نيمتك دي وسيبك من الشبك
ولا حسه امشي اسجل اسمك في البوست بتاع محب .
|
Post: #46
Title: Re: وين نيمة رجاء الظليلة
Author: ali othman
Date: 03-16-2004, 12:46 PM
Parent: #1
دعـــــــــــوة مفتوحـــــــــــــــــــة
حفاظا على هذه النيمة ولكي تظل صامدة قررنا توزيع بنابر لك من يرغب اضافة للشاي واللقيمات عند الطلب وهذا مقابل أن يدفع كل من يرغب في بنبر+ الخدمات أغنية او قصيدة او نكتة او اي حاجة ظريفة وبالعدم يرفع البوست فوق .
والكلام ده والله العظيم والله يكسرني حتة حتة برئ وماقاصد بيهو حاجة
( عشان ماتنطوا لينا في رقبتنا ساكت براي مكتوب بقلم الرصاص لسه )
والعاقبة عندكم في المسرات
|
Post: #47
Title: Re: وين نيمة رجاء الظليلة
Author: ali othman
Date: 03-16-2004, 02:31 PM
Parent: #1
واحد يجي يستلم الوردية بالله
|
Post: #48
Title: Re: وين نيمة رجاء الظليلة
Author: essam&amal
Date: 03-16-2004, 02:50 PM
Parent: #1
مصطفى مدثر بتاع البلدية000
خلاص حجزنا بنبر من الجابهم على وانسى موضوع البلدية البنبر ده غالى والله انا السنة الفاتت رشيت بتاع البلدية بكباية شاى عشان ما يعمل لينا مشكلة فى مخالفة بسيطة قدام البيت ( فى السودان طبعا ) قال لى خليه شاى بلبن نيدو وما عليك ، وبقى صاحبى كل يوم يلقانى مجهزة ليه الشاى وقالوا لى ناس السودان مداوم عندنا لحدى الان يا رسلى لينا عشرة كراتين لبن نيدو كبيرة ولا شوفى لينا صرفة مع صاحبك ده ، وزى ماقال ليك على عثمان ناس البلدية اى حاجة بودوها بيتهم 0
بت العباسى
يختى كفانا سمعة الراجل وشرفه تعالى للنيمة العزيزة 0
على عثمان اقتراحك حلو وهداياك احلى ومغريه والشاى باللبن تمام مع اللقيمات وتكون عاملاها خالتى علوية ام بنات العباسى على شرط تكون حلوة زى بناتها 0
0
امال
ام وضاح
|
Post: #49
Title: Re: وين نيمة رجاء الظليلة
Author: haneena
Date: 03-16-2004, 03:32 PM
Parent: #48
ناس النيمة
سلام
جيناكم يا حبايبنا
والله ليكم وحشة
النيمة شايفة ضلها رمي لبعيد ما شاء الله
اها مارقين انا والكاشف اخوي بت قوتة وجايينكم بعدين
الليلة سعدي يوسف في محاضرة بلندن وحنقابل نفر كريم من البورداب
نحاول نجند البورداب ديل ونجيبهم للنيمة 
لبعدين
|
Post: #50
Title: Re: وين نيمة رجاء الظليلة
Author: essam&amal
Date: 03-16-2004, 03:51 PM
Parent: #1
حنونه 00000000
كيفنك ومبرووك عليكم هاله وتعالوا النيمة ومعاكم
كل الحبايب بعد المحاضرة 0
يا اخوانا الشاف خالد الحاج يقول ليه نزل لينا اغنية
حلوة ولو بقت تحت فيحاء الخميلة نكون شاكريييييين
يا بتاع البلدية كلم خالد الحاج انت ونعتبرها هديه منك
بس ترحل فينا من لورى لى لورى 0
امال
ام وضاح
|
Post: #51
Title: Re: وين نيمة رجاء الظليلة
Author: essam&amal
Date: 03-16-2004, 03:53 PM
Parent: #1
حنونه 00000000
كيفنك ومبرووك عليكم هاله وتعالوا النيمة ومعاكم
كل الحبايب بعد المحاضرة 0
يا اخوانا الشاف خالد الحاج يقول ليه نزل لينا اغنية
حلوة ولو بقت تحت فيحاء الخميلة نكون شاكريييييين
يا بتاع البلدية كلم خالد الحاج انت ونعتبرها هديه منك
بس ترحل فينا من لورى لى لورى 0
امال
ام وضاح
|
Post: #52
Title: Re: وين نيمة رجاء الظليلة
Author: ali othman
Date: 03-16-2004, 04:16 PM
Parent: #1
في البداية كنا في الحلة طيبة الذكر البهناك
وكان موضوع البوست السؤال عن اخوة/ات اعزاء
ونواصل السؤال عنهم
*
*
*
*
كل غائب / ـة عن الساحة أين انتم /ن
|
Post: #53
Title: Re: وين نيمة رجاء الظليلة
Author: ali othman
Date: 03-16-2004, 06:02 PM
Parent: #1
تلبدّت السماء بالغيوم
فحسب الزرع وهما
أنه الغيث قادم
واهم كان
فهي غيوم تلهبك بهجيرها
وتصلاك بنارها
فأحتمي إن وجدت الحمى
|
Post: #54
Title: Re: وين نيمة رجاء الظليلة
Author: ali othman
Date: 03-16-2004, 06:27 PM
Parent: #1
بت العباسي ده كلامك ولا كلام واحد تاني ؟
Quote: الحبيبة آمال..
كلامك صاح.. بس انا كنت محبطة شديييد هسع بقى شوووية ..
وعليك علي طول ما في ناس حلوة، جوة وبره، زيك وحنونة وعلي ومحمد الشيخ وايمان وسوركتي وهلولة وراوية ما حيتغير المنبر ده، وطبعا انحنا كنا راجين باقي الحبايب الحلوين يجوا..
|
يلا طلي من جديد
|
Post: #55
Title: Re: وين نيمة رجاء الظليلة
Author: bayan
Date: 03-17-2004, 03:49 AM
Parent: #54
احم احم احم
نيمتكم ديك انا قطعتها كدى ساكت مروووووووووورة كدا
نحنا غير حق النسوان ما عندنا تعيين
همباتية برؤية جندرية
|
Post: #56
Title: Re: وين نيمة رجاء الظليلة
Author: Ehab Eltayeb
Date: 03-17-2004, 04:42 AM
Parent: #1
ناس النيمة كيف قيلتو وموقفكم من التطورات شنو?
دكتورة بيان:
مالك مع الهمباتة ?
سألوك ,,
لكم خالص التحايا والامال والرجاء..
|
Post: #57
Title: Re: وين نيمة رجاء الظليلة
Author: ali othman
Date: 03-17-2004, 08:22 AM
Parent: #1
ايهاب يااخوي
مالك علينا تطورات شنو ؟
المهم موقفنا منها زي موقف سكينة ست الشاي من اعادة ترشيح اثنار يازول خلينا ماتجيب لينا هوا ساكت .
دكتورة بيان
مرحب بالطلة وحبابك عشرة .
انتي ماوروك بداية الهمبتة في السودان كانت من العبابدة وأخوي عبادي قاطع ( ماقاطع طريق ) يعني قاعد هنا ومأمون على بنوت فريقي .
|
Post: #58
Title: Re: وين نيمة رجاء الظليلة
Author: tmbis
Date: 03-17-2004, 09:45 AM
Parent: #57
ناس كوم النيمة ..
كل سنة وانتو طيبين .. اها قبلما البلدية دي تشيل النيمة من بي هناك .. انا كان يوم جيت مع محمد الشيخ .. علي عثمان ده كان بيفرش في الملايات .. متذكر يا علي ؟؟
وبالمناسبة دي .. عازم معاي محمد الشيخ .. وجايين معانا ضيوف كمان ..أصلو الايامات دي ضيوفنا كتار .. بس كترو لينا الشاي .. أنا متعب جدا بالمناسبة..نبوية الملاك دي بتسلم عليكم .. برضو جايه معانا بعدين
|
Post: #59
Title: Re: وين نيمة رجاء الظليلة
Author: essam&amal
Date: 03-17-2004, 01:31 PM
Parent: #1
الاعزاء
على عثمان
الهمباتية بيان شرفت كتير ، الهمبتة مش منك رضيانين بيها0
ايهاب الظريف
تمبس يا راقى اغنيتك حلووووة وشرفت النيمة اقعد 00
اها يا رجاء النيمة عمرت وضلها رمى ولسه حتكفى ناس البورد كلهم
ان شاء الله وسعوا الحلقة خلوها كبيرة شايفة رجاء جايبه اللقيمات الما خمج والشاى باللبن وسوركتى معاها شايل العود يلا يا ابو مديحة ابدأ لينا
سودانى الجوه وجدانى بريدوا
امال
ام وضاح
|
Post: #60
Title: Re: وين نيمة رجاء الظليلة
Author: bayan
Date: 03-17-2004, 01:44 PM
Parent: #59
شكرا ليكم
والله بوستكم دا لما الشلاليت والعكاكيز تكثر
نجى نندسى فيهو..
امال خلاص نختطف بوست مصطفى داك وما نديه فرقة
خالص خالص فيهو
مش هو براهو كل الموضوع قديم وقتل بحثا
وكمان نجى هنا لزوم الفسفسفة
بعدين كان الله هون نجيب قصيدة لهاشم صديق
|
Post: #61
Title: Re: وين نيمة رجاء الظليلة
Author: Raja
Date: 03-17-2004, 04:53 PM
Parent: #1
يا ناس يا عسل..
أنا وصلتا...
يااااااه
الحبايب زادو اتنيييين حلويييين.. بيان وتمبو.. انا ما مصدقة النيمة بقت كبيرة كده يا آمال وعلي..
انا قلتا ارحب بالحبان اول واجيكم راااااجعة..
بيان يا حبيبة الهمبتة هنا مافي.. هنا مساااكين.. لكن مرة مرة نتاوق لي برة ونهمبت ..
تمبو الغنية حلوووه..
اللقيمات بالسكر المعقود يا علي حسب طلبك.. والشاي بالقرنفل يا محمد الشيخ حسب توصيتك.. وسوركتي بالعود يا راوية حسب شرطك..
اها الناقص شنو..؟
بجيكم هسسسع..
|
Post: #62
Title: Re: وين نيمة رجاء الظليلة
Author: essam&amal
Date: 03-17-2004, 05:33 PM
Parent: #1
بيان الحقينى بقصيدة هاشم صديق
رجاء بركة الجيتى كفاك البوست البهناك ده قطع قلبك
والله ديل ما بقتنعوا ابدا لكن موضوعك رهيب صراحة 00
يلا يا بيان بهناك على البوست الشلناه همبتةعدبل كدة0
امال
ام وضاح
|
Post: #63
Title: Re: وين نيمة رجاء الظليلة
Author: ali othman
Date: 03-18-2004, 08:55 AM
Parent: #1
تمبس الرائع
تشكر على الأغنية والحظة ديك بتذكرها والحمد لله انك ما دخلت اللحظة ديك ونزلت غنية كان احت ساكت .
بت العباسي حمدلله على السلامة وتشكري على اللقيمات والزوغات دي بطليها .
|
Post: #64
Title: Re: وين نيمة رجاء الظليلة
Author: Abd-Elrhman sorkati
Date: 03-18-2004, 12:03 PM
Parent: #1
سلام للحلوين
تمبس شرفت وشكرا لنبوية الصوت الجميل
بيان العزيزة00 تسلمي واخدي راحتك000
اليوم الخميس قلت امشي اقعد شوية تحت النيمة00 ما لقيت زول
امس اتذكرت حسين ملاسي وضحكت شديد00000 تتخيلواامبارح النادي
السوداني بابوظبي كان مسضيف عبدالرحمن مختار الصحفي (الكبير)
والصحفية (الشابة) لبني احمد حسين00000
المهم00 قلنا نسمع شيء عن تاريخ الصحافة لكن سمعنا عن تاريخه
الشخصي وحكاية زواجه 0000
وطبعا اخوكم كان محضر نفسه وراجعت خريف الفرح0000 لكن الموضوع طلع
فشوش0000 في الاول كنت متمني حسين ملاسي يكون معاتا000 لكن بعد
الجلسةحمدت الله انه ما كان في لانه ضغطه كان حا يرتفع
|
Post: #65
Title: Re: وين نيمة رجاء الظليلة
Author: Raja
Date: 03-18-2004, 03:30 PM
Parent: #1
ترحيبة حاااارة وكبيييرة بمقدم الحبيب أبو ساندرا للنيمة..
ياااا
دي بجد حتبقى حاجة فل..
مرحبا أبو ساندرا..
|
Post: #66
Title: Re: وين نيمة رجاء الظليلة
Author: essam&amal
Date: 03-18-2004, 07:38 PM
Parent: #1
عزيزى سوركتى
لك التحايا
وين انت طولت من النيمة لكن الليلة عرفت السبب غاطس مع عرسان الغفلة ، الحمد لله انى ما جيت اصبت بصداع شديد قبل بداية المحاضرة وبينى وبينك كسلتنى ضيفة معاى من السودان ومن زوار المنبر الحر
الساكنين فيه على طول الاخت عائشة عبد الله وهى تهديك السلام والتحايا
ولاسرتك الغالية ، الاخت عائشة من المثقفات السودانيات الحادبات على الوطن ولها مواضيع جميلة جدا عن المجتمع السودانى ولقاءات مع الطلبة والشماسة وستات الشاى وذوى الاحتياجات الخاصة بالصور كمان واللقاءات مفيدة ، كان لديها الامل فى الاشتراك فى الموقع ولكن عضويتها اتاخرت كتير وسوف تستقل وجودها معى فى ابو ظبى وتكتب من هنا بعد اذن العزيز بكرى ، نرجع للاستاذ عبد الرحمن مختار يا سوركتى اقنعتنى الاخت عائشة بانه انسان فارغ وهى متابعة تماما لكل ما يكتب وخاصة بعد الزواج العامل ليه هوس ده ، وهى تعتقد ان التجربة لم تصقله اذا قورن بالشباب الجدد من الصحفيين المبدعين حقا 0
شكرا سوركتى وشكرا الاخت ام ياسمين وفى انتظار مساهماتك الرائعة 0
وطبعا موضوع الشماسة ده حيعجبك يا سوركتى لانهم اصدقاءك 0
امال
ام وضاح
|
Post: #67
Title: Re: وين نيمة رجاء الظليلة
Author: الجندرية
Date: 03-19-2004, 12:10 PM
Parent: #1
لووووووووووووووووووول يا بيان
براك جبتيه لروحك
هسي الجماعة ينطوا ليك
يقولوا ليك ظلامية وكمان معادية للبيئة
جابت ليها قطيع شدر
|
Post: #70
Title: Re: وين نيمة رجاء الظليلة
Author: Raja
Date: 03-20-2004, 01:16 AM
Parent: #67
الجندرية الغالية معانا.. ديل الحبان زادو واحد..
أماني وينو عثمان..؟ ما عندنا نسوان بيمشو براهن ..
|
Post: #68
Title: Re: وين نيمة رجاء الظليلة
Author: ali othman
Date: 03-19-2004, 05:35 PM
Parent: #1
سوركتي حمدلله على السلامة اوعك تطول تاني
الأخت اماني
شرفتي النيمة ودعوتنا مفتوحة للأخ تراث
|
Post: #69
Title: Re: وين نيمة رجاء الظليلة
Author: أبو ساندرا
Date: 03-20-2004, 00:58 AM
Parent: #1
بت العباسي يا أصيلة ، والله ماقصرتي تب وترحيبك الحميم رد لي إعتباري المهدر من الما عبروني ، وعبروني ذي شارع كوريا بالدقداق
والمصالخني
مصالح ربو
سبع بلحات في دربو
والمحاربني
مخارب ربو
سبع سكاكين في قلبو
وتاني يا رجاء انا لو جيت النيمة دي بيكون بس عشان خاطرك.
|
Post: #71
Title: Re: وين نيمة رجاء الظليلة
Author: Raja
Date: 03-20-2004, 01:16 AM
Parent: #69
العزيز الراقي أبو ساندرا..
سلامات كتيرات..
كيف الكلام ده.. كدي روق واشرب عصير الفراولة الجايباهو في "الخباثة" للناس الحلوة بس ..
والصباح ليهو كلام تاني.. نشوف آمال وعلي ديل خباروم..؟
|
Post: #72
Title: Re: وين نيمة رجاء الظليلة
Author: أبو ساندرا
Date: 03-20-2004, 01:30 AM
Parent: #1
بت العباسي الجدعه
الصباح قرب وانا مشتول هنا لغاية ما تردي لي إعتباري ، وكمان حسن الجزولي
وشكرآ على الفراولة ، وإنشاء الله في فرحك.
|
Post: #73
Title: Re: وين نيمة رجاء الظليلة
Author: ali othman
Date: 03-21-2004, 01:34 PM
Parent: #1
الناس ديل وين ؟ الواحد يغيب يجي يلقاهو مشى التالتة ؟
|
Post: #74
Title: Re: وين نيمة رجاء الظليلة
Author: essam&amal
Date: 03-23-2004, 06:34 AM
Parent: #1
سلام يا ناس النيمة
والله انا ما فاهمة اى حاجة كنت مريضة وما موجودة وكمان
قلقانة مع شيماء لامتحانات الشهادة اعذرونى .
وابو ساندرا مالك زعلان كيف ما عبرناك يعنى ، انت ضيف عزيز وجيتك بالدنبا والبيت بيتك .
استريح يا ابو البنات لحدى ما ارجع ليكم تانى .
انت يا على محمد الشيخ وين وباقى الحبان اختفوا حتى بتاع البلدية ما شايف شغله .
بنات العباسى ليكم وحشه والله وكان لى راوية بقت جافية عديل .
العزيز سوركتى وينك يا ابو مديحة ما ظهرت من زمن ولا محبوس زينا كدة من دخول البورد انا دخلت يوم عيد الام ما قدرت اعمل خروج تانى قاعدة يس كدة بدون فايدة لا قادرة اكتب ولا قادرة اعمل خروج .
مشكور يا بكرى رديت لينا الروح وشكرا لجهودك العظيمة .
لكم الود يا الحبايب ..
امال
ام وضاح
|
Post: #75
Title: Re: وين نيمة رجاء الظليلة
Author: ali othman
Date: 03-23-2004, 02:14 PM
Parent: #1
ام وضاح سلامتك وبرضي بسأل عن البقية يظهر قعاد البنبر عمل ليهم وجع ضهر
ولا انا عملت ليهم وجع وش عشان كده زاغو
|
Post: #76
Title: Re: وين نيمة رجاء الظليلة
Author: Raja
Date: 03-23-2004, 05:08 PM
Parent: #1
الحبان آمال وعلي والجميع..
أها جيناكم تاني وتالت ورابع..
والله طبعا مع ظروف الاغلاق المؤقت ووجع الضرس الفظيع العشتو اليومين الفاتو.. الزول ما عارف اي حاجة في اي حاجة..
علي.. البنابر كويسة مافيها عوجة..
شوف سبب تاني ..
|
Post: #78
Title: Re: وين نيمة رجاء الظليلة
Author: Rawia
Date: 03-23-2004, 05:16 PM
Parent: #76
رجاء ازيك ياامى
انت بس بطلى خوف من الدكتور والحقنه
|
Post: #77
Title: Re: وين نيمة رجاء الظليلة
Author: ali othman
Date: 03-23-2004, 05:14 PM
Parent: #1
[Quote: علي.. البنابر كويسة مافيها عوجة..
شوف سبب تاني ..
|
اها شوفوا ليكم واحد تاني يحرسها ليكم
|
Post: #79
Title: Re: وين نيمة رجاء الظليلة
Author: Raja
Date: 03-23-2004, 05:28 PM
Parent: #77
يا راوية هسع لي يومين بحنًس في نفسي للمشي للدكتور..
غايتو توصلت لأنو امشي يوم الخميس..
طبعا من الليلة لي يوم الخميس بدعي ربي انو تحصل معجزة وضرسي يبقى سليم..
علي ابو حمودي وهندوية..
ليييه بس الحردان.. انحنا النيمة دي كان كنا بنحردها ما كانت بقت قدر ده..
|
Post: #80
Title: Re: وين نيمة رجاء الظليلة
Author: ali othman
Date: 03-23-2004, 05:33 PM
Parent: #1
اول حاجة يابنات العباسي عليكم الله امسحواكلام الضرس ده لأنه مما اسمع واحد عنده وجع ضرس ضرسي الوحيد الباقي بتاورني .
وسلامتك وانشاء الله ضرسك يبقى كويس وفدايته ضرسي .
منو القال ليك بحرد ( حلبي ودمي تقيييييييل )
|
Post: #81
Title: Re: وين نيمة رجاء الظليلة
Author: haneena
Date: 03-23-2004, 05:43 PM
Parent: #80
ناس النيمة
احلي سلام ...لاجدع ناس
مشتاقين ليكم والله
الا البورد والقفلة وحاجات تانية حامياني
رجوية
سلامة الضرس..انا مجرباااه
الله يصبرك بس والدكاترة ما تخافي منهم
ناس طيبين والله
اما انا
وحياتك وقعت ولوحت رجلي يوم وصول بت قوتة
4 ايام وانا ضيفة في بيتي
هالة ما يجي يوم شكرها انشاء الله
يا ابو ساندرا
النيمة نيمتك والضل حقنا كلنا
وبركة بي جيتك معانا
وانشاء الله بالنجاح لتوماتك
وبرضو لام و ابو وضاح
اما الما فارقو النيمة خالص
ام وضاح
وعلي عثمان
والجميع
تتباركوا ما تتشاركوا
|
Post: #82
Title: Re: وين نيمة رجاء الظليلة
Author: essam&amal
Date: 03-26-2004, 04:54 PM
Parent: #1
وين الوعد يا ابو الحلوين ..
النيمة مشت الصفحة الرابعة عاد ده كلام ..
اوعى النيمة تطلع من الصفحة الاولى يابنات العباسى وسلامتك يا رجاء اوعى من الضرس انا والله لو يقع براه ما بشوف دكتور اسنان .
لما جاء دكتور محى الدين الله يطراه بالخير لخطبة اختى قلت ليها ما لقيتى غير بتاع الضروس ده شوفى ليك بتاع باطنية ولا اى حاجة فى واحدة نصيحة بتحب ليها دكتور اسنان .
حنونة ربنا يستجيب لدعواتنا جميعا وسلامتك يا حبيبة وطمنينا على رجلك وما تشوفى شر ان شاء الله .
العزيزة راوية اظهرى كتير ما بالقطاعى كدة .
والباقيين يجيبهم الله .
امال
ام وضاح
|
Post: #83
Title: Re: وين نيمة رجاء الظليلة
Author: Abd-Elrhman sorkati
Date: 03-26-2004, 05:22 PM
Parent: #1
الشباب الحلوين
سلالالالالالالالالالالالالالالام
زمن ومافي زول سأل قلنا تاس النيمة ديل هم الوحيدي
حا يفقدونا000000
لكن نا شايف البرنامج شكله واقف وجيت لقيت النيمة ورقها محتحت
تحت غايتوا قشيتوا وأها دي قعدة0
أبو ساندرا000
ليش زعلان000 ورينا الزعلك منو ونحن تاخد حقك
|
Post: #84
Title: Re: وين نيمة رجاء الظليلة
Author: haneena
Date: 03-26-2004, 05:27 PM
Parent: #83
ناس النيمة سلام
عاد اتلومنا تب
وشكرآ يا ام وضاح للسؤال
بيقولوا الحالة في تحسن لكن انا ما شايفة كدة
بس زايغة من الدكاترة..اصلي خواااافة
عبدالرحمن سوركتي
والله مرحب بعد الغيبة
وانشاء الله الجبنة تجهز قريب
سلام للكل
|
Post: #85
Title: Re: وين نيمة رجاء الظليلة
Author: Abd-Elrhman sorkati
Date: 03-26-2004, 05:45 PM
Parent: #1
شكرا ياالحنينة ومرحب بيك
انا بقترح انه النيمة نعمل فيها مواضيع ونتونس فيها
يعني يكون في موضوع للمحاورة عشان الواحديجي يقعدبمزاج
رايكم شنو000؟
|
Post: #86
Title: Re: وين نيمة رجاء الظليلة
Author: ali othman
Date: 03-28-2004, 08:23 AM
Parent: #1
معقولة ياجماعة الصفحة التالتة شمتوا علينا بتاع البلدية
للجميع سلام
|
Post: #87
Title: Re: وين نيمة رجاء الظليلة
Author: ali othman
Date: 03-29-2004, 03:21 PM
Parent: #1
انا بجاي حارس ليكم النيمة وانتو بهناك تخدروا في شجر الناس
ياجماعة عووووووووووووووووووووووووووك
|
Post: #88
Title: Re: وين نيمة رجاء الظليلة
Author: haneena
Date: 03-29-2004, 03:39 PM
Parent: #87
علي عثمان
يا راعي النيمة الظليلة
والله أحرجتنا عديييل كدة
وين الباقين بالمناسبة؟
فكرة عبد الرحمن سوركتي بمناقشة موضوع هام كويسة والله
بس ما دايرين شكل..النيمة دي مفروض تبرد الاعصاب
اها يلا نشوف بجينا تاني منو
|
Post: #89
Title: Re: وين نيمة رجاء الظليلة
Author: ali othman
Date: 03-29-2004, 03:48 PM
Parent: #1
حنينة
بركة الجيتي ، والله الناس ديل ماعارفهم مشوا وين حتى بت العباسي وام وضاح طولوا الغيبة انشاء الله خير ؟
اقتراح سوركتي جميل وعشان نبعد من الشكل حقوا نناقش الحاجات الإجتماعية لأنها اساس حل كل المشاكل وكمان مواضيع ذكريات السودان الذمان ولا رأيكم شنو ؟
|
Post: #90
Title: Re: وين نيمة رجاء الظليلة
Author: essam&amal
Date: 03-30-2004, 05:55 PM
Parent: #1
علوبة ود عثمان الظريف
و ناس النيمه الظليلة اها انا جيتكم سلاااااااام
اول حاجة اعذرونى عايشة على اعصابى مع السودان ومع شيماء والامتحانات فى اليوم عشرة مكالمات الله ينجح شيماء بركة دعواتكم
الصادقة .
رايكم شنو نبدأ فى طرح موضوع للنقاش زى ما قال سوركتى ..
انا فى موضوع خطر على بالى بعد ان سألنى احد الشباب بانه يسافر وين عشان عاوز يتزوج سودانية بمهر معقول وقالوا الزواج فى امريكا ساهل ومافيه مشاكل او هولندا او اى دولة فى اوروبا على شرط ترجع معاه الامارات عشان وضعه هنا ممتاز وهو ما عنده مشكلة جوازه بريطانى .
هل يهاجر ابناءنا بحثا عن الاستقرار بتكاليف بسيطة ؟
خطر ببالى ان اسأل البورداب فى كل مكان عن تكاليف الزواج كيف فى المنطقة الموجودين فيها .
يعنى بورداب هولندا يحكوا كيف تبدأ تكاليف الزواج ابتداءا من الخطوية وكذلك ناس امريكا وكندا وهلم جره .
موضوع حلو مش كدة ؟
يلا نبدأ .......
سوف اعود لاحكى لكم تكاليف الزواج فى الامارات ، طبعا حاجة خرافية .
امال
ام وضاح
|
Post: #91
Title: Re: وين نيمة رجاء الظليلة
Author: Raja
Date: 03-31-2004, 02:07 AM
Parent: #1
فوق لغاية ما نرجع..
الموضوع خطيير..
|
Post: #92
Title: Re: وين نيمة رجاء الظليلة
Author: essam&amal
Date: 03-31-2004, 03:09 PM
Parent: #1
الحبيبة رجوية يلا ساعدينى فى الموضوع الخطير ده
عاوزين البورداب كلهم يطلوا عشان لازم نفتح الموضوع ده
بصورة موسعة، كل واحد يحكى لينا بالتفاصيل عشان يا جماعة
نساعد اولادنا وبناتنا البورداب اولا ، وبعدين نعملها معاهدة
مستقبلا لاولادنا وبناتنا ونحدد قصة البزخ والصرف الخرافى فى
الاعراس والتقليد الاعمى ، زى ماناس فلان عملوا انا كمان اعمل لاولادى.
انا ليه ما اعمل لاولادى فيلا وعربية وراس مال عشان يبنوا حياتهم
وياسسوها صاح .
والله هذا الشاب الذى سألنى عن عروس بدون مغالاة وبهرجة. قال لى انا عاوز عروس تاخد كل اموالى بس تخطط بيهم لى حاجة مستقبلية لينا، ليه انا اتعب واشقى واشتغل الليل والنهار وامى تصرف كل المبالغ دى فى ثلاثة ليالى ، انا مرتبى يفوق الثمانية الاف دولار شهريا , ولدى رصيد فى البنك لكن انا ما من انصار البزخ والابزار الغير منطقى وما قادر اقنع امى ساعدونى يا جماعة لا استطيع ان اصرف ما ادخرته فى سنوات فى لحظة ولا استطيع ان اغضب امى .
قالت ليه اقل حاجة عشان تعرس فى ابو ظبى لازم يكون عندك مأتين وخمسون الف درهم ( 250 الف درهم ) يعنى ما يعادل تقريبا سبعين الف دولار وكمان بالسودانى ( 175 مليون جنيه سودانى ) .او ما بمشى معاك
هذه اقل تكاليف زواج عندنا فى ابو ظبى لى زول عادى ..
ولى زول عاوز ينافس ويعمل ليه هودج بخمسة وعشرين الف غير حق الناس الشايلين العروس وكوشه بعشرين الف وكروت الدعوة ثلاثين الف ( كروت شيوخ طبعا ) وفطور العريس مع العدة البايركس والكريستال هدية لام العريس والفنانين من السودان تذاكر وفيزا واقامة فى الفنادق والشرط الاساسى الفنانة قسمة تجى فى اول طيارة عشان العروس تتعلم الرقيص ( مع العلم بان موعد الزواج هنا تحدده قسمة على حسب برنامجها فى السودان ممكن تقدم شهر او تأخر شهرين ) بعدين يجوا الجلاليب والعمم والملافح المطرزة عند ارقى محلات التطريز ومراكيب النمر والثعلب والاصلة وحيوانات ما سمعت بيها ابدا لكن شفت مراكيبهم فى ابو ظبى . وبعدين خواتم الفضة الفاروظة مع لون تطريز الملفحة ، وبعدين الحنة فى فندق والدخلة فى فندق تانى والصبحية فى فندق ثالث .
( فى ناس قنوعين تكاليفهم اقل و لكنهم اقلية )
والبقية تأتى
ولى عودة....
امال
ام وضاح
|
Post: #93
Title: Re: وين نيمة رجاء الظليلة
Author: haneena
Date: 03-31-2004, 05:40 PM
Parent: #92
ام وضاح وناس النيمة الحنان
قليت لي يا أم وضاح دة كله بيسووه الناس عندكم؟؟
لا حول الله..انا ما عارفة متين نحن السودانيين نعي الدرس
جاتنا حروب..مجاعات..طغيان ..فيضانات
وبرضو الحال في حاله
إنك لن تهدي من أحببت ولكن الله يهدي من يشاء
انا بس مافهمت حكاية زولك دة يا ام وضاح
يعني عايز يجي يتزوج برة الامارات وعنده إنسانة مرتبط بيها وبيفتش علي المكان المناسب؟؟
ولا بيفتش علي إنسانة من مكان شرطآيكون تكاليفه مناسبة؟؟
يعني لقي العروس وحيشتري ليها الشيلة؟؟؟
والا إشتري الشيلة أولا..وبعدين يبحث عن العروس التي تطابق مقاسات الشيلة؟؟؟
فاهماني طبعآ...موش؟؟
ولكم التحية..وبالله ما تطولوا
|
Post: #94
Title: Re: وين نيمة رجاء الظليلة
Author: Raja
Date: 03-31-2004, 05:41 PM
Parent: #1
الحبيبة آمال والحبان..
جيتكم راجعة..
يا آمال قبل ما نشمر أكمامنا ونقعد للموضوع ده عندي نقاط لازم تتوضح عشان اعرف انا بكتب في شنو..
أولا: ما هو السبب الرئيسي للإحجام عن الزواج لدى الشباب والصبايا.. هل هو قلة المال أم عدم العثور على شخص مناسب فكريا..؟
تانيا: هل يمكن للشاب او الفتاة زواج أي شخص من أي مكان وفي أي مكان وبأي طريقة..؟
السؤالين ديل مهم مشاركتكم في الاجابة لأن "نظريتي في الموضوع"  مبنية عليهما..
|
Post: #95
Title: Re: وين نيمة رجاء الظليلة
Author: ali othman
Date: 03-31-2004, 06:41 PM
Parent: #1
حمدلله على السلامة ياجماعة
الموضوع ده مهم شديد وتم التطرق له في عدّة بوستات الا انهم لم يلقو النجاح جميعا .
فقبل ان نخوض في الموضوع على رأي بت العباسي لابد من توضيح عدة امور .
هل العقلية التي نشأ بها الشباب من الجنسين تغيرت بعد الهجرة ام لا ؟
وهل الأسر السودانية تمسكت بتلك العادات ام زادتها مرارة بعادات الدول التي هاجروا لها ( الدول العربية والخليجية خاصة ) .
وهل التعليم وسع مدارك الشباب للتخلي عن العادات الغير ضرورية ؟
|
Post: #97
Title: Re: وين نيمة رجاء الظليلة
Author: haneena
Date: 03-31-2004, 10:34 PM
Parent: #95
سلام ناس النيمة
كيف قيلتوا؟؟
علي عثمان
رسل لي في الميسينجر معلومات عن قريبتك .اسمها بالكامل وقاعدة في لندن ذاتها و لا برة...امكن اعرفها
ام وضاح..
وين حييك؟؟
|
Post: #96
Title: Re: وين نيمة رجاء الظليلة
Author: اسامة الخاتم
Date: 03-31-2004, 10:24 PM
Parent: #1
و الله
انا عاوز لى عنقريب بدون لحاف
و عراقى
و كباية شاى صاموتى تحت الفرع الضلو كتير داك ابو همبريب
بس
|
Post: #98
Title: Re: وين نيمة رجاء الظليلة
Author: essam&amal
Date: 03-31-2004, 10:38 PM
Parent: #1
اهلا ومراحب باسامة الخاتم ....
انا برش ليك الرملة ورجاء تجيب اللقيمات من خالتى علوية
وسوركتى وعلى عثمان يجيبوا ليك العنقريب عشان تقيل باقى ده عنقريب جرتقعديل كده ويلا يا حنينة الحنونه فرشى الملاية السمحة
لى اسامة .
يلا اتوهط وابدأ يا ود الخاتم .
امال
ام وضاح
|
Post: #99
Title: Re: وين نيمة رجاء الظليلة
Author: Abd-Elrhman sorkati
Date: 04-01-2004, 00:05 AM
Parent: #1
أهلي النيماب سلام000 (نيماب زي عبدالاب ومجراب) 000 الخ
كيف قيلتوا 0 0000 يديكم العافية
امال اثارت موضوع هام ولكن واقع الامارات غير وضع السودان000000
وأنا اري الا نتماشي مع واقع الامارات لان به كثير من الزيف والفشخرة
الفارغة بأعتبار ان الناس هنا يحاولوا ان يجاروا بعضعهم القادر
والغير قادر00000
بعيدا عن الموضوع الذي طرحته أختي أمال وبدون اختلاف (لاننافي النيمة)000 فأن نصيحتي لكل من أراد الزواج من الشباب السودانييين ان يتزوج بالسودان من سودانية 0000 وكل المشاكل محلولة
ويديكم العافية000000 طبعا دة بأختصار كدة
|
Post: #100
Title: Re: وين نيمة رجاء الظليلة
Author: essam&amal
Date: 04-01-2004, 08:21 AM
Parent: #1
حبايبى الحلوين فى النيمة الحلوة بدون فرز
سلاااااااااااااااام
الموضوع ده مهم خالص مناقشته
حنونة الحبيبة
هذا الشاب ارتبط مع فتاة سودانية حضرت مع والدها من الصين الى دبى لعقد صفقات عمل هنا ، وكان هو من ضمن قروب الصفقة هذه ونشأت بينهم صداقة تحولت الى حب واتفقاعلى الزواج بعد ثلاثة سنوات ، ولما دخلوا فى تفاصيل الزواج اختلفوا ، الشاب مصر انه بيبنى فى مستقبله عشان عاوز يرجع يعيش فى السودان وبيقول كل المال ده هو جمعه عشان يشترى بيت فى السودان وسيارة وبعدها هو قادر بانه حيكون مستقبله فى السودان مشرق لانه ذهب وعرف انه السودان فيه دهب مش قروش بس الواحد يكون معه بيت وسيارة وعرض عليها بان يسجلهم باسمها ، رفضت الفتاة واصرت بان يحضر هو وامه وابوه للصين لخطبتها ومعه كمية من الدهب والملابس والعطور وبعدها يشهرين يرسل لهم التذاكر هى واسرتها وصديقاتها الاربعة المقربات ليها شديد ويكون مهرها مائة الف دولار
ودهب بس ( بس دى حلوه يعنى متكفى )هى تختار الشيلة بنفسها والباقى عليه هو فى السودان فندق وفنانين وعشاء وصبحية وجرتق .
فاعتذر لها بانها لا تناسبه فكريا وزى ما تقولى يا حنينة صدم على حسب كلامه معاى وترك الامر لوالدته على شرط ان تكون فترة خطوبة كافية ليعرف افكار الفتاة ورؤيتها للحياة والمستقبل وصدم ايضا بان افكارهن نفس افكار امهاتهن وعمل اكثر من خمس محاولات فشلت كلها وصدم كثيرا وسؤاله يا حنينة هل الفتيات العايشين فى اوروبا يحملن نفس هذه الاشياء البالية واتربوا على نفس التقاليد القديمة بانهن لازم يتزوجن كما تزوجت فلانه .
فى اسر بسيطة وفتيات متعلمات ممكن يلقى ضالته فيهم ولكنه لا يريد ان يزعل امه لأنها شرطها الاساسى ان العروس تكون فى مستوى معين من الطبقات اياها فقرر ان يبحث فى اوروبا وهو مستعد للسفر لاى دولة المهم فتاة سودانية من اسرة محترمة وافكارها متقدمة .
مشكلته انه مصر على المبدأ الذى قرره بان الزواج يكون مختصر وهو مستعد يدفع لحد خمسين الف دولار ولكنه والله ما وجد من تقبل .
وهو لا يحب الزواج من اجنبيات امنيته فتاة سودانية متعلمة وراقية الفهم .
والله انا اعتقد انه جوهرة ولكن ؟
سوف اعود لرجاء واسئلتها الراقية والمهمة والموضوعية .
رغم انى اعتقد بان الموضوع هذا فيه اجابة على جزء منها .
على عثمان لى عودة سريعة معك .
سوركتى ساعود عشان احكى ليك بالسودان والله كلامك ده الا تمشى اقاصى الحدود السودانية لكن فى الخرطوم لا ثم لا كل الظواهر الفى ابو ظبى دى جات من الخرطوم يا اخى ناس الخرطوم جابوا اصالة نصرى ( زى ما بتقول حبوبتى انت بى صحك ) ؟
امال
ام وضاح
|
Post: #101
Title: Re: وين نيمة رجاء الظليلة
Author: Abd-Elrhman sorkati
Date: 04-02-2004, 11:39 AM
Parent: #1
أهلي النيماب سلام
كيف قيلتوا00000000 يديكم العافية
العزيزة أم وضاح0000 طبعا أصالة نصري جات السودان مرة واحدة
ولشخص واحد000 يعني مش ناس السودان كلهم نحن هنا عاوزين نتكلم
عن ما يحدث في أواسط السودانيين وليس عن طبقة معينة0000
وفي الخرطوم وكل السودان هناك أمثلة تتكرر كل يوم في الزواج
بالمعقول وبالمافي وأنا عن نفسي تزوجت كدة 00 بي امكانياتي
الضعيفة جدا وانشاء الله لو ربنا حضرني زواج بناتي حا أزوجهم
للشخص الذي يحترمهم وليس للشخص الذي يجعلهم يعيشون في ترف
دون احترام00000
يلا كدي كبي لي كباية شاي 0000 ويا علي عثمان جيب سجارة عليك الله0
اخبار شيماء مع الامتحانات شنو؟
يديكم العافية جميعا
|
Post: #102
Title: Re: وين نيمة رجاء الظليلة
Author: Abd-Elrhman sorkati
Date: 04-02-2004, 11:40 AM
Parent: #1
مكرر
|
Post: #103
Title: Re: وين نيمة رجاء الظليلة
Author: essam&amal
Date: 04-02-2004, 08:34 PM
Parent: #1
بدون سلام ولا كلام
انا اقعد مع سوركتى كدة نتناقش برانا
زعلانة منكم كلكم وخاصة رجاء وعلى عثمان وحنينه الما حنينة
الخاصمتنا بدون سبب ومحمد الشيخ طبعا بقى فى القائمة السوداء
واسامة الخاتم بس شرب الشاى الصاموتى مع اللقيمات ومشى بالعراقى وما رجع تانى وابو ساندرا ذاتوا مطلوب القبض عليه احسن ليك تجى يا ابو ساندرا يا ابو البنات الموضوع ده بيهمك ما شايف سوركتى مستلم الموضوع كيف لكن الحمد لله عرفنا رأيه فضل ابو ساندرا نشوف رأبه فى عرس البنات شنو ؟
نجى للاسئلة بتاعت رجاء السؤال الاول يا استاذة :-
انت سألت السبب قلة المال او عدم الحصول على العروس المناسبة فكريا؟
والله يا رجاء السببين ديل موجودين السبب الاول زى ما قال سوركتى ممكن بالاتفاق الواحد يقدر يحدد المسألة دى لكن صدقينى صعبة شديد لأنه اى فتاة تبع امها والامهات شاطحات شديد والشاب من وين يقدر يعمل زواج ولو باقل تكاليف سواء كان هنا او فى السودان .
السبب التانى برضه اذا نظرنا انه اغلبية الشباب منتظرين الام هى تختار كيف امه تختار ليه واحدة مناسبة فكريا اذا كانت الامهات كل تفكيرهن فى المادة مع الاسف .
طبعا يا رجاء نحن لحدى الان فى موضوع شوفى لى عروس والله عاوزين نناسبكم ما عندك اخت ، ما عارفه الموضوع ده حده وين يا رجاء نحن فى 2004 ولسه الشباب عاوزين يختاروا ليهم عروس ده طبعا ما اطلاق لكن حتى لو نسبته ضئيلة ليه اصلا يكون فى .
حصلت لى قصة قبل فترة مع احدى الصديقات قالت شافت بت اخوى فى حفلة فى شريط فيديو وعاوزة تخطبها لولدها فى امريكا مهندس كيميائى ووظيفته كبيرة قلت ليها انا بنات اخوى ما ممكن يتزوجوا بالطريقة دى قالت لى اتصلى عليها انا بكلمها براى شوفيها تقبل كيف ليه هى اصلها عاوزة شنو حيوديها امريكا ، اتصلت عليها وكلمتها فكان رد بت اخوى والله انا اسفة يا خالة ما بقدر اتزوج زول ما بعرفوا ولا بعرفنى واعرف كيف اذا فى توافق بيننا ولا بفكر كيف ومنهجه كيف فى الحياة ، انا عاوزة اختار زوجى بنفسى ، يعنى ما عاوزة تسافرى امريكا؟ قالت ليها لا انا عاوزة واحد فى السودان وابدأ معاه من الصفر بس اكون انا الاخترته، بعدين انا يا خالتوا امى وابوى اتزوجوا بعد علاقة حب ، وانا بعدهم بى اثنين وعشرين سنة اتزوج كده ؟ معليش انا آسفة ، وقفلت صديقتى التلفون وقالت لى بت اخوك رفست نعمتها بى فصاحتها البدون فايدة دى فلهمة فارغة حتندم عليها وانا بدورى لم اعلق بكلمة واحدة لانه حسيت انه السكوت من دهب فى هذه اللحظة .
وكتير يا رجاء من الامثلة وكل يوم واحدة تقول ليك رشحى لى ولدى او اخوى عروس منتهى التخلف ومافى حل ابدا حنكون كده الا ان تقوم الساعة .
اما سؤالك التانى تأكدى انه ممكن يتزوجوا من اى مكان وباى طريقة
وفى اى مكان والله يا رجاء فعلا دى مشكلة كبيرة جدا جدا جدا .
اتصل بى الشاب صاحب الموضوع اعلاه وهو من الزوار الدائميين فى النبر وكذلك والدته والايام دى عامله لى فلقة وقالت لى خلاص ما عندك موضوع غيرى برضه ما حاخليه يعرس الا بالطريقة الانا عاوزاها ( هو قال لى اقول ليكم الشاب المصدوم من بنات بلده ) وقال ليكم اطرحوا ليه حلول عليكم الله ، واقنعوا امه لانه رضاها اهم ليه من اى شىء حتى لو ما تزوج ابدا ، يلا همتكم يا رجاء وحنينة وبيان ودومه وبنات قوتة وكل الاخوات الاخوان فى النيمة .
امال
ام وضاح
|
Post: #104
Title: Re: وين نيمة رجاء الظليلة
Author: Raja
Date: 04-02-2004, 10:01 PM
Parent: #1
الحبيبة آمال والحبان..
الله لا يجيب الزعل.. اليومين ديل الناس البي بره معظم زعلان.. مني ولا من غيري..
المهم.. انا الماسك ايدي من الموضوع هو الكتابة بالعربي..
وبطريقة المنبر بكتب تلغرافات بس.. والموضوع داير حكيرة وشاي ولقيمات..
طمنينا على شيماء..
أسامة الخاتم..
مرحب بيك.. غايتو عناقريب علي عثمان دي ما ظنيتها بتحملك ..
شوف سوركتي قاعد وين وجاورو ..
بجيكم قرييب..
|
Post: #105
Title: Re: وين نيمة رجاء الظليلة
Author: ali othman
Date: 04-03-2004, 08:00 AM
Parent: #1
ام وضاح
زعلك ده نظام اسبقوهم ولا شنو الموضوع ده متشعب ونحنا منتظرين رؤيتكن لأنكن المتهمات الأساسيات ي هذه المشكلة ومن ثم نأتي نحن في المرتبة الثانية ( ارجو تفهم ماعنيته حتى لا يتحول الموضوع لجدل حول الأنثى والذكر ) .
ود سوركتي
السجائر ده بطلتو لي اربعة سنوات سفة مندكلة من الوطنية تنفع ؟
بت العباسي
خلي الراجل يقعد مطمن عناقريبنا دي ساندنها بالمحنة مافي حاجة بتكسرها .
|
Post: #106
Title: Re: وين نيمة رجاء الظليلة
Author: essam&amal
Date: 04-03-2004, 04:44 PM
Parent: #1
فوق فوق فوق
لما نرجع ليك يا النيمة الحلوة
دايرة امشى اشوف حكاية البلابل والطوب حق ملاسى ومحطة البلابل ،
وخبر اسعد كمان والعناصر.
والله ما بقيت بتاعت شمارات لكن آخد لى جولة طويلة كدى واجيكم بالسلامة .
انا جنى وجن الشكل .
خلى الجماعة يعكوها تانى عشان بنات العباسى وحنينة وباقى الحرائر
يجن جاريات جرى بى جاى مالنا ومال القراية ام دق .
امال
ام وضاح
|
Post: #107
Title: Re: وين نيمة رجاء الظليلة
Author: Abd-Elrhman sorkati
Date: 04-03-2004, 10:53 PM
Parent: #1
شوف سوركتي قاعد وين وجاورو
رجاء احسن ليك000000000
ما قلنا ليك خمسين بس خمسين000 راجعي بوست احتفال بورداب الامارات بذكري رحيل مصطفي وشوفي الصورة الغزلاني
علي عثمان
وينك يا رجل000
شايفك بعت القضية وبقيت تمشي تقعد في الضللة البعيدة
|
Post: #108
Title: Re: وين نيمة رجاء الظليلة
Author: essam&amal
Date: 04-07-2004, 03:41 PM
Parent: #1
رجاء خاص يا رجاء
ماذا بك بالله
منو المزعلك عشان جماعة النيمة يشوفوا شغلهم
اين انت يا مشرقة
انا حأديكى ساعتين بس لو ما ظهرت انا كمان ساختفى تماما
اظهروا يا ناس النيمة
حتى سوركتى زميل الكفاح اختفى
وحنونة وعلى عثمان خليهم ساكت
امال
ام وضاح
|
Post: #109
Title: Re: وين نيمة رجاء الظليلة
Author: ali othman
Date: 04-14-2004, 10:22 AM
Parent: #1
الأخوة /ات
اعتذر عن عدم متابعتي لرفع هذا البوست نسبة لظروف صحية المت بي وهانذا اعود .
البوست الأول كان للسؤال عن الأعضاء والعضوات اللذين اختفوا /ن من الساحة .
لذا اسأل عن جميع الإخوة والأخوات الغائبون /ات
رجاء
راوية
ام وضاح
حنينة
عبدالرحمن سوركتي
هل من عودة هل ؟
|
Post: #110
Title: Re: وين نيمة رجاء الظليلة
Author: ali othman
Date: 04-14-2004, 03:06 PM
Parent: #1
فوق
|
Post: #111
Title: Re: وين نيمة رجاء الظليلة
Author: essam&amal
Date: 04-14-2004, 03:23 PM
Parent: #1
والله يا على عثمان لقيت نفسى بتكلم براى
كم يوم وصاحباتى قالوا لى لو كتبت تانى وما
فى زول رده ليك نوديك لدكتور الزين عمارة يا اخوى كله ولا مستشفى المجانين خفتوانا ساكنه جنب مستشفى النور يربطونى ويدخلونى طوالى
لو ما رجعته ورديتوا على ما بجيكم تانى خاصة رجويه
ولها كل الحب .................
امال
ام وضاح
|
Post: #112
Title: Re: وين نيمة رجاء الظليلة
Author: ali othman
Date: 04-14-2004, 03:30 PM
Parent: #1
ام وضاح
كيف امتحانات الامورة ؟
ماشغلني عن النيمة الا الشديد القوي
النيمة دي انتي وبت العباسي رعيتوها لامن فرعدت يعني مافي طريقة تحردي
اما بت العباسي لو ما رجعت ح اباريها في كل بوست تدخله وانزل ليها اعلان خرج ولم يعد
|
Post: #113
Title: Re: وين نيمة رجاء الظليلة
Author: essam&amal
Date: 04-14-2004, 04:12 PM
Parent: #1
سلامتك والبورداب كلهم كرامتك
والله اللوم بجى بالغفلة
سلامتك يا ابو الحلوين
كفارة وزكاة جسم باذن الله
وهادى فرجيخة تحت النيمة لمن يجوا العقاب
امال
ام وضاح
|
Post: #115
Title: Re: وين نيمة رجاء الظليلة
Author: haneena
Date: 04-14-2004, 04:30 PM
Parent: #113
اهلنا ناس النيمة
مليون سلام
سلام خسوسي للعزيزة آمال ام وضاح
الما هملت النيمة وراعتها وسقتها في غيابنا غير المقصود
يا ناس نواصل مواضيع للمناقشة
ليكم الفل والياسمين
|
Post: #114
Title: Re: وين نيمة رجاء الظليلة
Author: Raja
Date: 04-14-2004, 04:28 PM
Parent: #1
الحبيب علي ابو هندوية وحمودي..
سلامتك الف سلامة.. وكل الشينين كرامتك..
لازم نعمل الكرامة ونكلم بكري يجيب لينا العجل الما خمج..
وبمناسبة الأعياد والألوان الزاهية اللابسة البورد اليومين ديل نعمل عزومة كاااااربة..
قولكم شنو..؟ ولا ننتظر سوركتي..؟
بالمناسبة دعواتكم معانا للحبيبة سارة زوجة سوركتي بالشفاء والعودة لبنياتها عفية ويرجع سوركتي بالسلامة..
ليكم وحشة يا غاليين كوووووووولكم..
|
Post: #116
Title: Re: وين نيمة رجاء الظليلة
Author: ali othman
Date: 04-14-2004, 04:32 PM
Parent: #1
الف سلامة لسارة وربنا يديها العافية
ام وضاح
تسلمي ويسلموا ناس البورد
بت العباسي
حمدلله على السلامة وتسلمي
اكان الشينين كرامتي يأني المكرم بنفسي
|
Post: #117
Title: Re: وين نيمة رجاء الظليلة
Author: Raja
Date: 04-14-2004, 04:55 PM
Parent: #116
علي عليوة..أمي بتقول بتقول الشنا شناة الأخلاق ..
لوووووووووووووو
|
Post: #118
Title: Re: وين نيمة رجاء الظليلة
Author: ali othman
Date: 04-15-2004, 09:35 PM
Parent: #1
قايتو كمية الماسنجرات المجانية قربت تخلص
|
Post: #119
Title: Re: وين نيمة رجاء الظليلة
Author: ali othman
Date: 04-16-2004, 00:22 AM
Parent: #1
يا محمد الشيخ بطل تقل وتعال داخل
|
Post: #120
Title: Re: وين نيمة رجاء الظليلة
Author: essam&amal
Date: 04-16-2004, 08:47 AM
Parent: #1
ناس نيمة رجاء الحلوين
مشتاقة كتيييييييييير
حاجيكم جيه ليها ضل
ماشة زيارات فى المستشفيات الليلة الجمعة نمشى نلقط الحسنات
والحسنات تلاقيط .
هذه العبارة ذكرتنى واحد من اخواننا فى ابو ظبى ( عليه رحمة الله )
كل يوم من الساعة اربعة لحدى الساعة ستة لازم الجلابية والعمة والملفحة مكويين وجاهزين عشان زيارة المستشفيات كل المسلمين من غير فرز من اى جنسية لحدى الزيارة ما تقفل يصلى المغرب فى مسجد المستشفى ويرجع للبيت او لو عنده شغل .
يقول بعد الزيارة تنتهى يلا بعد كدة نشوف شغلت الدنيا الما بتتلحق .
قلت ليه كم سنة كدة يا باشمهندس قال لى عشرين سنة ولما اموت .
قلت ليه الحسنات تلاقيط يعنى كل يوم امشى المستشفى واكتر الحسنات قال لى لا تمشى المستشفى مع الالكلام الحلو البجبر الخاطر مع المعاملة الحسنة مع المسلم والغير مسلم مع المرأة والراجل ومعاملة المدير والغفير واحدة وعدم اذية البشر وعدم التعالى وحاجات كتيييييرة ولكن اهمها ما ذكره فى نهاية حديثه معاملة زوجتى بما يرضى الله ورسوله .
( يرحمك الله رحمه واسعة ويسكنك فسيح جناته بما قدمت فى دنياك )
وراجعه بعدين بمزاج
على عثمان ابو الحلوييييين
طمنى على صحتك يا اخوى وشرك مقسم يا ود الرجال
امال
ام وضاح
|
Post: #121
Title: Re: وين نيمة رجاء الظليلة
Author: Raja
Date: 04-16-2004, 07:40 PM
Parent: #1
لا لخروج علي عثمان من المنبر..
لا لخروج علي عثمان من تحت النيمة..
|
Post: #122
Title: Re: وين نيمة رجاء الظليلة
Author: mohamed elshiekh
Date: 04-16-2004, 09:40 PM
Parent: #121
جيت ماشى العصير كده وماشفته لى زول فيكم تحت النيمه
لقيته عطشانه فتحته ليكم فيها الخرطوش وقلت اسقيها , بس والله
ياجماعه كنت مستعجل ما انتظرتها لغاية ما تروى.
فخلى بالك يا ام وضاح عشان المويه ما تكسر وتطين محل القعده .
وبالمناسبه انا ما غايب انا حاضر جدا.....
بس اقول ليكم سر وما تكلمو بيهو زول..ياجماعه والله اليومين ديل انا حاتل لى فى حقل زنابق بريه مبالغه...
فيا جبت ليكم الحقل دة معاى ولى جيت سوقتكم ليهو بى نيمتكم وشايكم
وطعمكم الحلو وشذاكم الفواح ....عشان تكتمل ثنائية الفرح والنشيد
بس خليكم جاهزين
ام وضاح....امال ...لبسى العيال وجهزيهم ...وخلى عصام يسخن العربيه.
رجاء....يا رجو....رجو. كلمى المصور بتاع الجريده بتاعتكم خلى يجى يصور اللحظات دى لانو ما اظنها تانى تتكرر.
يا ابو محمد روق المنقه انت شويه وذى ما قلت ليك انتظرنى هنا فى النيمه دى وبجى امتعك..
سوركتى حضر نفسك للمغنى الجميل.....
يا الباقين ..... دى حاتكون ليله من ذات اليالى ذااااااااااته
زنبقه ونيمه ومغنى وناس انفسها عطر وكلامها شهد ووجوهها قمر ...وشاى ولقيمات...ووعصافير مساهر مؤتلقه حتى الصباح.
بالمناسبه ....
ما تجو ماكلين احتمال كبييييييييير جداجدا فيها عشاء خرافى
ومائده ممتده فى وسطها طشت بتاع كمونيه (كيتن فى شيرى)
اجهزو بس وانتظرو والوعد منى لن يطول الانتظار...
بس الله لايجيب مطر فى اليوم داك....
لكم المودة بحجم عبير انفاسكم الذكيه
|
Post: #123
Title: Re: وين نيمة رجاء الظليلة
Author: essam&amal
Date: 04-16-2004, 09:51 PM
Parent: #1
لا
ولا
ولا
ولا
ولا
ولا لخروج على عثمان
يلا يا ناس النيمة المظاهراااااااااااااااات
تبدا الان
امال
ام وضاح
|
Post: #124
Title: Re: وين نيمة رجاء الظليلة
Author: haneena
Date: 04-16-2004, 10:00 PM
Parent: #123
salam nas alneema
iam with you
ali othman should not leave
sorry my keyboard tongue is twisted today....LISANO MA3OOJ
see you later
ali othman
the truth is shining...believe me
God bless
|
Post: #125
Title: Re: وين نيمة رجاء الظليلة
Author: essam&amal
Date: 04-17-2004, 12:17 PM
Parent: #1
على عثمان تعال للنيمة نحن فى انتظارك
مش حرام سوركتى يجى وما تلاقيه
والكرامة حقت سارة منو بسويها غيرك
يلا يا ابو محمد
امال
ام وضاح
|
Post: #126
Title: Re: وين نيمة رجاء الظليلة
Author: Raja
Date: 04-17-2004, 05:50 PM
Parent: #1
فوووق
لحين عودة علي عثمان..
|
Post: #127
Title: Re: وين نيمة رجاء الظليلة
Author: ali othman
Date: 04-17-2004, 06:41 PM
Parent: #1
احبابي بالنيمة
حينما آثرت الإتكاء تحت هذه النيمة وعدم الخروج الا لماما كنت مصيبا فهاانتم تحيطوني بعطفكم وتفهمكم .
لكم مني كل المحبة
|
Post: #128
Title: Re: وين نيمة رجاء الظليلة
Author: ali othman
Date: 04-18-2004, 04:25 PM
Parent: #1
ومنتظرين الاحباب ليعودوا ويتموا مابدأ من نقاش
|
Post: #129
Title: Re: وين نيمة رجاء الظليلة
Author: Raja
Date: 04-18-2004, 05:16 PM
Parent: #128
العزيز أبو حمودي وهندوية...
حمد الله على السلامة.. كده عندنا ندر لازم نوفيهو..
خللي سوركتي برضو يجي بالسلامة بعد ما يطًُمن على سارة وصحتها.. ربنا يطمُن الجميع..
نوًرت النيمة..
لوووول
قصدي رطبت النيمة..
|
|
..