Post: #1
Title: حقيبة النكــــــت
Author: ابو تميم
Date: 03-07-2004, 04:02 AM
قالو فى أمريكية وفرنسية وسودانية اتلمو فى نادي ... الأمريكية والفرنسية من أنصار حقوق المرأة قاموا حنكوا السودانية ـ على قد حاله ـ بانو المساواة بين الرجل والمرأة ... الخ ، الولية صدقت .. فاتفقوا انهم يرجعوا بيوتهم وكل وحدة تقول لي راجله انه من اليوم مافي طبخ ولا كنس ولا تنظيف .. الخ .. ويجوا بعد 3 ايام يحكوا شافوا شنو من رجالهم ... بعد 3 ايام قالت الامريكية والله راجلى بعد ما كلمتو ما قال شي .. لكن قام ينضف ويطبخ .. الخ ومشى الموضوع عادي .... الفرنسية قالت انا بعد ما كلمتوا ما شفتوا منو شي .. بس قام يطبخ وينضف ... السودانية قالت ليهم :
والله انا اول يوم ما شفته منو شي ... وتاني يوم ماشفته شي .. وثالث يوم ما شفته شي .... الليلة رابع يوم الحمدلله .. بقيت اشوف شوية بعيني الشمال
وللحقيبة بقية
|
Post: #2
Title: Re: حقيبة النكــــــت
Author: HOPEFUL
Date: 03-07-2004, 04:10 AM
Parent: #1
هاهاهاهاهاها
والله عجبني ليها
الوداها تباري زي جداد الكوشه شنو؟؟
|
Post: #3
Title: Re: حقيبة النكــــــت
Author: ابو تميم
Date: 03-08-2004, 08:57 PM
Parent: #1
قالو في عريس عوير مرتو ولدت بعد شهر من العرس اصحابو جوهو يلوموهو قالو ليهو دا شنو دا
قال ليهم :
اها انجهونا.... انجهونا
|
Post: #4
Title: Re: حقيبة النكــــــت
Author: ابو تميم
Date: 03-09-2004, 03:21 AM
Parent: #1
قال ليك واحد اشترى ليهو مركوب " نمر " و بس ما خلى مشوار ما مشى بيهو .. لما المركوب " انسهك " و اتقطع
واحد صاحبه زهجان من مشوايره الكتيرة دى القطعت المركوب قال ليهو : و الله سيدو " اى النمر " لما كان حى ما حام بيهو كده
جماعه بيسكروا و بعدين واحد منهم خلاهم يكبكبوا و مشى ضبح ليهو قرد و ظبط ليك حله " صاح " و بعد شويه الجماعة ضربوا ليك الحله و لهطوها " لهط "
واحد منهم جاء الصباح للزول ده و قال ليهو : يا اخوى انت حلتك دى عامله من شنو ؟؟؟ يا اخى انا الليل كلو اللحم الاكلتو يجى ناطى لى فى حلقى
صاحب الحله قال ليهو : يا اخوى ده بينط لحدى آخر الشجرة ما ينط ليك فى حلقك
|
|