Post: #1
Title: قال أكتبيني في قصيدة بصوت نجلاء عثمان التوم
Author: الليندي
Date: 03-01-2004, 11:45 AM
|
Post: #2
Title: Re: قال أكتبيني في قصيدة بصوت نجلاء عثمان التوم
Author: جورج بنيوتي
Date: 03-01-2004, 12:25 PM
Parent: #1
شكرا يأأيها الليندي ..
::::: نجلاء التوم : قلت إني - الآن - أعرف إسمك !!
نهار العمل في الملل يتلاشى ...
هل قلت إني أشكركم؟
|
Post: #3
Title: Re: قال أكتبيني في قصيدة بصوت نجلاء عثمان التوم
Author: Tumadir
Date: 03-01-2004, 12:46 PM
Parent: #2
الله يا ليندى
نجلاء شاعره مكتمله
الموهبه..
شكرا عليها
|
Post: #4
Title: Re: قال أكتبيني في قصيدة بصوت نجلاء عثمان التوم
Author: نجلاء التوم
Date: 03-01-2004, 04:20 PM
Parent: #3
الليندى : شكرا واهتمامك ابعد من حدود تصديقى بس مش كان تشاورووونا ، البورد مسئولية جامدة وانا اتخير ما اود ادراجه . اين عثرت على التسجيل صوتى هنا صوت شافعة ممتحنة امتحان نقل من خامسة لى ساتة , وحتى لا يصيبكم الحبور على ان" اضيف" : لم يحدث ما يستوجب الفشخرة ، ياهو صوتى ذااااتو.
|
Post: #5
Title: Re: قال أكتبيني في قصيدة بصوت نجلاء عثمان التوم
Author: gessan
Date: 03-01-2004, 04:21 PM
Parent: #1
تاااني..
قيسان
|
Post: #6
Title: Re: قال أكتبيني في قصيدة بصوت نجلاء عثمان التوم
Author: نجلاء التوم
Date: 03-01-2004, 10:22 PM
Parent: #5
قيسان : احد اعظم من تعثرت بفنهم فى هذا البورد ... فقط لو تدلنى عليك ، كيف تتثنى لك الالوان على انفتها وخجلها المرعبين وكيف تطاوعك عينى وعلى الفور انتقل الى منطقة الفصاحة الشديدة حيث يندر الكلام ويتاكد الهمس مع كل ضربة فرشاة . احترامى كبير وسعدى ظاهر . لا يجدر بى السكوت على علل خفية وباطنة تركتها اياديك ... تمنيت لو افصحت لى كيف وجدت قصيدة قديمة طريقها اليك ؟
|
Post: #7
Title: Re: قال أكتبيني في قصيدة بصوت نجلاء عثمان التوم
Author: الليندي
Date: 03-02-2004, 11:01 AM
Parent: #6
شكر أ الاصدقاء تماضر - جورج - قيسان
نجلاء عثمان التوم ما تنتجيه من روائع ملكنا نحن اليس كذلك وعشان ما اكون اناني واحتكر الاشياء الجميلة كان لابد من ذلك البوست وللاسف ليس لدي غير قصيدتين فقط بحوزتي وللاسف القصيدة البشوفها انها الاجمل غير تامة ( تاقيت الباب ) وطبعاً التسجيل ده فيديو وحفلة وداع وتخريج في الصحافة وانا المعني بالحفل ومن ديك وعيك ما اتلاقينا انشاءالله تكوني عرفتيني
بالمناسبة حانزل جزء ملحن من ( تاقيت الباب ) لعاطف أنيس ورغم اني مصر انو عاطف يكمل اللحن لكن عاطف فقد النص كما علمت منه ويبدو انو في مبدع اخر تغني بها
يلا حاطلب منك طلب انك تنزلي نص تاقيت الباب مكتوب لحوجتي الملحة له
[email protected]
|
Post: #8
Title: Re: قال أكتبيني في قصيدة بصوت نجلاء عثمان التوم
Author: sympatico
Date: 03-02-2004, 11:37 AM
Parent: #7
الليندي
شكرا على النص المسموع لنجلاء
قبل دقائق منا في سيرتك انا ونجلاء وكانت عايزة تعرف مين الليندي دا
ويمكن بعد كلامك الفوق دا تقدر تتذكر
تاقيت الباب موجودة في بوست الاستاذة تماضر
شوفوا البت نجلاء دى... كتابه كيف..ياناس
وهذا نص القصيدة
Quote: تاقيت الباب
تاقيت الباب و استنيتك
صيفين و شتاء و رشة مطرة.
ما حسك كان صاحى و بي خير
..الوانك واضحة ومختصرة
وكتين ما جيت ....
ضايرت الخوف ,
حزّمت التوب ,
وصيت الغيمة تلاوح البيت وما تسد الباب .....
جايين راجعين .
متيمنة بيك وشاردة معاك ؛
ح افتش ليك:
براة الضل
جواة الدم,
ما بين النار وصراخ جمرة ......... ح اجيك ..ح اجيك .
وبراى هل كنت براى قايل ؟
رحيتك جواى
والفكرة الخاصة
المجنونة ,
ونستنا ف آخر الليل ,
والليل .
ومشيت .....
عديت كم ساحة .............. ح القاك .
سجمانة ورازة ونطاحة ,
متعكننة بشـتـنـت الساعات
ودقايق الروح المتراوحات
والزمن المابى يكون منحاز
ويلمنى بيك ....
رحيتو دقيق
نسوان السوق عاسنو فطير ميتان حيلو
ما زمنك لا بقبل غيرو ....ولا غيرك غير .
سكران بالهم ؟
ما وعّـيـتـك .
مطعون جرحك مسربل دم ؟
ما داويتك .
غبـيـت ...احترت ومرق الصبر الشايل حيلك مال بالحيل ....
ضللت عليك بى قولة الحق ,
ما عارف انى معاك بسواك
لكين وحدك ..........متغابى وطيب وغايظنى .
عدن كم حول ؟
مستنى اقول ....؟
ياخى بحبك ....
واتآمر ضدك انا والشوق ,
تسريحة بت الجيران ,
وغنا الصبيان ساعة المطرة ,
وريتم اسمك فى الشجرة ,
بى خط فرحان
منقوش اسمك
قوسين ..... وفلان .
حتكسر الليل ولا افوتك
للشوق والبيت ,
تاقيت الباب
استنيتك ,
صيفين وشتا
واول مطرة....
ذاعت اخبارك فى دمى... وانحسرت تواً لفحة حر ,
كبرت فجاة ضلالة البيت ...
يا هل طليت ؟
نجلاء عثمان التوم
الخرطوم 1997
[email protected] |
|
Post: #9
Title: Re: قال أكتبيني في قصيدة بصوت نجلاء عثمان التوم
Author: الليندي
Date: 03-02-2004, 11:45 AM
Parent: #8
العزيز سامبكتو لك خالص التحايا والود
حاطلب منك طلب عايز كود الحفظ لو امكن ترسلو لي في الايميل اكون شاكر جداً
ناصر عزالدين
|
Post: #10
Title: Re: قال أكتبيني في قصيدة بصوت نجلاء عثمان التوم
Author: الجندرية
Date: 04-18-2004, 01:05 PM
Parent: #1
غايتو احتمال 9
|
Post: #11
Title: Re: قال أكتبيني في قصيدة بصوت نجلاء عثمان التوم
Author: Ibrahim Algrefwi
Date: 04-18-2004, 01:24 PM
Parent: #1
الليندي
ساحكي لك حكايه
(( في جزيره العرب وكما يسميها فرناندو بثوا جزيره الشعراء كان الاعراب يرسلون ابنائهم الصغار الي البوادي عند بعض القبائل لتعلم الشعر الشعر الذي كان اداتهم في الحرب والسوق والاكل واشكال الصراع الاجتماعي وتجلياته باختصار كان الشعر اداتهم ,, لذا كانو يرسلون بعض من ابنائهم هناك لتعلم الشعر فيأتي فارساً شاعراً
ويحكي ان بنو عزام ارسلو غلام يخصهم اسمه عتابه الي قبيله البرادين وهم من اشعر شعراء العرب فتعلم واحس الشعر عندهم ... مكث عنهم عشرون عاماً وعاد الي دياره ممتليئاً بشعره وحسه وتزوقه الفذ
عندما عاد الغلام الي دياره وجد عندهم (ابوالطيب المتنبي) .
قراء ابوالطيب المتنبي الي الغلام بعضاً من قصيده الليل
..........................................
عارف عتابه حصل ليه شنو بعد ماسمع نص القصيده بس
مـــــــات مات ياليندي!!! البأيه في حياتك!! مات اخر من يتذوق الشعر قتله الشعر
ليندي: لماذا تردينا ان نموت
|
Post: #12
Title: Re: قال أكتبيني في قصيدة بصوت نجلاء عثمان التوم
Author: Ibrahim Algrefwi
Date: 04-18-2004, 01:32 PM
Parent: #1
ليندي
أستاذنك سطراً الي نجلاء عثمان التوم
صباح القريه موطني الاخضر نجلاء
أنا أبحث عني ... ابحث عن اشعار لفؤاد نجم بصوت الشيخ امام هي تماماً بعض ما يحثني نحوك
ماذا علي ان افعل
مساء الخير موطني الاخضر نجلاء
|
|