مليون سلام يا شعبنا ....

مليون سلام
محجوب شريف

مليون سلام
يا شعبنا ومليون حباب
والاغتراب
يا ابونا ما طول الغياب
الاغتراب فال البخونك ويزدريك
ونحن بين سنكيهو والزنزانة
والسجن السميك
منك قُراب ياشعبنا
أحرار وحريتنا في إيمانّا بيك
ثوار بنفتح للشمس في ليلنا باب
لي يوم جديد
وبنفتديك
وحنفتديك
ما بنرمى إسمك في التراب
وعيونا تتوجه اليك
إنت المعلم والكتاب
ونغنى ليك
أبداً جُذورك فينا تمتدَّ وتجيك
والبزدريك
ياويلو من زحفك عليهو
ومن مشيك
يا ويلو من أجَلو الوشيك
يوم ينكسر قيد الحديد
السنكي والزنزانة والسجن السميك
وخطى الشهيد
من حولو تهدر والنشيد
وإنت الشمس من بين إيديك
تطلع عليك من كل باب ،، ياشعبنا
مليون سلام يا شعبنا ومليون حباب