مرات الواحد يضحك براهو

في آخر ليل امس دخلت بوست راني الموجه الى تمبس -نزارحسين-خالد الحاج-عمك تنقو
وفجأة لقيت نفسي بضحك من تعليق خالد الحاج ورد راني عليهو

راني كان منزل توقيع - اظن هسي سحبو -

خالد علق

Quote: غايتو يا راني يا أخوي الغنية بفتشها ليك عندي لكن توقيعك ده بجيب ليك الهوا

وراني رد عليهو

Quote: عارف ما بجيب لي الهواء عارف لي ؟ لانو في حتات كدا ما بدخلها خالص لانو الغفرا بتعنها صعبين لو دورو فيني ما بقدر عليهم غايتو يسترنا معاهم ساكت البيستر الناس

وجيت الصباح فتحت الماسنجر لقيت رسالة من صديق زادتني ضحك

=====

احيانا تمر بينا مواقف مضحكة
واحيانا نتذكر حاجات حصلت من فترة طويلة

والواحد يقوم فجأة يضحك براهو وسط الناس زي المجنون
هل مرت بيكم حالة زي دي؟

سمبتيكو يا أخوي التناصح بين الأخوان سمح مش؟؟
الله يديك العافية ضحكتني والله..

ههههههههههههه خالد
كلامك صح
بس اظن المسنجرات اشتغلت
تسلم والله

سمبتيكو..
يعلم الله أنا شغل تحت تحت ما بعرفو
زول واضح وما عندي أسرار..
عشان كده ما عندي شغلة بما يدور وراء الكواليس..
والبيجيبو الله كلو كويس

يا زول اللـه يزيدك فرح ـ غايتو اخير من المرات كده يبكيوا براهم ـ نصايص الليـل يقبلوا علي الحيطة ويجعروا ـ

Sympatico ,
تحياتى ,
الواحد كان بيضحك براهو مرة .. مرة , ما فيها حاجة , لكن لو دا بيحصل طوالى يكون محمدو شيخ سيجيمان بى بسطونتو ...
لكن أنا حصلت لى مرة :
كنت فى الشارع ماشية براى ومن هناك جاية عجوز خواجية من النوع البيفرح لما يلقى ليهو زول يآزرو فى الشارع عشان الوحدة قاتلاهم , وبدت تتبسم وتتجهز للسلام على ويمكن تأخد ليها خشم خشمين معاى تقصر بيهم مشوارها , ولما قربت منى , فجأة انا اتذكرت نكتة أهل العوض وكنت سامعاها جديد , ومت من الضحك ووقفت من الفتفتة , وصاحبتنا ديك لوت وشها ولفت بأول شارع وهى تتلفت لى فى خوف شديد .