الحاج بدر الدين شنا

عاد أخونا بدر الدين شنا من الحج سليماً معافى ، نسأل الله أن يكون سعيه مشكوراً وذنبه مغفورا وحجه مبرورا وأن يكون قد رجع من حجه هذا كيوم ولدته أمه ، ولما كان تاريخ ميلاد الحاج بدر الدين مبنى للمجهول بسبب أنه مؤرخ بعام حفر البئر في قريتهم يكون ثاني أيام التشريق من عام ألف وأربعمائة وأربعة وعشرون من الهجرة النبوية الشريفة هو تاريخ ميلاد البدري وبذلك يكون أصغر أعضاء منبركم هذا سنا ، وقصدت أن أفرد لموضوع حج بدر الدين مقالاً منفصلاً حتى يرمى الرامون جمارهم وسهامهم ليس في إتجاه جمرة العقبة الكبرى أو الوسط أو الصغرى إنما صوب بدر الدين عديل كده مهنئين ومهللين. سألني الحاج بدر الدين بعد عودته من الديار المقدسه للمنبر الحر أنه قد أنهى حجه ولما كان متزوجاً وله من ذرية صالحة من زوجته نظر وتبسم في خبث متسائلاً ، أها بعد الحج يا ربي يكون باقي لي شنو في هذه الحياة وأكيد بيكون باقي ليهوالماجستير . ولأن السؤال فيه الكثير من الدهاء والخبث أمتنع عن الإجابة.
يعلم الجميع أن من شروط الحج:
الإسلام ، ونحمد الله أن الأخ البدري مسلم بالميلاد وبالفطره وبصبره
العقل ، وأن عقل الأخ البدري يوزن بلد قبل هجرته إلى السلطنة الزرقاء.
الحرية ، وأن هذا الشرط ربما إنتفى من البدري بوجود الكفيل
صحة البدن ، لا تعليق
ملك الزاد والراحلة ، هذا أمر مقدور عليه وميسور لمغترب
أمن الطريق ، شيطانين في كوشه ما بتلمو
وهناك شرط الإستطاعة ، وأحسب أن البدري لم يستوفي هذا الشرط حقه أيضاً حيث أن عليه مديونية لحكومة جمهورية السودان تقدر بمستحقات حولين كاملين من الزكاة وتهرب بين من الضرائب لأعوام عديدة تتراوح بين الأربعة والسبعة أعوام . فهل حج أخونا بدر الدين يا أهل العلم والمعرفة منقوص أم مقصور أم صحيح. ويا داخل هذا الدار صلي على النبى المختار

اخونا الحبيب الملا عمر

كل سنة و انت طيب

نهنئ بحج اخونا البدري و عودته سالما غانما فائزا

ان شاء الله تعالى ... و من ثم عودته للبورد

الشوق مطر يا خال ...

الأخ/ حسين ملاسي
مشكور يا سيدي على طلتك ووقوفك هناك وفي إنتظار بدر الدين شنا بعد أن حج وجا

صديقي الحاج بدر الدين
مبروكة الحجة.. تقبلها الله وجعلها في ميزان حسناتك الكثيرة..

شكرا زميلي الملا عمر
وحمد الله على سلامة طلتك..

حاج البدرى
تقبل الله حجكم وطاعتكم وغفر لكم ذنوبكم وطهركم
وحمدا لله على سلامتكم وحجا مبرورا وسعيا مشكورا

الاخ الجميل دوما الملا عمر
لك التحية والتقدير
حاج البدرى ده مبروك بالحيل ونيتو واصله وانا خايف عليك الجماعة يعرفوا مكانك

وحاج البدرى طبعا لازماه عروس صغيره تدلعة فيما تبقى له من عمر مديد سعيد باذن الله أو سوف يسأل يوم القيامة عن انتقاصه رخصة مثنى وثلاث ورباع وياويلنا من هذا السؤال!!

جمعنا الله واياكم فى العام القادم فى الشعائر المقدسة
أخوكم

أتاري انا بقول حج السنة دي مالو كده كده!!

شكرا يا ملا، والف مبروك بدر الدين السمح، حجا مبرورا وربنا يتقبل منك رغم ناس الضرايب، ورغم الملا الذي حرقتو قولة الحاج بدر الدين دي، أصلو داير ينفرد بالالقاب الدينية المقدسة دي براهو.

ويا رب صلي على الحبيب وأوعدنا بزيارته وحج بيتك، آآمييين

الملا عمر
يديك العافية ولك الشكر والود وانت تقوم بالواجب

صديقي البدر مبروك الحج وربنا يتقبل

لكما الشكر
عبدالله جعفر

الحاج بدالدين....مبروووووكة يا صديق الكل...وميمونة انشاء الله

ويا الملا عمر...تعرف أول مرة الاحظ حكاية شرط الحرية دي مع وجود الكفيل..المسألة عاوزة فتوي

ألف مبروك الحجة يا بدرالدين يا أخوي
تقبل الله الطاعات و {قرط علي كدة}

حجة مقبولة حاج بدرالدين شنا

المرة الجاية قالوا في تطوير في رمي الجمرات

الملا عمر

بارك الله فيك .. وعقبال الحجة رقم كم كدا ما عارف

بس الزول دا قال الحاجة الوحيدة الما استفاد منها

قصة ( التحلل الأكبر دي ) الموضوع دا قال غايظو جدا


عزيز .. تحياتي ليك وللمدام


يا الطيب البشير ، غايتو من ناحية السفة الزول دا بطل زمان
لكن اللسان دا ماااا بضمنو ليك ؟؟

تحياتي

رحمابي

اللهم أحلل عقدة من لساني يفقهوا قولي
لأنه الملا عمر دا لسانه طويل وقوله أطول وعشان أجاريه في إبداعه وفنه ورصانة إسلوبه خايف اقع في (جدال ورفث و....).
أشكرك أخي وصديقي الملا عمر على هذه المباركة والتي أسأل الله أن تكون إمتداد وطريق لمباركة العزيز الغفار وقبول وهداية وتوبة نصوحة إن شاء الله
وأسأل المولى أن يسهل للجميع زيارة بيته الحرام في كل عام وزيارة قبر المصطفى عليه الصلاة والسلام
الحمد لله الذي وهبني على الكبر أصدقاء مثل الملا عمر وسلة من الآخرين في هذا الحوش المسكون بالجمال والإبداع


الظريف الصغير (كمال) حسين ملاسي إبراهيم
سلام باللهفة .. (سلام باللهفة دي زي بيض بالطوة).
الله يبارك لك في أهلك وزوجك وذريتك ومالك وأعمالك


الحاجة بمشيئة الله رجاء
سلام ودعوات وسؤال للمولى لك ولإختك راوية بكل الخير ويحفظكن عفيفات وصالحات وطيبات كعهدي بكن ويبعد عن كن كل خبيث


الحبيب عبدالعزيز خطاب
تقبل الله مني ومنك وإن شاء الله يا عبدالعزيز السنة الجاية إنت وسحرك وعيالك حاجين ملبيين مهللين مكبرين وأشكرك كتير على هذه الكلمات الطيبات


الغالي الصاوي سلام
الله يحججك يا الصاوي حجة لا جدال ولا رفث ولا فسوق فيها قول آمييييييييييين


صديقي وحبيبي الرجل الطيب عبدالله جعفر
بارك الله فيك وشوقي ليك لا تحده حدود
ياخي تعال نتلاقى رايك شنو؟؟؟


الرائع اسامة ميرغني
الله يقبل حمدك وشكرك وما وريتني رجعت من السودان متين وكيف لقيت أهلك وأحبابك .. الله يحججك يا الغالي


صديقي القديم الحديث الطيب البشير
أقرط على كدي دي حلوة يا الطيب
غايتو نصيحتي للجميع الواحد يحج وهو صغير سن لأنه الحج عايز مجهود كبير نسأل الله القبول

الف مبروك الاخ بدر الدين وحجا مبرورا وسعيا مشكورا

الأخت الوفية ميا
ربنا يديدك الفي مرادك يا إنسانة يا طيبة
ويحججك مع من تحبين و(الجمرات) أكتر من الرايحات


الرحمابي
الله يجازي محنك
نحن التحلل الأكبر عندنا ليس بقص الشعر إنما بقص التذكرة
ربنا يحججك مرة تانية

الأديب زمراوي سلام
بي زيارتك البوست نوَّر
وأنا شخصياً بفرح بيك كتير وإن شاء الله نحج سوى عشان أستمتع بيك أكتر

البدري .. الحج مبارك عليك .. أها ، الطواقي والسبح ، أهم شي .. والسجاجات .. (ما بتعرف السجاجات؟ ، طيب – نشرح) واحد من أبناء أهل العوض البارين بآبائهم وهو يودع أباه في نقطة السفر الأخيرة .. قال لأبيه ، أها يابا .. ما تنسى السجاجات .. فرد الوالد قائلاً : علا قبل أنا غير السجاجات الموديني شنو >>

بعدين ياخ بيني وبينك حاج بدر الدين دي ما راكبة .. ممكن تكون المعلم بدر الدين .. الأستاذ بدر الدين .. إلا يكون اسمك فضل المولى حتى نلفق معاك صفة الحاج أو الفكي أو مولانا .. غايتو غير واحدة منهن

العزيز بدرالدين تقبل الله منكم وحجا مبرورا وسعيا مشكورا وحمدلله علي السلامه

الحمد لله على سلامتك يا حاج

وحج مقبول

ومشتاقين

والتحية لأخينا الملا عمر

وتانى يا حاج مشتاقين

أبوذر

بدر الدين السعيد في عمرك
حمد لله على السلامة
وسلامتك من طقة الحجر

الحاج / بدرالدين

اللهم اجعله حجاً مبروراً وسعياً مشكورا وذنباً مغفوراً.

أهل العوض والسجاجات
سلام عليك

أنا بعرف السجاجات و(الكسيدات) كمان والتي تصنع من القصب وليس السعف ولا علاقة لها بقبيلة اشرطة الكاسيت
خليها حاج البدري يمكن تركب
من الله خلقك لاقاك فضل المولى حجا بي قروشو؟؟؟ دائما بكون حججوهو أولاده وأنا حجيت بي قروشي


عبدالله بس
كيف حالك ؟؟؟ ياخي إنت عبدالله منو؟؟؟ وقاعد وين أنا عايز أعرفك أكتر
غايتو على العموم الله يبارك فيك ويحججك حجة تزيد بيها إسمك دا كان يبقى حاج عبدالله


الحبيب القريب أبوذر
شوقي ليك يا المطر
ربنا يسهلك حجة مباركة ومقبولة وما تنسانا من الدعوات يا ود الشيوخ


أماني الجندرية
الله يسلمك يا بت أمي والله الحجر جاني تحت العين بس الحمد لله الحجارة ما كبيرة بحجم حبة الفاصوليا وبالمناسبة دي أحكي ليك الموقف دا
أنا سقت معاي واحد حجا قبل كدا قلت عشان يختار معاي الحجار فكنت كل ما أوريهو حجر يقول لي لا دا كبير .. أها ودا .. لا دا كبير .. ودا كيف ؟؟ لا دا كمان كبير .. أها قلت ليهو
أسمع إنت الشيطان قريبك؟؟؟


Noon3
والله إسمك دا أصعب من رمي الجمرات ما قدرت أقراهو تب (هل هو نون3 أم نونع) فكتبته زي ماهو
أسال الله أن يقبل مننا ومنكم والشكر أجزله

بدر الدين
الله يقبل ان شاء الله

اللهم صلي وسلم علي النبي..
عملا بوصية الزول الزين الملا عمر..

حاج بدر الدين..
وحكي بدر الدين حين عودته من الحج..أنه وفي رمي الجمرات
قام أحدهم برميه بجمرة لتصيبه بالقرب من العين..
والسؤال يا حاج..الزول مالو؟؟
نظرو ضعيف ولا شبهك علي الشيطان
وبالمناسبة دي تستحضرني نكتة..
أخونا المهندس عثمان حامد زميلنا في البورد
أنعم الله عليه بحجة وإتصل به بعض الإخوة تلفونيا حين أطال المكوث بالأراضي المقدسة
وسألوه يا زول إنت مفرد ولا مجوز(جمع العمرة بالحج)
قال ليهم معاي منال (زوجته)

حجا مبرورا يا حاج بدر وباقي ليك الماجستير بعد عمرا مديد إن شاء الله

بدر الدين الحاج
وأحلل عقدة من لساني يفقهوا قولي. كده يا حاج ، ما عايز ليك وزير من أهلك إن شاء الله وزير دوله أو وزير إقليمي ، فعلاً زي ما قال أهل العوض أنو لقب حاج دي أبداً ما راكبه مع إسمك وحاولنا نركبها شماعة حتى إلا أنها أبت وأستكبرت.

أهل العوض
السجاجات يطيرن في السما كفايه عليكم الطواقي ، ويقال والعهدة على الراوي أخي أهل العوض أنه وفي جمرة العقبة الوسطى وأخينا بدر الدين يهم برمي الشيطان إذا بنعال مقاس ستة وأربعين تصفع البدري في مؤخرة دقنوسه حتى كاد أن يخر صريعا لولا أن تدراكته رحمة من الله وبعض عون من حجاج أتراك غلاظ شداد مفتولى العضلات وثلة من حجاج نيجيريا وبعد أن أخد الحاج بدر الدين نفسه وتيقن أنه على قيد الحياة قال مخاطبا جاره الجاب القون منو ، ونظر إليه جاره مهمها بكلام ترك مبهم بأنه لم يفهم.

أخي المطر
لك التحايا والأشواق

العزيز الرحمابي
أما في شأن التحلل فأخشي ما أخشاه أن يكون حاج بدر الدين قد فعل في إحرامه مع فعله جد أخينا وحبيبنا الغائب أب حراز ، فعندما حج جد أب حراز لأبيه وعند الإحرام أخبره أهل الرأى والعلم والمعرفة أنه يتوجب عليه أن يرتدي الإزار والرداء أى قطعتين البشاكير ديل وبس ، فغضب الجد وإعتبر أن هذه مسخرة وقال ليهم دايرني كمان أقعد أم فكو ، كان للعراقي بمرقو لكين على بالطلاق سراولي الطويل بعد ما تككتو ماني مارقو ، عليه يبقى تحلل بدر الدين معلق بتكة سروال جد أب حراز لأبيه إلى قيام الساعة.

الحاجه رجاء
نسأل الله لكي الصحة والتوفيق والسداد ، ودحين يا رجاء يا أختي وإنتي داخله هنا صليتي على النبي المختار ، ما لك دخلتي من الحيطه ما كاتبين وبالخط العريض وبي صفيحتين جير على باب البيت ، أها وجبتي شنو للحاج ولا إنتي نوع ناس أهل العوض بيكون مستني الحاج يجيب ليهو.


الأخ عزيز
لك الشكر والتقدير أخي ، وبالمناسبة الجماعة عارفين مكاني بس عاملين ما عارفين عشان المسألة تطول لأنو أقمار التجسس والتكنولوجيا إياها أصبحت توري ناس البيت الأبيض عدد أسنان خروف الضحية في بيت المال وكمية الماء المضاف إلى لبن شاي الصباح الذي يأتينا مع الفجر من الدروشاب ولن أبالغ وأقول النشال الذي لفح المحفظة التي هي أخوي من فؤاد أم موسى في ميدان أبو جنزير.
حكاية بركة بدر الدين دي لا تعليق أما مسألة العروس حتى لا يسأل يومئذ عن المثنى والثلاث والرباع فأظن أن هناك إتفاق مكتوب بينه وبين أم أواب بأن يكون المثنى والثلاث والرباع في عدد البيوت والركشات والحافلات وهو قاب قوسين أو أدنى من ذلك بحمد الله.

أخي الصاوي
الحج يا أخوى مالو كده ما نفس الحج كل عام وقوف بعرفة وترويه في منى وجمرات في أيام التشريق وطواف وسعى وتشتت. بعدين أنا لا داير ألقاب لا شئ بس برضو أرجع وأقوم حاج مضوى ممكن حاج الصافي ممكن حاج حسن ، حاج أحمد حاج فضل المولى حاج عبد الله حاجه فاطنه كل دي ميه الميه ، أو زي ما بقول ماتشنق ، لكن البمتش لي كلمة حاج مع بدر الدين شنو؟

الأخ عبد الله جعفر
لك الشكر والتقدير وربنا يوعدك وجميع الأخوة والأخوات بحج مبرور إن شاء الله.

الأخ عثمان ميرغني
والله المسألة محتاجه لفتوى ، والأسوأ وأمر من ذلك يا أخي إنو ناس الحكومة عندنا قالوا من لا يملك قوته لا يملك قراره ، وبالضرورة من لا يملك قراره لا يملك حريته وبي كده عقدوا علينا الحكاية أكتر وأكتر يعني بقي كفيل وقوت في نفس الوقت ، وحتى لو قلنا نصوم ما حا ينفع.

الأخت مايا
رمي الجمرات ربما يتطور بشئ من التوعية للحجاج لكين غير كده ما أظن فالمكان نفس المكان والزمان تقريبا واحد وسبق وأن جربوا بأن عملوا مكان رمي الجمرات ون وى تدخلى من هنا تطلعي من هناك ، لكين برضها جاطت وحصل عفيص وموت ، وما بقي ليهم إلا يقولوا ممكن الواحد يرمى بي نبله أو بواسطة الطيران الشراعي.

المسافا الرائع سلام
اللهم آمييييين وربنا يسهلك إنت والأسرة


خالد (الحاج)
طب ماهو إنت حاج ولا دي جلابية الوالد
عجبتني نكتة الباشمهندس ربنا يحفظه ويسهله حجة تاني ويكون فيها متمتع بالعمرة والحج ومنال

إن شاء الله يوم ماجستيري ما يجي

بما انو الحاج بدر الدين مديون للحكومة السودانية...فالموضوع اذا فيهو شكك
لكن بما انو الحكومة السودانية زاااتا مديونة لي انا فانا عفيتهم و هم عفوك...

يلا يا زول حجا مبرورا و ذنبا مغفورا

يقول مانديلا نفعني الله بسكناته وحركاته الإنقلابية منها والبهلوانية واللاإرادية أن حكومة السودان مدينة له وفي عنقها دين وقروش للسيد مانديلا تأتي يوم لا ينفع مال ولا بنون تحمله أمام الملأ إلى أن يعفو صاحب الحق ويتنازل طائعاً مختارا عن حقه دون تهديد أو وعيد ، ولما تنازل مانديلا للحكومة عن حقوقه أصبح التنازل بالتالي يشمل بدر الدين تماماً مثل الكتابة بالكربون أو حتى صاحب صاحبك صاحبك ، لكن فات على الأخ مانديلا أن في السودان قائمة بطول نهر النيل لها في عنق الحكومة الكثير ولها يوم الحشر الأعظم أن تتنازل أو لا تفعل ، ويبقى حج بدر الدين مجهجها حتى صدور عفو شعبي بالإجماع عن الحكومة.

حاج بدرالدين
والله الجمرات دي حاجة صعبة اخير الرايحات

ما قلت لينا الوقفك شنو جنب الشيطان وقام الزول ضربك في عينك؟

وخروف الكرامة رسله لبورداب مسقط بالفاكس انشالله

سلام مربع

سيدي الملا عمر

اشارة الى ما ورد اعلاه في متن فتواكم بعدم استحقاقية حجة بدر
وارجاع الامر الى انتقاص حقوق السفارة السودانية من قبل الحاج المذكور وهو تدقيس (الزكويين) والنوم بحقهم ... ولانني مغرووودة في هذه المبالغ ،من اجل التوثيق لطيور السودان ، وتالث شيء انا متحيله وعايزه امشي السودان ، واخاف ان وقفت جمب الوالد ان يدلق فني جازا ويولعني ، فخراج ذلك ان يطلع بدر شنا بحق التذاكر
والله ولي التوفيق

الأخ بدر الدين
جعله الله حجا مبرورا ومقبولا وذنبا مغفورا..
ياحاج...الحكايه شنو؟؟؟؟قاطعتنا مالك؟؟ سمعتوا؟؟جابو ليك؟؟وللا عكينا؟؟؟المهم....حج وتعال..تلقانا نحنا يانا نحن..يا نا نحااااا
تحياتي
أخوك/الزاكي

الأمبراطور شيري
الشكيه لي أب أيدن قويه
أنا لم أفتي ولم أصدر فتوى ، فحجة بدر الدين إن شاء الله صحيحة ومقبولة بدرجة جيد جداً وهي قطعاً ليست حجة وداع كما تتخيلي فربما تعقبها حجات أخر كل ما أرادت أن أقوله أنه ربما لم يحج كما فعل معلم وهادي البشرية سيدنا ورسولنا محمد صلي الله عليه وسلم ، وإن كانت حجة بدر الدين أفضل - في تصوري المتواضع ونظري الضعيف - ببضع وعشرين درجة عن حجة أهل العوض - أيده الله - فقد روت الأساطير أن أهل العوض جاء إلى الأراضي المقدسة بالخطأ فقد كانت وجهته إلى المملكة المتحدة لكن خلطاً بيناً وتشابهاً بين المملكتين في الإسم إستقر به القمام في المملكة العربية السعودية ونحمد الله كثيراً أنه لم يذهب إلى مملكة بوتان ، والإعوجاج في حجة أهل العوض هي أنه دخل البلاد بصفة معتمر وأنقضت أيام العمرة وبقى إلى الحج فحج مع من حج في ذلك العام ولم ينضوي تحت أى حملة أو مؤسسة من مؤسسات الحج فكان متعه الله بالصحة والعافية في عز الصبا فلم يجد عنتاً أو مشقة في تكملة حجه مع العلم بأنه كان يعمل طوال فترة الحج بالأجر المادي متكئاً على ما جاء في الآية الكريمة وليشهدوا منافع لهم فهل حجة متأخرات الضرائب أقرب للقبول أم حجة أهل العوض. وقالوا الحجيج قطع طالب نور البقع قلبي زاد وجع حماني القيد منع هذا بالنسبة لأخونا وحبيبنا العمدة قرشو والقيد الذي حمى قرشو هو أن هناك عقرباً كبيراً بين يده وبين جزلانه

الممتع الرصين الملا عمر
نرمى معك باتجاه بدر الدين
يقال ان حجاج بعض الجهات و لسؤ اعمالهم يسبون الشيطان ب " يا ابن الكلب و يا خائب" ان الشتائم تتناسب طرديآ مع عظم الاثام...اعتقد ان بعض البشر لن يجد المناسب من الشتائم لتناسب افعالهم..
يحكى عن احدى عجائز اهلى الشايقيه,وهؤلاء قوم امتلأت نفوسهم بالايمان الا انه اختلطت عليهم كثير من الامور, عترت حبوبتنا وهى فى الحج فصاحت كعادتها يا سيدى الحسن فنبهها حاج "حداثي" يا حاجه انتى فى بيت الله وتدعى لغيرو؟؟ اجابت الحبوبه,غفر الله لها, وهى مملؤه بالدهشه والاستنكار هو فى زولآ فوق سيدي الحسن؟؟؟

ولك ولنا وللجميع المغفره واللهم صلى على حبيبك المصطفى

اخونا الحاج بدر الدين
حجه مبروكه و تربا فى عزك
ما يهمك كلام المغرضين امثال خالد الحاج,سنة 1984 وبعد امتحانات الشهاده ذهبت للسعوديه لزيارة الوالد وعملت لى عمره (بالضمه) والبى الفتحه عملتها برضو وبعدها نجحت و دخلت الجامعه وطبعآ يعجبوك امثال خالد اشاعوا بين البشر ان سبب النجاح هى دعواتى فى الحرم وليس قدراتى الذهنيه المحدوده ...هؤلاء قوم غلب عليهم الحسد
حاج بدر الدين مالا؟؟ اها حاج عصام كيف؟؟انتو اصبروا شويه و حتجيكم حاجه سولارا وحاجه سالى وحاج هيثم وحاج مهند مع الاحترام لاصحاب الاسماء,عجيب ارتباط بعض الاسماء ببعض الصفات
السنه دى حققنا امنيه و حلم للوالده انها تحج فصارت تحمل لقب الحاجه بحق وحقيق
اها يا حاج بدر الدين ممكن الواحد يقول عنك انك زميل الوالده.......فى الحج

تحيات و امنيات طيبه للجميع

اللهم صلي على النبي المختار..
أهـا يا الملا عمر، دخلنا زي ما قلت.. جبت ليكم معاي خبيز ظريف، كعك ناعم وبيتي فور، وكمان علبة حلاوة.. قصرتا..؟
وطبعا ما حأرجع فاضية، أوعو تدوني سبحة ولا مصلاية، عندي دستة.. الا سلاسل الدهب يادوبوم اتنين وبدوروا الزيادة..

الحاج بدرالدين.. دعوتك الجميلة لي واختي.. بالدنيا وما فيها.
تكرم يا غالي..

الحاج /بدرالدين

يتقبل الله .. واعمل بوصية اخونا الطيب البشير

حجا مبرورا وذمبا مغفورا

وما عارفين ذنب قطيع مصارين امه باكملها ده بقفروا ليك كيف..كان ما رحمة الله وسعت السموات والارض..



رسل لى "عقد" بكسر العى والقى

الحبيب مانديلا سلام
دائما مانديلا رجل عفو وسلام ومواقف مشهودة


الفاضلة ميا
الحجر الضربني دا بكون حجر (أحوص) يعاين في الشيطان ويطق بدرالدين

شيري بت أم شيري
(حجيتك) ما مجيتك
أنا كان عندي حق التذاكر كنت إتحللت التحلل الأكبر

أخوي الزاكي
وإن شاء الله كمان إنت ذنبك مغفور وعملك مبرور و(عدد) منشور


عصام جبرالله
سررت جدأ بي زيارتك وكلماتك الطيبات وفخور بزمالة الوالدة ربنا يحفظها ويخليها ليكم آمييييين


رجوية الحبوبة
لكي الود دائماً يا اصيلة

الأستاذ حسن الجزولي
أكيد دي حجة مبرورة ومبروكة الجابت الأستاذ حسن الجزولي


الغالية تماضر
أنا لي هسع أضحك وأستغفر من سؤالك لي
الحج حار؟؟؟
زي الحقنة؟؟؟
الله يديك العافية ويشملك بي رحمته ويديني أنا عقد (بكسر العي والقد) عشان أنفك منك

حجاً مبرور وسعياً مشكور

يحكي أن الحاج بدر الدين أيده الله في طواف الإفاضه والزحام على أشده والأبصار زائقه والقلوب كادت أن تقفز من الحناجر وبدر الدين في الشوط الأول يا دوب وباقي ليهو ستة أشواط دوران حول البيت العتيق وأثناء طوافه وهو يوازن بين ثلاثة أشياء أولها أن ينهي حجه دون رفس أو فسوف أو جدال وثانيها أن يضبط نفسه ويكظم غيظه كل ما جاءته دفرة من كوع أو نقزة من قدم أو كتف من ذات اليمين أو ذات اليسار أو حتى فرملة حاج أمام بدر الدين دون إشعار أو إشاره والأمر الآخر هو أن يظل محافظا ومتشبثاً بإزاره وردائه حتى لا يفلت منه أحدهما أو كلاهما ويقع ما لم يكن في الحسبان ، من عمق هذه الحالة وبفضل من الله أكمل الحاج بدر الدين الأشواط السبعة بعد عنت ومكابدة وخرج منها وكأنه بهلوان ، وعند سؤال مراسلنا له ماذا إذا تم تمديد الأشواط عندها تبسم حاج بدر الدين وقال لمراسلنا لو زادوها دقيقه بطلب التغيير. وبطلب كلمة أخيره من بدر الدين لمراسلنا يوجهها للحجاج أو أهله ، قال الحاج بدر الدين نحن كويسين وطيبين وما عندنا عوجه وهسع نحن في مكه وماشين المدينه وسلامي لي ناس حلة البير وحلة المسيد والحسن ود الوسيله ظالبني خمسين جنيه دحين الليعفاهن لي وبجيب لي معاي طاقيه.

العزيز يا سيكو سلام
أشكرك على الهدية الغالية رغم أني فشلت في سماعها ولا أدري السبب وياربي يا سيدي تحجج يا سيكو بي إسمو الصحيح لأنه مامكن يكون حاج ياسيكو إلا كان يحج في سويسرا

يا حاج
ان شاء الله نحج انا وزولك الا محيط لا مخيط دا
وضنيت عليهو حتى بالاحرام بعد الحج
ان شاء الله تسبعا
اليك المدحة من موقعها الرئيسي

http://tabatpeople.com/madeeh/pub/yarahileen.ram

الملا عمر سلام تاني
ياخي طلما الدكتوراه بتاعتك في الحج بتاعي عندي سؤال
ونحن راجعين من الجمرات والشارع مزدحم بفعل الحجاج غير النظاميين وساكنين في نفس الشارع بالإضافة للباعة والفراشة والشحادين فكان السير صعب والشارع طويل من الجمرات إلى منى حتى أذكر أنني سمعت سوداني يخاطب زميله وهو يتضجر قائلاً الله يفكنا من الصراط المستقيم دا ويقصد الشارع الواحد الذي يسير فيه الجميع بصعوبة وكل واحد يحاول أن يحافظ على حجه من الرفث والفسوق ووسط هذا الكم الهائل من البشر فجأة أحسست بيد تدفعني بقوة من جهة الشمال وعندما نظرت وجدتها إمرأة لم أر فيها غير العينين والباقي كلو حجاب أسود وخاطبتني بلهجة ونبرة وعيون مشرشرة قائلة
إنت ليش تتلصق على الحريم؟؟؟
أنا ما بوريك ردي عليها كان شنو إلا بعد سماع فتواك
ولك مني كل الشكر

الأخ بدر الدين الحاج شنا آل حجيتك ما بجيتك وخيرا جان وجاك والسامعين إلى يوم الدين
سبب مناكفتي لك وتخصصي المزعوم في شخصكم لأنني أحترمك وويتعدى الأمر شخصك إلى أشخاص آخرين فأنا في شخصك أحترم أشخاص وطبعاً عندي إحترامك خاص بسبب أو بدون، وأكيد الريدة الكتيرة يا حنين شقاوه وكان ما بريدك يا البدري يا أخوي لله فلله ألحس المكوه حاااااره طبعاً عجبتني حجتك دي بالحيل وده السبب الخلاني أفرد ليها شعري قبل أن أفرد ليها موضوع في منبرنا هذا ، وفي المنبر في ناس بدرجة فاء لام ألف تاء هاء في الحج يعني الواحد يكون عمره ثلاثين سنه ويكون حجه كده حوالي أربعين مر.
أما طلبكم أمر الفتوى في قول إمرأة من الأعراب من بني كلاب التي حمرت لك وبحلقت من تحت الحجاب وقالت لك ليش تتصلق في الحريم ولم تدري أنك تجشمت الصعاب وسافرت بتأشيرة وتذكرة وموافقة كفيل وإجازة بدون راتب ، فأعرض وأصفح وقل لها أنحنا العند عروضنا لؤام وجبارين وبعرفنا الصبر والله صبارين ، وخت أيدك في أضانك وشنق طاقيتك حتى لو محرم وزيدها بقولك هيييي هييي يييي نسيتها ولمن أتذكرها بكتبها ليك.

الملا عمر يازول يارائع
أنا بريدك شديييييييييييييييييييييييييييييييييييييييييييد ومتبع ملتك (بضم الميم وتشديد اللام) وداير أقول كلام كتير لكن لا أقوى على حمل مجاراتك وبقول يا جامع الناس ليوم لا ريب فيه أجمعني بحبيبي وصديقي الملا عمر

Quote: ولم تدري أنك تجشمت الصعاب وسافرت بتأشيرة وتذكرة وموافقة كفيل وإجازة بدون راتب

هذا ما دار في خلدي لحظتها ولا أذكر كيف كان ردي

الملا عمر .. ان شاء الله نبارك ليك الحجه انت كمان


خالي الجديد .. بدرالدين الحلوووو
ربنا يتقبل الحج .. وراجين الحولية .. والمداح

بس عندي طلب بسسسسسسسسسسسيط
زولك الماشي ده .. ياخ وقفو والله عزبتو معك عديل كده .. وانا كلما القي اسمك وادخل اشوفوك ..القي زولك ده .. قاعد افتر .. ووجع الضهر يقوم علي ..
بس ان شاء الله زكبة الحج ما تكون جاتك

نشوفك هنا ياعمي الحاج

بركاتك ياحاج بدر الدين

مبروك يا حاج بدر

موية زمزم حقتي وينها؟؟؟؟

بدرالدين

لكن الحجاج ما شافوا الشيطان عيان بيان

يعني فيزيكالي

بالله منى وعرفة وزمزم كيف
مبروك الحجة أني هاو
جني

الحاج بدر الدين

حجا مقبولا وذنبا مغفورا انشاء الله

الحاج بدر
حجا مبرورا وذنبا مغفورا

بعد ده نقول بركة السيد الحسن ابو جلابية وحاج بدر
وشكرا يا الملا عمر، على حسب كلامك طلعنا اصغر ناس سنا فى البورد
الحاج بدر ده دفعة لو ما رّبت ليهو سنة سنتين فى الثانوى .
والله يدى العمر.
وعقبالكم

حجا مبرورا .. و سعيا مشكورا

ياحاج بدرالدين

حاج بدر الدين...

قالوا واحد صعيدي مشي الحج ورجع لابس بامبـــــرز....عارف ليه؟؟؟؟؟

منتظر منك حاجه...ما تطول الغيبه

الاخ والصديق العزيز

البدري حلا

الف مبروك الحجة وربنا يتقبل

لكن اتلومت تجي حدانا وما نشوفك ؟

الف مبروك يابدر الدين حلا وحج .
اكيد ان الله عز وجل . أرحم الراحمين ، قد ًتقبله حجاً مبروراً واخرجك منه على الفطرة , كما ولدتك امك . وهو العزيز الرحيم عنذ ظن عبده به . وعقابلنا.
قول امين فان دعوتك مستجابة .

العزيز حاج بدر الدين
حجه مقبوله انشاءالله

الحاج بدرالدين شنا

والله انا زعلان بالجد منك ومن الحاج صديق احمد
معقولة تجوا مكة وما تحاولوا تتصلوا بيه!!!؟؟

لكن ما في اليد الا نقول حجاً مبروراً وسعياً مشكوراً وذنباً مغفوراً

وربنا يتقبل صالح الأعمال

الحبيب تمبس سلام
حجيت عشانك كسلا (شوية سربعة)
زولي دا ما بقيف إلا يكمل الحجر بتاعو وأنا سألتو قبل كدا قال هو جاري من الزول الشايل العكاز الشغال مع قرجة
لك حجي وتحياتي


أستاذي موصلي
والله إسمك دا فيهو حلاة حاج (حاج الموصلي) ربنا يسهل ليك ونحج سوى


حنينة الحنينة
الله يقبل حمدك ويباركوا ليكي السمح
موية زمزم بتلقيها جنب الجوائز الوعدوك بيها زمان


العزيز جني
الله يجازي محنك
وأنا أقول ليه الحجر جاني في عيني؟؟؟
الله يحججك قول آميييييييييين


الغالي سعد إبراهيم
والله أنا سعدت بي زيارتك يا سعد
ربنا يسعدك أكتر وأكتر ويسهل ليك حجة إنت والأسرة


صديقي ترهاقا
أنا ربت سنة واحدة بس لكن دخلت المدرسة عمري 11 سنة
وإن شاء الله أربِّت في الحج كم سنة وإنت معاي


آوت كاست
شكري وتقديري وتمنياتي الطيبات لكم بحجة مقبولة


حاج نايل 1
سلام يحمل كلام مضمونه حبي وتقديري


يا قرجة يا نبع الحنان
الله يبارك فيك فعلاً مريت على دياركم دون علمكم وأنا الخاسر وتمنيت لو كان تلفونكم بحوزتي حتى أتصل بكم وأزيد حجتي تشريفاً بلقياكم يا حبيب لكن خليها الحجة الجاية وأنا ناوي وممكن ننسق نحج سوى


يا سلاااااام يا تراث
أولاً حمد لله على سلامتك إنت وإن شاء الله خلاص حجرت وبقيت عال العال
وياربي يا سيدي تون لتراث والجندرية ومحمد الصغير حجة مباركة


راوية
إن شاء الله يا راوية وإنتي كمان تحجي ومعاك أهلك ومحبيك وكل سنة وإنتي طيبة والسنة الجاية عيد ميلادك حا يكون في عرفة


الله أكبر .. الله أكبر بكري أبو بكر شخصياً
أسأل الله لك يا بكري التوفيق في كل خطوة تخطوها وقدمك لإبو إبراهيم وزيارة قبر المصطفى وأشكرك على اللوحة الزاهية (التي ذبحتها لي بمناسبة قدومي من الحج) فهي هدية المباركة ومعتبرة


الحبيب جمال
هو أنا كان عارفك في مكة بسكن في حي ملاوي ماكنت سكنت معاك عديل لكن العيب في جهلي والجايات أكتر من الرايحات ولك العتبى حتى ترضى
وربنا يحججنا مع بعض ياجمال

Quote: موية زمزم بتلقيها جنب الجوائز الوعدوك بيها زمان

الفيك اتعرفت يا حاج بدر

الحاج بدرالدين شنا
الف مبروك الحجة
وان شاء الله ما تكون نسيتنا من الدعوات
ودعوة خاصة لي الملاعمر
وان شاء الله يكون اقتنع

حنينة الحنينة سلام

هاك أشربي لكن ما تكمليها

الصديق سمباتيكو سلام
والله أنا ما نسيت زول دعيت لي ناس البورد كلهم (بإسم البورد)
وربنا يسهل ليك إنت ومن تحب حجة مبرورة وما تنسانا من الدعوات

اخونا وصديقنا الحاج بدرالدين..

الحجة مبروكة..والعودة مبرورة

لكن بعد ما حجيت يا اخوي حقو

تمرق من فنجان القهوة دة ..

و تستحمة وتلبس ليك جلابية

بيضا الناس بجوك....

الغالية لمن فايتة الحد مريم محمد الطيب
عليك الله بي راس المعلقة كدا أغرفيني وأدفقيني

كدا كيف؟؟؟

الحاج بدر الدين

امسياتكم بشكل المانجو

والله يابدر الدين اخوي لو ناس الدي اتش ال بقبلوا هديتنا ليك
واللي عبارة عن كبــش مانع ليهو قرن
كنا فعلنا ذلك ..
لكنهم خرخوا في اخر لحظة متحججين بدواعي الامن واحتياطاته القومية
لذلك
اقبل تبريكاتنا وانشاء الله عقبال السابعة والميه
كمان

أيها المسكون بالإبداع يا صاحب المقدمات والتحيات الجميلة يا من يرش عبيره في هذا المنتدى الحر يا أيها الشرير والبرتقاله لك وحشه وغيابك طال. وبعد

طالما أن أصحاب البريد السريع من دي إتش إل ودي إن أيه لا يرغبون في نقل هديتكم ممثلة في ذلكم الكبش الأقرن الأملح فيمكن لكم أن ترسلوا للحاج بدر الدين بشناته وحلاته برتقالتكم وتبقي شريراً بدون برتقاله إلى أن تتفضل وتذهب إلى سوق الخضار المركزي

أيها المسكون بالإبداع يا صاحب المقدمات والتحيات الجميلة يا من يرش عبيره في هذا المنتدى الحر يا أيها الشرير والبرتقاله لك وحشه وغيابك طال. وبعد

طالما أن أصحاب البريد السريع من دي إتش إل ودي إن أيه لا يرغبون في نقل هديتكم ممثلة في ذلكم الكبش الأقرن الأملح فيمكن لكم أن ترسلوا للحاج بدر الدين بشناته وحلاته برتقالتكم وتبقي شريراً بدون برتقاله إلى أن تتفضل وتذهب إلى سوق الخضار المركزي

الملا عمر

صباحاتكم بطعم
اشتياق معنون
للاحبه

هي الحياة ومشاغلها اضف اليها الكفيل وشناة المدير
وسائلين عنك وعن مداخلاتك الملئ بالجمال والابداع
وتشكراتنا التمام التمام اليك

اما فيما يختص بالبرتقال ، فهي باقيه معي ، لانها تذيب الشر
والا فان البورد حقو راح ، اساسي ذاتو لن يقدر على كبح جماح
شروري
ربنا يخليك يا طيب

أخي شرير أدام الله عليك نعمة الصحة والعافية والإبداع ، ولك شكري وتقديري على هذه الإطلالة وأسأل الله جلت قدرته أن تزول كل الظلمات من كفيل ومدير وإغتراب وضرائب وخلافه وأن تعود إلى هذا المنتدى أكثر تجدداُ وأكثر نشاطاً وأكثر إبداعاً.
ها هي خيلنا أخي بدأت تجقلب بليل بهيم وأنا ما عندي تجربة في بوليس السواري أو الهجانه وأخشي ما أخشاه أن تضيع حجة أخونا بدر الدين شنا بين حوافر تلك الخيول لذلك أستميحك العذر في السؤال بشأن صورة بدر الدين التي وضعها بدلاً لذلكم الشخص الغاطس في فنجان القهوة هل ما يرتديه فعلاً إحرام من قطعتين أم أنه يحاول تقليد صرعة لاعبي منتخب الكاميرون في الكأس الإفريقية الأخيرة ، وهل يجوز الحج في إزار ورداء الإثنين في واحد شأن الشامبو والكوندشنر والذي جاب شعر رأس أحد أصدقائي الواطه وأنطبق عليه المثل التسوي كريت في القرض.

صديقي وصديق البرتقالة الشرير
شوقي ليك طول يا حبيب
هرشك لحم كبشك
أشكرك واشكر كبشك وأعتبرني أكلتو والله يسامح ناس ال دي إتش إل
وما تختفي أيها القاص المتفرد

Quote: Date: 24-02-2004, 07:14 AM From: ايهاب To: بدرالدين شنا Subject: حجا مبرورا بدر الدين الجميل ياخي والله كلو ما اجي ابارك ليك الحجه البوست بتاعك يعلق معاي بمكن لي كم يوم على الحال دا و يمكن حاولتا ميه مره كلو ما اجي ابارك البوست يعلق ما عرفتا الحكايه شنو اصلو انت حجيت وين يا زول LOoOoOoOoOOoOoOoOOLZ حجا مبرورا و ذنبا مغفورا وسعيا مشكورا ان شاء الله

Quote: كلو ما اجي ابارك البوست يعلق ما عرفتا الحكايه شنو اصلو انت حجيت وين يا زول LOoOoOoOoOOoOoOoOOLZ

حجيت في (المعيلق)
إيهاب إنت المعلق بيك الله عالمبو (تكونوا دايرين تبقوا تلاتة؟؟؟)
تحياتي للمدام وشكراً لتكبدك المشاق إلى المسنجر

الحاج بدرالدين
حجا مبروك وسعيا مشكور
وربنا يقبل ودعواتك ياحاج

الصديق الفنان المبدع عمر بانقا
تقبل الله منا ومنكم وسهل طريقك وزروك قبر المصطفى
سعدت بمداخلتك كتير لأني حقيقة أشتاقك يا عمر

الحاج بدر الدين ‏
حمداً لله على السلامة وتقبل الله طاعتكم وجعله الله حجاً مبروراً وسعياً مشكوراً وذنباً مغفوراً وين ‏بقية الناس السلطنة أختفوا مرة واحدة

الحاج كل سنة وانت طيب ، والحجة مبروكة ، طبعا خجلان مني وما سالتني متاخرة ليىى في المباركة عشان اول ما جيت وقفت بعييد وحتى مديح النادي باستقبالكم ما حضرتو ولا جبت لينا معاك موية زمزم ولا حتى صلاية ...ولا حتى سبحة 33

اها يا حاج بدر

عرس وعرست
ولادة ولدت
وج وجيت

يعني عايز الملا يفتي ليك يقول ليك الباقي ليك شنو؟ باقي ليك الجامعة يعني؟ ما المسالة واضحة


بس بعد ده سردب ساكت وترجى الراجيك


ونحن لا يسعنا الا ان نقول ليك كل سنة وانت بخير وصحة جيدة


وربنا يتقبل منا ومنكم صالح الاعمال ان شاء الله

حجا مبرورا وسعيا مشكورا وذنبا مغفورا باذن الله

إبراهيم ود حاج علي كيف حالك؟؟؟
الله يقبل حمدك ويسهل أمرك
ناس مسقط طيبين وبيسلموا عليك وبقولوا ليك إنت وين؟؟؟
تحياتي لك ولأهلك يا حاج إبراهيم


عشة بت فاطنة سلام
يعني صحي خير وسيلة للدفاع الهجوم
أنا خايف كان أديتك سبحة تلبسيها في رقبتك والناس يقولوا المرة دي مجنونة أما موية زمزم ما بوزعوها في البيوت زي عضم السماية بشربوها الناس البجوا يباركوا (الله يبارك فيك) تحياتي ليك ولي بيرق والعيال


الحبيب ياسر
سلام كتير وشوق شديد وينك مختفي؟؟؟
داير تكتلني مش؟؟؟
أنا عرست وحجيت صاح لكن أسأل الله أن يوفقني أحجج أمي وزوجتي وأحج حجة أهبها للوالد رحمة الله عليه بعد داك إن شاء الله أموت مرتاح البال كما أسأل الله أن يحججك إنت وأهلك
عاطر تحياتي