اودع ، اودع، اودع كيف!

اعفوا عننا يا اخواني، واخواتي، ونتلاقي في ساعات خير.
ان بقي في عمر او رجعنا، حنواصل من محل ما وقفنا.

او تبقي، عشرة الايام!

مرحب بيك ..
لكن واللة الوداع ده شئ قاسي و صعب ..
واللة عافيين ليك لله والرسول ..
ربنا يسهل عليك طريقك و ينور ليك خطواتك و يردك سالم غانم ..
وابقي عشرة علي الوصية ..
الوصية هي الوطن ..

وجودك هنا ذو معانى

وجودك للكفاح ضرورى

وجودك من اجل وطن معافى غاية

نطالب ببقاؤك هنا

فوضعك الطبيعى ان تكون هنا

ماشى وين يا "بشاشا" و مخلى "بوستاتك" الكتيرة دى وراك ؟؟!!

الاخ بشاشة
زى ما قال طناش
وبوستاتك دى
ومتابعتنا ليها
ماشي وين؟

هوانت متين جيت شان تمش
تسلم ياذوق

بشاشا..
يا زول روق المنقة وفهمنا الحاصل شنو؟؟
مالك ؟؟كان إنت قنعان نحن لسة فينا عشم..

ماشي وين ياراجل ومخلي بوستتاتك وعقابك وراك
من دون وجيع ؟ عمومانتمني أن توفق في في الجمع
بين مشاغلك الخاصة وطلاتك بالمشاركة
كمال

الاخ بشاشا

كيف تنقطع عن المنبر و قد فتحت اوجاع السنين التاريخية و ادمنا متابعة كتاباتك ارجوا ان يكون المانع خير والرجاء المواصلة ولا اصابك داء المثقف السوداني العضال وتريد ان تدفن راسك في الرمله حبه كده وترتاح و تستمتع بنعيم الدنيا نتمني عودتك السريعة لمتابعة ما نقطع من حوارات لم تصل الي نهايتها بعد بل انما بدات يا داب ..

أخوى بشاشة
بعدتحياتنا
لا نقبل بتاتا بوداعك إلا أن يكون الحاصل عذر شديد القوى عشان نسمح ليك
ووالله إنت وجميع الأخوان الواحد بقيتوا ليه أصحاب وأخوان بحق وحقيقى
وتعلمنا الكتير وزى ما قال واحد الناس ديل بتجيبوا الكلام والمواضيع دى من وين
والله أثريتونا وملأتونا معلومات وعلم وأخبار
بشاشة زى ما قالوا ليك روق شوية وورينا الحاصلب شنو
أخوك أبدا صديق ضرار

يا بشاشة
هل اصابتك لعنة الفراعنة الكوشيين وللا شنو
ياخي طوّل بالك وفهمنا ماشي وين؟ أوعى تكون زعلان مننا ؟
يا سيدي زنوج زنوج زي ما تحب( افريقية مية المية ) بس خليك
المهم حا توحشنا
العفو والعافية

العزيز بشاشا

الظاهر عليك ماشى السودان ، ما تنسى تمر علينا بى جاى
اقله تعمل ليك عمرة ، بعدين سؤال! محل ما ماشى ده
ما فيهو كومبيوترات وإلا شنو؟

المهم ورينا الحاصل شنو
تقبل تحيات علاء وأم علاء