احن اليك يا السودان حنين ماج في صدري

مرحب سارة وحبابك عشرة في "وطننا في زمن اللا وطن "
دي اول مشاركة ليك
لكن يبدو ان البوست فيهو مشكلة فنية ما بتفح للاخر
بالمناسبة يا المختصين / ات دي حصلت لي قبل كدا مع بوست زولة عن الموسيقار حافظ ؟!!!
قلت لي يا سارة القال ليك منو حواء لا تعترف بعمرها الحقيقي
انا غايتو يوم واحد مارس الجاي علينا دا بكمل 39 سنة
وفي الاربعين ناوية اعمل احتفال موثق بالصور برعاية ياسر حنا وعصام جبر الله

تسلمي يا الجندرية والله فرصة سعيدة واشكر مشاركتك الجميلة وروحك الطيبة انشاء الله دوما...

الحبيبات أماني وسارة منصور..
مرحبا بـسـارة معنا، والخير على قدوم الواردين..
يا سارة كلنا لينا في السودان غزال..

الحميمه .. أماني
كل سنه وإنت طيبه مقدّماً
ويوم عيد ميلادك جايين جايين
الحميمه رجاء
كل سنه وإنت طيبه
كلنا لنا في السودان .. سودان
الحميمه سارة يا مرااااااااااااااااااااااااحب
كم الغربة الآن ؟
هنا تمام الحنين إلا قدرة على المزيد من الصبر

كلما إشتدت عليّ الغربة ألوذ لرفيقي الجسور العود
وأتغنّـى بأكثر أغنياتي قرباً منـّي
إنها
غناء المطارات البعيدة
كلمات د / أنس مصطفى سالم


الحلم أن نغفو على كتف الحبيب
نستعير من الزمان
زفاف أيّامٍ لنا
نتقاسم الأحزان
والفرح المخبأ في سهول صدورنا
ونعيد ذاكرة الحقائب للطريق
ولبيتنا المنسيّ في الوطن الرحيق
كنا نُحب طريقنا للبيت
والكلمات تفتح في الأصيل نوافذاً لهبوبنا
كنا ننادي :
يا حبيبةُ .. كم نُحبّـك
يا حبيبةُ .. كم نتوقك
يا حبيبةُ .. نشتهيك
يا حبيبةُ قد توجّعنا
تمزّق حبلنا السرّي كي نأتي إليكِ
بما حملنا من حكايات الطريق
.. .. ..
الحلم أن نبني لنا بيتاً هناك
فيه نشتاق الأماسي والترقب والوصول
فيه نكتب ما إستطعنا من رسائل للحبيب
الحلم أن نبني بما أبقت لنا الأيّام عشقاً من جديد
ونظل نبحث عن نساءٍ لا يُساورهنّ زيف
هل نحن حقاً شاحبون ؟
ليضيع في كل المدائن ظلنا ؟
أم نحن دوماً راحلون
لنعود من كل البنات بزادِ موّالٍ وناي ؟
سيظل يلسعنا السؤال
ولن نُجيب
.. .. ..
كنا نتوق إلى حضورٍ لا يكون
إلى فتاةٍ ناصعه
بلدٍ نبيل
لكن فكرتنا تمادت في الرحيل
من كان يسأل عن فتاةٍ فارعه وفتاً أصيل
سوى المساءات ... الحديقة ... والحنين ؟
هذا أنا الليل يصحبني إليك
معبأً بالإنحسار وبالنحول
سأعود من كل المطارات البعيدة
حين يغمرني الخريف
أبداً إليك هو اللجوء
أبداً عليك هو النزيف

ــــــــــــــــــــــــــــــــــــــــ
أبداً
علاء

ياجماعة خليكم شاهدين : الزولة دي قالت الآن عمرها 39 سنة . يعني قدري تقريباً .
المعلومات التي ظللنا نتلقاها هنا (أقصد في البيت وما قبل البيت) مختلفة تماماً . وعليه فانا حر الآن في اتخاذ ما اراه من اجراءات وطقوس ، رغم انها مكلفة شوية ، لكني أامل في (الكشف) ، وقد صار لي ألاف الأصدقاء هم أعضاء هذا البورد، بالاضافة الى الأصدقاء خارجه ، ولا أنسى الأهل)

أقبض.....!!!!!!!
أقبض ...تراث زاغ....هوي يالجندرية...الزول ده شكلو كان ناااااوي و داير سبب...
أسمع يا تراث أنا لو حاخت في الكشف حاجيك في الماسنجر عشان المشاكل...


حبابك مليون يا سارة

أماني وعثمان..
غايتو أنا بعد ما احتفلت بعيد ميلادي الـ 27، السنة البعدها كان 25، وبعدها 26 لغاية ما وصلت 27 تاااني، ورجعت لـ 25 تاني.. وبصراحة اتلخبطت في العد..
المهم لو في "كشف" ما بنقصر، الا "كشف" العمر ده..
لوووول

قال قدري قال
لو صحي قدرك
نزل صورة حديثة
بعدين انا بشهودي في البورد دا
كان اصحاب زمان ولا صحبة البورد
البركة في كميرا الماسنجر
ناس خالد وحنينة وبقية الحباااااااااان كشفوك ومافي طريقة للتزوير

يا مانديلا

يزوغ ويييييييييييين انت ما عارف حاجة ساي
تراث دا جردناه من اسلحة الدمار الشامل
واطبقنا عليه تماماً
بس اظنك انت ما بتعرف سياسة التنفيس
شفت الدكتاتورية الشديدة وشاطرة
لمن مرة مرة
تخلي مظاهرة تعدي
ولا صحيفة تمرر شوية نقد
نفس الفكرة
يعني تفريغ شحنات وكدي

رجوية انت من حزب سارة منصور بتاع اللخبطة في العد ؟

مانديلا : اشكر مقدماً مشاركتك في الكشف . ومنتظر بقية المبادرات .
وياجماعة واضح انني تعرضت لتدليس واضح ، لقد التقيت هذه المرأة لأول مرة في عام 85 وكانت حينها تمشط شعرها في ضفيرتين في اخر كل منهما شريط احمر في شكل فيونكه ، ومن المعروف ان اخر سن يمكن للبنت ان تسرح فيها مثل هذه التسريحة هو سن السابعة على الأكثر ، وعليه وحسب ما ظللت اعتقد فان عمرها الآن يجب الا يتجاوز الـ 27 سنة على ألأكثر .
وعليه اعتقد انني تعرضت لغش واضح .

الجندرية
الود والتحية
انت قايلة الخمسين بعيدة من الاربعين والله شنو ...دا بقي تاريخ بي شهود..
كل سنة وانت طيبة مقدما بالعيد الاربعين وربنا يديك طول العمر..
تراث ياخوي الفات دا خليهو كدي امسك في التسعة وتلاتين سنة دي واحسب

لكما الود والاتقدير
عبد الله جعفر

يا جندرية

هسي حنين السودان وينو؟؟؟ جيت متحمي انفس ليك حنينك...

لقيتك خليتيه...فكل سنة وانت في مارس الجائي بالف خير

ويا تراث...تدليسك كان تدليلا لعاشق...اريتو تدليس الوليدات
لا حدهم...هسي وين لعلاقات الانترنت والخاطبات وصور الفيديو..

وهؤلاء جميعا لن تبصرهن بمآق غير مآقيهن...احسن ليك جندريتك
وان توكأت علي عكاز...

وربنا يديم المحبة بينكم ويحفظكم وعيالكم


واحد معجب

UP

بنتَ أمي الحبيبه الجندريه ، يا أماني يا تراثيه
يا أيها الولد العثمان ( تراث ) يا رفيقي المجندر


أسعدني حواركما المنعش ..


و معذرةً ، لأني كنت حين ظهور البوست هذا كنتُ ( أتسكع ) نواحي ( دار المعلمين ) ، و الحال ما هو نفس الحال ..
و يا جندريه أنا حا أجي أحلق لعثمان ( صلعه ) يوم دخولك ( سن النبوه ) .. تعرفي فريد قال لي شنو لما دخلت ( الأربعين ) ؟ إتصل بي من السودان - و هو الوحيد الذي تذكر ذلك - ، قال لي : " و ماذا أوحي إليك " ؟ قلت له : أوحي إلي بليمون الأصدقاء !!!
و ها هي ذي فرصةٌ لتجديد حلاقة الصلعات .. و يا ريت يكون معانا نادر و سلمى ، دفع الله و أحلام ، عادل قله و وداد ، فريد و ... ، حسن و ... ، إبراهيم عابدين و ... ، لنا و ... ، معاويه و بنت خالتو ، عفاف و ... ، الجندريه و تراث ، و طبعاً كل العصافير الصغيره ( أطفالنا ) - زهيرات - ليموننا الأبقى !!!