Post: #1
Title: تمنيته هند فأتاني محمد
Author: ali othman
Date: 02-06-2004, 08:43 PM
Parent: #0
أكمل اليوم إبني محمد عامه الثالث
من قبل أن أتزوج كنت أرغب بأن أرزق ببنت وأسميها هند وكان كل من يعرفني يعلم بهذا وكنت أكنى بأبوهند ، وعندما علمنا بقدوم طفل لنا حلقت من الفرح بقدوم هند وبدأت أعد لها العدة ، وحفاظا على صحتها وهي في بطن أمها اقلعت عن التدخين إلى غير رجعة ، ولما أتم الشهر السابع رأت زوجتي بضرورة معرفة نوع الجنين إلا أنني رفضت خوفا من أن تتلاشى احلامي ، ولكنها سامحها الله رأته دون علمي ومن ثم أخبرتني وفي عيناها ترى بريق إنتصار وفرحة .
وسلمت أمري لله .. ولكن للحق منذ أن وعيت لم تكن المصائب تأتيني إلا في شهر فبراير وهو شهر مولدي أيضاً ، ولكن بعد قدوم محمد بدأ هذا الشهر في تصليح علاقته معي وأصبح يأتيني بأشياء مفرحة .
|
Post: #2
Title: Re: تمنيته هند فأتاني محمد
Author: ASAAD IBRAHIM
Date: 02-06-2004, 08:49 PM
Parent: #1
الاخ علي عثمان
تحياتي وعيد سعيد اعاده عليك وام محمد ومحمد بالخير
انا ايضا كنت اتمني ان يكون الاول شروق ولكن ارادة الله جعلتة محي الدين وفي كل خير
حفظ الله لك محدما وجعله من عباده الصالحين
مع ودي
|
Post: #3
Title: Re: تمنيته هند فأتاني محمد
Author: ali othman
Date: 02-06-2004, 08:55 PM
Parent: #1
الأخ أسعد
كل سنة وأنت طيب وسلامي للأسرة الكريمة متعكم الله بالصحة والعافية .
يتمنى المرء ولكن إرادة المولى فوق كل شئ ، والحمدلله بقدوم محمد فمعه قدم الخير إلي
|
Post: #4
Title: Re: تمنيته هند فأتاني محمد
Author: mohamed elshiekh
Date: 02-06-2004, 09:05 PM
Parent: #1
الاخ العزيز على
كل عام وانت بخير وعافيه ويخلى ليك محمد وام محمد
ربنا يحفظه ويمتعه بالصحه والعافيه
ويديك هند1 وهند2 ووووعثمان واحمدوووو
|
Post: #5
Title: Re: تمنيته هند فأتاني محمد
Author: mohamed elshiekh
Date: 02-06-2004, 09:07 PM
Parent: #1
الاخ العزيز على
كل عام وانت بخير وعافيه ويخلى ليك محمد وام محمد
ربنا يحفظه ويمتعه بالصحه والعافيه
ويديك هند1 وهند2 ووووعثمان واحمدوووو
وعقبال ما يطفى الشمعه ال1000000 مستظل بحطنكم الدافئ يارب
الهديه محفوظه!!
|
Post: #6
Title: Re: تمنيته هند فأتاني محمد
Author: samo
Date: 02-06-2004, 09:14 PM
Parent: #1
الاخوان اسعد وعلى
طبعا انتو ناس ..غير طبيعين ..لانو المعروف عن الازواج ..خاصة السودنيين اهم بيتمنو المولود الاول ولد ..كوريث .. وكحامل لى اسمو ..
حتى الزوجات بيتمنو الولد ..لى شي واحد وهو غلط فى رايي .. وهو انو الاسر في السودان بينظرو للاولاد كاستثمار .. يعنى المولود الاول لازم يكون ولد ..عشان بعد ما يقروهو ويكبروهو ..يقوم هو يشيلهم وهم كبار ..؟
والبنت بنظرو ليهو اكتر السودانيين كحمل .. وكانها شي مالازم وما ليهو اى اهميه .. بس كتمامة عدد ..يعنى لو بعد 5 اولاد بنت واحده ما مشكله
وانا بعرف بيوت كتيره اتخربت بي سبب خلفة البنات المتكرره
وعندى واحده قريبتى مهدده الايام دى ..لانها جابت 3 بنات وحامل هى الان ..وزوجها حالف طلاق ...ما تجيب بت
طبعا انا لسه ما دخلت حتات زى دى ..لاكن بي صراحه بفضل الاول يكون ولد..ولو جات بنت ..برضو شي جميل ... لانو الزمن اثبت انو في شي اسمو (انـــــــــــثى ولا دســـــــــتة رجال )
على العموم هنيئا لكم بالاولاد .المهم الصلاح ... والبر بالوالدين ومبروك ليكم وسلامى الحااار لاسركم بي اباء زيكم وفى فهمكم
|
Post: #7
Title: Re: تمنيته هند فأتاني محمد
Author: ali othman
Date: 02-06-2004, 09:18 PM
Parent: #1
الأخ محمد الشيخ لك التحية وكل سنة وإنت طيب
وأشكرك على التمنيات
والحمدلله هند الأن موجودة بيننا ولها سنة ونصف
|
Post: #8
Title: Re: تمنيته هند فأتاني محمد
Author: Abureesh
Date: 02-06-2004, 09:26 PM
Parent: #7
أبو محـمـد
عقبال ميـة شمعــة لمحمــد إن شــاء الله..
ما شــاء الله..
قلت لى 3 سنـة..
ما شــاء الله..
لكن بينى وبينك أمانة ما راجياه كترة قراية.. إن شــاء الله..
بس ما تقطع قليبو وتكلمـو من هسـى!
|
Post: #9
Title: Re: تمنيته هند فأتاني محمد
Author: ali othman
Date: 02-06-2004, 09:26 PM
Parent: #1
الأخ سامو
كل سنة وانت طيب
إذا نظرت في أسرتك والأسر التي حواليك حتما ستجد أن البنت هي قمة الحنان والعطف على والديها وهي سندهما الحقيقي ( هدية ورضية ) . فالولد غير الشقاء والتعب لاطائل وراءه
|
Post: #10
Title: Re: تمنيته هند فأتاني محمد
Author: ali othman
Date: 02-06-2004, 09:39 PM
Parent: #1
الأخ أبو الريش
كل سنة وإنت طيب وشكرا على التمنيات الجميلة .
من حسه قاعد أمرنه على الكورة ولو مانفع مجهز ليهو كم بدلة كده وأورغن .
|
Post: #11
Title: Re: تمنيته هند فأتاني محمد
Author: ودقاسم
Date: 02-06-2004, 11:12 PM
Parent: #1
الأخ الكريم علي عثمان
لك التحية ، ولإبننا محمد كل الأماني الطيبة ,عقبال يطفي الشمعة المائة وعشرين ،،
مع تمنياتي له بمستقبل مشرق ،
وهند ستأتي إن شاء الله ، نسأل الله لك ولأم محمد الصحة والعافية ، ومزيد من الاخوة والأخوات لمحمد ..
|
Post: #12
Title: Re: تمنيته هند فأتاني محمد
Author: Hussein Mallasi
Date: 02-06-2004, 11:24 PM
Parent: #11
كيفك يا علي عثمان
تحياتنا لمحمد و هند و حتي اللسه تحت الخلق و التكوين
حفظهم الله و حفظكم لهم
و كل سنة و انتو طيبين
ملاسى
|
Post: #13
Title: Re: تمنيته هند فأتاني محمد
Author: zumrawi
Date: 02-07-2004, 04:13 AM
Parent: #1
الف مبروك لمحمد اخى على عثمان
يحفظ الله ويجعل لبنى فى الطريق
|
Post: #14
Title: Re: تمنيته هند فأتاني محمد
Author: ali othman
Date: 02-07-2004, 09:15 AM
Parent: #1
الأخوان
ود قاسم _ حسين ملاسي _ زمراوي
كل سنة وانتو طيبين وتتحقق امانيكم انشاء الله .
لكم الشكر على الامنيات الطيبة وأمنياتي لكم من العمر مديدا انشاء ليجد محمد فيكم نبراسا يقتدي به .
|
Post: #15
Title: Re: تمنيته هند فأتاني محمد
Author: ملكة سبأ
Date: 02-07-2004, 10:00 AM
Parent: #1
ربنا يحفظه ويوفقه
ويرزقكم بهند
ويجعلم قرة اعين لكم
|
Post: #16
Title: Re: تمنيته هند فأتاني محمد
Author: حسن الملك
Date: 02-07-2004, 12:34 PM
Parent: #15
الله يحفظكم ... ويخلي ليك محمد
وددت ان يكون لي ولد ولكني بكرت ببنت ..وسكيت الولد وتاني جاءت بنت
اخي له سبعة بنات .. ولا ولد واحد وكان دائما يطمانني ويقول (ان الرجل (الحمش) هو الذي ياتي بالبنات ؟؟!
ولكن انا يظهر كدة طلعت (تعبان) لاني انجبت توائم (اولاد) ورفضت ان اعطي اخي دورة في كيفية انجاب الاولاد لانه لا يزال جاهلا ..اقصد .. عالما في انجاب (البنات)
الهم اجعل محمد بن علي من رجال الوطن العاملين اللا مجاهدين
|
Post: #17
Title: Re: تمنيته هند فأتاني محمد
Author: Raja
Date: 02-07-2004, 02:49 PM
Parent: #1
العزيز علي عثمان..
كل عام والعريس الصغيروني "محمد" بألف خير.. وعقبال ما يطفي الشمعة المائة سعادة وصحة وستر..
صديقتي المصرية دائما ما تقول لي عندما اكون متوقعة حدث ويحدث آخر: ما تعرفيش الخير فين..
وان شاء الله الخير يجي في محمد وهند من بعده وأخوانهم واخواتهم البعدهم.. فالأطفال رزق ونعمة وزينة الدنيا وشفاعة الآخرة..
حفظه الله لك ولوالدته الكريمة، وجعله من أبناء بلدي الصالحين والمؤمنين بالعمل من أجل وطن خيًر وحر وديموقراطي..
|
Post: #18
Title: Re: تمنيته هند فأتاني محمد
Author: ali othman
Date: 02-07-2004, 04:16 PM
Parent: #1
الأخت الملكة
الأخ حسن الملك
الأخت رجاء
كل سنة وانتو طيبين وربنا يتم ليكم الفي مرادكم انشاء الله
|
Post: #19
Title: Re: تمنيته هند فأتاني محمد
Author: essam&amal
Date: 02-07-2004, 04:33 PM
Parent: #1
ونحن كذلك00000000
تمنيناها ولاء وجاء وضاح ووضح معه كل جميل فى الحياة
اخى على مبروووك يا ابو محمد وام محمد وعقبال تطفى الشمعة المليون
اخى العزيز سامو الزمن زمن البنات البشيلوا اهلهم انت من زمن الولد
البرسل لى امه باذن من زوجته ( الله يكفينا شر اليوم ده ).
ايه رأيك نعمل استفتاء وشوف حرائر البورد شايلين حمل قدر شنو ؟
ولكم التحايا
امال
ام وضاح
|
Post: #21
Title: Re: تمنيته هند فأتاني محمد
Author: Raja
Date: 02-07-2004, 04:55 PM
Parent: #19
الحبيبة أمال أم وضاح و... ولاء باذن الله..
كل سنة وانتو بخير..
طبعا بستغرب شدييييييييييد في الناس البيزعلو لما تجيهم عروسة امورة.. إلا إذا كان السبب في زعلهم ده انهم ما عايزينها تتبهدل في العالم الرجالي ده..
خلًي نساء وبنات البورد الشايلين الحمل.. السودان بي جووووه شايلينو النسوان.. ولو جاني زول ناطي يقول لي ده ما صاح، أحسن اول يمشي الغرب والجنوب والشرق ويزور عماتنا في الشمال.. حيعرف انا جبت كلامي ده من وين..
سوري يا "علي" للتخريمة دي،،وكل سنة وحمودي طيب..
|
Post: #20
Title: Re: تمنيته هند فأتاني محمد
Author: Elmosley
Date: 02-07-2004, 04:45 PM
Parent: #1
كلو بركه ياشيخ علي
|
Post: #22
Title: Re: تمنيته هند فأتاني محمد
Author: tabaldy
Date: 02-07-2004, 05:13 PM
Parent: #1
هند أو محمد كلو بركة زي ما قال الأستاذ الموصلي , بس دعواتك ليهو ولي هند برضو ( بإذن الله ) بالسلامة ولي أم محمد كمان
جعله الله ذخراًَ لي والدينو
أبنوسي
|
Post: #23
Title: Re: تمنيته هند فأتاني محمد
Author: essam&amal
Date: 02-07-2004, 05:30 PM
Parent: #1
تسلمى يا بنت العباسى ولا اسكت الله لك حسا00
وانا طالبت باستفتاء عديل كده من الشايفاه بعيونى
البنت كل همها بقى فى المسؤولية بتاعت البيت يا حليل
البنت يا رجاء الكان همهافى الازياء والمكياج .
النسوان شايلين الحمل فى داخل السودان وخارجه 0
تسلمى تانى ويسلموا معاك كل نساء السودان يا رجاء يا حقانية وما اروع كلمة الحق 00000
امال
ام وضاح
|
Post: #24
Title: Re: تمنيته هند فأتاني محمد
Author: ali othman
Date: 02-07-2004, 09:01 PM
Parent: #1
الأخت أم وضاح تحياتي لك ولأ بو وضاح
المشكلة في حبوباتنا وأمهاتنا فمثلاً والدتي لما كنت أحاول إنتغم من أخوي الكبير المدلل لديها كانت تقول حسادتن تولدك بنات إنشاء الله ، وكنت بفرح بدعوتها دي الفاكراها دعا .
فالنساء جزء من توارث هذه العقلية .
الأخت رجاء
مرحب بيك تاني وتالت والبيت بيتك .
الأخ العزيز الموصلي
تسلم لا أعترض فبشقيهم هم زينة الحياة .
العزيز أبنوسي
دعواتنا شئ طبيعي بس أدوهم دفرة بدعواتكم
|
Post: #25
Title: Re: تمنيته هند فأتاني محمد
Author: IhIs
Date: 02-08-2004, 12:50 PM
Parent: #1
الاخ علي
عهدنا الدائم في الرجل الشرقي و بالاخص السوداني
ذاك الحب الازلي والحرص علي ولادة الزكور دون الاناث
ناسيين ام متناسيين مكانة المراة العظيمة في حياة كل منهم .......اما او اختا او زوجة او ابنة
اليوم ان لم تكن البنت متساوية مع الولد فهي ارفع واعظم مكانة منه
هنيئا لنا..بنات حواء بهذه المفاهيم المتحضره و المحبة!!
من الجنس الاخر.......
عزيزي علي.. ابو محمد
كل سنة و محمد و هند و انت و ام محمد بالف خير
ان شاء الله عمر سعيد و مديد لهم حافل بالنجاح والتوفيق
ISHRAGA ELMALIK
|
Post: #26
Title: Re: تمنيته هند فأتاني محمد
Author: ali othman
Date: 02-08-2004, 01:10 PM
Parent: #1
الأخت إشراقة الملك
لك التحية والود على تمنياتك
نعم البنت تتساوى مع الرجل وقد تتفوق عليه كما يتساوى معها الرجل وقد يتفوق عليها .
|
Post: #27
Title: Re: تمنيته هند فأتاني محمد
Author: bunbun
Date: 02-08-2004, 01:21 PM
Parent: #26
كان تسمي محمد ذاتو هند
على كل سنة وانت طيب وانشالله ربنا يحقق امنيتك ويديك الفي مرادك
|
Post: #29
Title: Re: تمنيته هند فأتاني محمد
Author: IhIs
Date: 02-08-2004, 01:33 PM
Parent: #26
الاخ علي
خالص الشكر ..
محمد طفل جميل جدا ما شاء الله ..وين صورة هند ؟؟
|
Post: #28
Title: Re: تمنيته هند فأتاني محمد
Author: ali othman
Date: 02-08-2004, 01:31 PM
Parent: #1
بن بن العزيز
لك الشكر وعقبال مايبتليك بيهم ربنا ( ده اجمل ابتلاء في الدنيا )
لو سميتو هند كنت اسات لي ست الإسم
|
|