الاميرة الجوهرة ال سعود تسب المعارضة السعودية - Listen

I was browsing the internet when I encountered this conversation at the Saudi opposition radio. A Saudi princess is threatening the people with serious consequences for their opposition to the ruling family. It is quite interesting to listen and know how the royals think and treat their own people. Listen and wonder. xx

الامر صار جلل لال سعود
الجوهره قلبها حار ولكن لونها السياسي باهت
من المحتمل تكون رئيسه للسعوديه بدلا من النظام الملكي السعودي لانه صار مكشوف.

انتو بتجيبو الحاجات دي من وين؟؟؟

zoul"ibn"zoul
سلامات..شرالبلية ما يضحك..
أول مرة أحس إنو عمر البشير ممكن يكون أحسن حالا من بعض الأعارب
جاتنا نيلة في حظنا الهباب.

UP

لوووووووووووووووول والله يا جماعة ثقافت الاميرة الجوهرة قوية مرة انجليزية ومرة فرنسية وعجبى ....
يا جماعة الزولة بتتكلم وكانوا السعودية دى حقت ابوها وكمان والادهى من ذلك انها ما عارفة انوا السعوديين ديل صليبهم طلع من ال سعود وافضالهم وما عاوزنهم فى سدة الحكم بعد كدة لكن تقول لمنوا والبفهم لك منوا

الله غالب

*

قالت الأميــرة جـوهــرة:
"أبيـوت وأعطيناكــم"

أى جمـع "بيت" - "أبيـوت".. واللفظ الغالب "بيــوت" ولكن عنـد بعض قبائل العـرب أيضـا يقال "أبيات"

ســؤالى لأهل اللغــة: هل لفظ "أبيـوت" هــذا خاص بلغـة العائلـة المالكـة، أم أنـه شــائـع فى المملكــة؟

وشكــرا

سمو الأميرة على حق في كثير مما قالت

وأكيد الأخوة أصحاب الرأي الآخر في هذا البوست يكتبون من بعيد ودون علم بمجريات الأمور.

ووالله لو ما إبن سعود كان الحج زاتو ما لقيتوه بس الما عارف يقول عدس ....

ويكفي نعمة الأمن الذي توفر بالجزيرة العربية بعد أن كان الحاج لا يأمن على روحه وهو داخل الحرم وجوار الكعبة، وكما قالت الأميرة النهضة العمرانية فمن رأى المملكة قبل 20 سنة والأن يعرف ذلك، أما عمر البشير فوالله لو سوا لينا 1% من عمران آل سعود لنصبناه ملكاً.


....

الاخ ابو الريش

كلمة ( إبيوت ) كلمة شايعة بيناتهم وخصوصا عند البدو

ولكن لا يضيفون الالف عند الكتابة وعندهم جُمل كتيرة بيدخلوا
فيها (إ) فى البداية .


اما عن كلامك يا اخى الشايقى ، الحصل فى السعودية ده كلو كان ايام الطفرة لكن حسع زى ما إنت شايف نسبة الشحاتين فى السعودية
اكتر من بعض الدول الفقيرة والتصليحات اللى إتعملت دى من
باقى فتات الامراء ولكن بالرغم من ذلك اقول لو ما النظام الحاكم
الحالى ، السعودية كانت حتتحول إلى عدة دويلات متحاربة كمان .
يعنى مخوفهم السيف بس ،
ودمتم

يا الشايقى عليك الله جنس النضم دا ما تدخل فيه , فحال الناس ما يقولوا الشايقية يهود كمان ,ويعنى اكنو الدنيا هى بس أبيوت وعمران بس ؟
انتو عارفين الشعب السودانى هو سيد العرب وأحسن السيئن بس ماب تدى حريف !!!
وباقى لى نحنا برضو فينا كتير من العنطزه والفلهمة بس الفقر مكسر جنحينا , لكن لمان البترول يفلت من الغول المرابط لينا فى السودان , أمانة ماب نغلب البدو ديل فى البوبار , بس لكن ما خلوا لينا لون للعقالات الألوان اتقسموها فى الخليج , لكن يمكن يكون عقال السودانيين أسود , وغايتو فى ناس حتى مشيتهم حتتغير !!!!
ويا حليل الهنود والسرلانكيين من خليج افريقيا !
ست البنات .

الأخ ترهاقا

كيف حالك وحال الأسرة وكل عام وأنتم بخير

طبعاً رأيك توافق مع رأي وذلك لما لك من خبرة ودراية بالحال وما سبق الحال.

وبالطبع لولا آل سعود والسيف وزي ما قلت سابقاً والله لكان الحج في تلتلة،، وكتب التاريخ الحديث تحكي عن حالة الحجاز الأمنية قبل الدولة السعودية حيث كان الأمن ليلاً لا يتعدى أسوار المدن (جدة، مكة والمدينة) أما قوافل الحجاج فحدث ولا حرج وللقارئين للتاريخ والسامعين لقصص الأسلاف في السودان كان الذاهب للحج مفقود ويودع أهله ويوصي على عياله والعائد مولود...

وهذا هو الحال إلى أن جاء عبدالعزيز ومش لم العالم وبسط الأمن بس بل أعاد نشر الإسلام في البوادي والصحاري بعد أن زال تماماً ولم يبقى سوى اسمه فقط وهذا بشهادة الكثير من كبار السن هنا في السعودية وقد سمعت بعض هذه الشهادت بأذي والتي تحكي عن ما وصلت إليه الحالة ولا أبالك إذا قلت أنه في بعض الأماكن عادت عبادة الأوثان مرة أخرى،..

وهذه الحقيقة بس في كثير من الأحيان الحقيقة بتكون مرة.

وحتى لا نظلم السعودية نقول أنَّ نظام إبن سعود يجب أن يبقى وأن يتم محاولة الإصلاح من الداخل, هناك شريحة مثقفة من الأمراء يسعون بكل جهد لتغيير الأحوال إلى الأفضل لكنهم يواجهون أغلبية متزمتة ومتحالفة مع رجال الدين لإحكام القبضة على كل شيئ.

أى تغيير عنيف ضد هذا النظام سيكون وبالاً على الأمتين العربية والإسلامية, والسعودية برغم ما يؤخذ عليها إلاَّ أنها لا تزال الركيزة الأساسية لهاتين الأمتين, ولذلك يجب الحذر من التصرفات الهوجاء لهؤلاء الشباب فهم أيضاً لا يقلون أصولية من الذين يحاربونهم.

نحن نعيش هنا بأمريكا ونرى بركات السعودية تنهال على هذه البلاد فى شكل مساجد ومراكز إسلامية فبدونها لا ندرى إن كان بإمكان المسلمين هنا أن يكون لهم تنظيماتهم الإسلامية أو مساجدهم فوالله ما قصروا أبداً فى ذلك.

وعلى العموم يجب أن ندرك أنَّ هناك تيار سعودى واعى ومتفهم لضرورة التغيير الهادئ بينهم ولى العهد الأمير عبدالله, لكنه كغيره يواجه نفس تلك المعارضة الشرسة من أصحاب الغرض.

إنَّ ما يحدث الآن ليس كله شراً بل نحسبه بداية مبشرة لفجر جديد قادم على السعودية, فمكانتها العربية والإسلامية والبترولية وموقعها الجغرافى وضمها للحرمين الشريفين يجب أن تجعلنا نفكر بهدؤ تجاهها لأنَّ أى أذى كبير يلحق بها فسيلحق ذلك بكل مسلم على وجه لأرض.

وتسلمون...

يا أخي ود البلد يا تو ركيزة يا أخي ؟

أسألني العشت هناك عشرين سنا وتم طردي منها وأنا في اوج عطائيومحبتي بسبب تصفية حسابات بين الزعماء في تلك المؤسسة الوطنية. انني كانسان بعض عربي بالتاكيد اكن الود للبلد الحرام ، لكن آل سعود لا فوالله اسرائيل احسن منهم بكل المقاييس وانت يا ود البلد في امريكا فقط احيلك الي كتاب
sleeping with the devil

عشان تعرف انو آل سعود ديل خطر مش علي انفسهم وانما حتي علي بشر لا زالو في الارحام

الغافل من ظن الاشياء هي الاشياء يا ود البلد

لا لا بالجد
انتو بتجبو الحاجات دي من وين؟؟؟!!!!
و الله شرطتو لسنا بطنا بالضحك...

قبل الخوض والانسياق لم ورد في مجريات التسجيل اعتقد انه لا بد من التأكد انه صاحبة الاتصال هي الاميره الجوهره ال سعود. فليس كل من اتصل وشارك في برنامج اذاعي و تلفزيوني باسم ما فهو يمثل ذلك الشخص فلا زلنا عاجزين عن استخدام البصمه الصوتيه ولنا الاسوه في وكالة المخابرات الامريكيه في حال اصدار بن لادن لتسجيل ما. ما زال البعض يختبيء في جلابيب الغير و البعض يتسرع في كيل الاتهامات والتعليقات الساخره في حق اناس لا ذنب لهم. علما ان قنات الاصلاح هي قناة سعوديه معارضه تبث من لندن برئاسة الدكتور سعد الفقيه و قد يكون لها مصلحه في تشويه هذا الاسم او ذاك من العائله المالكه السعوديه التي لا تخلو من الفساد. لكن حتما يجب علينا النظر بشكل اعمق و تروي وعدم ظلم من لا ذنب له وعدم تجريم شخص ما بأخطاء الغير.

Salaam

Thank you for all those who provided comments to the posting. Khalid Alhag, indeed while it is funny, it also shows that Omar Al Basheer is much much better. People in Arabia are merely belongings to the royal family. It shows well in her talk.

Ya Mandela, this kind of information is widely available in the internet.x

Thank you again

Quote: وبعدين أنا احذركم أي واحد يبي يرد ويقل أدبه معي، واللهي واللهي ما تلومون إلا انفسكم. ترا والله أكلم عمي نايف (11) يقطع عنكم الكهرباء، تبونه يقطع عنكم الكهرباء يعني؟

وانا اقول الكهربا قاطعه فى السودان كل يوم ليه؟؟؟ اول يوم اعرف العلاقه بين الكهربا والمعارضه..

والتبون....

هاهاها

سبحانك ربي

واليكم التجسيل المكتوب هذا من مناصر ـ امير الجماعةـ في تلك البلاد

والله انتو ناس مابتحمدوا ربكم كان مانحنا جينا كان والله جون قرنق جا الخرطوم وكان الدولار بقي اتناشر جنيه ناس وهم مابيشكروا ربهم علي الجامعات الفتحناها وبيقتوا تتعلموا والبترول الجبناهو ليكم لحدي مافكرتو تلبسوا عقالات ولا الشريعة انتو ماكنتوا جاهلية وطير ســــااااي بعدين في زول قال الحال ماعاجبوا وداير اسافر منعناهو ناس غريبة
نحنا ماخلصناكم من الطائفية والطابور الخامس نحن اسع بقينا اهم ناس لي امريكا والعالم كلو بعد ماكنتو نسيا منسيا في واحد منكم مشي ليهو مطار ما فصلوه براهم لانو مهم ناس جاحدة
انتو قبالنا كنتو بتعرفو صواني سمحة ولا البنات ماكانو حايميين سااااااكت كدة
واختتم كلامه
فلترق كل الدماء


ياجماعة سعودية شنو نحنا زاتنا ماعندنا امراء

الاخ ود البلد قال لولا ال سعود ما كان هنالك حج كما هي الحال اليوم!
وانا اقول لاخونا الدكتور ود البلد وهل اليوم موجود حج؟
هل تستطيع ان تقول او تقوم باي عمل من دون تصديق الامير او الاميره.لان الحج هو البراءه من الاعمال و الافعال السابقه والمعاشه والاتيه للافراد وللمجتمعات.
وهل تستطيع ان تقول رايك الصواب علي الحجيج كتنويرهم بما يجري حول عالمهم الان؟
يعني كل شعائر الحج لايمكن ان تادي مالم تتماشي مع مزاج الاسره المالكه وليست علي قرارات العالم الاسلامي حتي ولو استمبطت من الكتاب والسنه.وشكرا دكتور ود البلد
تحياتي للاهل بالسودان.

لأنهم دائما في قصورهم العاجية المحمية بالاسوار والكلاب كما قال نزار قباني غير ان صاحبة السمو الأميرة الجوهرة لاتدري بأن السبب الرئيسي للمعارضة هو القضاء علي تلك النظرة الدونية من قبلهم لسواهم (التابعية واديناكم )طبعا لاتوجد جنسية سعودية بل تابعية لآل سعود .. يبدو بأن الحرب ستستمر طويلا بين المواطنيين وآل سعود هؤلاء (السعودييين ) لايريدون أن يتعلموا شئيا سواء غطرستهم (وتهميشهم ) للأخرين (وتقولوا الجنوب مهمش برضه) والخطاب لم يعد تحذيرا للجماعات الدينية التي تقود تلك الحرب بل يبدو بأنه تحريض حتي (للملحدين ) منهم للأنضمام في ركاب المعارضة .لم تتعود العائلة المالكة أسلوب المخاطبة فقد علموهم أسلوب الأمر لان الشعب مجرد حاشية وتابعين والاجانب خدامين ..

Salaam

For those who emailed me interested in the clip file. It can be found at the following link

http://www.bayanit.com/upload/protected/aljohara.ram

It can opened through your favorite media program and then
saved into your local disk. x

UP


UP

for her highness

UP one last time. x

"ما بكيتم من شئ إلا تباكيتم عليـه"
أل سعــود، بالرغــم من كل ما يقال عنهـم، فقـد حفظـوا النظام وأرواح العبـاد.. أما الدايرين يجـو ديل، بن لا دن زاتـو يقول ليهـم كفايـة!!
والحاكـم الجائــر خيــر من الفتنــة.. وما أرى إلا الفتنــة العميـاء البكمــاء التى لا تبقى ولا تـذر، إذا إستولى هـؤلاء المهـووسون على السلطــة فى الحجــاز.
وكلام سمــو الأميــرة صحيــح، مع إنـه إفتقــر إلى الدبلوماسيــة..
الشــاهـد فى الأمـر يا صـديقى خالـد الحاج، هـو أن جماعـة الإصلاح هـذه، الذين وصفتهــم الأميـرة الجـوهـرة بالمطاوعيـة، لا يمثلون الشعب السعــودى..
وما تستبعــد لو أنهـم لا قـدر الله إستولـوا على السلطــة، أن يسـألـوا كل حـاج: هل كان عليـا أولى بالخلافـة أم أبابكــر!!

Salaam

So ya Abureesh,if the Islah group does not represent the Saudi population as you asserted, do Al Saud represent the people in tha same context? x

الأخ هشـــام،
سلامات..
لا!
ال سعــود أيضــا، مثل جماعـة "الإصـلاح" لا يمثلون الشعب.

UP

هشـــام،
ما دام رفعت البوسـت تانى، خلينى أكمل وأقـول ليك إنو أل سعــود أخـف الضــررين.. وهـم على الأقل حافظين الأمن فى أكبـر منطقــة فى الشــرق الأوســط إستعــدادا للعنف والجلافــة.

بدون تعليق

انتو هسي ايش تبّون؟؟

انا شخصيا عفيت منها عفويا يتقيها ويوقيها...

مش قالت رأيها بصراحة,,,للمعارضة...

وقالت الما عاجبو يحلق حاجبو...

ده رأيها...

نحن رأينا وينو؟؟؟؟؟

رغم شكي في صاحبة الإتصال إلا إن ماورد فيها حقيقة لا لبس فيها ونحن في القرن الحادي والعشرون يجهل المرء فيهم فائدة تطعيم أطفاله فربطوا لهم التطعيم بأستخراج شهادات الميلاد والتسجيل في المدارس .
فلولا تلك اليد الحديدية القابضة على الإمور لرجعت هذه البلاد إلى عهد الإنسان الحجري وماذالت هنالك عقلية تمت الي هذه الحقبة .

صــدقنى يا على،
أل سعــود ديل ما فى زول عارضهـم أكثـر منى، ولكن الأن أعتقـد إنهـم يستحقــون التأييــد.. هم الأن ســادين بركان بإيدينهــم.
أعتقـد يجب أن ينتشــر التعليـم أولا، وتنتشــر ثقافـة القبـول بالأخــر قبل الجرى الغيــر مدروس وراء شعــارات الديمقــراطيــة.. وإذا إستولى الهـوس الدينى على السعــوديــة، فإن المحطـة القادمـة هى اليمن ثم مصــر
ثم (صـدق أو لا تصـدق) الســودان! حيجـو ناس يخلوا الشعب يبكى على عهــد الشيـــر!!!
الحاكـم الجــائـر خيــر من الفتنــة.