بدر الدين عـجــاج معـنـا!!! أحلى صولو ...و أجدع أورغ..و دقي يا مزيكة

رأيت الإسم المعروف و قلت يمكن واحد مستخدمو إسم حركي, مشيت البروفايل لقيتو ليك ياااهو ذاتو بي نغماتو الموسيقي المتميز بدر الدين عجاج الذي إرتبط بأذهاننا بالأورغ و العزف المنفرد و المصاحب أحيانآ لكبار الفنانين و على رأسهم محمد الأمين.
و الله لو ما جاري صلاة العيد و الجليد كتير داير سواقة بي مهل كنت أقعد أكتر من أجل الترحيب بالرائع القادم بدرالدين عجاج, لكن البورداب ما بقصروا هلا و لي قدام.

شيئ جميل ان ينضم بدر الدين عجاج الي هنا
وهو صديق قديم واسرته ايضا صديقه لي
والعجاجاب بشقيهم الامدرماني والخرطومي
فنانين حتي النخاع
وماشاء الله فمن لم يكن منهم موسيقيا محترفا
فانه سيكون مستمعا رفيعا
لدرجة انه طلعت حولهم نكته فنيه
وقيل ان جدهم الكبير اتته ليلة القدر
واراد ان يطلب الغني بكسر الغين فطلب الغنا برفع الغين
مرحبا بك يافنان

الف مرحبا
به الفنان عجاج
اضافة طيبة..لكل جميل
وهذه بشائر العيد
وكل سنة والجميع بخير

كل عام وأنتم بخير
وألف مرحب بالفنان بدر الدين عجاج والذي ارتبط ذكر آلة الأورغ في أذهاننا باسمه منذ السبعينات ..
أضافة رائعة لأهل الإبداع في البورد
عمر

أرحـب جـدا بدخـول الأستــاذ عجاج لهـذا البورد،
(و لا يهمك أنا غطيت الكمبيوتـر بتاعى)
سيكــون الأستاذ عجاج إضافـة نوعيــة كبيـرة..
الظــاهـر الهـجـرة لو إستمـرت بالمعدل دا نحن حنكـون أقليـة..
غايتو أى زول عنـدو فـرصـة يقـرا فنـون يقـراهـا بســرعـة.

مرحبا للفنان المرهف
المبدع الموسيقي الرائع بدر الدين عجاج

انا من اشد وبل من المتطرفين والمهوسين بعزفك الموسيقي الذي يسكر ويطرب ويرقي الاحاسيس

سلام ومرحبا مبدعي وطني العزيز

ali

الطيب بشير العزيز..
كل سنة وإنت طيب..
يقيم الفنان بدر الدين عجاج بمدينة روتردام الهولندية
وبدر الدين زول حبوب وود بلد ووجوده إضافة جميلة للبورد
وللمبدعين..ويظهر أن الموضوع سيكون نواة لنقابة الفنانين بسودانيس أون لاين
بوجود أستاذنا الموصلي والمبدعيين حمزة سليمان وأنور عبد الرحمن وطارق أبو عبيدة ومبيوع
عمر بانقا وعلاء تمبس ونهلة ولؤي.
مرحب بالأخ الأستاذ بدر الدين عجاج ألف مرحب..

تعرف يا خالد الحاج يا ود عمي
مرات بيكون وراء المبدع القادم شخص قام بتقديمه للبورد زي ما حصل مع المخرجة الرائعة مريم الطيب فالذي حدث أنا شفتها في الحضور و مشيت عملت بوست ترحيب جيت لقيت تماضر ضابحا ليها بوست كارب و عائلي كمان فأصبح بوستي خائفآ يترقب يعلو و يهبط مع مراعاة فروق الود.
برضو ممكن يكون الريس بكري عاوز يخص المبدع القادم ببوست رسمي , لكن كمان هل ممكن أشوف إسم زي بدر الدين عجاج ضمن الحضور و أفوتو ساي؟ ما بتبقى, لا و الظريفة إنو أبو الريش بتاع نكتة! و الله غاية الطرافة, طيب فاتح لينا البرميل بالمقلوب ليه؟
مرحبتين عجاج

تعرف يا طيب..نفسي إنت وأخونا أبو الريش تدوها مساحة سماحة جواكم الزول حلو والله
وأنا متأكد من الروعة الفيك وحا نستفيد نحنا..وعشان تعرف الزول الزين أبو الريش أضغط الوصلة دي وحا تشوف الزول ده نفسو سمحة كيف والله أنا لو كنت في مكانو كنت زعلت بالجد من هوب فل وسجيمان وأبا..ونحن يا طيب شلنا طبقة العسل من برميل أبو الريش لكن لسة فيهو الكتير من الشهد.
الله يديكم العافية..
إلى المهنـدس أبوبكــر و(الأستاذ) خالـد الحاج

يا أبا
تسلم يا حبوب
أنا بهذر مع أبي الريش
لكن لينا يومين هدينا اللعب و بقى فيها ماسنجرات كمان
أما البوست بتاعكم فهااادي جيتي منو و الله فعلآ طول بالو معاكم
أنا ما عندي زعلة منو -ولا من غيرو- إلا حبيت أشاغلو
{عمل الكورة حيلة}
هل تذكر غنا البنات القديم؟
إستعن بضيف البوست الخربنا عليهو بوستو
ما هي كلها غناوي و مزيكا برضو
مرحبا عجاج

يا الطيب

و فوق ماذكرت عنه
............ لأول مرة أعرف أن عجاج هو ملحن بعض أغنيات الراحل المقيم مصطفي. فيهم لمحتك و صابرين و "حاجة فيك بالإشتراك مع مصطفي" . لست وحدي . فقد إكتشفت أن الكثيرين غيري كانوا يجهلون ذلك. بالله مش حرام وعيب أن نكون جاهلين بهذه المعلومة .
لمحتك ، صابرين و حاجة فيك من أروع ما غني خالد الذكر الفنان الأسطورة الذي طغت أغنياته علي ساحة الغناء في السودان منذ نهاية السبعينات و حتي الآن.
يا تري ماذا لحن المبدع عجاج أيضا ً ؟ من له معلومة فليفيدنا بها .

هذا من ناحية موضوع البوست. أما من ناحية "المناقشات الجانبية" أو ما يدور علي هامش البوست فأود أن أقول للأخ خالد الحاج:

يا خالد ،
"عمرك أطول" كما يقولون فوالله كنت أزمع أن أضمن تهنئتي بالعيد لصديقي الطيب همسة صغيرة ودية ، لم أكن أنوي أن أقول له فيها إلا ما سبقتني أنت عليه بـ...

تعرف يا طيب..نفسي إنت وأخونا أبو الريش تدوها مساحة سماحة جواكم الزول حلو والله

وأنا أيضا (نفسي). فالطيب بشير الذي عرفته من خلال صداقة حميمة لي معه و أبو الريش الذي عرفته من خلال سطوره التي يخطها و مداخلاته التي أقرأها لا يمكن أن يكون بينهما إلا الود الذي لا يفسد له إختلاف الرأي قضية، أما ما ظهر وبان علي ساحات المنبر فما هو إلا عداء كاذب وسياج من وهم. و كنت أنوي أن أدعوهما لهدم ذلك السياج وفضح كذب ذلك العداء.

جئت أنا " بالنية " فسبقتني أنت " بالقول " ثم إتضح أنهما قد سبقانا " بالفعل " .

فهنيئا للطيب و أبي الريش " التصافي من بعد التجافي " و " مساحة السماحة " . و هذا لا يمنعنا من إنتظار " شمطة علالها يلوي " جديدة ما دام الود باق.

كل سنه والجميع بخير
ما تتخيلوا مدي سعادتي بهذا الترحيب
والتحيه موصوله للاح يكري وكل التقدير لهذا
البورد الرائع.
الاخ الطيب سعيذحدا بلقائك بعد هذه المده الطويله
الاخ يوسف الموصلي تحياتي لك ولكل اسرتنا من الفنانين
بامريكا
مره اخري اشكركم علي هذه الاستقبال الجميل
اتمني ان يكون وجودي معكم ذا فائده

==============
جينا لي جمر الخواتم
الشوارع الواقعه في قلب الهوادم
العتامير.... المشاوير القصيه
لافحه ســمرتنا الســـمائم
القلزب واجفات شواهد
لي دروب ساقن هجائم
جينا بينك .. والهزائم
خطوه كانت شايله حتفك
لهفه الخانوا القضيه
___________ علاء
عجاج

الزول اخونا تب...!

صحى ولا ما صحى..

كل الترحاب يا عجاج..وكان ما شالك الحوش ..يشيلك الراس

وتحياتى لاسرتك فردن فردن..

مرحــب بالاخ بدرالدين والتحية من خلاله لاصدقائى العجاجاب
بالحلة الجديدة

بسم الله الرحمن الرحيم
استاذنا الحبيب
بدر الدين
مرحبتين حبابك هوى واليوم السعيد الليله جابك
وتهانى خالصة لك بقدوم العيد ولاسرتك
ونحن تلامذه فى انتظارك يا استاذنا
واتمنى ان تكون لنا معينا معرفيا
وانت صاحب مدرسه ولك تراث من الاعمال
يلا قول لينا؟
انور عبد الرحمن

ما أهنانا بقدومك يا بدرالدّين!

طارق الفزاري

اخي العزيز بدر الدين
الاسره الموسيقية هنا بخير
ويغرونك السلام

والف مرحب بالاستاذ المبدع عجاج

واتمني ان يطيب له المقام بيننا، وهو رجل ذو تاريخ، ويحمل الكثير من الذكريات والمعلومات المفيدة لاجيال من الموسيقيين والمهتمين بالفن والغناء، هذا سوى ابداعاته الموسيقية المعروفة، ومن بينها "وهذا سر سمح لنا الاستاذ بكشفه لاول مرة" اكثر من 40 عملا لم يسمعها الجمهور بعد!! اكرر اكثر من 40 عملا. قال لنا الاستاذ عجاج مرة في لقاء صحفي نشر بجريدة "الحكمة": لقد لحنت لمصطفى سيد أحمد، ولذا لا يمكن ولا يجوز لي ان أهبط الى مستوى بعض الاصوات السائدة حاليا، وأتنكر بذلك لجمهوري وتاريخي، انا أبحث عن الصوت الملائم ليقدم هذه الاعمال. أريد فنانا لا يبحث عن اغنية لحفله القادم، بل فنانا يبحث عن لحن يدوم مائة عام قادمة..

مرة اخري مرحب بالفن والابداع في شخص بدر الدين عجاج

التحية والتقدير للاستاذ بدرالدين ونتمنى ان يدوم الود ويتواصل اللقاء،اهلا وسهلا والف الف مرحب

مرحب بالأستاذ بدر الدين عجاج