البقالة الإسلامية...للأغراض الإعلامية..طبع...تكفير...تبرير..إرهاب طيب بشير

الفكرة واحدة منذ أن خرج الدين من خلوة جدي و دخل البرلمان
الأشخاص يتغيرون حسب المكان و المصلحة
السعر يختلف حسب الحاجة
عاوز تحرقو نهائي {إغتيال شخصية} و لا عكننة ساي؟
ماسنجر هنا و ثاني هناك و لو إستعصى الأمر تلفون و مالو
المهم
حشد كمية من التفاسير الخاصة للدين السمح و مالو ما هو كل شي لله
و بورد باسم المستهدف بواقع ثلاث مرات في الأسبوع
ربما يخدع ذلك البعض لكن الغالب على أهل البورد أنهم يفكرون و لذا يستعصي السلاح المجرب بأن كفروهم و ارتاحوا, كما أن {الحبر} المتاح هناك ليس ممكنآ في البورد لأن البورداب لا يأخذون الأمور بالتبسيط المخل الذي راهنتم عليه
الدين في طابتHome Work
و قبل ما يطلع موضة كان الناس عارفينو و صعب شوية تكفير زول زي دة.
طيب الدبارة كييييف؟
هاااا
نمشي البقالة الأسلامية و أهو لافتة من هنا و كلمتين من هناك بإستراتيجية العيار اللي ما يصيبش يدوش , تجارة التكفير السائدة تجعل الدين ماركة مسجلة لبتاعين الإسلام السياسي و لو جيت قريب بسيطة يكفروك على طول بحشد آيات و فهوم قد لا تمت للموضوع لكنها تزيد الأمر رهبة.
ههه
لقد باتت الخطة مكشوفة و بائرة
و سأساعدكم
لدي قصائد خارجة عن النص سأنشرها تباعآ حتى تجدوا فرصة {موضوعية} للتكفير و حتى يقرأ البورداب خلافات تستحق.

في زول زعلك............. تانـــــــي

يا محمد
حين أناديك باسمك الأول هكذا في مطلع بوست هل يلتبس على القاريء أنني ربما قصدت نبي الرحمة المهداة للعالمين؟
أرجو أن تكون الإجابة لا
أنا أرد عليك بوست بتوقيعك فما الذي يقحم فكرة الإلتباس بينك والمصطفى {ص} الذي لم يرد نكرة يومآ؟
هل نلزم علي الريح كل ما قال محمد ماشي و ح يشوت أن يقول {صلى الله عليه و سلم كلما أورد إسم الكورنجي محمد؟
و إن رددت عليك بوستك هذا بقولي {يا محمد إنت زول مسطح} هل هذا يضعني في جانب من شتم رسولنا الكريم عليه أفضل الصلاة و أتم التسليم؟-لا أعني أنك مسطح بالطبع لكن المثل ممكن يوضح-
لن يمرروا علينا فكرة إحتكار الله
لأنها فطيرة
و ممعنة في السذاجة
و لأننا نعرفه حقآ و نسعى جاهدين أن نرضيه{بيننا و بينه}
و لأنهم لن يرهبوننا
وأثناء إنشغالنا بالغناء و الشعر سنسهم في تطوير فهم المعهديين للدين و لعظمة الخالق_بالفن_ لا بالإرهاب.

شوف يا الطيب
لمن تناديني يامحمد...
الناس حتعرف انت عايز تتكلم مع محمد المسطح لأنه محمدالمسطح هو الوحيد الموجود في دائرة حديثك اثناء صياحك .. النظريه برضو صـاح لم تكورك..شوت يا محمد شوت يامحمد..باقى المشجعين حيعرفوا انت هلآلآبي وبتشجع لاعبهم محمد الكورنجي لانه هو الكان في خط ســـته
لـكــــــــــن......
لمن اجي انا واكورك يا نــجــاة انتي شغاله مذيعه في التلفزيون؟ الناس حتعرف السؤال موجه ليك..
رغم نجاة ما اسمك ...او مثلا اسأل وسط مجموعه من معارفك سؤال..... مثلا ..اجي اقول ..ياخوانا البنيه الحليوووونه دي بتشبه شيخ عبد الجبار المبارك ..يقوم ينط واحد يقول لي ده الطيب صحي يشبه خــالو..
شايف رغم انت ما نجاة ولا بتشبه البنات لكن مثال فقط عشان النظريه تكون سهلة الفهم...
يعني يا الطيب ..اخدناللكلمات كمفردات خارج صياغة الحديث بجردهامن اي معني دي قاعده.. وحتي في داخل الكلام مهما كانت الجمل مركبه ومعقده ولا بسيطه برضو كلامنابحتاج لعوامل تانيه لابدمن توفرهاعشان يكتمل المعني المراد بيهو الحديث ..ارجع للامثله