عام مضي اهدي فيه اوسكاري الي من امتعوني بقرائتهم

وكما ُرُشحت تماضر في ذلك البوست كشخصية المنبر , ونحوا علي الفكرة اهدي فيه اوسكاري الاساسي الي من امتعوني بقرائتهم طوال عام مضي انتظر بوستاتهم ليل نهار اتسلي بها في غربتي مؤنسة وحشتها كما فعلتم جميعا بملْء اوقاتي سعادة بصحبتكم ولكني اخصص من ادهش متعة عند ما اقرأ لهم
اوسكاري الاولي اهديه الي الكاتب الاول في هذا المنبر والذي ابدع حقا في انه ابتدع ادبا جديدا امتعنا به وادهشنا اهديه الي من سبقني فيه الاخ عبد العاطي حين رشحها كاتبة المنبر الاولي شيري
والتي ادهشتنابعد عودتها حين قال احدهم حين غابت اظنها قد خلصت او
( انسهكت ) كما قال ولكنها عادت لتملا المنبر عرضا وطولا بزخم كبير من البوستات المتنوعة في كل الموضوعات من السياسة الي المكنيكا الي اي شئ غير متوقع فتستحق ان نطلق عليها الكاتبة الشاملة المبدعة
ومثل ما يقول شرير ان ليس لها ( قشة مرة ) فهي تكتب في كل شئ بقلم خبير وبلغة كاذب من لا تاسره او لا يفهمها وباخر حكي اذا جمع في كتاب لكفاها ان تصنف في قامة مستغانمي وانا اذايد بها

الاوسكار الثاني اهديه الي من يقال عنه انه اضافة حقيقية وليس مجازا او مجاملة فما كتب في موضوع الا وزانه وما كتب في موضوع الا وتفوق علي صاحبه بتعليقه او باضافته بالرغم من انه مقل في كتابة بوستات خاصة به ويميل كثيرا الي التعليق علي البوستات الاخري الا انه يضيف اليها بعده الخاص مستخدما لغة وافكارا غاية في الابداع واتمني ان تقراؤه جيدا فهو رقم كبير في هذا المنبر ولا يقل قلمه قامة عن اي كاتب مخضرم يكتب في امهات الصحف او الكتب وما ان رايت له تعليقا الا وطرت اليه قارئااهديه الي الملا عمر

الاوسكار الثالث اهديه علي السابح علي اهداب اللغة مستهترا بالكلمات ينثرها نثرا وببساطة وبالرغم من انه مقل نوعا ما في كتابته وغير مقتنع ابدا بانه مبدع لكن له نوعا غريبا من الخيال لا يضاهيه فيه احدا له عبارات لم يسبقها اليه احد ولا يجاري ابدا وان اجتهدت .اهديه الي دكين ذلك الذي لا يعرف انه مبدع او مقرؤ لذا لا اظنه يكترث كثيرا للكتابة لذا اتمني منكم ان تحملوه ليكتب عله (يتادب) قليلا فيتحفكم ادبا

هناك الكثير جدا من الذين اتمتع جدا بقرائتهم ولكن احببت ان اخصص نوعا ما ليكون لاوسكاري معني
وانا اساسا ما سائل في زول

وأنا أوسكارى متين؟؟؟

ان شاء الله يوم (اوسكارك) ما يجى

يازول يا زول
اتزكر جيدا ذلك العام الذي كنت فيه نجم سودانت الاول ما ان تنزل بوستا حتي ويطير اليه الاعضاء زرافات وجماعة ما ان تدخل بوستا الا وتبعك الجميع ( داير تاكل حقك وحق غيرك ) بالله قل لي من كان يجاريك شعبية هناك قبل ان تنتقل الي هنا وبنظرة خاطفة لبوستك عن ثلاث سنوات في المنابر يتضح انك ما ذلت رقما حقيقيا في سودانيز
فقط دعنا نشجع النشء
اما اوسكاري فاصنعه بشكلاتي علي اني قد عدت تائبا ولو الا حين

يا اساسى
الاوسكارات ديل شوية كده مالوم....الباقي وين...قالوا شافوك حاييم في برندات الافرنجى ...خير انشاءالله.......كده شوف لينا واحدى معاك...حتى لو كان بتاع عدم موضعوية
يا اخوي
بقيت مسكين...لالو ما حوتوك في السودان
كدى طمننى باقي اخبار زيارة السودان شنو

اخونا اساسي
اوافقك علي اوسكاراتك التي منحتها اعلاه وهم حقيقة يستاهلو
واذا سمحت لي بالاضافة : اوسكار للاخ ابو السارة للشجاعة وقول الحق.
واوسكار حبيب الكل للاخ خالد الحاج
اوسكار الكلمة الحلوة اسماعيل وراق
وحتي لا اتهم بانني ضد الجنس اللطيف
اوسكار الروح الطيبة هالة قوتة
مع الشكر

الاخ اسعد ابراهيم
تسلم ومعك اثني من رشحتهم

تستاهل يا بلير اوسكار الصحبة الرائعة انت والفهم العالي
برندات الافرنجي جزء من تراث حبيت اعيشه تاني
وكل الامور مية مية
الا زول مدني كان خارج التغطية

والله ياجماعه لو قلنا بسم الله ناس البورد ديل كلهم بيستاهلو اوسكار
كل على حدا
لاول مره في حياتي اري عيان بيان ابداعات السودانيين واضحه من غير زيف من غير دجل كل واحد في البورد بيعبر عن نفسو ونفسو بتعبر عنو
حقيقة انا واحده من الناس مابشارك كتير لكن بقرا البورد كتير لانو فيهو كتابات والله وتالله يعجز اللسان عن مدحها او حتى وصفها
حتى التعليقات بتمون دايما باسلوب راقي ومحترم مهما كانت اوجه النظر مختلفه ودي اوسكاري لو عندي اوسكار وحق المنح ممكن اهديهو لي اسد ابراهيم ولي كتيرين خايناني الزاكره حسه فماقادره اذكر الاسامي
وكان على الكتابات الجميله فعيييييييييق والله البورد مليان جد بالمبدعين انت يالاساسي واحد منهم واش وسنتمنتل AlRa7mabiومنعموش ود قاسم ومنوت وكتير كتير حواء وااااااااالده
دمتم اخوتي
نوف

WaD OmI
ما زكرته صحيحا مائة بالمائة فالجميع هنا يبدع ولكن كما زكرت خصصت لاني ما سائل في زول لووووووول
لك التحية

عليك الله يا اساسي كان فضل شوية أوسكار وسكر معاك الملا عمر دا تاني على حسابي وسكرو ووصلو بيتو
تحياتي ليك يا أوساكار إنت

العزيز بدر
الملا عمر يستاهل نوبل وليس اوسكارا فقط هو مبدع حد الحد

اوافقك الراي يا اساي واسمح لي بأن اضيف الي القائمة علاء الدين شاموق والمطر وعجب الفيا
ومنوت وفعلا القائمه تنضح بالكثيرين

كما زكرت استاذ موصلي
شاموق والمطر والفيا ومنوت من الاقلام التي تجبرك علي متابعتها

الاخ اساسى

اول دخولى للبورد اذكر التواصل الذى حدث بيننا بمبادرة منك ثم اصبحنا ننظر لبعضنا _من رقراق_ البوسات و اراك غالبا فى معارك حامية الوطيس فى كثير من الاحيان تصنعها انت و _ تتلببها_ فقد اعجبتنى عودتك _تائبا_ حتى و ان كنت ما سائل فى زول..المهم روقان المنقة..فأنت رجل ناصع الالق لا يجب ان تحجبه عنا_عطليبات_ المعارك و بشائر السلام تلوح فى الافق و ان اختلفت الاراء حول الكيفية فأن نقيصة السلام خير من كمال الحرب..هنا وهناك...و لك اوسكار ذلك.. نأخذه منك و نرده له و انت مكتمل النضرة نراك بلا عتمة

وسلمت اخى

اذا تمنحني اوسكار تصالحي مع نفسي والاخرين اخ نصار اشكرك علي هذه الاريحية اولا بيد اني اذكر تلك الايام جيدا اذكر حدتها ولكنها كانت ايام كثيفة بالحوار الراقي احيانا وغيره حينا الان المنبر اتجه صوب الخطان المتوازيان وهو ما لا يصلح في منبر نقاش مثل هذا لابد للحوار من تباين ليثري بافكار عدة دعها احيانا تكن حادة ولكنها مفيدة
واشكرك علي جمال نفسك

اساسى
والله كلامك اسمى معنى واغلى قيمة من الاوسكار....تسلم ..والحمدلله ان زيارتك كانت ناجحة
اما زول مدنى فتعمد الاختفاء لان قلنا له انك انسان محل ثقة ,,واي تقرير سوف ترفعه عن اللقاء سننظر اليه بعين الاعتبار ...لذلك فضل عدم لقائك

اكيد يا بلير .. وتسلم للثقة ... طبعا زول مدني طلع من سكان حلتنا
ونتقابل في الخاص باذن الله

اساسي حلوة حكاية خطان متوازيان دي عجبتني وهي حقيقة هل من مزيد من الشرح دام
فضلكم.

الاخ اسعد _ اسعد الله صباحك
اذا اجتهدت في ان اشرح لك هذان الخطان قد لا استطيع مثل ما تجده في بوست للاخ حبيب الكل لك فيه مشاركات بعنوان لماذا نجحت الانقاذ فيما فشل فيه الاخرون وبمعني دقيق _ اذا لم تقل مثل ما نقول فانت لا محالة سادن للنظام الحاكم ولا شئ غير ذلك ؟؟!
او بمعني اخر المساحة للحرية التي يجب عليك امتلاكها هي ان تقول مثلما نقول فهذه هي الحرية او عتموا علي الاخر والجموا لسانه

لوووووووووووول النبي يا اساسي تعمل لينا اوسكار لي ناس غارزه ونطاحه عشان افوز معاك .

الخالة دومة
تعرفي اوسكار لي ناس غارزة ونطاحة ما ينفع
دا لازم كاس يتنافس عليهو الجميع في البورد
وانا خايف كلهم يفوزوا بيهو
اسع افرزي لي منو الما من ناس غارزة ونطاحة
النطح بقي في اي بوست ومن اي عضو
اخر زمن...
اساسي ينطحوا ويمشي يعتزر
لوووووووووووووول
زمان يا خالة الواحد قبل ما يخش البورد كان
يفضوا ليهو تلاتة بوستات عشان ياخد راحت
اسع الواحد بقي يضاير عشان ما يجيهو عكاز طاير

اخبرني وغد منقطع في وصفه اني نلت اوسكار اساسي مع حبيبة البو شيري وسيدي المولى عمر

اخوكم اساسي انا عايز منو قروش لي زمن..
ويبدو انو اتصرف فيهم بطريقة او باخرى
يحاول الان ان يشبكني اوسكار وما عارف استمارة سيارة منتهية..
انا الحركات دي شبعتا منها ..
ولولا رجال مثل اساسي كنتا زمان رجعت البلد مغندل...

عالم من الهمباتة قاعدين في اطراف البحر الاحمر ...
ناس يداقشوك في رزق العيال..
ناس شنو انتو ؟؟؟

بالمناسبة الواو في (البو) اعلاه راجعة لي الهمباتي ..
وفي رواية تانية
راجعة ورا...
ورا خالص ..

والماعارف الهمباتي يسلفو تاني ..

تعرف يا دكين
انا قربت اصدق قصة قروشك دي
من دين شايفها بقت دين عكسي
لكن نشنت علي قربة اتخرمت زمان
تعرف كان جمعت بورداب جدة كلهم وطرحتهم ما تطلع منهم نص
القروش البتحلم بيها دي
ديل ما فايتين ناس السودان الا بالرطوبة الفي جدة دي
بعدين يكفيك انك ماذلت عايش في الدنيا دي لسع
زيك زي باقي الناس
وخلي القروش لي الخلقهم الله ليها
رشحتك ما حبا فيك
بس عشان مافي تالت

اساسي بالله ما تنسي كمان اوسكار لي ناس الملتبل جويسMutiple choice دي اكيد ملاسي وسيادتنا ح نفوز بيها لاننا قادين انشاء اهو بقينا نستفيد من الود هوبفل كمان