Post: #1 Title: المتاهة Author: رومانسي Date: 01-05-2004, 09:58 AM
عفوا بكري هي مجرد زفرة شوق
مسرعا .. رأيتك تنزل صوب ضفاف ليست لنا تتعجل فيك الحساب .. وعينك لا تدري أن يدينا معا قدتا من نفس الغياب .. من نفس المتاهة .. ومن شجن لا يكفي الوقت لردمه، عد ناحية القلب تجدني أجالس ظلك في خلوته !
رومانسي يا حبي الاساسي كثيرا ما يحن المرء لساعات الصفاء فانعم بها وننعم بها نحن ايضا هيا تتدفق الينا واروينا من رومانسيتك التي غار منها البعض ولكن لا ادري لماذا خطر ببالي(( اذا رايت انياب الليث بارزة فلا تظن ان الليث يبتسم)) ام هو هدؤ يسبق العاصف؟؟ ولك كميات من الاشواق ومنتظرك علي الخط
لا اصلو ما بصدق وانا لي زمن بمشي وبجي جنب باب البوست وكنتا محتار اها في النهايه دفرتا الباب وتاوقتا لقيتك انت ذاتك لالالالا الحكايه عاوزه قعده والشمار كميات وزي ما قالت دريمز
علي استحياء دلفت الي المنبر مسجلا باسمي القديم زات حنين وشجن ,تتلبسني حالة حزن العودة من الديار تتملكني زفرة شوق الي ماضي جميل كجمالكم دريمز .. اجازتي هذه في السودان كانت رمز في خارطة حياتي حولتني من صقيع غربة الي ربيع اهلي واحبائي كانت حلما تحقق في واقع ايامي واظنها دفعة عودة لا غربة بعدها ولك مني السلام حبيب الكل وانا..هي اكثر من لحظات اكثر ابدا من لحظات وما كانت غفوة غابت فيها الصحوة دعنا نزرع في كل الطرقات اشجار نخيل نسقيها رحيق ثواني من الزكريات فتثمر تمرا يروي عمرا يفلت منا في لحظات .. هي ليست ابتسامة اسدا يكشر عن انياب ولكن دعنا نقول شوقا للاحباب هوبا...حاصرني الحزن على مشارف الفجر..وسكبته في زجاجة الايام ثم اغلقت ثم خرجت مع الفوضى ابحث عن طاولات من وهم واستأجر من السراب مقاعد للجلوس فرتبت الوقت وخرجت مع الفوضى في مشوارٍ خاص
يا زول الكلام دا سمح لكن ما بيخارجك LOoOOoooooolz ياخي عايزين نسمع ان شاء الله مشروع خبر سعيد يا سيدي اقول شي انت لسه ما شفت الجرسه الجرسه البجد حاتحس بيها بعد شهر شهرين كدا الزول هسه بكون مخدر تعرف انا مشيت بي شوق 11سنه مشيت مخدر وجيت مخدر ما فقتا وما استوعبتا الا هسه وانسى بس بالمناسبه اخونا الزول زاتو حصل عليهو شنو لا حس ولا خبر غطسه السنين في العسل والقمردين
العزيز ايهاب الحمد لله خطوت في مشروع سعيد باذن الله اكمله خواتم عامي هذا باذن الله اما الجرسة فتبدا مع الاقلاع لا تهدا ابدا الي وعجلات الطائرة تلامس فؤاد المطار معلنا عودة اتمني ان لا تكون بعده غربة وللكل وحقيقي مخدر واتمني ان يطول خدري الزول زاتو اخباره قطوعة نتمني ان نسمع عنه كل خير
