صـغنتـوتـيــات حـــلاوى .. أحلام مراهـقــة

أيييوى أيييوى أيييويـــــا ..
زغرودة كسرت سكون القريــة
طرقت طبول ثمان آذان
قال راشد: بت اللمين سدّوا مالها
ردّ ياسين: أظنّو دا حاج أحمد رجع من الحج
قاطعه ياسر: لا .. أكيد ود الأمام قامت بيهو المريسـة
قلت ببرود: سيبونا فى أنفاسنا .. من طلب العلا نفّس طوّالى
عندها مرّت من أمامنا التاية أختى تجرّ ثوبها جرّا
قالت بلثغتها المعروفة:
دوموا يا عتالة أمسو بارتو .. الردية عددوا عليها
حينها هطلت سحابة من الوجوم ..
و تفرّق أربعة مراهقين من غير وداع لأولّ ليلة.


على الحلاوى - بغداد 2007

الحلاوي سلامات

عارف في بالي من كم يوم وقلت اسلم عليك لا لقيت ايميل لا تلفون

العيال بسلموا عليك وكل ناس الدار و كن بخير يا كلك خير

صغنتوتة حلوة شديد :

دوموا يا عتالة أمسو بارتو .. الردية عددوا عليها

ألفين سلام يا دكتورة .. و دايما فى الخاطر

سلامى لأهل الدار .. قصّرنا معاهم .. ربنا يقدرنا نشوف حاجة قبل زيارتى المرتقبة فى يوليو القادم.

إنشالله دعواتنا بتصلك

ترقبى تلفونى

Quote: تفرّق أربعة مراهقين من غير وداع لأولّ ليلة.

يا Boss مشتاقين ووين أيامك
أوعا تكون انت تبع الأربعة ديل ؟؟؟
ياخي أنت وسودانية دي ردوا على الإيميلات البتقروها دي
كل مرة بيجينا الNotification بتاعكم لكن لاشوفتن تبل الشوق ولا ردن يطمن
تحياتي

سلام يا ود رحمة و مشتاقين كتير

Quote: كل مرة بيجينا الNotification بتاعكم لكن

أسوأ ما فى التكنولجى أنها ما بتخلى الواحد يكضّب

لأ أدرى لماذا و لكننى أصبت بكسل أسفيرى .. متابع ومبسوط .. أقول أرد بعدين و لكن عييك تجدنى لابد مع اللابدين "أمثال سودانية"

Quote: أوعا تكون انت تبع الأربعة ديل ؟؟؟

و خامسنا كلبنا

Quote: قلت ببرود: سيبونا فى أنفاسنا .. من طلب العلا نفّس طوّالى

الحلاوي

سلام ،،،

أدخلني لهذا البوست إسم الحلاوي .. ليس عنصرية مني ولكن

سؤالاَ عن الأحوال .. والإختفاء من الحضن العائلي هناك !

إفتقدناكم كثيراَ هناك ... أتمنى أن تعودوا وتعمروا الديار ..

نحن ننتظركم !


توقفت هنا لإلقاء تحية .. !

الأخت الفاضلة وصـــال .. صاحبة الكتابات الهادئة و المميّزة

Quote: إفتقدناكم كثيراَ هناك ... أتمنى أن تعودوا وتعمروا الديار ..

شكرا على السؤال .. لا أنكر تقصيرى .. ضياع الباسورد و السايت الذى لا يفتح عندى لا يعفيانى .. سأتصل على الأدارة لأكون قريبا بين أهلى الحلوين ..

أديها معاك دفرة من هناك .. و رسلى لى اللنك إذا تغيّر عى الأيميل


على الحلاوى
[email protected]