Post: #1
Title: صـغـنـتوتيات حــلاوى .. الموت فى الأعالى
Author: Ali Alhalawi
Date: 11-22-2005, 03:25 AM
Parent: #0
غادر منزلهم و هو يدعو لها بالموت .. لكنّها بأمومة تسكنها كانت تشيّعه بدعوتها المعتادة "ان شاء الله يا ولدى تتعلى و ما تتدلى" .. ثلاث أعوام و لم يبن له أثر و لم تسمع عنه خبر .. فى العام الرابع و صلتها الأنباء بالحكم عليه بالموت شنقا .. لم تكمل سماع تفاصيل الخبر و فارقت الحياة.
|
Post: #2
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-22-2005, 05:56 AM
Parent: #1
إنت أقعد أتحاوم لي وغيب هسع المنبر إتملا حلاوين
عبدالرحمن الحلاوي
الحلاوي بدون أي عبدالرحمن ولا علي
ديل الحلاوين القالوها عديل غير المتخفيين زي المعتمد وشنا والرحمابي وعادل فضل المولى
|
Post: #8
Title: Re: صـغـنـتوتيات حــلاوى .. الموت فى الأعالى
Author: عادل فضل المولى
Date: 11-22-2005, 08:45 AM
Parent: #2
اول بالتبادي
حمدلله على سلامتك وشوفتك ياعلي
يعني ما عرفناها اجازة عيد ولا شهر شنو ماعارف ولى الحكاية شنو
الا جيتك جات صعبة تب آزول ..اوعى يكون حلمت بي ود حبوبة في اليومين الفاتو وجيت عملت البوست دا
شايفا جابت ليها مشانق
بدر الدين الجميل
| Quote: الحلاوين القالوها عديل غير المتخفيين زي المعتمد وشنا والرحمابي وعادل فضل المولى |
الشينة منكورة
الا والله ما قلت انا من الحلاوين
كدي أرجع تاني للكلام داااااااااك
وطبعاً كدا انابقيت في زقاق ضيق
ان قلت لا بتبقى مشكلة
وان قلت أي بتجيب ليها كلام بي غادي
والحلاوين اهل ونسب ومنطقة
وقراية ..الا بس ود حبوبة دا ما جدنا
اها كلامي وقع لييييييييييييييك
وبعدين الحلاوين ما بسمو (فضل المولى) تب تب
عشان كدا خلينا كدا حلويييييييييييييين
|
Post: #3
Title: Re: صـغـنـتوتيات حــلاوى .. الموت فى الأعالى
Author: Abuobaida Elmahi
Date: 11-22-2005, 06:14 AM
Parent: #1
يا بدر الدين
ما دام أيو زول في المنبر بقي يحتمي بأهله
فأنا ذاتي حلاوي !
كدي خلينا من ديل .
الحلاوييات وين ?
|
Post: #4
Title: Re: صـغـنـتوتيات حــلاوى .. الموت فى الأعالى
Author: Ali Alhalawi
Date: 11-22-2005, 06:48 AM
Parent: #3
بدر الدين الحلو
نحنا غير حلاوتكم مافى حاجة بتجيبنا راجعين
خلاص نعمل رابطة أبناء الحلاويين بالشاشات و المنابر العليا
بعدين .. قريبى أبو عبيدة .. حلاوى لامن ينقط سكّر
|
Post: #5
Title: Re: صـغـنـتوتيات حــلاوى .. الموت فى الأعالى
Author: saif massad ali
Date: 11-22-2005, 06:52 AM
Parent: #4
بالحيل احلي من الحلاوين ماشفت تب , الله يذيدكم حلا
وانت يا علي كنت وين
|
Post: #6
Title: Re: صـغـنـتوتيات حــلاوى .. الموت فى الأعالى
Author: ALHALAWI
Date: 11-22-2005, 07:43 AM
Parent: #1
والله شكلو الشغلة حا تبقى كلها حلا في حلاوين ..
حبابكم ...
سيف الجميل
نيابة عن كل الحلاوين ... أشكرك على الكلمات الحلوة .. وإنت زاتو ما مننا وفينا...
|
Post: #7
Title: Re: صـغـنـتوتيات حــلاوى .. الموت فى الأعالى
Author: ALHALAWI
Date: 11-22-2005, 07:45 AM
Parent: #1
البدري الوسيم
اتخيل أنا لما اشتركت في المنبر دا في سنة 2002 ما كنت عامل حساب إنو في زول يضايقني في الإسم ...
|
Post: #9
Title: Re: صـغـنـتوتيات حــلاوى .. الموت فى الأعالى
Author: عبد الله عقيد
Date: 11-22-2005, 09:19 AM
Parent: #1
يا حلاوين
ازيكم
نحن برضو بنحب الحلاوين
من شناوباقي الحلايون، لحدي خالد سيف الدين
|
Post: #10
Title: Re: صـغـنـتوتيات حــلاوى .. الموت فى الأعالى
Author: عبدالرحمن الحلاوي
Date: 11-22-2005, 10:43 PM
Parent: #9
الأخ علي الحلاوي
تحية طيبة وبعد وعوداً حميداً ، وحمداً لله على سلامة العودة ، ما كان الإعتداد بالأصل إلا مفخرة للرجال والتمسك بالأصل واحدة من مفاتيح الشخصية وبدر الدين شنا قال : نافسناك في اللقب فاللقب ملك مشاع لكل حلاوي أماً وأباً وليس حكراً لأحد وأنا يد في يد من يدعو لتوحيد صوت الحلاويين في المنابر والتحدث عن قضايا أهلنا الغبش المهمشين لزمن طويل لم يكن فيهم من يمثلهم في عالم التكلتلات والتكتيكات الحاصلة اليوم ومشكور أخونا مأمون صاحب موقع حلاوين دوت نيت وندعوكم لرفد هذا الموقع بكل مفيد . ولك مني خالص الود وللحديث بقية
|
Post: #12
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-22-2005, 11:11 PM
Parent: #10
الحبيب عبدالرحمن الحلاوي
سلامي وإحترامي وإكرامي
| Quote: وبدر الدين شنا قال : نافسناك في اللقب فاللقب ملك مشاع لكل حلاوي أماً وأباً وليس حكراً لأحد |
أنا قلت ليهو كدي عشان هو أخوكم الصغير وإنتو الكبار ... هههههه
ومرحب مرحب بالحلاوين أينما حللوا
|
Post: #14
Title: Re: صـغـنـتوتيات حــلاوى .. الموت فى الأعالى
Author: عبدالرحمن الحلاوي
Date: 11-22-2005, 11:26 PM
Parent: #12
الأخ بدر الدين
بدر وشنا مستحيل جمعهم إلا عندك يا جماعة نحتاج لمزيد من النقاش في قضايا المنطقة وطرح قضايانا في هذا المنبر وغيره من المنابر ودعم موقع الحلاوين ولا يخفى عليكم ذلك وهاكم بريدي للتواصل [email protected] ولكم الشكر .
|
Post: #11
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-22-2005, 11:04 PM
Parent: #1
Quote: وان قلت أي بتجيب ليها كلام بي غادي
والحلاوين اهل ونسب ومنطقة
وقراية ..الا بس ود حبوبة دا ما جدنا
اها كلامي وقع لييييييييييييييك |
خلاص وكت أبيتنا نحن بنتفق مع ناس الإتحاد العام يحاربوا غرف التسجيلات ويحرموك من التوقيع لي أي قبيلة ... بس
أما فضل المولى عندنا كتير لكن كلهم مفلسين ما عندهم التكتح
الحبيب أبوعبيدة الماحي
سلامي وترحيبي وفخري بك حلاوياً ضكراً
Quote: كدي خلينا من ديل .
الحلاوييات وين ? |
يقطعن في المرارة
صديقي الصغنتوتي علي الحلاوي
سلام وشوق
| Quote: نحنا غير حلاوتكم مافى حاجة بتجيبنا راجعين |
ونحن غير غيابكم حاجة بتزهجنا مافي
الجميل سيف بن مساعد بن علي
سلام وشكر على كلماتك الرائعات يا رائع
| Quote: بالحيل احلي من الحلاوين ماشفت تب , الله يذيدكم حلا |
يحلن أيامك ويعلى مقامك يا جميل
الحلاوي الخالص من غير إي إضافات
سلام كبير
| Quote: اتخيل أنا لما اشتركت في المنبر دا في سنة 2002 ما كنت عامل حساب إنو في زول يضايقني في الإسم ... |
تظل أنت الأصل برضو
صديقي عبدالله عقيد
فرحت بي شوفتك كتير
Quote: نحن برضو بنحب الحلاوين
من شناوباقي الحلايون، لحدي خالد سيف الدين |
وأنا كمان بحبك وحا أوصي الأولاد ديل يهتموا بيك كتير لأنك غالي شدييييييييييييد
|
Post: #13
Title: Re: صـغـنـتوتيات حــلاوى .. الموت فى الأعالى
Author: ALHALAWI
Date: 11-22-2005, 11:13 PM
Parent: #11
يا بدري
لكن العين ما بتعلى على الحاجب يا جميل ...
إنتو الأصل والخير والبركة يا أخوي ...
|
Post: #15
Title: Re: صـغـنـتوتيات حــلاوى .. الموت فى الأعالى
Author: abuguta
Date: 11-22-2005, 11:44 PM
Parent: #13
اهلى الحلاوين
انتو شدة حلاوتكم ما كتيرة بتخلطوها بالشنا
نسيتو ايهاب الطيب برضو من ديار الحلاوين
وعندى 3 كدا من مصطفى قرشى..بحاول ابردهم ليكم
بما انو الحلاوين اقرب منطقة لريفى ابقوتة
سجلو حضور هنا
فى abuguta.com/db
بتضحك مالك ياعلى الحلاوى عشان نحن غرب الكنار
ايوة ابقوتة عندها موقع....
فلزام عليكم ان تعملو موقع...لديار الحلاوين
وتاريخكم ملىء بالبطولات
وهوست سودان متبرعة لكم بالتصميم
بس ادفعوا حق الاستضافة
الحلاوى ياخوى عملت لى شنو فى الاكسسوارات بتاعة الجولالات
مش كان بينا اتفاق..ولا دا معتز ياربى
خالص ودى لكم
|
Post: #16
Title: Re: صـغـنـتوتيات حــلاوى .. الموت فى الأعالى
Author: عبدالرحمن الحلاوي
Date: 11-23-2005, 03:00 AM
Parent: #15
Go to halaween.net and there will get every thing about Halaweeen
|
Post: #17
Title: Re: صـغـنـتوتيات حــلاوى .. الموت فى الأعالى
Author: ALHALAWI
Date: 11-23-2005, 04:39 AM
Parent: #16
الأخ عبد الرحمن
الأخ مامون يعمل بجهد كبير في هذا الموقع وهو وحده في هذا الموضوع.ندعو جميع أبناء المنطقة للتعاون ومده بالمعلومات اللازمة.
الحلاوي
|
Post: #19
Title: Re: صـغـنـتوتيات حــلاوى .. الموت فى الأعالى
Author: Ali Alhalawi
Date: 11-23-2005, 07:06 AM
Parent: #16
حبايبى الحلاويين اهلا جونى
سكّر .. سكّر .. سكّر .. و حات عينىّ سكّر
مرحب بكل الحلوين الذين أضفوا حلاوة على حلاوة بدر الدين
قريبى أبو عبيدة الماحى
مرحب بك فى دارك .. و ربّنا يجيب الحلاوييات
عزيزى سيف
الحلاوى بالجيرة و المعاشرة .. كل سنة و أنت طيّب .. طبعا ظروف العمل و التنقل المستمر يجعلانى بعيدا عن المنبر .. لكن لحين
ALHALAWI الحلاوى
ويينك يا راجل من 2002 .. سنعتبر الأسم ماركة مسجّلة لك .. للأقدمية .. و كما قال البدر إسمك أصيل بدون إضافات
الأخ الفاضل/عبد الله عقيد
و من أجل هذا الحب سنمنحك العضوية الفخرية .. ولو عايز تدبل ألف مرحب بيك
عزيزى عبد الرحمن الحلاوى
الف شكر لدعوتك للتواصل و توحيد الصوت .. و الشكر عبرك للأخ مامون زين .. أنها المرّة الأولى التى أعرف فيها أن للحلاوين منبرا آخر يجمعهم غير بدر الدين .. و أكيد سنطل عليه
العزيز عادل فضل المولى
ألف مبروك لعودة السودانى
خلاص يا سيدى ما دام خايف تجينا جيب لينا ولدنا محمود
| Quote: عشان كدا خلينا كدا حلويييييييييييييين |
لا نخيلم حلاوييييييين
عزيزى أبوقوتــة يا قنبلة الشعر/الحب الموقوتة
Quote: بما انو الحلاوين اقرب منطقة لريفى ابقوتة
سجلو حضور هنا
فى abuguta.com/db
بتضحك مالك ياعلى الحلاوى عشان نحن غرب الكنار |
طبعا ستكونون جيران دولتنا من الغرب .. أما هذا الكنار سنردمه و نزرع محله أشجار الأراك .. مبروك السايت .. و اكيد حانجيكم
Quote: وهوست سودان متبرعة لكم بالتصميم
بس ادفعوا حق الاستضافة |
| Quote: الحلاوى ياخوى عملت لى شنو فى الاكسسوارات بتاعة الجولالات |
الدعاية فى بوستنا الحلو دا بى قروش .. خلاص إعتبرها حق الأستضافة و نكون حبايب
|
Post: #18
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-23-2005, 05:19 AM
Parent: #15
Quote: اهلى الحلاوين
انتو شدة حلاوتكم ما كتيرة بتخلطوها بالشنا
نسيتو ايهاب الطيب برضو من ديار الحلاوين
وعندى 3 كدا من مصطفى قرشى..بحاول ابردهم ليكم
بما انو الحلاوين اقرب منطقة لريفى ابقوتة |
ابوقوتة الحبيب كيف حالك
يمين بالله إتشرفت بي زيارتك يا جنا
وتشكر شديد على تذكيرنا بالحلاوي الرائع إيهاب الطيب
هسع أنا كان مرقت من مناقزا وماشي القراصة دحين ما بجي بي أبوقوتة دي؟؟؟
الله يكفيكم جماعة أبوستة
|
Post: #20
Title: Re: صـغـنـتوتيات حــلاوى .. الموت فى الأعالى
Author: Abuobaida Elmahi
Date: 11-23-2005, 10:36 AM
Parent: #1
بدر الدين
قولة بقطعن في المرارة عجبتني شديد
بالمناسبة المفروض والله تدوني وشاح !
عارفين ليه ?
علمت واحد خواجة أكل المرارة , وللتاريخ
بقي حريف جدا في أكلها ..
الزول بقي لقمة مرارته فشفاشة وكبدة وكرشة وبصلة
والعجيبة ما بشرب موية بعدها طوالي .
جيرانا في المنطقة طلعوا فينا نكتة :
قالوا أبواتنا لمن أمرقوا للسوق
أماتنا بقدمنهم لي باب الشارع
وحين يبتعدوا يصيحن خلفهم محذرات :
لحم برا مرارة م بدورو
فتأمل ?
الخواجة ضارب لي قبل تلاتة يوم
من أتلانتا عشان أوصف ليهو تبهير المرارة كيف !!
قلت ليهو :
بعد ده م داير أوصف ليك كنبو حريقة .????
عليكم ألله م بستاهل الجايزة ?
|
Post: #24
Title: Re: صـغـنـتوتيات حــلاوى .. الموت فى الأعالى
Author: Ali Alhalawi
Date: 11-24-2005, 01:32 AM
Parent: #20
| Quote: علمت واحد خواجة أكل المرارة , وللتاريخ بقي حريف جدا في أكلها |
تعرف يا أبوعبيدة عندنا خواجة علمناهو أكل الويكة شايفين أجرمنا فى حقو .. تجى إنتا تعلمو المرارة حتة واحدة .. و كمان بالفشفاش .. أكل الفشفاش فى المرارة مرحلة لا يصلها إلا الحرفاء
| Quote: بعد ده م داير أوصف ليك كنبو حريقة .???? .. |
.. دا الفضل .. لأن المرارة لا يهضمها يوحنّا الماشى
لى صديق يمازحنى بأن إحدى نسائنا كان طفلها يبكى مما أثار إستغرابها فقالت: الولد دا بيبكى مالو! بصلتو فى يدّو و بزّتو مليانة مريسـة!! .. أعتقدها قالت هذا بعد أن ضرب الشافع صحن المرارة
|
Post: #21
Title: Re: صـغـنـتوتيات حــلاوى .. الموت فى الأعالى
Author: توما
Date: 11-23-2005, 11:28 AM
Parent: #1
حلاوي والصغنتوتيات
الفكره مبدعه علا في الرسم بس لاحقني
بعدين شايفه ناس مناقزا استلموا البوست عديل كده
حقو توقفو تنزلهم
|
Post: #22
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-23-2005, 10:17 PM
Parent: #1
الغالي أبوعبيدة
سلااااام
Quote: الزول بقي لقمة مرارته فشفاشة وكبدة وكرشة وبصلة
والعجيبة ما بشرب موية بعدها طوالي |
ولا قرَّض ليه كِسرة؟؟؟
أن تهدي خواجة لأكل المرارة لعمري تستحق التكريم
إنت ما سمعت بالخواجة الأكل العصيدة ومشى إتلقاها بي غادي بعد أن حس بسرعة إنزلاقها؟؟؟
لك الحب
|
Post: #23
Title: Re: صـغـنـتوتيات حــلاوى .. الموت فى الأعالى
Author: بدرالدين شنا
Date: 11-23-2005, 10:17 PM
Parent: #1
العفيفة توما
سلااااااااااام
دا شعارو تتعلى وما تتدلى عشان كدا ما بنزلنا
شكراً على زيارتك الجميلة للحلاوين وتحياتي لعبدالماجد الرجل الشفيف
|
|