مرحباً ميسون نجومي في البورد .... والويل لاعداء المرأة ..

هي شخص عادي يبحث عن وطن افتراضي شاركت اكثر من مرة في البورد عن طريق بعض الأعضاء ...
ولكنها الان هنا ..
اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية

يعني الناس البكتبوا الشعر للبنات في الايميلات ديل يبطلوا الحركات دي ...
اما اعداء الجندر والمرأة ... بقولوا ليهم الله يكون في العون ..
وصف النساء يزداد منعة ويطول قامة
وصف المفكرين يزدان بقلادة جديدة
.
.

والله عاد شكرتها..


وليس علينا الا ان ..نفتح لها اذرع الترحاب

والبرشك بالمويه...يا ميسون

نرشو بالـــــعطر

مرحب بي ميسون

مرحب بيك ميسون اضافة حقيقية للبورد ولنضالات المراة ضد الركاكة
ونتمنى ليك اقامة طيبة بيننا

Quote: اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية

نعم المتيني و نعم المتبناه ...

Quote: يعني الناس البكتبوا الشعر للبنات في الايميلات ديل يبطلوا الحركات دي ...

و خلاص حنبطل الحركات دى من جاي و لى غادي ....

مرحب يا ميسون و نتمنى ان تكوني اسما على مسمى ... نجمة من نجوم البورد

الف مرحب وحبابك ميسون
حللت اهلا ونزلت سهلا ..

عادل

منذ مدة طويلة كانت راشيل بتاعة حلقات مسلسل فرند تذكرني بي بت شفتها وين ما عارف..

قبل شهر قاعد مع صديق ازرق هبل غير جميل قال لي بلاي دي ماحركات ميسون النجومي الله بسالك..

يا بورداباب

اتتكم زولة من الذاهلات المفلكبات غير المجمعات..


لكن زولة وطن ..


ميسون النجومي سلامات والبورد ده المكان الوحيد الكان ناقص حياتك الذاهلة عموما والسياسية
خصوصا اصلك ما خليتي جهة ما مشيتيها..
فضل ليك عالم المختلين واللادينين والادباء والنقاد واشباه الزعامات وبقايا الرسل القاعدين في حوش بكري ده..

اقامة طيبة وايام مديدة..
مديدة حارة

Quote: اتبناها رسميا كاختي الصغيرة وادعوها لهذا الوطن برغم كل مافيه ... حتي تستطيع التعامل مع هذه الغابة الالكترونية

ابو امنة بتين اتعلمتا حركات ملاسي دي؟؟

امرقو منها انتا وملاسي وميسون براها بتعرف تشق طريقا..
دي شقت عصا الطاعة في حزب الامة ..
ما تشق طريقا في حوش بكري..






ميسون
يا انا يا ابو امنة اختاري
منو اليتبناكي؟؟
ابو امنه ده زول بحب المنطق والنقد والسياسة المنمقة بتاعة الاركان وبجيبك عديل بالباب ..


انحنا بنجيبك بي ضهر الدرب الوراني..
تخشي البورد ده من لا ابوابه ..

اها رايك شنو؟؟

Quote: انحنا بنجيبك بي ضهر الدرب الوراني.. تخشي البورد ده من لا ابوابه ..

انحنا منو يا دكين .... انا و انت مش كدا ...

ملاسي انا بحذرك ..
الدرب الوراني لا يتسع إلا لاثنين فقط ..

يا انا وميسون يا انا وانتا..


وانا ماداير معاك..

ان كان ذلك كذلك يا دكين ... فانني اكتفي اذا بالترحيب ....

مالنا و مال الشبك يا زول ...

أهلا و سهلا ميسون
محتاجينك في صفوفنا بالذات الأيامات دي و اسألي أبو آمنه حيقول ليكي السبب
و تعالي أقول ليكي حاجة في أدانك عليكي بدكين فهو من ألد أعداءالمرأة في هذا البورد و الساعين لتدميرها و محو شخصيتها لكن لدينا محاولات جادة لترويضه، و حننجح قريب يلا ايدك معانا
انشاء الله بس ما يكون سمعني لأنه شراااني

شكرا يا أبو آمنة
=====
هل أنت الأبنة ميسون يا ميسون؟ والمولودة عام 1980.
مرحب ان كنت هي، وبرضو مرحب ان لم تكوني هي.

دكين

عارف اصلو نظرتي ما بتخيب فيك

لكن ياخوي الكلام ده انت قدرو ... ولا ساكت ...

لو قلت قدرو انا بعد ده بتكلم لكن كان قلت كفي الله المؤمنين شر القتال خلاص خشمي عندي ..

والله يجيبك يا خالة دوما ..
والنشوف الكلام ده ببلعوهو ولا بقيفوا عليهو
...
.

العزيز ياسر الشريف

اعتقد انت اول شخص قدم ميسون نجومي الي البورد من خلال ما كتبته في منبر الفكرة وقمت مشكورا بنقل حوارنا من والي البورد الاخر...

هاهي ميسون هنا والان .. والفضل لك في البدء ...

مرحبا بميسون النجومي معنا في المنبر،،
ومعنا في حملة محاربة الجهل والخنوع..
وده لا يعني اننا نعتبر الوقوع في الحب أو الزواج خنوع وضعف..

أبو آمنة العزيز.. مرحبا لمجايبك الزين..

Quote: وده لا يعني اننا نعتبر الوقوع في الحب أو الزواج خنوع وضعف..

بل هو الضعف و الخنوع بعينه ....



و لكن ....



من جانب الرجل ....

لوووووول ملاسي..
تصدق وتآمن أنا كنت متأكدة انك ما حتفوتها..

مرحبا بميسون
بلا ويلات

مرحب ميسون نجومي

زاد الجندار واحدة دا خبر حلو

الاستاذة تماضر شيخ الدين

هنالك عدد من الاشخاص الاذكياء والموهوبين بمقدرتهم علي البحث والتفكير ولكن كثير جدا منهم حينما يتحدثون .. يمكنك ان تقول لو انني اعرف ما هذه المعلومة لقلت مثله ..

ولكني حينما تحدثت مع ميسون شعرت بانني حتي ولو كنت اعرف ضعف ما تعرفه فلن استطيع ان افكر كما تفعل ...

ولذلك هي شخص مميز والذين يستطيعون استخدام عقولهم وتقبل راي الاخرين في هذا العالم يعدون قليلون جدا
هنا احدهم يطرق الابواب

عارف يا ملاسي وانا بكتب عبارة ااتبناها رسميا دي قبل ما تمها كنت شايف صورتك ..
يعني الواحد ما يلقي ليهو وجهة نظر معاكم ولا شنو ..
لكن انا عارف انو ملاسي بقي مشكلة في البورد لانو شايف رجاء ربضه كاتبه

لوووووول ملاسي..
تصدق وتآمن أنا كنت متأكدة انك ما حتفوتها..

يعني الواحد بقي يكتب ويراجع الكتابة املائيا ويراجع الكتابة لغويا

وكمان بقت برضو يراجع الكتابة ملاسيا ... ( اها السطر ده بالتحديد مابقدر احذفة ) حتي بعد المراجعة ملاسيا

كل الود

عارف يا ملاسي وانا بكتب عبارة ااتبناها رسميا دي قبل ما تمها كنت شايف صورتك ..
يعني الواحد ما يلقي ليهو وجهة نظر معاكم ولا شنو ..
لكن انا عارف انو ملاسي بقي مشكلة في البورد لانو شايف رجاء ربضه كاتبه

لوووووول ملاسي..
تصدق وتآمن أنا كنت متأكدة انك ما حتفوتها..

يعني الواحد بقي يكتب ويراجع الكتابة املائيا ويراجع الكتابة لغويا

وكمان بقت برضو يراجع الكتابة ملاسيا ... ( اها السطر ده بالتحديد مابقدر احذفة ) حتي بعد المراجعة ملاسيا

كل الود

سجيمان

Abdel Aati

نصار
شريف
بكري ابوبكر

شكرا للترحيب بميسون

وستكون قريبا هنا

عشة بت فاطنة ..
ندي امين
..
رجاء العباسي ... وبقية الجندر

مبروك عليكم ميسون ... نحنا دكين ده براهو جندر انشالله تقدرو عليهو ..

يا الف مرحب ميسون

ابو امنة ، بس قول ل ميسون الله يقدرك على ناس ابو جهل ...

يا مراحب يا ميسون
اوعى من تبنى الرجال دا تعالى لخالتك الظلامية دى تتبناك
وتشاكل ليك اى زول حتى دكين الشرانى دا اتحداه انا ما بخاف منو

تعالى اوسوسك انا بس بخاف من ب. ش.ا.ش.ا
لكن ما عداه
اول نقرة حرف فى الكلايبورد يقعو واطة

Quote: وده لا يعني اننا نعتبر الوقوع في الحب أو الزواج خنوع وضعف..

لوووووووووووووووووووووول يا رجاء على خطوط الرجعة
لكن
ما دام ود عمنا اعترف بانه ضعف للرجال
ما عندى كلام تب
زيادة

ود عمنا دا شايفة حصل ليه غسيل مخ شديد
بقى يكتب اخ/ت
منه العوض وليه العوض
ذى ما قال هوبفول

لوووووووووووووووووول بيان..
القاها منك ولا من ود عمك الممسوخ..
قلنا نوضح احسن تجينا كلمة كدا ولا كدا يقولو كفار ما عايزين العرس ..

والله يا عشة بت فاطنة

النصيحة النصيحة

بقيت حاني في حالة ابو جهل
والله يقدروا
.
.

ابو امنة

.........ز
,.........
.............,
احسن ما نبوظ روعة الاستقبال ،والجايات اكثر من الرايحات

بت فاطنة/


قال تعالى(ولا تصعر خدك للناس ولا تمش في في الارض مرحا ان الله لا يحب كل مختال فخور)
صدق الله العظيم

الف مرحب
بميسون محترفة في منتخب بنات الكبدة والمصران

..
.
ميسون بت النجومي
اهلا بيك نجماً فى اثراء الساحة
بالفكر النير والعقل الراجح ..

لك الود


دكين
والله وصف راشيل ..ابداع ..
وعصا الطاعة اروع .. بتاع الحزب مش الزوجية
الواحد بقي يتلفت لمن يخت السطر !!

وشكرا للتقديم يا ابمنه


دمتم وتقديري

شكرا ليك تبلدينا


والله يا تبليدنا يتلفت مليون مرة وبعدين المشكلة تجي في بس عاين كويس ما تخت ليك سطر في حته ما ياها لانك لمن تتلفت ما بتكون عارف سطرك ده زاتو البكتبوهو ولا البفطوهو ...


كل الود

الف مرحب بيها

Welcome to the board Maisoon, and I look forwards to reading your contributions to the various discussions.
Thanks Abu Amna

nada

هكذا يا ميسون يختلقون الحجج والاسباب من حيث لا هي ..
يجعلون بيني وبينك حاجزا نفسيامتعللين برجعيتي التي يقولون.. وبالجندر والعبارات المنمقة ذات الرنين..
يستعدونك علي..
يحرمونني منك ..
كلهم الان ضدي لان الفكرة قد قيلت ولانني جرمت ..موامرات السودانيين المتفق عليها..ماانتي عارفاهم ..

لانني لم اقل شيئا سوى الترحيب ..




يقولون ان ياسر الشريف اول جاب سيرتك على صعيدالفكرة..
انا بقى اول من جاب سيرتك على صعيد الطيور والفجر المتناسق وحوش بكري..

Quote: مع ديك ناس ميسون النجومي تنجز صوت الفجر القادم

http:// افضالِ الضالِ في سلاح الامداد والتموين
البوست ده قديم اتى عليه الدهر وشرب ..لكن سيرتك وردت لانو جبنا سيرة الطيور وكده..
ده بس عشان ناس ابو امنه وندا امين ود.بيان والبقية يعرفو من متين وانا خاتي فيكي راي واضح ..
تقولني عارف اليوم ده بجي ..

وعشان ما يجو يقشرو لينا بيكي ..
ويهددونا بي مرة ..

وذلك على اعتبار ان الانثى ماهي إلا طيرة
طيرة من طيور الجنة


ابوامنة
بتهددني بدومة ومستقبلي بين ظهرانيهم؟؟..
ماسكني من يدي الطلبتها في المانيا ؟؟


الغلط ما غلطتك يا بو امنه الغلطة غلطة دومة الشايلا حالنا وفرحانة بي ..
ندا امين

Quote: انشاء الله بس ما يكون سمعني لأنه شراااني

انا شريتك؟؟؟
متين؟؟
وانا لاقيك وين لامن اشرك يا ست التوب ..

عموما مافي مشكلة ممكن نتواعد تاني
بس انتي قولي خير ..

مرحب بي ميسون ألف
والبيتبناها أبو آمنة قطع شك مميزة

ali othman
خالد الحاج
nada ali

مرحب بيكم



دكين

لكن وقعتك ما وقعة سوداء
برااااااااااك جبتو لي روحك

عليك الله كدي اضغط علي اللنك الانت عملتو في الرد بتاعك الفوق ده
عارفو بودي وين

ها ها ها ها برررررررة البورد
مبالغة
اها ده انت براك برضو قول بكري ابوبكر متامر عليك ...

اها يا ميسون ياو ده المكان العايز يوديك ليهو دكين قبل ما تدخلي البورد

ها ها ها

مرحب بيك ميسون ،،
ننتظر شموعك حتى لا يمتد بنا الظلام وتمتد بنا لياليه ,

مرحب بي ميسون

mumble …mumble…fumble….mumble
ما عارفة بماذا أرد؟
دايرة أقول كلام ما سخيف و معبر....
كل ما يخرج مني هو
لعثمة...
أبو آمنة؟؟؟؟ماذا أقول.....لو تراني الآن.....لعرفت
أستاذ ياسر...لا أمل من لقائه أبدا في أي مكان
بكري لم يكن ليتم الترحيب دون باقة زهورك
دكين؟! أعرف شخص واحد يكتب بهذه العاطفة العاصفة..و يدعي حق ملكيتي., كان يستمتع بالتفرج على في الجامعة
و ربما لا يذكر هو و لكني أذكر أنا....أني يوما تعثرت و لم يتأخر في مد يده...
ملاسي....لا أحد تعبر صورته عنه أكثر منك
بيان..... أستاذة
تماضر.....أول المرحبين و أول كل شيء
بلا ويلات يا نصار ...أعدك
رجاء طمأنني ترحابها بالدخول
عشة بت فاطنة....أتابعك بشغف...و كيف لا؟
جندرية....خلوني احتياطي احتياطي ....أخش الملعب فقط عند الحوجة أو الإصابة
تبلدينا....الحمد لله ما قال فيبي ...راشيل هينة، ألهمني الاسم "تبلدي"
و دقاسم..... سأكتب...و لك فيه نصيب
ود الشريف......شفتك قبل كدة....و شكرا
ملكة سبأ....يجمعنا الغزالي
ندى علي I promise you the best
I promise you the truth
علي عثمان......شكرا....تقول الدعاش؟ نعم الدعاش
خالد الحاج.........أبتسم و أنا أطبع ش ك ر ا
عجب الفيا.....تحية خاصة...بيني و بينه حلو الحديث
خالد عويس.....أنا أرقد قفا طول ما هو قاعد في الدنيا
أمدرماني......مشتاقيييييييييييين

تعريف سريع
كنت دوما أفكر فيما يعنيه وليام بليك بـ
نمور الغضب أكثر حكمة من خيول الإرشاد
(أعشق وليم بليك...اسميه الشاعر الحقود...لكن أوسكار وايلد كان يبصق على من يدعي أن فنه لا يحمل ضغائن)
أو ما قاله فروست
خشيت أن أكون راديكاليا عند الصغر فأصبح متحفظا عند الكبر
أحمد الله ....حياتي لم تكن تعرف الوسط قط(هذا ما كنت أعنيه بكل الخطايا يا أستاذ ياسر)....لا أدخل في الأشياء إلا كالثور الهائج
أتذكر نفسي الحار في حزب الأمة يا دكين؟.....أنت تضحك الآن...الواحد أصلو ما يزوغ من الماضي
و خرجت ساخطة كالثور الهائج (على شنو لا ادري)
حتى في اليفاعة...كنت من أنصار الشعر المقفى أكثر من المرحوم عبد الله الطيب
و في الجامعة ناديت بالحداثة و كأني كنت إليوت و كتبت الأرض الخراب
مهووسة بالأستاذ........ثم ألد أعدائه (نعم شاركت في رجمه)
تدينت حتى نبت لي الذقن.....و عبثية حد الجنون
كونت (جد جد في سنة البرلم) جمعية أعداء الحب..........و عشقت بهوس
جندرية و كأني المرأة الوحيدة في العالم....و عدوتها و كأن بيني و بينها ثأر
حملت لافتة عليها شحرور و نصر حامد أبو زيد و فرج فودة
و دست سهوا على الغزالى و الشعراوي و عمدا على عمرو خالد
كنت إمعة و كأني المعنية بالحديث النبوي
و أدمنت التفرد(أو ما أسميته بالتفرد) فأردد moi. et le deluge
أنا و من بعدي الطوفان
الآن
مرق النفس الحار
أقف على pedestal الحكمة.....الجدل فيه شيء من التثاؤب...دوما أتساءل الدوشة في شنو؟
دكين...تقلق على ميسون زمان؟ ما زالت قاعدة......تسأل كيف؟و أسألك كل الجن حينشفط يمشي وين؟
أنا الآن في خط الاستواء
مركز الدائرة
أجادل كناسك بوذي
أسمع كل الآراء....منافقة؟ مجادلة؟ بل مقولة لغاندي :بيتي بلا نوافذ و أبواب، تدخل منه الثقافات و الأفكار و الأديان كالهواء يمنة و يسرة و لكن دون أن تقتلعني من جذوري
و قد وجدتها يا دكين....جذوري!
لا أعرف الجندر....أعرف الإنسان....و أراه "مدهش أن شجر يمشي ...و لكنني أراه"
لا أسير إلى اليسار و لا اليمين....بل يا أستاذ ياسر أنت أعلم بما أعنيه....أمسك بطرف العروة بحبل السماء.....أنا إلى أعلى...لا لست ابن عربي...فأنا لا أطير...فقط أستطيل...قدماي على الأرض
السياسة أذكر الآن السبب القديم لدخولي معتركها ....السودان....هذا قبل أن يضيع في المهاترات و تخوين الآخرين و الاتهامات المتبادلة...نعم لي يد مغموسة في الدم الكذب...و اتهمت الذئب(و ما أبرئ نفسي)
سأضحك ملء الفم إن كنتم تظنون أن هذه توبة أو اعتذار
Oh please!!!
أنا فقط أشرح نفسي
التفرد دائي الكبير أقول شيء واحد
Complete individuality is such a lonely place
حزب الأمة :دخلنا فما ندمنا...و خرجنا فما حمدنا
عمرو خالد.....الفكر الحديث يشد على أذني...و لكن أقل شيء أن أحسن الظن بالناس
محمد الغزالي محرري الأول......الفكر الحديث يزن....و أقول له اسألوه كيف أفلت من قيود و مقابر الأزهر؟
شحرور ، نصر، فودة.....أقرأ بهدوء....الدهشة تساقطت
الأستاذ محمود.........مرحبا
الشعر الحديث و المقفى...الدوشة في شنو؟
بس خلاص! على قول شعبان عبد الرحيم

ميسون

حبابك الف طالما كانت تلك بدايتك

وزغرودة (جعفرية) سوت لك الطريق

وننتظر (سرويسك) المتنوع..



والف مرحب

welcome home

يا ميسون ... في البروفايل قلتي النوع شنو ؟؟




احمد الله انني قد فارقت درب المدعو دكين منذ الامس ... و قبل نزول البروفايل ...



و الويل لدكين و ابو امنة الذين غرروا بنا .....

ارحب بميسون ,,اسم جميل ,,واختي الصغري ميسون ايضا ..ولي قدام ..

ابو امنة ...سلامات

انت طوالى كده؟؟؟؟


ميسون ....التحيات الطيبات

الممتلئون بالطاقة و الحيوية امثالك هم الذين يفلحون فى جعلى اتقمص شخصية الكائن الهادئ
المتأمل بيقين عجيب لحظة ان تعانقه الحقيقة

مرحبا بك بيننا و الويل لاعداء الانسانية

..
.
اول الغيث قطرة يا ميسون
مراااحب.

يا ملاسي
انت البوديك من ورا الابواب شنو ؟؟
خليك هنا وبس ..

تحية وانحناءة لها وووو لك .

ya mysooooooooon
how r u??????
.............
shereef
..............

happy to hear from you
.........
shereef

كل مرة نفس الطريقة ...

بقول يا ريتني لو ما كتبت الكلام القبيح ده ...

بس اقعد اتفرج ...
اها وهدي قعدة ... وصمة خشم
لامن تجي الخالة دوما
ونحددها الليلة
.
.

ابو امنه خلاص انتوا شيلو دكين ولو عايزن كم دكين زياده ما في مانع وادوني ميسون انا مندهشه وتعال خت الخمسه فوق الاتنين متل كدي

مرحبا ميسون النجومي
عرفنا من خلال آخرين ممتلون فخرا بك
يدعمك ابو امنه وحارس بابك فهذا يعني انك اهلا لعظمه الترحاب
شكرا لهم حينما يقولون ما يعرفونه عنك
ونحن فقط نتوضاء الآن لحين دخول الوقت
ولهم ولك النشيد والاحتفاء

فتح لي صديقي كوة ال {بهاء}
فغمر ضيك المكان.
وعرفني ،
سليلة مجد تليد،،
تزود عن {حق} عنيد
تراه مهضومآ في الشارع اليومي ، وفي الولاءات القديمة والموروثة التي غادرتها بغير ندم ، وما إنتظرت فيها عشم. وتراه كذلك في ممارسات السلطة الدمار ، وفي الفتاوي الفتنة ، في الجد الكامن تحت جلد الحداثة والوعي الزائف.
بعين بصيرة ويد ما عادت قصيرة تسن قلمها وتشهر وعيها وتغامر صوب الجديد في الضفة اليسرى لنهر سوف يغمر بمياهه الهادرة البلدات والحقول والبيادر .
نرتجيك هنا وهناك فاعلة نشطة ومؤثرة.

الف مرحب بالعضوة ميسون نجومى

ماعدت قادر انتظر ....بتجي متين ميسون ؟؟؟؟

اهلا وسهلا بها كاضافة حقيقية للمنبر

Abo Amna + Maysoon

I read some contributions for Maysoon in " alfikra " forum . Maysoon will add new values to sudaneseonlie.

A cordial welcome for her !

اهلا وسهلا بالاخت النابغة ميسون
اضافة نوعية بحق وعلامة علي ان هذا الجيل
بالف خير،
نتمني لك اقامة مثمرة في هذا الوطن

ميسون النجومى
اسم موسيقى والله
انت وابو آمنة وكل ضيوفكم على العين والراس
ولك الود يا بت النجومى 0000
امال
ام وضاح

أبو ساندرا ...كنت أظن أن المرء يقدم قربانا كي تطل على بوسته
لكن أظنني مبروكة.....فهمنا الرسالة الضمنية
ملاسي...قالوا لي البروفايل راجل...لكن مكسلة أغيره
دومة....ٌقالوا لي لما تكتبي انتظري رد دومة...و هأنذا...سأكتب كي ترد دومة
فيصل...اشكرك جدا جدا على الكلام و أعتذر أني لم أرد على ايميلك السابق
أستاذ عجب الفيا...ماذا أقول شكرا...تاني و تالت و و و
أبو امنة هانذا أكتب ...و كما قلت المدد متوقف لظروف العمل....طبعا عمل دي أنا قاشرة بيها شديد...كل ما يجيبوا سيرة المرأة العاملة تلقاني راخية اضنيني (طلع جديد)
أمل و ايهاب.....أحلى اسم في البورد....انا ذاتي دايرة ثنائي
الاسم طوالي بجيب في ذهني التوائم الملتصقين ببعض
خالد الطيب i am honored
ايهاب شكرا على دفء الاحساس
زمراوي تحياتي و شكرا
ما دايرة أكتب يوم الجمعة زي الموظفين
لذا سأحاول جاهدة...لكن الان لقد عدت لتوي من العمل...و لم أملص الشراب
oops

مرحب بميسون النجومي

من خلال قراءتي لكل المداخلات الفوق دي وردودك الانيقة ، بكل ثقة أقول ان المنبر

كسب قلما مثقفا واعيا

بس

في

مشكلة .......... واحدة












المقدمة الركيكة والعنوان الأرك ؟؟؟

منو الكتبهم بالله.

مادامت من طرفك ياابو امنه ماعندنا كلام والله
الف اهلا بيك وسط اهلك وناسك
اختك دوما
نوف

Quote: مادامت من طرفك ياابو امنه ماعندنا كلام والله

أتنين

واكيد ما في اربعة.

والله الموفق

معذره يااسعد مافهمته تعقيبك على كلامي
ياريت والله لو توضح اكتر واكون شاكره
دوما
نوف

ابو السعود



أتنين
واكيد ما في اربعة.

صدقني 17

نوف ازيك

شكرا ليك كتير علي كلمات الترحيب الجميلة دي
انسي اسعد ده هو زاتو الكتبها ما بكون فاهم يعني شنو 2 ولا 4 ولا 17

كل الود

منذ مدة لم افرح لدخول احد المنبر كما فرحت اليوم ياابوامنة لدخول ميسون كالعاصفة ، نعم تعريفها لنفسها عاصف و عنفوانى بشرنا بان الاف الاحجار ستهز اركان تلك البرك الراكدة وتملا سماوات سهونا ولا مبالاتنا
الف مرحب بميسون التى احببتها قبل ان اراها

والله يا ابو امنه ...زولتك دى بي مولوده بي سنيناتها..



الغريب .. انها ومن اول بوست ... خلتنى اقري وانا فاتح خشمى ..


ميسون .... مرحب .. بس نصيحة ... خليكي براك .. تكسبي ..

اكثر المرحبين ... يحاولون .. انك ما تكونى براك ...اقرئي جيدا ..واستنتجى ..


المكان الوحيد في العالم ..الحبيت اكون فيهو وحيـــد ..هو هذا البورد اللعين .... اياك والشليليات..






وحنشـــــــــــــــــــفك يا ....مترعه

خالد الطيب

انا متأكد من مقدرتها علي تقديم اضافة حقيقية للمنبر واقصد انها اضافة مميزة .. ومختلفة وتجربة يمكن الحديث عن انها فريدة .. واظنها قادرة علي التعبير عن ذلك او كما قال ( دكين ) ...


essam&amal
ام وضاح تسلمي ويسلمو عيونك ...



اسعد ابراهيم

تحياتي
اها المرة دي فضيت ليك خالص

قلت لي في مشكلة واحدة وطلعت ليك مشكلتين هسي .. العنوان والمقدمة ديل زي اهم خمسة حاجات في العسكرية ثلاثة هي الضبط والربط مش كده

بعدين انا عارف لا العنوان ولا المقدمة ما حاتعجبك والاسباب معروفة
العنوان بكل تأكيد لانك من الد اعداء المرأة لكن يا خوي انا ما عندي بيك شغلة وشيل شيلتك معاهم
اما المقدمة ما متاكد
تكون يا ربي انت من نوع ناس ملاسي البرسلو الجوابات في الايميل ولا شنو ...

Lana Mahadi


منذ مدة لم افرح لدخول احد المنبر كما فرحت اليوم ياابوامنة لدخول ميسون كالعاصفة ، نعم تعريفها لنفسها عاصف و عنفوانى بشرنا بان الاف الاحجار ستهز اركان تلك البرك الراكدة وتملا سماوات سهونا ولا مبالاتنا
الف مرحب بميسون التى احببتها قبل ان اراها


كل الود

عارفة

امس وانا براجع في الموضوع ده حقيقي كان عندي نفس الشعور ( شعور الفرح ) واحتمال ما كنت فاهم ده جايي من وين .. لكن اظن ميسون مليانة بكميات من الفرح بتكفي العالم كلو ... عشان كدة كان في احساس زي ده ...

لكن مسالة حبيتها قبل ما اشوفها بقولوا فيها .. بدون تعليق ... انتي قائلة الارهاب ده الا بي قنبلة .... يعني الواحد في البورد ده ما عندو ايي حرية يعبر عن مشاعرو ساااااي كدة لله تجوا كمان تقولوا لينا جندر .. وحرية شنو كمان الفي البورد
.
.

كيف أنسى لالوبة...ببالغ!...لالوبة الرائعة...كيفك يا بت؟
لنا مهدي...أذهلتيني بالثناء....لقد أسعدتي يومي
أبو أمنة، ولما لا اكون مليئة بالسعادة ، وأنا مباركة بك
و بكم
الأستاذ عادل....استاذ و كفى...أقرأ liberal sudan, very impressive
سامو....فهمت عليك...كما يقول اللبنانيين....طبعا أنا عندي حقارات، دايما أحب أتمسكن....عشان أتمكن...فلماذا تكشف غطائي يا صديق؟
أسعد يا وسيم، شكرا على الترحاب
زمراوي التحية لك
أنور...الترحاب معبر home
أشعر أني في داري
GIwey
أعطيك الشبال على الزغرودة (بس مافي شعيرات)

سامو انت براك الفاتح خشمك لووووول انا من يوم داك لسه ما صميتو لكين شايفاها اتعزز الليمون عشان بالغنا في ريد يا ميسون خلاص كفاك ضيفه اقلعي الشرابات وادخلي ارض المعركه

الاخ ابوامنه ...كل الشكر لك لاقناعك ميسون بالاشتراك ....وميسون ياناس ذي ماقال الاخ عجب الفيامن جيل متعب التعامل معه يحتاج لادوات جديده وميسون ممثله شرعيه لهذا الجيل , لقد حاورت ميسون كثيرا وفي كل مره كانت تضيف لي واخرج انا من الحوار مقطوع النفس . هي مبادره ولديها تصورات كثيره وتوقعات كبيره ودوما متفائله بغد اجمل . ورغم صغر سنها الا ان لديها تجربه حصنتها بحكمه السنين كلها
للاخ ابوامنه الود والشكر مره اخري ولليست اخيره ولميسون ود قديم متجدد

الأخ بهاء بكري

, لقد حاورت ميسون كثيرا وفي كل مره كانت تضيف لي واخرج انا من الحوار مقطوع النفس . هي مبادره ولديها تصورات كثيره وتوقعات كبيره ودوما متفائله بغد اجمل . ورغم صغر سنها الا ان لديها تجربه حصنتها بحكمه السنين كلها
للاخ ابوامنه الود والشكر مره اخري ولليست اخيره ولميسون ود قديم متجدد

اجمل مافيها هو هذه الروح المبادرة التي لا تنطفئ والتي لا نريد لها ان تخبو
ولذلك كان لزاما علينا ان نخرجها من دائرة المطبخ والعمل الي دائرة اخري مهما كانت جهنمية الا انها ستبقيها مشتعلة

كل الود

مرحب ميسون حبابك عشرة بلا كشرة .. آسف لتأخر الترحيب .. العتب على النظر . لفت نظري اسم نجومي فهرولت نحو البروفايل ليتأكد الظن .. أهلاً بنت العم .. أكاد ألمح جينات أمير الأمراء سارية المفعول تعكس قوة الشخصية وقوة المنطق و(سد الفرقة) .. أترقب مساهماتك في منبرنا الحر .
تحياتي لك ولأحبابك

أبو آمنة

لك الود

بلدياتي من سنجة بلد أحبابي
رغم أني شمشمت في بروفايلك و لم أتبين بعد
ناس سنجة في جدة كتااااااار
لكن شكرا على ...و ليس متأخرا و لا حاجة

ميسون ..... اول مرة اصطدم بجهويتك , يعني رديتي علي ترحيب بلدياتك السنجاوي وماعبرتي خالك علي العموم نحن عندنا البنشكيك ليهم

سوري يا بهاء...[عدين إحنا قاعدين نتراحب على الهواء مباشرة
بدون شكاوي
سلامات
و شكرا شدييييييييييد على الكلام
و أراك قريبا