يكفيه فخراً

يكفي معتز فخراً انه ابن محمد بشير سليمان.

لا ينطبق هنا ليس الفتى من قال كان ابي ... الخ
و لكن ينطبق اولائك آبائي ... الخ

Quote: يكفي معتز فخراً انه ابن محمد بشير سليمان

ويكفي المنبر فخراً ان به مثل هذا المعتز الخلوق المهذب ..

تخريمة :
عيبو الوحيد إنو رفض تسليفي اسطوانات لاخر الأفلام في السينما الامريكية إضافة لي بيتهم البعيد

و معتز هو معتز تروتسكي؛
اما محمد بشير سليمان فهو الذي
يتشرف أي انسان بأن يكون ابنه.

Quote: يكفي معتز فخراً انه ابن محمد بشير سليمان.

ويكفينا فخرا اننا نعرف ونقرا لمعتز محمد بشير سليمان....هذا الشبل من ذاك الاسد.
معزتي لملاسي

Quote: ويكفي المنبر فخراً ان به مثل هذا المعتز الخلوق المهذب ..

معتز جدير بكل الإحترام ولوالد معتز كل التحية والإحترام

من يتشدقون اليوم طاعنين في وطنيته , لم يكن لهم في يوم سجل نضالي حافل كمعتز

اللهم إلا إن كان الشتم وساقط القول يحسب لهم كنضال !!!!!!



غايتو الواحد بعد دا بكل مافي الوجود من طمام يمشي يتعلم نضال ( مرت فلان فعلت وأبو فلان فعل وترك وأم علان قالت )

اذا تم اجراء استفتاء عن اميز 10 انجبتهم الكلية الحربية السودانية؛
قطعاً سنجد بينهم:
جعفر نميري
محمد بشير سليمان
محمد عبد القادر عمر.

السلام عليكم
لم أعرف يوماً من هو الفريق محمد بشير سليمان
ولكنني عرفت معتز تروتسكي في هذا المنبر
ولم أرى منه إلا الجمال
ولم أقرأ له إلا المفيد
لم نراه يوماً وقحاً
لم نسمع له إدعاءً لبطولات وهمية
لم نقرأ له شتيمة
..............
وبعد الذي عرفت عن والده
ازداد احترامي لمعتز أكثر ..كونه لم يحاول أن يستعين بسمعة والده الطيبة
ويزداد تقديري للأب أكثر
ويكفيه فخراً
أنه ربَّى معتز تروتسكي ..زميلنا الذي نعرف فأحسن تربيته

........................

وما الناس إلا هالك وأبن هالك *** وذو نسب في الهالكين عريق

هل هو الفريق محمد بشير سليمان نائب رئيس هيئة الاركان ?

Quote: اما محمد بشير سليمان فهو الذي يتشرف أي انسان بأن يكون ابنه.

صدقتي ياملاسي

معتز من القلائل الذين لاتملك الا أن تحبهم وتحترمهم ....

Quote: يكفي معتز فخراً انه ابن محمد بشير سليمان.

عرفت معتز وتعرفت به وأحببته قبل أن أعرف هو ابن من؟

أعتقد أن الكثيرين غيري، تنطبق عليهم نفس (الأوصاف)

أما وهو ابن (كومندان كبير) فـ سلام سلاح عدييييل كِدا
(للكومندان طبعا)

وسلامين (بدون سلاح) لمعتز وملاسي

احترامي وتقديري للوالد والاخ الكبير الفريق محمد بشير سليمان.

تقديري واحترامي لمن يعرفون قدر الرجال.

محمد علي المشرف مختار

ربما كان من الاوفق تسمية هذا البوست باسم:
ارجل راجل .. و الاشارة لمحمد بشير سليمان.

Quote: السلام عليكم لم أعرف يوماً من هو الفريق محمد بشير سليمان ولكنني عرفت معتز تروتسكي في هذا المنبر ولم أرى منه إلا الجمال ولم أقرأ له إلا المفيد لم نراه يوماً وقحاً لم نسمع له إدعاءً لبطولات وهمية لم نقرأ له شتيمة .............. وبعد الذي عرفت عن والده ازداد احترامي لمعتز أكثر ..كونه لم يحاول أن يستعين بسمعة والده الطيبة ويزداد تقديري للأب أكثر ويكفيه فخراً أنه ربَّى معتز تروتسكي ..زميلنا الذي نعرف فأحسن تربيته[/B

]........................

اجمل كلام من اجمل زول في اجمل زول

تعيش ويعيش معتز و ابو معتز والبطن الجابت معتز ووله الف حق يكون اسمه معتز

Quote: ربما كان من الاوفق تسمية هذا البوست باسم: ارجل راجل .. و الاشارة لمحمد بشير سليمان.

ارجل راجل برضو الفتح البوست دا عشان يحق حق

برضو تسلم انت ويسلم ابوك والبطن الجابتك..

وما الذي يكفيك أنت فخرآ?.......

وما هو وجه الشبه بين هاتين الضحكتين?
وبرضو أخواتي دكتورات وأنا أخوهن وهذا يكفيني فخرآ ...

ما شاء الله ما شاء الله ما شاء الله

ما دخلوا عين في الولد يا ناس قولوا ما شاء الله, انا عارف في ناس عيونها حارة بالجد

ملاسى تحايا عطرات وإحترامات
معتز راجل ضكران ومهموم وغيور وحقانى ومتربى تربيه سودانيه اصيله
لا اعرف والده لذا لا تعليق لدى
من انبل من انجبت الكليه الحربيه برضو
ابوكدوك
كرار
عبدالرحمن شامبيو
اروك تون اروك
محمد نور سعد
معاويه عبد الحى
هاشم العطا
فاروق حمدالله

واخرين وليس اخرا

شكرى وتمنياتى للاخ معتز بالتوفيق

Quote: اذا تم اجراء استفتاء عن اميز 10 انجبتهم الكلية الحربية السودانية؛ قطعاً سنجد بينهم: جعفر نميري محمد بشير سليمان محمد عبد القادر عمر.

لو عاوزين تشدو من ازر معتذ فبها لكن ماتنزلوا من قدر الكليةالحربية

لوالد معتز الاحترام والتجلة

ولمعتز كامل الاعزاز فلم ارى منه الا كل الخير فى هذا الوطن الاسفيرى

ولك التحايا اخى ملاسى

Quote: اذا تم اجراء استفتاء عن اميز 10 انجبتهم الكلية الحربية السودانية؛ قطعاً سنجد بينهم: جعفر نميري محمد بشير سليمان محمد عبد القادر عمر.

Quote: لو عاوزين تشدو من ازر معتذ فبها لكن ماتنزلوا من قدر الكليةالحربية

ايراد الاسماء الفوق دي ما ليها أي علاقة بالشد من ازر معتز؛
و لكن الشيء بالشيء يذكر.
________
لو ما الناس القدامك كلها كتبتها معتز؛
كنت كتبتها كيف!!

سلامات يا ملاسي

معتز اخا لنا و لم نر منه الا كل طيب في هذا الوطن الاسفيري..
اعرفه و كاننا ولدنا سويا..
طيبة قلبه و اسلوبه الرزين يجعلنا نحترمه و نعزه اكثر ..

له التحية

ولوالده الف تحية لانجابه و تربية هذا الشبل ..

كل هذه الكلمات ليست لرفع من شأن معتز او والده ... بل حقيقة ما بدواخلنا

اللهم يسر له امره . . .


و أكرر التحية لك ملاسي
لاتاحة الفرصة لتفريج ما بقلوبنا لاخ لنا لم تلده امنا .. و يعلم الله ما له من احترام و ود بدواخلنا..

ولا تزعل يا حسين...معتز ..معتز ..معتز ..معتز ..معتز ..معتز
حرمنا وتانى ما بنعيدا.....

لا اربط بين ..معتز ووالده بس سعادة الفريق تحوم حولة الكثيرمن علامات الاستفهام والتعجب المانعة لدخولة تلك اللائحة العظيمة....اسال اهل الجيش يخبرونك من هم ابطالهم...

مرة اخرى... ..معتز ..معتز ..معتز ..معتز ..معتز ..معتز

التحية لتروتسكي الجميل وتحية اكتر لوالدهـ لحسن تربيته لولدهـ ...





ولك ياملاسي الف تحية ..

الشكر للاخ ملاسى وهو يفرد هذا البوست
والتحيه والتجله للاخ معتز محمد بشير
وفى تشابه اسماء بينى ومعتز شويه كدا
لذلك انا من اليوم سأكون عمو لى معتز وكدا

وسابدأ هذه العمومه بالاخ مهاتير واقول ليهو
ردا على كلامه ادناه

Quote: لا اربط بين ..معتز ووالده بس سعادة الفريق تحوم حولة الكثيرمن علامات الاستفهام والتعجب المانعة لدخولة تلك اللائحة العظيمة....اسال اهل الجيش يخبرونك من هم ابطالهم...

عيب ياراجل
فليس هنا مجال لهذا !!!!!!!!!!!!!!

معاك يا ملاسي
ففففففففففوق
لا أعرف محمد بشير سليمان
و لكن يكفيني فخرا أنني أعرف تروتسكي

يا عم معتز - الاخ على محمد على بشير -
معيبنى مالك ياخ....البوست فتح لمؤازرة معتز ودى حاجة ماممنوعة...فى النهاية البكتب هنامعتز ما ابوهو...بس كمان الناس ما تشيلها الهاشمية وتشطح...معتز كتاب وعندو اسلوب انا معجب بيهو...ابوهو رباهو صاح دى مافيها كلام...لكن من ما تكتبوا الفريق محمد بشير سليمان...الكلام دخل الحوش وهو ما فوق النقد...والنقد الموجة له اكبر من فقط الدعاية لجيش احرق دارفور...والكلية الحربية لاتفخر بهؤلاء

ملاسى
ايه ده. .
طيب اخلف ازاى دلوقت انا . .
عزيزى ملاسى البوست ده حيكون سبب تطفيشى من المنبر ده اكتر من البوستات الاشد ضراوه..
انت عارفنى الحاجات دى مابريدها لكن انت بتاع هواء قايتو
كلكم ياخ يديكم العافية ..
والله الواحد ماعرف يقول شنو صحيت كالعاده اقرا بعض الاخبار واشوف الايميل وجدت اللينك ده مرسلو لى احد الاصدقاء فتحتو بالجد راح منى الكلام ..
ياخ انا خاشى فى اضافرينى والعبره خانقانى..
----------------------------------------------------
عمر الفاروق
عليك دينك انا ماناقص الفينى مكفينى داير تزيد الطين بله..
اولا ياسيدى انا ما ابيت ليك ثم انت الوكت داك عريس حتقعد تفضى للافلام ولا البيت شفت كيف انا داير مصلحتك..
ركز ياخ..وميز ريحة المطرة او اتخيل بياتنا رزاز....
ثم ناس البيت ديل خلاص انا حالكلمهم يرحلو مره واحده من مناطق الهامش دي عشان ترتاح فلقتنى فلق الهى منك انت..
ياخ بقت عليك كتيره تركب ركشه من بيت ناس تبلدينا ولا ملاسى الكسل ليك شنو..
معاط....
--------------------------------------------

Dr.Mohammed Ali Elmusharaf
يادكتور يديك العافية ياخ والله غلبنى شن اقول ملاسى ذاتو بدخل الزول فى حتات ضيقه خلاص..
والله تشكر كتير ولينا عظيم الشرف..
تحياتى ليك والاسره..
----------------------------------------------------
نهال كرار
تسلمى ستى ؛وانتى كمان ماشفنا منك الا خير وربنا يقدر الواحد على ان يكون عند حسن ظن الجميع ..
قيلى بعافية وسلامى للحاجه وناس البيت ......
--------------------------------------------------
الزوول
كفينك يازول ...
خليك جواتك عشم ممدود قدح كسرة
حلم بنوتة بالسترة
كلام ناساً حنان بالحيل
يديك العافية كمان وكمان...
--------------------------------------------------------------

Kostawi
كفينك يا الكرومبا (ياهو ذاتو ) بس اضيف اليهو ايضا (ماخُفي اعظم) عشان كده بقول ليكم الشاف مازى السمع والشغلانه ماهتاف وزعيق ..
تشكر للحضور لاى كان ففى المكان ده واللحظه دى مابقدر اقول ليك اكتر من كده..
خالص التحايا....
---------------------------------------------
Ahmed Abdallah
وانت كمان تتحبه؛ ومنتظر جيتك يالخريف بدعاشو..
------------------------------------------
هشام مدنى
ويكفينى شرف انك خالى...
----------------------------------------------
عبد الله عقيد
عمو العقيد..ياقهوتها ..
وانت كمان ليك طابور شرف كامل ...وعمداي سلاح..
-----------------------------------------------------

bayan
والله يادكتوره والناطق الرسمى باسم حركة تعبنا-الحيزبون الحاجه الهكره..
يديك العافية ويخليى ليك ناس البيت وكمان تسلم البطن الجايتك..
الزول الفتح البوست ده بقدر مادخلنى فى حته صعبة لكن اسى انا ذاتى محتار اشكرو كيف قايو ملاسى تتوقع منو مالاياتى ولا موهيك ياخاله..

-------------------------------------------------
Rashid Elhag
والله من كل قلبى يادكتور ربنا يخلى ليك اخواتك وتشوفهم زى ما انت داير كمان وكمان
ويخليك برضو انت ان اختلفنا ولا لا....
----------------------------------------------------
aosman
ياسيدى تشكر كتير وماشاء الله عليك انت برضو ولكل من تحب.....

-------------------------------------------------
فارس موسى
استاذنا.ولض ابا ..
معاك والديش دى زى مابقولو بطنو غريقه ...
من كل قلبى تمنياتى ليك بالتوفيق والصحة طول الدهر وتسلم سيد الناس...

-------------------------------------------
Mahathir
ياخ انا اسف شديد لو فى يوم غلطنا فى حقك ولا حصل شى من هذا القبيل؛رغم انى متاكد من انو محمد بشير زول حقانى..
فعذرا ان حصل وان لم يحصل..
وتشكر لو البوست ده ازعجك لانو انا برضو مزعجنى...
بعدين زى ماقلت مافى زول كبير على النقد لكن اظن اغلب حالتك كحال الذين ينصدمون فى الرتيه فى زمن مثل هذا..
يعنى بالعربى انت لاتفقه شيئا عن محمد بشير سوى ماتسمع فهذا يختلف عن ماتراه..
وارجو ان لايكون البوست مشروع جدل و سمحت ..
انا البوست ده رافضو لاشياء كثيره لانو البورد مامكان نضيف لتناول النقد اذا كان اساس فى نقد (وفى الحاله بتكلم عن حاله بعرفها جيدا)..
عموما شكلها بقت علينا (حبيتو ماحبانى اتذكرتو راح ليه نسانى ليه انا مالى)
اذا كان لديك شى شخصى مع شخص هنا ولا حاجه تانية فهذا شى انا مالى دخل بيهو..
ولمن نتلاقى قيل بعافية...

--------------------------------------------------
نادية عثمان
انت يالابيض ضميرك صافى لبن الرضيع..
وانتى ذاتك ماشفنا منك شيتنا يعيب ..
يخليك للحب ويخلى ليك اسرتك وكل من تحبين ويحبوك..يارب..
-------------------------------------------------
فيصل نوبي
يافرده ؛ انشاء الله ماتشوفو منى شى كعب وده بتوقف عليكم تورينا طريق الصاح لو غلطنا..
تربيه البيت هي (basic يعنى 50%) لكن بعد ما الواحد يلطع على الشارع يبقى ال 50% مناصفة بين الاصدقاء وبين الشخص فى نفسو..
بعدين ..مايهو انت ما مشغول طيب مالك..
ناس قراب منك عرفوا سر حزنى
أسألهم عنك قالوا ماسمعوك تسألم عنى..
اتلحلح معانا..
يديك العافية نوبى ونشوفك كده زى مادير ويخلى ليك ناس البيت...
------------------------------------------------
ود المايقوما
السلام عليكم ياشخص..
احوالك وصحتك عزيزى..
ويخليك ليك الاسره وياهو انت عنوانها قدامنا يكفى ..
تشكر وخلى بالك من نفسك...
احب الحاج يوسف ذاتها..
--------------------------------------------
على محمد على بشير
خلاص انت من اليوم حتبقى كفيلى ياعمو...
بس بتقدر عاد لجنس ديل والله ود اخوك قايتو هنا اتسلخ واتقطع قطيع ..
ما اقوم اوكلك من اول صدام هنا تجرى تخلينى براى..
وشايفك من اول شكله مابطال عمو بس انا ماداير اخرب عليك طيبتك..
نحن خلاص اتعودنا على المرمطه دى...
عارفك مابتقصر لكن الرد الجاى شيل معاك الجمله دي (فى شى اسمو التامين والجيش بطنو غريقة علا الناس ماخابره شي)...
تحياتى النواضر ليك ولكل من بحاضرتكم تصلهم وتجدهم بكامل الصحه..

-------------------------------------------------
ناصر البطل
ودخالتى ..
ياكضاب ياشين..
خايف من الهواء...

---------------------------------------------
اليكم..
ايها الاتون من فقه القواميس الوفائيه..
لهذا الارتياد المنقطع المستميت على القلوب مواكبا زمن الفجاؤة والرداءة..والقنوط والاختلال..
ذاك الدرب محفوفا بما تمت صياغته بلا قلب ولا فوضى تبارك موت بشرانا على ذات الهدؤء المنفلت...
اليكم سادة الذكرى ...واعمدة الوفاء المستمد تغلغلا من قلبة المشحون بالاصرار على التشهير بالنكره...
على تحديد معنى اليوم بلا باكر بلا موقف ...على تجديد مملكة الاحاسيس الحطامية...
اليكم ..قف..تماسك..قف..تمرد..قف تدلوا من سقوف الليل مصباحا لذاكره فلا شعر ولا قمر ولاعطر يعطرها ويغازلها وينسج غطاء وفاء سوى انتم...
اليكم ..يافلان وفلان...
الى كل من حملو المعاناة الاضافية..
ومن صنعوا بهذا الموت ملحمة الحي..
لذاك القادم المحتوم..
ومن صاغو مواسمهم خريفا يسكن الاجفان بكل طلائع المعنى..
اليكم بعض دمعاتى فهل فى جفنكم دمع لغير البحر يتداعى..؟
وهل فى قلبكم وجع بغير الفجر يزدهر...

اليكم جميعا ينساق الحب انيقا بافاضة....
ثم اليك ياوحيد والفكره فى حضورك ارتهان بعطاء وامتنان لموقف واعتمال لشروق...
(حسين ملاسى و محمدبشير)...

 ملاسى عليك دينك ماتبقى لايووق خلى البوست ده ينزل ولو فى طرقه احذفو مرة واحده....

Quote: اسال اهل الجيش يخبرونك من هم ابطالهم...

امال سألتك انت؛
الاسماء الواردة اعلاه
سمعتها من أهل الجيش.

Quote: وبرضو أخواتي دكتورات وأنا أخوهن وهذا يكفيني فخرآ ...

عليك الله يا راشد سوق أخواتك الدكتورات
و اقعدوا في بوست بيان الفتحتو ليك؛ و أنا
لو لقيت وقت بجي أرد عليك هناك.

I guess I lost my way...However, as long as I am here, let me say one or two words: I do not know Motez and his father, nor Mohammed Abdel-Gadir Omar, but I somehow heard about Ga'afar Nimeiri. If you were to count all the soldiers of the world, I do not believe Ga'afar Nimeiri can be counted among them!!!

لم أعرف يوماً من هو الفريق محمد بشير سليمان
ولكنني عرفت معتز تروتسكي في هذا المنبر
ولم أرى منه إلا الجمال
ولم أقرأ له إلا المفيد
لم نراه يوماً وقحاً
لم نسمع له إدعاءً لبطولات وهمية
لم نقرأ له شتيمة
..............
وبعد الذي عرفت عن والده
ازداد احترامي لمعتز أكثر ..كونه لم يحاول أن يستعين بسمعة والده الطيبة
ويزداد تقديري للأب أكثر
ويكفيه فخراً
أنه ربَّى معتز تروتسكي ..زميلنا الذي نعرف فأحسن تربيته


أنا بحب الولد تروتسكي دا !!!
وبحب أبوهو عشان جاب لينا السمح دا !!

صنفرة :

معتز بسحروك والله !! الواحد طول ما شاف ليهو بوست بيشكروك فيهو !!
أمشي إتبخر ولا أشتري ليك كيلو ونص كمون اسود ختهم قدام الكيبورد لمن تكتب !!

واضح يا شارلس انك بتقصد جعفر نميري آخر؛
غير جعفر نميري الرئيس!

يكفينــا فخـــرا أن معتز تروتسكي زول جميل ، صديق لطيف واعي في طرحو ، عميق في وعيو
واضح جدا ـ ومتسلح بي العلم..
دي تربية الجيش عاملة كدا ـ ضبط وربط
..
تروتسكي ..
عادي ياصاحب ـ عارف البوست دا بجيب الهواء ـ لكن عليك الله بس اقعد احسبة واحدة واحدة امسكه من ( ملازم ) وتعال بيها لحدي ( فريق ) .. والحساب ولـــد ـ وطنش ـ
أو أقول ليك
كدي امسكه من ملازم بي دبورة وتعال بيها وشوف في كم واحد كانوا هنا بيجرو بي ( الترتار ) والكان ساكي ليهو كيس والكان بلعب ( بلي ) قزاز

يازول نشيد العلم لي الوالد .. وموسيقى ( قرب ) .. ( وبروجي )
ويكفيك فخرا ..



ملاسي .. التمام في الجيش

ما زالت - و ستظل - مجالس الخرطوم تحكي عن الذي قام به
محمد بشير سليمان يوم الاثنين الذي أعقب وفاة قرنق.
______
يعني مكمل الرجالة؛ عندما كان في الخدمة العسكرية؛
و بعدما تقاعد.

اعرف يا معتز مدى الإحراج الذي يسببه لك بوست مباشر
مثل هذا البوست؛ و لكن القدر هو الذي جعلك ابناً لرجل
مثل محمد بشير سليمان.
و لولا ان تاريخ السودان المعاصر لم يكتب بعد؛
لوجدت مجلدات تتحدث عن محمد بشير سليمان.

Quote: ------------------------------------ Mahathir ياخ انا اسف شديد لو فى يوم غلطنا فى حقك ولا حصل شى من هذا القبيل؛رغم انى متاكد من انو محمد بشير زول حقانى.. فعذرا ان حصل وان لم يحصل.. وتشكر لو البوست ده ازعجك لانو انا برضو مزعجنى... بعدين زى ماقلت مافى زول كبير على النقد لكن اظن اغلب حالتك كحال الذين ينصدمون فى الرتيه فى زمن مثل هذا.. يعنى بالعربى انت لاتفقه شيئا عن محمد بشير سوى ماتسمع فهذا يختلف عن ماتراه.. وارجو ان لايكون البوست مشروع جدل و سمحت .. انا البوست ده رافضو لاشياء كثيره لانو البورد مامكان نضيف لتناول النقد اذا كان اساس فى نقد (وفى الحاله بتكلم عن حاله بعرفها جيدا).. عموما شكلها بقت علينا (حبيتو ماحبانى اتذكرتو راح ليه نسانى ليه انا مالى) اذا كان لديك شى شخصى مع شخص هنا ولا حاجه تانية فهذا شى انا مالى دخل بيهو.. ولمن نتلاقى قيل بعافية... --------------------------------------------------

الاخ معتز....عن ماذا تعتذر? وصفتك بكاتب اعجب بكلماتة ولم ازد على ذلك...شخصنة الاشياء شئ لااحبه and rather try to avoid it
البوست الفتح لكيل الاتهام لك فقط لان والدك كان الناطق الرسمى باسم الجيش هو فارغ المحتوى والعاقل لايربط بين الاثنين....
i hope you got my point....Mutaz is there and it's simply right that no one should say anything about his father ...
but when it's about General Moh Basheer, then it's anothers tory ....
العم محمد بشير سليمان حاجة و الفريق محمد بشير سليمان حاجة تانية...
"اذا كان لديك شى شخصى مع شخص هنا ولا حاجه تانية فهذا شى انا مالى دخل بي"
لا ما عندى حاجة شخصيةمع اى زول فى البورد.....

Quote: اغلب حالتك كحال الذين ينصدمون فى الرتيه فى زمن مثل هذا.

دى ما فهمتها

الأخ حسين

صدقني
أنا لا أعرف من هو الســيد / محمد بشير سليمان، لا قبل قراءة هذا البوست ولا بعدهـــا
أما الأخ معتز فأقل ما أعرفــه عنه أنه زميل عزيز لم أري ولم أقرأ له ما يعيبه و أكن له إحترام و حب
وأكثر ما أعرفه عنه ما قرأته هنا عنه من شهادات خطهـــا الزملاء في حقه مما يجعله يفخر بأنه هـو

ولكني أري يا حسين أنك بهذا البوسـت قد ظلمت الرجلين معـــاً.

ظلمت الإبن و أنت تزج به في بوست ليس هو المعني به و إنما المعني به الإشــادة بالســيد محمد بشير سليمان بإعتبـــاره شخصية عامة - كما فهمت من المداخلات - و ليس بإعتبــاره والد بوردابي إسـمه معتز

والديل في كلماتك

Quote: ربما كان من الاوفق تسمية هذا البوست باسم: ارجل راجل .. و الاشارة لمحمد بشير سليمان.

ولا أعتقد أن معتز - الذي هو بلا شـك يملك حصـيلـة من المبررات و الأســباب التي تجعلــه فخــوراً بإنتســابه لأبيه - ســـيطرب لكـلام تزروه الريــاح كتعبير (أرجل راجل) أو لمدح هـو للذم أقــرب (كتشــبيهك لأبيــه بجعفـر نميري) ولا ســيجد فيهمــا ما يضــيفه لحصــيلته.


وظلمت والــده و أنت تفتح له بوستاً خاصــاً ولا تقول فيه عنه شــيئاً ، غير كلمات إشــادة و ثنــاء تبدو للقـارئ جوفـاء بلا مبررات تدعمها ولا توضيحـات تفسرها:

Quote: محمد بشير سليمان فهو الذي يتشرف أي انسان بأن يكون ابنه

Quote: يعني مكمل الرجالة؛ عندما كان في الخدمة العسكرية؛ و بعدما تقاعد.

و غير بعض أحكــام أطلقتهــا لتقييم الرجل و لكنه بنيتهــا علي إفتراضــات وهميــة (إذا):

Quote: ااذا تم اجراء استفتاء عن اميز 10 انجبتهم الكلية الحربية السودانية؛ قطعاً سنجد بينهم: جعفر نميري محمد بشير سليمان محمد عبد القادر عمر

و

Quote: و لولا ان تاريخ السودان المعاصر لم يكتب بعد؛ لوجدت مجلدات تتحدث عن محمد بشير سليمان

العزيز / حســين ملاسي

ليس لدي ما أدحض به الحقيقة التي أردت أن تنقلهــا و تقولهــا لنــا بأن المواطن محمد بشير سليمان له من الصفات و من المواقف ما يجعله جديراً بالإشادة والثناء و جديراً بأن يفخر به ليس أبناؤه فقط بل الكثيرين ممن يعرفونه مثل حسين ملاسي و غيره.
وليس قصدي أبداً أن أدحض ذلك

ولكني لا أري أن هذا البوســت قد نقل إلينــا هذه الحقيقــة التي أراد حسـين أن يقولهــا أبـــداً،


ليس هذا فحســـب ، بل أعتقد بأنه كان من الأفيد للرجل و لإبنه أيضــــاًـ ألا يكتب هذا البوست من أصــله.


ولك كل التقديـر و لمعتز كل الحب

Quote: أنا لا أعرف من هو الســيد / محمد بشير سليمان، لا قبل قراءة هذا البوست ولا بعدهـــا

عدم معرفتك محمد بشير سليمان قبل قراءة هذا البوست و بعده
يفسر معظم ما ورد في مداخلتك يا خالد.

i rest my case

وانا بقول الود الضكران ده وراهو سر
عشان كده....هذا الشبل من ذاك الاسد

الجيش السودانى مؤسسة لاشرف لها.

ليس لها تاريخ مشرف،

وشاغلى المناصب العليا فيها هم الذين كرسوا لثقافة اللا شرف هذه.

من يشغل منصب متقدم وعالى مثل منصب العسكرى موضوع هذا البوست بالضروره جزء من المنظومة المريضة،

وهم لاشرف لهم، دون استثناءات، ليس عسكريا وحسب، بل وانسانيا.

Quote: الجيش السودانى مؤسسة لاشرف لها. ليس لها تاريخ مشرف، وشاغلى المناصب العليا فيها هم الذين كرسوا لثقافة اللا شرف هذه. من يشغل منصب متقدم وعالى مثل منصب العسكرى موضوع هذا البوست بالضروره جزء من المنظومة المريضة، وهم لاشرف لهم، دون استثناءات، ليس عسكريا وحسب، بل وانسانيا.

اهــــا وبعد داك...؟؟!!!

Quote: اهــــا وبعد داك...؟؟!!!

بعد دااااك ...
دافنشي رقد ناااااام

التحية للوالد محمد بشير سليمان
و الأستاذ ملاسى
و معتز...
لا إضافة لما سبق ذكره من الشباب الرائعين(10خطوط تحت الرائعين)
فقط..
يكفيه فخراً..
أنّه لم يزور إسماً يكتب به فى المنابر..
لم يتوارى خجلاً مما يؤمن به..
لم تحوم حوله الشبهات فى أسماء أخرى
......
إذن لمعتز كل التحية و التقدير...
هوا....هوا
الرهيفة التنقد...

Quote: الجيش السودانى مؤسسة لاشرف لها.

تعميماتك مخله دوما ....


ناخذها من منطق كتابه فقط


لو في طالب في سنه أولي جامعه و كتب ليك جمله ذي دي مفروض ياخذ عليها (Big Zero) للاسباب الاتيه:

1- أبتدأ بخلاصه
2- لم يسند بأدله
3-أضعف المضمون التالي -ان كان هنالك مضمون- و ذلك بخلق حالة لفت انتباه سلبي

بالاضافه الي ذلك يجب أن يحال الي تعميق فهمه في (LOGIC AND REASONING).

أما أن كان الكاتب استاذ جامعي ... فيوصي بفصله و لوكان بيدرس Martial Art

Quote: يكفيه فخراً.. أنّه لم يزور إسماً يكتب به فى المنابر.. لم يتوارى خجلاً مما يؤمن به.. لم تحوم حوله الشبهات فى أسماء أخرى

معتز ياصديقى...
الشرف أن تكون كما أنت..
متصالحاً مع نفسك وهويتك..
الشرف..
أن لاتخدع الآخرين بالتستر خلف الأوهام
لتمارس العنف اللفظى ،
الأمانة...
أن تكتب ما تؤمن به.. وفق المبادىء التى تنتهجها..
الأخلاق...
هى التربية ...
إذن يكفيك فخراً أنّك أصيل...
....

التحية للوالد الفاضل الفارس رجل الحوبة الفريق محمد بشير سليمان ..

والتحية للأخ العزيز معتز ..

والتحية للأخ الذي يطعن الفيل ولا يطعن ظله ولو كره الفئران - حسين ملاسي ..

والتحية لكل من عرف للرجل حقه .. فلا يعرف الفضل لذوي الفضل إلا ذووه ..


ولمن جهل أو تجاهل فضل الرجل ::: سلاماً:::


جاد

شكراً ملاسي
ومعتز يستاهل

بس قول ليهو شيل الصوره المابتشبهك دي!!!!!!!!!!!!!!!!!!!!!!

والله البوست دا فاتني عديل
ياخي معتز دا اسحن زول عديل كدا
متصالح مع نفسه وافكاره ومبادئه
زول تحترمه لله ساكت كدا
اخو اخوان وحبوب

واضح يا شارلس انك بتقصد جعفر نميري آخر؛
غير جعفر نميري الرئيس
Mallasi, I meant your Ga'far Nimeiri "zatu". You goy it?

جعفر نميري الكان حاكمكم - انت و كودي و الايوبي - 16 سنة!
و صاحب المكتب الحالي الذي يقع في قلب وسط الخرطوم!!
______
يا راجل حرام عليك.

يكفيه فخراً

Quote: ااذا تم اجراء استفتاء عن اميز 10 انجبتهم الكلية الحربية السودانية؛

جعفر نميرى لن يكون من ضمنهم
لأنه سيخسر أصوات الأمة والإتحادى والشيوعيين والقوى الحديثة والجنوبيين والحلفاويين واهل الغرب ,اهل الشرق وأهل الأرض وأهل السما الأحمر
وستضم القائمة الفريق أحمد محمد والخواض وابوكدوك ومصطفى جيش وحسن خلف الله وعوض أحمد خليفة والأميرلاى الزين والصاغ محمود أبوبكر وكثيرين لن تسعفنى الذاكرة بأسمائهم وستخلو القائمة من كل إنقلابى سام شعبه خسفا!!
وكون جعفر نميرى يفتح مكتبا فى وسط الخرطوم لآ يصنع منه فاروقا ينام تحت الشجرة وإلا لما مث طريدا سنين عددا ولم يعد إلا فى عهد من لحم أكتافهم من خيره!!
إذا كانت هنالك لستة عار للكلية الحربية فقطعاسيكون فى صدارتها جعفر نميرى!
جنى

ياناس هوي..
وحاتكم ماعارف اقول ليكم شنو ..
والله مامتجاهلكم لكن بخش هنا بعمل زى الماشايف البوست ده..
ياربى تجيب الارشفه عشان نرتاح من البوست ده..قايتو ملاسى شكيتك على الله. .

كلكم مالاقى غير اقول ليكم تانى..

Quote: اليكم.. ايها الاتون من فقه القواميس الوفائيه.. لهذا الارتياد المنقطع المستميت على القلوب مواكبا زمن الفجاؤة والرداءة..والقنوط والاختلال.. ذاك الدرب محفوفا بما تمت صياغته بلا قلب ولا فوضى تبارك موت بشرانا على ذات الهدؤء المنفلت... اليكم سادة الذكرى ...واعمدة الوفاء المستمد تغلغلا من قلبة المشحون بالاصرار على التشهير بالنكره... على تحديد معنى اليوم بلا باكر بلا موقف ...على تجديد مملكة الاحاسيس الحطامية... اليكم ..قف..تماسك..قف..تمرد..قف تدلوا من سقوف الليل مصباحا لذاكره فلا شعر ولا قمر ولاعطر يعطرها ويغازلها وينسج غطاء وفاء سوى انتم... اليكم ..يافلان وفلان... الى كل من حملو المعاناة الاضافية.. ومن صنعوا بهذا الموت ملحمة الحي.. لذاك القادم المحتوم.. ومن صاغو مواسمهم خريفا يسكن الاجفان بكل طلائع المعنى.. اليكم بعض دمعاتى فهل فى جفنكم دمع لغير البحر يتداعى..؟ وهل فى قلبكم وجع بغير الفجر يزدهر... اليكم جميعا ينساق الحب انيقا بافاضة....

عزيز زول ساكت..
ياخ انت كمان ماتحكها شديد كده . .
علينا ان نفرق بين الصداقه والاشياء الاخرى مانخلى السياسيه تخرب علينا اى شى ..
فانا اعتز جدا بصداقتى وان اختلفنا فى بعض الخطوط اكيد هناك مايجمعنا....
فالتحيا لكل الاصدقاء وانت منهم وكذلك هذا الكمندان.. .

من هو هذا الكمندان يا معتز؟
أرجو أن تعرفنا به

ولك خالص التقدير

يكفينــى فخــرا ..اننى اعرف المفخره ...التى اتت من صلب

ذلك الفخـر ...

كيفك يا كوتش؟

Quote: وستضم القائمة الفريق أحمد محمد والخواض وابوكدوك ومصطفى جيش وحسن خلف الله وعوض أحمد خليفة والأميرلاى الزين والصاغ محمود أبوبكر وكثيرين لن تسعفنى الذاكرة بأسمائهم وستخلو القائمة من كل إنقلابى سام شعبه خسفا!!

واضح يا جني انك حافظ ليك شوية اسماء و جاي تسمعها؛
ما الفرق بين كل انقلابي سام شعبه خسفاً؛
و بين كل من مكن له .. ليسوم الشعب خسفاً !!

Quote: واضح يا جني انك حافظ ليك شوية اسماء و جاي تسمعها؛ ما الفرق بين كل انقلابي سام شعبه خسفاً؛ و بين كل من مكن له .. ليسوم الشعب خسفاً !!

ليت الذاكرة تسعفنى يا صديقى كثيرون عظماء سقطوا من الذاكرة وهولاء العظام قرأت عنهم ولكن جعفر نميرى سرق منى أحلى سنين العمر
وهؤلاء لم يمكنوا لأحد ولم أذكر طلعت فريد لأنه كان عضو فى مجلس عبود ولدوره فى إتفاقية مياه النيل الزين عليه رحمة الله يعرفه كل أهل أم درمان والصاغ محمود أبوبكر يكفيه صه يا كنار الذى صاغ وجدان الشعب السودانى وضميره.وعوض أحمد خليفه بشعره الغنائى الجميل الذى عمق فيه قيم الجمال والوفاء ومصطفى جيش الذى يشهد له أهل السودان بنظافة يده وإسهامه بتجرج ووطنية فى كل مرفق عمل به واحمد محمد والخواض عساكر السودنة واول قواد للجيش السودانى شهد لهم الإنجليز بالنبوغ وشهد لهم رجالات الأحزاب بالحيدة
وصالح أبو كدوك من عظام قواد الكلية الحربية الذين شهد لهم طلابهم بالحزم والظبط والمهنية
كم كنت ياصديقى اتمنى أن احفظ كل أسماء رجال ونساء بلادى الذين قدموا للسودان وحملوه فى قلوبهم!
ملاسى أكن لك حبا وإعجابا بمداخلاتك وإيماءتك الذكية ولا أريد أن أفسد ما بينى وبينك بالرد على إتهامى بانى حافظ أسماء وجاى أسممعها يا أخى إنت إختزلت كل ضباط السودان العظماء فى تلاتة ثالثهم جعفرالنميرى إمام أهل السودا وكشافهم الأعظم الذى وصفه السيد الصادق المهدى بانه لا يعرف الستوت تصلى أم تصام!
واحس بالخجل من ذاكرتى الخربة التى لم تسعفنى بأسماء العظام الآخرين!
ولك الود يا صديقى ومحبتى التى لا أتمنى ان تفسدها هكذا أمور!
جنى

ملاسي
بالله أى هذه الأغانى من أغانى عوض أحمد خليفة لا تطربك!!
أغنية شتات الماضي و"نورا" و "خاطرك الغالي" و "صدقيني" و "خلي قلبك معاي شوية" و "صرخة الشوق" و "ربيع الدنيا"
"غرامك" و " ما خلاص خليتنا" و "حنان الدنيا" و كيف يهون عندك خصامي- ويا أغلى من عيني و "لو سألت فؤادي يوم" او"غاية الآمال" و"يا أغلى الحبايب"و "لو كانت ناكر للهوى"
جنى

Dear Jini
I absolutely agree with you. Mallasi has his own distorted criterion, and you will not be able to convince him with the normal human standards. Period.

Quote: ولك الود يا صديقى ومحبتى التى لا أتمنى ان تفسدها هكذا أمور!

لا يمكن لهكذا امور ان تفسد الذي بيننا يا جني.
و إبداء لحسن النوايا؛ اوافقك على ان عوض احمد خليفة
اعظم شاعر غنائي أنجبته كلية حربية في العالم.

الاخ/ جني

Quote: ملاسى أكن لك حبا وإعجابا بمداخلاتك وإيماءتك الذكية

صدقت، ملاسي صاحب قلم وكاميرا رائعين جداً، وان كان هناك
شخص آخر يشابهه في هذه الايماءآت الذكيه فهو أنت.


التحايا لمعتز فى بوست شكرو.

كيف لكم ان تنسوا عمر الحاج موسى



معتز
بجيك راجع لي كمندانك

وكيف نسيتو الأخ إبراهيم نايل إيدام أول دفعته وحامل كل النياشين.