Post: #1
Title: ما معقول يا حسن ساتي ياخي!!
Author: Hussein Mallasi
Date: 07-30-2006, 04:52 PM
Parent: #0
ياخي ما معقول كلو:
أنا .. أنا .. أنا .. أنا ....
___
|
Post: #2
Title: Re: ما معقول يا حسن ساتي ياخي!!
Author: Hussein Mallasi
Date: 07-30-2006, 04:58 PM
Parent: #1
هلكتنا يا رعاك الله.
|
Post: #3
Title: Re: ما معقول يا حسن ساتي ياخي!!
Author: jini
Date: 07-30-2006, 05:16 PM
Parent: #2
Quote: ياخي ما معقول كلو:
أنا .. أنا .. أنا .. أنا ....
|
لو كنت ساكن جاره لمن كان فى جدة كنت حتمشى الدمام!
كلام كبار واستعراض للمصطلحات وفى الاخر تدخل بى خوجلى وتمرق بى حمد صفر اليدين!
احمد ربك انت صغير نحن قادينا فى السبعينات عندما كان رئيس تحرير جريدة الأيام!
وجينا لقيناهو فى جدة لكن ربك ما كريم انتقل الى لندن باحث استراتيجى!
تعرف حسن ساتى انا لمن أشوفوا بقفل الفيوز موش التلفزيون!
جنى
|
Post: #4
Title: Re: ما معقول يا حسن ساتي ياخي!!
Author: نادية عثمان
Date: 07-30-2006, 07:01 PM
Parent: #3
| Quote: احمد ربك انت صغير نحن قادينا فى السبعينات عندما كان رئيس تحرير جريدة الأيام! |
جنى هو انت مواليد السبعينات بالله ؟!!!!!
ملاسى ازيك
فى زولة صديقة من منبر حلو مجاور لاحظت انى بدخل بوستاتك طوالى وقالت لى انتى بتدخلى ليهو ليه وكت هو مقاطع منتجاتك البوستاتية ؟!!
صحى انت مقاطع ياملاسى ؟!!
|
Post: #5
Title: Re: ما معقول يا حسن ساتي ياخي!!
Author: jini
Date: 07-31-2006, 01:35 AM
Parent: #4
Quote: جنى هو انت مواليد السبعينات بالله ؟!!!!!
|
لوووول
انا فى الستينات بقرأ الجرايد أكون مولود فى الخمسينات يا أستاذة الله يدينا طول العمر قولى آمين
جنى
|
Post: #6
Title: Re: ما معقول يا حسن ساتي ياخي!!
Author: haleem
Date: 07-31-2006, 01:40 AM
Parent: #1
شوقتنا..
الراجل مالو؟
|
Post: #7
Title: Re: ما معقول يا حسن ساتي ياخي!!
Author: دينا خالد
Date: 07-31-2006, 01:46 AM
Parent: #1
| Quote: هلكتنا يا رعاك الله. |
يا حسين ملاسى والعرب بقولو
ذبحتنا ،،
بس نصيحتى ليك تبعد من اخر لحظة ،، عشان انت ما تجيك ذبحة وتجيب لينا
نحن معاك الضغط ،،، ارجوك بالله
|
Post: #8
Title: Re: ما معقول يا حسن ساتي ياخي!!
Author: jini
Date: 07-31-2006, 01:59 AM
Parent: #7
Quote: شوقتنا..
الراجل مالو؟ |
الراجل متواضع وبساطه أحمدى!
وما بقول أنا انا حبيبى أنا سميرى أنا!!
جنى
|
Post: #9
Title: Re: ما معقول يا حسن ساتي ياخي!!
Author: الخير محمد عوض
Date: 07-31-2006, 02:15 AM
Parent: #8
| Quote: ما معقول يا حسن ساتي ياخي!! |
ظننتـه حـسـن صـاقعـة النجـم، وحينما اعـدت النظـر كـرتين
وجـدت انـه حـسـن اخـر غير الذي جـال بخـاطـري.
سـلامي لمن هم بطـرفكم .
|
Post: #10
Title: Re: ما معقول يا حسن ساتي ياخي!!
Author: mohamed osman bakry
Date: 07-31-2006, 02:35 AM
Parent: #9
| Quote: ظننتـه حـسـن صـاقعـة النجـم، |
حسن نصر الله?
|
Post: #11
Title: Re: ما معقول يا حسن ساتي ياخي!!
Author: Hussein Mallasi
Date: 07-31-2006, 04:17 AM
Parent: #10
سلامات يا جني
Quote: احمد ربك انت صغير نحن قادينا فى السبعينات
عندما كان رئيس تحرير جريدة الأيام! |
الظاهر حسن ساتي قرر انو يخلص مننا حقو بتاع
الكم طاشر سنة الانقطع فيها عن السودان!
_____
انتو محظوظين؛ اقلو كنتوا
بتاخدوها على جرعات!!
|
Post: #12
Title: Re: ما معقول يا حسن ساتي ياخي!!
Author: Hussein Mallasi
Date: 07-31-2006, 09:07 AM
Parent: #11
سلامات يا نادية
Quote: فى زولة صديقة من منبر حلو مجاور لاحظت انى بدخل بوستاتك طوالى
وقالت لى انتى بتدخلى ليهو ليه وكت هو مقاطع منتجاتك البوستاتية ؟!!
صحى انت مقاطع ياملاسى ؟!! |
بتبالغ الزولة الصديقة المن المنبر الحلو المجاور؛
انا يا نادية ساكن في منتجاتك البوستاتية سكن .. بس قاعد يغلبني الكلام 
______
تم تشخيص حالتي بانها
متلازمة ال 18 سنة!
|
Post: #21
Title: Re: ما معقول يا حسن ساتي ياخي!!
Author: adil amin
Date: 08-02-2006, 05:30 AM
Parent: #10
ده اسمو بهوى اللذيذ كلامو...او عصفور النار في رواية اخرى
|
Post: #13
Title: Re: ما معقول يا حسن ساتي ياخي!!
Author: زوزو
Date: 07-31-2006, 09:11 AM
Parent: #1
أنا برضو شفته الحلقه اياها!
و لاحظته
|
Post: #14
Title: Re: ما معقول يا حسن ساتي ياخي!!
Author: Hussein Mallasi
Date: 07-31-2006, 09:51 AM
Parent: #13
مش معقول .. زوزو شخصياً
| Quote: أنا برضو شفته الحلقه اياها! |
ليت الامر اقتصر على الحلقة اياها؛
دا مقرر يومي علينا تجرعه بكل صبر و جلد!!
|
Post: #15
Title: Re: ما معقول يا حسن ساتي ياخي!!
Author: Hussein Mallasi
Date: 08-01-2006, 03:05 AM
Parent: #14
| Quote: يا حسين ملاسى والعرب بقولو ذبحتنا ،، |
الهلاك يا دينا مرحلة افظع من الذبح!
Quote: بس نصيحتى ليك تبعد من اخر لحظة ،، عشان انت ما تجيك
ذبحة وتجيب لينا نحن معاك الضغط ،،، ارجوك بالله |
قطعاً سأبتعد عنها قريباً؛ فقط انتظر نهاية مسلسل ساتي المفتوح
مع الملحق الاعلامي المصري و سلطات مطار القاهرة و الذي
يستعرض فيه ذخيرته من مصطلحات و اكلشيهات المسلسلات و المسرحيات المصرية!!
|
Post: #16
Title: Re: ما معقول يا حسن ساتي ياخي!!
Author: Hussein Mallasi
Date: 08-01-2006, 05:39 AM
Parent: #15
سلامات يا حليم
| Quote: شوقتنا.. الراجل مالو؟ |
الرجل اعتاد أن يردد أنا .. أنا .. أنا ..
بين كل سطر يكتبه .. و آخر؛
و بين كل جملة يقولها و أخرى؛
حتى ظننت أن الأرض تدور حول محوره!
|
Post: #17
Title: Re: ما معقول يا حسن ساتي ياخي!!
Author: bayan
Date: 08-01-2006, 06:00 AM
Parent: #16
| Quote: تعرف حسن ساتى انا لمن أشوفوا بقفل الفيوز موش التلفزيون! |
دي قوية يا ابو الجنون*
لو يوم عايز تعمل شريط نكات انا اول من يشتري..
مسنة معجبة بجني..
* من المفترض طبعا تكون ابي الجنون..عشان منادى ما يجي الخواض يقول ما بعرف نحو..
|
Post: #18
Title: Re: ما معقول يا حسن ساتي ياخي!!
Author: محمد الامين محمد
Date: 08-01-2006, 06:14 AM
Parent: #1
ما قال انا بتا ع مايو ونمير ي
|
Post: #19
Title: Re: ما معقول يا حسن ساتي ياخي!!
Author: gamal elsadig
Date: 08-01-2006, 06:29 AM
Parent: #18
.
حسين :
تحياتي
معركته مع مصر وسفارتها في غير معترك ..
.
|
Post: #20
Title: Re: ما معقول يا حسن ساتي ياخي!!
Author: raheemsudani
Date: 08-01-2006, 02:36 PM
Parent: #19
يااخواني خلو الناس في حالا واتقوا الله يا عباد الله في هذا المنبر والمطلعين عليه واكتبوا شيئا مفيدا:
ولا تكتب بكفك غيرشيء
يسرك في القيامة أن تراه
|
Post: #22
Title: Re: ما معقول يا حسن ساتي ياخي!!
Author: محمد امين مبروك
Date: 08-02-2006, 07:20 AM
Parent: #20
سلام يا ملس
(من ملس زيناوي)
بقلم: (انا محمد انا)
:
:
صلاح ادريس لمن بدأ حملاته الانتقامية التعويضية(عما فات) بداية الالفية
كنانستمتع بهذا المقطع من اعمدته الكثيفة...
(...وتحركت بنا الطائرة من جدة الى دبي (انا) وصديقي الموسيقار الدكتور البديع عبدالرسول ادريس و...(انا)!!)
:
:
خطر لي ان طريقة ح.ساتي الهيكلية(من م.ح.هيكل)
انها ربما تكون ردة فعل لما ظل يردده عنا الاشقاء العرب واخرون
من ان السوداني لايحسن تقديم نفسة او لا يعرف...
:
:
(انا) استمتع يوميا بإحصاء ال(انا) في اعمدتنا فمن يريد
هذه الاحصاءات يدفع كم لملاسي...... وانا
|
Post: #23
Title: Re: ما معقول يا حسن ساتي ياخي!!
Author: عبد الله عقيد
Date: 08-02-2006, 07:35 AM
Parent: #22
الأستاذ حسن ساتي عمل في الصحافة المصرية في فترة مبكرة
وجدهم يعتمدون (الأنا) في كل كلمة يقولونها وفي كل حركة يتحركونها
وكذلك كل من له (شأن) ومن ليس له شأن في محيطنا..
إلا السودانيين.. فإنهم.. وبسبب ما سيأتيهم من نقد من أمثال حسين ملاسي
وبسبب نزعة (مسكنة) ذليلة ساكنة في دواخلهم.. يتحاشون أن يقولوا (أنا).
حسن ساتي.. ومنذ وقت مبكر قرر أن يقارع الجماعة باعتزاز وتقدير للنفس
وأن يقول لهم (أنا)..
وقد وصفوه بأنه مغرور، وأنه متكبر..
ولذلك أعجبني .. فاعتبرته شيخي.. وسأظل.
قلها يا حسن ساتي.. (أنا).. قلها ولا تلتفت إليهم ولا تكترث بهم..
واجعل تلاميذك يعتادونها..
فهؤلاء الذين ينتقدونك يفكرون (من منازلهم).. ويقيمون الأمور (من منازلهم).
ولا يعلمون أنك تنازل عتاة التمكبرين المتفرعنين في الخارج..
سؤال لحسين ملاسي وصحبه..
هل سمعتم (مفيد فوزي يتكلم؟ هل سمعتم هيكل؟ عبد الله السناوي.... إلخ.
هؤلاء هم (ملوك الأنا) وحسن ساتي هو ندهم الذي لا يريد أن يبدو بينهم (مسكينا)
مثل بقية (السودانيين) الذين أماتوا شخصيتنا بتواضعهم..
أنا معك أؤيدك يا حسن
فدم معتزا بنفسك في غير غرور ولا استعلاء..
لكم تقديري
|
Post: #24
Title: Re: ما معقول يا حسن ساتي ياخي!!
Author: humida
Date: 08-02-2006, 08:11 AM
Parent: #23
مشكلتي يا ملاسي ..
ما بتعرف تحضر التلفزيون بطريقة صحيحة .. ذينا
علي الحرام بعد ما انتهت الحلقة بتلاتة ايام ..
حتي عرفت انه الكان في الحلقة دي ..
حسن ساتي ..!!!
|
Post: #25
Title: Re: ما معقول يا حسن ساتي ياخي!!
Author: Hussein Mallasi
Date: 08-02-2006, 08:22 AM
Parent: #24
الأنا التي يرددها حسن ساتي - يا عقيد - ليست وليدة حربه المقدسة
مع الملحق الإعلامي المصري و سلطات امن مطار القاهرة؛
هي سابقة لهذه الحرب المقدسة .. و ستبقى بعد فراغه منها!!
_____
لو كنت اعرف ان ساتي يتمثل بناس بمفيد فوزي؛
لزال تعجبي و لما كتبت هذا البوست!!
|
Post: #26
Title: Re: ما معقول يا حسن ساتي ياخي!!
Author: غادة عبدالعزيز خالد
Date: 08-02-2006, 08:28 AM
Parent: #25
Quote: انا فى الستينات بقرأ الجرايد أكون مولود فى الخمسينات يا أستاذة الله يدينا طول العمر قولى آمين
جنى |
مفاجأة البوست جنى,,
يعنى طلعت عجوز
حسين ملاسى
انا اقرأك السلام
كل التحية
غادة
|
Post: #27
Title: Re: ما معقول يا حسن ساتي ياخي!!
Author: عبد الله عقيد
Date: 08-02-2006, 08:50 AM
Parent: #25
Quote: لو كنت اعرف ان ساتي يتمثل بناس بمفيد فوزي؛
لزال تعجبي و لما كتبت هذا البوست!! |
لم أقل أنه يتمثل بهم يا حسين
قلت إنه لا (يتمسكن) أمامهم..
مفيد فوزي بالذات ذكرته، لأنه هو الذي (يذبح) بالأنا
وغيره كثيرون..
ما زلت مصرا أنكم تنتقدونه (من منازلكم) أي بنظرتكم
السودانية فقط.. نظرة الداخل.. والرجل تعلمها وسط
هؤلاء (الأنوات) المنتفخة.. وأدى دورا عجز عنه كثيرون
غيره، مضو بلا ذكر لأنهم خافوا من (لسانكم)..
|
|