Post: #1
Title: بورداب الخرطوم و الشجاعة غير المكتملة
Author: Hussein Mallasi
Date: 12-30-2006, 06:04 PM
Parent: #0
كيف كان متوقعاً من من كتب باسم بورداب الخرطوم أن يكون مؤتمناً على هذا
الاسم و هو لا يقوى - حتى الان - على مواجهة الجميع و التصريح بأنه هو الذي
كتب بهذا الاسم!!
|
Post: #2
Title: Re: بورداب الخرطوم و الشجاعة غير المكتملة
Author: سفيان بشير نابرى
Date: 12-30-2006, 06:27 PM
Parent: #1
ملاسي عيدك سعيد ,,
ياخ يا ملاسي لو أي زول وقف في مداخلة لعضو زي وقفتك دي البورد كان نشف
|
Post: #3
Title: Re: بورداب الخرطوم و الشجاعة غير المكتملة
Author: Muna Khugali
Date: 12-30-2006, 06:33 PM
Parent: #1
نعم..
الإدعاء بأن النية الصالحة كانت وراء الكتابة بإسم بورداب الخرطوم
يبقي مجرد إدعاء حتي يعترف "البرادعي" ويعتذر عما فعل بوضـوح
شجاع..
كل سنة وانت طيب ياحسين..
|
Post: #4
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-30-2006, 07:44 PM
Parent: #3
الزمن ليس في صالح من كتب باسم بورداب الخرطوم!
|
Post: #5
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-30-2006, 07:49 PM
Parent: #4
Quote: ياخ يا ملاسي لو أي زول وقف في
مداخلة لعضو زي وقفتك دي البورد كان نشف |
للاقتباس أعلاه دلالات لا تخفى على المتابع!
|
Post: #6
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-30-2006, 07:54 PM
Parent: #5
Quote: يبقي مجرد إدعاء حتي يعترف "البرادعي"
ويعتذر عما فعل بوضـوح شجاع.. |
أهم حاجة الوضوح الشجاع يا منى .. بس ما بتفتكري انو وقت الاعترفات فات!!
______
و انت بألف خير.
|
Post: #7
Title: Re: بورداب الخرطوم و الشجاعة غير المكتملة
Author: Emad Abdulla
Date: 12-30-2006, 08:10 PM
Parent: #6
العيد مبارك عليكم يا حسين ..
يكون البيكتب بدر الدين الامير ؟؟ ..
كل سنة و إنت طيب .
|
Post: #9
Title: Re: بورداب الخرطوم و الشجاعة غير المكتملة
Author: mohamed osman bakry
Date: 12-30-2006, 08:55 PM
Parent: #8
أهو البرادعي جا.
|
Post: #10
Title: Re: بورداب الخرطوم و الشجاعة غير المكتملة
Author: ناذر محمد الخليفة
Date: 12-30-2006, 08:59 PM
Parent: #1
|
Post: #11
Title: Re: بورداب الخرطوم و الشجاعة غير المكتملة
Author: ali elhassan
Date: 12-31-2006, 07:25 AM
Parent: #10
دقسة المعلم بتألم
|
Post: #12
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-31-2006, 10:32 AM
Parent: #11
| Quote: يكون البيكتب بدر الدين الامير ؟؟ .. |
ما المشكلة منو البيكتب يا عماد؛
المشكلة .. الزمن دا كلو مالو ما قال انو هو الكتب!!
|
Post: #13
Title: Re: بورداب الخرطوم و الشجاعة غير المكتملة
Author: الملك
Date: 12-31-2006, 10:42 AM
Parent: #12
Quote:
ما المشكلة منو البيكتب يا عماد؛
المشكلة .. الزمن دا كلو مالو ما قال انو هو الكتب!! |
...
...
والمصيبة أنه طيلة الوقت كان يتسأل معنا
من هو الذي كتب !!
|
Post: #14
Title: Re: بورداب الخرطوم و الشجاعة غير المكتملة
Author: ناذر محمد الخليفة
Date: 12-31-2006, 12:56 PM
Parent: #1
!!!!!!!
Quote: والمصيبة أنه طيلة الوقت كان يتسأل معنا
من هو الذي كتب !! |
كضاب !!!
عندك لنك ولا كود بيثبت كلامك دا !!!
|
Post: #15
Title: Re: بورداب الخرطوم و الشجاعة غير المكتملة
Author: saif massad ali
Date: 12-31-2006, 01:09 PM
Parent: #14
جدو حسين ملاسي
الزرزره عندك ولا بلاش
|
Post: #26
Title: Re: بورداب الخرطوم و الشجاعة غير المكتملة
Author: الملك
Date: 12-31-2006, 02:07 PM
Parent: #14
Quote:
كضاب !!!
عندك لنك ولا كود بيثبت كلامك دا !!! |
ولو ان الكلمة لا ترقى لمقام ...لكن حارد عليك لانو الموضوع ده برمته بايخ وغير صحى تماماً...وشايفك ما رديت على كلامى ده ....
ناذر محمد خليفة
....
كان من الاجمل ان تكتب هذه الحقيقة فى بوست سفيان والبوست الآخر الذى ذهب للخور لاعتبارات كثيرة
....
لكن بعد ان تكرمت وقمت أخييييييراً!!!!!!!!!!!!!
بكشف النقاب عن هذا الامر الشائك احببت ان الفت نظر سيادتكم الى الاتى :-
1-تسببت بقصد أو بدون قصد إلى توجيه كل الانظار حولك او حول من يكتب باسمنا ناهيك عن الشكوك التى ساورتنا فى بعضنا البعض ....وتوجيه الإنتباه الى هذا الموضوع بأكثر من المواضيع التى كان تهمنا سابقاً
2-وفى معارك وخلافات بدأت تظهر بين أعضاء لم يلتقوا فى بوستات من قبل وأول لقاء بينهم كان فى لمة ومقالدة فى مكان ما واعقبه تعارف ...اى أنه من الطبيعى فى هذا الكائن الإسفيرى المسمى بسودانييز أن يتشنج الأعضاء او يتخاطروا فكريا ثم يلتقون او لا يلتقون فى ارض الواقع ....ويبدو أن قلبت الكرة
3- لصالح من كان تأخرك فى الكشف عن الموضوع الموضوع كتب من يوم 24/12/2006 وانت فى قلب الموضوع تتسال من هو من كتب باسم بورداب الخرطوم وهو ما أثار الشكوك حول كل عضو فينا أعلم تماماً ان الخاسر هنا هو نحن
بكرى ابوبكر سد دى بى طينة ودى بى عجينةفقد قام الأغلبية بطرح السؤال عليه ..ولم يجدوا إجابة ....وهذا الأمر يلام عليه بكرى اولاً واخيراً ...
4- أبيخ شئ فى الموضوع انه مس وتر حساس كنا نحافظ عليه تماماً وهى المواضيع الإنسانية فهى تدار خارجا...وتبقى البوستات هى الرابط فقط ...لا لجنات ولا إلتزامات ...كلها أمور فردية إنسانية غير معنونة ....وهذا أكثر ما يحزننى أن يربط البعض بينها ..وبين العلاقة البوردية ...مثلاً لو تشاجر إثنان هنا ثم إلتقيا فى لمة أو قعدة من قعداتنا دى
من الطبيعى أنو يتسالموا ...ويتحادثوا ...وبكرة يجوا يدواسوا من تانى
لكن لو تشاجر إثنان هنا كما حدث فى ذات البوست المشئوم الذى ذهب الى الخور ...
فمن الطبيعى أن ينتقل صراعهم فى اى إجتماع لمناقشة أى امر إنسانى أو ثقافى او عملى
....
....
لا ادرى أصاب عادة بخيبة أمل فى خاتمة أى موضوع كهذا ....
وهذه المرة ربما كانت أبيخ شئ أدخل في نقاشه منذ ان وطئت قدمى سودانييز اون لاين
اخيراً كل سنة وانت طيب
اما عن ما كتبت عندما كان الجميع يتسأل من هو من كتب باسمنـــــــــــــا !!!!!
Quote:
1*سلامات يا شباب ..
أنا والله ما عارف ليه الناس بتعاين للوجه المظلم من الكوب !! الغريبة أول خمسة أو ستة تنفار إتداخلو في البوست داك أيدو الكلام لانو شي جميل إنو الناس تكون تحت إسم واحد بتراضي الجميع كلهم ..
أمكن صاحب الفكرة إتسرع لكن انا شخصيا ما خاتي سوء النية تجاه الفكرة عشان كدة أيدتها جدا زي ما في كتار أيدوها ..
بس الضوابط مفروض تكون شنو ؟
انا إتخايلي كل الإشكالية المتخوفين منها الناس إنو منو الحا يستعمل الباصويرد .. والناس خلو كل المحاسن بتاعت الكتابة بي إسم موحد وقعدت تلوك في الأشياء التانية ..
أنا شخصيا بفترض حسن النية ..
مثلا البوستات الإنكتبت لي غرض إنساني زي بوست سمرية بتاعة غادة نوري ! امكن في ناس ما بتحب تقرا بوستات سمرية أو مكجناها لله في الله كدي !! ودا بيضعف المشروع ونفس الشي بوستات نادية السر أو خضر او عبد المنعم أو ماسا ..
لكن لمن يكون في إسم محدد زي بورداب الخرطوم والناس عارفا إنو بيكون مخصص للأعمال الخيرية أو الإنسانية أو دعوات التجمعات .. بكل تأكيد كل الأعضاء والزوار حا يخشو البوست عشان يعرفو أخبار البورداب شنو ومشاريعم المشتركة شنو ..
أقر أن شخصيا بي تسرع حاصل في مسألة إنشاء نيك نيم بي إسم بورداب الخرطوم قبل ما الناس تتشاور . لكن أنا شايف نتكلم في الجانب الإيجابي من الناحية دي ..
ولا شنو ؟!!
2* ردا على
عبير ....
Quote: ناذر الخليفة إزيك
كم مرة سألت نفسك أو سألت واحد من المقربين ليك من بورداب الخرطوم
يا ربي الكتب الكلام ده منو ؟
وكم مرة حاولت تقرا الكلام الفوق ده عشان تعرفو قريب لي إسلوب منو في الكتابة ؟
وكم مرة يا ناذر جيت داخل البوست ده والفات تحديداً وليه ؟
أنا ما قلت ليك زول طيب والمؤمن صديق عشان كدة إتشجعت للفكرة وما سألت نفسي الأسئلة التانية ديك ..
3*Quote: الموضوع مابستاهل الضجة الحاصلة دي ..
4*
سلامات يا شباب ..
بما إنكم كلكم متلمين هنا فدي فرصة عشان الواحد يقول ليكم كل عام وأنتو بخير ..
الحاجة التانية بسأل عن ناس (لجنة بورداب الخرطوم التمهيدية) !!
وين الجماعة ديل ؟!
الحاجة التالتة البلد فيها ضيوف وبورداب كتار جونا من برة ..
رايكم شنو نعمل لينا جلسة أو رحلة (في الصقط دا) !!
شنكل:
يا سفبان عندي ليك إقتراح جميل جدا .
أقترح إنو يكون بوستك دا (الخور ليس هو الحل .. بورداب الخرطوم مرة أخرى..) هو البديل المنطقي و (المعادل الموضوعي) لي بوست (بورداب الخرطوم) المشى الخور داك !! فإذا كان الغرض هو التوحد تحت إسم واحد فإتخايلي توحدنا تحت إسم (الخور ليس هو الحل .. بورداب الخرطوم مرة أخرى..) بيحل المشكلة ونقدر نطرح مواضيعنا ومشاريعنا من هنا طالما كلنا بنتلمى في البوست دا ..
اها رايك شنو ؟؟
5*
طيب يا شباب ممكن نأجل الموضوع بتاع الجهة العملت النيك نيم لحدي بعد العيد ؟
دايرين نعمل حركة كدة في شكل وردة في العيد دا ..
رايكم شنو ؟
ما اطن حا نبوظ برامج العيد عشان الحادثة دي . ولا ما كدي ؟
6*
أوكي يا ملاسي ..
بما إنكم هنا كلكم ..
ممكن نتفاهم ونحدد مكان اللقاء أو الرحلة او ما شابه ..
في أي إقتراحات
...
|
...
...
الإقتبسات أعلاه لمداخلاتك لملاسى ونابرى وعبير خيرى .....الخ
الخور ليس هو الحل .. بورداب الخرطوم مرة أخرى..
...
...
بالمختصر المفيد كان تمسك العصا من نصها ....وتورى الناس بدلاً عن المهزلة الحاصلة دى
كان الاحرى بك ان تقول أنـــــــــا من فعل هذا الامر ....وتعتزر والسلام
....
....
اتوقع أنك لن ترد على حديثى كما حدث فى بوستك ,,,لذلك لا أريد المداخلة والتحدث اكثر فى هذا الموضوع ....سلام للجميع .... وحتى نلتقى لو كان هنالك لقاء
|
Post: #16
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 01:18 PM
Parent: #1
شوف يا ناذر ..واسمع كلامى ده كويس
اناواحد من بورداب افريقياو السودان .. مش الخرطوم بس
اديتك اسمى بالكامل بدون باص وورد طبعا..
اكتب بيهوا الانت دايرو .. واتكلم بيهو الانت دايروا .. في سودانيز وعربيز وافريقيز ..واى حاجة أييز ..
تفويض كامل
انت أقل من البيتكلموا باسمنا في الاذاعة والتلفزيون بشنو ؟
اخير انت بتتكلم بس .. في ناس بيعملوا باسمنا عمايل سوداء من المحيط الي الخليج و ما قادرين نحتج ..
مسكين .. لقوك حيطة قصيرة ودايرين يتفشوا فيك ...!
....
....
الفيديو ... خطر
لكن الحيرنى .. زولك الغبى ده .. بعدما دقس عمك و طلعوا من الصف هو ذاتو دقس واتلفت لعمك لمن طبطب ليهو .. ولقى الكف جاهز منتظروا ..
ما كان يدقس و يتلفت ليهو ... مش كده ؟؟؟
|
Post: #18
Title: Re: بورداب الخرطوم و الشجاعة غير المكتملة
Author: saif massad ali
Date: 12-31-2006, 01:22 PM
Parent: #16
الطاهر ساتي
انت الشمولية دي ما بتوب منها
اسع دي يجوك ناس الخرطوم كلهم ونحن نقعد نكتب
اطلقوا سراح الطاهر ساتي
من اجل بورداب ديمقراطيون وحريون كمان
بعد ماا يدتهم وبصمت ليهم بالعشرة وجبرة ذاتها
|
Post: #37
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 05:01 PM
Parent: #18
سيف مساعد .......
كل سنة وانت طيب ....... والقابلة في السودان ان شاء الله
دى حاجة والحاجة التانية
دى مشكلة خرطومية خاصة ببورداب الخرطوم وافتكر لحد هسع مافي طرف فيهم طلب مساعدة بورداب الخارج ...
يعنى مرحلة القوات الدولية لسع ما جات ...
الزم الصبر ...دورك في الطريق ... لو القضية ما اتحلت طبعا ...
لكن بينى وبينك ..قضية طرفها ملاسي لازم تستدعى تدخل خارجى ...
تحياتى ليك ........ وربنا يحفظك
|
Post: #17
Title: Re: بورداب الخرطوم و الشجاعة غير المكتملة
Author: saadeldin abdelrahman
Date: 12-31-2006, 01:20 PM
Parent: #1
كلو تنظيم بورداب خرطوم عندو اهل اسود
و " عكاليت "
كل سنة و انتو طيبين
ابو النيذ العزيز القابلة على امانيك
و مافي شك في سلامة النية لكن راضي اخوانك اهل الحارة ديل
كل عام و الجميع بخير!
|
Post: #19
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-31-2006, 01:40 PM
Parent: #17
سؤال بسيط كدا مناسبة العيد يا ناذر:
لو ما كان في احتمال انو بكري يتكلم؛
كان في احتمال انك تتكلم!!
|
Post: #20
Title: Re: بورداب الخرطوم و الشجاعة غير المكتملة
Author: saif massad ali
Date: 12-31-2006, 01:44 PM
Parent: #19
ناذر صامد ناذر صامد
|
Post: #21
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-31-2006, 01:47 PM
Parent: #20
و اقتراح آخر بمناسبة العيد .. أيضاً:
اقبل دعوة ساتي يا ناذر؛ فما يمكن أن تكتبه باسمه
سيكون - بالتأكيد - أفضل مما يكتبه.
|
Post: #23
Title: Re: بورداب الخرطوم و الشجاعة غير المكتملة
Author: saadeldin abdelrahman
Date: 12-31-2006, 01:55 PM
Parent: #19
ملاسي كل سنة و انتو طيبين
ما مشيت حفلة نانسي
|
Post: #22
Title: Re: بورداب الخرطوم و الشجاعة غير المكتملة
Author: ناذر محمد الخليفة
Date: 12-31-2006, 01:51 PM
Parent: #1
الطاهر سلامات ..
Quote: شوف يا ناذر ..واسمع كلامى ده كويس
اناواحد من بورداب افريقياو السودان .. مش الخرطوم بس
اديتك اسمى بالكامل بدون باص وورد طبعا..
اكتب بيهوا الانت دايرو .. واتكلم بيهو الانت دايروا .. في سودانيز وعربيز وافريقيز ..واى حاجة أييز ..
تفويض كامل
انت أقل من البيتكلموا باسمنا في الاذاعة والتلفزيون بشنو ؟
اخير انت بتتكلم بس .. في ناس بيعملوا باسمنا عمايل سوداء من المحيط الي الخليج و ما قادرين نحتج ..
مسكين .. لقوك حيطة قصيرة ودايرين يتفشوا فيك ...!
|
الطاهر يا غالي مشكور كتير على الثقة .. والله رفعت روحي المعنوية upper عدييل كدة ، لكن بس تقول شنو .. يا هو قدرنا ويا ها قسمتنا
صنفرة :
سيف مساعد دا أختاو زي ما قال ليهو أحمد عبد الله قبال كدة
|
Post: #24
Title: Re: بورداب الخرطوم و الشجاعة غير المكتملة
Author: saif massad ali
Date: 12-31-2006, 01:55 PM
Parent: #22
ناذر
انت كمان عايز تطبيع علاقاتك مع ناس الجبهة
Quote:
سيف مساعد دا أختاو زي ما قال ليهو أحمد عبد الله قبال كدة |
انا عارف العملية اغتيال شخصية ناذر
بس التوقيت غير مناسب لانو الايام دي البورد مليان بلاوي
|
Post: #25
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-31-2006, 02:03 PM
Parent: #24
Quote: ملاسي كل سنة و انتو طيبين
ما مشيت حفلة نانسي |
وين مع الزحمة الما تديك الدرب .. قالوا العميان كان شايل المكسر!!
____
|
Post: #27
Title: Re: بورداب الخرطوم و الشجاعة غير المكتملة
Author: سفيان بشير نابرى
Date: 12-31-2006, 02:27 PM
Parent: #1
ملاسي ,,
| Quote: للاقتباس أعلاه دلالات لا تخفى على المتابع! |
ومال ايه ؟!!!
أنت قائل الظباء دي بيصطادوها كيف يازول ؟!!
ناذر الخليفة ,,
Quote: كضاب !!!
عندك لنك ولا كود بيثبت كلامك دا !!! |
كدي يا ناذر شوف الكودين تلاته ديل لحدى ما يجيك ناجي :-
Quote: هسي المشكلة ما في كدة ..
المشكلة إنو البروفايل خانة النوع يا ميل يا كمان فيميل !! يعني ما في خيار تالت . وطبعا البورداب بتاعين الخرطوم فيهم الميل والفيميل !!
أنا شايف نبحث النقطة دي ونلقى ليها حل أول حاجة حتين بعد داك نمشي لي قدام !! |
وده :-
Quote: غايتو بي طريقة النقاش الحاصلة هسي ..
أكيد الحالة الإجتماعية حا تكون Divorced |
واخيراً ده :-
Quote:
عادل :
Quote: المصلح مبروك عليك
ومتنازل ليك عن حقوقي فيه - الحقوق الاصلية والمجاورة - المادية والفكرية
شفت انا بخافظ على حقوق الملكية الأوتومسفيرية كيف ؟ |
الطاهر ساتي ,,
عيدك سعيد ،،
Quote: شوف يا ناذر ..واسمع كلامى ده كويس
اناواحد من بورداب افريقياو السودان .. مش الخرطوم بس
اديتك اسمى بالكامل بدون باص وورد طبعا..
اكتب بيهوا الانت دايرو .. واتكلم بيهو الانت دايروا .. في سودانيز وعربيز وافريقيز ..واى حاجة أييز ..
تفويض كامل
انت أقل من البيتكلموا باسمنا في الاذاعة والتلفزيون بشنو ؟
اخير انت بتتكلم بس .. في ناس بيعملوا باسمنا عمايل سوداء من المحيط الي الخليج و ما قادرين نحتج ..
مسكين .. لقوك حيطة قصيرة ودايرين يتفشوا فيك ...!
|
طبعاً يا الطاهر ساتي كلامك الفوق ده كلام من حقك ومافي زول بقدر يقول ليك ( تلت التلاته كم)!!؟؟ بس يا الطاهر يا اخوي ما ظنيتك (كده حاف) تديهو ليهو ؟؟! ايوة يا الطاهر ما ظنيتك ! عارف ليه لانو ببساطة يا الطاهر انت لو ما قعدته ( أو اي زول غيرك) ما قعد وضمن الزول عايز يكتب ( باسمو الاداهوليهو) شنو ما ح يديهو ليهو !
العقل والمنطق بيقول كده ، وكلامك ده يا اخوى تضامنى منك ساي ( كتر خيرك عليهو) وما اظن ناذر بيكون عايز تعاطف معاهو عشان نحنا لقيناهو ( الحيطة) البتقول عليها انت دى ؟! حيطة شنو يا الطاهر البتقول عليها ياخ مافي بينا وبينو اي مشكلة ولا اي حاجة ابداً ابداً بس كمان يسوي حاجة بي اسمنا ساي كده وبدون ما نعرف ما كويسه منو ابداً وانت لو بتشجعوا علي كده يبقي يا الطاهر أنت غلطان وثم غلطان.
الشي التانى والمهم يا الطاهر عندك شك (قبل ما نعرف انو العمل كده ده هو ناذر) عندك شك انو العملو ده غلط والا لا ؟! الاجابة دي مهمة شديد يا الطاهر عشان الرد عليها سلباً أو ايجاباً عندي فيهو نضم.
عيد سعيد لك يا الطاهر
وللجميع هنا.
|
Post: #28
Title: Re: بورداب الخرطوم و الشجاعة غير المكتملة
Author: ناذر محمد الخليفة
Date: 12-31-2006, 02:40 PM
Parent: #1
يا سفيان ..
الكودين التلاتة الإنت جبتهم فوق ديل لمن انا كتبتهم كان قصدي النيك نيم بتاع بورداب الخرطوم ككل مش ناذر خليفة الحامل لي كلمة السر بتاع الإسم !!
صنفرة :
هسي لو إتفقنا وقلنا نكتب تحت إسم واحد تظل المشكلة قائمة :
في خان البروفايل نكتب ميل ولا إنثى ؟
الحالة الإجتماعية نكتب متزوج ولا ديفورسد ؟
ولا ما كدي ؟
|
Post: #29
Title: Re: بورداب الخرطوم و الشجاعة غير المكتملة
Author: Hussein Mallasi
Date: 12-31-2006, 02:54 PM
Parent: #28
تقدر تقول لينا يا ناذر ليه طلبت من بكري انو
يحذف البوست المكتوب باسم بورداب الخرطوم!
|
Post: #30
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 03:50 PM
Parent: #1
سفيان ...
عيدك سعيد جدا ..
ياسيدي ناذر غلطان وفايت الغلط بهناك ...
والمفروض كان يتعظ من صدام اللى استولى على سلطة و ثروة اهل العراق بدون وجه حق و استخدمها استخدام وصلوا للنهاية المحزنة ..
ناذر المفروض يتعظ .. ويبدوا لى اتعظ و قام اعتذر ...
وافتكر الاعتذار بيجب ما قبلو ..
وانتو بدل ما تبهدلوا في العيد ده حقوا تقبلوا اعتذارو و تخلو يفرح بباقي ايام العيد
والحمد لله انو هو استولى على اسمنا وكتب بيهو بس ... في ناس تانين بيعملوا بيهو وده البخلي ناذر احسن منهم رغم تصرفو ..
مش في السئ والأسوأ .. اهو ناذر سئ بس ...
و معليش ... تانى ما حيكرر و انتو حقوا ما تكرر العتاب ..
تحياتي و كل عام وانت بالف خير
|
Post: #31
Title: Re: بورداب الخرطوم و الشجاعة غير المكتملة
Author: Bakhaf
Date: 12-31-2006, 03:54 PM
Parent: #30
يعني هسع الترابي لو اعتذر عن السببه للشعب السوداني
خلاص .. الموضوع انتهى
الناس البتكتب عنهم في عموده سرقة واختلال وما ادراكما
لو اعتزروا خلاس موضوع وانتهى
انت ما شايل عموده وحايم بيه ما خليت زول ... والناس تصفق ليك
وكت غلط زول فردتك بقيت في الجوديه
هاهاهاهاهاهاها
والله لكن
شعب لذيذ خلاس
بالمناسبة ناذر زول حبوب ويستحق فرصة تانية وتالته وعاشرة كمان
|
Post: #32
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 04:10 PM
Parent: #31
بخاف ..........
والله دمعته من الضحك .......
لكن ناذر ده نعمل شنو ؟؟
ورطنا هنا وفرتق ....
غايتو على العموم الزول ده غلطان لكن ما بيشبه البهدلة دى كلها ...
عشان حاولنا نخفف عليه شوية ...
اصلو الود حساس شوية .. ولو العيار زاد اكتر من كده حينزل بوست استقالة من الموقع
يدك معاناضد عمايل ناذر وكمان ضد الهجمة الشرسة خاصة بعد الاعتذار .....
معليش . نسيت اقول ليك كل سنة وانت طيب
القابلة زى ما عايز ... مش زى ما عايز ناذر .....
|
Post: #33
Title: Re: بورداب الخرطوم و الشجاعة غير المكتملة
Author: saadeldin abdelrahman
Date: 12-31-2006, 04:16 PM
Parent: #32
ود حتتنا
| Quote: يدك معانا ضد عمايل ناذر وكمان ضد الهجمة الشرسة خاصة بعد الاعتذار |
وريني اعتذار ابو النيذ دا و ستجدني ان شاء الله معكم من الصابرين
كلو حاجة ولا "اخي في الطربوش" دا
|
Post: #35
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 04:40 PM
Parent: #33
ابو السعود ......
ياخى كل سنة وانت طيب ....... حتى العيد الجاب الناس ماجابك .. نزعل ونرحل ولا شنو .؟؟
| Quote: وريني اعتذار ابو النيذ دا و ستجدني ان شاء الله معكم من الصابرين |
هو اعتذر في بوست تانى ...... واحتمال يجى يعتذر هنا كمان ... طبعا لو ما خجلان وكدة ...
و لو جرجرتو برااااحة كان اعتذر من اول مداخلة ... لكن ناس سفيان وملاسي و بخاف بدو فيهو كفيت ....... عشان كدة اتاخر في الاعتذار .... شفت المكابرة دى كيف ..
وعيدك سعيد ....... ونشوفك في شارع 15 ...
|
Post: #34
Title: Re: بورداب الخرطوم و الشجاعة غير المكتملة
Author: Bakhaf
Date: 12-31-2006, 04:19 PM
Parent: #32
الطاهر انا زاتي نسيت اعيد عليك
عيييييد سعيد .. وعمر مديد .. وقلم جديد .. وحبر كتير ... ويكفيك شر البهدلة وكيفت العساكر السنة الجاية ... والقديم يكون كفارة وكده
اها كمان عشان تتكيف
يا جماعة ما تباركوها
اها كده كيف معاك
باقي انت زول قلمك سنين ما بنقدر عليه
|
Post: #36
Title: Re: بورداب الخرطوم و الشجاعة غير المكتملة
Author: الطاهر ساتي
Date: 12-31-2006, 04:49 PM
Parent: #1
بخاف ...
| Quote: يا جماعة ما تباركوها |
بسسسسسسسسسسسسسسسس .. ده الكلام الدايرين نوضحوا من الصباح ....
وصدقنى القصة دى لو ما كان فيها ملاسي كان باركوها زماااااااان ...
لكن حظ ناذر السئ رماه في بير غطايتها ملاسي ....
وربنا يكون في عونو .......
|
Post: #38
Title: Re: بورداب الخرطوم و الشجاعة غير المكتملة
Author: ناذر محمد الخليفة
Date: 12-31-2006, 05:31 PM
Parent: #1
بخاف وسعد الدين والطاهر ومن لف لفهم ..
أنا زول قرد ساكت لكن ناس سفيان وملاسي ديل نمور عدييييييل (ما من ورق) !!
تراني أروش وشليق ساكت وماخد الأمور بعفوية وبراءة زي القرد الأهطل دا :
|
Post: #39
Title: Re: بورداب الخرطوم و الشجاعة غير المكتملة
Author: عصام عبد الحفيظ
Date: 01-06-2007, 09:51 AM
اتذكرت نكتة
( القرد والاسد واللبوة )
ما عارف ليه !!!!!!!
|
Post: #40
Title: Re: بورداب الخرطوم و الشجاعة غير المكتملة
Author: عبد المنعم سليمان
Date: 01-06-2007, 01:07 PM
Parent: #1
ان ياتي اخيرا خير من ان يتاخر
( الاسد والقرد واللبوة)
عصام احكي لي قصة الاسد والقرد واللبوة انا عارف قصتها
كل سنة وانت طيب
منعم
|
|